رواية معاقة لكن أعشقها الفصل السابع عشر 17 بقلم آلاء
رواية معاقة لكن أعشقها الجزء السابع عشر
رواية معاقة لكن أعشقها البارت السابع عشر
رواية معاقة لكن أعشقها الحلقة السابعة عشر
الحلقة السابعة عشر 🖤
أتمني أن تنال إعجابكم 🖤
مالك وصل المستشفي
مالك دخل وهو شايل الاء
مالك بعصبية:أنتوا يا بهايم عايز دكتور هنا بسرعة
دكتور:يا أستاذ مينفعش كده أنت في مستشفي
مدير المستشفي جاي يجري بسرعة:مالك باشا أهلا وسهلا المستشفي نورت ثانية وهجيب سرير علشان تحط الأنسة
مالك:لاء شكرا أنا هشيلها
مدير المستشفي:ماشي سيادتك اتفضل
بعدين دخل مالك والدكتور وراه وبدأ يكشف عليها ومالك طبعا كان مضايق جدا منه ونفسه يضربه بس حاول يهدي علشان مش قدامه حل تاني
الدكتور:لو سمحت ممكن تخرج برا
مالك بنظرة شر:بتقول حاجة
الدكتور بخوف:ابدا يا فندم
مالك:بحسب
الدكتور بعد ما خلص
الدكتور بيوجه كلامه لمالك:واضح إنها اتعرضت لصدمة عصبية أو حالة من الخوف والفزع وده كان نتيجه للأغماء اللي حصلها
مالك:طب هي هتفوق أمتي
الدكتور:للأسف دخلت في غيبوبة ومضطرين نحطها في العناية تحت الملاحظة وللأسف الغيبوبة ملهاش وقت محدد
مالك:مفيش حاجة اسمها كده انا مستعد أدفع مال الدنيا كله مقابل إن هي تفوق سامعني اعمل أي حاجة بس هي تفوق
الدكتور بكل هدوء:يا أستاذ مالك الحكاية مش فلوس الحكاية إن هي مش عايزة تتقبل الواقع عقلها رافض تماما يرجع كأنها مستسلمة للموت وعايزة تهرب من الحياة بس في حل بينجح غالبا
مالك:حل ايه قول بسرعة أنت هتنقطني بالكلام
الدكتور:حضرتك ممكن تكلم معاها تتطمنها تحسسها إن هي في أمان وإن الخطر خلاص مش موجود وتخلي أي حد بتحبه يتكلم معاها يطمنها تفكروها بذكريات حلوة تخلوها عايزة ترجع تاني وتحب الحياة
مالك:ماشي تقدر تروح دلوقتي
الدكتور:عن إذنك
بعد ما الدكتور خرج مالك جاب كرسي وقعد جمب سرير الاء وفضل قاعد وهو بيتأمل ملامحها قد ايه باينة زي الأطفال
مالك تنهد بتعب
مالك:اااه خلاص تعبت بجد تعبتيني من ساعة ما دخلتي حياتي وأنتي قلبتيها رأسا علي عقب مش عارف اعمل ايه طول الوقت عقلي وقلبي مشغولين بيكي ليه القدر حطك في طريقي ايه هدفه ليه قلبي بيدق كده ويبقي مبسوط لما يشوفك ليه ها تفتكري ممكن أكون……ايه لا لا مستحيل لا يارب يارب ارحمني يارب من العذاب ده يارب
بعد شوية مالك افتكر كلام الدكتور فقرر يستفذها ويشوف ردة فعلها
مالك بيحاول يعصب الاء علشان يشوف هتعمل ردة فعل او لاء وبصوت شبه عالي:غبية ومجنونة وعنيدة شوفي وصلتينا لأيه قلتلك ما تنزليش من البيت لكن لا ازاي برنسيس الاء لازم تمشي اللي في دماغها وتكسر كلامي وقرب من ودانها علشان تسمعه أكتر ورحمة أبوكي لأندمك علي عدم سماع كلامك مش طفلة زيك هي اللي تعصي كلامي وبص علي ملامحها اللي بدأت تبان كأنها منزعجة😠ليكمل كلامه ويضايقها أكتر ايوه طفلة و وعد هتشوفي عقاب عمرك ما شوفتيه ولا هتشوفيه في حياتك كلها وعد من مالك صقر المنشاوي و…
مالك تليفونه بيرن ليقطع كلامه ويشوف مين بيتصل
مروة بخوف:الو ايوه يا مالك وصلتوا لحاجة
مالك بتذكر إنه ما اتصلش بمروة يطمنه🤦♂️:ايوه الحمد لله الاء بخير أسف بس معرفتش اقولك عالطول علشان انشغلت بالاء
مروة:عادي ولا يهمك المهم هيا بخير
مالك:الحمد لله بس للأسف جتلها صدمة عصبية ودخلت في غيبوبة
مروة بصدمة:ايه يا حبيبتي يا بنتي قولي أنت في مستشفي ايه عايزة اجي اشوفها
مالك:ايه لاء مفيش زيارات دلوقتي بكرة إن شاء الله انا هاجي أخدك أنتي وزياد
مروة:ماشي ياريت تخلي بالك منها يا أستاذ مالك لو سمحت
مالك:مش محتاج حد يوصيني علي حاجة ملكي
مروة:ايه
مالك:قصدي ما تخافيش عليها
مروة:ماشي شكرا ليك مع السلامة
مالك:سلام
في الوقت اللي مالك كان بيكلم مروة دخلت ممرضة علشان تغير المحلول وكانت سامعة المكالمة
الممرضة:ممكن اسأل حضرتك سؤال
مالك:……..مردش عليها
الممرضة:ليه حضرتك قلتلها مفيش زيارات دلوقتي مع إن حضرتك مدير المستشفي يعني تقدر تدخل اللي أنت عايزه في الوقت اللي تحبه
مالك:عندك حق ممكن أعمل كده ممكن أكسر القوانين وادخل اللي انا عايزه في الوقت اللي احبه وممكن كمان أطردك من شغلك لو اتدخلتي في حاجة مش تخصك تاني
الممرضة:أسفة عن إذنك
بعد ما الممرضة طلعت مالك سأل نفسه وقعد يفكر في السؤال اللي الممرضة قالته
مالك في نفسه:عندها حق انا ليه عملت كده ليه قلتلها مفيش زيارات مع إن عادي انا ممكن كنت دخلتها ما انا مدير المستشفي
ليرد قلبه بالإجابة:علشان عايزها تبقي ليك بس ومحدش يشوفها غيرك طول الفترة اللي فاتت وأنت مهتم وخايف وغيران وحريص عليها حتي أكتر من زياد
مالك يوجه سؤال لقلبه:طب ليه ليه بعمل كده
قلبه:علشان بتحبها مفيش جواب غير ده
مالك بنفي :لا انا مش بحبها انا خلاص موتك من زمان ومستحيل أرجعك تدق لحد تاني وتوجعني تاني مستحيل
قلبه:انا ما موتش انا عايش جواك وبدق…. زمان حد جرحني ووجعني وأنت موتني سنين بس دلوقتي مش هتقدر لأن جه شخص ورجعني للحياة وانت مش هتقدر تمنعه
مالك:لاء هقدر وهمنعك بأي طريقة حتي لو كانت الأنتحار
خلص الحوار اللي بين مالك وقلبه وطلع مالك من أوضة الاء علشان ما يضعفش قدام قلبه ويعترف بحبه ليها
🥀🥀🥀🥀🥀🥀🥀🥀🥀🥀🥀🥀🥀🥀
Alaa Mohamed
🥀🥀🥀🥀🥀🥀🥀🥀🥀🥀🥀🥀🥀🥀
حسن وشادي راحوا المصحة وهما واقفين قدام باب المصحة قبل ما يدخلوا
حسن يوجه كلامه لشادي:احنا واقفين هنا دلوقتي بس واحنا مدمنين عايزين نخرج من هنا واحنا ناس تاني مستعد نبدأ الرحلة الصعبة دي
شادي بأبتسامة:المهم إنك أنت تكون مستعد
حسن:أكيد
ودخلوا المصحة لتبدأ رحلة الوجع والألم والتعب والعلاج
🌺🌺🌺🌺🌺🌺🌺🌺🌺🌺🌺🌺🌺🌺
Alaa Mohamed
🌺🌺🌺🌺🌺🌺🌺🌺🌺🌺في المستشفي التي تتواجد بها إيمان
إيمان قاعدة في أوضتها صامتة تتأمل الفراغ ليدخل شخص مجهول من دون استئذان
شريف دخل بأبتسامة قفل الباب وجاب كرسي وقعد عليه😁:اهلا انا أسمي شريف ممكن اتكلم معاكي
إيمان نظرت له بأستغراب
إيمان في نفسها:دخل أوضتي من غير ما يستأذن وكمان عايز يتكلم معايا ايه البجاحة دي😒
شريف😁:طبعا بتقولي عليا بجح بس دي طبيعتي أعرفك بنفسي انا شريف دكتور هنا في المستشفي وعالفكرة مش مرتبط😉
إيمان😑:وانا ما سألتكش وياريت تتفضل برا
شريف بأبتسامة أكثر😁:أنتي مرتبطة
إيمان بعصبية وصوت عالي😡:اطلع برا
شريف قام وقف واتعصب😡:صوتك ميعلاش عليا
إيمان خافت منه شكله كان يرعب وهو متعصب إيمان بصوت مبحوح:أاانت فففاكر أنك لو عملت كده وعليت صوتك هخاف يعني مش انا اللي بخاف
شريف اتعصب أكتر وإيمان خافت أكتر وفضلت السكوت
شريف بأبتسامة😁:ايوه كده شطورة أحبك وأنتي هادية
إيمان بصدمة من تغيره السريع:أنت ازاي بتتحول بسرعة كده
شريف😁:أنتي لسه ما شوفتيش حاجة😎
كنا بنتكلم في ايه اه كنت بسألك أنتي مرتبطة
إيمان:………..
شريف😁:لو مجاوبتيش علي سؤالي هتحول تاني بس أوحش وهتبقي جنيتي علي نفسك😁
ها أسمع الإجابة👂
إيمان هزت رأسها بمعني لاء
شريف😁:شكلي هبدأ اتعصب فهمت ايه انا من هزت رأسك انا عايز اسمع
إيمان بصوت واطي:لاء
شريف: ايه ما سمعتش
إيمان علت صوتها:لااااء
شريف:خلاص فهمت من أول ما هزيتي رأسك لازم تأكدي لي تلت مرات يعني
إيمان اتعصبت وجابت أخرها خلاص بس مش عايزة تبين لأحسن يقلب
إيمان:دكتور شريف
شريف😁:عيون وقلب دكتور شريف
إيمان:ممكن تنادي دكتور أدم لو سمحت من برا
شريف😁:هو انا مش عاجبك ولا ايه
إيمان بكذب😒:لا خالص بس عايزاه ضروري علشان تعبانة شوية علشان حاسة إن في حاجة أو حد كاتم علي نفسي
شريف:طبعا أكيد في حاجة هتكتم علي نفسك طالما قاعدة في الأوضة الكئيبة دي تحبي تتمشي شوية
إيمان في اللحظة دي عيونها دمعت🥺
شريف:مالك هو انا قلت حاجة غلط بتعيطي ليه
إيمان بدموع:أصل أنت قلت نتمشي
شريف:طب وايه الغلط
إيمان بدموع:أصل انا عملت حادثة ومش هعرف أمشي علي رجلي تاني
شريف:انا أسف
إيمان:لا عادي انا خلاص حياتي وقفت مش هروح الشغل تاني ولا هعرف أخرج تاني وكمان مش هعمل فرح زي ما انا عايزة ولا هكمل الدكتوراه خلاص كل أحلامي اتهدمت وادمرت
شريف:ليه بتقولي كده أنتي ممكن تعملي كل ده عادي جدا مش علشان حادثة هتهدي أحلامك أنتي ممكن تشتغلي في البيت وتدرسي في البيت وإذا كان علي الخروج اجي أخرجك كل يوم ولا يهمك يا جميل وإذا كان علي العريس واقف قدامك اهو 😎
إيمان بضحكة عالية:😂😂😂😂بالبساطة دي
شريف😎:طبعا ده انا شريف وممكن تدلعيني شيفو علي فكرة 😉
إيمان:😂😂طيب يا أستاذ شيفو اولا اتشرفت بمعرفتك ثانيا معندناش بنات للجواز أنت مرفوض
شريف:😂😂ماشي ولا يهمك هيجي الوقت وتتحايلي عليا علشان أقبل ابصلك😏
إيمان:😂😂😂ده في أحلامك بس
شريف بثقة:هنشوف عن إذنك
إيمان:👋🏻مع السلامة يا أستاذ شيفو😂😂
وطلع شريف من أوضتها وراح أوضة أدم
أدم:ايه المهمة تمت
شريف بثقة:تمت وبنجاح 😎
🌻🌻🌻🌻🌻🌻🌻🌻🌻🌻🌻🌻🌻🌻
⛔Stop ⛔
🌻🌻🌻🌻🌻🌻🌻🌻🌻🌻🌻🌻🌻🌻
حلقة النهاردة خلصت أتمني تكون نالت إعجابكم ☺
مفيش اسئلة النهاردة هسيبكم تخمنوا أنتوا 😊
بس في سؤال حابه اسئله في حد مر في حياتكم قبل كده زي دكتور شيفو 😂😂😂
شاركوني برأيكم وشكرا جدا علي تشجيعكم وتعليقاتكم العسل بجد بتسعدني جدا جدا
إن شاء الله
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية معاقة لكن أعشقها)
