رواية رجل في مهمة مستحيلة الفصل الثاني 2 بقلم عادل عبدالله
رواية رجل في مهمة مستحيلة الجزء الثاني
رواية رجل في مهمة مستحيلة البارت الثاني
رواية رجل في مهمة مستحيلة الحلقة الثانية
ولسه هدخل من الباب .قالي : رايح فين يا بيه ؟
: داخل بيتي .
: بيتك فين يا بيه ؟
: بيتي اللي انت شغال فيه ده .
: يا بيه الفيلا دي بتاعت البشمهندس محمود ومراته واولاده تبقي فيلتك ازاي بقه ؟
: محمود مين ومراته وعياله مين ؟!!!!!!
: اصحاب الفيلا يا بيه .وبعد اذنك بقه امشي بالذوق .
: انت اتجننت ..ده بيتي انا .انت ازاي عاوز تمنعني ادخل بيتي .
ومع علو الاصوات يخرج المهندس محمود ويقول للبواب : في ايه يا حمدان ؟
البواب : الراجل ده عاوز يدخل الفيلا و بيقول ان الفيلا دي بتاعته .
: حضرتك مين وعاوز ايه ؟
:انت اللي مين وبتعمل ايه هنا في بيتي ؟
: بيتك ! بيتك ازاي ؟ انت بتقول ايه ؟
: ايوه ده بيتي وبيت اهلي ومراتي واولادي .
: بيتك وبيت اهلك ازاي !!!!! انا اشتريت الفيلا من اصحابها طارق بيه وهشام بيه واختهم ووالدتهم .انت مين بقه ؟
نظرت اليه في دهشة وانا اسأل نفسي ازاي امي واخواتي يبيعوا الفيلا وانا مريض من غير ما يرجعوا لي ؟
طيب علي الاقل كانوا استنوا لما افوق من الغيبوبة ؟
وبعدين ازاي يبيعوا نصيبي الشرعي في الفيلا !!! ده مش قانوني !!!!!
طبعا الصدمة خلتني اهدي .وبدأت اسألهم عن مكان اسرتي ولكنهم مفيش حد منهم يعرف مكانهم ….
فكرت اذهب الي شركتنا ولكني تذكرت ان اليوم الجمعة اجازة الشركة .
اصبح الحل امامي لاصل لمكان اهلي هو الجيران والاصدقاء .
كانت عقارب الساعة تقترب من السادسة مساء .
سائق التاكسي قال لي : يا بيه شوف هتحاسبني ولا هتعمل ايه علشان باقي اقل من ساعة علي الحظر .
: حظر !!!!!! حظر ايه ؟
: حظر التجول يا بيه .هو انت كمان متعرفش الحظر !!!
: حظر تجول ليه يعني ؟
: علشان يقل خروج الناس من البيوت واختلاطهم ببعض فتقل عدوي الفيروس .
: يا نهار اسود !!!!! هو للدرجة دي موضوع الفيروس ده خطير !!!
: ايوه يا بيه .تابع الاخبار المحلية والعالمية وانت تعرف .ربنا ينجينا ويعدينا منها علي خير .
: يارب .طيب اصبر بس دقايق اشوف الجيران يمكن اوصل لحد يعرف مكان اهلي فين .
وبالفعل ذهبت للفيلا المجاورة لنا وطلبت اقابل حد من اصحابها .
والحمد لله خرج ممدوح ابنهم قابلني .
اول ما شوفته وكأن رجعت ليا روحي .
تقدمت نحوه لاحتضنه (فهو من اصدقاء الطفولة المقربين )ولكنه ابعدني بلطف مبتسما ..وقال لي : انا اسف والله يا هيرو بس انت عارف علشان الكورونا بقه .
شعرت بالخجل قليلا ولكني بدات افهم ان الفيروس ده هو السبب .
ولكني فوجئت ان شكله اتغير كتير .
: ازيك ياض يا ممدوح عامل ايه ؟
: ازيك انت يا طاهر .الف حمدلله علي سلامتك .
مبتسما : الله يسلمك يا حبيبي .شكلك اتغير كتير كده ليه ؟ وشعرك راح فين ؟
: الزمن بقه يا صاحبي .المهم انت اخبارك ايه ؟
: الحمد لله يا دوحه .هما اخواتي وامي باعوا الفيلا ؟
: ايوه .انت اكيد متعرفش طبعا .
: ايوه معرفش .طيب يا تري راحوا فين ؟ وحشوني اوي ومراتي واولادي كمان وحشوني اوي نفسي اشوفهم .
اتغيرت ملامح ممدوح شوية وبعدين قالي : انا مش هسيبك النهارده . انت هتبات معايا وبعدين تبقي تروحلهم .
: لا معلش اعزرني لازم اقابلهم النهارده .
: مش هينفع لانهم مسافرين .
: مسافرين!!!! مسافرين فين ؟
: لما نقعد مع بعض واحكيلك هتعرف.
: طيب بعد اذنك يا ممدوح حاسب التاكسي لان مش معايا فلوس دلوقتي .
بالفعل ممدوح جاري حاسب التاكسي ودخلنا مع بعص فيلته .
دخلت مع ممدوح الفيلا عنده لاحظت ان مفيش حد موجود غير الشغالين .
قعدنا اكلنا مع بعض وشربنا قهوة وبعدين طلبت من ممدوح اننا ننزل نقعد علي اي كافيه .
ممدوح قالي ان الكافيهات مقفوله علشان وباء كورونة .
ممدوح شغل التلفزيون وقعدنا نتكلم
سألته عن سبب انه لوحده في الفيلا قالي انه عايش في الفيلا مع مراته وانه مش خلف لحد دلوقتي وان مراته جالها كورونه واتحجزت في مستشفي . ومن وقتها وهو لوحده في البيت .
.وسألته عن امي واخواتي ومراتي واولادي راحوا فين وايه سبب انهم باعوا الفيلا ؟
قالي : ده موضوع كبير اوي باختصار اخوك طارق كان عاوز يهاجر كندا وصمم انه يبيع نصيبه في الفيلا والشركة وقدر يقنع هشام كمان انه يبيع نصيبه .
والدتك واختك كانوا رافضيين بيع الفيلا والشركة وكمان مراتك كانت رافضة .
وفي النهاية بعد اصرار طارق وهشام علي البيع اضطرت والدتك واختك يوافقوا .
ولكنهم اللي اعرفه انهم باعوا الفيلا انما الشركة لا .
وبعد ما باعوا الفيلا طارق اخوك هاجر كندا وهشام اخد فلوسه وراح عمل مشروع مع نفسه .
واللي بيدير الشركة اختك راندا .
: راندا هي اللي بتدير الشركة ؟ !!!!!! ازاي دي لسه صغيرة ومعندهاش خبرة .
:ماهو علشان كده سمعت ان الشركة مديونة وقربت تفلس.
: ومراتي واولادي فين ؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية رجل في مهمة مستحيلة)
