رواية عشقت منتقبه الفصل الخامس 5 بقلم وفاء رشدي
رواية عشقت منتقبه الجزء الخامس
رواية عشقت منتقبه البارت الخامس
رواية عشقت منتقبه الحلقة الخامسة
اعتاد هيثم انه لازم يشوف رحمة فى نفس المكان كل يوم مر اليومين وجه اليوم الموعود اللى هيثم. هيقابل رحمه فيه عند عم محمد وهيحاول يتكلم معاها
رجع من شغله وبيبص على رحمه فى مكانها مش موجوده
هيثم :- لنفسه الله هي فين مش عادتها متكونش موجوده فى الوقت دا تكون راحت عند عم محمد اديني رايح واشوف
بالفعل راح هيثم عند عم محمد بس رحمة مش موجوده عدت ساعه اتنين تلاته اربعه خمسه ورحمه بردو ماجتش
هيثم:- ماجتش وشكلها كدا مش هتيجي بس شكلها كدا باين عليه انها ملتزمه اكيد هتلتزم بمواعدها
عم محمد:- معلش يابني الغايب حجته معاه يمكن تكون حاجه عطلتها وشغتلها انها تيجي لما تيجي هنعرف
هيثم:- ماظنش انها هتيجي الوقت اتاخر عليها
عم محمد:- الا قولي يابني بس ماتزعلش مني انا فى مقام والدك وكنت اعرفه
هيثم:- اتفضل ياعم محمد قول اللى عايزه
عم محمد:- انا شايفك مهتم برحمة وسألت عليها وهتخليني اديها عنوان الشركه بتاعتك عشان الفون فى ايه يابني ممكن اعرف
هيثم :- مافيش حاجه والله بس عايز اتكلم معاها وزي ما انت شايف منتقبه ممكن ماتقبلش كلام مني وكنت عايز اعرف وليد عز باع لها الفيلا بكام احتمال كبير ودا شئ اكيد انه سمسر عليها ودا شئ مقبلوش ابداً
عم محمد:- بس يابني ماعتقدش انها ممكن تقبل كلام منك انت تقريبا ماتكلمتش معاها ولو محرج ماتخافش انا معاك
هيثم:- عم محمد هي لو بتكلمك انت فانت فى مقام والدها وهي بنتك انما هتكلمني ليه حتي لو هسأل على حاجه ممكن ماتقبلش بكدا دا اللى انا حاسه
عم محمد :- لما نشوف يابني تيجي ونشوف الموضوع دا
هيثم لما تيجي هستأذنك انا بقي همشي لان تعبان مع السلامه
عم. محمد:- مع السلامه وخلي بالك من نفسك
***************
خرج هيثم وركب عربيته ومشي بس فكره مشغول ياتري ايه اللى حصل معاها منعها يارب خير……. وصل فيلاته راح على اوضته وفتح البلاكونه وقعد يبص بس مافيش. حاجه الدنيا ضلمه اوووي
الباب بيخبط
هيثم:- اتفضل
عم عبده:- هيثم يابني مالك فى ايه جيت جري على اوضتك وكمان فتحت البلكونه لاااااااا كدا يبقي فى حاجه خير يابني
هيثم:- ههههه غريبه يعني ياعم عبده ان افتح البلكونه
عم عبده:- اه غريبه مش عوايدك دي مش بتتفتح غير لما انا هكون بنضفها بس
هيثم:- فاكر البنت اللى كلمتك عليها انها منتقبه ساكنه فى الفيلا دي اللى قصاد مننا على طول دي
عم عبده:- الست رحمه
هيثم:- !!!!؟؟؟؟؟؟ رحمه انت عارف اسمها ياعم عبده
عم عبده :- اه يابني عارف دي شغاله عندهم البت عنايات بس ماكنتش اعرف انك تقصدها هي وكمان عنايات ماقالتش انها منتقبه
هيثم:- انت كمان عارف الشغاله اللى عندهم …. بصه استغراب
عم عبده:- ههههههه دماغك ماتروحش لبعيد يابني دي بنت صغيره كنت راجع وجايب طلبات وقابلتني هنا وانت عارف ان الفلل كلها شبه بعض كانت تايهه ومش عارفه الفيلا فين بس معاها رقمها فجبتها معايا خصوصاً انها جنب منا بس يابني بس انت بتسأل عليها ليها وجيت جري على الاوضه وفتحت البلكونه خير يابني
هيثم :- مافيش والله بس عرفت انها اشترت الفيلا من وليد عز وكنت عايز اعرف اشتريتها بكام ومحرج ان اكلمها وحكي موضوع الفون وعم محمد لعم عبده
عم عبده:- بس يابني واحده فى شخصيتها دي ماظنش انها ماتكلمكش دي طيبه جداً وذوق اوي وبتشكر فيهم كتير البت عنايات هي ووالدتها الحاجه خصوصاً الست الرحمه
هيثم:- هي ساكنه هي ووالدتها بس هنا بس انا حاسس انها ممكن ماتتقبلش كلام مني
عم عبده:- اه هي ووالدتها بس يابني واحده زي دي روحها حلوة وشخصيتها جميله ونفسها صغيرة جداً مش بتعامل الشغالين عندها انهم شغالين دي خلت عنايات تكمل تعليمها وبتديها دروس ومتكفله بيها هي واخواتها وبتخليها بتاكل معاهم على سفره واحده وبيساعدوها فى شغل البيت معتبراها واحده منهم مش شغالهم عندهم يبقي مش هتوافق انك تكلمها حتي لو كنت هتسألها على حاجه!!!!!!
هيثم:- كل دا فيها ?
عم عبده:- واكتر يابني والله لو تشوف عنايات وهي بتتكلم على الست رحمه هي رحمه وهي فعلاً رحمه وعنايات غلبانه فرحت بيها وربنا كرمها بواحده زي رحمه كلها انسانيه فى زمن انعدمت فيه الانسانيه
هيثم:- سبحان الله كل دا فعلاً احنا زمنا دا مافيش كدا يعني انت من وجهه نظرك اني اكلمها؟؟؟
عم عبده:- اه يابني اول ماتظهر اتكل على الله وكلمها
هيثم :- ربنا يسهل بس تظهر
***************
عدت الليله على هيثم وعدا يوم واتنين وتلاته واسبوع وبردو رحمه ماظهرتش عدت عشر ايام على رحمه وماظهرتش وبردو هيثم. كل يوم يعدي على عم محمد يسأل يمكن تكون ظهرت بس مفيش اي خبر عنها هي فعلاً مش موجوده فى الكومباوند
وقف هيثم عند المكان اللى كان بيشوفها فيه وافتكرها وهي اقعده وكلم نفسه انتي حلم ولا حقيقه انتي كنتي ليا حلم بس ماكتملش حلم انتهي من قبل مايبتدي مابدأش ياريته بدأ انا عمري ماشفت ولا هشوف واحده زيك خصوصاً فى المكان اللى موجود فيه فانتي كنتي شئ نادر اتمني لو اشوفك مره تانيه!!!!!!!!
***************
قبل عشر ايام وتحديداً تاني يوم كلمت فيه عم. محمد الساعه 2بالليل رن الفون
رحمه:- الو مين
محمد:- انا محمد، رحمه ندى تعبانه جداً والدكتور قال احتمال تكون ولاده وانا مش عارف اعمل ايه ودخلت العنايه
(محمد زوج ندى اخت رحمه )
رحمه:- ولاده ايه دي لسه فى السابع انا هاجي انا وامي اقفل
قفلت رحمه مع محمد واتصلت بمكتب الامن بس ماكنش عم محمد موجود ولا حتي فكر يسأل حد من الامن عليها عايزه تاكسى بالفعل فى خلال نص ساعه كان التاكسى موجود فى الوقت دا رحمه صحت والدتها الحاجه عليه بالراحه وجهزت نفسها وركبوا التاكسى وعلى المطار على طول حجزت رحله على المنيا بعد ساعه وبالفعل وصلو المنيا وعلى المستشفي اللى فيها ندى اختها قابلت رحمة زوج اختها وقابلت الدكتور واتكلمت معاه على حالة اختها
الدكتور:-ربنا يستر وتعدي اليومين دول على خير خصوصاً ان ضغطها واطي جدا لو فضل كده هضطر انى افتح قيصري وهضحي بالجنين عشان الام
التلاته رحمه ووالدتها ومحمد زوج اختها فى حاله ذهول رحمه حطت ايديها على بقها :- لا يا دكتور خير خير باذن الله هيعدو اليومين على خير ومافيش الكلام دا اختي هتقوم بالسلامه هي واللى فى بطنها باذن الله احنا واثقين فى ربنا انه هيعوضها خير
الدكتور :- يارب
***************
عدو اليومين مابين خوف وقلق وتوتر وقرأة قرآن وذكر واستغفار ربنا بالاستغفار بتفتح كل الابواب المغلقه وذكر ربنا
عدو على خير واتحسنت حاله ندى والجنين وبالفعل خرجت من المستشفي على بيتها رحمه فرصه موجوده فى البلد زارت مدفن اولادها وزوجها واكيد عيطت كتييييييييير……. وانا كمان عيطت ??
وراحت زارت المستشفي اللى هي فتحاها عاملاها صدقه جاريه على روح اولادها وزوجها مخصصه للاطفال بكل التخصصات اللى فيها اطفال بس فى القريه اللى فيها
وهي موجوده فى المستشفي بتشوف الاطفال الصغيرين صوت من وراها جاي
……. ازيك يا رحمه
بتلتفت رحمه :- جمال !!!!؟؟ ازيك انت الحمدلله بخير
جمال:- الحمدلله المهم انتي والحاجه ( جمال اخو زوج رحمه علي وعم اولادها )
رحمه:- الحمدلله بخير
جمال:- وحشتيني فينك كل دا
رحمه:- بعصبيه جمال لو سمحت حاسب على كلامك مالوش لزوم الكلام دا
جمال:- يعني انتي مش عارفه
رحمة:- عارفه عارفه ايه انا مش عارفه حاجه ومش فاكره غير اللى كانت بتعمله فيا مراتك وعمري مهنسي فرحتها فيا وشامتتها فيا يوم ماعرفت ان جالى كانسر فى المخ #سرطان وزاغريطها وتوزيعها الشربات على شويه العاهات اللى فى البيت عندكم
جمال:- كل دا ومعرفتيش اني بحبك انتي وقلبي دا عمره ماحب ولا هيحب حد غيرك انا بحبك من ايام ماكنتي فى اولي اعدادي وكنت براقبك ومستني تخلصي ثانوي عشان اتقدملك بس اعمل ايه فى اخويا الله يرحمه رجع من سفره واتفاجأت بيه قرأ فاتحه مع اعمامك وهو كان عارف اني بحبك وبعدها بشهر جيتي البيت بس ماعرفتش اعمل ايه كتمت فى قلبي واتعذبت واتعذبت اكتر لما بقيتي قدامي انا العاااااشق اللى بيحب واتعذب انا بحبك من ايام ماكنتي طفله بضفاير وكتمت حبي ليكي انتي كنتي بنتي وحبيبتي وكل دنيتي كل دا هنساه طبعاً لا العاااااااشق عمره ماينسي اللى عشقه وانا ماكنتش بعشقك انا كنت بتنفس حبك
رحمة:- حاطه ايديها على وشها وفى حاله عياط
انا معرفش كل اللى بتقول عليه دا ماعرفتش غير فى بيتكم ولو انت فاكر اني ممكن اخرب بيت واحده واحرم عيالها منها حتي لو كانت بتكرهني وانا عمري ما أذيت حد ولا كان ليا دعوة بحد تبقي غلطان انا بسااااامح اه بس عمري منسي وعمري مهنسي اللى عمله فيا اخوك لاخر يوم فى عمري لحد ماقابله فى الاخره انه كان السبب فى موت اولاااااادي
وبالنسبه لموضوع حبك ليا انا معرفش كل دا وانت السبب انت السبب بتحبني من ايام ماكنت بضفاير كنت اتكلمت كنت قلت مش جاي تتكلم دلوقت ابعدوا عني مش عايزه اشوف حد فيكم مش عايزه افتكر مأساتي فى بيتكم وتعبي وشقايا ونظرات اخوك ليا اللى كلها شك وكلامه معايا ان اعرف بحبك قبل ما اتجوزه ومهما حلفت لاخوك عمره ماهيصدق لانه مابيصدقش حد غير نفسه ابعد عني ابعد عني
وسابته وجريت ……… وربنا انا بكتب وانا بعيط ???
***************
سابته وهي بتعيط وهو كمان بيعيط وبيلوم نفسه انه كان السبب فى اللى حصل وفى كل اللى فات حاسس بالذنب انه هو السبب لو كان فعلاً قالها على حبه ماكنش خباه ولا داراها عنها يمكن كانت اخدت خطوة فى موضوع اخوه اللى تعبت معاه وشقيت وهو ماكنش مقدر دا ولا حتي كلمه شكر كان بيقولها لها
***************
روحت رحمة البيت فى حاله عياط هيستيري حضنتها والدتها الحاجه عليه :-اهدي يابنتي فى ايه مالك
رحمه:- قابلت جمال وفكرني باللى فات انا مش عايزه اقعد هنا عايزه ارجع ندى هتيجي معانا مش هنسيبك هنا
ندى:- ايه طاب ومحمد هيقعد لوحده
رحمة:- لا معلش انا هقنعه امك تعبانه مش هتقدر تقعد معاكي وانا مش قادرة اقعد هنا…………. فى الوقت دا كان محمد رجع وخبط على الباب لبست رحمة النقاب ودخل
محمد:- السلام عليكم
كلهم فى صوت واحد وعليكم السلام
رحمة :- محمد انا هاخد ندى معانا تولد واجبهالك تاني انا مش قادرة اقعد هنا وماما مش هينفع تسيبني وتجي هنا وهي تعبانه
محمد:- ايه انتي هتاخدي قلبي مني ينفع كدا
رحمة:- معلش احنا هنكون قلقانين عليها لكن وهي معانا هنطمن وانت بقي شد حيلك وتعالي زورنا
محمد:- مقدرش اقولك لا وانا عارف ظروفك كويس
رحمة:- تسلملي يا محمد احجزلنا يلا على رحله لمصر
محمد:- بسرعه كدا لسه بدري
رحمه:- معلش كدا افضل
***************
بالفعل اتصل محمد وحجز لهم على الرحله بتاعة مصر تاني يوم وبالفعل وصلو مصر الصبح ودخلو الكومباوندا
***************
راجع هيثم وهو كالعادة لازم يبص على المكان اللى كانت بتقعد فيه وفقد الامل انه ممكن يشوفها تاني بس النهارد كان يوم غير عادي وقف العربيه هي لا مش هي لا هي هي هي دي رحمه وحاله ذهول فى هيثم مش مصدق نفسه لا هي مافيش غيرها اللى هنا منتقبه وكمان بتقعد فى المكان دا ركن العربيه هيثم وقرر انه لازم يروح يتكلم معاها
وصل عندها ووقف بص ليها هي فى دنيا تانيه غير الدنيا عياط بصوت يكاد مسموع وبتبص على الاولاد الصغيرين اللى بيلعبوا ودموع بتنزل من تحت النقاب كل دا وهيثم شايف دا بس مش عارف يعمل ايه ولا قادر يتكلم حتي لو اتكلم مش هتسمعه وقف عاجز وهي ولا هي هنا ولا واخده بالها من هيثم اللى واقف
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه)
