رواية احباء يجمعهم القدر الفصل الثالث والعشرون 23 بقلم لولا
رواية احباء يجمعهم القدر الجزء الثالث والعشرون
رواية احباء يجمعهم القدر البارت الثالث والعشرون
رواية احباء يجمعهم القدر الحلقة الثالثة والعشرون
لميس بضحك يعني انا صح فعلا ما باين ده بقينا بنعيط اهو يا زيزو وبنضعف وبنحضن ونحب ورجعت تاني لشخص غبي بنت بتحركه كنت لازم افهم من ساعه ما جات انها هي او من سااعه ماقولت انها مراتك اصل دي زي ماقولتلك كانت اخر حاجه ممكن اتخيلها ان تيجي البنت اللي تخلي معتز لا معتز ايه بقي معتز مالوش في الكلام ده ان تيجي البنت اللي تخلي فهد نبيل عبد الخالق العامري يوافق يتجوزها كده لايقه اكتر ومظبوطه انما معتز مش لايقه عليه خالص عن اذنكم بقي هروح اكلم دكتور طارق علشان يجي ودعي زوجك العزيز بقي يا لولا وطلعت وقفلت عليهم
ليلي فتحت عنيها بصدمه واكملت بوجع ودموع مين مين اللي فهد نبيل عبد الخالق مين هااا
فهد بدموع ليلي انا اسف بس مش وقته عتاب هنا ارجوكي لما نخرج اعملي االلي انتي عايزاه
ليلي بدموع وصراخ اييييه عتاااب اااعاتب مييين اصلا انت اتجننت ايه كلام لميس ده ازاي يعني ازااااي بتقولك انك رجعت فهد وازاي بتتكلم عن ظلم حبيبتك القديمه ليك ازاي هاا لالالا اكيد لا هو انت وسكت ثواني واكملت بوجع ودموع هو انت فهد ابن عمي انت اللي اتمنيت اشوفه او المحه بقالي 10 سنيييين واكملت بعصبيه ودموع لالالالا اكيد تشااابه اسماء انت مستحيييل تكون هو فاهم مستحيييل
فهد بدموع بعد عنيه عنها واكمل بوجع برغم خوفي الشديد من اللحظه دي بس خلاص معتش ليه لازمه اخبي وبصلها واكمل بدموع ووجع لا يا ليلي انا هو فهد حبيبك وابن عمك ولميس صح بتتكلم عن ظلمك ليا لما افتريتي عليا وقولتي انا حاولت اعتدي عليكي زمان
ليلي اتصدمت واكملت بعياط وصراخ فهدددد ميييين انت بتخرف تقول ايييه انت اتجنننت انت فهد طب ازااي هاا ازاااي لا قولي فهد مين اللي يعتدي علي بنااات بعدد شعر راسه ويضيع شرفهم وحياتهم فهد ازاي يحاول يعتدي علي ليلي اصلااا فهد ازاي يعامل ليلي المعامله دي لما شافها بعد غياب ويعمل القرف اللي انت كنت بتعلموا ده انت اخر حد انا ممكن افتكره فهد انا لو كنت اعرف ان حبيبي اللي بيزعل لزعلي وبيبكي لبكايا وبيفرح لفرحي واماني وحمايتي وانا بس اللي ماليه عينه وعمره مارفع عنيه لبنت غرييه اتبدل وبقي معتز الزباله المتاح للجميع وضيع شرف وحياه ناس كتير وظلمهم وجيه عليهم كنت اتمنيت لساااني يتقطع وايدي تتشل قبل ماتترفع وتدعي انها تشوفك يا حيوان وعياطها زاد واكملت فهدد اييه انت روح منك لله يا معتز ده انا اللي كان مصبرني علي القرف اللي انا فيه اني اشوف فهد واقابله واطلب منه يسامحني بس فهد حبيبي وابن عمي مش انت يا قذر انا مش قادره اصدق ان الوحيد اللي انا حبيته يطلع منه كل ده وضربته في صدره واكملت بعياط هستيري ووجع طب ازاااااي يا معتتززز ازاااي هونت عليك تخووووني وتكسرني كده ابقي انا رافضه اتجوز كل السنين دي ولما اتجوز ومكنتش اعرف انك انت حرمت نفسي علي اللي المفروض خلاص بقي جوزي لاجل حبك واني محسش اني خونتك وانت كل ييييوم تطعني وتخوني مع واحده شكل ده انا كنت بقول لماما سوسن انا خايفه يكون اتجوز واحده غيري مش هستحمل اشوفه في حضن غيييري او من حق غيري وضحكت بوجع واكملت بس ياريت كان كده علي الاقل كان هيبقي حلال وكنت هقول لنفسي حقه شاف حياته منتي ظلمتيه يا ليلي وبردو كنت هحس بسكينه في قلبي لقرب واحده غيري منك وزاد عياطها واكملت بس انت معملتش كده لا انت خونتني كل يوم في الحرام وكان عادي عجبك ونسيت وعدك لي ليلي وحبك لي ليلي علشان غلطه وانا صغيره ودي بقي حسستني انك غرزت قلبي بسكينه بس تلمه وحاسه بيها حته حته وهي بتقطع قلبي ليه تعمل فيااا كده ليه حرام عليك ده انا محبتش غيرك وحرمت نفسي عليك لما فكرتك غريب لاجل اللي حبيته قولت محدش غيرك يستاهل ليلي لانك الوحيد اللي حبيتها في الدنيا الوحيد اللي بنسبالها مصدر امان وفرح وحب وحنان بس انت الوحيد اللي كسرتها في الدنيا ومش هشوفك فهد ابدااا انت مش شبه بأي شكل من الاشكال وانا مش قادره اصدق و هتفضل في نظري معتز
فهد بدموع ووجع خلصتي يا ليلي ?
ليلي بعياط ووجع لاااا مخلصتش ومش هخلص انا جوااايا نااار انت مش هتحس بيهااا عارف ليه لانك الراجل وانا الست انت تغلط عادي انما انا اغلط لا يعني انا لو بقيت وحشه وعملت كده لاجل الفلوس مثلا انت كنت هتقبلني يا معتز ولا كنت هتقول دي رخيصه انت مش بعيد كنت تقتلني وتغسل العار
فهد بدموع مسك دراعها جامد واكمل ليلي احترمييي نفسك ايه الكلام الفارغ اللي بتقوليه ده اسكتي خالص انا الظروف كانت اقوي مني وبعترف اني غلطت
ليلي شدت ايديها منه جاامد واكملت بعياط ووجع ظروف !!? ظروف ايه اللي اقوي منك يا حبيبي يا سندي اللي تخليك تخلف وعدك ليا والخيانه مفيهاش راجل وست احنا مشاعرنا واحده وبنحس وبنتوجع واكتر منكم كمان وجعتك اوي كلمه اني لو انا اللي عملت كده طب منتا عملت فيا كده بس لا انت راجل فعادي بقي تجرحني وتيجي عليا وبصتله بعيون مليانه دموع واكملت انت عارف انا اتمنيتك قد ايه مش هتعرف لان انا نفسي ممكن اعجز عن العد عارف كنت بنام مقهوره في بعدك كام مره عارف شوفت ايه من غيرك انا كنت كل ماتعب اقول فينك يا فهد كنت احن حد واكتر واحد يهتم بيا ولما اعيط اتمني حضنك ولما اتخذل اتمني كلامك يرجع اللي بيقولي مهما الناس سابوكي وخذلوكي انا بحبك يا بنت عمي ومعاكي كنت فييين انت فكل ده كنت فييين وانا بعيط ومقهوره كل ليله وانا نفسي المحك كنت فين لما انا مبقاش ليا اهل واتيتمت وست غريبه خدتني وربتني كنت فين تحميني لما بتعرض للاذي طول الوقت كنت فين وانا حاسه اني مخذوله من كل الدنيا كنت فين لما تعبت وملقتكش في اي حاجه اقولك انا كنت فين كنت في المكان الزبااله ده وفي اوضه من الاوض مع بنت بتضيعلها حياتها وانت مبسوط وتطلع تيجي غيرها وهكذااا ابقي انا مقهوره من بعدك عني وانت بكل قساوه قلب تخوني ودمرت ثقتي فيك وخلتنني اقرف من حبي ليك اللي كنت شيفاه نعمه واقول حبيبي ده غير كل الناس حبيبي ده مختلف وليلي بس اللي تملي عنيه وكنت بشتمك وانت جوزي واقولك اصل فهد عمره مايعمل كده ومتقارنش نفسك بيه بس لالا انا غبيه وانت اثبتلي اني فعلا غبيه واخلاصي ليك كان زيااده اوي وانت متستاهلوش لا هو ولا حبي ليك ولا دموعي بتاعت كل ليله واكلمت بصراخ ودموع انما حبيبي اااه حبيبي مين حبيبي اللي حاول يعتدي عليااا علشان يشغلني ويخلي اللي يسوي وميسواش يلمسني وعادي واكملت بوووجع وعياط هستيري ااااااه ياااااارب اااااه بجددد اخر حاجه كنت اتخيلها انك تتطلع انت فهد وكمان طول الفتره دي مستغبيني وبتضحك عليا واتاريك مش بتتعصب لما بجيب سيره فهد بس لالالا اوعي تاخد مقلب في نفسك انا حبيت فهد ابن عمي ولسه بحبه بس مش معتز ولا حتي لو اتغيرت انا حبيت فهد القديم وهفضل عايشه علي ذكري القديم انما انت لا مش عايزاك ويارتني موت قبل مايتحقق اليوم اللي طلبته من ربنا كل يوم اني اشوفك تاني واطلب منك تسامحني ده انا اللي مش مسامحه قلبي انه لسه بيحبك ومسكت قميصه واكملت بعياط ووجع مصعبتش عليك مصعبتش عليك لما كنت بعيط كل ليله واقولك واحشني اوي مصعبتش عليك لما قولتلك رسمت صورته وهو صغير وقلبي 10 سنين مفطور عليه من الوجع ونفسه يلمحه انت ايه ياخي مبتحسش قلبك مات للدرجه دي انهي غلطه انا عملتها وانا صغيره تخليك الشخص الزباله ده قتلت ابن عمي وظهرت انت منين يا حيوان قتلت اللي حبيته لييه قتلت اللي شوفت منه الامان والطيبه والحنان والحب والاحترام ليييه قتلت كل دنيتي ليييه وعلشان ايييه علشان غلطه عملتها واانا طفله وظلمتك وكل اللي انت عملته ده مش ظلم ليااا????
فهد بعصبيه ودموع الغلطه اللي عملتهاااا طفله دي يمكن تبان في نظرك صغيره بس انا تعببببت اوي يا ليلي تعبببت حتي انتي مشوفتش منك خير وجيتي عليااا
ليلي بعياط ووجع هيكون اكتر من اللي انت عملتوا فياا وهي مش تبان صغيره هي فعلا صغيره
فهد بعصبيه ودموع صغيره ااه الصغيره دي انا بسببها اترميت انا واخويا في ااشاااارع 3 سنين وفارس بعد عن شروق حبيبته وجينا القاهره و باع ساعته وكل حاجه كانت غاليه معاه وانا كذلك علشان نلاقي بس اننا ناكل ولما لقينا شغل اشتغلنا في ورشه ميكانيكا وكنا بنام علي الارض فيها 3 سنين بقي صيف شتا مش فارقه علي الارض وبهدوم خفيفه واحنا هنموت من التعب والتلج بس استحملنا كنا بنسمع كلام من الاغني مننا يكسرنا زي انتوا صغيرين ايه الممرطه اللي انتوا فيها دي او خلي بالك وانت بتعمل العربيه توسخها بايدك وتقليل مننا طول الوقت مع ان الشغل مش عيب كنا يجي علينا عيد او رمضان او غيره احنا مش بنطلع من المحل لان لا معانا لبس ولا هنقدر نشتري اكل ونفرح زي الناس وصاحب المحل كان مورينا الذل علشان بنام في المحل عنده وقالنا ندور علي بيت يعني حتي الارض اللي كنا بنام عليها عايز يمشينا منها ويقولنا شوفوا مكان تاني ساعتها قولت لفارس ملهاش حل غير هنفضل في الشارع بس يوميها ربنا جبر بخاطرنا وشوفنا بنت اسمها تولين ابوها رجل اعمال كان حد بيحاول يخطفها انقذناها وابوها صمم يساعدنا ولان بنته بتسافر قعدنا في بيته وكملنا اخر سنه تعليم واشتغلنا معاه علطول في شركته وهوب فارس قرر يرجع الصعيد علشان شروق وانا قولتله اجي معاك روحنا اتقالنا ان البيت وقع اليوم اللي محمد طرد عيال اخوه فيه فكرتك موتي ومنزلتش دمعه عليكي قلبي اتكسر وسمعت صوت تكسيره حسيت بوجع عمري ماحسيته وشوفت الدنيا كلها سودا واكمل بوجع وصراخ يعني مش كفايه شوفت ذل انا واخويا بسببك وبسبب غلطه غبيه منك وحقيقي كنت موجوع لفارس اكتر مني لانه مكنش ليه ذمب في حبي ليكي علشان ابعده عن حبيبته واشرده معايا وياريتها كده وبس لا كمان ابوكي حرمني من امي وابويا وخلاني اتيتم وفكرتك موتي وكرهتك وكرهت صنف البنات كله بقيت شايفكم تعابين متتحبوش ساعتها مشيت ضعيف من جوايا وجيت هنا وسكرت ولميس اللي شافتني وخلتني غلطت معاها لاني كنت سكران ولما فوقت طلبت مني افضل معاهم واني طلما بكره اابنات اوي كده اذيهم وانا بكل قساوه قلب وافقت وبقيت شخص غير سوي نفسيا بيفرح لاذي غيره ومرتاح كده وقلبه جامد وبيشوف ناس بتتقتل قدامه علشان حاولت تكشف اسرار المكان او تهرب ومش بيتهز بقول يستاهلوا كنت بعمل اللي مبيتعملش وكلي قساوه بس لحد ماظهرتي انتي وعرفت انك مموتيش لقيت الدموع والخوف عرفولي طريق بعد ماكنت نسيتهم 10 سنين وبقيت جامد وبدوس علي كل اللي يقابلني بس لما انتي ظهرتي ضعفت وخوفت ومع ذلك اتحديتهم كلهم علشانك وادينا في خطر اهو وكل ده وجايه تقوليلي غلطه صغيره هي بدات صغيره انما وراها معاناه وتعب كبيررر اوي يا ليلي
ليلي بعياط ووجع معاك انك شوفت كتير وعمري ماتخيلت انك انت وفارس هتفضلوا في الشارع 3 سنين بس ده يديك الحق تخوني وتبقي كده ده مبرر
فهد بدموع ووجع مش مبرر وانا مكسوف من نفسي اني.عملت كل ده بس انتي السبب يا ليلي ان اكتر واحده حبيتها في الدنيا تظلمني وتعمل فيا كده واشوف كل ده بسبها دي مش سهله ابداا
ليلي بعصبيه ودموع انا خوووفت عليك خوفت بابا يموتك انت ليه مش عايز تفهم انه كان يقدر يعملها عااادي
فهد بعصبيه ودموع تقومي تخليه يطردني انا وفارس وصح يعملها اللي خلاه يتمنا انا واخويا وموتلي اغلي ناس في حياتي وحرمني منهم مش هيموتني انا وتيجي تقوليلي بقيت قاااسي منين يا فهد حبيبتي تظلمني عمي يقتل امي وابويا اترمي في الشارع انا واخويا ويتعاقب معايا بسبب حبي ليكي ويبعد عن شروق الوحيده اللي حبها و بيني وبين نفسي شيلت ذمبه وكنت لما بشوفه مشتقلها بتوجع لاني السبب علشان حبيتك وبعد كل ده اعيش في ااشوارع واتهان واجوع وملاقيش اكل واعطش ملاقيش اشرب وانام علي الارض في عز ااتلج ومن غير غطا والمطر يدخل يغرقناا عااادي عااادي كله عااادي المفروض ان مبقااااش قاسي بعد كل ده المفروض اني اعيش طبيعي كانه محصلش حاجه انا شوفت ايام يا ليلي لو حد عاشها هيبكي كل دقيقه فا لييه بقي لييه مختارش راحتي ولميس جاتلي في وقت انا ضعيف فيه والشيطان اتمكن من عقلي غلطت اه غلطت بس بحاول اصلح غلطي انما انتي كل شويه تيجي تفكريني بغلطي وقرفي منا علشانك ههدد المعبد علي اللي فيييييه ومش هيفرق معاايا حد مع انك اكبر الاسباب للي انا فيه يا ليلي. بس مجرد ماشوفتك عرفت اني مقدرتش اكرهك انا بس كنت بطلع غضبي منك في ناس ملهاش ذمب وزي منتي اتوجعتي يا ليلي دموعه زادت واكمل انا بردو اتوجعت لما فكرتك موتي وسبتيني وانتي ظلماني ولما شوفتك معرفتش اخدك في حضني واقولك هو انتي بجد عايشه ولما حتي حققت حلمي واتجوزتك معرفتش اقربلك واكون معاكي لما بشوفك بتعيطي وماسكه اسمي. ببقي هموت واحضنك واقولك انا اهو يا ليلي كفياكي عياط يا حبيبتي انا جيت وربنا سمعك بس خوفت خوفت من النظره اللي شايفها في عنيكي دلوقتي االي كلها لوم وعتاب ووجع وراح الحب والاشتياق بس لو هنتكلم عن مين تعب اكتر فانا اللي تعبت اكتر بكتير ومع ذلك بحاول اكون الشخص اللي يرضيكي
ليلي بعياط ووجع اعمل ايه دلوقتي هاا قولي اعمل ايه اخدك في حضني واقولك واحشتني اوي يا حبيبي واخيرا ربنا جمعني بيك بعد سنييين تعب وحلم اني اشوفك ولا اضربك واقولك بسبب غبائك بقينا هنا والله واعلم هيحصل فينا اييه انا جوايا وجع مش هتتخيله انا فعلا مش عارفه اعمل ايه بس انا تعبانه اوي يا معتز تعبااانه اوي ومش قادره استوعب او اصدق انك هو انا محبتكش كده ولا انت كده عارفه اللي مريت بيه مش سهل خالص ويمكن حقيقي انا السبب بس مكنتش اتمني ابدا يحصل ولا اقصد كده كده ولا كنت اعرف ان ابويا وحش لدرجه يحرمك من اهلك او يطردك انا نفذت من خوفي عليك بس ولا كان قصدي ابقي سبب ان فارس اخويا يبعد عن حبيبته ولا كان قصدي اخليك قاسي انا بس حبيتك زي منتا حبيت فهد واتمنيت يرجعلي فهد هو هو بكل حاجه فيه متخيلتش ان اللقاء هيكون صعب كده متخيلتش اني هقف محتاره اترمي في حضنك ولا اقولك مش مسمحاك علي كل اللي احنا فيه وعلي خيانتك ليا لاني فكل مره كنت بتخيل اني شوفتك فيها مش بتخيل غير دموع الفرح واني اترمي في حضنك انما الموقف اللي انا فيه حاليا اصعب من ما تخيلت ولا عمري كنت هوصل بدماغي لكده ان فهد حبيبي واخيرا واقف قدامي اهو وانا محتاره مش عارفه اتصرف ازاي موجوعه وجع مش هتتخيله وحاسه بنار في قلبي مش راضيه تهدي يا معتز
فهد بدموع معتز بردو
ليلي بصراخ وعياط غصب عني انا مش قادره اشوفك غير معتز انما حبيبي عياطها زاد واكملت مش قادره اصدقها وحاسه ان روحي بتتطلع وقلبي هيقف من الوجع ومش هقدر انسي خيانتك ليا بسهوله حتي لو فعلا حياتك كانت صعبه ولا هقدر انسي انك حاولت تعتدي عليا ولا انك استغبتني طول الفتره دي يا معتز
فهد بوجع ودموع مع انك اكبر الاسباب فإني بقيت زباله كده يا ليلي بس انا نسيت كل حاجه ومش عايز غير اني احضنك دلوقتي علشان انا بجد تعبت اوي ومحتاجك
ليلي بعياط ووجع للاسف واحشتني و اوووي كمان وجريت حضنته واتعلقت في رقبته وهي بتعيط بكل طاقتها وهو حاضنها جامد وبيعيط علي عياطها
فهد بدموع ااااه يا ليلي اااه اول مره احس اني ارتاحت بعد كل السنين دي حضنك كان وهيفضل المكان الوحيد اللي انا برتاح فيه
ليلي بعياط وهي بتحضنه اكتر واحشتني اوي يا حبيبي واحشتني اويي تعبت من غيرك اوي يا حبيبي سامحني علي ظلمي ليك وانا هحاول انسي القرف اللي انتي عشته بعدي ده مع انك قولتلي متعقابنيش علي ماضيا قبلك يا ليلي دلوقتي ايه بقي بعدي وده اللي قاهر قلبي
فهد مسح دموعها وباس جبينها واكمل بدموع حقك عليا يا ليلي حقك عليا والله انا اتغيرت علشانك ومبقتش زي زمان خالص ورفع عنيها لعنيه بحب ودموع واكمل عنيا ومن زمان عمرها ماكدبت عليكي يا ليلي
ليلي بدموع وهي باصه في عنيه اكملت كده الصوره وضحت كل الحب ده لانك فهد حبيت عنيك واتشديت ليك لانك حبيبي يعني تخيل ببقي هموت واشوفك واحضنك وانت قدامي وزاد عياطها واكملت ياربيي علي ده وجع ياربيي بجدد انا تعبت اوي
فهد حضنها واكمل بدموع والله انتي نورعين حبيبك يا ليلي وعلشانك هعمل اي حاجه اخيراااا يا ليلي اخيراا سمعت الكلمه دي
منك
ليلي بدموع ووجع وهي في حضنه حقيقي واحشتني وواحشني حضنك وحنانك وكل حاجه. كانت فيك يا حبيبي تعبت من اشتياقي ليك ومتخيلتش اني لما اعرف هعرف كده بجد ليه مقولتليش من بدري مكنتش بصعب عليك
فهد بدموع ده انا كنت بموت اكتر منك الف مره لانك قدامي ومش عارف اتكلم واخدك في حضني واقولك انا هو بس خوفت يا ليلي خوفت تكرهيني وانا مش هستحمل كرهك ليا ووعد من حبيبك هتخرجي من هنا وهرجعلك فهد حبيبك بكل حاجه فيه
ليلي بوجع بدموع ياريت توفي المره دي لاني فعلا مش عارفه اشوفك غير معتز
فهد مسح دموعها واكمل بحب وهو بيقرب من وشها هوفي والله هوفي
ليلي افتكرت لميس فتوترت واكملت بدموع انت هتعمل ايه مع لميس دلوقتي لميس هتيجي تاخدني وتوديني للدكتور
فهد بوجع ودموع نفخ واكمل مش عاارف بس مش هسمحله يلمسك مهما حصل وبص في عنيها واكمل بحب هو مش انا فهد حبيبك
ليلي بدموع لا مش هو لسه لما تثبتلي انك رجعت هو
فهد بحب وهو بيقرب من وشها اكمل هثبتلك بس نطلع من هنا اهم حاجه وقرب باسها بحب وليلي اتصدمت وحاولت تبعده براحه بس بعدين سكتت وحطت ايديها علي رقبته وقربت منه اكتر وبمجرد مافهد حط ايديه علي ضهرها وشدها ليه اكتر ومسك سوسته االفستان ليلي فاقت وبعدت عنه واكملت بتوتر انت اتجننت بتعمل ايه
فهد شد وسطها ليه واكمل بحب وهو بيبوس رقبتها بعمل اللي المفروض يتعمل علشان متروحيش لجمال
ليلي بخوف ودموع انت اتجننت صح انا مستحيل اوفق اصلا خلاص ضاقت بيك الدنيااا هنااا
فهد وهو بيقربها منه اكتر اكمل بحب ليلي اسمعيني ده اسلم حل علشان نعطلهم شويه لحد منا اتصرف واخرجك من هنا وبعدين انا جوزك وحبيبك يعني كده وعدك لنفسك ان محدش هيقربلك غير فهد مش هينزل الارض
ليلي بدموع لا طبعا افرض حد جيه
فهد لو سمعت صوت حد جيه هسيبك
ليلي بدموع لالا بطل جنان انا عارفه ان مشاعرك اللي بتحركك ليا دلوقتي علشان كده مش بتفكر بعقلك خالص مش هينفع لااا طبعا
فهد نفخ بضيق واكمل طب يا حبيبتي الكشف هنعمل فيه اي لو ملحقتكيش وكشف انا مش هسمح لجمال يلمسك لو اطبقت السما علي الارض حتي لو التمن حياتي وهموته بايدي لو فكر يقربلك بس دلوقتي ايه الحل علشان اعطلهم شويه
ليلي بحده تقوم تكمل جوازنا هنا انت اتجننت
فهد بحده ما لو انتي عاملتيني من الاول زي الناس ووافقتي نكمل جوازنا مكنش ده كله حصل
ليلي بحده ودموع موافقتش ومش هوافق غير لما اتاكد انك رجعت فهد ونرتاح من كل القررف ده
فهد حضنها واكمل بدموع خلاص يا ليلي اهدي انا حقيقي تعبت بجد ومش عارف هعمل ايه
وسمعوا صوت فتح الباب فا ليلي مسكت ف فهد جامد
لميس بضحك معلش قطعنا اللحظه بس يلا يا عمري دكتورك جيه
ليلي بدموع وخوف مسكت في فهد واكملت بعياط معتز متخليهاش تاخدني ارجوك
فهد بدموع اهدي اهدي متخافيش ولله ماحد هيلمسك مهما حصل
ليلي وقفت وراه وحاوطت بطنه بايديها وغمضت عنيها وفضلت تعيط وهي خايفه
لميس بضحك سيبها احسنلك علشان سواء بمزاجك او غصب هتسيبها
َفهد بحده ده عند امك الكلام ده انا مش هسيب مراتي لحد عايزاها تقتليني قبلها
لميس بحزن انا مش هقتلك ولا هخلي جمال يقتلك انا بحبك وانت عارف بس انت اللي عملت كل ده في نفسك
ليلي بحده بتحبي مين يابنت الجزمه انتي بتحبي جوزي وبتقوليها قدامي يا حيوانه
فهد كتم ضحكه بلعافيه واكمل ليلي مكانك ورايا زي مانتي مش وقته يا حبيبتي
ليلي ماشي حاضر ورجعت حضنته من ضهره ووقفت وراه
لميس بعصبيه انا هوريكي بنت الجزمه دي هتعمل ايه ده اما خليتك تقولي حقي برقبتي مبقاش انا لميس خدوها
فهد بعصبيه اقسم بالله اللي هيهوب ناحيتها هكسر ايديه ومش هيهمني عايزينها يبقي انا اموت الاول
لميس بضحك بلاش انفعال ياروحي هناخدها يعني هناخدها فوفر طاقتك لحاجه تفيد
حازم اطلعي انتي اقفي برا يا لميس هانم علشان محدش يخبطك وهنجيبها وجايين
لميس بضحك تمام
فهد بعصبيه ابعد يا كلب يا زبااااله منك ليه
ليلي بعياط معتز ارجوك متخليهوش ياخدني
فهد بدموع ليلي انتي عبيطه انا مستحيل اعمل كده
حازم قرب منه فاكمل فهد بعصبيه ابعد يا زبااله بقولك ابعد
حازم همس بصوت منخفض جدااا سيبها يا باشا ووعد مني محدش هيقربلها بس عدي الدنيا دلوقتي
فهد بنفس الهمس وبحده اكمل قسما بالله لو جمال لمسها هخربها عليكم نفر نفر ومش هيكفيني قصاد مراتي رقبتكم كلكم
حازم بنفس الهمس متقلقش ده انا لحم كتافي من خيرك اكيد مش لما اجي اعض هعض الايد اللي اتمدتلي انت جمايلك عليا كتير سيب ليلي هانم ووعد مني هخليها تطول عند طارق لحد ما اتصرف واخرجك من هنا ومش هخلي طارق يكشف عليها بردو بس رسيني علي الدور هي ايه دنيتها
فهد بنفس الهمس ليلي زي ماهي انا مقربتلهاش يا حازم وانا هسيبها بس قسما بالله لو
حازم بمقاطعه عيب عليك الكلام ده قولتلك انا رقبتي فداك انت والهانم ومش معني اني شغاال هنا يبقي انا مش من رجالتك لا طبعا انا معاك
فهد تسلم يارب
حازم رجع يوضح صوته واكمل لي ليلي يلا يا هانم وبيشدها
ليلي اتصدمت واكملت بعياط يلا فين انت هتخليه ياخدني يا معتز
فهد بدموع ممكن متخافيش وبلاش دموعك دي
ليلي مسكت فيه اكتر واكملت بعياط لالا انت اكيد اتجننت انا مراتك عادي كده ترميني ليهم
حازم شدها منه جامد وهي بتصرخ وفهد قلبه واجعه علي منظرها
ليلي بعياط وهي طالعه مع حازم اكملت يا حيوان هتسيبهم ياخدوني عادي كده ياخدوا مراتك يا معتز الحقني يااا معتز متخليهمش ياخدوني شوفت انك زباله شوفت انك مستحيل تكون فهدد
وخرجوا وقفل عليه الباب
فهد بدموع ووجع غصب عني يا ليلي والله غصب عني يارب احميها وبلاش عقابك ليا يكون في ليلي يارب ارجوك وفضل يطلب ربنا بحراره بدموع من قلبه انه يسمعه ويحميها ويخرجهم من هنا
————————————
برا المخزن
لميس بضحك مش قولتلك هاخدك بردو ادي روميو سابك يا جوليت
ليلي فضلت تعيط وهي مش مصدقه انه سابها كده ليهم واكملت بحده ودموع علي الاقل انا الوحيده اللي اتجوزني وبيتمنالي الرضا ارضا مش انتي بنت من البنات بتوع الليله وخلاص ملكيش قيمه عنده زيك زي غيرك وانتي بلذات كلك رخص انما انا حبيبت عمره
لميس بحده ماشي يا بنت الكلب اما خليتك هنا للي يسوي وميسواس يظبطك مبقاش انا لميس بس بعد جمال بيه
حازم هدخلها وطالعلك يا لميس هانم
لميس بحده غورها انا مفهماه يعمل ايه
في اوضه الدكتور
حازم دخل مع ليلي
حازم بتحذير ايااك تكشف عليها متقربلهاش وبعد شويه تبعت لي لميس قولها طلعت مدام لاكتر ولا اقل
طارق بضحك ليه هي تخصك يا زوما ولا ايه بس باين عليها محتشمه ومحترمه من امتي بتجيبوا ناس كده انتوا
حازم بحده انا قولت اللي عندي وخلاص اياك ميتنفذش وبص لي ليلي واكمل متخافيش يا هانم مش هخلي حد يقربلك
ليلي بخوف ت تمام
————————————
في فيلا العامري وتحديدا اوضه شروق وفارس
فارس قاعد علي السرير وسرحان وباين عليه انه مضايق اوي
شروق خرجت من الحمام وهي لابسه البورنص وبتنشف شعرها فاكملت بستغراب مالك يا حبيبي
فارس بحزن مش عارف بس قلبي مقبوض وحاسس اني عايز اعيط ومش فاهم سبب واضح لده وحاسس بحاجه و يا خوفي تبقي صح
شروق بستغراب راحت قعدت قدامه واكملت بقلق ايه ده ليه منتا كنت كويس في ايه
فارس بحزن مش عارف يا شروق بس انا مش مطمن
شروق طبطب علي ايديه واكملت اهدي يا حبيبي علشان خاطري طب انت صليت
فارس بحزن اااه صليت بس حاسس في حاجه بردو انا حاسس ان فهد مش كويس اول مره احس اني خايف عليه ونفسي اشوفه كده بقالي كتير انا الاحساس ده مش بيجيلي غير لما فعلا يكون في مصيبه
شروق حضنته واكملت حبيبي ممكن تهدي فهد مع ليلي والمفروض ان حياتهم هتتغير بعد القاعده دي بعدين انت شوفته من شويه حصل ايه
فارس بدموع اخويا مش كويس يا شروق انا حاسس انه تعبان او مخنوق انا من زمان وانا لو حسيت بكده بيبقي فعلا معاه حاجه
شروق بخوف فارس انت بتعيط اهدي يا حبيبي ممكن يكون كل ده متيهألك
فارس بدموع لالا فهد مش كويس انا واثق ومتاكد من ده بس فينه معرفش انا هنزل اشوفه في بيته
شروق بقلق حبيبي اهدي وممكن يكون دي مشكله مع ليلي عادي كلمه بلفون مينفعش تروح لازم يكونوا لوحدهم شويه
فارس وهو بيمسك فونه اكمل بدموع لاا الموضوع اكبر من ليلي انا مش مطمن انا حاسس ان اخويا مش بخير
وجرب يرن عليه لقاه مقفول
فارس بدموع شوفتي من امتي بقي وفهد بيقفل فونه اصلا
شروق بخوف فارس متوترنيش هيكون ماله يعني
فارس وهو بيقوم اكمل معرفش بس لازم اشوفه بعيني فينه واطمن قلبي انه بخير غير كده مش هتغمضلي عين انهارده انا عمري ماحسيت بيه غلط ده تؤامي وابني وصاحبي وملوش غيري لو حصله حاجه انا هموت وراه
شروق بدموع بعد الشر عليكم متقولش كده يا فارس باذن الله خير
فارس وهو بيزرر القميص اكمل بخوف يارب انا هدور عليه نامي انتي علشان لو اتاخرت
شروق بدموع لا طبعا هستناك طمني كل شويه يا فارس الله يخليك
فارس حاضر يا حبيبتي ونزل
في الصالون
نفين بستغراب علي فين يا فارس
فارس وهو بيجري اكمل بعدين يا داده بعدين
ومشي
تولين بخوف في ايه يا شروق
شروق بدموع بيقول ان فهد مش بخير وكان بيعيط من كتر الخوف كمان
تولين بقلق طب هو قالك انه حاسس بكده يعني
شروق بدموع اه
نفين بخوف استر يارب جيب العواقب سليمه يارب واحميهم هما الاتنين
شروق بدموع هو فعلا بيحس بيه علطول
نفين قعدت واكملت بدموع اه علطول وبتبقي كلها مصايب بينجده منها ربنا معاك يا فارس يابني ويحميك انت وفهد ويرجعكم ليا بلسلامه
تولين بدموع انا خايفه اوي يا داده يحصلهم حاجه انا مليش غيرهم
شروق بدموع لالالا بعد الشر باذن الله مش هيحصل حاجه بلاش نقول كده تفائلو بلخير تجدوا
نفين بدموع يارب يكون حاجه بسيطه يارب انا هقوم اصلي وادعيلهم ربنا يجبهم بألف خير
شروق بدموع خديني معاكي
تولين بدموع وانا يلا
وراحوا يصلوا سوا
———————————–
في عربيه فارس
فارس الو يا عمر
عمر ايه حبيبي اؤمرني
فارس الامر لله هو بس طلب صغير تعرفلي فين فهد انا مش مطمن يا عمر فهد مش كويس وانت عارف من زمان اني لما مبطمنش ببقي صح انا هروح بيته وانت اوصل لاي حد من رجالته واعرفلي اي معلومه واللي يوصل لحل يعرف التاني
عمر بقلق انا هلبس وهنزل حالا وعنيا هكلم واحد من هناك وهقولك
فارس ماشي يا عمر هتعبك
عمر ولا تعب ولا حاجه انتوا اخواتي الكبار واحنا عشره
فارس تسلم يا غاالي
عمر يلا باي
فارس باي
ووصل فارس تحت بيت فهد وطلع
في الشقه
فارس دخل لقي التربيزه مكسوره وحاجات مرميه علي الارض والشقه مفتوحه اصلا فهم ان في حد هو اللي عمل كده واتاكد ان خوفه صح ودور فكل الشقه عليهم ملقيش اي اثر
فارس بدموع ياتارا انت فين يا فهد كان احساسي صح انت كده مش بخير وقفل باب الشقه ونزل جري علي عربيته
في العربيه فونه رن
عمر بخوف انا عرفت يا فارس
فارس بتوتر اخلص فين
عمر بحزن للاسف لميس كشفته وخطفت ليلي وهو راحلها وحاليا حاجزه ليلي مستنيه تكشف ولو طلعت انسه هيطلعوها لجمال الدمنهوري لو لا يبقي هتشتغل مع البنات وسمعت ان جمال عايز يقتل فهد كمان
فارس بوجع ودموع ايييه ده ايييه كل الاخبار دي ياانهار اسود ومنيل انا في المقطم بعيد جدااا بس هروحله انا مستحيل اخليه يقتل اخويا او حد يقرب لبنت عمي ده انا اوديه في ستين دااهيه
عمر بقلق انا رايح اهو بس مش هعرف اتصرف لوحدي
فارس بحده ودموع روح واستناني يا عمر متعملش اي حاجه
عمر حاضر باي
فارس باي واكمل بعصبيه ودموع وهو بيضرب الدريكسيون ياااما حذرتك اديك في خطر ومراتك في خطر يارب يارب احميه هو وليلي يارب ومحدش يأذيهم ارجوك يارب ملناش غيرك يارب
وزود سرعته
———————————–
في المخزن
ساره بخوف ياتارا حصل ايه
جودي بتوتر مش عارفه ولا عرفنا اي حاجه وفاجاه لقيت الباب بيتفتح
حازم تعالي يا ساره
ساره بخوف ايه عايز ايه
حازم همس معتز بيه عايزك
ساره بجد معتز عايزني خلاص جايه معاك يلا
حازم همس هشش صوتك وطيه يخربيتك
يارا بتوتر ابقي طمنينا
ساره حاضر
وطلعت
في المخزن عند فهد
ساره بدموع انت كويس يا معتز عملوا فيك ايه الحيوانات دول وكمان ليلي فين يا معتز
فهد بدموع مفيش وقت يا ساره اسمعيني ليلي عند الدكتور و
ساره بشهقه اييه ازاي سبتها تروح للدكتور وانت لسه مقربلتهاش لدلوقتي كده هتتطلع لجمال
فهد بدموع هي قاالتلك عموما مفيش وقت انا دلوقتي حازم هيطلعني روحي انتي عند ليلي علشان تساعديها تحسبا لو الكلب طارق جيه يفتح بوقه ويقول لي لميس تيجي تاخدها لان حازم قاله يقول للميس انها مدام عموما ده ميضمنش فوقفيه وانا هولع في الفندق ابتدأ من هنا من المخازن وواحده واحده هيولع كله في الوقت ده هفتح للبنات وهجيب اللي عايزه من خزنتي وهاخدك انتي وليلي
ساره بخوف يانهار اسود انت متاكد من اللي هتعملوا ده
فهد اااه متاكد يلا مفيش وقت روحي انتي عند ليلي واياااكي طارق يكشف عليها او حد يعرف انها انسه
ساره بخوف حاضر حاضر وطلعت تتسحب لحد ماوصلت الاوضه ودخلت بسرعه
ليلي بعياط يا حيوان ابعد بقوولك
ساره بعصبيه انت بتهبب ايه يا طارق
طارق بضحك هو انا لسه عملتلها حاجه منتي شيفاها واقفه فوق السرير اهي مش راضيه تنزل وتخليني اكشف عليها وانا كده هتضر في شغلي
ليلي بعياط هو مش الجارد قالك متكشفش عليا يا حيوان
ساره شدت ايديها ووقفتها وراها واكملت بعصبيه انت عارف مين دي اللي انت عايز تشكف عليها وتشوف بنت بنوت ولالا
طارق بضحك مين يعني
ساره بعصبيه دي مدام ليلي معتز العامري يا غبي ولو معتز عرف انك كنت عايز تكشف علي مراته شوف هيعمل فيك ايه
طارق بخوف ايه مرات معتز لا انا والله اصلا ماجيت جمبها اديكي جيتي شوفتيها فوق السرير اهو وبعدين معتز يتجوز حاجه غريبه اوي الصراحه
ساره بدموع اديه اتجوز وعقل وبيحب مراته اكتر من اي حاجه وقلب كل اللعبه علشانها فاحترم نفسك كده وابعد عنها احسنلك
ليلي بعياط ساره انا عايزه امشي ارجوكي
ساره لفتلها واكملت بدموع هتمشي جوزك جاي وهيمشيكي من هنا وهيحقق وعده معاكي ومعانا كلنا عارفه يا ليلي مفيش بنت جات الفندق ده غير وحبت معتز من قلبها بس هو فعلا مكنش بيتهز ل ولا واحده فينا معتبرنا زينا زي غيرنا شغل وبس انما انتي الوحيده اللي حبك وعمل علشانك كل ده وحكالي وهو بيبكي وموجوع عنك كفايه يا ليلي عقاب سامحيه ده علشانك رجع تاني فهد اللي محدش فينا كان يعرف عن شخصيته اي حاجه غير لما ظهرتي انتي بدلتيه وغيرتيه وخليتي الشيطان ملاك من واحد قاسي جامد صلب حاد لواحد طيب وحنين وبيحب وبيعيط علشان حبيبته يمكن غلط بس انتي بردو غلطي كفايه متظليمهوش يا ليلي
ليلي بوجع ودموع انا محبتش غيره يا ساره بس غصب عني بجد انا لقيت الشخص اللي انا حبيته اتبدل بقي واحد معرفوش
ساره واحنا لقينا الشخص اللي عرفناه وعشرناه كل السنين دي اتبدل وبقي واحد منعرفهوش لان فهد مش شبه معتز بأي شكل من الاشكال بس هو اختار يرجع فهد ويحارب دول كلهم ويخاطر بحياته لاجلك جمال ناوي يقتله يا ليلي
ليلي بعياط وصدمه ايه يقتله وديني ليه يا ساره يلا يقتل مين ورايحه تفتح الباب
ساره بعصبيه اهدي يا مجنونه مينفعش تخرجي معتز قالي افضل بيكي هنا لحد مايتصرف ويجي ياخدنا متستعبيطش وتعرضيه وتعرضي نفسك لخطر اكبر
ليلي فضلت تعيط واكملت انا خايفه اوي يا ساره خايفه يحصله حاجه انا ماصدقت حبيبي رجعلي مش عايزه اتحرم منه تاني كفااايه وجع بقي انا لو حصله حاجه هموت وراه بجد
ساره حضنتها واكلمت بدموع اهدي باذن الله خير
———————————–
في المخزن
فهد خرج وطلع بسرعه مكتبه من غير ما حد ياخد باله ودخل فتح الخزنه وخد الفلاشات المهمه واي حاجه مهمه عاوزها وقفل الخزنه ونزل تاني بسرعه
حازم ها تمام
فهد اه يلا ومسكوا جراكن البنزين ودلقوها كلهاا وحرفيا اامكان بقي غرقان فكل حته بنزين
وراح فهد فتح مخزن البنات
يارا بخوف معتز الله يخليك مشينا من هنا
فهد هشش اهدوا هطلعكم دلوقتي جري علي برا ومع بعض في اي تاكسي وعرفوني هتروحوا فين بعدين تمام وادي رقمي في الكرت ده
جودي خدته واكملت بفرح بجد يعني خلاص هنمشي من هنا
فهد بابتسامه اه هتمشوا كفياكم ذل وتعب بقي وسامحوني كلكم
دنيا بدموع كلنا عارفين انك اتغيرت ومسامحينك بس يلا والنبي نفسي نطلع اوي
تاليا بدموع مسامحينك بس نطلع
ملك بدموع ده الواحد فعلا بدا يحلم بحياته برا
فهد هطلعكم والله يلا لما ااقولكم اتحركوا اتحركوا
البنات تمام
وطلع رمي الولاعه وابتدا الدور الارضي من الفندق يولع
فهد بصوت عاالي يلا كلكم علي برااا
وفعلا البنات كلها طلعت تجري
عند جمال
جمال ايه الوش ده يا لميس
لميس بستغراب مش عارفه يا جمال بيه
جمال بحده روحي شوفي بسرعه وطلعيلي ليلي
لميس حاضر
ونزلت تشوف
في عياده الدكتور
الباب اتكسر ودخل منه فهد
ليلي عيطت وجريت حضنته
فهد باس راسها واكمل بس بس اهدي انتي بخير يا حبيبتي
ليلي بعياط اه بخير طلعني ارجوك
فهد بخوف اه يلا انا ولعت في الفندق
طارق بخوف يخربيتك ولعت في ايه اوعي كده وزقه وطلع جري
ساره بخوف يلا يا معتز لو النار جات عند الكهربا هيعمل ماس ويولع كله مره واحده
ليلي بعياط الله يخربيتك انت ناوي علي موتنا انهارده
فهد بحده يلا مش وقت ندب
وخدهم وجري بيهم
عند جمال
لميس بخوف جمال بيه جمال بيه الفندق بيولع لازم نمشي حااالا
جمال بصدمه وغضب ايييه ازاي يعني
لميس بخوف يلا مفيش وقت ومفيش غيره هو معتز اكيد اللي عمل كده
جمال بعصبيه ده انا هشرب من دمه الكلب الزباله ازاااي يتجرأ هندمه كويس اوي يلااا يا لميس
وبص لرجالته واكمل معتز واللي معاه يضربوا بلنار ويموتوا حااالا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
