رواية إعادة تأهيل معقدة الجزء الثاني الفصل الثاني عشر 12 بقلم زهرة عصام
رواية إعادة تأهيل معقدة الجزء الثاني الجزء الثاني عشر
رواية إعادة تأهيل معقدة الجزء الثاني البارت الثاني عشر
رواية إعادة تأهيل معقدة الجزء الثاني الحلقة الثانية عشر
كوباية اللبن قصادها حضن قولتي ايية ؟
تمارة بصت ليه بغضب و قالت:-
أقسم بالله ما شوفت بربع جنيه تربية
جت تمشي مسك اديها و قال:-
قدامك خمس دقائق لو كوباية اللبن متشربتش هعتبرها إشارة ليا إني احضنك ، شكلك عاوزة تتحضني اعترفي متخافيش هحضنك عادي
تمارة بصت ليه بقرف و مسكت كوباية اللبن كتمت أنفها و شربتها على بوق واحد
يدوب نزلت الكوباية من على بوقها ورجعت كل اللي شربته و اكلته على هدوم نوح
تمارة واقفة بتاخد نفسها و نوح باصص ليها بعيون واسعة ، بيبص نظرة على هدومة و نظرة عليها و على اللي عملته
سابته و مديتوش إهتمام و دخلت الحمام لكن قبل ما تقفل الباب قالت:-
إنت اللي اصريت وأنا قولتلك من الأول بلاش يبقي أنا يا بشا عداني العيب
قفلت الباب و نوح بص لهدومة بقرف مسك أنفه و خرج على اوضته جري
أخدت هدوم ليه و دخل الحمام و هو بيتافف و بيقول:-
لسه هنبدا اليوم من تاني
..
تمارة غسلت وشها و نزلت ليهم تاني لقت أخواتها كل واحدة حاطة اديها على بطنها و مرجعه دماغها لورا على الكرسي
لينا بصت ليها و قالت:-
مش قادرة لا مش قادرة حاسة إن بطني وجعتني خالص ، أنا مش متعودة أشرب اللبن دا
جوري بصت ليهم و طلعت شكولاتة من شنطتها و إدت كل واحدة حته و قالت:-
هتغير طعم بوقكم
كمال دخل عليهم فجأة و قال :-
ايش هذا إيش هذا أري كل ما لذ و طاب على السفرة أكيد حماتشي حياتشي بتموت فيا
ذكية:- بطل غلبه و تعال أفطر قبل ما توصلهم مدرستهم
نوح نازل على السلم بتأفف و غضبان و تمارة كاتمة ضحكتها
ذكية رفعت حاجب و قالت:-
مالك يا نوح متعصب كدا لية لا و كمان غيرت هدومك ؟
نوح بعصبية:-
هو تحقيق ولا اية يا ناناه
بص للبنات و قال :-
يلا خلصوا استنوا في العربية وأنا بنفسي هرجع اجيبكم من المدرسة اتفضلوا
تمارة وقفت بنصر و مشيت ناحية الباب بس قبل ما تبعد عنه قالت:-
تعيش و تاخد غيرها يا كينج
نوح اتعصب من كلامها و استني لما مشيوا و بص لـ ذكية و قال :-
امتي هنكتب الكاتب يا ناناه
ذكية زفرت بضيق و قالت:-
البنات في امتحانات يا نوح استني لما يخلصوا امتحانات و نشوف الموضوع دا
نوح بص ليها بضيق و قال :-
بصي من الآخر و أكون عامل واجب كبير أوي ، آخر يوم في الامتحانات هيكون كتب كتابي على تمارة و دا قرار نهائي
و كمل في سره
والله لربيكي يا تمارة على كل عمايلك دي و هنشوف يا أنا يا انتي
كمال راح وصل البنات مدرستهم و هو بيتمني أنه بتكلم مع جوري و يطمنها قبل الامتحان
البنات وصلوا المدرسة و كل واحدة دخلت المبني الخاص بيها و كمان استني لحد ما تمارة دخلت المبني بتاعها و دخل ورا جوري و نادي عليها
جوري لفت و بصت ليه باستغراب و قالت :-
هو فيه حاجه ؟
كمال بتوتر:-
احم لا مفيش بس كنت حابب اقولك بالتوفيق في الامتحانات ركزي كويس و إن شاء الله تعدي على خير أنا عارف إنك مريتي بظروف من لطيفة بس أنا واثق فيكي إنك هتنجحي و هتعدي من غير مواد بالتوفيق
جوري بخجل:-
احم شكراً ليك
كمال بصلها بصه أخيرة و سابها و مشي و هو بيدعيلها في سره
……
البنات امتحنوا و نوح جه اخدهم من الامتحان و وصلهم البيت مرت الأيام كل يوم بليل نوح و تمارة بيقفوا بتاملوا القمر مع بعض و بينهي اليوم باعتراف نوح لـ تمارة بحبه مع وعد أنه مش هيتخلي عنها ابدا
لينا كانت خلصت امتحان الأول و بعدها جوري و آخر واحدة كانت
آخر يوم امتحان لـ تمارة نوح راح اخدها من المدرسة بس مراحش على البيت
تمارة بصت على الطريق باستغراب و قالت:-
إنت موديني على فين دا مش طريق البيت
نوح بصلها بحنان و قال :-
قولتك قبل كدا إني بحبك و أنا مجنون في حبي فـ أنا قررت اخطفك النهاردة
تمارة سكتت لحظة لحد ما استوعبت و قالت:-
خطف اية و هباب اية اية الهبل دا روحنا البيت دلوقتي
نوح ببرود :-
لا إنتي مش هينفع تروحي البيت دلوقتي خالص
تمارة بحزم :-
نوح روحني دلوقتي
نوح بابتسامة:-
تعاليلي سكة يا زبادي عشان الجاي الله الوكيل ليكون خراب
نوح وقف قدام مول كبير تمارة بصلت لية بزهول و هو مسك ايديها و باسها و قال:-
ليوم واحد بس اسمعي كلامي و اتبسطي و وعد مني هتفتكري اليوم دا دايما يا تمارة ، ليوم واحد بس اسمعي كلامي من غير جدال و اعتراضات!!
تمارة هزت راسها بايجاب و نوح فرح أوي اخدها من اديها و خرجوا من العربية دخلوا المول
اول حاجه دخل محل ملابس و قعد بتفرج على هدوم كتير لحد ما وقع نظرة على دريس ابيض كيوت أوي و منقوش بسيط و تطريز بسيط باللون الوردي الخفيف
نوح شاور على الفستان و البنت نزلته مسكه و قال لتمارة بنبرة لو اي حد سمعها مكانها كان هيوافق علطول
ممكن تقيسي دا
و كانها مسحورة هزت راسها بايجاب و مشت ناحية البروفه لكن قبل ما تدخل سبقها نوح يشوف في كاميرات فيها ولا لا
قالها بابتسامة:-
الدار أمان ادخلي يا روحي و أنا مستنيكي هنا
…..
جوري و لينا شايفين الفيلا بتتجهز و بتتزين و هما مش عارفين فيه اية
كمال واقف يشرف على العمال و فرحان جدا لـ نوح أنه أخيرا هيبقي مع اللي قلبه دق ليها ، كان بيتابع الشغل بحماس كبير
جوري و لينا راحوا لتحية يسالوها عن اللي بيحصل و لية تمارة أتأخرت كدا
تحية قالت ليهم إن في حفلة في البيت و إن الحفلة دي بمناسبة كتب كتاب تمارة و نوح و إن نوح عاملها مفاجأة لتمارة عشان متعترضتش
جوري لطمت على خدها بشكل مضحك و قالت:-
طلاق تلاتة لتبقي فضيحتكم النهاردة بجلاجل أنا مليش دعوة و من دلوقتي بخلع ايدي من الموضوع
لينا بصت ليها و قالت بصوت مرتعش:-
وأنا كمان مليش دعوة إنتوا اللي عملتوا كل حاجة أنا معرفش حاجه
ذكية بلا مبالاة:-
خلاص مش مهم إنتوا متعرفوش حاجة أنا اللي عملت كل حاجة اطلعوا دلوقتي بقي اجهزوا كل واحد في اوضيتها فستان تلبسوا و الميكب ارتست هتيجي تحط ليكوا ميكب
جوري و لينا هزوا راسهم بايجاب و خوف و كل واحدة طلعت اوضيتها تشوف فستانها
….
تمارة خرجت من البروفة و أول ما نوح شافها تنح و صَفَر بصوت عالي و قال:-
قمر نازل من السما على الأرض يا جدعان ، معقوله في كدا و حلاوة و جمال بالشكل دا ؟
تمارة اتكسفت و هو قال:-
كليمات الغزل كلها عجزت عن وصفك يا أميرتي
كان نفسي نطول أكتر من كدا بس إحنا متاخرين يلا بسرعة عشان نجيب باقي الحاجات
تمارة دخلت غيرت الفستان تاني و نوح حاسب عليه و اخدها و دخلوا محل تاني فيه حزم و أختار ليها هيلز و كان شكله تحفة مع الفستان ، اختاروا برضوا الطرحة و الشنطة و دخلوا محل دهب
نوح نقي خاتم و انسيال لطيف و دبله بس من غير ما تاخد بالها وراها الخاتم و الانسيال و عجبوها حدا و كانت لسة هتعترض قاطعها نوح اللي قال:-
ممنوع النهاردة اعتراض مش هسمح بيه ابدا
تمارة نفخت بضيق لأنها مش بتحب كدا و نوح أخد الدهب في علبه و خرجوا من المول
تمارة كانت سرحانة في السبب ورا كل اللي بيحصل دا لحد ما العربية وقفت فجأة قدام بيوتي سنتر كبير و كانت واحدة واقفة مستنياهم بره
نوح أخد الفستان و الشنطة و الهيلز اداهم للبنت و بص لـ تمارة و قالت:-
عاوزة ملكة النهاردة يا حبيبتي اينعم إنتي طول عمرك ملكة بس النهاردة هيبقي اسم على مسمي
تمارة مستغربة بس قررت تتبسط باليوم و خصوصا أنها أول مرة تدخل بيوتي ستر
دخلت و نوح مشي هو كمان عشان يظبط نفسه
عدت ٤ ساعات و الساعة بقت السادسه مساءاً بتوقيت القاهرة
نوح بدأ يتحرك من مكانه و ماسك في ايده بوكيه ورد و راح لـ تمارة اللي كانت أية من آيات الله جميلة و جمالها هادي
مسك ايديها و باسها و قال:-
أقسم بالله عمر ما عيني شافت ولا حبت حد غيرك يا تمارة
اخدها و ركبوا العربية و هنا الصمت انكسر لما قالت:-
هو اية سبب كل دا هو فيه مناسبة ؟
نوح بابتسامة:-
هتعرفي كل حاجة في وقتها يا حبيبتي
– طب إحنا راحين فين دلوقتي ؟
نوح بصلها و قرب منها باس على راسها و قال:-
متخافيش يا حبيبي رايحين البيت اهدي
بعد ساعة و نص و كانت الساعة السابعة و النصف مساء
وقف نوح قدام بوابة الفيلا و تمارة مبهورة بالاجواء و سالت ليه كل دا ؟ هو فيه حفلة ؟
نوح بابتسامة:-
أيوة يا روحي حفلة كتب كتابنا
تمارة أخدت لحظة على ما تستوعب و قالت فجأة:-
نعم يا عمر حفلة اية يا عنيا سمعني تاني كدا ؟
هي رواية منحوسة و كل ما اجي اكملها حاجة تحصل ☹️
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إعادة تأهيل معقدة الجزء الثاني)
