رواية عشقت منتقبه الفصل الحادي عشر 11 بقلم وفاء رشدي
رواية عشقت منتقبه الجزء الحادي عشر
رواية عشقت منتقبه البارت الحادي عشر
رواية عشقت منتقبه الحلقة الحادية عشر
بعد ما رحمه عرفت ان هيثم هو اللى ساكن قصادها وكمان فى نفس الاوضه والبلكونه قصاد البلكونه الموضوع صعب اكتر عليها وهيثم هناك فرحان بيفكر ازاي يقرب منها, هند فى بيتها احساسها ملغبط زعلانه على رحمه واللى حصل معاها وان فى ناس بالفعل كدا هند اكتفت بالصمت ماقالتش لحد حاجه عن رحمه ولا حتي وائل جوزها فضلت انهم يعرفو بعيد عنها أو من رحمه نفسها لما شافت نظرة اللوم والعتاب اللى فى عيون رحمه بس نامت هند وهي فعلا بتفكر ازاي تخرج رحمه من الحزن دا وتحاول تعوضها لو بجزء بسيط مع أن الضنا مافيش أي شئ فى الدنيا بيعوضه عدت الليله على الكل وجه تاني الصبح تحديدا الساعة 11 الصبح رن جرس الفيلا توقعت الحاجه عليه وندى تكون هند فتحوا الباب بالفعل بس ماكنتش هند دا هيثم
هيثم:- صباح الخير انا أسف أنى جيت من غير معاد
ندى :- اهلا بيك صباح النور ماتقولش كدا البيت بيتك تشرف فى أي وقت
هيثم : ميرسي جدا ربنا يخليكي
ندى :-اتفضل
دخل هيثم وسلم على الحاجه عليه وعنيه بتدور على رحمه، رحمه فى اوضتها لسه مانزلتش لانها نامت بعد الفجر
هيثم:-انا قلت اعدي عليكم قبل ماروح الشغل
الحاجه عليه:-البيت بيتك افطر معانا
هيثم:-لا لا شكرا ليكي يا أمي انا جيت اطمن عليكم وعرفت أخبار عن عادل وجاي اتأكد منكم
الحاجه عليه وندى بفرحه ايه بجد
ندى:-استنى انده على رحمه دي هتفرح اوووي
راحت ندى تصحي رحمه لقيت رحمه صاحيه ولسه هتنزل قابلتها عند الباب قالتلها أن هيثم تحت وعنده أخبار عن عادل فى ثانيه رحمه لبست النقاب كانت نازله من غيره ونزلت ورا ندى أخيرا هيثم عيونه هديت لما شاف الملكه بتاعته نازله من على السلم برنسس وهي بالفعل برنسس عارف هيثم أنها خجوله جدا خصوصا من ناحيه العيون
رحمه :- صباح الخير
هيثم بصوت كله حب وعيون بتلمع ولاحظت كدا رحمه : صباح الورد
رحمه:- بلهفه أخبار ايه اللى عرفتها
هيثم:-بصي ياستي مصادرنا اشتبهت فى واحد شبهه فى سجن هناك وبعتت صورته وانا جاي اشوف هو ولا ايه
الحاجه عليه:- وريني يابني
خرج هيثم الفون وجاب صورته
واحد ضعيف جدا وبدقن كبيره وشعر كبير الحاجه عليه ست كبيره مش عارفه تميز أخدت ندى الفون بردو التانيه مش قادرة تحدد وأخيرا فون هيثم مسكته رحمه وكالعادة ريحه برفيوم بتاعته كانت ملت ايدها
رحمه:-هو ايوة هو
هيثم:-متأكده
رحمه:-ايوة متأكده وعندي الدليل
كلهم بصوا لرحمه
هيثم:-دليل ايه
خرجت رحمه الفون بتاعها وورته صورة لعادل من قبل مايسافر كان زي كدا
هيثم:-فعلا شبهه
قالتلهم وعندي كمان برنامج على الفون ممكن اشيلك الدقن بيه وهتعرفوا بالفعل عملت الصورة من غير دقن
الحاجه عليه:-هو ايوة هو الحمدلله يارب ابني لسه عايش
سعادة هيثم كانت لا توصف انه أخيرا فرح رحمه بس افتكر قال ممكن لو جه عادل انا مقدرش اجي هنا ولا اشوفها
رحمه:- استأذ هيثم
هيثم:- مين الأستاذ لا لا هيثم كدا مش بحب الكلمه دي
رحمه:-معلش الاحترام واجب
هيثم:-معلش انتي انا صغير والله فى سن 32 سنه بس هتكبريني ولا ايه
رحمه:-ابتسمت وعيونها داقت من تحت النقاب عرف هيثم أنها ضحكت راح ضحك وكلهم ضحكوا
الحاجه عليه:-هتفطر معانا
هيثم:-لا يا أمي معلش الحق الشغل
رحمه:-الحاجه عليه أمرت يبقي خلاص
هيثم:-وانا مقدرش ارفض لها طلب
بالفعل فطر هيثم معاهم بس مع الحاجه عليه وندى رحمه قعدت على السفره بس مأكلتش وعرف هيثم أنها ماتنفعش تأكل عشان النقاب
بس عيون هيثم احتارت فيها رحمه كل ماتيجى فى عيونها تلمع والقفل بدأ يتحرك وبتكدب قلبها بس مفيش مش مبطله تفكير خصوصا بعد اللى عمله دا واللى لسه هيعمله
رحمه:-انت عرفت ازاي انه مسجون
هيثم:-دي مصاري الخاصه انا ليا فى كل بلد ناس تبعي وموضوع عادل موضوع كان سهل عليهم وربنا يسهل ونجيبه بالسلامه من هناك
رحمه:-ازاي يعني هو فى خطورة عليه
هيثم:-هنعرف كل حاجه وماتشليش هم بس قولي يارب
كلهم مع بعض ياااارب
خلص هيثم معاهم الفطار ومشي هو وخارج خرجت معاه رحمه توصله
رحمه:-بصراحه انا مش عارفه اشكرك ازاي
وقف هيثم فى جنينه رحمه وبص لعيونها بحب
هيثم:-انا ماعملتش حاجه لسه عشان تشكريني عليها ولأول مرة رحمه وهيثم من يوم ماتقابلو يطولو النظر لبعض هو مش قادر يبعد عنيه عن عيونها وهي كمان كلام العيون كتير
واذا تلاقت العيون سكت العالم عن الكلام …
واخيرا رحمه بعدت عيونها عنه وقالت لنفسها ايه اللى انتي بتعمليه دا فوقي فوقي عيب وقبل مايكون عيب حرام دا غريب عنك
هيثم:-انا لمحت حوض ورد هنا عجبني جدا
رحمه:-بجد الحوض دا وشاورت على واحد
هيثم:-ايووووة هو دا راح ناحيته من قريب جميل جدا
هيثم:-سبحان الله مين اللى زراعه
رحمه:-بابتسامة مخفيه انا
هيثم:-رفع حاجب واحد بجد لا انتي بتهزري
رحمه:-والله ابدًا انا اللى زرعته متنساش أننا صعايده
هيثم:-ما انا صعيدي كمان بس مازرعتش
رحمه:- باستغراب انت صعيدي
هيثم:-اه والله أصلي من أسيوط بس مولود وعايش هنا فى مصر
رحمه:-يعني انت ابن عمي احنا من المنيا
هيثم:-احسن ناس طبعاً بس مش غريبه شويه دي
رحمه:-وايه الغريب اللى فيها
هيثم:-أن ورده تزرع ورد
رحمه:-بخجل واضح عليها جدا بصت للأرض بكسوف ومنطقتش ولا كلمه
هيثم:-بس بصراحه تسلم ايديكي انا ممكن أستعين بيكي على كدا نفسي ازرع زي كدا فى الجنينه عندي واقعد وسطهم اشم هوا بدل منا يا فى الشركه يانايم يا فى حفله والله زهقت
رحمه:-انا تحت امرك طبعا الوقت اللى تختاره انا معاك فيه
هيثم:-يارب دايما معايا وعلى طوول
رحمه:-مانطقتش تاني بس هو عايز ايه وبيلمح لايه
رحمه:-ارجوك لو عرفت أخبار جديده تقولنا عليها
هيثم:-من غير ارجوك هو دا اللى هيحصل انتو بقيتوا عندي زي وائل وهند يعني أهلي ربنا وحده يعلم
ومشي هيثم على شركته وقابله وائل واتكلموا عن عادل وكالعادة محاولات طلقيته رانيا بتبعتله ورد وهو منفض خالص
****************
عند رحمة فى البيت فرحانين أن فى أخبار عن عادل وبيدعوا ربنا انه يجمعهم تاني باخوهم
فلاش باك
خرج دكتور يوسف من عند رحمه بعد ما اطمن عليها خرجت وراه الحاجه عليه
الحاجه عليه :-دكتور دكتور يوسف
دكتور يوسف :-ايوه يا أمي
الحاجه عليه :-فى موضوع عايزة اتكلم معاك فيه
دكتور يوسف :-اتفضلي يا أمي خير
الحاجه عليه :-علي جوز رحمه من يوم مامشي يوم العمليه وهو مارجعش تاني طفش
دكتور يوسف :-فى حاله ذهول ايه ازاي دا فى حاجه غلط فى علاقتهم
الحاجه عليه :- الجوازة كلها غلط من الاول مشاكل ما بينهم كتير وبنتي صابره ومستحمله عشان ولادها انا خايفه لو عرفت تحصلها حاجه وهي لسه
دكتوريوسف :-تمام سيبي الموضوع دا عليا هو راجل خساره فيه حد يبقي متجوز واحده زي رحمه ويعاملها كدا اللى زيها المفروض يتعمله تمثال بنت زي دي ما كملتش 23 سنه متجوزة من واحد فوق 40 ليه دا حتي ماكلفش نفسه يشوفها تخرج من العمليات خساره خساره والف خساره
مشيت الحاجه عليه دخلت لرحمه ورحمه كل شويه تسأل عن الأولاد وعلي
الحجه عليه :-بكره هجبلك الأولاد بإذن الله
****************
خلص شغله دكتور يوسف وراح يطمن على رحمه جاب أكل معاه ودخل لرحمه
دكتور يوسف :- أخبار الجميل بتاعنا ايه
رحمه:-الحمدلله يا دكتور هو انا ماقربتش أخرج من هنا زهقت من عايزة ارجع بيتي وشغلي
دكتوريوسف :- هانت يا جميل كنت عايز اقولك على حاجه
رحمه:-خير يا دكتور
دكتوريوسف :-علي جوزك??
رحمه:-ايه طفش ههههههههههه
دكتوريوسف :-فى حاله استغراب بتضحكي اه طفش فعلا عرفتي ازاي
رحمه:-معروفه يا دكتور وحاجة متوقعاها واستنتجت كدا لما كل مسأل عليه خرج مشوار هو المشوار اللى خرجه دا مارجعش منه عادي يادكتور ربنا يستر طريقه
دكتور يوسف فى حاله ذهوووووول إعجاب استغراب قال : ايه دا كل دا وكمان بتدعيله
رحمه:-اه بدعيله مش أبو اولادي
دكتوريوسف :- ربنا يباركلك ويديكي على قد نيتك البيضه دي مافيش حد فى الزمن دا زيك
رحمه:-ولك المثل
دكتوريوسف :-انا جايب أكل أكل انا وانتي
رحمه:-لا يا دكتور شكرا ليك
دكتوريوسف :-لا لازم عشان يبقي عيش وملح رفضت رحمه وهو احترم رغبتها
****************
اتحسنت حاله رحمه وخرجت من المستشفي ورجعت لبيتها فضلت فيه تحت حماية عم مختار ورجعت شغلها وكانت بتابع مع دكتور يوسف حالتها لحد ماجه فى يوم دكتور يوسف طلبها للجواز رفضت وبشده قالها المفروض تطلقي منه سابك ومتعرفيش عنه حاجه المحكمه هتحكملك بكدا رفضت كلامه قالت انا عايشه عشان اولادي وبس وحالتها اتحسنت وبطلت تتابع عند دكتور يوسف
عدت سنه على الموضوع دا رجع جمال من سفره فرح أن رحمه بخير وزعل من اللى عمله أخوه بس جمال ماحاولش يقرب من رحمه فى الفترة دي رحمه لبست نقاب وادارت عن عيون الكل غير المعاكسات اللى كانت بتتعرض لها وكانت محترمة جدا فى كلامها ومشيتها وأسلوبها وبدأت الحياه تستقر مع رحمه
وجه يوم رجعت من الشغل عدت على والدتها الحاجه عليه أخدت أولادها اتفأجات بمين فى البيت اتفاجئت بعلي
رحمه فى حاله صدمة انه رجع شكله متغير الشكل واللبس وظاهر عليه أنه ثري اول ماشافها علي حضنها هي بعدت عنه
سلم على الأولاد وفضل معاهم رحمه مانطقتش بكلمه اتكلم معاها انه ندمان على كل اللى فات وعايز يرجع وهي رافضة تماما بس مفاجأة عمرها قالها أن هو اتجوز
رحمه:-اتجوزت؟؟؟
طب طالما انت متجوز راجع ليه ؟
علي:-راجع لبيتي وعيالى ومراتي
رحمه:-عندك !!!!! بيتك وعيالك اه إنما مراتك لا بح شطبنا كان زمان وخلص
علي:-ايه اللى بتقوليه دا
رحمه:-اللى سمعته انت فاكر نفسك لما تغيب تغيب وترجع هكون منتظراك تبقي غلطان الراجل اللي سيب مراته فى اوضه العمليات ويهرب حتي ميفكرش انه يطمن عليها يمكن ماتت تفتكر لو مت عيالك دول كان مين اللى هيربيهم وانت طفشت
علي:-يووووه موضوع وراح لحاله انا من النهاردة هفتح صفحه جديده
رحمه:-مش لما تقفل القديمه الأول عمرها ماتتقفل انت خلاص بالنسبالي مافيش عيالك أهم عندك إنما انا لا
علي:-انتي مراتي سامعه مراتي مهما تعملي بردو مراتي
رحمه:-كان زمان انا من النهارد لعيالي وشغلي وبس
انتهي الحوار بين رحمه وعلي بيقنع فيها وهي رافضة وسابها ومشي رجع مكان ما جه بس كان بيبعت لها فلوس كتير جدا وهي كانت متضايقه من كدا وحرمت فلوسه فتحت حساب فى البنك وحطه الفلوس دي لما يرجع تدهالو مش عايزة منه حاجه خصوصا انها مش عارفة مصدرها ايه
مصدر ثروة علي :-
علي بعد ما ساب رحمه فى العمليات ومشي اخد الدهب بتاعها وسافر على البحرين اشتغل فى مزرعه عند ثري بحريني بعدها بفترة اتوفي الثري ده ومعندوش ولاد ولا أهل يسألو عليه زوجته ست كبيرة فضل فى خدمتها وبيراعيها لحد ماهي طلبت منه الجواز وبالفعل اتجوزها كانت بتحب علي جدا حبته بجد ومن كتر حبها ليه كتبت كل حاجه باسمه بعد مارجع علي من مصر وقابل رحمه الست دي اتوفت فكر علي أنه خلاص يرجع بلده حول كل حسابه من هناك لمصر وأخيرا رجع عاى مصر واستقر فى بيته ومحاولات كتير كل دا ورحمه ماتعرفش بثروة علي فاكره انه متجوز واحده بس ماتعرفش حاجة تانية وهو كمان ماقالش لحد
رحمه:- أبعد عني أبعد ايدك عني
علي:- أبعد ايه انتي مراتي انتي فاهمه
رحمه:-لا مش مراتك انا بندم على كل لحظه كنت معاك فيها انا عمري ما هرجع زي الاول أبعد ياعلي
علي:- قلبك قاسي عليا اوووي
رحمه:- انت قاسي قبلي انت نسيت اللى كنت بتعمله فيا لو انت نسيت انا فاكره وعمري ماهنساه
علي:-خلاص فكك من اللى فات وخلينا نعيش حياتنا ونربي أولادنا
رحمه:-انا عايشه بربي اولادي الحمد لله إنما رجوع لا لا لا لا
روح لمراتك اللى انت اتحوزتها
علي:-اهي ماتت أقسم بالله ماتت
رحمه:-الله يرحمها والله انا معارفه اتجوزتك عاى ايه
علي:-بتحبني
رحمه:-نعم بت ايه بتحبك
علي:-اه والله اتجوزتني عشان بتحبني
رحمه:-وانت
علي:-انا مش بحب حد
رحمه:-حرام عليك كنت بادلتها نفس الشعور جبرت بخاطرها انت ايه يا أخي حتي لو هتكدب
علي:-انا عمري فى حياتي ماحبيت ولا هحب وفى نظري اللى بيحبوا دول شوية عيال ايه الواحد يكون متعلق بواحدة دا عيب عشان كدا انا علمت درس لجمال اخويا واتجوزتك عشان كدا عشان الراجل مايتعلقش بحرمه
رحمه:-لا لاااااا انت اكيد مجنون دماغك دي فيها حاجه
وسابته ومشيت
****************
محاولات كتير من علي بس رحمه رافضة تماما هي حاولت بس ماقدرتش ماقدرتش أنها ممكن ترجعله بعد اللى عمله هتكون رخيصة عنده وأي شيء هيعملو بعد كدا مافيش لوم عليه لانها هي اللى رجعت
وجه اليوم اللى كله مأساة على رحمه
رحمه :-يلا يا ولاد
علي:-هيروحو فين
رحمه:- عند جدتهم عندي شغل كتير ويمكن اتأخر النهاردة
علي:-لا سيبيهم انا معاهم
رحمه:-على أساس ايه انت لو واحد فيهم بيعوز حاجه مش بتعملهاله ودول صغيرين
علي:- لا سيبيهم خليهم معايا وانا هشوف طلباتهم
مع أصرار علي انها تسيبهم سابتهم
وهي خارجه باستهم وحضنوها حضن كبير جدا كأن قلبها بيقولها مش هتشوفيهم تاني خرجت رحمه على شغلها مر اليوم ورجعت رحمه البيت شافت قدامها ناس بتجري واسعاف مطافي وفرقه أنقاض فقالت بخوف ورعب : ايه دا فى ايه كل دا ملموم عند بيتي
جريت زي المجنونه فى الشارع البيت ولع وبعد ماولع انفجر امبوبة غاز فيه
استنتاج موتهم ازاي واللى كله شهد على كدا خرجوا جثه علي من اوضته النوم كان نايم بالفعل على السرير والأطفال ال 3 من المطبخ استنتاج واضح انهم كانوا جعانين وهو كالعادة سايبهم حبوا يفتحوا الغاز معرفوش ولع فيهم وعشان القري فى الصعيد ماوصلهاش الغاز الطبيعي كانت بامبوبة غاز وكمان اتنين مش واحده )
دخلت رحمه فى غيبوبة قعدت شهر مافيش غير المهدأت معاها تفوق تصرخ يدوها مهدأت ترجع تنام تاني فضلت حوالي شهرين
رحمه مؤمنه بربنا وواثقه أن ربنا هيعوضها خير بدأت تقرأ قران وتدعي ربنا يجمعها بيهم فى الاخره بس مش مسامحه علي على اللى عمله وهو كان السبب بس دا قدر ونصيب بدأت تتحسن بس شغل مفيش موجودة عند والدتها وبتحاول تخرجها من اللى هي فيه بس التانيه قلبها موجوع اوووي عايزة اللى يواسيها
عدت أيام وشهور على رحمه بتحاول تنسي بس تنسي ايه دا عمر بالنسبالها دول عشر سنين من حياتها راحوا وياريت خرجت بحاجه الاحلي شئ وهم عيالها راحوا بدأت تيجي لرحمه جوابات من البنك وهي مش بتفتح واحد لحد ما ندى فتحت واحد
ندا:-ايه دا رحمه انتي حسابك فى البنك كام
رحمه بصوت مبحوح من العياط :- تقريبا الف جنيه ليه بتسالي
ندا:- الف ايه بصي
اتفاجات رحمه باللى شافته أصفار كتير وأرقام كتير ايه دا آخر حاجه رحت سحبتهم وادتهم لعلي لأن دي فلوسه وانا ماكنتش عايزة حاجه
ندى:-ايوة فاكره بس بصي
رحمه:- مش فاهمه
تاني يوم أخدت ندى الجوابات وبطاقة رحمه وراحت البنك قابلها فى الاستعلامات محمد اللى هو جوزها دلوقت
ندا:-السلام عليكم
محمد:-وعليكم السلام اتفضلي حضرتك أي خدمه
ندا:-طلعت الجوابات واستفسرت ومعاها بطاقه رحمه بس محمد قالها معلش يا فندم لازم أخت حضرتك هي اللى تيجي بنفسها لأن دي أسرار عملاء ماينفعش تخرج برا حتي لو كنتي أختها
ندا:- تمام ماشي شكرا
وسابته ومشيت حكت اللى حصل معاها
رحمه:- بس ياندى انا لا هروح ولا هاجي ارجوكي
ندا:-بس خلاص اهدي اهدي
وقفلوا على الموضوع
بعد أسبوع واتنين وتلاته شافت رحمه موضوع الصدقه الجاريه فى التلفزيون قالت ياريت معايا كنت عملت لهم افتكرت البنك والإصفار الكتير
ندى : ماتيجى نروح ونسأل
رحمه :- ماشي
بالفعل تاني يوم راحت رحمه وندى واستقبلهم محمد وعرف أنها منتقبه ونده على واحده كشفت على وش رحمه فى اوضه هي اللى فى البطاقه ولا لا
محمد:-لا تمام هي، معلش احنا اسفين بس دي قوانين البنك
رحمه:-عادي ولا يهمك
محمد:-بصي يا أستاذه رحمه أستاذ علي جالنا فى يوم وحول كل رصيده فى حسابك كان جايب معاه بطاقتك دي ورقم حساب ليكى فى البنك هنا هو فينه مش بشوفه
ندى:-الله يرحمه
محمد:-? مات ازاي دا
ندى:- من حوالي 6 شهور
محمد:-بعد ما حول بشهر واحد لا اله الا الله عظم الله أجركم
كل دا ورحمه ساكته مانطقتش كلمه
فهموا الموضوع ايه روحت ندى ورحمه البيت
ندى:- رحمه بقت مليونيره
رحمه:- بعياط على حساب مين أنا ما كنتش عايزة حاجه غير ولادي بس
بعياط حضنتها ندى
ندى:-اهدي اهدي مش كدا رحمه فرصه وجتلك اعملي صدقه جاريه لاولادك
رحمه:- مسحت دموعها قالت ايوه فعلا
رحمه قبل أي شئ راحت لشيخ تستفسر عن الثروة اللى جاتلها دي موقفها منها ايه حكت للشيخ كل اللى حصل معاها
الشيخ:- بصي يابنتي الثروة اللى معاكي دي حلال وحقك شرعاً وقانوناً
وبالنسبة لاخواته مالهمش حق فيها لانها مش ورث هو كتبلك كل حاجه باسمك على حياه عينه اما حلال ولا حرام فهي ليكي حلال وإذ كان فيها شئ مصدره حرام فهيروح للى حصده سواء جوزك أو اللى قبله حسابه ليهم مش ليكي وربنا يصبرك يابنتي
****************
بدأت رحمه تهدي وتفكر هتعمل ايه وأخيرا استقرت أنها تفتح مستشفي بجميع التخصصات تعالج الأطفال بس اللى فى القريه وباقي القري لأنها كانت وسط الناس وشافت معاناتهم وحبت تخفف الم كل أم بتتالم عشان ابنها لانها جربت
مين اللى هيساعد رحمه فكرت رحمه مافيش غير دكتور يوسف وبالفعل راحتله دكتور يوسف ماصدقش أن دي رحمه بالنقاب عرف منها اللى حصل واتجدد طلبه للجواز تاني
رحمه:- دكتوريوسف ارجوك هتساعدني ولا لا
دكتور يوسف :-اكيد طبعا بس
رحمه:- دكتوريوسف طلبك مرفوض انت الف واحده غيري وأحسن مني تتمناك ربنا يكرمك بالاحسن
دكتور يوسف :-بس انا مش عايز غيرك انتي
رحمه:- دكتوريوسف انا جربت حظي مره ومش هجربه تاني ويستحيل انسي اولادي
ونهت الحوار مع دكتور يوسف
****************
بني المستشفى وتجهيزها اخد من رحمه 6 شهور لأن السيولة كانت موجودة وكان دكتور يوسف هو المدير بتاعها وبيديرها وهو اللى جاب الدكاتره فيها وكانت صدقه جاريه واللى بيصرف عليها رحمه
أما المحامي فؤاد اللى جابه لرحمه محمد جوز ندى حاليا فضلت رحمه كل ما تروح المستشفي تفتكر اللى فات ونفسيتها فى دمار دايما وسلفها مختار اخو علي مش سايبها فى حالها بيقولها أن ده بتاعنا احنا بالرغم من أن رحمه ادتهم من فلوس اخوهم بس ماملاش عينه جمال رفض ياخد إنما هو كان زي علي
رحمه:-استاذ فؤاد كنت عايزة حضرتك تشوفلي فيلا أو شقه فى مصر فى مكان كويس
أستاذ فؤاد :- ممكن فيلا فى مكان …..
رحمه:-لا حضرتك انا أفضل تكون فى كومباوندا لأن فيه ناس على مستوي وكمان عليه أمن مش فيلا فى مكان متطرف وبعيد
أستاذ فؤاد :- ماشي حضرتك تمام
والمحامي فؤاد طلع يعرف محامي وليد عز المتر احمد واشتري الفيلا اللى فى كومباوند هيثم لرحمه
وانتهت حكايه رحمه ومأساتها وبدأت من جديد دخلت الكومباوند وماكنتش بتخرج منه بس قبل ماتسافر أتقدم محمد لندى وهو شاب كويس ووافقوا عليه خصوصا أن ندى كانت بتميل له
عوده من فلاش باك
رحمه وقفت عند حوض الورد اللى هيثم معجب بيه وافتكرت كلامه وعيونه هو بيقول وردة تزرع ورد حساه إحساس غريب معاه ماحستوش قبل كدا هل ممكن يكون الحب اللى بتسمع عنه وعمرها ماجربته لا لا حب ايه وكلام فاضي ايه انا فى ايه ولا فى ايه بس هو بيتابعني ليه وعايز ايه كل ماتفكر فيه يقاطعها صوت عقلها لا
بس صوت جاي من بعييييييييد وصوت ضعيف جدا من ورا القفل ايوة إنا عايز دا صوت قلبها رحمه فى صراع بين العقل والقلب
أما هيثم فى شركته جتله رانيا طليقته وحاولت تتكلم معاه بس هو رافض حتي يقابلها رحمه مسيطرة على تفكيره كله جه معاد رحمه بتروح فيه للمكان اللى بتقعد فيه هيثم عارف الميعاد فقال فى نفسه : اروح ماروحش بس هروح بحجه ايه خصوصا انها خجوله جدا ودا أجمل شئ فيها فضل هيثم يفكر
بس رحمه كانت متوقعه انه هيجي
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
