رواية من ذابت قلبي الفصل الأول 1 بقلم ساندرا باسم

+ مش هتجوزها ،يعني مش هتجوزها

– وانا أديت كلمه لأبوها و قلت هتتجوزها

+ انت عارف كويس اني بحب سالي من إيام الجامعه

– دي واحده مش كويسه

+ ماهي طبعًا هتكون مش كويسه، طول ما انت بتكرهها

– انا قلت كلمتي خلاص، ايه هتصغرني قدام اخويا ولا ايه

*stop*

ده فارس، فارس الشرقاوي ،  من كبار الشرقيه، عيله ابوه كلها لسه في الشرقية، لكن هما سافروا ٥ سنين أمريكا و رجعوا مصر، عندهم شركه هندسه، مالوش اختلاط مع عيله ابوه، يعني شافهم مرتين، ٣ فى حياته كلها و امه متوفيه و من ساعه وفاتها و مافيش حد من عيلتها بيسأل و مع الوقت ،هو كمان بقى مش ببسأل، زي ما شوفتوا كده ابوه عايز يجوزه بنت عمه، اسمها شمس، هما عيله من أصل الصعيد، ابوه ليه اخ و اخت، عمه مشي في نفس طريق جدخ الله يرحمه و اهتم بالأرض، لكن ابوه طلع مهندس و فارس زيه، اما عمته، ف البنت كانت ماتتعلمش و اكيد عمه نفس تفكير جده و فاكر ان شمس دي جاهله و مش متعلمه، يعني المهندس فارس، يتجوز جاهله على اخر الزمن

*back*

والد فارس : اعمل حسابك بكره رايحين الشرقيه و بدون نقاش 

فارس : ماشي،، ” اما وريتك يا شمس، انا هخليكي ترفضيني”

(تليفون فارس بيرن) 

فارس : الو، ازيك يا سالي 

سالي : هاي بيبي، عامل ايه 

فارس : مش كويس خالص يا سالي 

سالي : ليه كده بس يا قلبي، مالك 

فارس : ابويا عايز يجوزني بنت عمي

سالي : ايه، طب وانا، انت كنت بتضحك على كل ده 

فارس: لا طبعًا انا بحبك، و انتِ عارفه كده كويس، انا هحاول ابوظ الجوازه دي بأي شكل 

سالي : اوكاي فارس، لما تبقى تبوظ، ابقى كلمني باي 

فارس : الو، سالي، ” يا ربي هو انا ناقص” 

*في بيت سالي*

سالي: يعني ايه يعني يتجوز واحده غيري، انا سالي، اللي اكون عايزاه يكون لىَّ، مش كفايه هتجوز واحد أصله من الصعيد، بس يلا كله يهون عشان فلوسه 

*في الشرقيه*

عمه شمس : شمس، يا شمس 

شمس:ايوه يا عمه 

عمه شمس : ابوكي عايز، يتحدت معاكي 

شمس: حاضر يا عمه، رايحه اهو 

*في مكتب والد شمس*

شمس: طلبتني يا بوي 

والد شمس: ايوه يا نضري، عايز اقولك حاجه 

شمس: قول يا بوي، سمعاك

والد شمس: عمك طلب يدك لولده، زينه رجال العيله، فارس 

شمس: ايوه يا بوي، بس 

والد شمس : انا خلاص اديته كلمه، انا عمري ما رفضت ليكي طلب،هتصغري ابوكي ولا ايه، يلا، مبروك يا بنتى 

شمس: الله يبارك فيك، طب ممكن اطلب طلب 

والد شمس : اطلبي 

شمس : تقول لعمي، مايعرفش فارس عني حاجه، ولا انت، لما يجي انا اللي اعرفه على نفسي واحده واحده 

والد شمس : رغم مش عارف ايه غرضك من الطلب ده، بس موافق و هما جاين بكره

شمس: بسرعه أكده 

والد شمس : ايوه 

شمس : تمام، بعد اذنك يا بوي 

والد شمس : اتفضلي 

*في غرفه شمس*

شمس: يا ترى يا فارس، بتحبنى زي ما بحبك ولا هتتجوزني إجبار

*stop*

زي ماقلت، دي شمس بنت عم فارس، شمس مش جاهله زي ما فارس فاكر، شمس خريجه فنون جميله و عندها مكتب هندسي، شمس مهندسه ديكور شاطره جدًا و مش بس كده ،لا و بتعزف كمان ???? حلو اوي، شمس تعرف كل حاجه عن فارس و مع الوقت حبته، بس هو لا ،تفتكروا ايه اللي هيحصل معاهم 

*back*

*تاني يوم*

والد شمس : يا مرحب، يا مرحب ،نورت الشرقيه يا خوي، اتوحشتك

والد فارس : وانت كمان يا خوي 

والد شمس : كيفك يا ولدي، اخبارك 

فارس : بخير يا عمي 

والد فارس : واه، اومال فين شمس 

والد شمس : جايه حالًا، حبت هي اللي تعمل الوكل النهارده 

فارس في سره : آخرها المطبخ طبعًا، واكيد دلوقتي، هتطلع بالجلابيه 

شمس: حمد الله على السلامة يا عمي 

+ والد فارس و فارس لفوا يشوفوها و فارس فضل سرحان في جمالها، و شكل فستانها اللي كانت فيه زي الملاك، اصل نسيت اقولكم شمس شعرها طويل و ناعم و عنيها لون العسل و بشرتها قمحيه و صافيه زي الأطفال 

والد فارس : ماشاءالله، اسم على مسمى، شمس يا شمس، تعالي في حضن عمك، كبرتي و بقيتي كيف الجمر يا بنتى 

شمس : ربنا يخليك يا عمي

والد فارس : ايه فارس مش هتسلم، فارس 

فارس : ها، اكيد، و بنت عمي بتسلم ولا عيب تسلم على رجاله 

شمس: لا بتسلم يا ابن عمي، نورتونا، عم حسين، يا عم حسين 

حسين : ايوه يا بنتى 

شمس : شنط عمي وابن عمي تطلع اوضهم لو سمحت 

حسين : حاضر يا بنتى 

شمس: الاوض فوق جاهزه، لو حابين تريحوا، عقبال ما نحط الغدا 

والد فارس : تعبناكي معانا يا بنتى 

شمس: ولا تعب ولا حاجه، تحبوا اوريكم اوضكم 

والد فارس : تمام يا بنتى 

+ شمس وصلتهم اوضهم، وكل واحد لقى كل حاجه محتاجها في اوضته، بعد حوالي ساعتين نزلوا اتغدوا و طلعوا يقعدوا في الجنينه 

والد فارس : طبعًا يا خوي، انت عارف احنا جاين و طالبين ايد شمس لفارس 

والد شمس: عارف يا خوي و موافقين كمان 

والد فارس : طيب الحمد لله، نقرأ الفاتحه بقى و نحددوا معاد الفرح 

شمس: معلش يا عمي، تسمحلي يا بوي، ممكن انا و فارس نتكلم مع بعض الأول 

والد فارس : اكيد يا بنتى 

والد شمس : ماشي 

+ فارس و شمس قاموا يتمشوا و يتكلموا و فضلوا ساكتين شويه، لغايه مافارس قرر يتكلم 

فارس : بصراحه كده يا بنت عمي، انا بحب واحده و عايز اتجوزها هي، بس  ابويا عايزنا نتجوز 

+ تفتكروا رد فعل شمس ايه و هل هتقول لأبوها اللي فارس قاله و لا هتتصرف هي ..