رواية وردة في المزبلة الفصل الثامن 8 بقلم منة محمد
رواية وردة في المزبلة البارت الثامن
رواية وردة في المزبلة الجزء الثامن
رواية وردة في المزبلة الحلقة الثامنة
مرت الايام بسرعه وها هو اليوم قبل الاخير ليها بالمدرسه وخلال الايام الي فاتت ما تغيرش من حياتها جديد سلطان مطنشها عالاخر وعبود وسامي مش بيلعبوا معها اما بدر فماكانتش بتشوفه كتير وان شافته يكون طالع برا البيت الوحيده الي غمرتها بحنانها ندي الي ما تغيرتش عليها كانت تعاملها فعلا كانها بنتها
……قصص منه محمد………….
رجعت ريم من المدرسه وبعد الغداء طلعت على غرفتها كانت ترسم شويه وشوي تلعب بالالعاب وشوي تبص ل نفسها بالمرايه لغايه ما خبط باب غرفتها ودخل بعدها عبود
استغربت ريم من وجوده وخاصة انه مش بيتكلم معها
ابتسم وهو يخفي وراه المكر والخبث : ريم انا اسف لاني غلطت معاكي الايام الي فاتت وعشان كدا جيت اقول لك اني عاوز العب معاكي دلوقت
ريم بهدوء : بس انا مش عاوزه العب معاك مش بكيفك لما تحب تلعبني ووقت ما تحب تطردني ويلا دلوقت اطلع
عبود بمسكنه : الله يسامحك انا علي الي عملته جيت بنفسي واعتذرت لك بس انتي عنيده وسكت لدقايق وفكر ازاي يستدرجها انا كنت عاوز اخدك معايا نلعب مع ولاد الجيران حتى سالم عاوز يلعب معنا
ريم بحماس : سالم معاكم ؟؟ فين نفسكم تلعبوا ؟؟
عبود ابتسم بعد ما لانت وخطته قربت على النجاح : هنلعب قريب من البيت يله عاوزه حاجه انا طالع العب
ريم بحماس : استني هاجي معاك
ابتسم عبود واخيرا اقنعها : يالا بسرعة
طلعت ريم تمشي وراه عبود بس قبل ما ينزل من السلم : استنى كنت عاوزه استأذن من طنط ندي وعمي
مسك عبود ايدها بسرعة لان كدا هتفشل خطته اذا قالت لامه : ريم امي مش هتقول حاجة طلاما انتي معايا وبعدين احنا هنلعب قريب من البيت وبعدين يمكن تكون نايمه بلاش تزعجيها
ريم وكانها اقتنعت بكلامه : يالا لا نتاخر
عبود وهو ماشي فرحان خرجوا خارج سور البيت وكان بيمشي وريم تتبعه لحد ما وصلوا مكان بعيد عن البيت
شافت الاولاد بيلعبوا وكان الوقت قريب العصر وكان اغلب نفس الاولاد الي كانت بتلعب معاهم السنه الي فاتت دخلت ريم جو اللعب ونسيت نفسها ومش انتبهت على غياب عبود
……قصص منه محمد ورده في مزبله………….
دخل بيت ابوه وسلم على الموجودين هو وعيلته
سليمان: حمد لله على سلامتكم يا ابني
عصمت و دموعها شلال قرب منها نادر وبحنيه : ليه الدموع يا امي انا ماغبتش عنك غير اسبوعين ؟
عصمت بحزن : ناسي لانك لسه في البدايه عطوك اجازه بعد شهر بس بعدين بالسنين لحد ما نشوفك
نادر بابتسامة لامه : متخافيش انا مش هقطعك من الاتصالات وانشاء الله نتواصل صوت وصورة وبعدين إذا مضايقك سفري خلاص الغي كل حاجه واقعد معاكي
عصمت وهي تمسح دموعها : لا ياحبيبي ماتسبش حلم ابوك فيك ولفت وشها لسلمى ولينا تعالوا اقعدوا عندي ياحبايب تيته من زمان ماشوفتكمش
جريت سلمى ولينا في حضن جدتهم وقعدوا جنبها وفي حضنها وهي مبسوطة بيهم …..
***********قصص منه محمد ورده في مزبله*******
دخل عليها المطبخ : بسرعة البسي نادر اخويا رجع من السفر وجهزي ريم معاكي انا هسبقك هروح اسلم عليهم
كتمت غضبها لان ما باليد حيله :ان شاء الله وطلعت لغرفة ريم بس ما لقتهاش دورت في كل مكان فالبيت بس ما لقتهاش طلعت على الجنينه ما شافتش حد استغربت !!!!
***********قصص منه محمد ******
وصل لبيت ابوه ودخل وقعد جنب ابوه بعد ما سلم على نادر ببرود وده خالي نادر يضايق انه اخوه زعلان منه
رن موبيل سلطان مسكه بهدوء :الو
ندي بقلق : فينك يا سلطان ؟؟
سلطان باستغراب : في البيت عند بابا ليه في حاجة؟؟
ندي بارتباك : ريم دورت عليها بكل مكان بس مش لقياها
سلطان بصوت عالي : انتي بتقولي ايه ؟؟
لف الجميع عليه بخوف
وقف سلطان : انا جاي حالا قفل الموبيل ) استأذن عندي مشوار ضروري
الجد حس بامر يخفيه سلطان : فيه ايه يا سلطان ؟؟
سلطان بتوتر : لا ما
الجد بعصبية :انتي هتخبي عني قول فيه ايه ؟
سلطان بسرعه : لما ارجع هقولك
خرج وماسابش فرصه لابوه لاستجوابه
بحث عنها في كل مكان ومالقاهاش فضل يبحث مده طويله وقرب اذان المغرب حس انه في ورطه هيقول ايه لنادر شد علي شعر راسه بعنف وغضب من القهر
وصل خبر اختفاء ريم للجد ونادر وكل الموجودين ..
********قصص منه محمد*********
الجد بعصبية وهو يفرك ايده : يعني فين غطست دي ؟؟؟
سلطان بتوتر : متخافش يابابا هنلاقيها بس اهدي شويه
نادر من بين سنانه : بنتي مختفيه من 3 ساعات وانا اخر من يعلم وقف وهو في قمة عصبيته
فخري : عاوز تروح فين دلوقت احنا دورنا عليها بس ما لقيناهاش حتى العيال سألناهم وقالوا ولا شافوها ؟؟؟
نادر بعصبية : هروح ادور بنفسي مش هفضل قاعد زي الاهبل وانا اخر من يعلم
دخل عبود وهو يخفي ابتسامته ومثل دوره بامتياز : بابا..بابا
سلطان باهتمام : فيه ايه يا عبود
كانت كل الانظار على عبود مستنينه يتكلم تردد فالبدايه لما شافهم يبصوله وكان هيتكشف بس صمم يتابع خطة الانتقام
اخد عبود نفس : بابا سألت ابن الجيران اذا شافها قال انه شافها قبل العصر ماشيه فالشارع
نادر مسك عبود من ايده : بأي اتجاه مشيت وسحبه معاه وراح يشوف لاي جهه
وصل نادر للشارع وبحزم : من اي جهه اتكلم
عبود بخوف من شكل نادر وعصبيته شاورع على جهة الشمال
راح نادر لعربيته عشان يركبها مسكه فخري من ايده : يا اخويا بالحكمه وهدي اعصابك بإذن الله تكون بخير
بعد نادر ايد اخوه بهدوء : يارب تموت واخلص منها ومن بلاويها
سلطان بعصبية : دي بنتك ازاي تقول عليها كدا ازاييييييييي ؟؟؟
نادر بعصبية : انت اخر واحد تتكلم دي برضه الامانه الي حاطيتها عندك فين صون الامانه بس انا الغبي الي سبتها عندك لانك مش قد الثقه
قاطعه سلطان بقلم علي وشه : انا اخوك الي اكبر منك تقول لي كدا بلاش تمثل دورالاب المهتم وماتنساش يوم العيد لما هربت بنتك والصيف الي فات قضت الاجازه كلها وهي مع الاولاد تلعب وانت ما عندكش علم اصلا من امتى الخوف نزل عليك انت بتتمني ريم تموت دلوقت قبل شويه بس نفسك تزلها الاول
وبهدوء ساب المكان ودخل بيت ابوه تاني
فخري بحكمه : عجبك دلوقت اخوك جرحته بكلامك القاسي
حس نادر بالندم مسح على وشه وجواه يتوعد بريم لانها هي السبب ركب عربيته واتجهه ناحيه المكان يدور عليها
**********قصص منه محمد************
عند الجد كان الوضع متكهرب كانت ندي قاعده وتفرك ايديها ببعض
عصمت بحده : كنتي فين يا هانم لما البنت طلعت من البيت ؟؟ ازاي ما شوفتهاش ؟؟ البنت طالعه من قبل العصر وانتي ماعندكش خبر ؟؟ طلاما مش قد المسؤوليه ليه اخدتي البنت ؟؟ عجبك دلوقت سلطان ونادر بقوا زي الحطب والنار ….
قاطعها الجد بحزم : اسكتي ندي مالهاش دخل سلطان الي طلب ياخدها هي مالهاش ذنب
عصمت بغيظ من ندي لانها قبلت تربيها عندها : ليه ما رفضتيش لما اخدها سلطان بس مش هقول غير حسبي الله ونعمه الوكيل على بنت ساره الي مش هتسكت غير لما تفرق بين الاخوات
كانت ندي قاعده وساكته ومقهورة من كلام حماتها بس مفيش بايدها حاجة وخاصة ان سلطان مش بيطيق عليها كلمه، لكن لو امه غلطت وتيجي تحكيله يرفض يسمع صوتها ففضلت السكوت وبداخلها قهر ودموعها على ريم المختفيه …..
***********قصص منه محمد**********
نادر كان بيسوق العربيه وهو مولع نار لمح بمكان اولاد بيلعبوا كوره اتنهد وقال لنفسه اهل متسيبين سايبين اولادهم لحد دلوقت يلعبوا والمغرب قرب اتخطي الاولاد وبعدها استوعب سحب بريك بسرعه ونزل من العربيه وهو متاكد انه ريم معاهم لانها عملتها قبل كدا قرب من الاولاد وبدء يبحث عنها بالبدايه مش ميزها بعدين شافها وهي بتجري وراه الكوره جن جنونه قرب منها ولما شافوه الاولاد وقفوا يبصوله الظاهر انها استغربت انهم وقفوا متنحين سابت الكوره وبصت اتفاجات بوجوده ماسابلهاش فرصه قرب منها ومسكها من ايدها وعطاها قلم جامد وسحبها وراه كانت بتصرخ علشان يسبها رماها جوه العربيه بغل وساق راجع لبيت ابوه كان سايق العربيه وهو ناوي خلاص اليوم فعلا هيموتها ويخلص منها وصل بسرعة خياليه نزل من العربيه وفتح الباب بعصبيه : انزلي بسرعه
ريم بعنادها المعتاد : لا مش عاوزه
ما عطهاش فرصه سحبها من شعرها ونزلها بعنف سمعها بتشتم فيه لكن طنشها وهو لسه ساحبها وبيضربها وبيجرها دخلها البيت وهو في قمه غضبه ورماها ع الارض وانهال عليها بالضرب وهي ولا بتسكت نازله فيه سب وشتيمه وهو يزيد من الضرب مسك ايده اخوه فخري : اهدي يا نادر مش كدا
ريم وهي تمسح دموعها : انت متدخلش في حياتي ودموعها تنزل وصرخت فاهم متدخلش بحياتي يا حقير
فخري بعصبية : ريم احترمي ابوكي وشاور على نادر مهما عمل لازم تحترميه
ريم باشمئزاز : انا اموت لو ده يكون ابويا انا ابويا مات من زمااان
ضحك نادر ضحكه عاليه : حلو والله وامتى كانت الجنازه والعزا وكتف ايده وهو يبص لريم
الجد بهدوء غير معتاد : ومين قالك يا ريم ان ابوكي مات ؟؟؟
ريم ببراءة وهي تمسح دموعها : امي قالت لي لما كنت عندها وانا صغيرة ان ابويا مات قبل ما تولدني
عصمت بضيق: اتفضلو الزفته ساره بتفول على ابني بالموت
شاور الجد ليها بأنها تسكت وطبعا الكل متجمع وساكت ويتابع بصمت
ولف على ريم وسألها بهدوء : وده مين وشاور علي نادر
بصت ريم لنادر بكره : ده نادر اتكفل بيا لاني يتيمه
بصو الشباب لبعض واطلقوا ضحكات عاليه على كلام ريم
مسحت دموعها بايدها الصغيرة وبصت شافت عبود بيبصلها نظرة شماته
نادر بحزم : يالا قومي نرجع عالبيت
عصمت: خليك هنا ياحبيبي اقعد معنا
نادر ببرود : عاوزين نروح ونرتاح يالا يا ساميه
خرج نادر ومراته وعياله وريم وراهم ماشيه بهدوء وعقلها سارح مش قادرة تستوعب الكلام اللي سمعته ….
^^^^^^
سلطان بهدوء : يالا يا ندي روحي جهزي حاجات ريم وابعتيهم مع الخدامه
قامت ندي وهي تمسح دموعها : حاضر وخرجت بره تنعي فراق ريم.
الجد بحزم للشباب : وانتم ياشويه بقر مش قادرين تلاقوها قبل ما يعرف نادر انا متاكد انكم ولا دورته عليها
رامي : والله يا جدي دورنا بس
الجد بعصبيه : خلاص اسكت مش عاوز اسمع صوتكم ويالا غوروا اطلعوا من هنا مش عاوز اشوفكم
بص الشباب لبعض بغل وغيظ وغادروا المكان بهدوء
الجد بحزم : بكره بعد المغرب الكل يكون موجود عندي في قرار مهم عاوز ابلغكم بيه وبلغوا الكل وبعدها وقف وساب المكان ….
******قصص منه محمد********
قعدوا الشباب بمكانهم المعتاد بدر بعصبية : كله من الهبابه ريم
رامي بغيظ : يعني احنا مالنا بيها ليه يحملنا جدي المسؤولية
قاطعهم عبود وهو متحمس وقعد معاهم: انا هقولكم علي اخر خبر
ايهاب ببرود : ايه هو
عبود بحماس : هتدوني ايه علشان اقولكم ؟؟
مسكه بدر من ودنه : عاوز تقول ولا تترحم علي ودانك ؟؟
عبود : اخخ خلاص هقول ،، سمعت جدي بيقول بكره بعد المغرب فيه اجتماع للكل فيه قرار مهم
عمر بلامبالاه : يا مكتر قرارات جدي ولوى بوزه
ايهاب باستغراب : طيب عمي نادر لقي ريم فين ؟؟
عبود : لقاها عند الساحه الكبيرة بتلعب كوره مع الصبيان
رامي بص لعبود بتحقيق : عمي نادر ماقالش فين لقاها ازاي عرفت انت مكانها وعطاه نظره شك
بدر بتذكر : صحيح عمي ما قالش انت عرفت منين ؟؟
عبود اتوتر وخاف :ءءءء سمعت عمي بيقول كدا وجري بسرعه هاربان منهم
عمر : اقطع دراعي ان ما كان عبود هو الي موديها
ايهاب باستغراب : وليه هيعمل كدا؟؟
بدر : ريم وعبود من اسبوعين مش بيكلموا بعض لاني كنت بسمع عبود بياكد على سامي انه مش يلعب معها مع ان ريم بتموت على عبود وطول وقتها معاه لدرجه انا فكرتها حاطه عينها عليه
عمر بضحكه : يعني غيرت رايها عن ابن الجيران ؟؟
رامي : يا سخافه كلامكم لسه عيال انا بقي اتوقع ماعندهمش الكلام الفارغ ده المهم تتوقعوا جدي ايه هو قراره
وقعدوا الشباب يفكروا بقرار جدهم ايه ممكن يكون .
**********
طلعت لغرفتها بهدوء من غيرما تتكلم وقعدت على السرير وهي بتفتكر الاحداث مش قادرة تستوعب معقول ده ابوها عشان كدا اهل امها رموها هنا عند ابوها بس الي محيرها ليه امها قالت لها انه ابوها ميت ليه كذبت عليها لييييييه
رمت نفسها على السرير وهي تكتم شهقاتها
*******
فاقت الصبح وقامت بنشاط اليوم اخر يوم ليها بالمدرسة ولازم تروح تودع جنى شافت شنطه هدومهاا فتحتها واخدت هدوم المدرسه جهزت نفسها وخرجت من الغرفة بهدوء ……
كان قاعد بالصاله بيشرب القهوه والبنات نايمين بما انه ما فيش مدرسه عندهم شاف ريم نازله من ع السلم ولابسه هدوم المدرسه سألها بحزم : علي فين رايحه ان شاء الله ؟؟
بصت له وبكره : عالملعب
نادر بنرفزه : انا بسالك جاوبي عدل زي الناس فاهمه
ريم : يعني هيكون فين انت غاوي تستظرف يعني
قاطعتها ميري وهي بتدخل مستعجله : ريم باص المدرسه مستني برا بسرعة
خرجت ريم ولا سالت في نادر الي واقف هيولع من كل حته …
سأل نادر ميري : هي ريم لسه ماخلصتش المدرسة ؟؟
ميري : اليوم اخر يوم وبعدها خلاص
هز نادر راسه وتابع شرب القهوة وهو مستغرب ليه عملت ساره كدا وفهمت ريم انه ميت وشد على الفنجان من الغيظ
*******منه محمد***********
بما انه اليوم اخر يوم ما كانش فيه دروس قضت ريم وقتها مع جنى وهي بتحكلها عن الي حصل امبارح وهي بتمسح دموعها
جنى : الله ياخده ريم بلاش ترجعيله
ريم :اروح فين ؟؟
جنى بحماس : شوفي جسمك مكان الضرب ده وحَش خلاص تعالي عيشي معنا صدقيني اخوي هيعاملك كويس ومستحيل يضربك ( وبحماس )تعرفي ريم ولا مرة ضربني حتى لو غلطت بيسامحني ويقولي اوعيديني ما تكرريها
ريم وعجبتها الفكره : بس امك يمكن تطردني ؟؟
جنى بحماس : امي مش هتقول حاجه خلاص بعد المدرسه تيجي معايا اتفقنا
ريم بحماس : اتفقنا
******قصص منه محمد**********
نادر بعصبية رايح جاي : انا عارف البنت دي اخرتها معايا هاتجلطني
ساميه : هدي نفسك
نادر بعصبية : بقولك المدرسه انتهى يومها على الساعة 11 ودلوقت الساعه 2 فين غطست وعض على شفايفه من الغيظ
رن موبيل ساميه ردت بهدوء : الو
الجد : طمنيني رجعت ؟؟
ساميه : لا ياعمي مارجعتش لحد دلوقت
الجد بحزم : انشاء الله خير وقفل الموبيل
الساعة دخلت في 4 وللان ريم ما لقوها وولا خلو مكان الا دوروا عنها بس ما فيش فايده ….
………قصص منه محمد…….
كانت قاعده بغرفة جنى ويلعبوا مع بعض دخل الغرفة اخوها واتفاجئ بوجود البنت : جنى مين البنت دي؟؟
جنى بحماس : دي صديقتي ريم
بص لريم حس انه شايفها من قبل بس مش عارف فين : طيب تعالوا الغداء جاهز
وسابهم ونزل مسكت جنى ايد ريم وسحبتها بسرعة ونزلوا لسفره الاكل
قعدوا وكانت ريم تاكل بهدوء
اخو جنى : مبسوطة طبعا يا جني ان المدرسه خلصت
جنى بحماس : جدا جدا
اخو جنى : وانتي يا ريم ؟؟
ابتسمت ريم وهزت راسها بالموافقة
اخو جنى : دلوقت الساعة 4.45 بعد الغداء ارجعك يا ريم لاهلك
جنى باعتراض : لااا ريم هتعيش معنا هنا مش هترجع عند ابوها ويضربها كمان مره
ومسكت ايد ريم وطلعت بسرعة لغرفتها
اخو جنى : ماما ايه الحكايه مش قالت ان ابوها ميت ؟؟
ام جنى حاكتله الموضوع كامل واستغرب من قصه البنت
اخو جنى : بس يا امي ده يعتبر اختطاف لو اهلها لقوها عندنا هنروح في ستين داهيه واحنا مش ناقصنا وجع دماغ
ام جنى بحزن : لو تشوف جسمها مكان ضرب ابوها ليها ده مش اب ده وحش
اخو جنى وقف : كلامك مش هيفيد انا لازم ارجعها لاهلها وطلع غرفة اخته ودخل الغرفه وبهدوء : ريم تعالي معايا علشان ارجعك عند اهلك
ريم برفض : لا مش عاوزه ارجع اذا مش عاوزني ابقي هنا خدني على دار الايتام
قرب منها ومسك ايدها وشاف اثار الضرب : اكيد ابوكي قلقان عليكي طيب معاكي رقم ابوكي اتصل عليه وابلغه انك عندنا عشان ما يقلقش
ريم برفض : لا لا
مسح على راسها بحنيه :متخافيش مش هيضربك ايه اسمك الكامل ؟؟؟
ريم بتردد : اسمي ………………
اخو جنى بصدمه : انتي قلتي ايه ؟؟؟؟
بصتله ريم باستغراب وكررت اسمها مره تانية تحت صدمه اخو جنى من الاسم!!
…..قصص منه محمد…….
فخري بهدوء بص لنادر الي رايح جاي : اكيد ضايقتها بالكلام والبنت هربت من عميلك !!
الجد بعصبية وهو يوجه كلامه لابنه الكبير : يعني البنت لو ضربها تهرب من البيت من امتى القانون ده؟؟ بس الغلط عليك يا نادر انت مش عارف تربيها مظبوط لكن ادبها عندي
ساميه بقلق : طيب بلغوا البوليس شوفوا المستشفيات هتكون اختفت فين يعني
نادر بعصبية : بقولك بلغنا وما فيش فايده البوليس قال لازم يمر على اختفائها 24 ساعه
في الاثناء دي رن موبيل نادر الكل سكت ونادرالتفت له شاف الموبيل وظهر الاسم علي الشاشه عطاه مشغول مش رايق دلوقت لحد ورجعه في جيبه …
الجد باهتمام : مين يا نادر ؟؟؟
نادر بلامبالاه : عزام مش فاضي له دلوقت
رن موبيل نادر مرة تانيه وشاف عزام يرن عليه رد عليه بهدوء : الو
عزام بهدوء : ليه تديني مشغول ؟؟
نادر يحاول يكون طبيعي : لا بس كنت مشغول
عزام : طيب تقدر تقابلني بالكافي ؟؟
نادر بضيق : اعذرني مش فاضي حاليا خليها بوقت تاني ….
عزام : بقولك ضروري الموضوع ما يتحملش تأجيل
نادر وصبره نفذ : عزام خلاص اجل موضوعك لبعدين …
عزام بهدوء : حتى لو كان يتعلق باختفاء ريم !!
نادر باهتمام : ريم وانت ايش عرفك بالموضوع ؟ فينها دلوقت ؟؟
الكل كان منصت ويستمع للمحادثه
عزام بهدوء : انت تعال الكافي وانا افهمك الموضوع
قاطعه نادر بعصبية : انت فين دلوقت ؟؟؟
عزام : فالبيت … دلوقت اطلع الاقيك بالكافي
نادر بعصبية : خليك فالبيت دقيقتين واناعندك سلام وقفل الخط
ماعطاش مجال لعزام انه يعترض ….
قام نادرومشي ناحيه الباب وكأنه بركان ثائر حتى مردش على نداء وتساؤلات ابوه واخواته …..
*************
كانوا قاعدين بمكانهم المعتاد كالعاده بدر بعصبيه : انا البت ريم دي نفسي اخنقها بايدي اتلغت رحلتنا بسببها الله اعلم امتى يلاقوها حضرتها
عمر بانفعال : انا مش قاهرني غير جدي كل شوي يبهدلنا وروحو دوروا عليها يعني هنلاقيها فين وهي فتحيه ودلعها سحليه…
بدر بضحكه : شباب فاكرين شكلها امبارح بصراحه شكلها يفطس من الضحك وشها اسمر واحمر والعرق على جبينها هههه والله شكلها نكته
رامي باستغراب : سبحان الله ما توقعت عمي نادر يخلف بنت غبره وبشعه ومش جميله زي ريم
ايهاب بدفاع : صحيح انها سمره بس ملامحها جميله جدا
عمر بتمثيل : لا انا مقدرش علي كدا والله اتشل فيها (بصراحه وباستهزاء ازاي يعني جميله بقولك ايه ياشيخ غور من هنا يقطع سحنتها وسحنتك في يوم مالوش ملامح
بدر بغمزه : تعرف خطيبته ولازم يدافع عنها
ايهاب : يا سخفتكم وسخافه تفكيركم ده مجرد رأي وبعدين انا مش بقول عنها جميله قلت ملامحها ودلوقت انا بعترف انها لسانها عاوز قطعه بس فيها ملامح حلوه ولف على رامي : ايه رايك يا رامي ؟؟
رامي بأصرار: بصراحه غبره وربنا يعين عمي على بلوته
عمر وهو بيضحك : ويعين بعض ناس بعد الجواز
كلهم بصوا لايهاب وفصلوا ضحك لدرجه ناموا على الارض من الضحك على شكل ايهاب وهو مغلول ومتعصب من كلامهم ……
************
عزام بهدوء : ريم ابوكي جاي هنا
ريم حطت ايدها على بؤها بعفوية : وايه الي جابه دلوقت ؟
جنى ودموعها نزلت : ليه اتصلت بيه اكيد دلوقت هيضربها
مسك عزام ايد ريم بحنيه ومسح بايده التانيه على راسها : متخفيش مش هيضربك ….
سمع صوت عربيه بالخارج :،خليكي هنا يا ريم لما اناديكي تنزلي
كانت ريم باصه لعزام وتتمنى ابوها زيه وزي حنيته ..
نزل من عربيته و شاف عزام جاي عليه و بعصبية اتكلم: فينها الكلبه خليها تطلع قبل ما اجرها من شعرها
اضايق عزام من اسلوب نادر لكنه طنش : انت ليه متعصب فين السلام الاول؟؟
نادر بهدوء : اعذرني يا عزام خليها تطلع بسرعه
مسك عزام ايد نادر بهدوء : تعالي اشرب فنجان قهوة وروق
نادر بنرفزه : مش فاضي لقهوتك دلوقت
قاطعه عزام: تعالي اقعد واتفاهم معاك الاول
راح نادر مع عزام ودخل الصالون وقعد وهو حاسس ببركان محدش يقدر يطفيه
دخل عزام بالقهوه وهو يبتسم : والله منور فينك ياراجل تعرف انا نفسي اخلي ريم تختفي كل يوم علشان اشوفك
نادر بص لعزام بحده : يا رخمتك يا اخي انا على اعصابي وانت بتنكت ؟؟
عزام بهدوء : طلاما خايف عليها ليه تضربها انا استغربت ما توقعتك قاسي كدا
نادربعصبيه : اصل انت ما تعرفهاش لسانها متبري منها ااااخ البنت دي انا عارف نهايتي هتجبلي الجلطه بعمايلها
عزام بهدوء : بس ما توصلش للدرجادي لولا انها داقت المر عندك ماكانتش هربت
نادر بعصبية،: انا الي هربيها الحيوانه عشان تهرب مرة تانيه بس عاوز اعرف ازاي لقيتها
((((يا ظالم هل قلبك تجمدت من مخافة الله، فأصبح يتلذذ بظلم العباد.
يا ظالم ألم تعلم أن للمظلوم رباً تكفل بنصرته ولو بعد حين.يا ظالم ألم تسأل نفسك يوماً ما عن سبب القسوة التي تجدها في قلبك والظلمة التي تعلو وجهك.))))
عزام بهدوء : اضبط اعصابك شوي اعوذ بالله بقيت حريقه وبعدين هي ما هربتش هي جايه تزور اختي
نادر بعصبية : تزورها تيجي تستاذن مني مش دايره علي كيفها مع اني متأكد انها هربت لكن انا هعرف ازاي اربيها
عزام وبيحاول يمتص غضبه : نسيت لما كنا فالمدرسة وهربت وجيت عندي هنا وكان نفسك تعيش بعد ما اتخانقت مع ابوك سبحان الله البنت عملت زيك بالظبط
نادر : صحيح بس انا ولد مش بنت فاهم طبعا الفرق ؟؟؟ امتى اخلص منها ومن همها ؟؟
عزام بهدوء وجديه : اسمع يا نادر افتكر الموضوع اللي طلبته منك في المول ورفضت وانا دلوقت بطلبه من جديد جوزني ريم وانا هستناها لحد ماتكبر وانت الربحان ترتاح من همها وتعيش هنا مع اخوتي وامي وانت تسافر وترتاح منها ها ايه رايك
نادر مسح على وشه : انسى انا في الوقت ده ما كانتش بعقلي كنت متهور بس لما فكرت فيها مش عاوز اخد ذنبها يعني هي عمرها 8 سنين خليني اكون معاك واقعي انت هتستناها كمان 8 سنين لحد ما توصل ريم 16 سنه وقتها هيكون عمرك يا عزام 38 سنه تخيل الفرق كام بينكم بصراحه مش عاوز اظلمها وحتى لو وافقت ابوي مستحيل يرضى الموضوع ده انساه وشوف لك واحده تسعدك مش تنقطك وبمزح روح ياشيخك مالقتش غير ريم؟؟؟
عزام بجديه : يا تقل دمك يا نادر طيب الحل التاني بما إنك رفضت الحل الاول سكت ثواني وبعدها كمل خلي ريم تعيش عندنا اكيد ها تنبسط مع اختي جنى
نادر وهو يخفي عصبيته : لا مستحيل
عزام باستغراب : طيب ليه اديني سبب مقنع ؟
نادر بنرفزه : كدا مزاج يا اخي وانسى اقتراحاتك وقوم جيب الاميره اللي جوا وشد على سنانه من العصبيه
عزام بحزم : في الحاله دي اسمحلي مالكش بنت عندي
نادر وهو يحاول يكتم عصبيته : عزام بلاش تستخف دمك جيب ريم شايفني مستعجل
عزام بنظره حاده : مش هتاخدها وانت ده اسلوبك عاوزني يعني اسلمها لك وإنت في الحاله دي عشان تكون جنازة
نادر ويكتم عصبيته : انت جيبها ويحصل كل خير
عزام كان عاوز يتكلم بس قطعه صوت طفلة صغيرة
ريم وهي بتشاور على نادر بنظره حاده : مش عاوز ارجع معاك انت ليييه مش بتفهم
نادر مقدرش يكتم عصبيته وهجم علي ريم بسرعة
وضربها قلم وري التاني وكان نفسه يضربها كمان بس مسكه عزام و
بعصبية : انت ايه يا اخي هدي بقي بلاش تزعلني منك
نادر بص لريم بكره : سبني عاوز اربيها قليله الحيا
ريم وهي تحط ايدها الصغيرة على وشها : ربي نفسك الاول
عزام بحزم : ريم ادخلي جوه بسرعه
ريم من نظرات عزام الحازمه ما كانش منها إلا تنفذ امره بهدوء
بعد ما دخلت ريم ساب عزام نادر وبحزم : انت دكتور وتعامل بنتك كدا اذا انت الدارس المتعلم بتعمل كدا امال نقول ايه للجاهل نقول اييييه
نادر بعصبية : انت بتستهبل انت شفت ازاي اسلوبها معايا الحيوانه ؟؟
عزام مسك ايده وقعد نادر على الكنبه : اهدي ياراجل واسمعني كويس اليوم خلي ريم تنام عندنا
كان نادرهيعترض بس شاورله عزام بايده بمعني
خليني اكمل وبكره تيجي تاخدها بتكون روقت وارتحت اما دلوقت اسف مستحيل ابعتها معاك لاني عارف النتيجه ويالا دلوقت قوم معاي نروح على الكافيه عشان تغيرجو
نادر : مش هينفع بابا طالبنا فيه اجتماع للكل ما اقدرش اروح معاك
عزام بهدوء : خلاص اشوفك بكره
نادر بتبرير : عزام الله يخليك جيب ريم ولا تقوي راسها زياده عليا
عزام وقف وبحده : على جثتي مش هتاخدها النهارده فهمت إلا في حاله واحده روح بلغ البلوليس اني انا خطفتها وقتها تعال خدها
قرب نادر من صديق طفولته وباس راسه : خلاص خليها عندك لبكره ويالا انا استأذن
عزام بهدوء : هستناك بكره وبابتسامه ومتزعلش مني يا صاحبي
نادر بهدوء : ان شاء الله و هز راسه ووراح لعربيته وركبها وغادر المكان
*^^^^^^^
صلى المغرب بالمسجد وراح لبيت ابوه بعد ما اتصل بيه اخوه وطلب منه يجي علي هناك
دخل البيت وكان الكل مجتمع رد السلام بهدوء وقعد جنب ساميه
الكل كانوا باصين لنادر ومستغربين ان ريم مش معاه !!
الجد بصرامه : ايه الي حصل معاك عمال تدينا مشغول ونرن عليك تكنسل علينا فين لقتها؟وليه ما جبتهاش معاك؟
مسح نادر على وشه : لقيتها عند عزام
الجد برفعه حاجب وبتعجب : عزام !!!!
نادر بهدوء ومن جواه نار : اخت عزام في نفس فصلها وراحت معها تزورها
الجد بعصبية : لا ما شاء الله انا شايف بنتك زادتها ولا احترمت وجودنا من امتى البنت بتطلع تزور من غير مانعرف ها قولي من امتى يا نادر بيه ؟؟
(((ايها الجد القاسي هل اعطيتها قلب وحب وعطف وهي اضاعت كل شيء، فسألتها ياريم :أين ذلك الحب؟ فأجابتني بأنه في عالم الضياع.))))
منه محمد
سكت ثواني وبعدها سأل : فينها الحيوانه دلوقت ؟؟
نادر بهدوء رمى القنبله على الجد : عند عزام وهتنام عندهم النهارده
الجد بعصبية : انت انهبلت ليه تسمح لها تنام هناك انت مجنون ؟؟؟
نادر بنرفزة : يعني الراجل حلف يمين إلا تنام عندهم وحرجني كنت اعمل ايه ولو كان الامر بايدي كنت جرجرتها من شعرها بس عزام وقف حاجز بينا وعض على شفايفه بقهر
فخري بحكمه : صلوا عالنبي يا جماعه ما تكبروش الموضوع البنت لسه صغيره كل شيء ينحل بالتفاهم وبعدين عزام شاب ثقه ويعتمد عليه واكيد طلب من نادر الشئ ده علشان يوقف المجازر الي كان هيعملها نادر….ودلوقت سبونا من ريم وسبونا من سيرتها ووجه نظره لابوه ايه ياحج الموضوع الي جمعتنا عليه
الجد اتنهد : فخري نادر وسلطان تعالوا معايا على المكتب
**********
كانوا بالمول وريم تمشي مع جنى ومبسوطة على الاخير وعزام ما خلاش شيء في نفسها إلا اشتراه لريم جنى بحماس : عزام عاوزين ايس كريم
عزام بابتسامة مليانه بالحنيه : وانت يا ريم تاخدي ايس كريم ؟؟
لكنه انصعق من جواب ريم
ريم بجديه : ليه مش تكون ابويا بدل نادر المتخلف
ضحك عزام في سره على وصفها لنادر ومسك ايدها وقعد على واحد من الكراسي ومسح على راسها بحنيه : ريم ليه تغلطي في ابوكي ؟ تعرفي ان رب العالمين يغضب عليكي لانك بتغلطي في ابوكي لازم تحترميه
ريم ببراءة : بس هو بيضربني
عزام بهدوء : لانك بتشتميه اكيد وقتها لازم يضربك وبعدين حتى لو ضربك ما ينفعش تغلطي فيه وسكت
لثواني وبعدها بص لريم تعرفي لما كنت في سنك كان ابويا يضربني كتير بس ما كنتش اغلط فيه صحيح كنت بضايق بس ولا مره غلطت فيه، وبكره لما ييجي نادر نفسي منك تسلمي عليه وتعتذري له لان ده ابوكي وميصحش تروحي مكان بدون علمه اوكي
ريم : اوكي خلاص انا مش هشتمه وبكره هتاسف له وبابتسامه يالا يا عمي جيب لنا ايس كريم
عزام بابتسامة :من عيوني …..
ومسك ايد ريم وجنى وراح لاكمال الجوله
الجد بهدوء : بالنسبة للموضوع الي جمعتكم عليه انا قررت ريم هتعيش عندي هنا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
