رواية دفئ يأسر قلبي الفصل الأول 1 بقلم مريم أشرف
رواية دفئ يأسر قلبي الجزء الأول
رواية دفئ يأسر قلبي البارت الأول
رواية دفئ يأسر قلبي الحلقة الأولى
طلعت من المطبخ ووقفت قدامه
هند بدموع: حرقته!
ياسر: ولا يهمك يا قلبي…المهم ان انتي بخير
هند: بس أهلك… أهلك جايين ومفيش أكل
ياسر بحب وهو بيمسح دموعها: اهدي… بسيطه هجيبه جاهز من بره… روحي انتي جهزي الأطباق على ما ارجع وراح فتح الباب…
هند: ياسر!
ياسر: نعم ياقلب ياسر؟
هند: بحبك
ياسر بابتسامه: أنا أكثر ومشي
فتحت الشبابيك وكملت تجهيز السفره…فجأه سمعت صوت الجرس
بفزع عدلت هضومها وبصت من العين السحريه ولقت حماتها وبناتها الاثنين…
اتنهدت بارتباك وفتحتلهم
ناديه: ايه؟!…مبتسمعيش ياهانم…. سايبانا كل ده ورا الباب؟!
آسيه بنتها: أكيد لسا صاحيه…حتى ريحة الطبيخ مبتطلعش!
سميه أختها: على رأيك ياختي
هند وهي مخنوقه منهم: اتفضلوا ادخلوا….البيت بيتكم…
ناديه بتكبر: وهي دي تحتاج مناقشه….بيت ابني…ادخل وقت مانا عاوزه!
آسيه: صحيح يا هند…..هو أبيه فين؟….حتى عربيته مش موجوده تحت
ناديه وهي بتبص على الأطباق: راح يجيب الأكل….ماهي الهانم مبتعرفش تعمل لقمه تتاكل
ضحكوا البنتين…
أما هند بحزن: عن إذنكم هجيب حاجه وارجع فورا
قالت كده ودخلت الأوضه وقعدت تعيط….هما ليه بيعاملوني وحش دنا حتى لسا عروسه جديده وبتعلم….حتى أمي اللي هتعلمني اتو*فت…
دور ياسر المفتاح ودخل ولقى والدته واخواته قاعدين بيضحكوا معرفش ليه حس بغصه….
السلام عليكم
كلهم: وعليكم السلام
بصت ناديه على الكيس اللي بإيده وقالت باستهزاء: هو كل يوم عالمنوال ده؟….يا حبيبي…فلوسك بتضيعها عالفاضي!
سميه: ماهو اللي مش بيسمع كلامك ياأمي…. ياما قلتيله اتجوز بنت خالتك ياسمين وهو ولا هنا متمسك بالدكتوره دي معرفش ليه دي آخرها تغسل مواعين ده لو عرفت أصلا ههه
آسيه: يييه!…. اسكتي يابت عيب
سميه: فين العيب في اللي قلته يعني… مانا بقول الحقيقه!
ياسر بعصبيه: ها خلصتو كلامكم اللي ملوش أهميه ده؟!….اتنهد وقال: حرام عليكم هند عملتلكم ايه عشان تقولوا عليها كده…. دي بتتعب أوي فيومها بين الشغل والبيت والتنظيف والتكنيس و الأكل والمواعين والغسيل و… لازم تقدروا شويه وتانيا هي لسا عروسه جديده… ده احنا لسا متجوزين من 3شهور تقريبا!
قال كده ودخل المطبخ …..كان فاكر انو هيلاقيها هناك بس لأ….. حط الأكل ودخل اوضتهم ولقاها بتمسح دموعها…
قرب منها وحضنها: اياكي أشوفك بتعيطي تاني أيا كان السبب لازم تكوني قويه وتدافعي عن نفسك ياهند
شهقاتها زادت…
ياسر بحب وهو بيدغدغها: مش يلا بقى الأكل هيبرد…
بعدت ايده وهي بتضحك: خلاص قايمه أهو…ابعد
في الصاله
سميه: سمعتوا اللي سمعتو…شكله بيرفع صوته علينا ولا ايه يا أمي…… البنت دي سيطرت عليه وغيرته علينا…
آسيه لسا هتتكلم….قاطعتها ناديه
ناديه: اسكتي انتي وهي وخلوا اليوم ده يعدي على خير!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية دفئ يأسر قلبي)
