رواية قضيه رأي عام الفصل الثاني عشر 12 بقلم بسملة حسن
رواية قضيه رأي عام الجزء الثاني عشر
رواية قضيه رأي عام البارت الثاني عشر
رواية قضيه رأي عام الحلقة الثانية عشر
عند احمد ونيره
كانوا اهل نيره ووالده احمد عندهم..
قامت نيره عشان تجيب عصير وجاتوه ف راحت اختها معاها
سلمى:نيره
نيره:نعم
سلمى:عملتى اى قولتيله حاجه ؟
نيره:قولتله انى متجوزاه غصب عنى وان بابا ضحك عليه وقاله انى موافقه وانا مكنتش موافقه
دخل ابوها عليهم وهو متعصب على اخره بعد ما سمع كلامها وكان داخل التواليت ضر*بها بالقلم ف صرخت بقوه
جرى احمد يشوف فى اى لقاها بتعيط..جه ابوها يشدها عشان يكمل ض*رب فيها لكن احمد خباها وراه
احمد:عمى فى اى استهدى بالله
والد نيره بغضب:قليله الادب ولازم تتربى وسع من قدامى
احمد:حصل اى ياسلمى فهمينى
سلمى:هو يعنى عرف اللى نيره قالتلهولك امبارح
غمض احمد عينه بضيق وبعدين بص ل عمه:عمى لو سمحت اهدى دلوقت نيره مراتى وانا هعرف اتصرف فى الموضوع ده
كانت نيره ماسكه فى تيشيرت احمد بخوف من ابوها
والد نيره:يلا يبت ياسلمى امشى قدامى مش ناقصين فضايح اكتر من كده
مشت سلمى هى وابوها ..لف احمد ل نيره اللى لسه بتعيط..بصت فى الارض وقالت:انا اسفه
احمد مشى ودخل الاوضه بتاع الاطفال زى ما كان زادت هى فى العياط وطلعت من المطبخ دخلت اوضتها
اتصلت على اختها سلمى
نيره:الو ياسلمى
سلمى:ايوه يانيره عملك حاجه قالك اى
نيره:مقالش حاجه قولتله انا اسفه سابنى ودخل اوضه الاطفال
سلمى:انتى غلطانه من الاول يانيره
نيره:افهمى ياسلمى انا مش عايزه حد يجى جنبى غير وانا بحبه
سلمى:طب بصى هتعملى اى بقا
نيره:سمعاكى
‘عند شروق واسلام’
شروق:اسلام
اسلام:نعم
شروق:اى رأيك نروح نزور مامتك وبالمره نقولها
اسلام:الاولى اننا نروح ل احمد انتى عارفه ان النهارده صبحيته
شروق:اممم عندك حق
اسلام:طب قومى اللبسى يلا
شروق:اوكى
بعد مرور ساعه…
كان اسلام وشروق عند احمد ونيره
نيره:هقوم اجيب حاجه تشربوها..وقامت
اسلام:شروق روحى معاها..
شروق:حاضر
قامت شروق دخلت المطبخ مع نيره
اسلام:مالك
احمد:مفيش عادى
اسلام:مش عليا باين ان فى حاجه حصل اى؟
احمد:صدقنى محصلش حاجه لو فى حاجه هقولك
اسلام:على راحتك
نيره:اتفضل
مد اسلام ايده وخد كاس عصير:شكرا
قعدت نيره جنب احمد ف مسك احمد ايدها بلطف استغربت هى ولكن سكتت
اسلام:ماما جاتلك
احمد: ايوه وعمى وسلمى
اسلام:كويس
شروق:احم عايزه اقولكم حاجه
بصتلها نيره بإهتمام
احمد:قولى
شروق:انا حامل
احمد بإبتسامه:الف مليون مبروك
حضن احمد اسلام وهو بيباركله وكذلك حضنت نيره شروق وباركتلها
شروق بابتسامة:عقبالك
بصت نيره ل احمد اللى بصلها بنظره حزن مكتوم
نيره:ان شاء الله
___________________________________
‘بعد مرور شهرين’
كانت شروق متابعه مع دكتوره نسا عشان حاله البيبى وفى نفس الوقت بتروح جلسات العلاج النفسى واسلام دايما معاها..
فى الليل…دخل اسلام الشقه بعد ما خلص شغله كانت الشقه هاديه والانوار مطفيه فتح نور اوضه النوم كانت شروق نايمه بعمق وشعرها على وشها والبطانيه بعيده عنها
قرب منها وشال شعرها من على وشها ميل باسها بجانب شفت*يها بحب وغطاها كويس عشان البرد وقام يغير هدومه…دخل المطبخ كان فى كبده وشيبسى وجنبهم العيش..سخن الاكل واكل وبعدها دخل نام جنب شروق خدها فى حضنه وهى استكانت بهدوء فى حضنه
“عند احمد”
كان بيعاملها ببرود طول الشهرين ومش بيتكلموا تقريبا..
دخل يغير هدومه لسه بيقلع التيشيرت فتحت نيره الباب
نيره:انا اسفه مكنش قصدى بس عايزه اتكلم معاك
رمى التيشيرت على السرير وبصلها:ها اتكلمى؟
نيره:انا عارفه انى غلطانه وان اللى عملته مش سهل و..
احمد بمقاطعه: أنتى عايزه اى دلوقت
نيره:عايزاك تتعامل معايا عادى مش ببرود وكأنى مش متجوزه وعايشه لوحدى انا معملتش ذنب اى واحده مكانى كانت هتقول كده
احمد:وانا بتعامل عادى هو ده اسلوبى
نيره:لا مش ده اسلوبك
احمد:انتى قولتى انك مغصوبه عليا وان الجوازه دى مكنتش على مزاجك وانك مبتحبنيش قولت ماشى ومكلمتكيش وبعدت عنك عايزه اى تانى
نيره بتوتر: المشكله انى..انى بقيت بحبك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قضيه رأي عام)
