رواية عشقت جبروته الفصل السادس 6 بقلم مريم أشرف
رواية عشقت جبروته الجزء السادس
رواية عشقت جبروته البارت السادس
رواية عشقت جبروته الحلقة السادسة
ما إن غادرا حتى بدأت بسنت ترمش في محاولة منها إخفاء دموعها التي حتما ستكشف شخصيتها الغيورة والحزينة.
________________________________________________
تستيقظ بطلتنا في اليوم التالي بعد صراع طويل مع أحلام مزعجة دامت ليلة كاملة ذكرتها بأسرتها المتوفية….
قامت بسنت واتوضت وصلت فرضها بعدها نزلت على تحت ولقت زين بيفطر لوحده… اتنهدت براحة وقعدت بعيد عنو وبدإت تاكل من غير ولا كلمه.
زين باستغراب من غير مايبصلها: انتي بتبعدي ليه تعالي اقعدي هنا وشاولها على الكرسي اللي قدامه…
بسنت بجمود: لأ أنا مرتاحه هنا…
زين: بتعانديني بقى ؟!
بسنت: حضرتك ملكش دعوه بيا خالص احنا قريب وهنطلق ولا انت نسيت اتفاقنا ؟
زين بعصبيه: منستش طبعا…خلاص مقولتش حاجه!
هزت راسها بتوتر من صوته العالي وكملت أكل بعدها قامت وطلعت على أوضتها وجهزت نفسها ونزلت تاني لقته قاعد في الجنينه بيشرب قهوه….
زين :مجهزه نفسك ورايحه فين يامدام؟!
تجاهلته وكملت طريقها لبره بس حست بإيد بتشدها جامد لورا….
بسنت بوجع: آه!…ايدي يا متخلف!
زين: لما أكون بكلمك تردي عليا فاهمه ولا مش فاهمه؟!
بسنت: وانت مالك بيا أصلا روح شوف السنيوره بتاعتك…
زين مسك ايده بالعافية عشان ميضربهاش ورد: أنا جوزك يا مدام يعني ليا حق اعرف كل حاجه تخصك وأولها خروجاتك وطلعاتك!
بسنت بضحك: هههه…. ياسلام دلوقتي افتكرت انك جوزي بعد 3شهور يازين بيه؟!….عالعموم أنا هخرج أتمشى شوية عشان تعبت من البيت ومن خلقتك انت والزفته بتاعتك!
زين جز على اسنانو بسبب كلامها الجارح : طب اركبي هنروح سوا…
برقتله بصدمه من تغييره وقالت: لأ أنا عايزه أكون لوحدي…
اتأفف زين بعصبيه: بسنت!
بسنت برعب: حاضر…حاضر أنا راكبه أهو…
_______________________________________________
في مكان تاني…
مراد: ههههههههه…حلو جدا الخطه سايره كويس…فاضل بس الجزء الثاني و ناخد اللي عايزينه…
نوران: بس يامراد انت مش خايف ليعرف و ي…
مراد: مش هيعرف حاجه ثقي فيا….قرب منها وقال بهدوء:مادام احنا مخططين كويس فمفيش حاجه نخاف منها…
نوران: ولو حبها وكمل معاها…
مراد: مش هيحبها مش قلتيلي انها وعدتو تقنع أبوه لما يرجع يطلقوا يعني أسبوعين كده أو ثلاثه مش بعيد…
نوران: ولو موافقش…
مراد: وقتها بس هنتوجه للخطة الثانية…
نوران شهقت بقوة لما افتكرت الخطه الثانية دي أما مراد فضحك وكمل: ايه مالكي خايفه من حتة بت زي دي لا راحت وجت؟
نوران: مش كده بس…بس خايفه من زين لما هيعرف اللي هنعملو فيها…
مراد: مش هيعرف…
________________________________________________
عند زين وبسنت عالشاطئ:
كانو بيتمشو عالرمله وبسنت هتموت من الكسوف وفنفس الوقت من الصدمه من تصرفات زين…
زين: عجبك المكان؟
همهمت له بتأكيد…
ليردف: فاكره لما كنا صغار لما كنا بنيجي مع اهلنا للبحر وكنتي بتخافي من الموج ومبترضيش تعومي؟
بسنت بابتسامة :وانت كنت بتمسكني من ايدي وتقولي تعالي متخافيش أنا ج.. م.. ب.. ك قالتها بتقطع بسبب حزنها من اللي وصلولو دلوقتي…
زين: يكثر خيرك شبعت ضرب بسببك…
ضحكت بهدوء وعمل زيها…
زين: آسف يا بسنت والله ماكنت عايز أضربك ليلة الفرح بس الغضب سيطر عليا و…
بسنت بقطع: لا لا أنا نسيت اللي فات…لازم نفكر في اللي جاي بعد مانطلق
زين: انتي عارفه ان أنا اتغصبت فالجوازه دي ف…
قاطعته مره تانيه وقالت: عارفه يا بش مهندس وانا كمان مقدرش أكمل مع واحد مبحبهوش ولا هو بيحبني…
بصلها بذهول وقال فنفسو: مبتحبنيش… بس إزاي دي كانت هتموت عليا… بس مرضاش يسألها عن كلامها المفاجئ ده…
زين: احم يلا نرجع الوقت اتأخر في برد هتمرضي…
بسنت: أنا عايزه أقعد شويه مع نفسي ممكن؟!
زين: بس هتمر…
بسنت بضيق: أرجوك يازين مش هتأخر..
زين بتفهم: ماشي أنا… أنا هستناكي فالعربيه لما تعوزي تمشي تعالي…
هزت راسها وهو مشي وأول مامشي نزلت دمعة من عينها وقالت بقوة وإصرار وهي بتمسحها: من النهارده مفيش دموع… كفاية دموع يابسنت…بسنت العبيطه راحت دلوقتي أنا بسنت القويه وبس…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقت جبروته)
