رواية لم تجعلني الدنيا أفرح الفصل الثالث 3 بقلم أسو أحمد
رواية لم تجعلني الدنيا أفرح الجزء الثالث
رواية لم تجعلني الدنيا أفرح البارت الثالث
رواية لم تجعلني الدنيا أفرح الحلقة الثالثة
خرجت من عند دكتور امير وانا لسه جملته بتتردد فى ودنى هو ممكن للدرجه دى الدنيا تكون ظالمه معايا كل ما اقول خلاص الدنيا هتضحكلى تيجى الدنيا تقولى مش هخليكى تتهنى هو انا مكتوب عليا فرحتى ماتكملش ابدا ياربي ، اوووف انا خلاص زهقت .. ” وفضلت اعيط ”
• ثقي فى ربنا الأول يا إقبال وانتى هترتاحى
= ربنا هو الوحيد إللى واثقه فيه يابحر
• لو واثقه فيه ماكونتيش قولتى كده ، يا إقبال ربنا عمره ماهيجيب حاجه وحشه ابدا لعبد من عباده
= عارفه بس انا نفسي فرحتى تكمل ولو مره وحده
• “( يا اِبنَ آدمَ خَلَقتُكَ لِلعِبَادةَ فَلا تَلعَب , وَقسَمتُ لَكَ رِزقُكَ فَلا تَتعَب , يا ابنَ آدمَ فَإِن رَضِيتَ بِمَا قَسَمتُهُ لَكَ أَرَحتَ قَلبَكَ وَبَدنَكَ ، وكُنتَ عِندِي مَحمُوداً , وإِن لَم تَرضَ بِمَا قَسَمتُهُ لَكَ فَوَعِزَّتِي وَجَلالِي لأُسَلِّطَنَّ عَلَيكَ الدُنيَا تَركُضُ فِيهَا رَكضَ الوُحوش فِي البَريَّةَ ، ثُمَّ لاَ يَكُونُ لَكَ فِيهَا إِلا مَا قَسَمتُهُ لَكَ ، وَكُنتَ عِندِي مَذمُومَا ) .
= يا رب انا راضيه ، وصبرت وهصبر ولو ده اختبار ليا ان شاء الله هنجح بتفوق فيه ، لان ربنا عمره ماجاب حاجه وحشه يابحر ، يمكن المرض ده هيريحنى من كل حاجه المهم انى عرفت احساس الفرح النهارده ، وزى ما ربنا حققلي امنيتى انا متاكده انه هيساعدنى المره دى كمان بس…
• بس ايه يا إقبال!؟؟
= بس.. بس المره دى مش هتمنى حاجه من ربنا عارف ليه
• ليه يا ست إقبال ؟ ..
= علشان ربنا عمره ما بيجيب حاجه وحشه لحد مهما كان الحد ده وحش حتى لانهُ الله يا بحر
• ونعم بالله ، ايوه كده يا إقبال ارجعى زى الأول يلا
= سوبر إقبال لو سمحت ههههههههه
• سوبر مره وحده ، ده انتى متواضعه خالص ههههههه
فضلت اتكلم مع البحر كتير هو انا مش عارفه بيرد عليا ازاى وده محيرنى بس كلامه بيريحنى جدا
متابعه واعجاب للصفحه لمتابعة القصه كامله
بعد مرور شهر
مر شهر وانا كل يوم اهلى يفرحونى و الهدوء فى البيت حاجه ياسلام عليها ، نعمه والله نعمه من ربنا ، يمكن المرض ده كان سبيل لوصول السعاده لقلبي وده إللى كنت بتمناه طول عمري ، مش عايزه اعرف ليه اهلى اتغيرو مره وحده وبقو بالشكل المبهج ده كل إللى عايزاه يفضلو كده ديما
= هااا يا اجمل ماما عمللنا ايه غداء ، احسن جايه من الشغل مي*ته من الجوع والله
* على ما تغيري هدومك ياكوكو هتلقيه جهز
دخلت غيرت هدومى لبجامه بنص بس بعد ما لبستها لقيت الكدمات ظاهر واهلى ممكن يشوفوها قومت غيرتها ولبست اسدال الصلاه وخرجتلهم بره
= ريحت المكرونه ضاربه لآخر الشارع والله ،ايه ده اش اش اش هو النهارده العيد ولا ايه ايه كل ده
& شكلك لسه ماتعرفيش يا عينى ههههه
= ليه فى ايه يا سوسه هااا ؟؟!
& اصل خالتك وابنها إللى لسه جاي من بلاد بره جايين عندنا النهارده وشويه وتلقيهم طبو علينا قوام
* يابنات حد فيكم يفتح الباب
& اهم جه على السيره هههههه
= طب روحى يختى افتحى الباب بدل ما اقول لماما انك سيبها كل ده على الباب وواقفه ترطى معايا
& طب ما تروحى انتى
= ايه ده انا لسه بشعري اما اقوم اجيب الطرحه واحطها
” قومت ودخلت المطبخ عند ماما اشوف ايه سر الزيارده السعيده دى ”
= ايه يابطوطه ماقولتليش يعنى انى جييلنا ضيوف هااا
* وهى خالتك وابنها ضيوف برضه ، وبعدين ايه إللى لابساه ده روحى البسيلك حاجه غيره بدل ما انتى لازقه فيه بقالك شهر ومش عارفين نطلعك منه
= هااأ اصل… اصل… يعنى..
* صبرنا يارب ، اوعى كده من سكتى
” ماما خبطت فيا وهى طالعه وصرخت من الألم ”
= اااااه ، مش براحه يا ماما اااه يا دراعى
* هو انا جيت جنبك يابت ده يادوب كتفى لمسك بس ، إقبال اوعى تكونى تعبانه ولا حاجه يابنتى ؟
= هااا.. تعب… تعب ايه بس يا ماما انا بس اتخبط فى دراعى النهارده فى المكتب علشان كده وجعنى لما لمستيه ، هروح اغير هدومى وجايه عايزه حاجه ، لا ،طب باى
” جريت على اوضتى بسرعه وقفلت الباب كويس وفضلت اعيط من كتر الوجع وبعد شويه قومت وغسلت وشى وانا بحمد ربنا على كل حاجه وخدت المسكنات علشان محدش يحس بيا وغيرت هدومى لعبايه بكم وطرحه بنفس الون وخرجت ”
= خدت نفس وقالت ساعدنى يارب ، السلام عليكم
وروحت سلمت على خالتى
$ ازيك يا كوكا يا حبيبتى عامله ايه ياروحى
= الحمد لله ياخالتو ، انتى اخبارك ايه والبنات عاملين ايه ، كنتى جبتيهم معاكى وحشوني خالص والله ” وبقول فى سري ” كويس ان العقارب ماجوش معاكى ، ربنا حاسس بيا والله ”
* سلمى يا إقبال على ابن خالتك
= هو فين ؟ اااه سورى ما شوفتكش والله ، اخبارك ايه ؟
– تمام وانتى
= تمام .. ” قعدت وانا عماله اسال نفسي شوفته فين وكمان الصوت ده مش غريب عليا وكل ما ابص عليه القيه بيبصلى ويضحك مش عارفه على ايه ”
قام وقعد جنبي
– مالك ؟
= مافيش
– بجد !! آمال ليه حاسس انك عايزه تسالينى على حاجه ليه ؟؟
= لا انت متهيقلك بس
– متاكده 😏
= سكت شويه بس الفضول هيق**تلني اووووف خلاص ، ايوه عايزه اسالك هو انا شوفتك قبل كده أو كلمتنى صوتك وشكلك مش غراب عليا حاسه انى اعرفك مش عارفه ليه ؟
– اممممم لا دى عايزك تركزى كويس فيها وانتى تعرفي الاجابه يا زوزا
= زوزا ؟؟!! … انت عرفت الاسم ده ازاى 😳
– زى السكر فى الشاى يا غبيه 😂
= فتحت فمها من الصدمه وقالت هو انت بحر !؟؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية لم تجعلني الدنيا أفرح)
