رواية حب بعد عذاب الفصل الحادي عشر 11 بقلم بسمة محمد
رواية حب بعد عذاب الجزء الحادي عشر
رواية حب بعد عذاب البارت الحادي عشر
رواية حب بعد عذاب الحلقة الحادية عشر
(ياهاجري من غير ذنب فى الهوى مهلا فهجرك والمنون سواء)…. بحبك ي فرولتي ❤
مريم كانت بتقرأ المسدج وهي مبسوطه ومبتسمه انو بيفكر فيها وبيحاول عشانها بس ف نفس الوقت لسه حزينه علي اللي عملو فيها ومش قادره تنسي انو كسر قلبها.. ❤️🩹
وفجأه باب الاوضه اتفتح .. فاطمه: مالك يختي قاعده مسهمه وبتضحكي كده لي
مريم بخضه: اي ده في اي حد يدخل كده
فاطمه: ايوه ياختي وبعدين انجزي متوهيش بتعملي اي يبت
مريم: هه.. لا ابدا مفيش ده انا كنت بكلم هنا
فاطمه: مش مرتحالك. بس ماشي هعديها بمزاجي يلاا قومي ساعديني
مريم: اووف بقا حاضر
فاطمه: من غير برطمه يبت انجزي
مريم: حاااضر جايه اهو يعني هو انا هطير
.
.
بعد شويه لقت جرس الباب بيرن والباب بيخبط جامد
فاطمه: استر يارب روحي بسرعه شوفي مين
مريم: هو مفيش غيري ده اي يربي الناس دي.. حااضر ثواني ياالي عالباب است….. اي ده
هنا بعياط: ممكن اقعد عندك يومين لحد مشوف هعمل اي
مريم: اكيد يقلبي اهدي بس وادخلي واحكيلي اي اللي حصل
فاطمه مين ي مري.. يلهووي مالك ي هنا اي اللي حصلك
هنا: ممكن بس ارتاح شويه انا مش قادره اتكلم دلوقتي
مريم: طيب يحبيبتي تعالي نامي ولما تصحي نت
هنا: طيب
.
بعد شويه خرجت من الاوضه
فاطمه: هاا ي مريم قالتلك حاجه
مريم بحزن علي حال صديقتها: لا متكلمتش بس باين عليها تعبانه اووي
فاطمه: طيب يبنتي خليكي جمبها وانا هقوم احضر الاكل لحد م تصحي
مريم: حاضر ي ماما
.
.
في بيت هنا
مدحت ابو هنا: يعني اي ي هانم مش عارفه بنتك راحت فين
سعاد: معرفش انا صحيت ملقتهاش ف البيت.. مش عارفه اعمل اي ولا هعمل اي ف الراجل اللي جاي انهارده
مدحت بغضب: هجيبها حتي لو راحت اخر الدنيا.. البت دي مكنش عندها اي صحاب او اي حد تعرفو حكتلك عنو
سعاد: معرفش يخويا هي مكتش بتحكي حاجه
مدحت: اومال انتي لذمتك اي يعني اي كل حاجه معرفش معرفش دي بقت عيشه تقرف
سعاد: استهدي بالله بس هتلاقيها ان شاءلله بس قولي انت رايح فين
مدحت: ف داهيه ملكيش انتي دعوه
سعاد: ف داهيه ف داهيه المهم ترجع البت
.
.
(ف بيت ابراهيم)
مروان: ي اهل الدااار انا جيت
فاطمه بسرعه: وطي صوتك عندنا ضيوف
مروان بهمس: ضيوف مين هو احنا حد بيجيلنا اصلا وبعدين اوطي صوتي لي
فاطمه: اصل صحبت اختك نايمه ف اوضتها وشكلها عندها مشكله
مروان: اه قولي كده بقا.. هي مزه
فاطمه: هي مين دي يواد متحترم نفسك بقولك صحبت اختك
مروان: وانا سنجل وابنك بردو
فاطمه برفعه حاجب: نعم.. سمعني كده تاني
مروان: احممم. لا ده انا بقول اني جعان
.
فاطمه لسه هترد بس قاطع كلامها جرس الباب
فاطمه: افتح الباب ده مش عارفه ف اي انهارده
مروان: هنشوف هنشوف
فارس: اذيك ي مارو اذيك ي فطوم يعسل انتي
فاطمه: الحمدلله يحبيبي ادخل ادخل.. اقعد معاه ي مروان انا داخله المطبخ
مروان: من عنيا ي ست الكل.. اي ده اي اللي معاك ده
فارس: اوعي كده ملكش دعوه امال مريم فين
مروان: مريم اااه قول كده بقا علفكره دي اختي يعني المفروض اعرف اي اللي انت جايبو ده
فارس: وانت مالك ادخل ناديها بقا
مروان: طب مش داخل بقا
فارس: والله..!
مروان: اه والله
فارس: تمم مش عاوز منك حاجه مريييم ي مريييم
مريم طلعت من الاوضه بسرعه: اي ف اي حد ينادي علي حد كده
فارس: انا حر علفكره
مريم: لا مش حر علفكره انت هنا ف بيتنا
فارس: انا حر ف اي مكان يحبيبتي
مريم: انا مش حبيبتك اصلا
فارس: طب خدي ده وانتي تعرفي انا بحبك اد اي
مروان: كيس جوافه انا صح..!
فارس: لا ي مارو يحبيبي متقولش كده
مروان: والله!
فارس: اومااال دي مجرد هديه تعالي بس اقولك
مريم بتفتح الهديه واتفجئت ب………..
يتبع……
لقراءة الفصل التالي: اضغط هنا
لقراءة الرواية كاملة اضغط على : (رواية حب بعد عذاب)
