رواية عشقت منتقبه الفصل الحادي والعشرون 21 بقلم وفاء رشدي
رواية عشقت منتقبه الجزء الحادي والعشرون
رواية عشقت منتقبه البارت الحادي والعشرون
رواية عشقت منتقبه الحلقة الحادية والعشرون
بعد ماتقلبت العربيه واتصابت رحمه فى دراعها وعادل أصابه خطيرة كان هيثم رجع بعربيته واتصل بالأسعاف والشرطة نقلوهم فى عربيه الإسعاف رحمه مع اخوها نقابها ولبسها كله بقي دم دم اخوها ودمها هي كمان الاتنين اتخلطو فى بغض وهم فى الأساس دم واحد
رحمه نسيت نفسها والجرح اللى فى دراعها مافيش غير اخوها اللى فى دماغها وبتدعي ربنا يقوم بالسلامه وكل شويه تتفحص قلبه وتعيط وصلوا المستشفي دخلوا عادل على طول على العمليات رحمه دراعها بينزف بس مش معاه خالص عايزة تطمن على اخوها
هيثم:-رحمه انتي بتنزفي
رحمه:-انزف ايه اخويا يا هيثم يارب يارب ماتورنيش فيه حاجه وحشه يارب
هيثم:-هيقوم بالسلامه بإذن الله بس انتي لازم دراعك يشيلو منه الرصاصة
رحمه:-اطمن على اخويا الأول وهي بتعيط
هيثم:-انتي اتجننتي يبقي كدا هتموتي يادكتور يادكتور
دكتور:-نعم
هيثم:-دي عندها أصابه فى دراعها وبتنزف الطريق كله
دكتور:-وريني كدا
رحمه:-لا اطمن على اخويا الأول
دكتور:-الرصاصة لازم تخرج حالا لو فضلت هتعمل تسمم
رحمه:-اطمن على اخويا
هيثم:-هتطمني عليه بس ارجوكي اسمعي الكلام
دكتور:-اتفضلي هنا وانا هاجي اخرجها لك
رحمه:-لا بستاذنك دكتوره هي اللى تخرجها لي مش حضرتك
دكتور:-احترم رغبتها وبالفعل نده على الدكتوره رهف لسه متخرجه جديد بس شاطره
دخلت الاوضه ومعها اتنين ممرضات بردو بنات وشالت الرصاصة من دراع رحمه ولفت دراعها بس رحمه متوترة على آخوها كل شويه للدكتوره يلا يلا
فى الوقت دا كانت حضرت ندى ومعها الحاجه عليه اللى هتموت خلاص وهي ست كبيره على أولادها وابنها اللى اتحرمت منه 7 سنين يحصلو كدا وكمان حضر وائل ومعاها هند خرجت رحمه من الاوضه
هيثم:-خليكي على السرير مرتاحة انتي تعبانه
رحمه:-هرتاح لما اشوف اخويا بخير
هيثم:-رحمه هيقوم بخير بإذن الله بس انتي نزفتي كتير ولازم تريحي
رحمه:-انا كويسه كدا من فضلك سيبني
هيثم :-حاضر وفضلت رحمه قدام اوضته العمليات هي وهيثم والحاجه عليه وندى وكلهم الحاجه عليه مافيش غير أنها ماسكه المصحف وبتقرأ قران وعيونها بتنزل دموع لوحدها وبتدعي ربنا يقوم بالسلامه ندى فى حاله عياط هستيريا
رحمه:-مصدومة لاهي بتعيط ولا هي بتقرا قران بس بتدعي ربنا يقوم اخوها بالسلامه
عادل فى العمليات حالته خطر خصوصا انهم اتنين مش واحده واحده فى حوض الميه تحت والتانيه جنب القلب اللى فى حوض الميه خرجوها الدكاترة الخطر اللى جنب القلب الدكاترة لو حاجه اتعملت غلط المريض هيضيع لو لمست الرصاصة القلب هيموت وكمان لو خرجوها غلط هيموت يعملو ايه وهي متمركزه فى مكان حساس عدت ساعه واتنين وتلاته وكله فى حاله ترقب وانهيار تام خير يارب خير
حاول هيثم معاهم على أكل بس مافيش حاول مع رحمه عشان الدم اللى نزفته مافيش استجابة خايف عليها يغمي عليها
5 ساعات وعادل تحت ايد الدكاترة فى العمليات …….
********************
فى مكان تاني تحديدا عند وليد عز لسه بيهيأ نفسه ينام رن الفون بتاعه بالخبر عرف الخبر ونزل جري على المستشفي اول ماوصل وشافه هيثم داخل عليه عند مكان الموجودين فيه عند العمليات راح عليه ومسكه من دراعه وعلى الحطه
هيثم:-أقسم بالله لو ليك يد فى الموضوع دا هوديك ورا الشمس
وليد:-بقي كدا يا هيثم انا اعمل كدا فيهم انا بدأت اتغير للاحسن والفضل بعد ربنا يرجع ليهم لو وليد بتاع زمان كنت قولتلك اه إنما وليد بتاع دلوقت لا لوفعلا زي منا كنت اشتركت مع رانيا فى اللعبه القدزة بتاعتها يوم الحفله بس انت شفت انا عملت ايه
هيثم:-انا بشك دلوقت حتي فى صوابع ايديه كله فى نظري مذنب ومن عمايلك اللى انا اعرفها لازم أشك
وليد:-كان زمان إنما دلوقت لا
هيثم:-هنشوف
وائل :-بس انتو الاتنين دلوقت هنعرف النيابه ماسكه الموضوع احنا فى مستشفى
هيثم:-ماشي بس يخرج بالسلامه
وليد:’انا اصلا مش هسكت وهعرف مين اللى عملها
كل دا بيحصل ورحمه فى دنيا تانيه غير الدنيا اعصابها بدأت تنهار
رحمه:-كل دا وقت عادل اخويا عادل
هند:-اهدي اهدي
رحمه:-اهدي ايه اهدي ايه هم بيعملو ايه كل دا جوة ياحبيبي يا اخويا يا حبيبي يا اخويا
ندى:-مش معاها غير العياط كل مايقرب منها وليد بتبعد لانها هي كمان شاكه ودا اللى حسه وليد عز طاب يثبت ازاي انه مالوش يد
النهار قرب يطلع عليهم واخيرا عادل خرج من العمليات كله جري على عادل
الدكتور :-الحمدلله عمليته نجحت
هيثم:-الحمدلله يعني مافيش خطورة يا دكتور عليه
الدكتور :-ادعوله أن يعدي 48 ساعه دول ع خير هو دلوقت هيروح ع العنايه وربنا يسترها معاه
هنا القلق زاد فى خطورة عليه لوعدي 48 ساعه على خير يارب يارب دخل العنايه وكلهم من برا موجودين
**********
فى مكان تاني تحديدا فى بيت مهجور على طريق صحراوي
واحد بيضرب التاني بالقلم بس حته قلم تخيلوووو كدا فرقع على وشه …..
……….:-غبي انت غبي انا قولتلك اخلص منهم كلهم تقوم واحد يكون سليم وكمان الاتنين المقصودين هي فى دراعها والتاني اهو خرج من العمليات انا كان لازم اعرف أننا مش معايا رجاله شويه عيال
……. :-مهو حضرتك احنا ضربنا نار وقلبنا العربيه قولنا تنفجر بس لحقهم اللى كان فى العربيه التانيه
……..:-عشان غبي يارتهم كانو ماتو هم الاتنين كانت فضلت ندى ودي كان الواحد سهل انه يرجع يضحك عليها تاني بكلمتين
…….:-خلاص ياباشا نموتهم
……..:-أخرس دلوقتي وشفلكم مكان ادارو فيه لحد مانشوف ايه اللى هيحصل وإياكم لو حد فيكم اتمسك يجيب اسمي فى الموضوع انتو سامعين
……:-ماتخافش ياباشا
###### مين دول #######
نرجع تاني للمستشفى كلهم فى حاله ترقب ورحمه خلاص فصلت لا هي مش فصلت هي من كتر الإرهاق والتعب اغمي عليها جري هيثم عليها يشيلها من الأرض بس كانت سبقته ندى ومسكت ايديه يعني انا اللى هشيل اختي الممرضة جابتلها سرير متحرك ونقلوها عليه بمساعدة هند وفوقتها الدكتوره وركبت لها محليل وشربت عصير بصعوبة بعد ما فاقت دخلها هيثم
هيثم:-ينفع كدا
رحمه:-اخويا ياهيثم اخويا دا سندي وضهري وبعد الغياب دا كله يحصله كدا
هيثم:-منا سندك وضهرك بردو وقرب منها يمسك ايديها شالت ايديها منه
رحمه:-هيث م ارجوك دا غلط وقبل مايكون غلط حرام انت مسكتها ولبستني خاتم وانا تغاضيت عن دا إنما لحد كدا وكفايه انا مش هسمحلك تاني حتي قعادك معايا هنا بردو حرام ارجوك
هيثم:-اوك ماتزعليش بس انتي عارفه هيثم ايه
رحمه:-انا بقول كدا عشان انا عارفه هيثم ايه وهو ايه عندي ارجوك انا دلوقت مافيش حاجه فى دماغي غير اخويا
هيثم:-أن شاء الله يقوم بالسلامة
رحمه:-يارب يارب
بالفعل خرج هيثم من عند رحمه واحترم رغبتها في گدا وان دا بالفعل هو الصح والشرع اللى نزله ربنا لا يخلون رجل بامرأة الا وكان الشيطان ثالثهما. ….
نرجع لعادل اللى مافيش أي استجابة منه ولا حركه فى العنايه ومركبين أجهزة كتير جدا فى جسمه وجسمه طبعا من فوق عريان وكله فى حاله ترقب وخوف يارب ياعادل دانت غلبان مالحقتش تتهني بحته القشطه ……هي فين مظهرتش لحد دلوقت اهي هتظهر
*********************
عند سمير فى الفيلا وتحديدا على 10 الصبح صحيت نسرين ومستنيه هيثم يعدي عليها ياخدها خصوصا انها اتخانقت مع عادل امبارح وروحت بدري
عشان يجي هيثم ماجاش وبعدين رنت عليه
نسرين:-سمسم انت فين
…….ايه بتقول ايه وامتي دا ….. طاب مستشفي ايه ….. طاب اقفل انا جايه
سمير :-خير يابنتي فى ايه
نسرين:-حادثة يابابا اتضرب عليهم نار بالليل رحمه اتصابت فى دراعها وهيثم مافيش حاجه عادل اللى بين الحياه والموت وقعدت تعيط
داليا:-ياحبيبي يابني
سمير:-لا حول ولا قوة إلا بالله ازاي دا
نسرين:-إصابته خطيرة انا لازم اروح المستشفي
داليا:-وانا معاكي
سمير:’يلا بينا معاكي العنوان
نسرين:-ايوة يابابا
بالفعل خرجوا كلهم وراحوا على المستشفي اول ما دخلت نسرين حضنت رحمه بس رحمه ولا هي هنا اخوها والأخ غالي غالي جدا
وشافت عادل شكله فى العنايه والأجهزة الكتير اللى حواليه وقعدت تعيط وتدعي ربنا انه يقوم بالسلامه وهي مش هتزعله تاني وهتلبس كويس وأي حاجه هتعملهالو هي زعلانه عليه وجدا كمان اول شخص تحس أنها بأمان معاه من خلال كلامه حتي لو كان خناق معاها ماكنتش تعرف أنه غالي كدا اوووووي عندها وصعب اوووووي عليها شكله كدا وهو تقريبا مغيب عن الوعي يارب يارب يشفيك ياعادل يارب
*********************
نرجع بتحديد عند عصمت الشهاوي وبنته
دخل عصمت على اوضة بنته رانيا من غير حتي مايخبط على الباب
رانيا:-بابا
عصمت:-ليكي يد فى اللى حصل
رانيا:-ايه اللى حصل
عصمت:-أقسم بالله لو ليكي يد فيها ماهدافع عنك ولا حتي إجبلك محامي هخليهم يحبسوكي عشان تتربي لأنك ناقصه ربايه
رانيا:-انت بتتكلم على ايه اصلا انا مش فاهمه حاجه
عصمت :-امبارح اضرب عليهم نار وهم راجعين من الشركه واتصابت رحمه فى دراعها بس اخوها عادل بين الحيا والموت
رانيا:-ايه بتقول ايه
عصمت:-يعني انتي عايزة تفهميني انك مش واره الحادثه دي
رانيا:-ابدا والله يابابا منا ولا أعرف حاجه وبعدين للدرجه دي تشك فى بنتك
عصمت:-للأسف اه من كتر ماعرفت باللي عملتيه لازم أشك
رانيا:-وانا عملت ايه
عصمت:-ولا حاجه لما تتفقي على حادثة عربيه لطليقك يبقي عادي ولما تحرقي مخازنه وتضربيه فى البورصه يبقي عادي والله أعلم ايه المستخبي
رانيا:-بعياط اه انا اعمل دا إنما قتل طبعا لا وعمري مشترك فى جريمه قتل
عصمت:-ياريت ياريت ما يكون ليكي يد بس أصابع الاتهام اول واحده هتشاور عليكي ومش بعيد يتهموكي كمان
رانيا:-ايه بتقول ايه
عصمت:-اللى سمعتيه انتي فى نظرهم كدا وماتنسيش انك انتي اللى بداتي بالعداوه معاهم عليه العوض ومنه العوض فيكي
وسابها وخرج
وهي فضلت فى عياط مستمر
مش عارفه ازاي تثبت انها مش هي اللى واره كدا
****************
نرجع لعادل المغيب عن الوعي تمام عدا اول يوم على خير وحالته مافيش جديد فيها وكلهم فى حاله توتر وخوف ندى عايزة رحمه تروح البيت تغير هدومها كلها دم ورحمه رافضة قالت اطمن الأول على اخويا وبعدين اشوف نفسي
الحاجه عليه حالتها حاله بس مافيش معاها غير العيون اللى بتعيط لوحدها نسرين يستحيل تتخلع من المستشفي وليد التاني مامشيش الدنيا اتعطلت كله مترقب عادل ووائل متابع التحقيقات مع النيابه ومافيش جديد اخدو أقوال رحمه وهيثم بس اللى عنده الخبر الأكيد عادل لأن هو اللى كان فى الناحيه اللى جنبهم وتقريبا شاف واحد فيهم وعادل مغيب مافيش حركه ياتري ياعادل شفت ايه
وفجأة يدخل مين عليهم محمد جوز ندى
محمد :-عادل الف سلامه عليك عادل بلهفه
كلهم بصو عليهم ومافيش أي استجابة من حد فيهم
محمد:-هو كويس
هيثم:-بخير
محمد:-عرفتو مين اللى عمل كدا
كلهم اتجهت عنيهم على محمد
وائل :-وانت بقي عرفت ازاي
محمد:-بارتباك ها … منشور الخبر فى الجرايد
وائل :-كدب مافيش أي أخبار منتشره لاني اتكلمت مع النيابه فى الموضوع دا وقدمت بلاغ فى أي صحفي هينزل الخبر انت بقي عرفت ازاي
محمد:-ها عرفت زي معرفت واحد حبيبي فى النيابه بلغني ومتاسف مش هقدر اقول اسمه
هيثم:-واحد زميلك قولتلي بقي
أصابع الاتهام إشارات الي حد تاني وهو محمد جوز ندى
محمد قرب من ندى ندى سابته ومشيت وليد ملاحظ الوضع ايه عايز ينسحب بس مش قادر عايز يعرف ندى هتعمل ايه مع طليقها
محمد كل مايقرب هي تبعد وأخيرا
ندى:-انت عايز ايه وجاي هنا ليه
محمد:-أقف معاكم
ندا:-احنا متشكرين ليك معانا اللى احسن منك
محمد:-بقي كدا يا ندى وانا اللى جاي عايز اصالحك
هناااااااااااااااااا بقي وقفت رحمه لانها كانت قاعده وماقالتش غير كلمه واحدة
رحمه:-برا
كله بص على رحمه ندى راحت عند أختها ووقفت يعني هي بتتحامي فيها كررتها تاني رحمه
رحمه:-براااااااا
محمد مش مستوعب
هيثم:-اتفضل لأن دي مستشفى محترمة
محمد:-وانا اللى مش محترم
وليد:-انت مش عايز تسمع الكلام ليه
محمد:-وانت مين بقي وايه اللى دخلك
ندى:-انت اللى مين وجاي هنا ليه امشي برا زي اختي ماقالت
وائل :-لو سمحت احنا ممكن نجيب الأمن لا أمن ايه احنا نجيب كمان النيابة اتفضل برا من غير شوشرة
محمد :-ماشي هتفضل هتفضل يارحمه هانم
وخرج محمد وهو بيتوعد لرحمه انا تعملي فيا كدا وانتي ياندى يطلعلك صوت منتي مستقويه بيها ماشي ان مامسحتها من على وش الأرض خالص مابقاش انا محمد وحقي عندكم لازم يرجع
********************
يخربيتكم كله بيقول ليا حق عند رحمه حق ايه هي عشان الواحده مايكونش معاها راجل الأول تبقي حاجه مباحه عندها حتي الراجل لما جه بردو حق ايه الناس الحقوديه دي للعلم فى ناس بالفعل كدا واكتر كمان من كدا
********************
نرجع كمان تاني لعادل اللى فى المستشفي
جه تاني يوم على عادل وبردو مافيش أي استجابة مغيب يارب وبعدين ياعادل عدي اليوم التاني وأخيرا عادل بدأ يفتح عنيه والدكتور جنبه اول مافتح عيونه الدكتور عمل بايدة كدا?للبرا وشايفينو من القزاز الحمدلله مرحله الخطر عدت على عادل وهو فاق بس بردو لسه ببرجع ينام تاني أخيرا حمدت ربنا رحمه أن اخوها الحمدلله والحاجه عليه صلت لله صلاه شكر وبدأوا يفرحو خلاص عادل رجع تاني ونسرين أخيرا فتح عيونه امتي تقوم بالسلامه وترجع تاني تتخانق معايا وحشني خناقك
روح وائل على بيته وروحت معاها الحاجه عليه ورحمه وفضلت ندى فى المستشفي جنب اخوها ووليد عز كان بيروح ويجي عليهم وهيثم التاني روح غير هدومه لأنه مش هيسيب عادل لوحده هيبات معاه غيرت رحمه هدومها وهي اصلا تعبانه بس بتكابر لأن تعبها مايجيش حاجه فى اللى فى اخوها من ألم عادل يفوق ويرجع ينام تاني وأخيرا فاق شاف اللى قدامه كانت ندى ونسرين ابتسمت نسرين انه خف
عادل:-ااااااااه
ندى:-بالراحه ياخويا الف حمدالله على سلامتك
عادل:-الله يسلمك ياقطتي
نسرين:-كدا تخضنا عليك بعد الشر عنك
عادل:-هو انتي بتعرفي تتخضي
نسرين:-أخص عليك حتي وانت تعبان رخم
عادل:-ههههه اه
ندى:-منا قولتلك ارتاح
عادل:-فين رحمه طمنيني عليها
ندى:-رحمه من يوم اللى حصل لسه دلوقت اللى سابت المستشفي وراحت تغير هدومها اللى بيها من يوم الحادثه اتصابت فى دراعها
عادل:-ايه وأخبارها ايه
ندى:-بالراحه اهدي الحمدلله كويسه هي هتغير هي ووالدتك وراجعين تاني
هنا دخل وليد عز
وليد:-الف حمدالله على السلامه يا وحش الصعيد بقي كدا يابطل
عادل:-الله يسلمك
عادل:-شد حيلك كدا وارجع احسن من الاول
***********************
جت النيابه أخدت أقوال عادل ووصف الراجل اللي شافه بس الرؤيه كانت مشوشه لأنهم كانوا بالليل
*********************
هناك بقي عند وائل
بس قبل مانروح لوائل
رجع وائل البيت
هند:-اخباره ايه
وائل :-الحمدلله عدا الخطر
هند:-الحمدلله ماعرفتوش مين
وائل :-لسه النيابه بتابع والله الواحد احتار دي مدبرة واللى دبرها عارف ان رحمه مع عادل فى عربيه واحده وكان قاصد الاتنين أو قاصد رحمه بس إنما هيثم لا
هند:-بتشك فى حد معين
وائل :-هو واحد بس دول كتير
هند:- زي مين
وائل :-بشك فى رانيا
هند:-ماعتقدش
وائل :-بتقولي ليه كدا دا هي أول واحده انتي ماشفتيش اللى عملته واللى لسه هتعمله
هند:-بص رانيا انا عاشرتها وفهمت طبعها ايه بس أنها توصل لقتل لا
وائل :-ممكن
هند:-ومين تاني
وائل :-كنت بشك فى وليد عز بس لو هو فعلا ماكنش جه المستشفي انا حاسس انه بدأ يتغير للاحسن
هند:-امال مين طيب
وائل :-النهارد انا شكيت مش شكيت بس دانا اتاكدت منه أنه هو اللى واره دا على حسب خبرتي
هند:-مين
وائل:- محمد طليق ندى خصوصا أنه عايز ينتقم منها
هند:-وشكيت ازاي بقي
وائل :-جه المستشفي ولما سالناها عرفت ازاي قالي الخبر فى الجرايد مع اني عامل بلاغ مقدم فى أي صحفي ينشر الخبر كفايه اللى على السوشيال والكلام اللى طلع قالي واحد صاحبي فى النيابه وانا الحمدلله كل اللى فى النيابه أعرفهم ولو فى عرف المستشفي ازاي كل دي اسئله
هند:-بارتباك ومعرفتوش مين اللى واره السوشيال
وائل :-لسه بس انا مش هسكت ولما اعرفه مين هقدم فيه طعن واعمله قضيه قذف دول قذفو المحصنات والله انا ماعارف ليه كل دا بيحصل مع رحمه يعني قست كتير فى حياتها ولما حبت ترتاح يحصل دا كله
هنا بقي عيطت هند
وائل :-هند مالك ياقلبي بتعيطي ليه
هند:-فى موضوع عايزة اتكلم معاك فيه .
عادل:-خير فى ايه
هند:-موضوع السوشيال
وائل :-مالو
هند:-خايفه أكون أنا السبب
وائل :-ايه ازاي يعني فهميني اكتر
هند:-لما أخدت رحمه عند دعاء صحبتي صاحبه البيوتي سنتر قبل الحفله
وائل :-دعاء كملي كملي
هند:-بعدها انا رحت لدعاء عادي زي مابروح بس لوحدي فتكلمنا مع بعض وكلمتني عن رحمه انها جميله جدا بس عيونها حزينه ايه سبب الحزن
وائل :-روحتي انتي طبعا قولتلها أن رحمه كذا وكذا وحكيتي قصه حياتها لوحده زي دعاء
هند:-ابدا والله انا كل ال قولته أنها كانت متجوزة وجوزها وأطفالها ماتو بس ماوضحتش
وائل :-دعاء ياهند دعاء كام مرة احذرك منها أنها مش تمام بس انتي عاملاها صحبتك ومش بتخبي عليها حاجه كام مرة اقولك أنها زي مابتحكي معاكي بتحكي مع غيرك وزي مابتاخد منك بتاخد من غيرك وزي مابتحكي لكي عن غيرك بتحكي للغير عنك دي واحده فاتحه بيوتي سنتر يعني كل البلد عندها ولازم تكون حبيبة الكل بس انتي طبعا لااااا ازاي دي حببتي انا بس طبعا أخدت منك القصه وكملو عليها دول جايباني ياهانم أن مصدر ثروتها دا أنها كانت قوادة عارفه يعني ايه قوادة يعني بتاجر فى البنات عشان كدا عملت الثروة دي بسرعه
…….
انهارت هند فى العياط
هند:’انا ماكنتش اعرف ان كل دا هيحصل والله ما اتكلمت معاها فى حاجه حاجات بسيطه
وائل :-انتي ياهند أخص عليكي دانتي فى عز ماكنتي عارفه ماقولتيش لحد ولا انا حتي اللى اسمي جوزك كدا
هند:-انا مقصدش حاجه والله انا أسفه أسفه
وائل :-هيفيد بأيه الأسف كل مرة اسامحك وأقول تعقل بس المرة دي غير كل مرة انتي خنتي البيت اللى اكلتي فيه عيش وملح خنتي ثقه رحمه فيكي رحمه ماتستاهلش أن كل دا يحصل فيها رحمه كانت مداريه عن الكل وياريتها فضلت مداريه خساره ياهند خساره
هند:-وائل احلفلك اني بجد مقصد حاجه ومعرفش إذ كانت هي السبب ولا لا
وائل :’اكيد هي وانا اعرف كل حاجه بس لو فعلا يبقي انا هعمل الإجراءات ضددك انتي كمان لأن دا حق ولازم يرجع وانا اللى بطبق القانون ولو انا أخطأت يبقي اطبقه على نفسي الأول وسابها وخرج
وهي فضلت فى حاله عياط هستيري بتفكر مع نفسها أن رحمه لو عرفت أنها هي السبب ممكن ماتسمحهاش أنا فعلا خنت الثقه
**********************
نرجع لعادل اللى صحته بدأت تتحسن كل يوم عن اليوم اللى قبله وفى ليله كلهم موجودين وبيتكلم عادل وهيثم مع بعض على اللى حصل وبعدها على الفرح اللى رحمه مش موافقه على الجواز دلوقت
هيثم:-اه ياقلبي بردو كدا ماينفعش
رحمه:-مافيش جواز دلوقت انت سامع
هيثم:-لا بقي
رحمه:-نعم بقى
هيثم:-ويهون عليكي هيثم ياروح هيثم
رحمه:-بقولك ايه انا مش بحب الكلام دا وكفايه منه احسنلك
هيثم:-لا بقي مش كفايه انك مش عايزة تخليني اشوفك فين الرؤيه الشرعيه
رحمه:-بقولك ايه احنا لسه فيها شوف مش هتشوفني غير يوم الفرح هو دا اللى عندي
هيثم:-بقي كدا شايف اختك ياعادل
عادل:’اختي دي هنا عندي وشاور على قلبه تعمل اللى هي عايزاه واللى تقول عليه يمشي
هيثم:-بقي كدا لا هي عندي انا
عادل:-بقولك ايه هو انا عشان ساكت لك هتزود فيها انت عارف انا بحبك اد ايه بس ماينفعش كل شويه الكلام دا راعي وجودي يا هيثم عشان مازعلش منك
هيثم:-بس بس ياعم انت واختك عليا والله انا بهزر معاها مش اكتر انا عارف حدود الشرع كويس جدا ودا مجرد ضحك وانت عارف هيثم ايه
عادل:-منا عشان عارف هيثم ايه وبحترمه اد ايه عشان كذا بقوله
رحمه:-تستاهل
هيثم:-طاب شايف مين دلوقت اللى بيجر الشكل
عادل:-ههههه دي رحوووم على راحتها ياعم انت
هيثم:-ماشي ياعم
وفضلو يتكلمو كلهم مع بعض وبعدها جه وائل عليهم واتكلمو فى القضيه مع بعض وأنهم قربو يوصلو للعمل كدا مع الوصف اللى عادل قاله
وبعدها كلهم كل واحد على بيته بس هيثم مع عادل مش بيسيبه معاه فى الاوضه بعد مامشيو
عادل:-هيثم
هيثم:-عيون سمسم
عادل:-ماتزعلش مني بس انا حبيت اوضحلك أن انا ساكت بمزاجي عشانك والله لاني عارفك
هيثم:-وانا والله عارف ومش زعلان منك ولا من رحمه عمري مزعل منكم دانتو أهلي دلوقت بصراحه كمان انا زودتها عايز بس اوصلها حبي ليها شكله ازاي
عادل:-وهي والله عارفه
هيثم:-ماتحنن قلبها عليا شويه على موضوع الزواج دا
عادل:-والله حاضر من عنيه بس أخف وأخرج من هنا
هيثم:-أن شاء الله
وعدت الليله ونامو
بس قبل الفجر بساعه حصل شئ غريب
عادل مركبين له محاليل طول الوقت عشان تعوض اللى فقدة من دم
حس هيثم بحركة غريبه فى الاوضه فتح عنيه واتفاجأ باللى شافه ……….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
