رواية رجل في مهمة مستحيلة الفصل الأول 1 بقلم عادل عبدالله
رواية رجل في مهمة مستحيلة الجزء الأول
رواية رجل في مهمة مستحيلة البارت الأول
رواية رجل في مهمة مستحيلة الحلقة الأولى
النور بدأت اشعر به يداعب عيناي .
اريد ان افتحههما ولكني اشعر بانهما ثقيلتين .
كررت محاولاتي لفتح عيني حتي بدأت اشاهد النور يتسلل الي الغرفة من النافذة .
التفت حولي لأجد مكان غريب لا اعرفه .حاولت ان اعتدل ولكن جسمي ثقيل كالجبل حتي اعتدلت .
اشعر بأن حركة كل شئ في جسمي ثقيلة حتي جلست علي السرير الابيض .
الغرفة كغرف العناية المركزة بالمشفيات واجهزة التنفس الصناعي وقياس النبضات جعلتني اشك اني في مشفي .بدأت استطلع كل شئ من حولي حتي تأكدت انها غرفة عناية مركزة .
ما الذي اتي بي الي هنا ؟!! لا اعرف .
ماذا حدث ؟ واين انا ؟ اسئلة كثيرة لا اجد لها من جواب .
حتي تذكرت الحادثة !! عندما كنت اقود سيارتي واصطدمت وبعدها لا اتذكر شئ .
بدأت ابحث في جسدي علي أثار الحادث فلم اجد شئ !! تحسست رأسي بيدي فوجدتها سليمة ليس بها اثار كسور !!
أذن لماذا انا هنا ؟!!! واين اهلي ولماذا لم اجدهم بجواري هنا ؟
بحثت بجانبي فوجدت زر الاستدعاء .ضغط علي الزر لاستدعاء طبيب او ممرضة لاستطلع الامر .
فتح الباب … ووجدت احدي الممرضات امامي .بمجرد ان شاهدتني توسعت عيناها من الدهشة حتي كادت ان تخرج من حدقاتها ولم تنطق بكلمة واحدة .
جرت الممرضة وتركت باب الغرقة مفتوح .
حاولت ان اخرج ورائها لاعرف سبب صدمتها ودهشتها العجيبة ولكني لم استطيع وكأن قدمي قد شلت ولم استطيع ان اقف عليها .
بعد برهة من الوقت وجدت مجموعة من الاطباء يدخلون الغرفة ……
: حمدلله علي السلامة يا بطل .
رددت مندهشا : الله يسلمك يا دكتور .
ثم بدأ الاطباء في الحديث ببعض المصطلحات العلمية التي حاولت ان افهم منها شيئا ولكني فشلت .
: ممكن اعرف يا دكتور انا هنا ليه وعندي ايه بالظبط ؟
:انت مش فاكر اي حاجة ؟
: لا
: ولا حتي اسمك ؟
:لا. انا عارف اسمي كويس انا اسمي طاهر عندي ٣٣ سنة ومتجوز وعندي ولد وبنت .يعني مش فاقد الذاكرة ولا حاجة .
ينظر الاطباء الي بعضهم البعض في حيرة كيف سيخبرونه بالحقيقة ؟
احد الاطباء مبتسما : يااااااه دا موضوع كبير اوي يا استاذ طاهر لكن اختصاره انت حصلتلك حادثة وكنت في غيبوبة طويلة شوية ولسه حالا بدأت تفوق منها .
.لازم تفضل تحت الملاحظة وهنعمل مجموعة من تمارين العلاج الطبيعي لغاية ما تقدر تستخدم ايديك ورجليك بشكل طبيعي وبعدين هتخرج ان شاء الله .
: غيبوبة طويلة ازاي يعني ؟
: تفتكر كده يا استاذ طاهر غيبوبة اد ايه ؟
: : اسبوع ؟!
: لأ اكتر شوية .
: اسبوعين يعني .
: لأ اكتر كتير .
: شهرين ؟
: انت في غيبوبة من سنة .
: سنة ؟!!!!!!
: مندهش ليه ؟
:مش معقول افضل في غيبوبة سنة . سنة فترة طويلة اوووي !!!
اشار الطبيب لاحدي الممرضات لاحضار مرأة .واعطاها لي وقال ( انت تعرف الراجل ده ؟)
لم استطع النظر في المرأة طويلا والقتها من يدي علي الارض .
فما شاهدته افزعني .
وجدت رجلا يكسو الشيب نصف شعره وزحفت التجاعيد علي وجهه الي حد ما .وبدأ يظهر الضعف والهزال عليه .
صرخت .. فما شاهدته افزعني ..هل يعقل ان عام من الزمن يفعل ذلك في وجهي وملامحي ام انه المرض ؟!!!!
من هذا الرجل الذي شاهدته ؟سألت الطبيب ..فقال لي اهدي وسوف اخبرك بكل شئ .
نظرت مرة اخري للمراة وادقق النظر ..يالهول ما اري .
هو ده انا !!!!!! معقول ده شكلي بقه كده !!!!!! ازاي ؟؟ وامتي ؟؟!!!!!!!وايه اللي عمل فيا كده ؟!!!!!!!!
وجدت الطبيب يتحدث الي طبيب زميل له .وسمعت زميله يقول له دعه يكتشف بنفسه تدريجيا حتي لا تكون الصدمة شديدة .
خرج الاطباء من غرفتي وانا حزين علي ما وصل اليه حالي من المرض .
ولكني استرجعت نفسي وقلت في خاطري الحمد لله انني مازلت حي ولم اموت (قضاء اخف من قضاء ) ولما استعيد صحتي اكيد هرجع زي الفل زي الاول واحسن كمان .
تناولت الريموت كنترول الخاص بالتلفاز حتي افتحه واسلي نفسي حتي اخرج من المشفي .
بدأت افتح القنوات بحثا عن القنوات الرياضية لاحظت ان في قنوات كتير جدا جديدة .وعندما تابعت بعضها لم اجد اي اخبار عن المباريات فقلت بالتاكيد اننا في فترة توقف الدوري بحث عن المباريات الاوروبية وايضا لم اجد .
بحثت في قنوات الاغاني فوجدت اغاني كتير جديدة وناس كتير جديدة بتغني اغاني غريبة بموسيقي غريبة !! حسيت اني مش فاهم حاجة .
بحثت في قنوات الافلام فوجدت افلام كتير جدا ولكن لممثلين لم اعرف الكثير منهم .ثم وجدت قناة للافلام القديمة بدأت اتابعها واشاهد ما تعرضه من افلام .فانا احب الافلام القديمة جدا.
كل ساعتين كان يأتي الي طبيب ويتابعني ويعطوني حقن في العضلات عرفت منهم انهم كانوا يعطوني هذه الحقن باستمرار اثناء الغيبوبة حتي لا تضمر العضلات علي امل انه سيأتي يوم وافوق من الغيبوبة .
وبعد مرور عدة ايام بدات احرك اقدامي الي حد ما .
خرجت بعدها من المشفي وطبعا لم يكن معي سيارة ولا اموال ولا تليفون فأشرت الي احدي السيارات الاجرة حتي توصلني الي منزلي واقوم بأعطاء السائق اجرته حين اصل بيتي .
لفت انتباهي عند خروجي من المشفي ان اغلب من اجدهم امامي مرتديين كمامات علي وجوههم .
شئ غريب فعلا !!!!! هو في ايه ؟ والناس لابسيين كمامات ليه بالشكل ده !!!!!!
حين ركبت السيارة الاجرة وجدت سائقها يرتدي كمامة ايضا فتعجبت !! وبعدما تحرك بالسيارة قال لي (البس الكمامة بعد اذنك ) .
نظرت له في تعجب واندهاش وقلت له : كمامة اية؟!!!
قالي : علشان الغرامة .
لم افهم شئ .فقلت له : غرامة اية ؟!!!
نظر لي في تعجب وقال : هو انت مش معانا ولا ايه ؟متعرفش ان لازم تلبس كمامة علشان متدفعش غرامة ؟وكمان علشان متتعديش من حد .
: اتعدي من حد ؟!!! اتعدي ازاي يعني ؟
: في ايه يا بيه ؟ انت بتتريق عليا ولا كنت نايم ولسه صاحي ؟ هو انت مش سمعت عن الكورونا ؟
: كورونا !!!!!! ايه الكورونا دي ؟
: لا بقه انت بتهزر .
: لا والله مش بهزر ولا حاجة .ايه هي الكورونة دي ؟
: طيب انا هعمل نفسي مصدقك انك متعرفش وهقولك .بس ازاي متعرفش ؟!!
: يا عم والله ما اعرف حاجة .اصل كنت في غيبوبة ولسة فايق منها .احكي بقه وفهمني ارجوك .
: يا عم في وباء اسمه كورونة منتشر في العالم كله وكل الناس اللي في العالم لازم تلبس كمامات علشان متتعديش من بعضها .
: يا ساتر يارب .وده من امتي ؟
: الوباء في العالم من كذا شهر اهو .
طول ما انا في الطريق للبيت وانا بتفرج علي الدنيا من حولي اتغيرت كتير عمارات كتير اتبنت ومحلات كتير جديدة .الشوارع نفسها شكلها اتغير .
لغاية ما وصلنا للفيلا بتاعتنا وهنا نزلت من السيارة وروحت في اتجاة الفيلا كي ادخل فوجدت رجل يظهر من شكله انه البواب .
قلتله هو فين عم رضا البواب ؟
: قالي عم رضا الله يرحمه توفي وانا شغال هنا مكانه .
: لا اله الا الله .الله يرحمه كان راجل طيب .
ولسه هدخل من الباب .قالي : رايح فين يا بيه ؟
: داخل بيتي .
: بيتك فين يا بيه ؟
: بيتي اللي انت شغال فيه ده .
: يا بيه الفيلا دي بتاعت البشمهندس محمود ومراته وعياله تبقي فيلتك ازاي بقه ؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية رجل في مهمة مستحيلة)
