رواية محبوبة الفارس الفصل السادس عشر 16 بقلم أميمة عوض
رواية محبوبة الفارس الجزء السادس عشر
رواية محبوبة الفارس البارت السادس عشر
رواية محبوبة الفارس الحلقة السادسة عشر
لقد وجدت الحب فى عينيه ،شعرت بالأمان بين ضلوعه ……أصبحت مغرمه به فهو فارسى
فارس بجديه : كده تمام اوى
عايز توصل فى الشركة كلها انى مختفى فى شغل ومفيش يعرف انا فين ،كده هو هيتجنن وانت يا سليم تقعد مع ماما نرمين فى البيت والحراسه تزيد ،عايز حراسه مشدده على الفيلا يا سليم
مفيش مخلوق يعرف يدخل
سليم بجدية :اعتبره حصل ،هنعمل ايه مع أميره السكرتيره
فارس بشرود وغضب :كله بأوانه..
خلال الأسبوع هيكتشف أننا عرفنا كل حاجه
وبالنسبة ل فاروق فاعلموا معاه الواجب وزياده
سليم بجديه :كله تمام يا بوص وفى الشركه خبر انك سافرت بره مصر هينتشر فى ثوانى
فارس :تمام كده …سلام
#روايات_أميمة_شوقى_عوض
************************************
منى بقلق : فيه ايه يا فارس ،فيه حاجه حصلت ،ماما نرمين كويسه …
فارس بهدوء :ايه يا حبيبى مفيش حاجه ،
دى كانت مكالمه شغل وماما نرمين كويسه خالص وعارفه انك معايا
تعالى نكلمها علشان تتطمنى ،هرن عليها فيديو كمان علشان تشوفيها
يقوم بالاتصال على والدته
فارس باشتياق إلى والدته :ايوه يا ست الكل ،عامله ايه
نرمين بحب :الحمدلله ياحبيبى انا كويسه خالص ،متشغلش بالك بيا ،انت ومنى ايه اخباركوا
ينظر فارس الى منى وهو يغمز بعينيه وبقول :
احنا تمام خالص يا ست الكل
نرمين بضحك : واضح خالص ،متزهقش بنتى يا فارس
البت مش بتتكلم ليه عملت فيها ايه يا فارس
يضحك فارس بصوته كله ثم يقول :دا بتموت جنبى اهى
منى بخجل شديد وصوت منخفض :عامله ايه يا ماما
نرمين بحب :الحمدلله يا حبيبتى ،كده تقلقينى عليكى يوم ما مشيتى هو مش انا ماما بردو ولا ايه
الواد فارس يزعلك نمشيه هو بس وانتٍ تفضلى معايا
دا انا اعلقه على بوابة القصر من بره يوم ما يزعلك
فارس بمرح :ايه يا ست الكل هو انا مش ابنك ولا ايه
يمضى بعض الوقت وهم يتحدثون ويضحكون ثم يقوم بإنهاء المكالمة وهو ينظر بغيظ إلى زوجته التى تحاول كتم ضحكتها
فارس بغيظ :اضحكى يا حبيبى اضحكى كتماها ليه
لم تستطيع كتم ضحكتها أكثر من ذلك
فتضحك بصوت عالٍ وتقول من بين ضحكتها
: مش قادره بقااا فارس الملك يتعلق على بوابه الفيلا
ثم تهرول من أمامه إلى أسفل عندما وجدته يقترب منها بغيظ
فارس وهو يجري وراءها : خدى هنا يا بت
تقف وهى تنهج بشده من كثره الجرى وتقول :تعبت خلاص
يضحك فارس على هيئتها فمن يراها وهى تجرى هكذا يظن أنها طفله: بجرى ورا بنت أختى
ثم نظر إليها بحزن مصطنع فتقترب منه وهى تقول بدلع :انت فارسى حبيبى
انا كنت بهزر معاك
فارس بخبث وهو يستغل أقترابها منه : انتٍ قد الدلع دا
منى بخجل عندما رأت نظرته وهى تحاول الابتعاد عنه : د….ل …دلع ايه
فارس بابتسامة: هتقلبى طماطم تانى وصوتك يختفى
تتذكر منى هيئته وهو يغمز بعينيه أمام والدته فتضربه على كتفه :كسفتنى قدام ماما نرمين
تقول علينا ايه
فارس وهو يمرر يديه على ملامح وجهها /هتقول ابنى ييعشق مراته …مهووس بمراته
#أميمة_شوقى
***********************************
تفوق صفاء من الغيبوبه
فيقوم أحد الحراس بالاتصال على سليم :الست اللى فارس باشا موقفنا حراسه عندها فاقت يا سليم باشا وبرن على فارس باشا مبيردش
وصوتها قالب المستشفى وهى بتصرخ باسم منى هانم
سليم بجديه :تمام انا جاى
صفاء بصراخ :ابعدوا عنى ،انا عايزه امشى ،عايزه منى هيقتلوها
ابعدوا عنى
يقوم الطبيب بإعطاءها حقنه مهدئه فبدأ جسدها يرتخى
صفاء وهى تغمض عينيها من أثر المهدئ:انا لازم الحقها..من…ى
#أميمة_شوقى
حامد بجنون :يعنى ايه مش عارفين توصلوا ل مكانه
انا عايز فارس الملك خبر موته ينزل النهارده قبل بكرا
أحد رجاله :من بعد ما طلع من الجامعه ،منعرفش هو راح فين
والاخبار وصلت لينا أنه مش موجود فى الشركه واللى كان موجود سليم
حامد بغضب :مشغل عندى شويه بهايم ،مش عارفين يعملوا حاجه خالص
__يا حامد باشا بيكون حواليه حراسه…
حامد بصوت جهورى غاضب : بس… بس هو انت هتحكيلى
هو انا مشغلكوا ليه
وانتوا مش عارفين توصلوا لحاجه ،تهدوا الدنيا وتعرفوا فارس فين ،وخبر موته يبقى عندى يلا بره
__اوامرك يا حامد باشا ويرحل من أمامه بسرعه
حامد بشر /مش هرتاح يا فارس طول ما انت موجود ،هدمرلك شغلك وهموت الست الوالده اللى بتخاف عليك بحسرتها عليك لما تموت
___أحد الخدم :حامد باشا فيه واحده عايزه حضرتك اسمها نانسى
حامد /تمام ،دخليها
حامد بترحيب بنانسى وهو يقبل يديها : اهلا نانسى هانم ،نورتى قصرى المتواضع
نانسى بدلع : دا منور بيك يا حامد باشا
#أميمة_شوقى
###############################
منى تجلس وهى تستند بظهرها على صدر فارس وهو يضع يديه على خصرها ويضمها إليه بشده
فارس بهيام وحب : متعرفيش انا كان نفسى احس بوجودك فى حضنى كده من زمان ازاى
كل مره كنت بتنهارى قدامى كنت بكون عايز اخدك فى حضنى واقولك انا موجود
منى بحب :تعرف يا فارس
فارس بحب وهو يضع رأسه على كتفها ويشدد من احتضانها: عرفينى يا قلب فارس
منى بخجل من قربه هذا : نفسى اوى اروح السينما مع الشخص اللى بحبه ونتمشى بالعربيه
نشترى ايس كريم ونتمشى على الكورنيش
فارس بحب وهو يشير على عينيه:من عيونى الاتنين يا حبيبى ،كل اللى منايا تؤمر بيه يتنفذ
منى بحب وهى تلتفت وتقوم باحتضانه :انى اكون معاك كأنى ملكت العالم كله ….لقيت معاك الامان والحب ..السند بعد اللى فكرت أنى خلاص مليش حد
انا محظوظه بوجودك يا فارس
فارس بحب : انا اللى محظوظ بوجودك فى حياتى يا منايا …كنت بشوفك محتاجه مساعده فى احلامى
شكل بيتكوا كل حاجه
منى بانتباه وهى تبتعد عنه : يعنى ايه
فارس وهو ياخذ ها فى حضنه مره اخرى ويشدد من احتضانه لها/متطلعيش بره حضنى تانى
انا لما صدقت لقيتك
زى ما انتٍ لقيتى الامان بوجودى ..انا لقيت روحي بوجودك
…قبل شهرين من شغلك عندى فى الشركه
كنت بشوف شكل بيت فيه حريق وواحد كبير بيجرى عليا وبيقولى الحق بنتى ..ويفضل يردد الحق بنتى كتير
كنت بدخل البيت وبلاقى واحده فى هيئتك بس وشك مش واضح اوى وحواليها نار كتير وبتشاور ليا اساعدها … بحاول اطلعها منها معرفش واصحى من النوم مخضوض
لما روحت عندك الشقه حسيت انى شوفت البيت دا قبل كده
ولما افتكرت الكابوس دا اللى فضل يطاردني شهرين عرفت ..
مع وجودك معانا بدأ الكابوس يختفى
عرفت أن فيه علاقه بينا وان انتى محتاجلك زى ما انتى محتاجانى بالضبط
منى بتأثر وتعجب : وانا هفضل فى حضنك دايما …بس غريب اوى اللى حصل دا
فارس /مش مهم …المهم انك معايا وفى حضنى
#أميمة_شوقى
#############################
يصل. سليم إلى المستشفى بسرعه ولكن كانت هدأت صفاء بسبب مفعول المهدئ
ويقطع توبيخه إلى الحراس أنهم لم يمنعوه من أعطاءها شئ
صراخ أحد فى غرفتها وخروجها وهى تجرى وتقول : الحقونا ….
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية محبوبة الفارس)
