رواية صدفة بعد جرح الفصل الاول 1 بقلم منى عبد الغني
رواية صدفة بعد جرح البارت الاول
رواية صدفة بعد جرح الجزء الاول
رواية صدفة بعد جرح الحلقة الاولى
^اطلعي برااا
_والله يا خالتي ما عملت حاجه والله هو اللي حاول يتحر”ش بيا يا خالتي
^انتي هبل” ه انتي بتتكلمي على ابني كده يا زبا”له ابني ايه اللي يتحر”ش بيكي يا معف”نه اخرجي برا بيتي يلا انا غلطانه اني قولت هخليكي عايشه معانا من بعد ما اهلك ما ماتوا بس انتي زبا” له متستاهليش برا يا عر”ه براااا..
_خرجت برا الفيلا وانا منهاره من العياط ومش قادره أصدق ان خالتي كذبتني انا وصدقت ابنها في الاخر وفضلت ماشيه في الشارع وانا مش عارفه اروح فين…
انا نرمين عندي 23 سنه متخرجه من كليه تجاره لكن مش بشتغل وابويا وامي متوافين من سنه واحده واخويا بعد ما حالته النفسيه اتدهورت من موتهم سافر برا وسابني امانه عند خالتي وجوزها.
_اروح فين يارب ولا اعمل ايه انا مش مصدقه اللي بيحصلي من خالتي شايفه يا أمي اختك عملت فيا ايه شايفه بنتك بتتمرمط ازاي بعد ما سيبتيها شوفت يا ابويا من ساعت ما مت وانا مبقاش ليا ضهر بقيت لوحدي يا بابا ومش عارفه اعمل حاجه ولا اروح فين انا مليش حد هنا مليش حد خالص يا أمي..
فضلت قاعده عند الموقف وعماله اعيط واكلم نفسي زي المجانين والناس رايحه جايه حواليا ومنهم اللي خايف مني واللي مشفق على حالي لحد ما جت ست طبطبت على كتفي..
*مالك يا بنتي؟
_…
*ردي عليا يا حبيبتي ايه اللي حصل؟
_انهرت وفضلت اعيط، انا مليش حد اهلي كلهم ماتوا حتى اللي كنت فكراها خالتي صدق.. صدقت ابنها وكدبتني اروح فين قوليلي انا خلاص بقيت يتيمه كدا؟ خلاص هبقي لوحدي طول عمري؟…
*اهدي يا حبيبتي وقوليلي معاكي رقم مين ولا تقدري تكلمي مين تروحيله؟؟
_مسحت دموعي وحاولت اتماسك، مفيش حد انا لوحدي وهبقي كويسه شكرا يا طنط واسفه اني دايقتك عن اذنك، قومت وكنت ماشيه لقيت اللي بتشد ايدي.
*تعالي بس رايحه فين استنى هكلم ابني بس اقوله اني هروح الأول وبعدين نمشي.
_لا معلش يا طنط انا همشي وحضرتك اعملي اللي انتي عايزاه عن اذنك..
*يا بنتي استنى بس طب تعالي مش مكلماه عنه ما عرف تعالي نروح.
_لقيتها مسكت في أيدي جامد بطريقه غريبه اكنها خايفه اضيع منها كان باين عليها ست طيبه اوي فا مجاش في بالي مجال للشك انها ممكن تبقى حد وحش حتى فا روحت معاها وانا خلاص مش قادره اكتر من كدا استسلمت وسيبتلها نفسي وحتى لو كانت شخص في نيته حاجه وحشه فا مكنش فارق معايا اللي هي هتعمله خلاص..
*ادخلي يا حبيبتي.
_دخلت البيت كان غريب اوي كان مختلف عن بيت خالتي كان بيت صغير اوي بس كان فيه راحه نفسيه متتوصفش فيه حب وحنان بيت ريحه الاكل فيه بيت كان دافي وهما فيه وحتى وهما مش فيه اول ما دخلته استريحت مكنتش شايله اي هم انه بيت حد غريب كنت كل اللي بفكر فيه اني حسيت بنفس الدفا اللي كان في بيتنا قبل ما اهلي يموتوا والبيت يتقفل..
*استنيني هنا هجبلك حاجه من عندي تلبسيها.
_طنط هو انتي عايشه لوحدك هنا؟
*لا عايشه مع ابني ليه في حاجه يا بنتي؟ لو مش هتستريحي في وجوده انا ممكن امشيه عاد..
_ايه يا طنط اللي بتقوليه دا والله مش قصدي انا بس حبيت البيت وفي دفا وحب غريب فا سألتك بس مش اكتر لكن انا مش هبقي جايه ضيفه واطردلك ابنك الوحيد..
*لا مفيش حاجه يا حبيبتي وبعدين هو مش ابني الوحيد عندي ابن تاني بس متجوز ومخلف ومراته اكنها بنتي بردوا و بيجوا كل يوم يفطروا ويقعدوا معايا هتحبيهم اوي لما تشوفيهم سيبيني بقى اجبلك حاجه تلبسيها..
_ابتسمت براحه وقعدت وانا لسه بتفرج على البيت وذكرياتي مع بابا وماما واخويا فضلت افتكرها واحنا في بيتنا لما كنا نضحك ونهزر ونتخانق على الاكل وماما اللي كانت بتدوقني الرز عشان تشوفه استوى ولا لا وبابا اللي كنا نفضل نتخانق معاه ونتحايل عليه كلنا عشان يبطل السجاير ولما كان يقعد ياكل معانا وفرحتهم بيا لما نجحت في الثانويه وفرحتهم بأخويا لما اشتغل في مكان كويس احنا كان بيتنا مليان حب وحنان كان اي حد بيدخل عندنا بيحبنا وبيتمني لو كان مننا… ،في وسط ما انا بفتكر وسرحانه دموعي نزلت بغزاره ومعرفتش اوقفها ولقيت حد بيفتح الباب وبيعلي صوته.
[الكاتبه مني عبد الغني
=امي يااا امي انتي رجعتي، بصيت قدامي لقيت واحده اول مره اشوفها قاعده على الكنبه وعماله تعيط، انتي مين وبتعيطي ليه؟!
_مسحت دموعي بسرعه وقومت وقفت وانا خايفه، انا اسفه انا بس كن..
*ايه يا يوسف داخل صوتك عالي ليه؟
=اتنفست براحه، ايه يا أمي خضتيني يعني اروح الموقف ومش الاقيكي قاعده متصلتيش ليه قولتيلي انك هتروحي!!
*طبطبت على كتفه، اهدي يا حبيبي وهفهمك بعدين المهم سلم على؟..
_نرمين يا طنط
=اتكلمت بصوت واطي، وانتي مش عارفه اسم اللي بتعرفيني عليها؟
*اسكت يالا ودا يا نرمين يوسف ابني الصغير وحبيبي.
_ازاي حضرتك؟
=لا حضرتك ايه اسمي يوسف ما دام امي حبتك وجابتك هنا يبقى انتي واحده مننا تشرفنا بيكي طب ايه يا ماما عملتي الاكل؟
*لا كلم اخوك يجي يتغدا معانا عقبال ما اعمله وانتي يا نرمين خدي الفستان دا وادخلي اوضتي البسيه.
_حاضر يا طنط، كنت فرحانه اوي وحسيت براحه من كلام ابنها واطمنت من ناحيته و دخلت عشان اغير هدومي.
=مين دي يا ماما
*مفيش بنت ولاقتها في الشارع بتعيط لوحدها وشوفتها بنت ناس وقالتلي انها ملهاش حد فا جبتها معانا شويه.
=انا اكيد مش هعدل عليكي يا أمي ولا شاكك في نظرتك للناس بس احنا بردوا مش واثقين في البنت دي ومش عارفين ايه حكايتها ولو واحده بتكدب ولا لاء.
*فهماك يا حبيبي بس هي هتعمل ايه يعني وهتضحك علينا ليه ولو بتضحك علينا ولا جايه تاخد حاجه فيها ايه يا بني سيبها وكدا كدا انا مش سايبه دهبي ولا فلوسي هنا وانت عارف كويس فا لو على شويه الملاليم اللي في البيت فا تاخدهم والله ومش هزعل ابدا بس بلاش تزعلها يابني ولا تحسسها انك شايفها وحشه احنا لسه مش عارفينها..
=حاضر يا أمي وانا اكيد مش هدايق حد انتي جبتيه عندنا.
*طب يلا روح كلم اخوك بقى يجي.
=بوست راسها حاضر يا حبيبتي.
_عدي وقت وانا قاعده في الاوضة ومش حابه اخرج منها ونفسي ابقى لوحدي دايما فضلت افكر في أحمد اخويا ونفسي يرجع بس عشان احضنه واحكيله اللي حصلي من خالتنا وابنها وازاي كان هيتحر”ش بيا وهيغتص” بني وعشان صوت وهو خاف وبعد عني وفضل ينكر الموضوع قدام امه وهي صدقته وكدبتني انا..
*ازيك يا عمر يا حبيبي ازيك يا نهال عامله ايه يا بنتي
‘ازيك يا حماتي
“ازيك يا أمي يا حبيبتي عامله ايه النهارده.
*بخير يا حبايبي الحمدلله ازيك يا زياد ويا سجده مش تسلموا عليا؟..
-ازيك يا تيته
*الحمدلله يا حبيبه تيته يلا يا عمر خد مراتك وعيالك واقعدوا على السفره عشان الاكل.
‘ لا انا هاجي اساعدك يا حماتي.
*طيب ادخلي هنده نرمين واجيلك.
‘ نرمين مين؟، طيب حاضر يا طنط.
_كنت قاعده بعيط جامد لقيت الباب بيخبط، ايوه ادخل
*يلا يا نرمين عشان نت.. انتي بتعيطي؟ في ايه يا بنتي حد عملك حاجه حد دايقك مننا؟
_لا والله يا طنط مفيش حاجه.
*اومال ايه يا حبيبتي مالك زعلانه ليه انتي مش مستريحه معانا..
_لا والله ابدا انا بس افتكرت اهلي.
*وهو اللي يفتكر اهله يعيط بردوا قومي يا حبيبتي امسحى وشك وتعالي يلا عشان نتغدا يلا قومي معايا يلا.
_قومت معاها فعلا وغسلت وشي وطلعت معاها برا.
*سلمي على ابني التاني وعياله يا نرمين
_السلام عليكم
‘خرجت من المطبخ وهي بتبص برا عليها ومش فاهمه، مين دي يا حماتي؟
*دي نرمين بنتي وهتعيش معايا هنا.
“تعيش معاكي فين يا أمي؟ وتعرفيها منين ولا جبتيها منين دي عشان تعيش معاكي وتعيش معاكي انتي ويوسف ازاي اصلا انتي بتهزري يا أمي.
=فضلت ساكت وانا بسمعهم ما هما عندهم حق بس بردوا دا قرار امي في الاخر ومقدرش اعترض عليه.
*عمر احترم نفسك.. نرمين معلش ادخلي ثانيه وهندهك.
_حاضر ،دخلت الاوضه وفضلت اعيط انا كنت عارفه ان اكيد مش كلهم هيقبلوني دا إذا كان خالتي اللي من دمي طردتني برا هما بقى مش هيطردوني!..
[الكاتبه مني عبد الغني
‘ايه يا حماتي دا عايزه تقعدي معاكي واحده غريبه في بيتك وانتي ابنك عايش معاكي دا راجل يا حماتي وكبير واي بنت ممكن تقعد معاه ممكن هي تغريه وتخلي شهوته يحاول يعمل حاجه فيها انا واثقه فيك يا يوسف بس مش واثقه في البت دي..
=…..
“ايوه يا ماما نيهال عندها حق مينفعش الاتنين يعيشوا مع بعض وبعدين جيباها منين دي؟
*خلصتوا؟ خلصت كلامك انت ومراتك؟ هتسيبوني اتكلم بقى ولا لسه هتقولوا حاجه؟ اولا دي بت غلبانه لقتها بتعيط في الشارع فا جبت..
‘وكمان من الشارع يا طنط؟..
*برقتلها جامد فا خافت وسكتت، وهتقعد معايا فتره لحد ما تلاقي مكان تقعد فيه وربنا يحلهالها وابني انا واثقه في أن حتي لو مين حاول يغريه ولا يعمل ايه فا هو مش هيخون ثقتي ولا حب ربنا ليه وانا بقولكم اهو لو قولتوا كلمه تانيه قدامها وخلتوها تزعل فا مش هيحصلكم كويس..
“لا وعلى ايه يلا يا نيهال نمشي.
=عمر اقعد لو سمحت ماما مخلصتش كلامها ولا اتغدينا اقعد وبطل الهبل دا.
“…..
*نرمين.. يلا يا نرمين اطلعي
_….
*اديكوا زعلتوها ومش عايزه تخرج.. دخلت عليها
، ايه يا بن…. نرميييين يا نرميييين…
=ماما في ايه؟ حطيت راسها على رجلي وفضلت اضربها بالقلم على وشها عشان تفوق، نرمين اصحى هاتي برفن يا ماما بسرعه.
_عدي وقت وفتحت عيني لقيتهم قاعدين حواليا وحتى الأطفال..، هو في ايه يا طنط!؟
*عيطت،مفيش يا حبيبتي انتي تعبتي شويه فا وقعتي من طولك بس الحمدلله انتي بخير دلوقتي.
_الحمدلله يا طنط.، انا اسفه ليكم كلكم وانا اول ما ابقى احسن همشي والله وهسيبلكم البيت ووالله انا ما حراميه ولا واحده زباله… عيط جامد، انا.. انا بس اهلي ماتوا وابن خالتي حاول يغتصبني وخالتي كدبتني انا وصدقته وطردوني برا البيت.. انا والله عندي بيت.. انا بيت اهلي موجود حتى روحوا اسألوا عليا بس.. بس انا مش قادره اقعد فيه البيت بقى كئيب ووحش ومحروق فا مش عايزه ابقى فيه لوحدي دايما انا بس عايزه اوصل لاخويا اللي برا ولما يرجع هرجع انا وهو نعيش في البيت.. سامحوني ووالله انا همشي ومش هعملكم اي مشاكل تاني انا اسفه يا طنط انا اسفه….
*اهدي يا حبيبتي وارتاحي اهدي احنا هنسيبك لوحدك شويه تهدي كدا يلا يا ولاد اطلعوا برا.
_طلعوا كلهم وفضلت قاعده بعيط على اللي انا بقيت فيه واني بقيت عايشه زي الشحاته وعاله على الناس حتى اخويا الوحيد مش عارفه اوصله ومش عارفه هو فين يارب صبرني على كل اللي بيحصل دا انا تعبت..
*شوفتوا بسبب كلامكم تعبت ازاي ليه كدا يا عمر ليه؟..
“يا أمي احنا مزعلناش حد احنا بنتكلم في الصح.
*وانا شايفه الصح انها تفضل هنا يوم ولا يومين على الاقل لحد ما تبقى كويسه وتمشي ومتدخلوش انتوا خالص ممكن؟..
” براحتك يا أمي كدا كدا مش انا اللي قاعد هنا بس اعرفي اني حظرتك من البت دي يلا يا نهال عشان نمشي.
‘حاضر.. سلام يا حماتي.
*مشيوا وانا قعدت على الكرسي وحطيت ايدي على راسي من الصداع.
=ماما انتي كويسه؟
*اه يا حبيبي انا بخير
=عايزانى اروح اليومين دول عند عمي؟
*لا هتروح ومش هشوفك طول اليوم مش هقدر على بعادك يا يوسف يا حبيبي.
=هنعمل ايه يا أمي ما انتي بتقولي هتقعديها معاكي وانتي عارفه كلام الناس حتى لو واثقه فيا وفيها.
*معرفش يا يوسف معرفش… ادخل نام وبكره يحلها الف حلال.
=حاضر يا حبيبتي تصبحي على خير.
_كنت نايمه على السرير بس سامعه كل اللي اتقال وحصل برا وكان عياطي بيزيد اكتر واكتر وفجأه لقيت طنط دي داخله عليا فا قفلت عيني وعملت نفسي نمت فا لقيتها بتنام جمبي وفضلت تملس على شعري قلبي ساعتها كان بيدق جامد وللحظه تخيلت انها امي اللي جمبي وفضلت اعيط جامد من غير صوت لما فوقت وعرفت انها مش امي وانها ماتت ونمت جمبها وهي لسه بتملس وبتقرأ قرأن ليا كنت حاسه بالحنان والحب اللي محرومه منه بقالي سنه بحالها…
=صباح النور يا أمي
*صباح النور يا حبيبي
=انتي بتعملي ايه دلوقتي؟
*بلف محشي
=محشي الساعه 9 الصبح يا أمي؟ ولمين دا بقى؟
*ليك انت ونرمين قولت اعملها حاجه تردلها الروح كده.
=طيب يا أمي عايزه حاجه انا نازل.
*طب خبط على نرمين تصحي تفطر اي حاجه.
=تفطر ايه يا أمي الساعه 9 الصبح دا الناس بيناموا لغايه 5 المغرب وانتي تقولي تصحى تفطر دلوقتي؟؟
*اسمع الكلام بس وملكش دعوه يلا يا يوسف بقى خبط عليها بس.
=حاضر يا امي حاضر، روحت فعلا اخبط على الباب وانا مش عارف انا متوتر وقلقان ليه..
_كنت لسه بحاول افوق وفجأه لقيت خبط على الباب فا فتحت عيني وحاولت افوق كده لحد ما فهمت انا فين..، ايوه مين؟
=احم انا يوسف امي بتقولك قومي عشان تفطري، قولتلها الجمله بسرعه وبعدين مشيت من البيت خالص مش عارف كنت قلقان ومتوتر اوي كده ليه بالرغم انها مش اول بنت اتعامل معاها يعني ما انا دايما بتعامل مع مرات اخويا وزمايلي البنات اللي في الشغل!..
_قومت وعدلت شعري ولبست الطرحه والفستان وطلعت برا، صباح الخير يا طنط
*صباح الخير يا حبيبتي ايه نمتي كويس؟
_اه الحمدلله.. هو حضرتك بتعملي ايه يا طنط؟
*دا محشي عملاهولك مخصوص انتي والواد يوسف
_وليه تاعبه نفسك بس طب سيبيني اساعدك بقى
*بتعرفي تعملي محشي على كده؟
_عيب عليكي دا انا اللي كنت بساعد امي وخالتي لم… لما كنا بنتجمع يعني زمان كنت بساعدهم وكدا.
*تمام يا حبيبتي اغسلي وشك وتعالي ساعديني.
_عدي اليوم وانا بساعدها في المحشي وفي البيت وكل حاجه كنت بعمل الحاجه بمزاجي وبإردتي وانا فرحانه ومش حاسه اني مغصوبه مش زي ما كنت عند خالتي وكنت بحس اني مغصوبه على كل حاجه بعملهالها بسبب الذن والتهزيق اللي بتهزقهولي..
=خلصت الشغل وكنت راجع بعد تعب ويوم طويل في الشغل ولقيت قدامي ياسمينا حب حياتي.. ياسمينا تبقى جارتنا في العماره اللي قدامنا وبحبها بقالي سنتين وكلامنا كله مع بعض عامله ايه الحمدلله ودا لما بنشوف بعض صدفه في الشارع ومش اكتر لكن غير كدا ملناش كلام مع بعض..
+ازيك يا يوسف
=الحمدلله انتي عامله ايه يا ياسمينا؟
+الحمدلله
=دايما يارب، فضلنا ساكتين شويه ومش عارفين نقول حاجه تانيه لحد ما انا اتكلمت عشان اقطع الملل والإحراج دا.. عايزه حاجه؟
+اه..لا.. لا مش عايزه
=بستغراب، تمام انا هطلع بقى.
+يوسف!…
=كنت لسه هتحرك ناحيه العماره لقيت اللي بتنده عليا فا لفيت وبصتلها، في حاجه؟!
+مين اللي عندكم دي؟
=مفهمتش سؤالها او كنت ناسي، قصدك على مين؟
+عرفت ان امك جابت بنت عندكم البيت وقاعده معاك هو انت اتجوزت؟
=اااااه قصدك على نرمين؟.. لا دي بنت قاعده معانا يومين وهتمشي هي الاخبار لحقت تتنشر بالسرعه دي!!
+اتكسفت وبصت في الأرض، احم لا هو يعني حد من الجيران شافها بس وقالي وانا اسفه لو سؤالي دايقك..
=لا يا ياسمينا مفيش حاجه عادي عايزه حاجه تانيه؟
+ضحكت بفرحه، لا شكرا عن اذنك.
[الكاتبه مني عبد الغني
_كنت واقفه في البلكونه وشايفه الحوار اللي داير قدامي كنت شايفه وفاهمه نظراتهم لبعض والوضوح اللي في عيونهم اللي بيقول انهم بيحبوا بعض.. ضحكت على كسوفهم وغيرتها اللي مدارياها في سؤالها ودخلت وانا ببتسم وفرحانه ان لسه في مشاعر هاديه وجميله كدا وفجأه لقيت اللي داخل من باب الشقه بيبتسم هو كمان ساعتها احنا الاتنين وقفنا قدام بعض ومعرفناش ولا نتكلم ولا نتحرك..
=كنت واقف قدامها بنفس التوتر بتاع الصبح ومش عارف ليه ببقى عامل كدا قدامها برغم اني قدام ياسمينا ببقى عادي جدا ومش خايف ولا متوتر فا اشمعنا دي اللي ببقى عامل كدا اول ما اشوفها؟.. فضلت مركز مع ملامحها الغريبه كانت ملامح طفله على جسم بنت كبيره بعنيها العسلي وشفايفها الورديه.. كانت حلوه اوي حتى وهي من غير نقطه مكياج واحده.
_احم احم ممكن اعدي؟
=فوقت من اللي انا فيه وبعدت نظري عنها فورا وانا محرج جدا من اللي عملته ومن اني فضلت باصص عليها وقت طويل وانها اكيد اخدت بالها، ايوه انا اسف جدا اتفضلي..
_عديت بسرعه ودخلت المطبخ وانا خدودي شبه الطماطم ومش عارفه ليه بس يمكن عشان متعاملتش مع ولد غير اخويا وحتى ابن خالتي كنت بتجنبه دايما عشان بخاف وبتكسف منه..
*في ايه يا نرمين مالك انتي سخنه ولا ايه؟؟
_حطيت ايدي على راسي، لا يا طنط انا كويسه والله
*اومال وشك احمر زي قرن الفلفل الحراق كده ليه؟!
_ضحكت على التشبيه الغريب اللي اول مره اسمعه، لا مفيش يا طنط والله متقلقيش..، مش عارفه ازاي كنت فرحانه ومرتاحه كدا من اول يوم في بيت أشخاص غريبه وكنت حاسه انهم مش غراب وأنهم اهلي.
_اكلنا واعدنا انا وطنط في الصاله وفضلنا ساكتين شويه.
*نرمين ؟..
_نعم يا طنط.
*اي رأيك لو جالك عريس؟
_اييه؟
*اسمعي بس في واحد من ولاد الجيران شافك وسألني عليكي وانا قولتلهم انك بنت اختي وجيتي تقعدي معايا شويه وهو طلب يقعد معاكي ويشوفك.
_ايه يا طنط اللي حضرتك بتقوليه دا؟ حضرتك لسه شيفاني امبارح زي ما انا لسه شايفاكم امبارح انتي تضمني منين اني اكون كويسه وانا بردوا اضمن منين انكم كويسين انا اه قعدت معاكم واستريحت ليكم بس بردوا مينفعش حد يأمن لحد بالسرعه دي في الزمن دا وحتى لو واثقه فيكم فا هثق في الناس اللي معرفهاش دي ازاي؟!!!
*يا حبيبتي ما انا هقولك بصراحه انتي مش هينفع تفضلي معايا هنا ويوسف موجود وانا مش هقدر اخلي ابني يمشي دايما وبردوا مش هيهون عليا اسيبك تمشي ويا عالم ممكن يحصلك ايه فا انتي لو قابلتي الراجل دا واتجوزتوا او اتخطبتوا هتفضلي معاه ومعايا فا ايه رأيك؟
_انا مش فاهمه حضرتك بتقولي ايه انا لسه شايفه حضرتك امبارح ولو انا اللي عامله الازمه فا انا كدا كدا كنت همشي لما ابقى كويسه وانا بقيت كويسه عن اذنك يا طنط انا هاخد حاجتي وامشي..
*يا بنتي بس اسمعي هقولك ايه.. انا بعمل كدا عشانك والله وعشان مش هاين عليا اسيبك تبعدي عني انا والله حبيتك وتعلقت بيكي واعتبترك بنتي حتى لو كان يوم واحد بس..
_مردتش عليها وروحت اخدت حاجتي اللي كنت جايه بيها، متقلقيش يا طنط انا هكون كويسه وانتي اكيد يومين وهتنسيني وهتعيشي حياتك وفعلا انا انبسط معاكم في اليومين دول اوي عن اذنكم.. سيبتهم ونزلت بسرعه وانا دموعي سابقه خطوات رجلي ولتاني مره احس اني مليش حد واني مجرد حمل تقيل على كل الناس..
*يا نرمييين يا نرمييين، نزلت وانا قعدت و حطيت راسي بين ايديا وحسيت اني انا كمان جرحتها بكلامي دا وكنت اكني بطردها بس بالذوق.. انزل وراها يا يوسف انزل وراها ورجعها نتكلم بس.
=كنت لسه خارج من الحمام بعد ما كنت باخد دش ومكنتش فاهم اي حاجه حصلت فا خرجت فعلا عشان امي ونزلت وراها بسرعه..
_كنت ماشيه وانا بعيط جامد كانت صعبانه عليا نفسي من كل موقف مؤذي اكتر من الاول وحسيت انهم ناس خدوني عشان يستغلوني بس مش اكتر وأنهم مطلعوش زي ما كنت متخيله.. زودت في سرعه مشيي وانا اصلا مش عارفه اشوف من الدموع..
=يا نرمييين.. يا نرمين أقفي بس واسمعيني.. يا بنتي أقفي، فضلت اجري وراها وانا مش فاهم ايه اللي حصل خلاها كدا وبتجري وبتعيط بالطريقه دي ولا أكن حد حاول يقتلها مثلا وفجأه وقفت من الصدمه ومن اللي شوفته..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صدفة بعد جرح)
