رواية عشقت منتقبه الفصل الثاني عشر 12 بقلم وفاء رشدي
رواية عشقت منتقبه الجزء الثاني عشر
رواية عشقت منتقبه البارت الثاني عشر
رواية عشقت منتقبه الحلقة الثانية عشر
هيثم بيحاول يقرب من رحمه بأي شكل من الأشكال هو معجب بيها جدا لا دا بدأ يحبها فكرها أسلوبها كلامها احترامها كل حاجه فيها مختلفه وصل للمكان اياه اللى شافها فيه اول مره وكالعادة هي موجودة وتقرأ قرآن بس احساسها انه جاي ومنتظره دا بالفعل وصل بس متردد إحساس رحمه عمره مايخيب خصوصا لما يكون عن حب صادق وطاهر والاثنين حاسين ببعض
نزل هيثم من عربيته ومتوجه على رحمه
هيثم :- السلام عليكم
رحمه :-وعليكم السلام
هيثم :-انا اسف أنى جيت كدا بس حبيت اطمن عليكي
رحمه:-من غير اسف احنا أخوات اهلا بيك
هيثم:-يارب تكوني بخير
رحمه:-الحمدلله بخير
……. رن الفون بتاع رحمه
رحمه:-الووو
رحمه:-ايه بتقول ايه ايه الكلام دا يستحيل انتو اتجننتو طاب اقفل اقفل وانا جايه بس ماتقولش لحد أن جايه سامع يا حسين (حسين دا بيشتغل عند رحمه فى المستشفي)
هيثم:-خير مالك اتعصبتي كدا ليه
رحمه:-بتوتر انا يتعمل فيا كدا
هيثم:-مالك بس فا ايه
رحمه:-المستشفي عندي جايني ضرائب عليها 5 مليون جنيه
هيثم:-مش فاهم حاجه مستشفي ايه انتي عندك مستشفي
رحمه:-مستشفى خيري بتاعي عملاها صدقه جاريه وانا اللى بدفع كل حاجه فيها مستشفي مش ربح دي عشان تخدم أهل البلد والبلاد اللى جنبها
هيثم:-اهدي اهدي طيب انتي متعصبه خالص
رحمه:-اهدي ازاي ازاي مستشفي خيري تيجي عليها ضرايب ازاي
هيثم:-بصي هو انا مش فاهم حاجه بس وائل اكيد يفهم تعالي نروح له ويفهمنا
رحمه:-وائل جوز هند
هيثم :’ايوة انتي مش عارفه انه محامي وماسك الشركه عندي
رحمه:-اه افتكرت معلش
هيثم:-يلا نروح له وهو يفهمنا لأن الموضوع فيه حاجه غلط
رحمه:-هو بيته فين
هيثم:-جمبنا على طول
رحمه:-تمام
قامت رحمه
هيثم:- اتفضلي العربيه اهي
رحمه:-انت بتقول جمبنا يعني المشوار مش بعيد أفضل اني امشيه
هيثم:-اوك وانا همشي معاكي
رحمه:-وعربيتك
هيثم:-هتقعد هنا كدا كدا هخرج تاني بالليل ابقي اجي اخدها هنا امان
********************
بالفعل مشيت رحمه وهيثم لبيت وائل بس طول الطريق ماتكلمتش وهو عارف ان دا من خجلها وصلوا بيت وائل اتفاجات هند برحمه وهيثم
هند:-اهلا رحمه وحشتيني
رحمه:-اهلا بيكي انتي اكتر
هيثم:-طب وانا
ضحكو مع بعض كلهم على هيثم
هيثم:-فين وائل
هند:-بيجهز فوق رايح المكتب
هيثم:-كويس لحقناه قبل مايروح
نزل وائل من فوق
وائل :-اهلا اهلا البيت نور أستاذه رحمه هنا
رحمه :-اهلا بيك
هيثم:-هو ايه دا هو انا كيس جوافه قدامكم ولا ايه
وائل :-هههههه ياعم انت معايا فى الشغل على طول إنما الاستاذه رحمه اول مره تدخل عندنا
رحمة:-اهلا بيك
هيثم:-بص ياسيدي فى استشاره قانونية محدش هيعرفها غيرك
وائل :-من عنيه ايه هي
هيثم:-تخص رحمه
هند ووائل بصو على رحمه
هند:-خير يا حبيبتي فى ايه
رحمه:-خير بإذن الله
حكت رحمه الموضوع لوائل
وائل:-الموضوع فيه حاجه غلط طول ما انتي عامل ترخيص للمستشفي أنها خيري يبقي مافيش ضرايب عليها اكيد حصل تلاعب
رحمه:-الفتره اللى كنت موجودة فيها ماكنش فى حاجه
وائل:-ممكن يكون حصل التلاعب بعد مامشيتي
رحمه:-يبقي المتر فؤاد فعلا طلع نصاب أقسم بالله لو فعلا كدا لوديه وراه الشمس
هند:-اهدي بس انتي متوترة جدا
رحمه:-اهدي ازاي بس ايه ذنبهم الناس اللى فاكره المستشفي خيري ويدخلو يلاقوها غير كدا واللى مش معاه ياتري اتسببوا فى كام حاله وفاه وانا عملتها مخصوص عشان اخفف الم كل أم على أولادها الأعمار بيد الله بس أي حاجه تساعد واكيد الدكاترة اللى فيها لهم يد وفضلت تعيط
هيثم:-لا دموع لا اهدي وكل شئ يتحل
هند:-عارفه كل شئ وفاهمه معاناة رحمه ايه حضنتها متخافيش ربنا موجود
هيثم:-وائل انا مش محتاجك الفتره دي ياريت تتابع معاها الموضوع دا
وائل :-انا تحت أمرها فعلا
رحمه:-طب وايه المطلوب عشان أثبت أنها مستشفي خيري
وائل:-التصاريح اللى طلعت الأول باسمك وأي ورق انتي مضيتي عليه بتاع أدوية تكوني جبتيها من شركات الأدوية
رحمه:-كل شئ موجود في المستشفي
وائل:-تمام يارب بس مايكون اللى لعب كدا يكون اخفي الورق دا
هيثم:-ممكن طيب كدا انت هتسافر المنيا ؟
وائل :-دا شئ اكيد
رحمه:-وانا معاك انا مش همني أي فلوس اللى همني بجد الناس اللى فاكره أنها خيري وفى الآخر تطلع كدا يارب يارب
هند:-انتي متقلقيش بس وائل معاكي وكل شئ يتحصل
رحمة:-يارب يارب
هيثم:-هتسافروا امتي
رحمة:-اشوف ماما وارد عليك ابقي أكلم هند
وائل :-هند ايه هنا فى الشغل مفيش هند اديني الرقم ارن عليكي وكلميني انتي اول ماتجهزي انا مش هروح المكتب موجود
هيثم :-تمام كدا
رحمه خرجت الفون بتاعها وقالت الرقم لوائل
هيثم:- كان الفون بتاعه فى ايدة بس ماكتبش الرقم فتح التسجيل واتسجل الرقم بصوت رحمه على فون هيثم
رحمه:-خلاص كدا انا همشي واظبط اموري وارن عليك
وائل :-وانا منتظر
هند:-راحه فين خليكي شويه
رحمه:-معلش انتي عارفه اللى فيها هبقي اجي بإذن الله بوسيلي كريم لأن ماشفتوش
هند:-اول مايصحى اكيد
هيثم:- بالإذن انا
هند:-على فين خليك معانا
هيثم:-لا هروح انام شويه عندي ميعاد عمل بالليل
********************
خرج هيثم ورحمه ومشيوا فى الطريق
هيثم:-هديتي خلاص انا قولتلك أن وائل هيحلها
رحمه:-انا بشكركم والله بجد على اللى بتعملوه واللى لسه هتعملوه انا مش عارفه من غيركم كنت عملت ايه
هيثم:-انتي بتشكري مين وليه احنا عملنا حاجه
رحمه:-كل دا وماعملتش
هيثم:-لا لسه واصبري
رحمه:-حاضر هصبر
هيثم:-عارفه كدا يبقي المحامي فعلا بتاعك نصاب
رحمه:-والله لو كان فعلا ياهتبقي عيشته سوده معايا
هيثم:-انتي مش هتعملي حاجه احنا اللى هنعمل موضوعك خرج من عندك وجه عندنا خلاص احنا اللى هنشوف هنعمل ايه فيه
لأول مره رحمه تحس بالأمان من كلام هيثم معاها وأنها فعلا مهمه
رحمه:-بابتسامة مخفيه من تحت النقاب هتعمل ايه فيه
هيثم:-لو كان فعلا كدا يبقي يستاهل اللى يجراله
رحمه:-ايوة يعني ايه
هيثم:-ههههه دماغك دي ايه هتعرفي كل حاجه فى وقتها
رحمه:-ماشي
هيثم:-ما احنا ماشين اهو
رحمه:-ضحكت ضحكه حلوة بالكاد سمعها هيثم
هيثم :-اتبسط أن رحمه بتضحك راح ضحك هو كمان وصلوا الفيلا بتاعة رحمه
رحمه:-اتفضل
هيثم:-الف شكر هبقي اطمن عليكم بإذن الله
رحمه دخلت باب الفيلا وهيثم واقف مامشيش شاورلها بايده اكتفت بهز الرأس ودخلت الفيلا
دخلت متعصبه ومتوتره
الحاجه عليه:-اهدي يابنتي مالك
رحمه:-انا انا اتاخد على قفايا وربنا لو صح ياهتشوفو
ندى:-فى ايه مالك
رحمه:-حكت اللى حصل
ندى:-محمد مايعرفش لازم يعرف
رحمه:-لا ماتقوليش لحد أن هسافر المنيا ولا حتي محمد لربما الخبر يتسرب واللى عمل كدا يعرف
ندى:-ايوة بس دا محمد
رحمه:-معلش انا عارفه انه جوزك هخليها مفاجأة ليهم
اقنعت رحمه ندى أنها ماتقولش لمحمد وخايفه أن جوز أختها يكون ليه يد فى الموضوع دا
********************
تاني يوما الصبح بدري اتفأجو الموظفين برحمه فى المستشفي غرقانه وسط الورق والملفات هي وأستاذ معاها تاني بس شكوا فيه أنه محامي
…………
هناك فى اوضه ضلمه فون بيرن
……. يووووووه مين ال بيرن فى الوقت دا
(دا بقي فؤاد محامي رحمه )
فؤاد :-الووو ايوه ….. ايه ……بتقول ايه
…… مين بتقول مين معاها …. وائل الحسيني كملت
اقفل اقفل وانا جاي
فؤاد :- وائل الحسيني عرفته ازاي دا يا نهار مش فايت
………
قدرت رحمه تخرج ورق ليها من فتره ورحمه ذكيه معاها نسخ مفاتيح المستشفي كلها قبل ماتسلمها ليهم عملت نسخ احتياطي رحمه زعلانه من كل اللى فى المستشفي
رحمه:- دكتور يوسف فين
حسين :-ليه فتره والله مبيجيش
رحمه:-حد يكلمه ويقوله اني هنا وعايزه ضروري
بالفعل حسين كلمه وفى دقايق كان موجود
دكتور يوسف :-رحمه ازيك
رحمه:-الحمدلله يا دكتوريوسف
هي دي الامانه
دكتوريوسف :-خير فى ايه ولاحظ وائل معاها مين الأستاذ
رحمه:-استاذ وائل المحامي
دكتور يوسف :-اه اهلا بحضرتك
وائل :-اهلا بيك
دكتور يوسف :-خير يارحمه فى ايه
رحمه خرجت الجواب بتاع الضرائب
دكتور يوسف :-ايه دا وازاي
رحمه:- المفروض انا اللى اسئل
دكتور يوسف :-يعني ايه انتي بتتهميني
رحمه:-دكتور يوسف
قاطعها وائل
وائل :-دكتور يوسف احنا مش بنتهم حد اللى عرفته أن حضرتك اللى ماسك المستشفي وبديرها والدكاترة تبعك
دكتوريوسف :-ايوة فعلا بس انا ليا فترة ماجتش هنا كنت فى مؤتمر ومسافر وراجع مالياش أسبوع ومعرفش ايه اللى حصل
وائل :- كدا الرؤيا وضحت أن اللى عمل كدا انتهز فرصه أن رحمه فى مصر مش بتيجي هنا وحضرتك كنت مسافر
رحمه:-تمام
دكتور يوسف :-ومين اللى عمل كدا
الباب اتفتح
فؤاد:-اتفأجا بيهم فى مكتبه صباح الخير وانا بقول المكتب نور أستاذه رحمه حمد الله على السلامه
رحمه:-بصتله بصه عايزة تحرقه فيها الله يسلمك ايه ماجيش
فؤاد:-لا طبعا فى أي وقت
رحمه:-وحشتونى جدا جيت اشوفكم
فؤاد:-استاذ وائل الحسيني هنا اهلا بيك
وائل :- اهلا
وائل بالرغم من صغر سنه بس عمل اسم فى مجال المحاماه محامي شاطر ونبيه وذكي ونزيه بالرغم من هزاره وضحكه بس وقت الجد مايعرفش حد وكان له هيبه وفؤاد عارفه كويس جدا
وائل:-المفروض انا اللى اقولك أستاذ انت أكبر مني سنًا وعندك خبره
فؤاد:-ولا يهمك انت بردو أستاذ
رحمه…. أدت وائل ورقه من ضمن الورق
فؤاد:-هو فى حاجه
رحمه:-اكيد فى امال احنا متجمعين عندك ليه هنا أستاذ فؤاد
فؤاد:-نعم
رحمه:-حضرتك مرفود من هنا
وائل :- تمام دي اول القصيده
فؤاد:-انا عملت ايه لكل دا ؟
وائل :- حضرتك عارف
فؤاد:-ردي عليا
وائل :-انا اللى برد عليك أستاذه رحمه انا المحامي بتاعها واحنا قدمنا فيك بلاغ بالنصب والتلاعب فى المستشفي
فؤاد:-بقي كدا يارحمه
دكتور يوسف :-عندك كلمه زيادة مش هتخرج من هنا على رجليك اتنين ومش ملين عينك بتوجهلها كلام
فؤاد:-الله الله انت طلع لك صوت يا دكتور يوسف
دكتور يوسف :-أخرس انا ماكنتش اعرف باللى بتعمله واقسم بالله لو أي دكتور له يد معاك يفصله من المستشفي وكمان اسمه يتشطب من نقابة الاطباء
مفيش ثواني والنيابة فعلا جت أخدت فؤاد
كان وائل بلغ نقابه المحامين باللى حصل من فؤاد واسمه اتشطب خلاص
كل اللى فى المستشفي من عمال لدكاتره اتحول للتحقيق وقدرت رحمه تثبت أنها مستشفي خيري صدقه جاريه مش مستشفي ربح
وائل لاحظ أن كل دور فى المستشفي فى صور أولاد صغيره وهم هم كل دور فى المستشفي كلها بس مسألش رحمه وراح مع رحمه النيابه وادلت بأقوالها بيسالها وكيل النيابه لاحظ وائل فى كلام رحمه أن المستشفي صدقه جاريه ع روح أولادها وزوجها وهنا ماكنش مصدق بس ربط كل الخيوط ببعضها وفهم أن صور الأولاد دول هم أولادها
هيثم كل شويه يرن على وائل و وائل يكنسل عليه بعتله رساله مضمونها ….. أقسم بالله العظيم ان ما رديت عليا لأكون عندك
فتح عليه وائل
وائل:-انت مجنون اكيد مجنون
هيثم:-طمني ياعم وأقفل الوضع عندك ايه
وائل :-دي لعبه كبيره ملعوبه عليها من المحامي وكمان له شركه واحنا فى النيابه بيتحقق مع الكل
هيثم:-يااااه كل دا والمحامي
وائل :-المحامي هو رئيسهم
هيثم:-تمام لو فى جديد بلغني
********************
برا والظابط ماسك فؤاد وفؤاد على آخره انا يتعمل فيا كدا خرج الفون بتاعه
الظابط:-ممنوع
فؤاد:-ممنوع لو دخلت جوه عند النيابه إنما برا لا
فؤاد:-انت فين
….عايز ايه ماترنش عليا انت مجنون ……
فؤاد :- لا ياباشا مشيلش الليله وحدي
………. بعدين نتكلم انا مش هسيبك بس دلوقت ماينفعش احذف الرقم خالص من عندك
فؤاد:-انا بكلمك من الخط التاني محدش يعرفه
…….. بس بردو إياك تجيب سيرتي
فؤاد:-أقسم بالله العظيم لو ما شفتليش صرفه هقول على كل حاجه انت شريكي
…….. فاهم ياعم مش هسيبك بس اصبر
فؤاد:-دي جايبه وائل الحسيني معاها عرفته ازاي
…….. مهو كله منك كان لازم تجبلها فيلا فى كومباوند هيثم الشناوي انت مش عارف رحمه أن لسانها الحلو وكله بيحب أن يساعدها
فؤاد:-احنا فى ايه ولا ايه
……. اقفل دلوقت ومتخافش بس إياك تجيب سيرتي
فؤاد :-لما اشوف ماشي
…… قفل السكه فؤاد ……..مين اللى كان بيكلمه. …
خلصت رحمه استجوابها وقالت لوكيل النيابه أنها مستعدة تيجي تاني فى اي وقت وائل هيتابع معاهم القضيه وهي خارجه
فؤاد:-خربتي بيتي حرام عليكي
رحمه:-انت اللى خربته بطمعك وجشعك المهنه بتاعتك والمكانة اللى انت فيها بيتمناها أي شخص غيرك انت اللى وصلت نفسك لكدا واحد زيك المفروض يكون قدوة لغيره انت أستاذ ومعلم بس يا خساره انت محامي وليد عز اللى نصب عليا
فؤاد:- انتي عرفتي دي كمان .
رحمه:-انت كنت فاكر اني مش هعرف الكدب مالوش رجلين زي مابيقولوا
فؤاد:-المحامي بتاعه معايا
رحمه:-يعني كل واحد فيكم واخد 3 مليون
فؤاد:-اه
رحمه:-انا هسامح فى حقي إنما حق غيري لا
فؤاد :-تقصدي ايه
رحمه:-دي قضيه جديده عليك غير القواضي التانيه اللى لما تدخل هنا هتعرفها انا مسامحك فى أي شئ عملتهولى بس حق صحابه لازم يرجع الى 3 مليون اللى مش حقك اللى اخدتهم
فؤاد :- انتي اكيد اتجننتي
وائل :-أحفظ ادبك لتكون قضيه سب وقذف وتضاف على اللى عندك
فؤاد:-انتو عايزين ايه انتي عايزة تاخدي مني فلوس لما تاخدي من المحامي بتاعه الأول
رحمه:-المحامي بتاعه هو كفيل بيه إنما انت أخدهم منك انت ها قولت ايه ولا تكون قضيه جديدة
فؤاد:-مش معايا فلوس هنا
رحمه:-بس دفتر شيكاتك معاك طلعه واكتب شيك بالمبلغ
كل دا ووائل واقف مصدوم ذهول مسيطر عليه ايه دماغ رحمه دي ايه دا
بالفعل فؤاد كتب شيك لرحمه بالمبلغ
رحمه:-أكتبه باسم وائل الحسيني
بصلها وائل
فؤاد :-ليه يعني
رحمه:-أصل هو الراجل هنا وانا صعيديه بفهم فى الأصول عيب لما شيك بالمبلغ دا يتكتب باسم بنت
فؤاد:-بغيظ حاضر
وائل :-كل اللى عمله انه ضحك
بالفعل أخدت رحمه الشيك من فؤاد وراحت على البنك بسرعه قبل مايقفل كلمتها ندى تطمن قالتلها كله تمام سألتها على محمد رحمه ردت انه مجاش طب أقوله رفضت رحمه وبشده أنها تقول لمحمد جوزها لحاجه فى دماغ رحمه ياتري ايه محدش يعرفها
صرفوا المبلغ وراحوا على المطار على طول كلم هيثم وائل يطمن عرف انهم جايين على طياره الساعه كذا
بالفعل راح هيثم يستقبلهم فى المطار
وائل وهو فى الطياره:- ايه الدماغ دي والله انا فاتت فيا موضوع وليد عز
رحمه:-ههههه فات فيك انت إنما انا لا وكنت مستنيه الفرصه
وائل:-بس لا والله دماغك دي خساره لازم تشتغل وانا متأكد أنها لو اشتغلت هتخرج اكتر من كدا
رحمه:-مش للدرجه دى انا عملت ايه انا على فكره دارسه اداره أعمال وبعرف انجلش وفرنش
وائل :-كمان ومخبيه نفسك لا انا هخلي هيثم يشغلك معاه فى الشركه
رحمه:- لا شغل ايه تمام على كدا
وائل :- لا تمام ايه
رحمه:-ضحكت ووائل التاني ضحك
نزلوا هم الاتنين من الطياره وبالفعل كان هيثم فى انتظارهم ركبوا العربيه ومشيوا ووهم ماشين
هيثم:-حمد الله على سلامتكم طمنوني
وائل:-يوووه حاجات كتيره حصلت دي طلعت لعبه ملعوبه صح
وائل قاعد جنب هيثم فى الكرسي القدام ورحمه وراه هيثم بالظبط وكل شويه هيثم يبص فى عيونها وهي لاحظت كدا (هيثم ورحمه رجعوني للحب بتاع زمان الحب الصادق النقي هو بيحبها ومكسوف يقولها ويسرق نظره من عنيها وهي عارفه ومحرجه حتي تبص له )
هيثم:- ازاي دا
وائل:-بس اسمع دي والله انا المحامي فاتت فيا اني حتي أفكر فيها
هيثم:-ايه دي
وائل:-بص دي فلوس وليد عز اخدتها رحمه من فؤاد المحامي
هيثم باستغراب :- ازاي دا
وائل :-بعد ماخدو أقوال رحمه خرجنا لقينا فؤاد بيشد فى شعره رحمه ساومته يا تاخد الفلوس اللى اخدها يتكون قضيه جديده وهو عشان السجن فدا نفسه وحكي وائل اللى حصل ودار بين رحمه وفؤاد
هيثم:-بص لها فى المرايا كل دا وربنا دماغك دي دماغ
وائل :-فعلا دماغ
رحمه:-انا جبتلك الفلوس توديها لوليد عز زي ماجبتها ولو مش هتوديها اوديها انا
بصلها هيثم فى المرايا وكشر وشه وعقد حواجبه ? انتي بتقولي ايه ايه توديها دي
رحمه:-يعني يمكن انت عشان آخر مره حصل تاتش معاكم
هيثم:-ولو بردو انا هوديها زي ماجبتها وكمان الليله
رحمه بابتسامة مخفيه من تحت النقاب :- ماشي
وائل:-هيثم شغل رحمه معاك دي دارسه اداره أعمال وبتعرف تتكلم انجلش وفرنش
هيثم:-ياريت والله
رحمه:-لا شغل ايه انت بردو لسه في دماغك
هيثم:-ماتقوليش لا انتي فكري وانا موجود بس ماتروحيش عند حد تاني هتعرفي اللى هيتعمل فيكي
رحمه:-ههههه انا معرفش حد تاني
هيثم:- دا من حسن حظنا
رنت هند على وائل تطمن عليه عرف أنها عند الحاجه عليه راحوا كلهم هناك وحكوا اللى حصل معاهم
ندى :- كل دا ومحمد مايعرفش
رحمه:- ويعرف ليه خلاص موضوع وانتهي ماتشغليش بالك انتي بيه خلاص
هيثم:- ها فكرتي فى عرضي
رحمه:- عرض ايه
هيثم:-الشغل
ندى :- رحمه تشتغل عندك
هيثم :-اه بس اختك مش موافقه
رحمه:-لا طبعا
ندا:-ياريت والله حتي تخرجي من اللى انتي فيه دا
هند عارفه ايه اللى هي فيه ووائل تقريبا شبه عارف بس اللى مش عارف هيثم فقال يعني ايه
رحمه:-لا ماينفعش
الحاجه عليه :-يابنتي انتي نسيتي انتي كنتي ايه فى شغلك ومكانتك اللى وصلتلها
هيثم:-انتي كنتي بتشتغل! !!؟؟؟؟
رحمه:-ايوة قعدت حوالي 7 سنين
هيثم:-ازاي دا وسيبتيه ليه
رحمه:-بعد ماخلصت ثانوي اشتغلت على طول وسبته لظروف وكمان عشان جيت مصر
هيثم:-جيتي عشان احنا نستفيد منك طبعا هههههه
كلهم مع بعض ضحكوا
………
وائل نستاذن احنا
الحاجه عليه :-اتعشو معانا
هيثم:-انا مش هقدر لأن عندي حفله مش هتيجي معايا يا وائل
وائل :-لا ياعم انا تعبان هنام
هيثم:-وانا والله ماليا نفس اروح
هند:-خلاص ماتروحش
هيثم:-ماينفعش الناس دي شغلنا معاها
هند:-طب ما انت مش بتعمل حفلات
هيثم:-وبص على رحمه عشان انا مش متجوز والستات هم اللى بيعملوها ويرتبوها
هند:-تصدق فعلا ايوة صح رانيا كانت بتعمل عندك وبعدها انت بطلت
سمعت رحمه اسم رانيا واستنتجت واستنتاجها صح انه مطلق ودا اسم طليقته
هند:-طاب ما اعمل انا حفله
وائل:-نعم ليه بقي انا مش رجل اعمال زيهم
هند:-يعني انت شفتني عملت
وضحكو مع بعض وعدت المقابله وكل واحد راح على بيته هند وائل وابنها كريم وهيثم على فيلتهم …. ورحمه على اوضتها فتحت البلكونه لقت هيثم فى وشها ابتسم ابتسامة حلوة زيه هي ابتسمت بس من تحت النقاب ودخلت تاني راح هيثم للحفله ورحمه الليل كله قلقانه بس هي مش عارفه ليه وعلى مين …….
راجع هيثم من اللى حفله تقابله عربيه نقل فى الاتجاه المعاكس حاول يتفاديها بس مفيش
…… فون بيرن
وائل :-مين بيرن دلوقت الووو ايه مستشفي ايه طب انا جاي
هند: فى ايه
وائل :-هيثم عمل حادثة وفى المستشفي دلوقت
هند:-ايه اللى بتقوله دا انا جايه معاك
وائل :-لا عشان كريم بكره الصبح اطمنك وابقي تعالي
راح وائل على المستشفي هيثم حالته خطيره ارتجاج فى المخ وكسر فى عظمه فى المخ وكدمات وكسور ودخل العمليات كلم هند قالها هند لازم تشوف هيثم راحت عند رحمه تخلي كريم معاهم رحمه اول ماشفات هند الصبح بدري عرفت ان فى حاجه قلبها مقبوض من الليل اتصدمت اول ماعرفت أن هيثم ودعت ربنا انه يكون كويس
هند:-معلش هخلي كريم معاكم
الحاجه عليه:-طبعا يابنتي
رحمه:-انا هاجي معاكي
الحاجه عليه:-كنت لسه هقولك يابنتي
رحمه؛-انا عارفه يا ماما
بالفعل هند ورحمه راحوا على المستشفي استقبلهم وائل وهيثم جوه العمليات
رحمه كل اللى عملته أنها قعدت تقرأ قرآن وتدعي ربنا وقعدت جمب منها هند ومش بتنطق ولا كلمه شويه وجت رانيا
رانيا:-بعياط هو فين هو فين حبيبي هيثم مين اللى عمل فيه كدا
هند :-اهدي اهدي يا رانيا ربنا معاه
رن اسم رانيا فى ودان رحمه دي رانيا اللى قالت عليها هند ويبقي دي طليقته ولا التفتت رحمه لرانيا
بس رانيا ركزت مع رحمه مين دي وايه اللى جابها هنا تقرب لهيثم
رانيا:-بعياط مصطنع هيثم حبيبي
…….. هناك عند وليد عز الكلام دا اليوم اللى قبله يعني اليوم اللى كانت فيه رحمه ووائل فى المنيا
………
وليد باشا موجود
السكرتارية :-ايوة حضرتك ثانيه ابلغه
…. تبلغي مين انتي يا متخلفه انا توقفيني
السكرتارية :-لو سمحتي ماينفعش كدا
….. اوعي غبيه متخلفه
فتحت الباب ودخلت
وليد عز:-رانيا هانم مال الجميل زعلان ليه.
رانيا:-انا توقفني المتخلفة الغبيه دي
السكرتارية :-والله يافندم
وليد عز شاور للسكرتارية أنها تخرج خرجت بالفعل
وليد عز:-خلاص يا رانيا هانم اهدي بس قولي لي اخبارك ايه .
رانيا :-زفت
وليد:-هههههه ليه بس هو لسه منفضلك
رانيا:-لسه وتعبت معاه
وليد:-ماكان فى ايدك الأول بس انتي اللى غاويه تعب
رانيا :-بقولك ايه انا مش ناقصة
وليد:-بس خلاص بس تصدقي اننا ماكنتش اعرف هيثم وعرفته اول امبارح
رانيا:-ازاي دا
حكي وليد عز اللى حصل معاه هو هيثم
رانيا :-ومين دي بقي
وليد:-والله معرفها ومعرفش إذ كان هو كمان يعرفها ولا لا
رانيا:-بقي كدا ماشي قولي عايزة أي حاجه أقرب بيها منه ?
وليد:-مش عارف والله
…………..
فى المستشفي بعد 5 ساعات خرج الدكتور من العمليات كله جري عليه بس رحمه مش من حقها أنها تجري بس هي اكتر واحدة كانت بتموت فى ال 5 ساعات دول
الدكتور:-الحمدلله هو كويس وحالته استقرت شويه وهيخرج على العنايه يوم ويتنقل لاوضه عادية
دخل وليد عز خير طمنوني
وائل :-الحمدلله الدكتور بيقول كويس
وليد:-معرفتوش مين اللى عملها
وائل :-السواق عربيه النقل مسكوه وبيحققوا معاه بس شكله كان شارب
وليد:-خير ان شاء الله لمح وليد عز رانيا راح عندها
وليد:-ماتقلقيش خير بإذن الله
رانيا:-اكتفت بنظره لوليد
لمح وليد رحمه بس ماركزش معاها وميعرفش أن دي الصعيديه اللى هيثم اخد منه الفلوس لها
أخيرا
خرج هيثم من اوضة العمليات بس مافقش فضلوا اليوم كله
وائل. .:-هند روحوا انتو وانا معاه
هند:-اطمن عليه ويفوق
وائل :-دا قدامه لبكرة
هند:-طاب ابقي طمني
وائل :-اكيد
رحمه مالهاش حق تتكلم عايزة تفضل بس ماينفعش رانيا كانت مشيت من بدري روحوا بالفعل وسألتهم الحاجه عليه على هيثم واطمنت عليه هتروح هند بس رحمه مارضيتش تخليها تمشي تنام معاهم النهاردة بالفعل قبلت الطلب هند وباتت معاهم وتحديد هي وكريم فى اوضته رحمه
رحمه طول الليل مانمتش أقامت الليل بنيه شفاء هيثم وصلت واستغفرت ودعت ربنا كتير انه يقوم بالسلامه ……
وهند ملاحظه كدا عليها نامت رحمه بعد الفجر صحيت هند واتسحبت من عند رحمه …..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
