رواية صعوبه الحياه الفصل الثالث 3 بقلم زينة أحمد
رواية صعوبه الحياه الجزء الثالث
رواية صعوبه الحياه البارت الثالث
رواية صعوبه الحياه الحلقة الثالثة
شلت الهاند فري من ودني وبصيت علي البلكونه اللي جمبي وشوفت
اهدا اهدا مش كده هتمو، تها
نعم
نعم اي بس البت مش قادره تاخد نفسها وبتعيط وانت عاوز تشربها اللبن
هتهالي بسرعه
فتح باب شقته وانا خرجت جري (ملحوظه كنت لابسه الازدال)
طفله صغننه جميله وعندها خدود حمرا وسكره
شلتها ونفخت في راسها لحد ما قدرت تاخد نفسها وهداتها
انت كده بتشربها اللبن
مش عارف انا اترعبت عليها اصلا
هات الببرونه ديه كده بوص بتشلها كده وبترفع دماغها كده
وبتحط الببرونه في بوقها وهي هتشربه
ابتسم
انتٍ متجوزه وعندك عيال بقي علي كده
لا مطلقه ومعنديش عيال
……..
ديه اخت حضرتك صح
لا بنتي
شكل حضرتك ميديش كده خالص
ايوه انا ٣٠سنه اصلا بس ميبنش عليا
صح عرفتي ازاي تشربيها كده
كان عندي اخ صغير وانا كنت بهتم بيه ف متعوده
كان؟!
ايوه الله يرحمه مات مع ماما في الحادثه
الله يرحمهم
حضرتك ساكنه جديده هنا
ايوه بقالي ٤شهور ساكنه هنا
انا اسمي احمد واتشرفت بمعرفتك
وانا اشرف ااه قصدي وانا متشرفه بمعرفتك
ضحك
هاتي رزان عنك
ابتسمت للصغيره وبوستها وادتهاله
ودخلت علطول وقفلت الباب
عيطت ايوه عيطت
معقول انا محرومه من نعمه الخلفه
احساس صعب اوي انك تبقي نفسك في ضافر عيل
بس اتوضيت وصليت واستغفرت ربنا
نمت وصحيت
ولبست وكلمت بابا وانا ماشيه في الطريق
الو ي بابا
ازيك ي نور عامله اية ي بنتي وحشتني
وانت كمان ي بابا بجد وحشتني
وعمتك وبنت عمتك عاملين اي سلميلي عليهم
مدتنيش عمتك امبارح اكلمها ليه ي نور
بلعت ريقي بتوتر
كانت نايمه ي بابا اصل عمتو بتنام بدري
ماشي ي بنتي خلي بالك من نفسك
من عنيا ي حبيبي وانت كمان خلي بالك من نفسك
لا إله إلا الله
محمد رسول الله
وقفلت مع بابا
روحت المطعم
ازيك ي نور
الحمدلله ي ايه وانتي
كويسه بوصي خدي الطلبيه ديه للطاوله رقم ٥
تمام هاتي
خدتها ودتها
اتفضل ي فندم اي اوامر تانيه
بصلي بتقيم لاحظته
زيرو كام ي مزه
برقت
افندم
ابتسم بسخريه
رقمك ي قموره اي مش سامعه
عن اذنك ي فندم
مسك ايدي وقال
عاوزين نتعرف ي حلوه اي
لفيت وايدي التانيه نزلت علي وشه
ايدك ي حيو، ان متلمسش ايدي ولا ايد اي بنت تانيه انت فاهم
اتكلم بزعيق
انتي مجنونه ولا اي فين المدير اللي هنااااا
هكدب لو قولت اني مخفتش من رد الفعل اول مره حد يتكلم معايا بالطريقه ديه لا وكمان يمسك ايدي بس انا كنت فخوره بنفسي انا مخوفتش منه ومسكتش وضربته عشان هو ملهوش حق يتكلم معايا كده ولا يلمسني اصلا
جيه حمدي المدير
ازايي مطعم محترم زي ده يشغل الاشكال ديه عنده
اتكلم المدير بشويه خوف باين في نبرته
عملت اي ليك ي زياد باشا
الهانم عاوزه تديني رقمها وعماله تتغزل فيا
كداب انت اللي كنت بتقول عاوز رقمي حتي انو ي استاذ حمدي مسك ايدي
بس ي نور انتي مطروده
نعم ازايي حضرتك ده بيكدب و
استاذ زياد من اكتر الناس المحترمه اللي ديما بتشرفنا في المطعم واكيد مش هيكدب يعني
اتكلمت بدموع
يعني قصدك اني انا اللي بكدب
انا بتبلي عليه
اشكال زباله*
رزعته قلم من شدته نزل وشه في الارض
انا مسمحلكش انك تتكلم عليا نص كلمه
وانت ي استاذ حمدي انا مش مسمحالك لاني شغاله معاك بقالي ٤شهور ومشفتش مني تصرف سئ
كنت اعتبرني بنتك اكيد مكنتش هتسكت لو عرفت انو كلمها بطريقه وحشه او حتي لمس ايديها
انا مش مسمحاكوا
خلي بالك ي زياد بيه لو اتعرضتلي تاني وابتليت عليا
انا مش هسكتلك انت فاهم
بصيت للبنات اللي كانوا في المطعم وقولتلهم وانا بشاور عليه
شايفين واحد اهو من الاشكال الزباله اللي ممكن تكلمكم باسلوب وحش او حتي تلمسكم واغلبيتكم بيسكوتوا وبتقولي اهو موقف وهيعدي لاااااا ده مش موقف مفيش اي سبب يخليكي تسكتي حتي لو قلك كلمه واحده متسكتيش
ما لو اي واحده سكتت هيسوق فيها وغيره هيتكلم معاكي وغيره هيلمسك ما انتي سكتي مره
ده التصرف الصح تضربيه وتفضحيه ومتسكتيش عن حقك ولو اعترضلك تكلمي الشرطه وهي هتجبلك حقك بعد ربنا
كل البنات والشباب كانوا منتبهين معايا واول ما خلصت كلام
قاموا وسقفولي
زياد بيه كان منزل راسه واكنه ندم
خدت حجاتي ومشيت بسرعه ايه و كذا واحده من اللي كانوا صحابي حاولوا يكلموني وقالولي انهم هيقولوا للمدير
بس انا رفضت اني ابقي ثانيه كمان اصلا في المطعم اللي اتهانت فيه
روحت وانا كنت مضايقه اوي
حاسه اني مخنوقه
صليت العصر والمغرب ونمت
صحيت علي الفجريه كده
صليت ومعرفش اي اللي خلاني افتكر رزان ف فتحت البلكونه
وبصيت علي البلكونه اللي جمبي
شوفت استاذ احمد كان ماسك المصحف في ايد وبيقرا وشايل رزان في ايده التانيه وكانت نايمه علي ما اعتقد
مر تلت ايام وانا كل يوم ادور علي شغل
لحد ما لقيت كافيه بسيط كده
روحت وكان ناقص عاملين كمان ويكون كده طاقم العمل موجود
كنت انا وواحد اسمه يونس علي ما اعتقد يعني
المهم هبدا اشتغل من اول بكره
روحت وانا مفرهده والجو كده ريحته عياط
قلبت معايا بمندبه وقعدت اعيط لحد ما نمت
صحيت علي خبط علي الباب كانت الساعه ٢ بليل
قومت لبست الازدال ووشي كان منفخ من العياط
خير ي استاذ احمد
اتكلم بخوف
رزان
اتنفض جسمي خوفا عليها صح مشوفتهاش غير كام مره كده لاني كنت بدخل البلكونه اشوفها بس كنت بستغرب انو مامتها مش موجوده بس محطتش في دماغي
اتكلمت بخضه
مالها رزان
سخنه اوي وانا اعصابي سايبه من خوفي عليها ورجلي مش شيلاني انزل بيها
طب حاول تتدخل تجبهالي
دخل جابها وفعلا كان جسمه بيترعش
تمام ادخل بيتك وانا هعملها كمدات لحد ما السخنيه تنزل متتقلش هفضل جمبها
طب هدخل انا عاوز افضل جمبها
اكيد طبعا مينفعش تعتب باب بيتي اصلا لو سمحت خليك مكانك ومتخفش علي بنتك انت اكيد لو مكنتش شايف اني ممكن اساعدها مكنتش هتجبهالي وكنت هتنزل لاي جار او جاره تانيه
تمام بس بالله عليكي طمنيني عليها انا هفضل قاعد علي السلم هنا
دخلت و شوفتها وهي……..
في مكان اخر
هي فين ي عمي نور فين
سيبني انت مش طلقتها عاوز اي منها وكمان جايي تتهجم عليا في بيتي في الفجريه
ساب مازن جمال اللي كان ماسكه من ياقه جلبيته
وقال……….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية صعوبه الحياه)
