رواية انت دقات قلبي الفصل الثالث 3 بقلم زينب علي
رواية انت دقات قلبي الجزء الثالث
رواية انت دقات قلبي البارت الثالث
رواية انت دقات قلبي الحلقة الثالثة
اول ما دخل رفع المسدس و نزلو تاني بصدمه و قال : ماما .!
ردت امه : بترفع المسدس عليا يا باسم !
حط المسدس في جيبو و قال بجمود : ايه اللي جابك هنا ؟
فتحت دراعاتها وقالت وهي مدمعه : وحشتني يا باسم
ودا وشه الناحيه التانيه ومردش عليها
قربت منه خطوتين وقالت : لما عرفت انك جيت هنا علشان فرح حد من صحابك قولت اجي بالنسخه اللي معايا واشوفك بدل ما انت مش عايز تشوفني
رد من غير ما يبصلها وقال : وعايزة تشوفيني ليه
دموعها نزلت وقالت : علشان انت ابني و واحشني ،دا ابوك سامحني وغفرلي .. انت مش هتسامحني علي اللي حصل من سنين
انفعل باسم وقال : ابويا سامحك علشان كان علي فرشة الموت زي ما بيقولو لكن أنا لسه عايش ، واللي حصل من سنين دا انا بدفع تمنه دلوقتي في حياتي ، زي ما سبتيني زمان وقلبك محنش علي دموعي يبقا سيبيني دلوقتي
بتقرب علشان تحضنو وهي بتعيط ، قام بعد لِورا وقال : سيبيني في حالي
وقفت مكانها وفضلت تعيط لحد ما وقعت من طولها
قرب منها بِلهفه وقلق ولحقها قبل ما تقع علي الارض وشالها
„ في ڤيلا رشاد | أوضة نورسين „
كانت قاعده علي كرسي التسريحة وبتخلع الحلق من ودنها وهي سرحانه..
فاقت من سرحانها علي خبط الباب
سابت الحلق علي التسريحة وقالت : ادخل
دخل رشاد وهو بيقول : حبيبة بابا سابت الفرح وراحت فين النهاردة ؟
لفت بالكرسي وهو قعد علي طرف السرير وقالت : مفيش يا بابا عهد بس كانت مخنوقة شوية واخدتها أنا وشادي وقعدنا علي البحر شوية
ضيق رشاد عينيه وبعدها قال : مش نخف من شادي دا شوية بقا ؟
كشرت نورسين باستغراب وقالت : بابا دا شادي صاحبنا ، ما انت عارف
رشاد بتفهم : حبيبتي أنا عارف وانا مش قافل عليكي و open mind بس مش بقرون!
ضحكت نورسين وقالت : بس يا بابا احنا صحاب وحضرتك عارف
اتكلم رشاد بغيرة : نورسين اسمعي الكلام ولا شادي ولا غيرو اوكيه ؟
هزت راسها وهي مبتسمة وقالت : أوكيه بابي
قام وقف وباس راسها وقال : حبيبة بابي ، جود نايت يا حبي
ابتسمت وقالت : جود نايت
طلع رشاد من الاوضة وقامت نورسين طلعت بيجامة ليها من الدولاب ودخلت اخدت شاور
” في شقة باسم ”
فضل يرش علي مناخيرها بيرفيوم بتاعو لِحد ما رمشت كذا مره
حط الازازة علي الكومود وهي فتحت عينيها
اول ما فتحت عينيها بصتله ودمعت تاني وقالت : باسم
رد بهدوء وقال : نعم
اتعدلت ومسكت ايدو وقالت بعياط : سامحني يا ابني ، خليني اعيش الباقي من عمري معاك ، كفايه حرمان منك لحد كدا ، ربنا كبير وبيسامح وابوك سامحني ، سامحني انت كمان لو ليا غلاوة عندك
دموعه نزلت وقال : انتي كسرتيني وسيبتيني ومشيتي في اكتر وقت كنت محتاجك فيه
حضنت ايديه وقالت وهي مش مبطله عياط : غصب عني والله ، حقك عليا يا نورعيني
بصتله وفتحت دراعاتها وقالت : مش واحشك حضني ؟
فضل باصص ليها بتوهان وتلقائي قرب منها وحضنها وفضلو يعيطو وهي بتطبطب عليه وكل شوية تبوس كتفه وتقول : حقك عليا والله حقك عليا
بعد عنها وقام وقف ومسح دموعو وقال بجمود : هجبلك عربيه توديكي مكان ما جيتي وانتي في حالك وانا في حالي
قامت وقفت وقالت : بس انا عايزة اقعد معاك
رد ببرود وقال : وانا مش عايز حد معايا ، حياتي اتدمرت بسببك ومش مستعد ادمرها اكتر من كدا
اتكلمت بضعف وقالت : مش هتسامحني ؟
حاول يتمالك نفسه قدامها وقال : سيبيها لوقتها
طلع فونو ورن علي رقم وبعدها قال : نص ساعه بالظبط وعربية هتجيلك
سابها وخرج من الاوضه وهي قعدت علي طرف السرير وفضلت تعيط
” صباح تاني يوم | فيلا رشاد ”
طلع معاذ من اوضته قابل ابوه في وشو قال : صباح الخير يا بابا
رد رشاد وهو مبتسم وقال : صباح النور يا حبيبي ، ادخل صحي اختك يلا علشان نفطر ونروح لِخالد
هز راسو وقال : حاضر
نزل رشاد وراح معاذ علي اوضة نورسين فتح الباب و دخل لقاها خارجه من الحمام ابتسم و قال : كويس انك صحيتي بدري ، البسي و يلا عشان نفطر عشان بعدها هنروح لخالد
اتاوبت وقالت : حاضر
خرج معاذ من الاوضة وفتحت نورسين دولابها وطلعت طقم ليها وبدأت تلبس
” بعد ساعة | قدام فيلا خالد ”
ركن رشاد العربيه قدام باب الفيلا و نزلو منها
قرب معاذ من باب الفيلا و رن الجرس ، فتحت الخدامه و قالت : اتفضلو
دخلو جوا وهي قفلت الباب وقالت الخدامة تاني : اتفضلو ارتاحو في الصالون وانا هبلغ خالد بيه انكم هنا
دخلو الصالون و قاعدو بعدها بشويه دخل خالد و هو حاضن مراتو و قال : يا مرحب يا مرحب
قام معاذ حضنو و قال : صباحيه مباركه يعريس ؛
قامت نورسين وحضنت مراتو وقالت : فطوم حبيبة قلبي ، صباحيه مباركه يا جميله
ابتسمت فاطمه وقالت : نورتونا يجماعه والله
دخلت الخدامه و قالت : رحاب هانم جت هي وملك يا بيه
شاور خالد وقال : خليهم ييجو
طلعت الخدامة وبعدها دخلت ست كبيرة وبنت في سن نورسين
قربو وقالت رحاب : الف مبروك يا خلود
نفخت نورسين بضيق وقالت في سرها : القاعده هتبقا باردة اوي
رفعت رحاب حاجبها وقالت : ايه يا معاذ مش ناوي انت كمان ولا ايه ؟
رد معاذ ببرود وقال : لما ييجي النصيب يا عمتو
لمحت رحاب بالكلام وهي بتبص علي بنتها وقالت : النصيب موجود يا حبيبي ، انويها انت بس
حط ايدو علي رقبته بخنقه وقال : لسه يا عمتو مشوفتش اللي تستاهل وكمان مش بفكر في الموضوع دا دلوقتي ، اوعدك لما انوي بجد هعزمك
ابتسمت ببرود وسكتت
دخلت الخدامة وقالت : بعتذر عن المقاطعة بس باسم بيه برا
اتكلم خالد وقال : دخليه بسرعه طبعاً
طلعت الخدامة وبعدها دخل باسم وأول ما دخل ريحة البيرفيوم بتاعته فاحت في المكان
بصت نورسين عليه من فوق لِتحت ببرود وبعدها بصِت قدامها
سلم علي خالد وبعدها قال : قولت اجي اشوفك واباركلك قبل ما اسافر وارجع للشغل من تاني
رد خالد بامتنان وقال : انت تنورني في اي وقت والله ، كفايه ان حضرتك قدرتني وجيت الفرح
ابتسم باسم وقعد علي كرسي الانتاريه قصاد نورسين بس فيه واحدة كانت قاعدة مشالتش عينها من عليه!
بعد شوية قامت نورسين وقفت وقالت : فين الحمام
قالت فاطمة بصوت عالي : اميرة
جات الخدامة من برا وقالت : ايوا يا ست هانم
شاورت علي نورسين وقالت : خدي نورسين للحمام
هزت راسها بإحترام وطلعت نورسين مع الخدامة
دخلت الحمام وعدلت لبسهاا والميكب وفتحت الباب ولسه هتخرج لقت اللي بيدخل وبيقفل الباب تاني
لقت باسم في وشها
اتخضت وزعقت وقالت : ايه الهبل دا ، انت متخلف
حط ايدو علي بوقها وقال : ششششش وطي صوتك ، أنا هسألك سؤال وأخرج
زقت ايديه وقالت : وتسألني سؤال في الحمام ؟
تجاهل كلامها وقال : مين اللي كنتي متشعلقه في دراعو امبارح قدام القاعه ؟
ردت بعوجة بوق وقالت : وانت مالك؟
رفع حاجبو وكرر سؤالو تاني وقال : مين اللي كنتي متشعلقه في دراعو امبارح قدام الز.فت القاعه؟
ردت ببرود بعد ما ربعت ايديها وقالت : وانت مالك ؟
زقها علي الحيطه وقرب منها اوي وقال : انا ماليش خُلق ، وبلاش تعانديني
حطت ايديها علي صد.رو وقالت وهي بتحاول تبعدو : انا مبعاندش انا بعرفك حاجة بجد ، انت ملكش دعوه ، انت مجرد انسان شوفتو امبارح في الفرح ومكانش ليا تعامل كتير معاك ، يبقا تخليك في حالك .. حاشر نفسك في حياتي ليه ؟
مسكها من خدودها جامد وقال : مين اللي كنتي واقفه معاه امبارح ؟
ردت بوجع وقالت : زميلي في الجامعه
فضل باصصلها وهو مضيق عينيه وفي الاخر زقتو هي جامد وقالت : انسان قذر
بصتلو من فوق لِتحت وبعدها خرجت من الحمام
بص علي ايديه مكان ما كان ماسكها ولاحظ اثار روج علي كف ايدو ، افتكر لما حط ايدو علي شفا”يفها علشان تسكت
قرب كف ايدو من شفايفو وباس اثار الروج الموجودة علي ايديه
فتح الحنفيه وكان هيغسل ايدو بس مرضاش وبعدها عدل شكلو وخرج
راح للصالون لقاها قاعده جمب رشاد ومعاذ وبتهز جسمها بعصبيه
كح وقال : رشاد باشا ، عايزك في كلمه
رفعت راسها وبصتلو باستغراب وهو بصلها ببرود
قام رشاد وهو مستغرب وخرج معاه للجنينه برا
وقف رشاد وقال : خير يا باشا فيه حاجة ؟
حط باسم ايديه في جيبو وقال بهدوء : …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية انت دقات قلبي)
كملى من فضلك