رواية نبضات في السحاب الفصل الخامس 5 بقلم حنين الماضي
رواية نبضات في السحاب الجزء الخامس
رواية نبضات في السحاب البارت الخامس
رواية نبضات في السحاب الحلقة الخامسة
ياسمين : هحطلك البرفيوم بتاعى فيها وشمة كويس هتتأكد أنة حلو جدا
فريد : 😊😊😊 حاضر هفضل اشم فيه بس كدة وهو جميل على فكرة زيك
ياسمين اول ما حست أن فريد بدأ يميل ليها بسرعة جدا قالتلة : انا نازلة بقى يا سلطانى بااااى اشوفك بكرة
فريد : طيب جريتى ليه براحة هههه مع السلامة
وطبعا فضل فريد يفتكر كل اللحظات والمواقف اللى ياسمين عملتها طول الطريق ويشم البرفيوم بتاعها فى ايدة لحد ما وصل واول لما طلع البيت قررر أنة يتصل بيها على طول
ياسمين طبعا كانت واثقة أنة هيتصل بيها وتعمدت متردش عشان تشوف مدى تأثيرها عليه وقالت تجننه بيها شوية وكل ما تتقل كل ما نوعية فريد هيتمسك ويصر عليها اكتر 👌 وفضل فريد يتصل اكتر من خمس مرات والفرق بين كل اتصال والتانى عشر دقائق لحد ما ياسمين ردت اخيرا وبكل هدوء ونعومة
ياسمين : الو فريد اخيرا اتصلت
فريد : اخيرا ايه بس هو انتى عاوزة تجنينى انا بقالى ساعة بتصل وانتى مبترديش
ياسمين : ايه دة بجد اااااه اصل انا عاملة الموبايل صامت وكنت قاعدة مع تالا وماما برة ودخلت اوضتى بالصدفة لقيت اسمك منور وجريت ورديت
فريد : انتى كنتى مستنية مكلمتى
ياسمين : كنت بتمنى تتصل بس قولت اكيد انت زهقت منى النهاردة وقولت متصلش بيك بس كنت هبعت رسالة
فريد : رسالة ممم تقولى ايه بقى
ياسمين : اطمن على ايدك قصدى البرفيوم
فريد : انا عاوز ادخل اخد شاور وخايف المايه تشيل البرفيوم
ياسمين : ههههه هزعل من نفسى كدة
فريد : ليه بس
ياسمين : عشان عذبتك بيه خلاص خد الشاور بتاعك مش مشكلة ومش هزعل
فريد بعد هدوء : بس انا فعلا عاوزة يفضل فى ايدى وبعد كدة انتى هتدينى منديل بقى ولا اى حاجة يكون عليها البرفيوم دة
ياسمين : للدرجادى عجبك
فريد : عجبنى ايه بس ، دة جننى فعلا هو اسمة ايه
ياسمين : ههههه ليه
فريد : مفيش بس عندى فضول اعرف اسمة
ياسمين بمكر: ههههه لا مش هقولك ولا عاوز تجيبة هدية لخطيبتك
فريد: خطيبتى
ياسمين : اة بلاش خطيبتك اقصد حبيبتك
فريد : ههههه لا مفيش لسه لا خطيبتى ولا حبيبتى
ياسمين : ايه دة معقولة
فريد : اة عادى ههه لسه مفيش حد لفت نظري
ياسمين : ليه هما معندهمش نظر
فريد : هههه هما مين
ياسمين : البنات طبعا
فريد : ههههه أو يمكن انا اللى مش فى دماغى الموضوع عشان كدة مش مهتم
ياسمين : مممممم اومال بتسأل على اسم البرفيوم عشان تجيبة لمين
فريد : مش لحد والله هو فضول وخلاص مش عاوز اعرف هههه دانتى ولا قسم الشرطة
ياسمين : هههههه لا بس بحب افهم
فريد : طيب يا فضولية ههههه قوليلى طليقك مبيحاولش طول الفترة اللى فاتت يسأل عليكى أو على بنتة
ياسمين : لا وانا خلاص مش معتبراة موجود فالحياة اصلا
فريد : للدرجادى بتكرهيه
ياسمين : دى حاجة صغيرة جدا على ال جوايا ومحبش افتكرة
فريد : اتعذبتى معاه
ياسمين : تخيل حياة كلها ذل واهانة وضرب وخياانة وممنوع ازور اهلى حتى المناسبات مكنش يجيبلى هدايا زى اى زوج لزوجته بالعكس كان شخص نكدى جداا ، اقولك على حاجه ، تعمل ايه لو انا مراتك مثلا وفى يوم خميس كدة واحنا سهرانين والبنت نايمة ولقتنى لابسة قميص نوم والبرفيوم بتاعى وبرقص وبدلع عليك وتخيل انت باقى يكون الجو عامل ازاى وقولى هيكون رد فعلك ايه
فريد بانتباة: يعنى هووو ، بصى انا فعلا تخيلت الموقف وانتى بتتكلمى بس الحاجات دى بتختلف من واحد للتانى وكل واحد ليه اسلوبة
ياسمين : يعنى ممكن تعمل زيه
فريد : هو عمل ايه
ياسمين : زقنى وقعنى ع الأرض وقالى روحى اقلعى المسخرة دى واحترمى نفسك وراعى انك فى بيت عيلة وبلاش تبقى رخيصة كدة
فريد : نعممممم مسخرررة ايييه دة اكيد ولا بيفهم حاجة وشكلة مش راجل اصلا عشان كدة بيهرب منك ، يعنى انا مراتى تبقى عاملة كل دة وازقها !!! دة مش بعيد اخاف عليها منى من كتر ال…..
ياسمين بمكر ونعومة: من كتر ايه كممممل
فريد : الموقف استفزنى وسرحت فالكلام معلش متزعليش منى
ياسمين : 😔 لا مش زعلانة منك انا زعلانة ع نفسى وبقيت مطلقة ومعايا بنت ، يعنى عشان اتجوز تانى لازم اتنازل
فريد : تتنازلى عن ايه
ياسمين : يعنى انا من جوايا حاسة انى بنت بنوت لانى معشتش زى اى زوجة لكن الحقيقة بتقول أنى مطلقة ومعايا بنت وطبيعى اخد واحد ارمل بقى أو مطلق ومعاة اولاد عاوزنى اربيهم يعنى هيكون جواز مصالح عشان تربية اولاد وخلاص لكن انا يا فريد 😔 من جوايا مشاعر بنت زى اى بنت حابة تكون عروسة بس للأسف مقدرش اقول كدة لأى واحد يتقدملى عشان معرفش دماغة ممكن تفكر فيا ازاى فهمتنى
فريد : فهمتك ومعاكى حق ، ع العموم متفكريش فى حاجة دلوقتى ولا انتى عاوزة تتجوزى
ياسمين : بص اللى بتكون اتجوزت بتكون جربت ولو مرة شعور الزوجة وطبيعى بيكون ليها متطلبات فاهم قصدى ومش هكدب عليك ساعات بقعد افكر ياترى لو كنت مع واحد بحبه دلوقتى كنت زمانى فى حضنة ومعاة وطايره من الفرحة فاهمنى
فريد : فاهمك طبعا بس كدة انتى هتتعذبى
ياسمين : لا هى حالة بتجيلى شوية ولما يفتكر ال حصل معايا بكره الجواز وساعات اقول مش هتجوز خالص
فريد : ههههه حيرتينى معاكى
ياسمين : هههههههه سلامتك يا سلطانى من الحيرة ، يااااخبر الوقت اتأخر ومضطرة اقفل
فريد : خلاص ماشى بس انا فعلا محستش بالوقت وانا بكلمك
ياسمين : الحمدلله انك مزهقتش منى
فريد : لا بالعكس ،بقولك تحبى اعدى عليكى الصبح اخدك
ياسمين : لاااا انا كدة هاخد ع الدلع دة واخاف اتعود عليه هههه
فريد : هههه لا يا ستى اتعودى براحتك انا راضى
ياسمين : انت ال قولت اهو هههه
فريد : حصل ههه هكون موجود الساعة ٨ نفس المكان ال نزلتى فيه
ياسمين :بنعومة :هستناك من دلوقتى
فريد بتوتر: هههه ماشى ،يالا تصبحى على خير
ياسمين : بااااى
_____________________
فريد قفل مع ياسمين وهو متلغبط وعقلة عمال يجيب مواقف وكلام مع ياسمين ووقف عقلة عند موقف لو كان هو جوزها فعلا وهى بترقص قدامة كان هيعمل ايه ؟؟؟ فضل فريد اكتر من ساعة سرحان ف الموقف دة لدرجة أنه وصل لحالة أنه كان نفسه يسمع صوت ياسمين ساعتها وبعدها ناااام
😴😴😴😴😴😴😴😴😴😴😴😴
فى الفندق
____
عمر : صباح الخير يا منى
منى : صباح النور
عمر : يا ساتر ايه مالك ع الصبح
منى : مفيش
عمر : لا بجد مالك
منى : 😔😔
عمر : انتى هتعيطى ولا ايه ، هو حصل حاجة 😳
منى : حاجة زى ايه
عمر : انا سايبك معاه امبارح حصل منه حاجة زعلتك
منى: 🙂🙂🙂
عمر : ما تتكلمى يا منى فى ايه
منى : هقولك بس شوية كدة عشان جاى اهو
سامح : good morning ههههه عاملين ايه
عمر : الحمدلله
منى : الحمدلله
سامح : مالك يا منى انتى تعبانة ولا ايه
منى : لالا مفيش حاجة
سامح : هتطلعى بريك امتى ولا هتاكلى بيتزا تانى هههههه
عمر : انا رايح اكمل شغلى وانتى يا منى خلصى ال فى ايدك عشان شيف حسن بيستعجلنا
منى : حاضر
سامح : هو انا مش قولتلك الواد دة لازق فيكى قبل كدة
منى : عمر دة شخص محترم جدا وانا بحبه
سامح : نعمم بتحبيه
منى : أيوة طبعا بحبه زى اخويا
سامح : اااة اخوكى بقى والجو الحمضان دة
منى : حمضان 😲
سامح: أيوة طبعا حمضان ، اخوكى هو اللى من امك وابوكى غير كدة دى شعارات خايبة
منى : ع العموم دة رأيك انت حر
سامح : لا ماهو انا مبحبش اشوف غلط واسكت ولما اقولك أنه غلط وتتعمدى تعمليه فطبيعى كدة اخد عنك صورة مش تمام
منى بصدمة : 😳 صورة مش تمام عنى انا !!!! عشان قولت انى بحب عمر زى اخويا !!! وانت لما تعامل بنات الفندق كلهم ضحك وهزار يبقى عادى مش كدة
سامح : ههههه راح الخجل واتفكت عقدة اللسان ههههه خليتك نطقتى بس قوليلى دى غيرة ولا ايه
منى باحراج : وانااا هغيير ليه وانا مالى ، انا بقارن بس بين موقفى ومواقفك عشان كلامك بيضايق
سامح وهو بيغمز: 😉 عندى استعداد اصالحك على فكرة
منى : تصالحنى
سامح: اة عشان مش حابب تزعلى منى ويهمنى انك تكونى مبسوطة على فكرة
منى بتوتر : انا مبقتش فاهمة حاجة
سامح : ايه رأيك عندك مانع نطلع بريك سوا
منى بفرحة وهى بتهز راسها بالموافقة : موافقة
سامح : ماشى هستناكى فى الكافتيريا عند تالت ترابيزة يمين ماشى
منى : ماشى
سامح وهو بيغمز: سلام دلوقتى وتيجى بسرعة
منى : هههه حاضر
________
منى ف لحظة نسيت ال حصل امبارح من سامح وبدأ قلبها يددددق اكتر وبقت كل شوية تبص فالساعة عشان تطلع البريك
عمر : منى قالك ايه خلاكى مبسوطة كدة
منى : لالا مفيش ، ثوانى بس عشان الحق اخلص شغلى لحسن جعانة جدا وعاوزة اطلع البريك بسرعة
عمر : طيب ماشى بس ع الأقل فى حاجة كنتى هتقوليها كانت مزعلاكى وهو جه قطع كلامنا
منى : لالا دة انا كنت هشتكيلك من ماما عشان كنت عاوزة أخرج امبارح وهى موافقتش
عمر باستغراب : 🤨 ماما !! ممم ماشى هروح اكمل شغلى
منى : خلاص ماشى
________
منى بدأت تحس انها لازم تقلل من وقفتها مع عمر لأن حست ان سامح بيضايق وخافت فعلا ياخد صورة مش حلوة عليها 😏
_______________
🚘🚘🚘🚘🚘🚘🚘🚘🚘🚘🚘🚘🚘
فريد : صباح الفل
ياسمين : هههه صباح الخير
فريد وهو بيشم ريحة ياسمين اول لما ركبت العربية وبنفس عميق: هيييييح يا روايحك
ياسمين : هههههههه ايه رأيك
فريد : يخبل ههههه
ياسمين : تفتكر عملتلك فطار ايه النهاردة
فريد : لا متهرجيش كفايه امبارح ،كدة انتى مش هتلاحقى
ياسمين : انا قولتلك بحب اعمل كدة وسيبنى براحتى ممكن
فريد : ماشى يا ستى هسيبك براحتك
ياسمين : بص هفطرك بأيدى وانت سايق عشان بصراحة مش عاملة حساب ايمن وخايفة يجى المكتب عندك واحنا بنفطر
فريد : هههه بذمتك مين كدة اللى بيدلع التانى انا ولا انتى
ياسمين بنظرة مغرية : احنا الاتنين ايه المشكلة
فريد بذبذبة: مش هعرف اسوق كدة هههه
ياسمين: خلاص اسكت يعنى
فريد : لا تسكتى ايه خلاص اتكلمى براحتك
ياسمين : لا هفطرك قبل ما نوصل
فريد : ماشى بس مش عاوز اتعبك
ياسمين : بص يا سلطانى عملتلك ايه .
فريد : انا شامم حاجة جامدة جدا
ياسمين : ايه رأيك بقى ، افتح بوقك
فريد : جامد اخر حاجه تسلم ايدك ولا اقولك خلى بالك على صوابعك بقى بدل ما هاكلها مع الساندوتش هههههه
ياسمين بنعومة: موافقة مدام هتكون معاك
فريد فاللحظة دى وقف بالعربية : ……..
ياسمين : فى ايه وقفت ليه
فريد بنظرة قوية : عندك مانع منروحش الشغل النهاردة ونقضية مع بعض
ياسمين : بس كدة هيقولوا غابت من تالت يوم
فريد : متقلقيش انا هظبط دة كلة وهقول انى بعتك تخلصى حاجات
ياسمين : ماشى يا سلطانى ومديرى العزيز ههههه
فريد : 😊😊😊😊
ياسمين : مالك بتبصلى كدة ليه هههه
فريد : انتى طلعتيلى منين
ياسمين : من الباب ههههه
فريد : هههههه طيب قوليلى تحبى الاماكن الهاديه ولا الزحمة
ياسمين : لالا مبحبش الزحمه خالص وبخاف منها خلينا فى مكان هادى عشان حاسه انى عاوزة اتكلم معاك كتير جدا ويارب اشبع لما اقعد معاك
فريد : انا كمان زيك
ياسمين بمكر : زيى ازاى مش فاهمة
فريد : هقولك لما نوصل
ياسمين : اتفقنا بس هكمل فطارك وانت سايق
فريد : ماشى ههههه
ياسمين وهى بتأكل فريد : استنا كدة همسحلك بوقك عشان الاكل
فريد : ههههه احلى دلع دة ولا ايه
ياسمين : يوووة المنديل مش لقياة همسحلك بأيدى وفضلت ياسمين تمشى على شفايف فريد بصوابعها براحة جدا وهو مش عارف يركز فالسواقة وعاوز يشوف ياسمين
ياسمين : اهو المنديل وقع منى
فريد : الحمدلله أنة وقع
ياسمين : هههههه
فريد : وصلنا المقطم ايه رأيك والجو غيوم وجميل
ياسمين : اممممم شكلك جيت هنا ف موعد غرامى قبل كدة
فريد : لا والله هههههه دى اول مرة اجى مع واحدة
ياسمين : هههههه خلاص صدقتك وصعبت عليا
فريد : تعالى نقعد هنا .
ياسمين : المكان حلو فعلا ومريح للاعصاب ، بس ايه دة هههههه
فريد : فى ايه
ياسمين : فريد الحق هناك بص 😳🙄
____________
لمتابعة رواية نبضات فى السحاب لاااااايك وكومنت عشان نعرف ياسمين بتتكلم على ايه وليه اتصدمت كدة ؟؟ ونعرف سامح عاوز منى فالبريك ليه ؟ وانتظروا الحلقة الجايه اولى مفاجأاااات سامح 😁
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية نبضات في السحاب)
