رواية رجل في مهمة مستحيلة الفصل الثاني عشر 12 بقلم عادل عبدالله
رواية رجل في مهمة مستحيلة الجزء الثاني عشر
رواية رجل في مهمة مستحيلة البارت الثاني عشر
رواية رجل في مهمة مستحيلة الحلقة الثانية عشر
قلت لنجلا شوفي البنت اتأخرت في الحمام كده ليه .
راحت نجلا تشوف دنيا اتأخرت ليه .وفجأة نجلا تصرخ بأعلي صوتها .
جريت اشوف ايه اللي حصل لقيت دنيا عندها نزيف شديد جدا ومغمي عليها .
شلتها ونزلت واخدتها في العربية وروحت اقرب مستشفي بسرعة رهيبة .كنت خايف تكون عملت في نفسها حاجة .
في المستشفي عرفت ان دنيا اجهضت حملها بعد ما اخدت برشام للاجهاض .
الحمد لله دنيا فاقت من الغيبوبة بسرعة ولكن كان لازم تستمر تحت الملاحظة حتي الصباح .
نجلا وشهاب راحوا المستشفي بعدنا مباشرة علشان يطمنوا علي دنيا .
وهنا عرفوا ان دنيا كانت حامل .والسر انكشف واضطريت اني احكيلهم كل اللي حصل .
نجلا قعدت تبكي بهيستيريا وشهاب جاله ذهول لما عرف ان حازم صاحب عمره عمل كده مع اخته .
شهاب نزل جري من المستشفي وشوفت في عنيه الشر .هو لسه شاب وممكن يتسرع والموضوع يتعقد اكتر .
حاولت اجري وراه علشان امنعه ملحقتش .اتصلت عليه بالتليفون وقولتله يرجع البيت وان انا علي وشك اخلص الموضوع .
اخدت نجلا ونزلنا من المستشفي وروحنا علي البيت .واحنا في الطريق نجلا كانت بتبكي .انا كلمت نجلا وحاولت اخفف من الصدمة عليها وقولتلها ان البنت اتربت في ظروف غير طبيعية نتيجة غيابنا عنها .وقولتلها احمدي ربنا اننا رجعنا في الوقت المناسب علشان نلحقها قبل ما البنت تضيع خالص .
روحت البيت واخدت من شهاب تليفون ابو حازم .
اتصلت بابو حازم وطلبت اقابله .طبعا هو كان مندهش من طلبي لان مفيش سابق معرفة بينا .
روحت قابلت ابو حازم وحكيت له علي علاقة ابنه حازم ببنتي وانه متجوزها عرفي ووريته صورة العقد العرفي وقلت له انه لازم يتجوزها رسمي .واني مش هسيب حق بنتي مهما حصل .
ابو حازم شكله اتغير وظهر عليه الغضب وقالي سيبني اتكلم مع ابني وبعدين هرد عليك خلال يومين بالكتير .
خرجت من عند ابو حازم بعد ما اخدت منه وعد انه هيرد عليا خلال يومين بالكتير .
وانا في العربية راندا اختي اتصلت عليا وقالتلي انها عاوزاني ضروري .
روحت لراندا وقعدت معاها .قالتلي انها افتكرت ان رؤوف كان عمل عملية جراحية في القلب من فترة قريبة واستمر في المستشفي اكتر من شهر ونص .
ووقتها كان عملها توكيل بالسحب والايداع علي حسابه في البنك لان العملية كانت محتاجة مبلغ كبير .
ولحسن الحظ كان دفتر الشيكات بتاعه خلصان والشركة مكانش فيها سيولة تدفع مصاريف العملية .
وبعدين قالتلي انه مش لغي التوكيل ده .ويمكن يكون ربنا عمل كده علشان ناخد جزء من حقنا اللي اخده رؤوف .
رديت عليها وقولتلها ان اللي زي رؤوف ده اكيد لغي التوكيل اول ما خرج من المستشفي .
لكن راندا كان عندها امل انه يكون نسي يلغي التوكيل .
المهم انا قولتلها بكره الصبح نسافر اسكندرية ونروح شقتك ونشوف التوكيل .
افتكرت ان في بعض الاوراق كنت محتاجها من الشركة علشان اخلص تراخيص لمشروع من مشاريع الشركة .
اتصلت بنانسي وسألتها علي الاوراق اللي انا محتاجها .
قالتلي انها مسافة السكة هتكون في الشركة .
روحت للشركة وفتحتها ودخلت .
منظر الشركة وهي مقفولة وفاضية ومفيهاش موظفين وعمال ضايقني جدا .
وبعد دقايق معدودة لقيت نانسي جت للشركة .
دخلت نانسي وكانت في كامل زينتها وشياكتها .بصراحه جمالها جذبني ليها خاصة مع حالة الجفاف العاطفي اللي انا عايشها في البيت عندي .
قلت في نفسي لازم اختصر الوقت ونمشي من الشركة بسرعة لاني مش هقدر اقاوم كتير .
نانسي اعطتني الاوراق اللي انا عاوزها وقالتلي : مالك يا استاذ طاهر واضح عليك ان في حاجة مضيقاك ؟
قلتلها : ابدا .شوية مشاكل وهموم .
قالت لي : انا هعملك قهوة من ايديا هتعدلك مزاجك وهتلاقي نفسك نسيت كل همومك .
راحت نانسي تعملي القهوة وانا قاعد في مكتبي ومعايا الشيطان .
نانسي جابت القهوة وجت .بصراحة يخرب بيت جمالها .بقيت عمال اقول لنفسي هتفضل تقاوم لحد امتي ياواد يا طاهر .
قعدت وشربت القهوة وكان التكييف عطلان والدنيا حر جدا .
اتفاجأت بنانسي بتطلب مني طلب غريب جدا .
لقيتها بتقولي : انا مش قادرة اتحمل الحر ده .ممكن ادخل اخد شاور ؟
طبعا انا اتصدمت مكنتش اتوقع الطلب ده ابدا وكنت عاوز اقولها نخلص القهوة وننزل علطول وابقي استحمي في بيتكم .. ولكن وافقت مباشرة وقلتلها اتفضلي .
دخلت نانسي تاخد شاور في حمام مكتبي وانا قاعد في المكتب مش علي بعضي .
شوية اقوم اخرج من المكتب .شوية ادخل المكتب تاني واتمشي في المكتب .
وبقيت مقسوم نصين نص مع ضميري اللي بيقولي حرام عليك شوف بنتك واللي حصلها وازاي ترضي لبنات الناس اللي مش رضيته لبنتك .
.ونص مع الشيطان اللي دخل دماغي وعمال يوسوسلي ويديني مبررات .
نانسي اتأخرت كتير في الحمام .قولتلها من ورا الباب انا هنزل استناكي في العربية .قالتلي لا انا خلاص خارجه وننزل سوا .
الاغرب كمان انها خرجت وكأنها في بيتها ولفة الفوطة علي نص جسمها تقريبا .
بصراحة الضغوط كدا بتزيد عليا اوي .ومفيش ثواني نانسي بتلف وهووووب الفوطة وقعت ……..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية رجل في مهمة مستحيلة)
