رواية سهر (أم البنات) الفصل الثالث والعشرون 23 بقلم إسراء محمد
رواية سهر (أم البنات) الجزء الثالث والعشرون
رواية سهر (أم البنات) البارت الثالث والعشرون
رواية سهر (أم البنات) الحلقة الثالثة والعشرون
مره كانوا قاعدين كلهم بيضحكوا ويهزروا مع بعض
فجأه الباب خبط
سمير قام فتح
الراجل : ازيك يا استاذ سمير
سمير : اياد
اياد : ممكن ادخل
سمير : ثواني اقولهم عشان مينفعش ادخلك فجأه كده
اياد : ماشي
سمير استأذنه وقفل الباب
ودخل قالهم
سهر بغضب : اي اللي جابه
سمير : ندخله ونسمع منه جاي لي
ديما بانفعال : يدخل فين يا بابا
سمير : يدخل هنا
ريما : لا طبعاً
سمير : الراجل جه لحد بيتنا واحنا متربين ان اللي يجي لحد بيتنا
دخل اياد وكلهم متضايقين منه
اياد : مساء الخير
مفيش رد
سمير : اتفضل يا اياد
اياد : شكراً ، ازيكم يا بنات
البنات : كويسين
سمير : خير يا اياد
اياد : جاي اطلب السماح من سهر والبنات
سهر : اسمي مدام سهر
اياد : جاي اطلب السماح من سهر والبنات
سهر : واي اللي غيرك فجأه كده
اياد بحزن : امي اتوفت من سنه ومراتي طلبت الطلاق وللاسف اضطريت اطلقها عشان كانت بتعايرني من ساعة ما عرفت اني شغال عند استاذ سمير في المطعم والدنيا مبقتش كويسه خالص معايا
سهر : وانت جاي دلوقتي تطلب السماح عشان دنيتك تتظبط
اياد : لا عشان حسيت ان اللي انا فيه ده ذنبك وذنب البنات
ديما : والمفروض اننا نسامحك بقي
اياد : ومتسامحيش لي يا ديما
ديما : انا مستعده اسامحك لو قولتلي حاجه واحده بس تعرفها عني او عن اخواتي
اياد بص في الارض ومعرفش يرد
ريما : يبقي انت جاي تطلب مننا السماح لي
اياد : عشان بناتي وبحبكم
ديما بانفعال : انت كداب
سمير بزعيق : ديما احترمي نفسك ومتنسيش انه ابوكي
ديما بصوت عالي : انا قولتلك قبل كده انا واخواتي البنات منعرفش اب غيرك اب احتوانا ورعانا وربانا احسن تربيه نفتخر بتربيته قدام الناس لكن هو عملنا اي
سمير معرفش يرد
اياد : طب سامحيني انتي واخواتك وانا هعوضكم عن اللي فات
ديما : اسفه لو اخر يوم في عمري مش هسامحك
ريما : ولا انا هسامحك
ريتا : ولا انا كمان
وسابوا وقاموا دخلوا اوضهم
سمير : وانتي يا سهر هتسامحي ولا مش هتسامحي
سهر : انا هسامحه عشان حاجه واحده بس
اياد بفرحه : بجد هتسامحيني
سهر : اه عارف لي
اياد : لا
سهر : عشان بسبب طلاقنا ده اتعرفت علي راجل شايلني انا وبناتي في عينه من قبل الجواز راجل شايف طلبات بناتي قبل طلباته عياله راجل مصاحب بناتي ومعوضهم عن الاب اللي فقدوا وعوضني عن الامان اللي مكنتش حساه معاك عرفت بقي هسامحك لي
اياد بص في الارض
وقال : انا اسف انا غلطت في حقكم كتير
سهر : مشكلتك دلوقتي بقت مع بناتك شوف هتصلح علاقتك بيهم ازاي وحاول تقرب من ربنا يمكن يصلح حالك
وسابته وقامت هي كمان
سمير : انا عارف ان كلامي هيبقي مش علي مزاجك بس انت غلطت يا اياد وغلطت جامد حتي لما جاتلك الفرصه من كام سنه وشوفتهم حاولت تعاند وتاخد البنات لمجرد انها اتجوزت مش عشان انت عايز تصلح علاقتك بيهم ولما معرفتش سيبتهم واختفيت ف اللي حصل ده رد فعل طبيعي منهم
اياد : بس انا والله ندمت وعايزهم يسامحوني بجد
سمير : متقلقش انت هقعد وهتكلم معاهم بس لازم يشوفوا منك انت كمان اهتمام بيهم عشان يلينوا ويسامحوا
فجأه
نورسين جت جري
وهي بتقول : بابيييييي
سمير : نعم يا روح بابي
نورسين : يزيد وسليم مش عايزين يلعبوني معاهم بالمكعبات
سمير : طب روحي قولي لديما بابي بيقولك خلي يزيد وسليم يلعبوني معاهم عقبال ما اخلص كلام مع عمو
نورسين بصت علي اياد
اياد : ازيك
نورسين مردتش ولفت باست سمير وراحت لديما
سمير : تعالي يا نوري
نورسين بطفوله : نعم
سمير : مش احنا متفقين لما حد كبير يكلمنا نرد عليه
نورسين : اه يا بابي
سمير : طب مردتيش علي عمو لي
نورسين : سوري يا بابي
سمير : قولي له هو سوري
نورسين بصتله
وقالت له : سوري يا عمو
اياد : ولا يهمك يا روح عمو
نورسين : ادخل يا بابي
سمير : ادخلي
اياد سرح في علاقة سمير ببنته وحس قد هو كان غلطان فعلا انه كان بيعامل البنات بقسوه
سمير : سرحت في اي
اياد : لا رد
سمير : اياد يا اياد
اياد بانتباه : نعم
سمير : في اي
اياد : علاقتك ببنتك حسستني قد اي كنت قاسي مع البنات
سمير : المهم دلوقتي انك تحاول تصلح
اياد : هحاول بس هما يدوني فرصه
سمير : انا هتكلم معاهم متقلقش
اياد : انا متشكر جدا يا استاذ سمير
سمير : استاذ دي لما كنت شغال معايا لكن دلوقتي انا سمير وبس
اياد : متشكر اوي يا سمير
سمير : مفيش شكر بينا احنا الاتنين هدفنا اسعاد البنات وعلاقتك بيهم تبقي كويسه
اياد : اه والله
سمير : يبقي متقلقش
اياد : مش قلقان طول ما انت موجود
سمير : تسلم
واياد استأذن ومشي
وبعد اسبوع سمير كان بيحاول ميتكلمش مع البنات في الموضوع لحد ما يهدوا
وهما قاعدين
سمير : انا عايزكم يا بنات في موضوع
البنات : اتفضل يا بابا
سمير : يزيد ادخل انت ونورسين وسليم جوا العبوا شويه مع بعض لحد ما اخلص كلام مع اخواتك
يزيد : حاضر يا بابي
ودخل جوا
سمير : هنتكلم من غير انفعال وعصبيه مفهوم
ريما : يبقي هتتكلم في موضوع اياد ده صح
سمير : اسمه بابا مش اياد
ديما : احنا الثلاثه متفقين اننا ملناش بابا غيرك يبقي بتتكلم في اي
سمير : بس هو ابوكم اللي بسببه انتوا جيتوا الدنيا وعرفتوني وعرفتكم وبقيت الاب ليكم وبقيتوا بناتي
ريتا بعصبيه : بس
ديما : ثواني يا ريتا نشوف بابا عايز يقول اي الاول
سمير : عين العقل يا ديما ، انا كل اللي عايز اقوله انكم تقعدوا وتفكروا انكم تسامحوه زي ما ماما سامحت
ريما : انتي سامحتيه
سهر : اه سامحته
ديما : لي
سهر : عشان لولا اللي حصل ده كله مكناش شوفنا سمير ولا عرفناه ولا اتجوزته واخواتكم جم عرفتي بقي سامحته لي
ديما باقتناع : عرفت
سهر : انتوا بقي هتعملوا اي
ريما : انا مش هسامحه
ريتا : ولا انا
سمير : وانتي يا ديما
ديما : هفكر
ريما : نعم
سمير : من غير عصبيه يا ريما
سهر : عشان خاطري يا ريما فكري انتي كمان وانتي يا ريتا فكري
ريتا : من غير ما افكر مش موافقه
سهر : اقعدي وفكري وبعدين نتكلم
وبعد يومين
ديما : مامي
سهر : نعم
ديما : انا عايزه اقعد مع بابا
سهر : حاضر هقول لسمير يكلمه بس اقنعي اخواتك انهم يقعدوا معاكي
ديما : حاضر
سمير رجع كانوا كلهم قاعدين مع بعض الريسبشن
قال : السلام عليكم
كلهم : وعليكم السلام
سمير : متجمعين عند النبي
سهر : يارب
سمير : انا ميت من الجوع
ديما : خمس دقائق والاكل يكون علي السفره
ريما : انا جايه معاكي
ريتا : وانا كمان
وقاموا البنات
سهر : سمير ابقي كلم اياد وقوله البنات عايزين يقعدوا معاه
سمير : انتي اللي غصبتيهم
سهر : لا والله ديما هي اللي جت قالتلي من نفسها
سمير : طب وريما وريتا رأيهم اي
سهر : معرفش بس انا قولت لديما تقنعهم
سمير : يبقي مش هكلمه غير لما كلهم يبقوا عايزين يقعدوا معاه
سهر : خلاص اسألهم يمكن يوافقوا
سمير : حاضر
ريتا : الاكل جاهز
قاموا كلوا
وبعد الاكل
سمير : مين بالظبط اللي عايز يقعد مع اياد
ديما : احنا الثلاثه
سمير : متأكدين
ريما : اه متأكدين
سمير : ماشي هكلمه وحدد معاه ميعاد بس بشرط
ديما : اي هو
سمير : انتوا اللي هتروحوا عنده
ريتا : لا طبعاً
سمير : هو لما احتاج يشوفنا جه لحد عندنا انتوا كمان احتاجتوا تشوفوه يبقي تروحوا لحد عنده
ديما : مواقفين بس بشرط
سمير : اي هو
ريما : هتكون معانا
سمير : ماشي
تاني يوم
سمير كلم اياد
سمير : ازيك يا اياد
اياد : الحمدلله وانت
سمير : الحمدلله
اياد : والبنات عاملين اي
سمير : ما انا بكلمك عشانهم
اياد : مالهم البنات
سمير : عايزين يقعدوا معاك
اياد بفرحه : بجد
سمير : اه
اياد : طب ممكن اجيلهم امتا
سمير : انا هجيبهم لحد عندك
اياد : وهما هيوافقوا
سمير : هما موافقين
اياد : طب ممكن تجيبهم النهارده
سمير : طب خليها لبكره عشان يبقوا عاملين حسابهم
اياد : خلاص ماشي
تاني يوم
سمير اخد البنات وراحوا لاياد
اياد : ازيكم يا بنات وحشتوني اوي
ديما : احنا جايين نسمع منك عملت فينا كده لي
اياد : ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سهر (أم البنات))
