رواية تمارا الفصل الرابع عشر 14 بقلم مريم أحمد
رواية تمارا الجزء الرابع عشر
رواية تمارا البارت الرابع عشر
رواية تمارا الحلقة الرابعة عشر
-. ما تقومي يا مليڪه تتحرڪي معايا شويه!!!
ابتسمت بسماجه… لا
غرام… اووف عليڪي والله هقول لستي تيجي تقاومك و تخليڪي تروقي غصب عنك
مليڪه بهدوء… ستي عارفه اني تعبانه ف مش هتقول حاجه و بعدين مش ڪفايه اصلا اني نزلت مع عمتي بدالك
بصتلها غرام بحنق… و. تعبانه ازاي و انتي زي القرده اهو
قامت مليڪه و ردت عليها بسماجه… رجلي وجعتني مشيت ڪتير مع عمتي عشان نجيب طلبات البيت و بعدين يعني المفروض تشڪريني انا مش عارفه انتي ازاي اڪده بجدد حاجه غريبه
قالت جملتها الاخيره و طلعت اوضتها
اتنهدت غرام بقلة حيله و ڪملت تنضيف
(اذڪروا الله♡)
_________________________
ڪمال… ڪدا ڪل حاجه عن الارض مظبوطه؟
جاسم بابتسامه ثقة… اڪيد يا ابوي
ڪمال بحب… ربنا يحفظك يابني انا مش عارف منغيرك ڪنت هعمل اي
جاسم… اهو انا بقي بفرح بدعواتك دي
رد عليه عمه حامد…ربنا يحميك يا رب انت ابني التاني و عمك خليل لما يجي هيفرح بيك اوي
جاسم بإبتسامه…. هو جاي امتي صحيح
ڪمال… في الطريق اهو استني هڪلمه
اومأ له جاسم بهدوء
(حوقلوا♡)
_________________________
انا زهقت يا ماما هو فاضل ڪتير
الهام…لا خلاص و بعدين متبقيش عامله زي العيال ڪدا ڪل شويه تسألي
ملك بحنق: انا اصلا مڪنتش عايزه اروح
خليل بزعل… ليه ڪدا يا ملك!!
الهام و هي بتحاول تنقذ الموقف… ما خلاص بقي يا ملك بقي الله و بعدين عيب ڪدا دول مهما ڪان اهلك
-. خلصت جملتها و بصتلها نظرة توعد
ملك.. انا اسفه يا بابا مقصدش بس….
في الوقت دا تليفون خليل رن
مسك خليل التليفون و لاقاه اخوه رد و قاله انهم خلاص علي وصول و بعد ما ڪمال اطمن عليهم قفل
ملك بندم علي زعل ابوها… متزعلش مني يا بابا
اڪتفي خليل بهز راسه و سڪت
(استغفروا♡)
_________________________
جاسم…قالك ايه
ڪمال… رد و قالي انهم خلاص اهو علي وصول
قام حامد و قال… طيب يلا احنا نرجع الدار عشان نڪون في استقبالهم
قام جاسم و ڪمال… يلا
(صلوا علي النبي♡)
___________________________
انا تعبت و قرفت من مليڪه دي
سعاد بحزم… عيب ڪدا اي طريقة ڪلامك دي و بعدين دي مهما ڪان بنت خالك مينفعش تتڪلمي عليها بالاسلوب العفش ديه
جت مروة و هي بتمثل عدم الفهم…. ايه في اي صوتڪوا عالي مالڪوا؟؟
تجاهلتها غرام و عرفت اي الي هيحصل بعد وجودها قالت بإرهاق..
غرام…. يا ماما مش معقول ڪل مره انا الي اقوم بالبيت ڪله لوحدي و البيت ڪبير
شهقت مروة بصدمه و قالت بخبث… اخص عليڪي يا غرام ڪدا برضو دي حتي طلع عينيها انهارده في السوق
سعاد…ڪتر خيرك في الي عملتيه و هي برضو تشڪر علي انها نزلت معايا و مسبتنيش زي ما بنتي عملت
غرام بدموع: دا غصب عني انا ڪنت نايمه و بعدين هي اصلا عملت ڪل ديه عشان هي عارفه ان خالي خليل و اهله جايين انهارده ف مڪنتش عايزه تساعدني في الترويق
سعاد بعصبيه… ايه الڪلام الي بتخرفي بيه ديه!!!!
غرام بدموع اڪتر… متزعقليش عشانها يا ماما انا اڪتر واحده عارفاها و عارفه هي بتعمل ڪل دا ليه
مروة بزعل… لا لا ثواني انتي بس اڪده يا سعاد
و بصت لغرام بقرف… مالها. بنتي بقي ان شاء الله عملتلك اي دي حتي معتبراڪي اختها يوم ما تتعب متوقفيش جمبها؟؟؟
سڪت غرام و متڪلمتش بس ڪانت خلاص علي اخرها و فاضلها ثواني و تنهار بسببهم
ردت عليها سعاد…متزعليش نفسك يا مروة يا حبيبتي هي شڪلها عايزه تتربي من اول و جديد تاني
و بصت لغرام و قالت بزعيق و عصبيه…..احترمي نفسك… دا بدل ما تشڪريها هي و خالك و مراته عشان ساعدوڪي تڪملي دراستك تاني بعد وفاة ابوڪي و وقفوا جمبنا في ڪل ازمه عدينا بيها
غرام بدموع و صوت عالي نسبيا….انتوا ليه ڪل شويه تفڪروني و تفضلوا تذلوا فيا ڪدا… ليه بتعملي معايا ڪدا دا انتي امي المفروض تڪوني اڪتر حد يصدقني و يقف جمبي ليه علي طول بتڪدبيني و تصدقيها هي ليييه؟؟؟
شهقت مروة بخبث و قالت….. اخص عليڪي يا غرام اخص مڪنتش اعرف انك ڪدا ابدا ليه ڪل دا ليه؟و عشان اي اصلا؟؟
سعاد مقدرتش تتحڪم في نفسها و ضربت غرام بالقلم بڪل قوتها و قالتلها بعصبيه و زعيق… اطلعي علي اوضتك لما تبقي تتربي ابقي انزلي اقعدي معانا
في الوقت دا ڪان ڪمال و جاسم و حامد جم و اتصدموا من الي حصل
جاسم….استهدي بالله يا مرت عمي
حطت غرام ايدها علي خدها بصدمه و دموعها مڪنتش بتقف و اول ما شافت نظراتهم ليها طلعت جري علي اوضتها و هي صوت شهقاتها مالي المڪان
ڪمال بإستغراب… في ايه اي الي حصل عشان ديه ڪله
مروه بحنق و خبث: ولا حاجه بنت اختك متربتش صوح ف اختك بتعيد تربيتها من الاول و جديد تاني
حامد بزعيق… احترمي نفسك يا مروة احسنلك
مروة بمسڪنه.. و انا عملت حاجه!!
سعاد بحزم.. لا يا مروة انتي مغلطتيش في حاجه
بصلها ڪمال نظرة غضب من تصرفاتها مع بنتها الوحيده و طلع
جاسم بخنقه… خلاص بقي ممڪن ڪفاية خناقات ڪل يوم دي انا طالع فوق لحد ما عمي يجي و سابهم و مشي
(حوقلوا♡)
_______________________
ڪانت قاعده بتعيط بشده علي حالها و علي اسلوب اهلها ليها و ان محدش بيعاملها ڪويس غير جدتها و بس صعبت عليها نفسها و فضلت تعيط بإنڪسار لحد ما نامت
بعد وقت ڪانوا ڪلهم في استقبال خليل و عيلته و ڪلهم ڪانوا مبسوطين
صباح بدموع… ولدي… خليل
جري ناحيتها و باس ايديها و دماغها… عامله اي يا امي
صباح بدموع… اي ڪل الغيبه دي
خليل بحزن… حقك عليا يا امي معلش و قال و هو بيحاول يغير الموضوع… شوفتي ملك ڪبرت و بقت عروسه ازاي
بصتلها صباح بفرحه و حب و ملك راحت تسلم عليها… بقيتي زي القمر يا حبيبتي
-. خلصت جملتها و بصت لجاسم نظره هو فهمها ڪويس
ملك بإبتسامة خفيفه… شڪرا
جاسم… حمدالله علي السلامه يا عمي
و بعد ما سلموا عليهم ڪلهم و قعدوا معاهم شويه قالت صباح
صباح اطلعي يا مروة صحي مليڪه و غرام ييجوا يسلموا
قامت مروة بحنق.. حااضر
و طلعت و هي بتقول ڪلام غير مفهوم و دا سبب احراج ڪبير لحامد بعد طبعا ما شاف نظرات الاستغراب علي وش الهام و ملك
حمحم حامد و قالت.. احم مليڪه دي تبقي بنتي يا ملك و اخت جاسم
ابتسمتله ملك بهدوء
و ڪمال قال… و غرام دي بقي بنت اختي بس انا بعتبرها بنتي و ليا ابن اسمه يوسف بس هو مسافر دلوقتي و ان شاء الله راجع قريب
ضحك جاسم و قاله… ابن واحد بس؟؟
ضحك ڪمال و قال… و انت ڪمان ابني
_________________________
قومي يا غرام قومي ياختي قومي
غرام و. هي بتفرك عنيها الي ڪانت وارمه من اثر البڪاء… خير يا مرت خالي في ايه تاني
مروة بزهق: لا تاني ولا تالت جيت بس عشان ستك بتقولك قومي انزلي سلمي علي عمك و مراته و بنته
قعدت غرام علي السرير… حاضر يا مرت خالي هقوم اجهز و نازله وراڪي اهو
اتحرڪت مروة و هي بتقول بخبث و بتتك علي ڪل حرف…..ايوا ماشي و بسرعه بقي متتأخريش احسن امك تيجي تزعقلك ولا تضربك ولا اي حاجه من الي بتفضل تعملها دي
دمعت عيون غرام و قالت… حاضر قايمه اهو
لفت مروة بسرعه و هي بتمثل الخضه… يلاهوي يا غرام انتي بتعيطي… و قربت حضنتها… حقك عليا انا متزعليش اصل امك هبله مش عارفه قيمتك معلش
اول ما سمعت منها الڪلمه دي فضلت تعيط جامد
مروة و هي بطبطب عليها.. خلاص بقي يلا اجهزي و انا هستناڪي تحت زمان مليڪه نزلت اصلا
اومأت لها غرام…. حاضر
(سبحان الله و بحمده سبحان الله العظيم♡)
_________________________
بعد وقت نزلت غرام تسلم عليهم و ڪانوا طبعا مستغربيين شڪلها ڪان باين عليها انها ڪانت بتعيط بس متڪلموش
و في وسط ما هما ڪلهم قاعدين مبسوطين و ملك ڪانت بتحاول تتأقلم شوية معاهم بعد ما اتعرفت علي مليڪه و غرام الي ارتاحت ليها و حست انها هتڪون صاحبتها
صباح بحزن…. ڪان بقالي ڪتير اوي اوي مشوفتڪوش
الهام بإبتسامه… و احنا جينالك اهو و احتمال نقعد معاڪي علي طول ڪمان
غرام بفرحه و هي بتبص لملك… بجدد
اومأت ملك و هي بتبتسم ابتسامه جهدت عشان ترسمها… ايوا
ابتسمتلها غرام بفرحه
سعاد… بس انتي شڪلك قد غرام يا ملك انتي عندك ڪام سنه
ملك… 19
سعاد… دا انتي قدها بالظبط
-. خلصت جملتها و بصت لغرام نظرة ملك مفهمتهاش بس الهام فهمتها ڪويس جدا
مروة بخبث…و انتي بقيتي عامله ايه بقي يا ملك
ملك بإستغراب… الحمدلله بس في ايه؟
مروة بتصنع الاستغراب… ايه الي ف ايه؟؟ في حياتك طبعا… يعني انا سمعت انك انتي و تمارا ڪنتوا قربين جدا جدا من بعض دلوقتي بقي بعد ما فقدتيها عامله ايه اڪيد اثرت في نفسيتك جدا
نزل الڪلام عليهم ڪلهم زي الصعقا.ت و بالذات الهام الي حست ان ڪلامها زي الجم.ر علي قلبها و عيونها في اقل من ثواني دمعت
و ملك بصت لباباها و معرفتش ترد تقول ايه لأنها ڪانت خايفه علي حالة امها
حامد بغضب… ايه الي انتي بتخرفيه و بتقوليه دا يا مروة!!
مروة ببراءه مصطنعه… انت بتزعقلي يا حامد!!!….. و انا ڪنت عملت ايه يعني؟؟
بس ڪلهم اتفاجئوا لما سمعوا صوت خليل و هو بيقول بصرامه
خليل:*******
يتبع….
لقراءة الفصل التالي : اضغط هنا
القراءة الرواية كاملة اضغط على : (رواية تمارا)
