رواية شمسي وقمري الفصل الثالث 3 بقلم زهرة الربيع
رواية شمسي وقمري الجزء الثالث
رواية شمسي وقمري البارت الثالث
رواية شمسي وقمري الحلقة الثالثة
رزعتو قلم جامد وقالت.. اخس على الي كتبك راجل في البطاقه شمس قالت كده وبقت تبصلو بغل
الكل بقى يبص بصدمه ومنيره ضربت على خدها بخوف وجريت عليهم.. اما راغب بصلها بصدمه وغل رهيب وفجأه مسكها من رقبتها بقوه وبقى يخنقها وهو بيقول…عملتي ايه يا حيوانه يا بنت الكاااااااالب
عمر بقى يحاول يبعدو عنها بس مكانش قادر عليه وشمس وشها بقى احمر وروحها هتطلع ومنيره كانت بتحاول تبعدو عنها وبتتحايل عليه بس من غير فايده لحد ما قالت…والله لو ما سبتها لاانت ابني ولا اعرفك
راغب سابها بعنف وهو بينهج والغضب مسيطر عليه وشمس وقعت على الارض واغمى عليها من التعب
عمر نزل لمستواها وبقى يحاول يفوقها بس راغب بصلو بغضب وقال سبها ابعد عنها وشالها وطلع بيها على الاوضه ومنيره قالت بعصبيه…طلعها وتعالى عيزاك
راغب حطها في السرير وبصلها بغضب وطلع دخل عند امه وقال نعم يا امي
منيره وقفت بغضب وقالت…الي سمعتو بره صحيح….دي العروسه الي روحت تحضر فرحها
راغب اتنهد وقال…ايوه هيه
منيره قالت بعصبيه…ازاي تعمل كده ازاي انت روحت تبارك لهم ولا تخطف مراتو
راغب اتنهد وقال…اهدي ياما اقعدي لتتعبي علشان خاطري اقعدي وانا هفهمك كل حاجه
منيره قالت بعصبيه… مش قاعده ويارب اموت علشان مش قادره اشوفك بتتحول لشخص معندوش ضمير ولا اخلاق..ايه الي حصلك انت عمرك ما كنت كده يعني ايه الي قلتو لعمر يعني ايه دفعت حقها هيه عروسه لعبه علشان تعجبك تشتريها هيه ذمبها ايه وخطيبها ذمبو ايه
راغب قال بهدوء…يماما خطيبها لو كان بيحبها مكانش قبل اول ما عرضت عليه الفلوس وافق على طول لو كان فعلا حبها مكانش وافق
منيره قالت بغضب…مش شرط مش شرط ابدا يا راغب…فيه ناس بتغريها الفلوس لانها محتجالها في ناس بتحسب بالعقل قبل القلب وحتى لو كلامك صح هيه بتحبو انا شوفت كسره اانفس والحسره في عيونها هيه ذمبها ايه انو طلع واطي زي ما انت بتقول حرام يا ابني حرام
راغب اتنهد وقال…شوفي انت عمرك ما هتفهمي ولا هيه كمان انتو هتشوفو ان الي عملتو غلط في حقها بس لما هيه تفكر وتحسبها هتلاقي اني انقذتها ..من انها تفضل مخدوعه وفاكره ان الشخص ده بيحبها ويبيع الدنيا علشانها وهتفضل معايا فتره وهدفعلها هيه كمان وتعيش حياتها لان الفلوس بس الي هتنفعها وهتقدر تشتريلها قلوب كتير مزيفه زي مصطفى وغيره عن اذنك
راغب كان هيطلع بس منيره قالت…اااه فهمت انت لسه على جنانك القديم … لو لسه بتحب ايناس لدرجاي اهيه قدامك تتمنالك الرضا ترضى وبلاش تعذب نفسك وتعذب غيرك
راغب بصلها وقال بدموع وعصبيه…انا مش بحبها انا خلاص مبقتش احبها ولا هحب اي واحده تانيه انا مش محتاج لاي ست في حياتي انا بقدر اعمل الي انا عايزه ومش ناقصني حاجه
راغب مشي ومنيره قعدت مكانها بحزن شديد
وقالت…ربنا يهديك يا ابني ربنا يحميك من نفسك
راغب طلع بعصبيه على اوضتو ورزع الباب جامد وطلع للبلكون يشرب سيجاره وبقى يدور في افكارو لحظات كانت بنسبالو مفيش اجمل منها
فلاش باك
راغب..عارفه يا ايناس انا بحس بايه كل ما اشوفك
ايناس…بايه يا قلبي
راغب قال بحب واضح في عيونه …بحس انك عوض ربنا ليا عوضني بيكي عن اي تعب عشتو واي حاجه وحشه حصلتلي بنساها بنظره واحده من عيونك انتي عندي اغلى من القصر والفلوس واغلى من نفسي كمان
ايناس ضحكت وقاات…انا كمان بموت فيك يا راغب وانت بانسبالي اغلى من كنوز الدنيا واغلى من عمري كلو
راغب فاق من شروده على صوت اهات مرهقه من شمس اتنهد بالم شديد واتحولت ملامحو لغضب مرعب ودخل الاوضه وقال…صحيتي يا ست الحسن..
شمس بصت حواليها وقالت بتعب…انت جبتني هنا تاني انا قولتلك عايزه مشي من هنا
راغب نفخ بغضب وقال….بقولك ايه يا بت انتي ..حكايه امشي من هنا دي تنسيها خالص..انا دافع فيكي مليون مش عشره جنيه يعني مش هتمشي من هنا الا لما انا احب انك تمشي فاهمه ولازم تعرفي اني لولا اني دافع فيكي كتير مكنتش خليتك عايشه لحظه واحده بعد الي عملتيه تحت ..انا امي ممدتش ايدها عليا يا جربو*عه انتي
شمس وقفت قدامو وقالت…واضح من غير ما تقول ..انك عمرك ما انضربت لا من ام ولا من اب ولا شوفت يوم واحد ربايه ولو امك كانت ادتك القلم ده من زمان وربتك كويس مكنتش انو ادتهولك
راغب بصلها بغضب وقال..اسمعي يا بت انتي انا اقسم بالله جبت اخري منك وعلشان متعودتش ادخل صفقه واخسر فيها هقولك على اتفاق يرضيكي ويرضيني..شوفي انتي طبعا عارفه انا عايز منك ايه انا اديت خطيبك مليون جنيه وجاهز اديلك الضعف ومشي ايده عليها بوقاحه وقال..انا ايدي فرطه واعجبك
شمس بصت على ايده الي بيحركها عليها ابتسمت بطريقه غريبه وهوب رزعتو قلم اقوي من الاولاني وقالت..انا كمان ايدي فرطه واعجبك اديني اديتك الضعف وجاهزه اديلك تلت اضعاف كمان
وهنا راغب بقى زي كتله الجمر ومسكها من شعرها وقال..يابت الكل*ب يا جز*مه بتضر*بيني انا هطلع روحك يا ز*باله يا وا*طيه
شمس زقت ايده وقالت…انت لسه شوفت حاجه…وفجأه بقت تصرخ بصوت عالي وتقول.الحقوني ياناس انجدوني يا خلق حرام عليك يا باشا يا باشا حرام عليك يا لاهههههوي
بقلمي…زهرة الربيع
راغب بصلها باستغراب شديد لسه معملش حاجه ولا ضربها ضربه واحده حتى قال…بطلي ازعيق حوالينا ناس ..متستهبليش انتي مش في شارعكم الز*باله
بس شمس بصتلو وابتسمت وقالت بصريخ…ياخرااااااااااابي هيموتني يا باشا حرام يا لاااااااهوي
وهناجات منيره وايناس والخدم اتلمو حوالين الاوضه
منيره اول ما دخلت قالت بخضه ….فيه ايه يا ولاد مالكم مالك ياحببتي
شمس جريت عليها وبقت تبكي وتقول..الحقيني يا هانم هيموتني ضر*بني وبهدلني وكان عايز..عايز يغت*صبني
منيره حضنتها وبصت لراغب بغضب وقالت ايه..انت صحيح عملت كده يا راغب يا خسارة تربيتي فيك
راغب بص لشمس بغيظ شديد ودهشه اشد من دموعها وطريقتها وقال..والله يا ماما ما جت جمبها دي هيه الي ..بس سكت لانو مقدرش يقول انها ضربتو تاني
منيره قالت…هيه ايه كمل سكت ليه ..بقى اسمع يا ابن منيره انا سكتالك على الي عملتو مع الغلبانه دي على امل ان ربنا يهديك لاكن توصل انك تحاول تقربلها بالعافيه مش هسمحلك فاهم
راغب اتنهد بضيق وقال….معلش يا ماما انا غلطت ودلوقتي هصالحها حضرتك روحي ارتاحي وانا اوعدك اني هصلح الي عملتو اتفضلي انتي ارتاحي لتتعبي
ايناس قالت بغيظ ..هو انتو مخليين حد يرتاح دي الجيران جات تسأل فيه ايه فهم مراتك انها في ارقى منطقه سكنيه محدش هنا بيستحمل الصداع ده على الصبح
راغب اتنرفز ولسه هيرد شمس قالت …انا عارفه انا فين كويس بس انتي الي الظاهر مش عارفه انتي فين ..انتي هنا في اوضه ابن عمك يعني شخص اجنبي عنك منتيش في حمامك علشان تقفي كده بهدومك الدا*خليه قدامو وقدام الخدم كمان
ايناس شهقت وقالت بغضب..هدوم ايه…هقول ايه لواحد بيئه زيك جابك من الحواري ومشيت وهيه هتموت من الغيظ
منيره ضحكت وراغب كمان مقدرش يمنع ضحكتو وقال…روحي انتي يا ماما انا مش هزعلها تاني اوعدك
منيره قالت…طيب… ااهو حلف مش هيزعلك تاني انا همشي ولو ضايقك تاني ناديلي بس تمام
شمس ابتسمت وقالت..تمام شكرا لحضرتك
منيره طلعت وراغب بص لشمس بغيظ وقال..خلصتي المسرحيه الجميله بتاعتك نتكلم جد شويه بقى شوفي انا عايزك تعرفي مبدأيا كده ان ولا امي ولا اي مخلوق يقدرو يحشوني عنك واقدر اخدك مكان تصرخي فيه براحتك لحد ما صوتك الحلو ده متقدريش تسمعيه وميبقاش اسمي راغب الصفتي لو حد سمعك تمام..بس انا مش هعمل كده ليه بقى لاني عايزك بمزاجك انا عمري ما غصبت واحده ولا هعمل كده معاكي وهسيبك براحتك خااالص لحد ما انتي بنفسك تعرفي ان عرضي هو الانسب ليكي وتقبلي بيه
شمس ابتسمت بسخريه وقالت…ده ممكن يحصل بس في احلامك
راغب ابتسم وقال…لا وهيحصل في الحقيقه كمان واتحولت ملامحو لغضب مرعب وقال..انا هسيبك لمزاجك بس اقسم بالله لو ما احترمتي نفسك ولميتي ايدك الي عايزه قطعها دي لاوريكي الي عمرك ما شوفتيه ماشي ومتنسيش انتي عندك ام غلبانه وعايشه لوحدها ولازم تخافي عليها
هنا شمس بلعت ريقها بخوف وقالت بتوتر…هتعمل ايه يعني..انت بتهددني
راغب قال…لو كنت عايز اهددك كنت اخدت الي انا عايزه بالتهديد وخلصت منك ومن لسانك بس انا مش هعمل كده هسيبك لما تجيلي بمزاجك وتقوليلي معاك حق وتقبضي زي غيرك بس في الفتره دي لو عايزه امك تفضل كويسه تلمي نفسك ومتطوليش لسانك ولا ايدك ماشي يا حلوه
شمس قعدت على السرير بضيق وقالت…انت بتضيع وقتك عمري ما هوافق انك تشتريني انا الفلوس مبتهمنيش ابدا وانت الي هتزهق وهتمشيني بنفسك وبكره تشوف
راغب ابتسم وقال…مفيش حد الفلوس مبتهمهوش بس انا عجبني اصرارك وبكره نشوف ودلوقتي مش عايز اسمع صوتك معايا شغل لازم اكملو
راغب قعد وبقى يشتغل على الاب وشمس قعدت على السرير بضيق شديد وبقت تفكر كتير وبعدين قالت…بقولك ايه ممكن اسألك سؤال
راغب قال من غير ما يبصلها. انجزي واسألي
شمس قالت..هو..هو انت بجد دفعت لمصطفى..ولا ممكن تكون هددتو زي ما هددتني بامي كده..ارجوك قولي الحقيقه
راغب قفل اللاب واتنهد وراح قعد جمبها على السرير وقال بحزن…شوفي ..انا عارف ان الحاجه الوحيده الي هتريحك دلوقتي انك تعرفي انوكان مجبور يعمل كده واني هددتو بس انا مش هقدر اقولك غير الحقيقه..والحقيقه انو قبض يا شمس عرضت عليه مليون جنيه وافق على طول حتى مقالش انو قليل
شمس كانت بتتقطع حرفيا ومش قادره تصدق وبتجاهد علشان متبكيش
راغب خد بالو وقال…انا عارف ان كلامي ده بيدمرك من جوه بس بكره هتفهمي الدنيا وهتعرفي ان ده احسن ليكي وان كان المفروض تعرفي انو بايع من زمان ده احسن ليكي صدقيني ده اصلا ميستهلش دمعه منك كل الي همو سمعتو كنت هاخدك من غير ما اكتب عليكي وهو الي اصر اني اتجوزك علشان انتي بنت عمو وشرفو ده كل الي حصل
هنا شمس نزلت دموعها بوجع شديد بس مسحتهم بسرعه وقامت اخدت هدوم ودخلت الحمام تاخد دش تحت انظار راغب الي كان الحزن في عيونه واول ما دخلت الحمام قال…ياريت كل الي بنتمناه بيحصل بس محدش بياخد قد ما بيدي ابدا واتنهد وقعد يكمل شغل
بعد شويه شمس خرجت وبقت تنشف شعرها وتمشطو وراغب كان بيتابعها وبيبصلها باعجاب واضح شمس خدت بالها وقالت…هو احنا هنفضل محشورين في اوضه واحده كتير ما تشوفلك اوضه تانيه تقعد فيها
راغب بصلها بزهول وقال..محشورين..دي الاوضه دي اكبر من شقتكم يا كحيانه انتي بقولك ايه متتكلميش كلامك بينرفزني
شمس نفخت وقالت..طب انا جوعت ..انا مفطرتش
راغب قال…هنا الاكل له مواعيد يعني كلها نص ساعه ويجهز الغد من هنا ورايح لازم تتعودي على ضبط مواعيدك
شمس اتنهدت وقالت..ربنا يصبرني وقعدت تلعب في التليفون بتاعها
راغب ابتسم وفضل يكمل شغلو لحد معاد الغدا ونزل هو وشمس وقعدو على طاوله الغدا هما وايناس ومنيره
منيره قالت..بقيتي احسن دلوقتي مش كده
شمس قالت الحمد لله يا طنط شكرا
ايناس كانت بتبصلهم بغيظ شديد وراغب كان بياكل من غير اهتمام
شمس بصت للاكل ولقتهم بياكلو بالشوكه والسكينه قالت..هو مفيش عيش هنا ولا ايه
راغب بصلها وقال..ايه مش بتعرفي تاكلي بالشوكه ولا ايه
شمس قالت..لا بس انا
بس ايناس قاطعتها وقالت..عيش عايزه عيش ..هههه لا اسمحلي اقولك زوقك المرادي بلدي قوي يا راغب
راغب بصلها بضيق ولسه هيرد شمس قالت…البلدي يوكل يا قلبي وحطت ايدها على ايد راغب ..وابتسمت بدلال وقالت..مش كده ولا ايه
بقلمي…زهرة الربيع
راغب حس باحساس يجنن لما لمست ايده لدرجة انو استغرب قوي ونظراتها الجريئه كانت اروع قال بابتسامه..كده ونص
شمس ضحكت قاصده تغيظها وميلت عليه وقالت بهمس..البت دي صفرا قوي
راغب بص لايناس ورجع بصلها وقال بهمس..صفرا يعني ايه سمرا قصدك ..مش قوي يعني
شمس قالت بهمس..سمرا ايه بس… صفرا صفر قصدي بتغير
راغب ضحك وقال..اه ..وهتغير من مين بقى منك مثلا
شمس ابتسمت بغرور وقالت..طبعا مني الفرق شاسع اصلا يا بابا
راغب ضحك وبصلها من فوق لتحت باعجاب شديد وقال…في دي معاكي حق
شمس اتكسفت وبعدت نظرها عنو وقالت..طب انت فيه حاجه بينك وبينها
راغب قال..وانتي مالك ما اتاكلي وانتي ساكته
منيره قالت..ايه يا ولاد بتتوشوشو في ايه كل ده
راغب لسه هيرد جيه شاب وبقى يزعق ويقول..قولو عايز اقابلو حالا
راغب بان الغضب على ملامحو اول ما سمع صوتو وزعق للخدم وقال…سيبوه يدخل وقام واتوجه ناحيه الباب بغضب
ايناس قالت بقلق..ايه ده ده صوت ماجد
شمس مكانتش فاهمه ابدا ومنيره قالت بقلق عايز ايه ده استر يا رب
دخل شاب وسيم بملابس راقيه وطله جذابه ده ماجد الراوي عمره ٢٨ هنعرف قصتو مع الاحداث
ماجد دخل بغضب شديد وقال..انت هتبطل حركاتك دي امتى بتدخل في شغلي ليه.. مش هتشيلني من دماغك بقى
راغب ابتسم باستفزاز وقال…انا بمشي شغلي مالي ومالك وبعدين انت مين علشان احطك في دماغي
ماجد قال بغضب..انت عارف كويس انا مين زي ما انا عارف انت بتعمل كل ده ليه انت مش قادر تنسى ان ابوك سابك انت وامك علشام حب امي واتجوزها كمان مش قادر تنسى اني اخدت منك خطبتك الي بتموت فيها
راغب كان هينفجر من الغضب بس حاول يبين العكس وقال باستفزاز….امممم شوف يا ماجد انا هعتبر نفسي مسمعتش الهبل الي انت بتقولو ده لاني مقدر الي انت فيه ..انت هنا يا حبيبي علشان عارف ان انا لو مشلتش ايدي من المناقصه عمرها ماهترسي عليك .بس لو طلبت مني باحترام انسحب هنسحب علشان خاطرك
ماجد اتنهد بغضب وقال بضيق شديد…طيب..لو سمحت يا باش مهندس المناقصه دي انا دفعت فيها دم قلبي علشان ترسي عليا فلو سمحت سبها حلوه الصيغه دي
راغب بص لايناس بانتصار وهيه نزلت راسها في الارض وهتموت من الغيظ
راغب ابتسم وقال ببرود…حلوه…بس مش هسبها
هنا ماجد شاط من الغضب وقال..انت عايز ايه بالظبط عايز ايه ومسك في راغب ومنيره طلعت جري وشمس وراها
ماجد قال بغضب وهو ماسكو وديني لو ما بطلت تدخل في شغلي و …
بس قطع كلامو ووقف بانبهار لما شاف شمس واقفه جمب منيره بخوف فضل باصص عليها وساب راغب وصفر جامد وقال…ايه الصاروخ ده هو فيه جمال كده
راغب التفت وشافو بيبص على شمس قال بعصبيه..لم نفسك وغور من هنا بدال ما اناديهم يرموك رميه الكلاب
ماجد قال بتوهان وهو لسه مركذ في شمس..استنى بس قولي..جبت الحته دي منين اوووف لعبت معاك المرادي خد بالك منها بقى
راغب لسه هيرد ايناس قالت بخبث..لا لا يا ماجد عيب دي مش زي الي بيجبهم كل مره دي مراتو
ماجد رفع حاجبو وقال..مراتو انت من امتي بتتجوز ..بس وقعت واقف
راغب بقى كتله من الغضب مسكو من قميصو بعنف وقال وهو بيزقو..غور من هنا ..اطلع بره احسن ما اطلع بروحك
ماجد بص لراغب قال بوقاحه..استنى بس مراتك تجنن متدهالي وحلال عليك المناقصه ووووو……
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية شمسي وقمري)
