رواية عشقت منتقبه الفصل الثامن عشر 18 بقلم وفاء رشدي
رواية عشقت منتقبه الجزء الثامن عشر
رواية عشقت منتقبه البارت الثامن عشر
رواية عشقت منتقبه الحلقة الثامنة عشر
بعد ما وليد عز راح لرحمه البيت يطلب ايدها للجواز وصادفه هيثم بيقول كدا ومسكه من ياقة قميصه
هيثم:-انت بتقول ايه انت اكيد اتجننت
وليد:-مالك ياهيثم فى ايه
خلعه عادل من وليد بصعوبة
هيثم :-انت اتجننت
وليد:-هو الجواز جنان وبعدين انت مالك مش البيت فى راجل اهو
هيثم :-لا دانت اتجننت رسمي
عادل:-اهدوا بس اهدوا مش كدا
وليد:-رد عليا يا عادل باشا
هيثم :-أقسم بالله لو ماسكت. …
عادل:-اهدى
هيثم:-انت مش شايف استفزازه
وليد:-انا عايز اعرف انت مالك
هيثم:-انا كنت شاكك أن فى حاجه مجيك عندهم كل شويه عشان كدا منعتك انك تيجي
وليد:-هو الجواز حرام
هيثم :-دونا عن كل اللى تعرفهم وبتقابلهم ماتختارش غير دي
وليد:-حبيتها
هيثم :-أخرس
وليد:-انت مالك
هيثم:-دي خطيبتي يا عز
وليد:-اتصدم ايه خطيبة مين
هيثم :-اللى سمعته خطيبتي
وليد:-حقيقي الكلام دا ياعادل باشا
عادل:-هيثم أتقدم لرحمه بالفعل
وليد:-وهي وافقت
عادل:-لسه الرد
وليد:-يبقي احنا لسه فيها
هنا فقد اعصابه هيثم وجاب وليد من رقبته
هيثم:-انت بتقول ايه انت متخيل أن واحدة زي رحمه ممكن تقبل بواحد زيك
وليد:-ومتقبلش بيا ليه ناقص ايه عنك
هنا رحمه نزلت من اوضتها
رحمه:-لو سمحتوا
كلهم بصو عليها
رحمه:-اولا المفروض انا مانزلش وماجيش هنا لأن البيت دا ليه راجل والراجل اهو معاكم
ثانيا .انا ليا الحق أن أقبل أو ارفض
ثالثا.انا مش لعبه مابينكم تتخانقو عليها مين اللى ياخدها
رابعا .ودا الأهم أنا رفضاكم انتوا الاتنين ومش هوافق على حد فيكم
وسابتهم وطلعت
هنا هيثم مسك وليد ونزل فيه ضرب خلعه عادل
هيثم:-كله منك طلعتلي منين انت
وليد:-انا مالي بيك انا معرفش حاجه انا كل اللى فيها لقيتها محترمة يمكن انا عصيت ربنا كتير وكنت عايز واحدة زي كدا ترجعني تاني وتعرفني ربنا انا مغلطش لما أعجبت بيها لانها شئ نادر انا بدور على حد يعيني على الرجوع لربنا وسابهم وخرج
هيثم :-بيشد فى شعره عايز يتكلم مع رحمه ورحمه رفضت أنها تتكلم معاه
عادل:-اهدي اهدي دلوقت تروق رحمه وانا هكملها
هيثم:-لو جد الكلام اللى قالته رحمه انا ممكن اروح فيها انا عايش على أمل أننا هنكون لبعض انا مقدرش أعيش من غيرها وبعد الأيام
عادل:-اهدي وكله خير هي اكيد زعلت من اللى حصل لانها مش كدا وبعدين هي مش ذنبها أن حد يحبها أو يعجب بيها دي اختي وانا عارفها مش بتاعة مياعه ودايما الشباب بيميل للمحترم مهما يلف ويدور زيك انت كدا حبتها من غير ماتعرفها
هيثم :-انا مش حبيتها انا عشقتها انت سامع انا بعشششششششششششششقها
عادل:-ربنا يسترها
هيثم:-يارب
*********************
كل دا وندى كانت متابعه الحوار وصعب عليها وليد انسان عايز يتوب المفروض نساعده حتي لو مش هنوافق عليه بس نتكلم كويس
********************
نرجع للمطار سمير استقبل داليا بس وحدها من غير نسرين عندها آخر امتحان هتخلصه وترجع
راحوا الفيلا عند هيثم لحد مافيلتهم تتوضب
هيثم:-فى حاله يرثي لها بس استقبل مرات عمه اللى هي فى مقام والدته واتكلموا كتير مع بعض وسمير حكي لداليا عن رحمه وداليا فرحت بكدا بس شايفه هيثم مهموم
سمير:-مالك يابني
هيثم:-ها …… ولا حاجه
داليا:-ايه اللى واخد عقلك ياسمسم
هيثم:-مافيش
سمير:-ازاي دا دي رحمه قاعده ومتربعه جوه اهي هو فى غيرها
بص هيثم للأرض
سمير:-مالك فى ايه
هيثم:-رحمه رفضت الجواز بيا
داليا:-ايه انت بتقول ايه
سمير:-ازاي دا هي ردت عليك
هيثم :-قالتلي من شويه
سمير:-احكيلي اللى حصل
حكي هيثم اللى حصل معاهم واللى عمله وليد عز
داليا:-ايه لعب العيال دا دا جواز هي لعبه
سمير:-وهتعمل ايه
هيثم:-مش عارف عادل بيقولي اصبر عليها هي زعلت
داليا:-هي بتحبك
هيثم:-ايه مش عارف
داليا:-انت اتجننت كل دا ومتعرفش إذ كانت بتحبك ولا لآ وطلبت ايديها من غير ماتعرف
وقالت لسمير جوزها : وانت رحت معاه وانتوا مش عارفين موقفها ايه دا انتوا حتي مع بعض فى شركه واحدة ماحستش حتي بحبها ليك
هيثم:-لا حسيت بس هي خجوله جدا طبيعي أنها مش هتقول
داليا:-تمام سيب الموضوع دا عليا انا جيت خلاص
سمير:-هتعملي ايه واهدي احنا عايزين نرجعهم لبعض
داليا:-وانت شايفني هعمل ايه بس انا عايزة اقابلها ممكن
هيثم:-أن شاء الله
……
عند رحمه فى الفيلا محدش قادر يقرب منها خالص شافها عادل بس ماتكلمش معاها فى حاجه بيطمن على أخته وهي دي الأخوة
***********************
تاني يوم الصبح كان متخيل عادل أن رحمه مش هتروح الشركه بس العكس صحيح بس ماردتيش تركب مع هيثم جاب عادل تاكسي وفى نفس اليوم اشتروا عربيه
فى الشركه مافيش أي كلام بين هيثم ورحمه قدام منه بس مش عارف يتكلم
فى الوقت دا راحت داليا عند الحاجه عليه وشافتها شافت اد ايه هي انسانه بسيطه جدا مختمره بس ماخطرش على بالها أن رحمه تكون منتقبه وشافت ندى افتكرتها رحمه بس فهموها أنها ندى أختها وقعدت احلي قاعده معاهم ناس روحها حلوة وتتحب وعرفت أن رحمه مع هيثم فى الشركه خمنت انه ممكن يكون كلمها بس تخمنها غلط هيثم مش قادر أو بمعني أصح مش لاقي قبول من رحمه وعدي اليوم وجه تاني يوم ونفس الشئ حصل مش عارف يتكلم وهي كل مرة بتبعد جه الليل وجت داليا تشوف خطيبة ابنها وإتفاجئت برحمه منتقبه مش حتي محجبه لا منتقبه وداليا حتي مش محجبه شالت رحمه النقاب وانبهرت داليا بجمال رحمه
داليا:-اووبا الله دا بقي هو فى كدا عشان كدا لبستي النقاب دا انتي فتنه يابنتي
رحمه:- مش للدرجه هو انا حبيته لبسته بس
داليا:-لا ابدا دا انتي قمرداليا:-لا ابدا دا انتي قمر
واتكلمو كتير مع بعض وفرحت داليا برحمه ودماغ رحمه وعرفت هيثم بيعشقها ليه بس ماتكلمتش معاها فى حاجه حبت أنها بعد يوم واتنين لحد ماتاخد عليها اكتر
كل يوم بيعدي رحمه بتبعد اكتر عن هيثم وهيثم هيتجنن اللى كان خلاص الموضوع خلص دلوقتى يبعد رحمه ركزت فى الشركه والشغل مع بعض هي وعادل وهيثم رجعت الشركه احسن من الاول وكملوا المصنع مع بعض بس كل واحد فيهم فى ناحيه هند مش عارفه تعمل ايه لهيثم والأيام بتعدي ويوميا داليا لازم تروح عند رحمه
عدى 20 يوم على كدا هيثم يمكن مات فيهم اكتر من مره حب عمره قدامه ومش عارف حتي يبصلها لا دا كدا كتير انا لازم احط حد للوضع دا خرج هيثم من مكتبه متوجه على رحمه وكان معاها عادل عادل فهم هو جاي ليه
هيثم:-رحمه
رحمه:-من 20 يوم فاتو اول مرة تبص لهيثم ياااااااااه عيونك اللى لسه ماستوتش دي كانت وحشاني اوووووي نظره الحب دي مفتقدها
رحمه:-نعم فى حاجه حضرتك
هيثم:-وحششششششششششششتيني
عادل:-احم احم
هيثم :-اسكت انت
رحمه:-لو سمحت دا مكان شغل
هيثم :-اعمل ايه وحششششششششششششتيني
رحمه:-تاني
هيثم :-تاني وتالت لحد مليون انا مش بحبكككككككككك ولا بعشقككككككككككككك انا دلوقت بتنفسك عارفه يعني ايه دا
رحمه:-لو سمحت مالوش لزوم الكلام دا كل واحد راح لحاله وكل حاجه نصيب
هيثم :-لا مافيش كدا انت سامعه قولتلك قبل كدا طالما مافيش حد فى حياتك يبقي انتي ليا سامعه
رحمه:-انت بتقول ايه
عادل:-هيثم دي مش طريقه حوار انا لحد دلوقت بحترمك ومش عايز اتدخل مابنكم بس راعي وجودي
هيثم :-عادل انا سبق وقولت لك اني بحبهاااا وعايز اتجوز ها
رحمه:-وانا رديت عليك اني مش موافقه
هيثم:-ممكن اعرف السبب
رحمه:-السبب واضح انا مش لعبه فى ايد حد بتتخانقو عليا كأني لعبه والاختيار فى الاخر يرجع لي
هيثم :-مين قال كدا انا كنت بتخانق معاه انه جاي يطلب ايدك لأنك بتاعتي انا وانا اللى بعشقككككككككككككك إنما هو ايه وجه الحق في كدا
رحمه:-هيثم ارجوك انا رفضاكم انتو الاتنين
هيثم :-بقي كدا يبقي صح
رحمه:-صح ايه
هيثم :-اني فارض نفسي عليكي وانتي مش بتحبيني
سكتت رحمه
هيثم:-ماتردي يبقي صح عموما انا بتمنالك السعادة من قلبي مع شخص اللى انتي تختاريه عن اذنكم وسابهم وخرج
رحمه فى اللحظه دي كانت عايزة تقوله استني ماتمشيش انا مش بس بحبكككككككككك انت كل حاجه عندي انت اللى رجعتني تاني للدنيا انت اللى خرجت رحمه انت اللى حسستها أن ليها قلب ولسه عايش انت اللى هي اختارتك من وسط الكون كله ونفسها تكمل عمرها معاك أنا مش بس بحبكككككككككك ولا بعشقككككككككككككك انا بتنفسكككككككككك
عادل:-ينفع كدا
رحمه:-عادل ارجوك
عادل:-هيثم بيحبكك
رحمه:-عارفه
عادل:-امال مالك انا مش عايز اتكلم معاكي فى الموضوع دا من يومها مستنيكي تهدي وكل اللى قولتيه دا مش مبرر
رحمه:-بدموع فى عيونها خايفه
عادل:-ايه خايفه مالك ياقلب اخوكي
رحمه:-مش عارفه انا خايفه وخايفه جدا كمان
عادل:-ايه اللى مخوفك كدا
رجمه:-اني أدخل ايه علاقه مش مستوعبه أن حد يلمسني هو دا بس قالته رحمه ماوضحتش وعادل فهم وانا مش هوضح وانتو اكيد فهمتو
عادل:-سيبيها على الله ياقلب اخوكي
رحمه:-ونعم بالله انا مش عايزاه يتعلق بيا اكتر من كدا يدور على حد غيري هو يستاهل احسن مني
عادل:-وانا مش شايف حد احسن منك وهو كمان مش شايف كدا
رحمه:-ربنا يكرمه ويلاقي
عدا اليوم وكل واحد فى بيته وبالأخص في اوضة رحمه نادرا لو خرجت من الاوضه وهيثم زيها وبتعدي الأيام على الاتنين وكل واحد. فيهم فى شغله وكل واحد بيتعذب لما يشوف التاني ومش قادر حتي يكلمه أصعب نظرات على العشاق نظره لقاء وبعد وهي دي اللى كانت مابينهم ملتقين مع بعض بس بعاااااااااد عن بعض بتقعد فى مكتبه ويمسك فونه اللى هو نسخه من فون رحمه لما جابلها الفون فى الاول هو كمان جاب لنفسه واحد وبيشوف كل الصور اللى مع بعض جمعتهم فى الشركه فى المكتب ويوم مامضو عقد الشراكة اللى كان احلي يوم ونرجع تاني شويه ورا من غير رحمه ماتعرف يوم سبوع اياد ابن أختها اخدلها كام صورة وهي متعرفش وكل دا محتفظ بيه ونفس شكله الجديد فى الصورة هي دي حالته كل يوم وكل يوم بيدبل فيه عن اليوم اللى قبله وهي كمان رجعت تاني انطوائيه وتحب تقعد مع نفسها والاثنين فى حاله ضياع رحمه عايزة تقرب وخايفه وهو مش عارف ايه اللى فيها مش معقول ماتكونش بتحبني واحساسي دا ايه اللى بيعشق بيحس بحبيبه وانا بحسها فى كل حاجه الحب الطاهر بيتولد فى النور عشان كدا بيبقي محسوس الاتنين بيحسو ببعض فى أقل حاجات ودا اللى كان حاصل معاهم عشان كده الاتنين تعبانين. ………. ياتري مين اللى هيخرجهم من دا ……
************************
نقلت داليا فيلتها هي وسمير بعد ماتوضبت
…………Halo
داليا …. نسرين
نسرين:-مامي
داليا :-وحشتيني ياحبيبيتي
نسرين:-وانتي كمان مام
Haw are you
داليا:-بخير هتيجي امتي
نسرين:-لسه مام
داليا:-مش خلصتي
نسرين:-Yas
داليا:-طاب ايه
نسرين:-هعمل شوبنج مام وارجع 2 Days mam
داليا:-ماشي خلي بالك من نفسك
نسرين:-Thanks mam
قفلت الفون مع نسرين
سمير:-هترجع امتي مش خلصت
داليا:-هتعمل شوبنج وترجع يومين يا سمير
سمير:-ماشي خلاص لما نشوف
داليا:-أخبار هيثم ايه نسيت موضوعه مع رحمه وانشغلت فى الفيلا
سمير:-على حاله مافيش أي كلام مابنهم وهي رفضته
داليا:-ازاي دا الواد بيحبها
سمير:-هو بيحبها إنما هي لا
داليا:-هي قالت كدا
سمير:-مش بالظبط بس أفعالها بتدل على كدا
داليا :-تمام
********************
عند رحمه فى الفيلا
رن الجرس وكالعادة كانت داليا
داليا:-ممكن اتكلم مع رحمه شويه هي فين
الحاجه عليه:-فى اوضتها تقريبا مش بتخرج
داليا:-ممكن اطلع لها
الحاجه عليه :-اكيد اتفضلي
طلعت داليا لرحمه اوضتها اول ما دخلت قعدت جنب رحمه على سريرها
داليا:-بتحبيه
رحمه:-مش بتنطق
داليا:-هو بيعشقككك
رحمه:-مافيش أي استجابة منها بس سامعه الكلام
داليا:-هتفضلو كتير على كدا
رحمه:-كل شئ نصيب
داليا:-ونصيبكم مع بعض
رحمه:-لا هو يستاهل واحده احسن مني
داليا:-مافيش احسن منك
رحمه:-لا فى الدنيا مليانه يدور يتجوز بنت عمه
داليا:-هههههه ضحكتيني نسرين دول يابنتي أخوات متربين مع بعض ويستحيل يفكرو انهم يتجوزو بدليل أن هيثم اتجوز
رحمه:-بس فى غيري كتير
داليا:-انتي ايه ماسكه فى غيري فى غيري هو مش شايف غيرك انتي سامعه وانا عايزة اعرف فى ايه منتو كنتو كويسين
رحمه:-مافيش حاجه حصلت
داليا:-لا فى اتغيرتي ليه كدا
رحمه:-هو متمسك ليه بيا ها عايزني ليه انا يستحيل اني اتجوز تاني أو حد يلمسني تاني
داليا:-سمعت كلمه تاني يعني ايه انتي مش بنت
رحمه:-هو انتي متعرفيش حاجه
داليا:-اعرف ايه انا مش فاهمه
رحمه:-حط ايديها عى شعرها روحي لهند وهي تقولك
داليا:-تقولي ايه وعلى ايه هو فى ايه
رحمه:-فى كتيييير وعلى ماعتقد انك لو عرفتي هتغيري كلامك
داليا:-انا عايزة اعرف منك فى ايه
رحمه:-بعتذر منك اتفضلي روحي لهند وبلغيها أن انا اللى طالبه منك كدا انك تقولي لها حكايتي
داليا بالفعل خرجت من عند رحمه وهي بتضرب اخماس فى اسداس معني كلام رحمه ايه وتقصد ايه بتاني ممكن يكون ليها ماضي ولا كانت مطلقه ولا ايه حكايتها راحت على سمير الأول تفهم سمير التاني مايعرفش حاجه اتخانقت معاه انه طاوع هيثم وراح خطبها فى الاول من غير مايعرف حاجه عنها عدت الليله على داليا وهي ناااااااااااااااااااااااااااااااااااار
تاني يوم الصبح كانت عند هند فى البيت وقالتلها اللى حصل هند مترددة تقول ول لا
داليا:-بقولك ايه انتي كمان انا مش كورة هتلعبو بيها انا ست كبيره فهموني
هند:-حاضر حاضر يا طنط
وبدأت هند تحكي قصه رحمه وكل اللى مرت بيه واللى احنا عرفناه فى الحلقات اللى فاتت وداليا فى حاله ذهوووووول وكل يوم الفجوة اللى بين هيثم ورحمه بتزيد وبيبعدو عن بعض اكتر كل واحد همه فى الشركه لما تكون متعود على الشخص فى حياتك وفجأة يختفي أو يبعد زي اللى حصل مابنهم دا دا بيكون موت بالبطئ تحس أن روحك بتخرج منك بتتسحب كل ماتشوفه ومش قادر حتي تبصله مش تتكلم معاه ودا اللى حصل مابنهم
قامت داليا تضرب كف على كف من اللى سمعته ومش مستوعبه ولا مصدقه أن فى كدا أو فى ناس كدا
داليا:-ايه دا ايه كل دا هو فى كدا
وسابت هند ومشيت وهي خلاص على آخرها حكت لسمير اللى اتقال لها
سمير:-لا حول ولا قوة إلا بالله كل دا
داليا:-انت بتدور على كل دا ومش بتدور على ابن اخوك اللى حب واحده زي دي
سمير:-وقالها دي دي حاجه مش بايدها
داليا:-ايه اللى مش بايدها هي فعلا زي ماقالت هو يستاهل واحده احسن منها وابن اخوك كان عارف بكل دا
سمير:-والله مش عارف
داليا:-نهاره اسود معايا لو كان عارف
سمير:-رايحه فين
داليا:-على هيثم واعرف منه
سمير :-هو فى شركته لسه مارجعش
داليا:-هستناه انشالله للصبح
**********************
خرجت داليا على هيثم وبالفعل استنته فى الفيلا وهي بتدخن نار وشرار ومش راكبه على بعضه
عند هيثم:- فى الشركه كان فى عملاء جداد فى الشركه وكان فى اجتماع وكله حاضر واتكلمو مع بعض كتيير فى الشركه عميل بيوجه كلام لرحمه ردت رحمه عليه
رحمه:-اللى يشوفه هيثم باشا هو اللى هيكون واستاذنت ومشيت
هيثم:-حاسس بيها تعبانه نفسه ياخدها فى حضنه ويطبطب عليها متخافيش انا جنبك ومعاكي نفسه حتي يقولها سلامتك بس مافيش رحمه رجعت لهيثم غريبه وهو كمان غريب عنها بس لا رحمه دي حببتي انا مش هسمح ليها أنها تبعدني عنها وانا عارف ان مافيش حد ………هيعمل ايه هيثم عشان يرجع رحمه تاني ويتجوزها هيشيل فكرة الخوف اللى عندها ازاي وهو اصلا مايعرفش ايه اللى فيها
رحمه من كتر التعب مش قادره تقعد كلمت عادل انه يجي يروحها عرف هيثم أنها تعبانه
عادل:-انا قولتلك ارتاحي مش بتسمعي الكلام
رحمه:-روحني ياعادل هيغمي عليا
هيثم:-بخضه مالك طالما انتي تعبانه بتيجي ليه مافى داهيه الشغل
رحمه:-جيت عشان الاجتماع
هيثم:-تقومي تضيعي نفسك وديها المستشفي الأول عادل
رحمه:-لا اروح انام فى السرير
روح عادل رحمه والتاني مارجعش الشركه خلص اليوم وهيثم على نار عايز يطمن عليها وكل شويه يكلم عادل يطمن عليها وعادل يقوله نايمه
واخيرا روح البيت هيثم كانت فى انتظاره داليا وباين على وشها العصبيه
هيثم:-مساء الخير
داليا:-مساء النور
هيثم :-اخبارك ايه يا ماما هي مرات عمه بس بيقولها ياماما
داليا:-بخير طول مابني بخير
هيثم :-الحمدلله مالك انتي تعبانه
داليا:-هتعب ليه
هيثم :-باين عليكي انك تعبانه مضايقه خير
داليا:-هيثم مش انا زي مامتك
هيثم:-ربنا يعلم انا بعزك فغلاوتها واكتر بس بتقولي ليه كدا
داليا:-انت كنت تعرف بماضي رحمه
هيثم :-ماضي!!!!؟ تقصدي ايه
داليا:-انا عرفت ان رحمه ارمله عرفت كل حاجه
هيثم :-ودا عندك يبقي ماضي
داليا:-ماضي حاضر مش هو دا اللى احنا فيه
هيثم:-امال ايه اللى احنا فيه
داليا:-انت ازاي تروح تتقدم لواحده زي دي
هيثم:-وحدة زي دي انتي تقصدي بكلامك دا رحمه
داليا:-وانت اتقدمت لحد تاني غيرها
هيثم:-وماله بقي حضرتك ايه اللى مش عاجبك
داليا:-كلها الأول انا كنت فكراها بنت عاديه لقيتها منتقبه قولنا معلش تطلع فى الاخر متجوزة قبل كدا وكمان ارمله وعيالها ماتو
هيثم:-وايه اللى فيها هي لأول واحدة ولا آخر واحده وفى غيرها كتير
داليا:-إديك قولت فى غيرها كتير أبعد عنها وشوف واحده احسن
هيثم :-انتي اللى بتقولي كدا انتي يعتبر امي
داليا:-ما انا عشان امك اقولك كدا دي ليها ماضي وانت الف واحده تتمناك
هيثم:-هو الواحده لما تبقي ارمله وعيالها يموتو يبقي ليها ماضي
داليا:-يووووووووه بقولك ايه اسمع الكلام
هيثم :-احنا هنحاسبها على حاجه مالهاش يد فيها الزمن والدنيا هم اللى عمله كدا نحاسبها على الماضي بدل مانقف معاها وناخد بايديها بنحاسبها على حاجه تعبت فيها ونقول عليها ماضي لها مع انها تعبت فيها احنا مين عشان نحاسب ومين عشان مانسامحش ربنا اللى هو خالقنا بيسامح احنا لا نحاسبها عشان صانت نفسها ولبست نقاب تداري جمالها لشخص واحد بس مش عرض أزياء للكل بنحاسبها على احترامها على جمالها على تعبها على كسره نفسها على موت أولادها هي كان نفسها كل دا يحصل هي بنت زي كل البنات نفسها كانت تعيش حياه كويسه بس ربنا له اختيار وحكمه هو بس اللى يعلمها ويمكن كل دا حصل عشان انا اقابلها ويكون ليا نصيب معاها واعوضها عن كل اللى حصل انا اسف حضرتك انا مش هسيب رحمه وهرجعها ليا تاني بيكي من غيرك هرجعها هرجعها بإذن الله
داليا:-بتعيط من كلام هيثم وحضنته حضن جامد جدا وقالتو انا امك وحماتها هي وهرجعها
كان سمير وصل الفيلا وشاف كلام هيثم
سمير:-مش قولتلك ابن اخويا أصيل وبيحب بجد
داليا:-طبعا طالع لعمه انت لسه بتحبني ولا اوعي
سمير:-وانا اقدر مهما تكبري يا كركوبتي ههههه
داليا:-كركوبت مين ياراجل ياعجوز انت انا لسه بشبابي
هيثم:-والله ضحكتوني رحمه
داليا:-مالها
هيثم :-دي روحت بدري النهاردة تعبانه
داليا:’مرات ابني هروح اشوفها
هيثم:-هاجي معاكي
سمير:-وانا كمان وحشني الواد عادل ولعبه فى الطاولة أخيرا لقيت حد يفهمني
ضحكو كلهم مع بعض وبالفعل راحوا لرحمه واستقبلهم الحاجه عليه وندى ورحمه كانت نايمه فى اوضتها راحت تشوفها داليا وأول مادخلت رحمه صحيت
داليا:-اخبارك يا حببتي والف سلامه عليكي
رحمه:-الله يسلمك
داليا:-مالك تعبانه فيكي ايه
رحمه:-سلامتك انا بس مرهقة شويه
داليا:-مرهقة ولا هيثم وحشك
سكتت رحمه
داليا:-بتحبيه
سكتت رحمه
داليا:-جاوبيني وبصراحة بتحبيه
رحمه:-شاورت برأسها اه
داليا:-وهو بيعشقككك
رحمه:-عارفه بكدا
داليا:-وطالما انتي عارفه مالك
رحمه:-روحتي لهند
داليا:-عرفت كل حاجه وعيب عليكي اللى انتي قولتيه هيثم ابني وانتي كمان بنتي يعني انا حماتك لتكوني فاكره أن مالكيش حما
رحمه:-ابتسمت
داليا:-ايوة كدا ابتسمي خلي الشمس تنور
رحمه:-مش للدرجه كدا
داليا:-يلا بقي فوقي كدا وشدي حيلك هعمل حفله عشان انتي معزومه
رحمه:-حفله ايه لا انا مش بتاعت حفلات
داليا:-ابدا لازم تحضري انتي من أولها هتكسري كلامي يابت
رحمه :-بضحك ربنا يسهل
داليا:-هيثم قاعد تحت على نار قلقان عليكي هنزل اطمنه وقوله وافقت
رحمه:-لا ارجوكي
داليا:-لا ليه ممكن افهم
رحمه:-كمشت فى نفسها مش قادرة ابدأ اتخيل أن حد تاني ممكن يلمسني
داليا:-حضنتها حببتي ايه اللى انتي بتقوليه دا هيثم بيحبكك
رحمه:-انا عارفه بس مش قادرة أكمل
داليا:-لا تقدري انتي قويه وشخصيتك قويه وعندك أراده اكيد هتتغلبي على دا بس هي مسألة وقت وبعدين هيثم مش مستعجل على جواز دلوقت فتره خطوبة تقربوا فيها من بعض
رحمه:-تفتكري هاقدر
داليا:-اكيد تقدري هسيبك انا اطمنه حتي عليكي وسابتها ونزلت طمنته فعلا عليها وروحو
كلام داليا اللى قالته لرحمه مش بيخرج من دماغها بتفكر فيه ممكن صح لا لا مش قادرة لا بس انا بحبه ومش قادرة أكمل عمري من غيره دانا كدا وهموت نفسي أبص فى عنيه زي الاول وحشني اوووووي
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
