رواية نجاح الفاشلين الفصل السادس 6 بقلم رحاب القاضي

رواية نجاح الفاشلين الفصل السادس 6 بقلم رحاب القاضي

رواية نجاح الفاشلين الجزء السادس

رواية نجاح الفاشلين البارت السادس

رواية نجاح الفاشلين الحلقة السادسة

_نجاح الفاشلين..
الحلقه السادسه
ــــــــــــــــــــــــــــــــــــــــــــــ
اسامه _
فهمت اللي انت عايزه وفي نيتك يا وليد..
_اتوتر وليد وقفل الشاشه بسرعه.؟؟..
جه خالد وقعد جنب اسامه تاني وضحك وقال _
وليد طول عمره كان بيحاول يخلينا ايد واحده حتي لما كنا نتخانق كان يفضل يراضي في الطرافين
وبابتسامه _
فاكر لما اتخنقنا انا وانت وعمار وفضلنا نزعق في بعض يومها جالي وليد وقالي اسامه بيقول انه غلط في حقك بس كان متعصب ومكنش يقصد يزعلك منه اكتشفت بعدها انه جالك وقالك نفس الكلام وراح لعمار وقاله نفس الكلام وتاني يوم اتقابلنا واتكلمنا وضحكنا عادي… وليد ديماً كان بيحاول يخلينا مع بعض وسند لبعض جايز لأنه مكنش ليه اخوات فكان بيعتبرنا اخواته
اسامه بحزن _
احنا جينا عليه اوي ومفكرناش غير في نفسنا وحياتنا حتي مبصناش لصحبنا دا اخباره اي من بعدنا وهو اتعود ان دول اصحاب طفولته واخواته
كان ساعتها عمار نازل لتحت واتنهد بقهر من اللي سمعه لأن محدش فيهم وقف جمب التاني ولا حد فيهم كان يستاهل يبقي صاحب طلع اوضته تاني حس انه مش كويس كل حاجه بتوجعه من كل جانب، لبس قفازات الملاكمة وفضل يلعب بوكسينج ذود الضاغط علي نفسه وكان بيلعب بكل طاقته
_في الوقت دا سمعت ناني صوته وهو بيلعب وطلعت تجري علي اوضته لأن عمار وقت غضبه بيفضل يلعب لغاية ما يرهق نفسه وممكن يروح فيها
دخلت ناني عليه الاوضه وفعلا زي ما توقعت كان عرقان جدا وبيلعب بكل طاقته وبيضرب كيس الملاكمة بطريقه وحشيه
ناني بخوف _
عماااار اهدا
_في الوقت دا عمار مكنش سامع حاجه كان عمال يفكر في الدكتوراه اللي راحت منه وفي حياته اللي ادمرت وفي جببته اللي كرهته واصحابه اللي شيفينه شخص غير مسؤول وميستهلش اي حاجه
ناني ببكاء _
عمار اهدا وحياتي عندك اهدا كفاية اللي بتعمله بالله عليك
بصلها عمار وضحك بسخريه وقال _
اي خايفه عليا ولا خايفه من ضميرك ليوجعك لو جرالي حاجه وتفضلي شايله همي…
ناني بحزن _
انت بتقول اي يعمار
عمار بحده_
متقلقيش مش هروح دلوقتي
ناني ببكاء _
طيب بطل بقي
_عمار مهنش عليه دموعها فوقف عن اللعب وراح اخد هدوم ودخل ياخد شاور من غير كلام، ناني مسحت دموعها بأسي وراحت لغرفتها
_وبعد فتره اتجمع الكل عشان يعرفوا التحدي الجاي
عمار بهدوء _
ممكن اعرف لسا كام تحدي ونمشي؟
وليد _
مستعجل ليه؟
عمار بجمود _
السؤال سهل وينفع يترد عليه..
وليد بحزن _
مبقاش حاجه..
ـ سكت عمار وكان الكل باصص نحيته
كلهم عرفين ان عمار قفلته وحشه بس هو ساكت لخاطر ناني وكمان عشانهم
اسامه بهدوء_
قول التحدي ي كبير..
وليد بابتسامه_
هو مش تحدي هو لغز صغنن علشان تعرفوا انا بحبكم ازاي
خالد بسخرية_
لا يشيخ لغز صغنن
وليد بتاكيد _
اسمع
خالد باستماع_
اشجيني
وليد_
في ولاية كاليفورنيا الأمريكية حصلت حادثة لشاب عنده 25 سنة واتحول لأقرب مستشفي ،
وكان لازم يتعملوا عملية فورا وهناك الدكتور الجراح رفض أنه يعمل العملية وقالهم ده ابني وانا مش هقدر اعمل العملية مش هستحمل تقدروا تشوفوا دكتور غيري ، علي الرغم من أن ابو الولد بيشتغل محاسب ومالوش اي علاقة بالطب….. حد يقدر يفسر اللي حصل
_في الوقت ده طلع لكل فريق ذرار اخضر واحمر..
وليد بحماس_
كل فريق ليه تلت محاولات واللي هيبدا بـ اول رد يضغط علي الذرار الأخضر ويتكلم وان الإجابة كانت غلط الاحمر هينور
سما بسخرية_
وقسما بالله حساني في استار اكدمي
وليد بغمزه_
مش حرمكم من حاجه
اسامه بتفكير_
ازاي يعني ابوه محاسب و الجراح قال انه ابنه
ضغط خالد علي الزر بسرعه: جده..
_فنور الأحمر وبكده الإجابة غلط
ضغطت ناني علي الذرار وقالت_
ممكن كان طالب عنده في جامعة الطب وبيعتبره ابنه..
_فنور الذرار الاحمر
اسامه بغيظ _
احنا فريق يعني نتشاور زي الناس مش اللي يلحق يجري
_في الوقت ده كان فريق عمار عمال يراجع السؤال
ملك بتفكير _
ممكن الدكتور كان حابب يخلع فقال كده
عمار بتركيز _
اكيد لا
سما بصراخ _
عرفتها عرفتها والله انا شطره وعسل وقموره
_اسامه مقدرش يمسك نفسه وفضل يضحك بصوت عالي علي رد فعلها وبصتله سما بغيظ
عمار بهدوء_
قولي الإجابة ي سما ما يمكن تطلع غلط
ضغطت سما علي الذرار وبصت لأسامه بتحدي _
مامته هي الدكتور الجراح لان الدكتور الجراح
تطلق علي الذكر والانثي
وليد _
شطوره ي سما
وكده اللي فاز بالتحدي فريق عمار
_فضلت سما تتفطط بفرحة واسامه فرحان لفرحتها ومرقبها بحب
وليد بخبث_
دلوقتي هنقول العقاب
خالد بزهق_
اهدا علينا ربنا ما يزنقك زنقتنا
خالد بضحك
امين
العقاب هيكون عباره عن شرب كوب خل ودا عشان انا قلبي طيب وحنين
اسامة حط ايده علي وشه بصبر من اللي صاحبه بيعمله فيهم
فطلع تلت كوبيات خالد كان بيبص للخل بقرف
واسامه بصله وعاوز يعيط اما عمار اخد الكوباية وشربها مره واحده وطلع يجري علي الحمام جاب اللي في بطنه
ناني راحت وراه وفضلت تخبط علي باب الحمام _
عمار انت كويس….انت يبني رد
خرج عمار وهو تعبان وماسك بطنه وسالته ناني بقلق_
انت كويس؟
_عمار من غير رد حرك راسه بـ اه اخدته ناني وقعدته علي السرير بس عمار مكنش قادر ونام فضلت ناني تمشي ايدها في شعره وبعدها غطته كويس وسبته ونزلت لتحت، كان اسامه وخالد لسا بصين لكوب اللي في ايدهم
اسامه برجاء _
وليد بالله عليك بلاش العقاب ده
وليد ببرود _
مينفعش ويلاه كان زمانكم خلصتو
رفعوا الكوبيات وشربوا وجيرو بعدها علي الحمام
ضحكوا البنات عليهم
وبعدها رجع خالد واسامه قعدوا بتعب
اسامه بتعب_
هوريك ي وليد
خالد بانهيار
منك لله ي مفتري
وليد بهدوء‌_
امال عمار فين
ناني _
نام
وليد بضحكه_
يعيني شكل العقاب شديد علية المرا دي
ملك بتفكير _
عمار حساه مش تمام وكمان ساكت طول الوقت ومبقاش بياكل وبيجهد نفسه جامد
وليد_
يستاهل عشان يتربا
ملك بهدوء _
انت مش بتربيه ي وليد انتو تفكيركم غلط كده بتخلوه يكره نفسه ويحس ان الكل مش قابله…عمار اتعذب في جياته كتير بسبب ظروفهم اللي علي قدهم ولما فكر الدنيا هتضحكله يجي عميد كلب يخلي ابنه ياخد مكانه وانت وانا عرفين كان موضوع الدكتوراه دا بنسباله اي والبنت اللي حبها واتمناها وكلنا عرفين قد اي عمار بيحبها بس طول الوقت شايف انه مش هيعيشها في المستوي اللي عايشه فيه خايف يتقارن بحد تاني او حد يهين اهله هو اه غلط بس هو عايش في مجتمع زباله مش بيبص غير للمديات عاوزه ااقول لحضرتكم ان عمار جه وقت عليه ودخل في حالة اكتئاب ومحدش فيكم حتي فكر يعرف ماله لانكم اتلهيتو عنه هتقولي عرفتي منين قابلت ولدته قبل كده وسالتها عليه لانه كان في الفتره دي مختفي ومحدش عارف فينه حتي فونه فصله ولما سالتها… كانت بتبكي زي الاطفال وهي بتحكي عنه وبتقول مبقاش زي الأول وبقا طول الوقت ساكت وحالته بقت وحشه… حاولت كتير اخرجه من اللي هو فيه بس مقدرتش كان ساعتها محتاج بس ناني تكون جمبه لأنها الشخص الوحيد اللي ليها تأثير عليه بس ناني كانت في الوقت ده متخنقه معاه وقلتله انها مش عاوزه تشوفه….بصت ملك لناني بجمود قوليلي ي ناني عمار قالك انه قابل بابكي قبل كده
ناني بصدمه _
قابل بابايا امته
_الكل بص لبعض باستغراب من الكلام اللي بتقوله ملك
ملك بهدوء _
عمار قابل بابكي ي ناني واتكلم معاه عارفه باباكي قاله اي….قاله علي اخر الزمن واحد زيك يجي يطلب بنتي مني لتكون نسيت نفسك ي عمار
يومها عمار رد عليه وقاله منستش نفسي ولا حاجه ولا شايف ان ينقصني شئ بس النقص الظاهر جاي من عندك
_ حضرتك انا كل اللي اقدر اقوله اني بحب بنتك وهبقا ليها سند من بعدك وان كان علي المستوي الاجتماعي فكل اللي ليك عندي انك تضمن ان بنتك هتعيش احسن عيشة وهوفرلها كل اللي تحتاجه لو هضطر اعمل اي واظن مفيش اب يتمني غير ان بنته تعيش مرتاحة مع حد يحبها ويخاف عليها زيك
والدك استهزأ بيه وقاله الكلام دا مبيأكلش عيش روح للي من مستواك وبلاش تبص لفوق لرقبتك تتكسر
_كل حاجه جت عليه مره واحده وانتم شطار بس بأنكم تجرحوه بـ الكلام امي مره قلتلي محدش مهما كان قريب منك هيحس بوجعك ودا اللي شوفته فعلا من معملتكم لعمار وعاوزه ااقول حاجه كمان ان كنتم مفكرين ان الدنيا هترجع زي الاول فعمار متستحيل هيصفي لان في عز وجعه وتعبه ملقاش واحد فيكم وكمان تعبتوه بكلامكم انا حاولت ااقرب منه بس ديما كان بيصدني عرفين دا اشجع واحد فينا رغم اللي حصله عمره م يأس وقام علي رجله ومستناش حد يسنده
في الوقت ده عمار كان واقف علي السلم كان نازل يقعد معاهم عشان ميسبش نفسة لدماغه
كان سامع كل الكلام ودموعه نزله بصمت هو فعلا كان حاسس بوجع وحاسس بأهانه ندم انه سمع لوليد وجالوا المكان ده وأكبر غلط انه حط ناني في الموقف ده واتجوزها عرفي لوله وجودها كان هرب بعيد هرب وعمره ما كان راجع تاني
وليد دموعه نزلت علي صاحبه وقفل الشاشة
وسما ندمت علي تعملها معاه
ساعات ببقا جوانا وجع كبير اوي محدش عالم بيه وغصب عننا بنتعامل بجمود وبنجرح اللي قدمنا..
_طلع عمار اوضته وعيونه كانت حمرا كان نفسه يبعد وميشوفش اي حد ضرب ايده اكتر من مره في الحيطه لغايت ما اتفتحت بصلها بابتسامه من بين دموعه ونام ودموعه علي وشه
تحت كان اسامه قاعد مغمض عيونه
كان مفكر ان عمار بعد عنه بسبب اللي عمله في سما وانه مش عاوز يشوفه تاني فضل اكتر من شهر مستنيه يسأل عليه ودا اللي خلاه يتقفل من نحيته فكر انه صاحبه وهيجي يدعمه ويفهم منه زي ما خالد ووليد حاولوا معاه لانه كان الأقرب ليه بس مرفعش فونه حتي… وفهم ان في الوقت ده عمار كان في عالم تاني وعرف ليه مشفوش حتي في الخطوبة
ـــــــــــــــــــــــ
في الوقت ده وليد دخل لوالدته غرفتها… وفضل يعيط زي الطفل مش عارف يعمل اي يكمل ولا فعلا مبقاش حاجه هترجع زي الاول
مامته بحب اهدي ي وليد فهمني في اي
وليد بدموع حاسس اني مش هطلع من اللي بعمله دا بـ اي حاجه
انهارده اتأكدة اننا مش هنرجع تاني زي الأول احنا محدش فينا وقف جمب التاني في تعبه وحزنه كل واحد شايل من التاني في قلبه حاجات متتغفرش
____________________________

يتبع…..

لقراءة الفصل التالي : اضغط هنا

لقراءة الرواية كاملة اضغط على : (رواية نجاح الفاشلين)