رواية منقذي الفصل العشرون 20 بقلم نانسي محمد
رواية منقذي الجزء العشرون
رواية منقذي البارت العشرون
رواية منقذي الحلقة العشرون
زين بعدم فهم:ايه
نور بجمود:بقولك طلقنى
زين بإبتسامة هادئة وهو يحضتن يدها:حبيبتى انتى ايه إلى بتقوليه دة انا مقدرش ابعد عنك
نور وهى تبعد يده عنها بكل قسوة:وانا بقولك مش عايزاك طلقنى مش بتفهم
زين بصبر:حبيبتى انا فاهم ان نفسيتك وحشة وفاكرة انك كدة هتبعدينى عنك انا معرفش أعيش يوم من غيرك
نور بصوت عالى لتخفى ضعفها أمام كلماته :لا هتعرف انا بقيت كدة بسببك ومش عايزة ابقا معاك كفاية القرف إلى شوفته معاك
زين بحزن :قرف شوفتي معايا انا يانور
نور بدموع حاولت تخفيها ووجع فى قلبها على شكل زين:ايوة قرف انا شوفت إلى ضرب عليا نار كان مصوبه نحيتك بس انا جريت عليك عشان الحقك بس ادينى بقيت عاجزة مش هعرف أمشى تانى انا مش هقدر اسامحك ابدا على إلى انا فيه
زين بدموع:نور انا مقدر إلى انتى فيه بس والله ما هقدر ابعد انا بموت الف مرة وانا بشوفك فى حالتك دى بدعى فى اللحظة الف مرة ان كنت انا إلى اضرب عليه نار وكنت موت بدل ما تكونى انتى كرهانى واكون انا السبب فى وجعك
نور بسرعة وبكاء:بعد الشر عليك متقولش كدة
زين وهو يحتضنها:بموت وانا عارف انى السبب يانور وانتى عايزة تسبينى انا عارف انه حقك تزعلى بس وغلاوتك عندى إلى مافيش أغلى منها لاجيب حقك من عمل كدة ومش هطلقك يانور لو عايزانى ابعد عنك فى إلى هيفرقنا هو الموت
نور ببكاء هستيري وتتشبت فى احضانه :والنبى متقولش كدة والنبى انا معرفش أعيش من غيرك والنبى لا
زين وهو ينظر فى عيونها:طب لي بتقولى اطلقك فى ايه مخبياه عنى انا حافظ كل تفصيله فيكى قولى لزينك ايه إلى حصل خلاكى كدة
نور فى نفسها:مقدرش يا نور عينى انا لو قولتلك هتروح منى انا هموت من بعدك يازين
زين:نور روحتى فين
نور اخدت اكبر قدر من ريحته :انا قولت إلى عندى يازين ودة اخر كلام عندى
زين بعصبية:وانا طلاق مش هطلق يا نور سامعة وشوفى مين هيمشى كلام التانى
نور بقوة مزيفة:يبقا انت حكمت اطلق منك بالعافية
زين بسخرية : ودة أزاى إنشالله هتربطينى وجيبي ناس تخلينى اطلقك
نور بتماسك :لا ب المحكمة
زين قلبه وجعه من كلامها بصلها بوجع ومشي
اول لما مشى نور انفجرت فى العياط :سامحنى يا حبيبي والله انا بموت من الى بعمله فيك بعذب نفسى قبل ما اعذبك انت والله بعدك عنى بنهاية حياتى بس لو مبعدش عنك هيموتوك يا حبيبي ااااااه يارب أقف جنبى يارب
عند زين طلع من عند نور وهو مش طايق نفسه حاسس ب قلبه بيطلع من مكانه :عايزة تسبينى يانور هانت عليكى الايام الحلوة هان عليكى حبنا هان عليكى سهرنا مواقفنا سوى كلمنا بالساعات هان عليك وجع قلبى طلع من المستشفى وركب عربيته وفضل يلف بيها وهو حاسس ان الدنيا بتضيق بيه مش عارف يروح فين وهو لما كان بيتخنق كان بيروح لحضن نور
عند سليم :يلا يا ماما عشان متناخرش على نور
منه:حاضر يا سليم احنا جاهزين خلاص يلا يا حور
حور :حاضر يا ماما جاية اهو
سليم:عايزين نخليها تفرفش كدة وتفك اتفقنا وانتى يا ماما بلاش عياط قدمها ماشى
منه بدموع :غصب عمى يا سليم بنتى إلى بعتبرها سندى وسندكم مرة واحدة مبقتش قادرة تمشى قلبى مجعنى عليها
حور وهى تحتضنها:هتقوم يا ماما نور قوية واحنا معاها والأهم من دة كله زين معاها نور دى حبيبة الكل
سليم بمرح:مين بيتكلم معانا حور المشاكسة
حور:بس يارخم انت والله اقول لنور وتضريك
منه بضحك على اطفالها :عمركم ما هتتغيره ابدا
بعد فتر كان الجميع امام غرفة نور ليطرق مصطفى الباب بمرح: نونو يا نونو يا نونو يا نونووو
نور بإبتسامة باهتة:تعالى يا مزعج عامل فرح فى المستشفى
يوسف:انا هعمل فرحى هنا بلا قاعات بلا تكاليف الجو هنا كله ديتول وكحول يطهر المعدة
ملك بمرح :اتصدق يا چو فكرة حلوة وتزفكم بكلوكوز
لينا بضحك :ونونو تحدفنا ب المطهر
نور بضحك:لا انا هسيب المهمة دى لتيفا
حور :طب انا هعمل فرحى فين بقا فى العناية المركزة
سليم :بدل البوكيه امسكى انبوبة أكسجين
منه بضحك: يخربيت عقلقم عيال مافيش فيكم فايدة ابدا
كارما من وراها:شكل كدة مش انا بس إلى فرفوشة هنا
لينظر لها سليم بفرحة :كارما
كارما بأبتسامة ساحرة :ازيك يا سليم
سليم بفرحة :الحمدلله مبسوط انى شوفتك تانى
كارما :مكنتش اقدر اعرف من بابا ان نور تعبانه ومجيش
نور وهى تأخذها فى احضنها :يا اخواتى ياناس على العسل والله انا بموت فيكى
لينا :مين القمر دى
ملك بفضول :اه يا نونو مين دى اول مرة نشوفها
نور بحب :دى بقا كراما عبدالرحمن بنت دكتور عبدالرحمن إلى متابع حالتى وجبس دراع سليم
سليم :وصحبتى انا كمان مش كدة يا كارما
كارما بضحك: اه يا سمسم انا صحبتك
سليم بهيام ليوسف : قالتلى سمسم يا چو هييييح
يوسف وهو يخبطه فى كتفه بقرف:مالك يلا ما تظبط عيل ملزق
سليم :شايف يا مصطفى الغلس دة
مصطفى بمرح : ولا يهمك تعالى على تكتفى انا
منه بضحك:انتى وقعتى مع شلة هبلة يابنتى الله يكون فى عونك
بيقطع حديثهم طرق على الباب ليدخل زين وهو ينظر لنور :صباح الخير يا جماعة
ليرد عليه الجميع ماعدا نور تنظر له فقط
منه :تعالى يا زين كنت فين يا حبيبي دورت عليك هنا افتكرتك مشيت
زين:لايا طنط انا كنت بجيب حد مهم معايا
ملك :حد مين
لينا :وسايبه برة دخله
زين :اه طبعا ثانية واحدة لينظر فى عيون نور بتحدي : ميرنا تعالى يا حبيتى
لتدخل ميرنا وهى ترتدي فستان عارى يكشف أكثر ما يستر لتقول بكل عنجهية وغرور :هاي
لتنظر له نور بصدمة :دى بتعمل ايه هنا
زين وهو يلف يده حول خصرها :ماهو يا نور يا حبيبتي انا فكرت فى كلامك كويس ولقيت ان عندك حق
نور وهى تبلع ريقها بتوتر من القادم :قصدك ايه
سليم بعصبية :فى ايه يا زين وايه إلى انت بتعمله دة
زين بأستفزاز :انا عرفكم كل حاجة انا وافقت يا نور على طلبك
مصطفى بعدم فهم :وايه هو طلبها
زين ببرود:ان أطلقها
لتشهق الفتيات ونور تنظر له بكسره
يوسف يغضب :وانت هتستغنى عنها يازين
سليم بعصبية كبيرة:دى اخرتها تسيب اختى فى اول مشكلة
زين بنفس البرود: والله هى طلبت كدة وفضلت مصرة على دة ف انا قررت أن هطلقك يا نور وهخطب ميرنا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية منقذي)
