رواية بعت نفسي الفصل الرابع والثلاثون 34 بقلم نسرين
رواية بعت نفسي الجزء الرابع والثلاثون
رواية بعت نفسي البارت الرابع والثلاثون
رواية بعت نفسي الحلقة الرابعة والثلاثون
ثاني يوم
بعد ما ادهم ماعرفش ينام من حراره مليكه كانت خايفه اوي وبتترعش وبتتكلم بكلام غير مفهوم وفضلت تنده علي خالد كثير لدرجه ادهم اضايق وقال انو اكيد دا واحد مليكه بتحبو لانها كانت بتمسك ادهم وتنده علي خالد وتقولو ماتسيبنيش
ابتدت تصحي
**ادهم صباح الخير
**مليكه بصوت تعبان صباح الخير انت مانتمتش؟
**ادهم لا
**مليكه ليه؟؟
**ادهم وهو زعلان كده
**مليكه اسفه ازعجتك معايا كان ممكن تسيبني وتروح تنام في الاوضه تانيه
**ادهم مين خالد ؟؟
**مليكه بي استغراب خالد !!!
**ادهم اه طول اليل بتندهي عليه وتقوليلو ماتسيبنيش
**مليكه ابويا
**ادهم بصدمه خالد اسم ابوكي؟؟
**مليكه اه وهي حزينه حلمت بيه امبارح زعلان مني
**ادهم زعلان ازاي؟
**مليكه قالي ان دخلت النار برجلي وكان بعاتبني ويقولي ليه يا مليكه
انا متاكده هو زعلان عشان اتجوزتك من ورا امي بس هو مش عارف الحقيقه كلو غصب عني عشان هو السبب هو اللي سابني مافيش حد يحميني
**ادهم ندمانه انك اتجوزتيني ؟؟
**مليكه مش من حقي اندم لانو لو ما اتجوزتكش الله اعلم كنت حاتعمل فيا ايه يا امي تموت عشان معنديش فلوس العمليه يا كنت اغتصبتني او اخدتني في الحرام يا اتسجنت تتهمني بي اي حاجه
ادهم انت مش وحش ليه عايز تبقا كده هو انا ماكنتش صعبانه عليك ؟
ادهم فضل يبص عليها من غير ما يتكلم
وهي كمان سكتت
وحاولت تقوم الحمام
**ادهم حاسه بي وجع ؟؟
**مليكه اه جسمي كلو بيوجعني
**ادهم قومي اساعدك تخشي الحمام واروح اجيبلك فطار عشان تاخدي المسكن
**مليكه حانرجع امتي؟؟
**ادهم المفروض كنا حانرجع النهارده بس لازم تبقي كويسه انت مش قادره توقفي علي رجليكي
**مليكه حاسس بي ايه وانت شايفني كده؟؟ يا ترا انتقمت كويس ؟ حاسس براحه جواك ولا لسه الانتقام مش قادر يطفي نار الغضب اللي جواك والمصيبه انت عملت كده وانت لسه مصلي ركعتين لربنا
ناقصك ايه عشان تبقا كده ؟ عايش عيشه ملوكي كل حاجه عندك
جربت ليله تنام من غير عشاء ومعدتك بتوجعك من الجوع
جربت تعيش سامع امك بتتألم
وانت مش عارف تعمل ايه ومش معاك حتي الفلوس تجيب ليها علاج
جربت الاحساس ان صاحب الاوضه يجي يرمي ليك هدومك في اي وقت
ليه باقيت كده؟!؟!؟
كانت بتتكلم وهي متأثره وبتعيط
فاضل ليك حاجه وحده لسه معملتهاش ليا انك تقتلني بس متخافش بأكد ليك انك فعلا قتلتني من جوايا انا مش عارفه بقولك الكلام دا ليه وانا مش مطمنه انت ممكن تعمل فيا اي حاجه من غير ما حد يحاسبك ولا يقولك عملت فيها ايه
لا وفوق كل دا ماعتذرتش مني ولا اتأسفت ازاي ماينفعش ادهم الشرقاوي يعتذر لوحده زي
راحت الحمام وسابتو في دوامه الندم
عدا اليوم وادهم بيهرب منها كلامها اثر فيه جدا
علي بليل
هو راح الاوضه الثانيه
حاولت تنام بس ماعرفتش
وهو كمان ماعرفش ينام
ندهت عليه
جا بسرعه عندها
**ادهم انت كويسه؟؟
**مليكه مش عارفه انام ممكن تخليك جنبي
**ادهم انا مش فاهمك الصبح طلعتي كل اللي في قلبك ودلوقتي عايزاني انام جنبك ؟؟
**مليكه انا مش بكرهك علي فكره ولو مش عايز خلاص مش مشكله
**ادهم انا كمان مش عارف انام شكلي ادمنت حضنك
مليكه ابتسمت ليه
**ادهم النزيف كثير عندك؟
الدكتوره قالت انها عملت كم غرزه
**مليكه مش عايزه اتكلم في الموضوع دا اللي حصل حصل كلامنا لا حايقدم ولا يأخر مكتوب عليا اعيش الألم دا
**ادهم غصب عني والله عمري ماكنت حاعمل فيكي كده خاصه اني كنت مبسوط منك مرتاح مش حاقول اني بحبك بس مرتاح معاكي فاهمه كلامي ؟
**مليكه فاهمه انا عارفه انك عمرك ما تحبني وأصلا مش عايزاك تحبني لأننا مختلفين عن بعض انت فين وانا فين عارفه اني نزوه في حياتك
**ادهم نزوه و اتجوزك ؟؟
**مليكه عادي ما احنا كده كده حانطلق؟؟
**ادهم بصيلي كده كويس وردي عليا بكل صراحه انت عاوزاني اطلقك؟؟
مليكه مش عارفه ترد
**مليكه بكل صراحه مش عارفه انا خايفه من كل حاجه
ادهم انت لازم تطلقني بعد اللي حصل في الحفله وكمان بعد اللي حصل بينا انت اصلا اتجوزتني عشان ..
**ادهم عشان ايه؟ كملي كلامك
**مليكه انت فاهم
**ادهم عايز اسمع منك
**مليكه اللي اتجوزتني عشانو اظن انو خلاص راح
**ادهم اللي هو ايه وضحي كلامك وبلاش كسوف
** مليكه بتتكلم وهي مكسوفه اوي مش حايبقا علاقه بينا بعد اللي حصل انا اتشوهت خلاص
**ادهم نعم !!!
**مليكه الدكتوره قالت كلام كثير هو دا اللي فهمت منو انا مابقتش اعرف اعمل حمام عادي بقيت مشوهه يعني اصلا حاتقرف تقرب مني
**ادهم اسكتي يا مليكه صدعتيني ايه الهبل دا اللي بتقوليه
انا عارف انك لسه صغيره مش قادره تستوعبي كل حاجه حاشرحلك اللي حصل
وابتدا يشرح ليها كلام الدكتوره
فهمتي؟؟ هي بس ايام وحاتبقي زي الاول
وماتنسيش هي قالت احتمال يكون حمل
**مليكه بخوف بس انا مش عايزه انا مقدرش اتحمل مصاريف بيبي وانا ورايا كوم لحم
**ادهم كوم لحم ؟
**مليكه ايوه امي واخواتي
**ادهم هو لو انت حامل في ابني تفتكري أني حاسيبو يعيش بعيد عني؟؟
هنا الخوف والرعب دخل قلب مليكه
**مليكه لو طلعت حامل حاتاخد ابني مني ؟؟
**ادهم مانسبقش الأحداث بس مليكه اكيد مش حارمي ابني واخليه يعيش في الفقر و ابوه غني ومش حاخدو منك
**مليكه اه يعني حابقا الدادا والخدامه عندك
**ادهم ليه عايزه تعملي حواجز بينا فيها ايه لو عشنا زي الناس مش ضروري نكون بنحب بعض بس اهم حاجه بنتحترم بعض ومتفافهمين انا شايف انك فاهمه شخصيتي الصعبه وقادره تتعايشي معاها
بصي من الاخر انا عايزك في حياتي وحاعترف بجوازنا قدام الناس وممكن نعمل فرح كمان ايه رأيك؟؟
**مليكه وغاده ؟؟
**ادهم دي تنسيها ولا تسوا تشغلي بالك بيها
من رغم انك صغيره بس قدرت تكسبيني
مليكه انا والله ماكنتش وحش بس الضروف اللي عشتها خلتني كده انا يتيم الام و الاب و انا عندي 15 سنه ماتو في حادثه عربيه ومات اخويا معاهم كنت مرتبط بيه
طول الوقت بسمع جدي وعمتي بيتكلمو وحش عن أمي انها كانت خاينه رغم اني ابويا كان بحبها بس جدي لا عشان كانت بنت علي قد حالها
**مليكه اتكلم عن نفسك ايه اللي وجعك ليه كل العز اللي انت فيه بس عنيك فيها حزن؟؟؟
**ادهم عايزه مني ايه يا مليكه عارفه ان اسمك حلو و مميز ؟؟
**مليكه ابويا الله يرحمو اللي سماني مليكه
**ادهم الله يرحمو
في حاجات ماقدرش احكيها بس انا مش مرتاح في حياتي الفلوس والعز و السلطه مش كل حاجه
**مليكه الحمدلله على كل حال اهم حاجه خليك قريب من ربنا
**ادهم خليكي معايا يا مليكه و اوعدك مش حأذيكي وحاروح اتعالج والله يا مليكه حاتغير انا مش عايز ابقا كده اول ما نرجع حا حجز عند دكتور
**مليكه بخضه انت تعبان في حاجه وجعاك؟؟
**ادهم قلبي يا مليكه وجعني ونفسيتي تعبانه اكبر دليل اللي عملتو ليكي وانت ماتستحقيش دا انت ذنبك ايه اني شايف كل الستات خاينه يمكن اللي اعرفهم كده بس انت غيرهم اوعي تتغيري
مش قادر استحمل اني امي خانت ابويا و بسببها عملو حادثه
**مليكه انت شوفتها بتخونو؟؟
**ادهم لا
**مليكه خلاص ماتفكرش في الموضوع حاجه مش متاكد منها ولا شوفتها بعنيك سألت نفسك ليه ابوك ماقتلهاش ليه ماتو في حادثه ؟
وانت كنت فين
**ادهم انا كنت ركبت معاهم بس جدي وعمتي ندعو عليا
** مليكه معلش انسا كل حاجه وابتدي من جديد مافيش دكتور في الدنيا يقدر يعالجك لو انت مش متصالح مع نفسك ابويا الله يرحمو كان بقول الصلاه والقران اكبر علاج في الدنيا
**ادهم الحمدلله خلاص حاتفضلي معايا؟؟
**مليكه انا خايفه من جدك مش عايزه يحصلك مشاكل
**ادهم انا راجل وقد المسؤوليه بس بجد محتاجك في حياتي
**مليكه ربنا يسهل
ادهم باس خدها
**ادهم نامي ارتاحي تصبحي علي خير
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بعت نفسي)
