رواية مختمرة بين يدي شيطان الفصل التاسع والعشرون 29 بقلم إيمان عكاشة
رواية مختمرة بين يدي شيطان الجزء التاسع والعشرون
رواية مختمرة بين يدي شيطان البارت التاسع والعشرون
رواية مختمرة بين يدي شيطان الحلقة التاسعة والعشرون
ريحان : ايه ده
وجدت امامها ظرف ابيض اخذته
ريحان : ده وقع من رعد
قامت بفتحه
رعد : ريحان انا اسف ان انا صدمتك فيا بس انا كنت عايزك تفهميني وتعرفِ ان انا عايز اتغير عايز اكون شخص تاني عايز ابعد عن الطريق ده انا تعبت من كل حاجة حوليا انا فعلا كنت عايز استحق ان انا اعيش معاكِ
انا عايزك تعرفِ كل حاجه عني مش علشان انتِ عرفتِ الحقيقة لاء علشان تختاري بعد ما تعرفِ الحقيقة دي ان كنتِ هتكملي معايا وتبعديني عن الطريق ده او تسبيني وساعتها مش هعترض بس عايزك تعرفِ حاجة
مهمة انا بحبك
انهت ريحان قراءت الجواب بدموع الندم هو يريد ان يتوب وهي لم تسمعه حتي
ذهبت بخطى بطيئة للغرفة وفتحتها
كانت مظلمة انارت الاضواء
ريحان :ايه ده كل دي فلوس
وايه ده كمان
رأت ظرف أخر علي الارض
ريحان :ده من رعد برضو
(انا اسف يا ريحان ان المكان ده في المزرعة بس كنت عايز اوريهولك بس كنت عايزك تحبيني الأول )
ده المكان اللي فيه كل حاجة تبع المافيا دي الفلوس اللي كسبها رعد من شغله مع المافيا يعني مكنش بيكدب انا ظلمتة وده ايه ده ههها
وجدت امامها مجموعة كبيرة من الاسلحة والآثار والمخدرات
ريحان :لاحول ولاقوةالابالله ده فعلا جحيم انا مش قادرة اقعد هنا اكتر من كده
وهمت لتخرج ولكن لفت انتباهها ورق علي المنضدة
ريحان :ايه ده
اقتربت من الطاولة
ريحان :دي اوراق ايه ده وايه ده كمان دي مذكرة اكيد لرعد
نهاية الفلاش باك
السائق :وصلنا يا هانم
انتبهت ريحان ونزلت من السيارة
🍂🍂🍂🍂🍂🍂🍂🍂🍂🍂
عند نورهان
في الجامعة
محسن : نورهان..نورهان
نورهان :نعم
محسن :كنت عايز اسألك سؤال
نورهان :لو في المنهج اتفضل غير كده معطلكش
محسن :لاء في المنهج طبعا كنت عايز افهم الجزئية دي
نورهان : ده سهل جدا بص
محسن :طب ممكن نقف في الضل
نورهان :لاء انا هشرحها بسرعة بص بيقولك ان….
محسن :طب ممكن رقم تليفونك علشان لو حاجه وقفت معايا
نورهان :
همت لترد عليه ولكن سبقها نبيل
نبيل :لو احتاجت حاجة اطلبها مني وده الكارت بتاعي متزعجش زملتك مفهوم
محسن :مفهوم
نبيل :طب يلا امشي
محسن :حاضر يا دكتور مع السلامة
نبيل :اول وآخر مرة اشوفك واقفة مع راجل
نورهان :ده كان بيسألني علي حاجة في المنهج
نبيل :كان ممكن يسألني او يسأل اي معيد لاكن ده بيتلكك وده واحد مش محترم اصلا
نورهان :وانا اعرف منين ان كان محترم ولا لاء
نبيل : علشان كده بقولك متقفيش مع حد لو اي شخص محتاج مساعدة يسألني او يسأل اي معيد
نورهان :تمام انا همشي
وتركته وذهبت
نبيل :تعالي هنا نورهان
نورهان :نعم
نبيل :متنسيش تذاكرِ حلو علشان الدرس ولا عايزة يكون زي المرة اللي فاتت
نورهان ذهبت وهي خجله وهنا تذكرت جلوسها مع نبيل قبل موافقتها
فلاش باك
نورهان :نبيل انا كنت عايزة اتكلم معاك في موضوع قبل ما اقول ردي
نبيل :اتفضلِ
نورهان :بص انا حلمي ان انا اكون معيدة في الكلية وانا الحمد لله كل سنة بطلع الاولة ودي آخر سنة ليا ومش عايزة حاجة تعطلني عن المذاكرة وانا كنت شايفة ان الخطوبة والجواز هيعطلوني عن حلمي فعلشان كده كنت رافضة فكرة الجواز انا مش رافضاك انا معرفكش علشان احكم ان كنت هكمل حياتي معاك ولا لاء بس انا رافضة الفكرة
نبيل :كويس انك كلمتيني بصراحة بصي يا نورهان انا عمري مهقف قصاد حلمك ابدا بالعكس انا هكون معاكِ لو احتاجتي اي حاجة هساعدك في مذاكرتك وانا اللي بقولك مش هتجوزك الا لما تكونِ معيدة وده وعد مني
نورهان :بجد شكرا لتفهمك وانا موافقة علي الخطوبه
نبيل : ايه الجراءة دي طب قوليها حتي بكسوف ايه مفيش كسوف خالص مات الحياء حقا
خجلت نورهان جدا من كلامه
نهاية الفلاش باك
🍂🍂🍂🍂🍂🍂🍂🍂🍂🍂
عند قصر الباسل
علياء جالسة في غرفتها منذ ذلك الحادث لا تخرج ابدا
كريمة :علياء يا بنتي افتحي وجعتي قلبي
علياء :لوسمحتي يا ماما انا عايزة اقعد مع نفسي شوية
بسنت :يا علياء افتحي الباب عايزين نطمن عليكِ
علياء :انا كويسة سبوني لوحدي لو سمحتوا
بسملة :يا علياء احنا كلنا بره افتحي الباب
علياء بصراخ:يا جماعة سبوني لوحدي انا مش عايزة اقعد مع حد
بسنت :خلاص يا جماعة سبوها شوية تهدى وبعدين ندخلها
بعد عدة دقائق
في الاسفل
بلال :السلام عليكم
مالك :وعليكم السلام
بلال: لسه مخرجتش من الاوضة
مالك :للأسف لاء
بلال :طب انا عايز اطلعلها
مالك :تمام تعالى ورايا
ذهب مالك وخلفه بلال
مالك :علياء افتحي بلال عابز يشوفك
علياء :مش عايزة اشوفو خليه يمشي
نظر مالك لبلال
بلال :خلاص هاجي انا في وقت تاني
مالك :تمام تعالى اوصلك للباب
وهم علي السلم
بلال :بقولك هو شباك اوضتها منين
مالك :عند الجنينة من وراى
بلال :طب وديني هناك
مالك :تعالى
في الغرفة عند علياء
علياء بدموع:هفضل كده لغاية امتي انا تعبت والله عايشة مع ناس وطلعوا مش اهلي واتجوزت وعذبني وكرهني في الدنيا انا خلاص طاقتي بتنفذ يا رب ارحمني بقى انا والله تعبت انا نفسي في شخص يكون آماني لما احس بوجع اروح لحضنه لما اتعب يطبطب عليا يحسسني بالأمان ويكون حنين عليا مش يضربني
جاء صوت من خلفها
بلال :ممكن تديني فرصة اكون الشخص ده
قامت علياء سريعا ومسحت دموعها
علياء :انت بتعمل ايه هنا اطلع بره
بلال :مش هطلع من هنا الا لما تطلعِ معايا
علياء :نعم اطلع معاك
بلال :ايوه وتروحِ معايا البيت
علياء :انت احلامك عليا اوي
بلال :بس بحب احققها
علياء :…
🍂🍂🍂🍂🍂🍂🍂🍂🍂🍂
عند الكبير
الكبير :سيف العملية الجديدة هتتعمل من غير رعد
سيف :امرك يا كبير
الكبير :خلي بالك البوليس هيكون موجود ومراقب لازم تخلي بالك
سيف :احنا هنخدعهم بطريقة مش هتخطر علي بالهم
الكبير :تمام
سيف : يا كبير دي اخر عملية ليا
الكبير :هتخلص العقد
سيف :اه انا كده عملت اللي عليا وتميت العمليات
الكبير : اه بس لسه ناقص عملية
سيف :ايوه دي وخلاص
الكبير :لاء عملية كمان
سيف :ازاي
الكبير :دي حاجة منك لينا علشان ننساك
سيف :اي هي العملية
الكبير :
🍂🍂🍂🍂🍂🍂🍂🍂🍂🍂
عند ريحان
ريحان بتتكلم انجليزي:لو سمحتِ كنت بدور علي الناس اللي جات في حاثة امبارح
الموظفة بتتكلم انجليزي :ايوه يا فندم
ريحان بخوف:في ممرضة كلمتني امبارح وقالتلي علي راجل جه من حادثة امبارح
الموظفة : ايوه ده في المشرحة حضرتك اتفضلي علشان تعرفِ ان كانت جثته ولا لاء
ريحان بخوف : ان شاء الله
الموظفة : خدي الهانم للمشرحة
الممرضة : حاضر اتفضلِ يا هانم
ريحان : حاضر
وذهب كل من ريحان والممرضة الي المشرحةوذهبت خلف الممرضة الي جثة شاب في جسم وطول رعد
ريحان : يارب لاء يا رب لاء يارب
وقامت برفع الغطاء من وجهه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مختمرة بين يدي شيطان)
