رواية عشاق الصعيد الفصل الثاني بقلم آية الإبشيهي

بالصعيد بالتحديد بمحافظة سوهاج

-انا مش فاهم حضرتك مضايق من ايه

-والله مانتش خابر انت هببت اي اياك

-يا والدي…..

-بطل تچولي يا والدي دي….. چولي يا ابوي…. واتحدت كيفنا بكفياك حديت البندر الماسخ ده

-حاضر يا ابوي….. بعدين بچا انا ماعملتش حاجة مش زينة…. انا طلبت ان الفرح يكون بعد أسبوع

-سبوع!!…. ودي وقت يكفينا ان نعملوا كل حاچة…. وبعدين دا احنا كنا رايحين نتحدتوا

-هو مش انت يا ابوي اللي كنت عاوزني اتچوز…. ايه اللي مضايقك عاد دلوچت

-ايو عاوزك تتچوز بس مش بعد سبوع….. مش صلچ بيض هوا

-ماهو ابوها مچالش لع… دا كلامي عجبه چوي

-عشان انت حرجته… بعدين تعااال إهنه وچولي… ااايه اللي شقلب حالك أكده… مش كنت بتچول ماريدش اتچوز

-بصراحه يا ابوي

منصور ابتسمله وقاله: -بصراحة يا واد

أحمد قرب منه وقعد جانمبه: -البنتة زينة چوي چوي يا ابوي

منصور (بابتسامة): -بتتحدت صوح يا واد…. عچبتك

أحمد: -عچبتني بس!!… دا انا عشچتها

ضربة بخفة على أيده: -أخفل خشمك يا واكل ناسك انته….. بطل چلة حيا

أحمد: -واااه يا ابوي مش مرتي

منصور: -دلوچت بچيت مرتك…. عچايب يا ولد منصور

أحمد: -بتتمچلت على يا ابوي

منصور: -لا يا والدي ربنا يفرح چلبك ويرزقك البنتة زينة

أحمد: -آمين يا رب

**************

بمنزل ورد

في المطبخ كانت واقفة بتشرب وسرحانة خالص…. بس فاقت لما حد ضربها على كتفها

ورد: -اااي…. واه يا ليل عاوزة مني ايه عاد

ليل: -اتكلمي عدل مافيش حد هنا

ورد: -ابااي يا ليل…. رايدة مني اي

ليل: -كلميني عدل بقي يا ورد…. مافيش حد هنا

اقتربت منه وقالت بصوت منخفض: -لع فيه

ليل (بابتسامة): -مين!؟

ورد (بمكر)؛ -فهد

ليل: -يا وچعة مطربقة بطين…. رچع ميته من مصر

ورد (بضحك)؛ -دلوچت رچع ميته…. ماكان الكلام مش عدل

ليل: -اخلصي يا ورد

ورد: – بيچولي چيه عاشية…. ماعيزاش اتشوفيه

ليل (بغيظ): -لا مش عاوزة اشوفه….. بعدين تعالي هنا انتي ماقولتيش عملتي ايه مع العريس

ورد (بغيظ): -چليل الحيا صحيح معندوش خشا

ليل: -بقولك ايه انتي عارفه اني بتكلم صعيدي عشان فهد هو اللي قالي كدا…. وانا أصلا مش بفهم معظم الكلام… فاتكلمي عدل بقي

ورد: -ههههههه حاضر…. اقصد يعني أنه ماعندوش خشا…. مش تبصي كدا هفهمك…. يعني اااااا قليل الأدب

تملك منها الفضول: -ليه!؟؟ قولي

ورد: -تصوري بيقولي شيلي الخيمة اللي على وشك دي من غير ما يرفله رمش

ليل: -ما عنده حق انتي كنت طالعة بكفن أسود ههههههههه

ورد: -اسكتي يا ليل ماتعرفيش عمل ايه تاني

-قولي قولي

-يوسف شد الملحفة من عليا وشافني…. بعد كدا لقيته بيعلي صوته وبيچول لابوي ان الفرح السبوع الجاي

-بجد!؟؟

-مش كدا وبس

-حصل ايه تاني!!!

-قربت منه شوية وقولتله…….. (فلاش باااك)

-اچفل خاشمك…. فرح ايه اللي بعد سبوع…. اتجنيت اياك!!!؟

أحمد:-بصي انا هتجوزك يعني هتجوزك

-وانا ماوفچاش

مسك معصم إيدها بحركة مفاجأة: -لا موافقة….. تعرفي لون عينك حلو اوي

-بعد عني يا چدع انت واتحشم…. والا وعهد ربنا لاصوت والم عليك الدوار

-مش هسيبك الا لما تتكلمي عادي

-واااه وانا بتكلم لاوندي إياك

-انتي فاهمة قصدي….. اتكلمي زيي

-لع وهملني لحالي بچا

-انا حالك????

-يا الله….. نعم اتكلمت زيك اهوه ابعد بقي

-طب بصي في عيني الأول

كانت هتبعد عنه بس شد إيدها وقربها منه: -بصي في عيني وهسيبك والله

-لع واتحشم بچا يا ابن البندر

-هتحشم يا بنت روحي…. بس لما تبصيلي الأول

رفعت عينيها البني وبصتله ثواني…وبعدها بعدت عينها عنه

-هملني عاد

-أهملك ازاي بس دلوقت

سمعت صوت

: -ورد يا ورد

بعدت عنه بسرعة ووقفت عند الباب

-وااااه بنادم عليكي يا ورد فينك

-انا أهنه يا اخوي

-ابااااي….. انا نسيت ان الحاچ منصور چاي انهاردة

أحمد: -فهد عزت!!!!

فهد قرب منه وسلم عليه: -أحمد منصور…… وحشني يا راچل

أحمد حضنه ورد عليه وعينه على وردورد: -وانت واحشني

خرجت م الأوضة بسرعة وخدت نفسها

(باااااااك)

ورد: -دا كل اللي حصل

ليل: -يعني فهد طلع عارفه

ورد: -ايوا

-طيب انتي حاسة بإيه؟!!…. معجبة بيه مثلا مرتحاله

-انا معيزاش اتچوز

ليل (بحزن): -ليه بس يا ورد

-انتي خابرة زين!!

-ورد دي كلها أعمار بإيد ربنا…… لو مرتاحة وافقي

-واااه اوافچ واتجوز وأخلف واموت وأهمل ولادي لحالهم

-انتي كدا مش هتعيشي حياتك…. انتي بتحكمي على نفسك تفضلي زي ما انتي طول عمرك

-طيب ما انتي كيفي…. لع لع مش كيفي انتي أنيل مني…. اتچوزتي فهد مع وقف التنفيذ

-ورد لو سمحتي ماتتكلميش في الموضوع ده

-لع هتكلم واتكلم قمان

-انتي ماتعرفيش اللي فيا…. فأرجوكي اسكتي

-بتطلبي مني أعيش حياتي زين واشيل الأوهام من راسي…. طيب ما تنصحي نفسك عاد

ليل (بدموع): -بس انتي مش زيي يا ورد…. اينعم انا والدتي عايشة وانتي والدتك ميتة….. بس انا حالتي أسوء من حالتك بمراحل….. مش سهل عليا اشوفها بتتجوز كل سنة مرة…. ولا سهل عليا اني اتجوز فهد بالطريقة اللي انتي عارفاها…. ولا سهل عليا اني اسيب حياتي واجي اقعد هنا

ربتت على كتفها وسألتها باستفهام: -هو انتي مش بتحبي فهد يا ليل!؟

ليل -ايوا بحبه…. بس طريقة تحكمه صعبة اوي

ورد ابتسمت: -وهو بيعشچك وبيهواكي….. بس انتي عارفه كويس ان طابعه صعب

ليل: -عارفة…. بس بقي ماتجبيش سيرته عشان بفتكر الموقف اللي عامله معايا

ورد : -هههههههه الموقف بتاع المدرج

ليل (بصدمة): -انتي عارفه!!! مين اللي قالك

ورد: -هو انا لواحدي اللي عارفه ده الجامعة كليتها عرفت ورايدين يشوفوا حرم الدكتور فهد

-يالهوى….. شوفتي بقي طريقة تحكمه وصلت لفين…. عشان واحد في المدرج بصلي وجيه يقعد جانمبي….. القيه بيقول آخر المحاضرة مدام فهد عزت تيجي ورايا…. انا حسيت ان المدرج كله أصلا بيبصلي….. واللي عاوز يشوف مين حرم الدكتور فهد يروح يقف قدام مكتبه

-هههههههههه شوفي بيحبك ازاي…… وعاوز يعرف الكل أنك ليه وبتاعتة

-وانا كمان بحبه

: -مين ديه اللي بتحبيه يا ليل

ورد: -فهد

فهد: -اطلعي يا ورد….. ابوكي عاوز يتحدت معاكي

ورد: -حاضر يا أخوي

كملت الأكل اللي بتعمله وتجاهلته خالص

فهد(بمكر): -مين ده اللي بتحبيه!!!… انا صوح

ليل: -لا

فهد: -اييييييه

-اقصد لع

-ماانا خابر زين انه اني

-هملني يا فهد واطلع من اهنه

-رايد أچف معاكي يا ليل چلبي

-اوووووف

-حضريلي وكل انا جعان چوي

-طيب طيب

بعدت عن الأكل اللي بتعمله وقربت من حاجة تانية

-بتعملي ايه!؟

-بعملك وكل

-انا عاوز من اللي كنتي بتچهزيه

-لا مش هينفع

-ليه عااد

ليل(بتريقة):-عشان انت مابتحبش وكل البندر

-انا ع احب اي حاچه من يدك….. خلصي الوكل بسرعة وهاتي فوچ….. انتي اللي تچبيه يا ليل ماتبعتيش حد بيه عشان ما اخربطش وشك بيه

-حاضر من عينايا

استنت لما خرج وبصت حواليها تدور على حاجة مابين البهارات….. وأول ما عيونها وقعت على حاجة

ليل(بانتصار): -اهوه….. ماشي يا فهد عشان تبچي توريني هتخربطلي وشي كيف عاااد

******************

بالمندرة

كانت قاعدة قدام والدها بخجل ومستنياه يتكلم

عزت: -هاا يابتي خلاص اتفچنا

ورد: -اتفچنا على ايه بس يا ابوي

-واااه على چوازك السبوع الجاي

-ماتخليها بكرا أحسن يا ابوي

-بتتمجلتي عليا يا ورد….. وانا اللي طول عمري بعاملك أحسن من ايتها حد بيعامل بنته في البلد

-معااش اللي يتمچليت عليك يا ابوي…. بس سبوع چليل چوي وبدري

-لا يا بتي ماهواش بدري ولا حاچة…. تعرفي أنك كنتي مفروض تتچوزيه من سنتين…. انا اللي كنت بأچل الموضوع عشان كليتك واااهه خلاص انتي بأخر سنة…. مش أكديه مش انتي چد ليل

-ايوا يا ابوي أكديه

-يبچي خلاص انتهينا فرحك انتي وليل إبليلة واحدة بإذن الله…… وبكفايها اللي بتعمله بفهد ده انا رايد اشيل ولاده

-*وربي لاوريك يا ابن البندر على الوقعة اللي وقعتني بيها دي….. وربي لاربيك*

يتبع..