رواية انتقام جارح الفصل الخامس 5 بقلم أميرة محمد
رواية انتقام جارح الجزء الخامس
رواية انتقام جارح البارت الخامس
رواية انتقام جارح الحلقة الخامسة
عند ريان دخل اوضته بعصبيه
ريم: ياخي هتولع في الاوضه مش كدا
ريان: ايه الى حصل تحت ده
ريم : ايه؟!
ريان: ماما؟؟!
ريم: اولادها معندهمش دم قلت اعوضها عن حنانهم
ريان: ريييم
ريم: نعم
ريان: مش عاوزك تختلطي بامي خالص فاهمه
ريم: امك دلوقتى افتكرت!
ريان بهدوء: ريم انتي متعرفيش عملت ايه
ريم قربت منه وحضنته وقالت: مهما كان الى عملته دي مامتك يا ريان النهارده كانت بتكلمنا وهي ندمانه بلاش تعمل فيها كده عارف يعني ايه يبقي ليك ام عايشه ومش مقدر النعمه هتندم صدقني بس مش دلوقتي… لما تسيبك وتفارق الدنيا ساعتها هتحس انك وحدك بجد انا متاكده انكم حاسين بوجودها حتي وهي بعيده عنكم لكن لو بعده بلا رجعه ساعتها بس هتعرف يعني ايه ام
ريان ضمها ليه اكتر وقال: بس.. بس دي باعتني عارفه يعني ايه كنت بعيط وبترجاها انها متمشيش وهي بكل قسوه تجري ورا الفلوس بس بس هوا ده كان هدفها وانا متاكد انها رجعت دلوقتي عشان بس جوزها سابها وملقتش فلوس قالت اروح للي معاهم
قاطعته ريم: ششش بلاها تخاريف الى انت متعرفهوش انها هي الى طلبت الطلاق
ريان بسخريه: ههه ودي بقا كدبه جديده ضحكت عليكم بيها
خرجت ريم من حضنه وقالت: ريان انت متعرفش حاجه للاسف
ريان: للاسف يا ريم انا اعرف كل حاجه اكيد انا مش بجبروت اني اكرهه امي بدون سبب او عشان بس سابتنا ومشيت انا عارف سبب ولا انتي ولا اسر ولا الجن الازرق يعرفوا تلاته بس هما الى يعرفوه بس مش هقولك مين ولو سمحتي بلاش تفتحي موضوع امي تاني عشان مقلبش عليكي
ريم باستغراب: سر؟! سر ايه
ريان: قلتلك متتكلميش في الموضوع تاني
ريم: حاضر بس ممكن طلب
ريان: اؤمري
ريم: ممكن تعامل مامتك كويس عشان خاطري
ريان: هوا انا مش قلت بلاش زفت كلام في الموضوع ده
ريم: يا ريان قصدي تحترمها بس.. دي لو قتلتك مش من حقك انك تعاملها كده او تغلط فيها
ريان بتنهيده: حاضر ها حاجه تاني
ريم: بكره تاخدني الملاهي
ريان: استغفر الله العظيم هو انتي عايزه تشليني النهارده قولى متخبيش
ريم بضحك: بهزر يا ابو يقين ايه مبتهزرش
ريان : ابو يقين !
ريم: اه منا بنتي هسميها يقين واذ كان عاجبك او غصب عنك مش هقبل باي اسم تاني
ريان قرب منها: اه طب لما تيجي يحلها الحللال
________________________________________________
عند اسر فتح الباب ودخل الاوضه واتصدم… لابسه فستان اسود قصير بحزام ، وفارده شعرها الاصفر الطويل وحاطه ميكب خفيف كان باين جمالها الى يسحر بمعني الكلمه
لسه واقف فاتح بوقه وبيبصلها بتفحص
اسيل : طب اقفل بوقك لتدخل فيه حاجه
اسر فاق: حسبي الله ونعم الوكيل حتا وانتي قمر دمك سم
اسيل قربت منو وحطت ايدها على شعره : انا دمي سم
اسر بدون وعي: دا انا الى مش بفهم دا انتي عسل
اسيل: ايه
اسر: احم، بقولك ايه
اسيل : قول
اسر مسك راسها وباسها على جبينها: نفسي ابقي اب
اسيل: وانا نفسي ابقي ام
________________________________________________
في الجنينه
خالد : بخ
خلود بخضه : بسم الله الرحمن الرحيم انصرفف
خالد بزعل: عايزاني انصرف يا جزمه
خلود: ايه الى نزلك متاخر كده
خالد باستغراب: المفروض انا الى اسال السؤال ده
خلود: مانت شايف الزفته اسيل والزفته ريم اتسرقوا مني وقاعده انا زي المطلقه مش عارفه انام
خالد : ههههه مانتي لو بنت رقيقه كان زمانك متجوزه
خلود: نعم؟! قصدك اني مش رقيقه
خالد: يعني انا لو قلت رقيقه هتصدقي
خلود: ههههه بصراحه لا
خالد: طب يلا غوري اتخمدي الجو بقا سقعه
خلود: لولا ان الناس نايمه مش عاوزه ازعجهم كان زماني ردحتلك
خالد بصدمه: تردحيلي ؟!
خلود: ههههههه وهي اول مره
خالد : شششش يلا تصبحي على خير
خلود: وانت من اهل الخير
________________________________________________
_ ايه هنسيبهم يتهنوا كده ونتفرج واحنا بنسقف
سما بغل: والله لهخده منها
هنا : خليكي كدا… كلو كلام
سما: هتشوفي
________________________________________________
تاني يوم عند اسر
_ صباح الخير
اسيل بنوم: صباح النور اطفي النور يعم
اسر : انتي لسه نايمه نمتي كتير علفكره
اسيل : مش مهم سيبني انام
اسر ضمها: طيب
اسيل مسكت وشه بإيدها : عاوزه انام بس متسبنيش
اسر بهدوء : عاوز اسالك سؤال
اسيل: قول
اسر: لي عملتي كده، متستغربيش من السؤال انتي مكنتيش موافقه ع الجواز قولى ليه
اسيل: ممم لو قلتلك بإرادتي انا هتصدق
اسر : لا.. ليه بقا
اسيل: مقلتلك دي ارادتي انا
اسر : طيب انا هنزل وانتي شويه وانزلى عشان الفطار
اسيل بنعاس : حاضر
________________________________________________
تاني يوم على السفره سما وهنا مكنوش قاعدين
فرح: صباح الخير
ريم وخلود : صباح النور
اسيل: صباح العسل ياعسل
ريان: صباح النور يا امي
اسر وخالد: صباح الخير
فرح بصت لاسيل وقالت بصوت واطي: هو ايه الى بيحصل
اسيل بصوت واطي : شكل ريم اثرت على ريان جامد
فرح: هههه معاكي حق بس شكلها مش ريم بس ده اسر كمان متغير
اسيل: ها متغير ازاى
فرح: يعني بردو في وحده اثرت عليه
اسيل : مين القادره دي
فرح: هههه ضحكتيني اه منك
اسر: في ايه ليكم تلت ساعات بتوشوشو بعض بتقولو ايه
اسيل: ها ولا حاجه ولا حاجه
اسر: مم طيب انا وريان وخالد مضطرين نسافر اسبوع شغل النهارده بالليل هنمشي
اسيل: ايه اسبوع
بصلها اسر اوي : وده يزعلك
اسيل بسرعه: اكيد لا انا بتاكد بس
ريان باس ريم من جبينها وقال: هتوحشيني الاسبوع ده
خلود: احم يعم احنا قاعدين خلي عندك حياء شويه
خالد: راعي شعور السناجل الى زينا
فرح بخبث : سبحان الله انتو اخوات وهما اخوات ورغم كده فيكم اختلاف من بعض اسيل شخصيتها زي اسر فاتجوزو وريم وريان نفس الحكايه واتجوزو وخالد وخلود…… (وسكتت)
خلود كانت بتشرب وبعدين بدأت تكح جامد ريم جابت ميه
ريم وهي كاتمه الضحكه : اشربي يختي اشربي بدل ما تروحي فيها
خالد كان باصص لخلود وبيفكر
اسر بخبث : ده شكل كلام امي عجب خالد اوي لدرجه انو بيفكر فيه
ريان بضحك : ههههه تلاقيه واقع اصلا
خلود بدأت تكح تاني
ريم: مخلاص بقا الميه خلصت
خالد: اا بقولكم هنتاخر ع الشركه يلا
ريان واسر بضحك: اه اتاخرنا يلا
________________________________________________
بالليل
خلود: يختااااي ايه الملل ده
سلمي: انتي دايما ملانه كده
خلود بخبث: عارفه انا بفكر في ايه
سلمي: يا ستير يارب خير
خلود : لا لا مش حاجه خطيره دا انا هروح ارخم على البت هنا بس
سلمي: مبلاش
خلود: بس يابت وانا هخاف مفيش غيرها الى هيكسر مللي
________________________________________________
في اوضه هنا
خالد: نعم كنتي عايزاني ليه
هنا: مفيش كنت عاوزه اعرف مرت عمي راجعه ليه يعني
خالد: هو ايه الى راجعه ليه ده بيتها
هنا: بيت مين انت نسيت الى عملته
خالد : بصي يا هنا مهما كان الى عملته دي امي ومش هسمحلك تقويني عليها عشان انا عارف الى في دماغك
هنا: خالد انت فاهم غلط انت عارف انها مش بتحبني وكده مش هترضي اننا نكون لبعض
خالد: ايه نكون لبعض دي انتي بتقولى ايه ؟!
هنا: ايه يا خالد مانت عارف وصيه جدي الله يرحمه
خالد بعصبيه : وانا مش هعمل بوصيه ولا زفت
الباب كان مفتوح وهنا شافت خلود جايه فحضنت خالد ودخلت خلود وهي ناويه ترخم على هنا واول ما شافتهم جريت لبره وخالد جري وراها
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية انتقام جارح)
