رواية أحفاد البارون الجزء الثاني الفصل العاشر 10 بقلم إيمان جمال
رواية أحفاد البارون الجزء الثاني الجزء العاشر
رواية أحفاد البارون الجزء الثاني البارت العاشر
رواية أحفاد البارون الجزء الثاني الحلقة العاشرة
آسر بيبص لفهد بصدمة ومش عارف يقوله إيه
فهد اتخض ورجع ورا وبصله بسخرية بعد ما استوعب ان اللي ادامه هو آسر: بزمتك دي عمايل رجالة دي
آسر قام من السرير: اديني فرصة افهمك
فهد بغضب: فرصة ايه ياحيوان انت
آسر بيبص لعمر وسامر: والله كله من الكلاب اللي واقفين دول كانت شورة مهببة على دماغهم
فهد بصلهم وبص لآسر واتكلم بتريقة: اول مرة اشوف راجل بيعتمد على كلام العيال
سامر: احنا رجالة ياعمي
فهد بغضب: اخرس يلا انت
فهد مسك آسر من قفاه: ادامي على بارة
آسر بيحاول يفلت منه: يافهد اديني فرصة بس افهمك ماينفعش كدا
فهد شده لحد ما خرجه بارة ونزل بيه تحت وكل اللي في القصر نزلوا
ليل: ايه دا شاروخان عندنا
فهد غصب عنه ضحك: ابوس ايدك بطلي هزار
شريف بيضحك اوي: يخربيت شيطانك يا آسر ايه اللي انت عمله دا
مريم: كدا فضحتنا
آسر: الحق عليا كنت عاوز نعمل سهرة حلوة سوا
مريم بصدمة: سهرة حلوة بلبس هندي؟ ……..مريم بصت لفهد: انا سايبالك التصرف عشان انا جبت أخري من الراجل دا
ادهم واقف يتابع الحوار بهدوء خالص وواقف مربع ايديه عند صدره
فهد بصله: مش ناوي تقول رأيك ايه في المهزلة دي
ادهم بسخرية: مستني إيه من آسر يعني غير كدا دا كفاية إن اسلام معملش ذيه
وهما واقفين يتكلموا إسلام كان بارة القصر وراجع بس إيه بقى راجع يتسحب وماشي بشويش وكأنه عامل عاملة وهوبا اتفاجئ بيهم واقفين
إسلام بيحاول يخبي حاجة ورا ضهره: إنتوا واقفين هنا ليه كدا
فهد بيبصله بشك: ايه اللي مخبيه ورا ضهرك
اسلام بيبلع ريقه بتوتر: لا أبداً دا ايدي فاضية
ادهم بيقرب منه وهو بيبعد: اثبت مكانك احسنلك
اسلام وقف مكانه وادهم راح وقف ورا ضهره وبصله بصدمة: نهارك اسود الليلادي خمرا في القصر ياكلب
فهد ساب آسر وجري على اسلام اللي في ثانية جري على بارة وهما بيجروا وراه
ملك واقفة بتضحك: هي الرجالة لما بتكبر بتعقل ولا بتتهبل
امل بتضحك اوي: والله يابنتي ما انا عارفة دا كويس ان الولاد نايمين
فهد اخيرا مسك اسلام: انت ياكلب مش قولنا الحاجات دي ماتدخلش هنا
اسلام: والله يافهد مش هتدخل هنا تاني
فهد بغضب: انت مش هتكبر ولا هتبقى راجل ابدا انا والله زهقت فيكم انتوا الاتنين
اسلام شايف شريف واقف بيضحك: بدل ما انت قاعد بتضحك كدا تعالى الحق اخوك
شريف بيتكلم بصعوبة: تستاهل عشان تكبر بقى
آسر واقف جمب شريف وبيتعامل كأنه معملش حاجة: ايوا تستاهل عشان تبطل جنان
فهد بصله برفع حاجب: لا ياشيخ امال مين اللي كان عاملي فيها شاروخان من شوية
آسر بيبص للبسه اللي لسة عليه: والله يافهد كانت فكرة مهببة بستين نيلة
ادهم واقف حاطت ايده على دماغه من الصداع: باااااااس يلا ياكلب منك له اطلعوا فوق
فهد: نعم يا اخويا هو دا اللي ربنا قدرك عليه
آسر واسلام في نفس واحد: الاهي تنستر يا ادهم
آسر واسلام في ثانية كانوا فوق وفهد واقف بيضرب كف على كف
تاني يوم الصبح في شرم الشيخ، أكمل صحي من النوم ومستني ليث يصحى وبعد حوالي ربع ساعة ليث صحي واتفاجئ بإن أخوه صاحي ( ليث وأيهم محبوش يسيبوا اكمل لوحده ففضلوا معاه في الجناح)
ليث: مصحتنيش ليه ياحبيبي
اكمل: انا لسة صاحي وقولت استناكم
ليث بص على أيهم اللي نايم أوي: ودا هنصحيه ازاي
أيهم فجأة رفع دماغه وبصله: انا صاحي ماهو مش هستناك تعمل فيا مقلب وتصحيني
اكمل ضحك: طب يلا يا اخويا انت وهو عشان عاوز انزل تحت
أيهم بشك: ليه يا اكمل ما احنا قاعدين اهو وبعدين يعني هتشوف مين
اكمل بصله بغضب: بلاش رخامة بدل ما اخليه يضربك
أيهم قام من السرير: انا داخل الحمام
ايهم سابهم ودخل الحمام عشان ينزلوا تحت يفطروا
حور صحيت وواقفة ادام المرايا تظبط لبسها اللي كان عبارة عن دريس أبيض بحجاب ابيض بكوتشي ابيض وكانت كأنها حورية طالعة من البحر
جاسر واكمل لسة نايمين كالعادة وليث محبش يصحيهم وسابهم نايمين
ليث اخد ماكس وأيهم بيحرك اكمل بالكرسي ونازلين لتحت
اكمل بيبص بعنيه بيدور عليها وأيهم واخد باله
أيهم نزل براسه عند راس اكمل واتكلم بصوت واطي: مستنيانا في المطعم
اكمل بصله بغضب وسكت لانه اصلا مش عارف يقوله ايه، واول مادخلوا المطعم حور كانت مستنياهم واكمل بيبصلها أوي
أيهم بيضايقه: هي حور وهي حورية فعلاً
اكمل بصوت واطي: صبرك عليا
ليث قعد ماكس على الارض جمب الترابيزة وطلب انهم يجيبوا اكل للكلب
حور قعدت قصاد اكمل وهي من عادتها اصلا مش بتعرف تبص لحد
اكمل اتكلم: حمدلله على السلامة
حور بإبتسامة جميلة: الله يسلمك
أيهم: يلا نطلب الفطار عشان انا جعان
ليث: قوم معايا نجيب من البوفيه
ايهم وليث قاموا سوا يجيبوا الاكل وحور فضلت قاعدة مع اكمل
اكمل: أخيرا اخدتي اجازة من الشغل
حور: ما انا باخد على طول
اكمل: لا انتي كنتي بتاخدي بس لما بنيجي نسافر كلنا سوا بس المرادي انتي واخدة اجازة بدري
حور محبتش تكشف اهتمامها بيه: أبداً عادي وبعدين انت نسيت ان المستشفى بتاعتنا فطبيعي اخد اجازة وقت ما احب
اكمل: ماشي
علا جاتلهم وقعدت معاهم
علا: فين اخوك؟
اكمل ضحك: بيجيب فطار هو وليث من البوفيه
علا بغضب: انا والله لازم اوريه
حور: ليه عمل ايه؟
علا: الاستاذ المحترم فضل يرن عليا طول الليل ويادوبك قولت خلاص هنام رجع رن وآخر مازهقت قفلت التليفون
ليث وأيهم رجعوا بالاكل وكان عامل حساب علا
ليث: كنت عارف انك جايا قولت لازم اعمل حسابك
علا بغضب: اعمل نفسك برئ اوي
ليث قعد: الله انا عملت ايه
علا بتبصله بغضب: تصدق بالله المرة الجايا هعملك بلوك
أيهم ضحك: اعمليها والنبي عشان افرح فيه
ليث لسة هيرد بس اتفاجئ بهدى بترن عليه على النت مكالمة ڤيديو ورد عليها
هدى: قولت اصبح على حبيبي قبل ما اروح الامتحان
ليث بيبص لأيهم وحابب يضايقه: حبيبة قلبي انتي وبنوتي الحلوة
ايهم بياكل بهدوء خالص وليث عاوز يعرف هيعمل ايه
ليث رجع يبص لهدى واخد باله بإن چويرية واقفة وراها بس مش واخدة بالها انها بتكلم ليث وتقريبا دي اول مرة من فترة كبيرة انه يشوف چويرية بشعرها، ليث فضل سرحان لحد مافاق على جملة ضايقته
هدى: چوري حبيبتي مروان بيرن عليكي
چويرية بصت لهدى واتفاجأت بإن ليث معاها في المكالمة واخدت تليفونها ومشيت من جمب هدى
ليث بص لأكمل وعطاه التليفون: كمل انت معاها
ليث قام وساب الفطار
ايهم قام ووقف ورا اكمل وبص للتليفون: انا رايح للاستاذ اللي قام
هدى بحزن: أيهم
ايهم بصلها ومشي وهي غصب عنها عيطت
أكمل: سبيه شوية وهو هيكلمك
هدى بحزن: حاضر
أيهم راح ورا ليث وقعد جمبه على البحر من غير اي كلام
ليث: هو انا قاسي؟
أيهم ابتسم: لا ياليث انت مش قاسي انت طبعك صعب حبتين وصعب انك تعترف بحاجة جواك، يعني من الآخر عامل فيها تقيل
ليث بصله: والله يا ايهم مش عامل تقيل انا فعلاً ماكنتش شايف چويرية غير أخت وبس حتى لما عرفت انها بتحبني محستش بحاجة غير لما لاقيتها هتروح لحد غيري حسيت انها بضيع مني
أيهم: طب ناوي تعمل إيه؟
ليث: مش عارف بس انا شايفها بدأت تشوف حياتها معاه
أيهم: لا ياليث انت اللي جرحتها بكلامك وبرفضك ليها وعشان كدا هي وافقت ترتبط بمروان وخلاص هو كلها ايام ونازل وهيعملوا الخطوبة وساعتها انت اللي هتندم
ليث قام وقف: بس الليث عمره مابيندم
ايهم وقف جمبه: بلاش غرور ياليث عشان صدقني هيبقى آخرته وحشة
ليث بعصبية: انا عارف انا بعمل ايه كويس أوي
ايهم هز راسه بيأس: انت حر يا ليث واللي انت شايفه اعمله ويلا نرجع ليهم
نرجع للقاهرة في شركة كرم الصياد قاعد بيفكر يعمل ايه مع مهاب وخلاص أصلا هو مقرر هيعمل إيه
السكرتيرة دخلتله: مهاب البارون مستني حضرتك بارة
كرم: دخليه
السكرتيرة خرجت وكرم وقف يستقبله، وبعد ثواني دخل مهاب
كرم بيسلم عليه: نورت الشركة
مهاب بعملية: شكراً
كرم: اتفضل اقعد
مهاب قعد: شاب من اللي شغالين معايا راح المحكمة النهاردة وعرف ان الجلسة معادها الشهر الجاي
كرم: تمام بس انا عاوزك انت اللي تترافع
مهاب: ماتقلقش انا بس ببعت حد مكاني يشوف مواعيد الجلسات وانا بحضر بنفسي وقت الجلسة
كرم: عظيم وانت خارج تقدر تعدي على الحسابات
مهاب أصلا بيكون عنده كرامة في حتة الفلوس دي ووقف عشان هيمشي: تقدر توصل الفلوس للمكتب بعد اذنك
مهاب مشي وكرم فضل قاعد مكانه وبيكلم نفسه: خليك واثق من نفسك وعندك كرامة ونبقى نشوف بعد اللي هيحصل هتعمل إيه انت والفهد
في قصر البارون الرجالة راحوا الشركة والبنات في امتحاناتهم والشباب، مافيش غير چويرية وسلمى وديما وريما
ديما: بقولكم ايه ماتيجوا نخرج شوية
چويرية بزهق: ياريت بجد انا زهقانة أوي
ملك جات عليهم: عاوزين تروحوا فين؟
چويرية: النادي ياماما
ملك: تمام بس الحرس يكونوا معاكم
سلمى: هو لازم يعني
ملك: ايوا ياسلمى ودي اوامر الفهد والادهم
چويرية: حاضر ياماما وانا هكلم خالو فهد استأذن منه
چويرية قامت تكلم فهد اللي رد عليها من اول مرة
فهد: حبيبة خالها
چويرية ابتسمت: حبيبي ياخالو بص بقى
فهد ضحك: عاوزة ايه يارخمة
چويرية: عاوزة اخرج شوية انا والبنات
فهد: مش هما في الامتحانات؟
چويرية: ايوا بس انا وديما وريما وسلمي زهقانين وعاوزين نخرج شوية
فهد: هتروحوا فين؟
چويرية: النادي
فهد: والحرس معاكم
چويرية: حاضر ومش هنتأخر
فهد: ماشي ولو حصل اي حاجة كلموني
چويرية: حاضر ياخالو
چويرية خلاص خلصت مع خالها وقامت تلبس والبنات كمان
ليل قاعدة مع ملك وامل ومريم ونور وآيه
ليل: انا حاسة ان فهد مخبي حاجة
آيه: هيكون مخبي ايه بس
ليل: مش عارفة حساه محتار ودايما سرحان وبيفكر في حاجة
ملك: ماتقلقيش نفسك ياليل وبعدين فهد مش بيحب يخبي عنك حاجة فتأكدي ان مافيش اي حاجة
ليل: يارب يكون كدا فعلاً
امل: ان شاء الله ياحبيبتي
مريم: بقولكم ايه ماتيجو نعمل ليهم سهرة حلوة
ليل افتكرت آسر وضحكت: ذي آسر كدا
مريم ضحكت اوي: والله انا متجوزة طفل
ملك: والله يابنتي دمه خفيف
مريم: والله عارفة بس ساعات بيتجنن
ليل: المهم سهرة ايه
مريم: عادي كل واحدة فينا تعمل سهرة خاصة لجوزها اهو نغير الجو شوية
آيه: والله فكرة واهو نجدد بدل ما احنا على طول مافيش مفاجآت
البنات خلصوا امتحان وقاعدين سوا في الجامعة ومعاهم دعاء صاحبة هدى
هدى: بقولكم ايه چويرية والبنات في النادي يلا نروح ليهم
أسيل: الاندال راحوا من غيرنا
هدى ضحكت: يابنتي اتهدي ماهما بعتولي رسالة وعرفوني
رنا: طب يلا نروح وناخد الشباب معانا
هدى: هما راحوا فين؟
اسيل: بيجيبوا قهوة
بعد شوية الشباب وصلوا وقعدوا
هدى قامت: انتوا لسة هتقعدوا قوموا يلا نروح النادي
باسم بإستغراب: ليه؟!
اسيل: چويرية والبنات هناك
سامر: يلا بينا
عمر بحماس: يلا نغير جو
هدي بصتلهم: اللي هيعمل فيكم اي جنان هكلم الفهد
دعاء ضحكت: انتي كدا كدا هتكلميه عشان تعرفيه
هدى: طبعاً يابنتي دا الفهد
هدي بعدت عنهم شوية ورنت على أبوها اللي كان في اجتماع بس استأذن وقام يرد
فهد: نبض قلبي
هدى ضحكت: حبيبي يابابا بص بقي
فهد ضحك اوي: انا لسة سامع الجملة دي من شوية عاوزة ايه انتي كمان
هدى: راحين النادي
فهد: انتي ومين
هدى بتتكلم بشقاوة: العصابة كلها ياباشا
فهد: وسامر وعمر كمان؟
هدى: ايوا يابابا سيبهم معانا وبلاش شركة النهاردة عشان يغيروا جو شوية بعد الامتحان
فهد: ماشي واول ماتوصلوا هناك عرفيني
هدى: حاضر يابابا
هدي قفلت معاه وراحت للباقيين
فهد بيلف نفسه عشان يروح يقعد تاني ادهم كان وراه
ادهم: زمان ماكنتش بتعرف ترد على ليل وقت الاجتماع دلوقتي بقيت بتسيب الاجتماع عشان ترد على هدى وياسلام لو ليل اللي رنت بتنسى نفسك وتنسي ان في اجتماع اصلا
فهد ضحك: انت مركز معايا ليه يارخم، وبعدين يعني بزمتك اسيب نبض قلبي بترن وما اردش وبعدين نسيت يا أدهم زمان لما انا ماردتش على ليل وقت ما اتخطفوا انا من يومها لازم ارد على اي حد فيهم
ادهم ابتسم: ماتقلقش يا فهد اللي حصل زمان مش هيتكرر تاني
فهد: يارب
في شرم الشيخ، جاسر واكمل قاعدين تحت معاهم
ليث: انا عاوز انزل البحر
اكمل(الكبير): انت مش شايف ان الجو برد
ليث: الجو هنا دفى عن القاهرة وبعدين احنا قربنا على نهاية الشتاء
علا ضحكت: نهاية مين ياحبيبي دا احنا لسة في شهر ٢
جاسر: انزل حمام السباحة الماية هتكون دافية
ليث: لا انا هقوم انزل البحر
جاسر بغضب: احنا مش ماليين عينك يعني عشان ماتسمعش كلامنا
ليث قام وقف: مقصدش كدا بس حضرتك عارف لو انا عاوز اعمل حاجة بعملها
اكمل(الكبير): سيبه ياجاسر ماهو اصلا مش محترم وجود حد
ليث بص لأكمل بحزن وسابهم وقام
اكمل(الصغير): هو مايقصدش كدا يا عمي
اكمل(الكبير): يقصد ولا لا بقى هو حر
أيهم: صدقني ياعمي ليث مايقصدش وطالما عاوز ينزل البحر في جو ذي دا يبقى عاوز يطلع طاقته في السباحة
حور: انتوا مكبرين الموضوع ليه، المفروص نكون اتعودنا على تصرفاته
علا: حور عندها حق لان ليث عنيد ومش سهل يسمع كلام حد
اكمل(الكبير): عنيد وبيخبي اللي جواه وصعب انه يقول اي حاجة مخبيها
أيهم: بص ياعمي، ليث يمكن فعلاً مخبي حاجات جواه بس هيجي الوقت اللي هيعرف فيه انه كان غلط
اكمل(الكبير) بعصبية: هو حر بس والله العظيم لهطلع عينه وهتشوفوا هعمل إيه
اكمل(الصغير): صدقني ياعمي مش هيهون عليك
فريدة قاعدة في اوضتها وزهقت من السرير وطلعت تشوف الباقيين فين واتقابلت في مهاب طالع على السلم
مهاب قرب منها بيساعدها تمشي كويس: تيتة القمر راحة فين
فريدة ضحكت: قمر ايه بعد السن دا
مهاب: والله انتي قمر وجميلة ذي ما انتي وبعدين الصور اكبر دليل على كدا انك لسة ذي زمان
فريدة: ماشي ياعم هصدقك، المهم هما فين؟
مهاب: تحت تعالي انزلك ليهم
مهاب فضل معاها لحد مانزلها وقعدت معاهم
مهاب: هما مارجعوش من الامتحان؟
ملك: هما خلصوا وطلعوا على النادي قاعدين كلهم سوا
مهاب: طب انا رايح ليهم
ليل: ماشي ياحبيبي وهاتهم معاك بقى
مهاب: حاضر
مهاب اخد عربيته وفي طريقه للنادي وبعد شوية وصل ليهم هناك وعرف مكانهم ودخل
مهاب بياخد كرسي وهو ماشي وراح قعد: طب كنتوا قولولي انكم هنا
هدى ضحكت: دا قرار مفاجئ
ديما: كنت لسة هرن عليك
رنا قاعدة ومش بتبصله وبتتكلم مع سامر وعمر
مهاب: عملتوا ايه في الامتحان
اسيل: كله تمام
سلمى: الحمدلله مكانش عندي النهاردة
باسم: عندك بكرة يا أختي
چويرية ضحكت: هتجيبي الكلام لنفسك خليكي ساكتة
ريما: انا جعت يلا نطلب غدا
ديما: ايوا ياريت
مهاب عينه على رنا: شوفوا حابين ايه وانا هطلبوا
دعاء: انا هطلب استيك
البنات كلهم طلبوا بس رنا فضلت ساكتة
هدى لرنا: وانتي يارنا؟
رنا: ماليش نفس
ريما: ازاي يارنا احنا كلنا جايين عشان نتغدا سوا
ديما: ايوا يارنا ويلا عشان مهاب حبيبي يطلب لينا
رنا وقفت بعصبية: قولت ماليش نفس كلوا انتو انا هقوم اتمشى شوية
رنا سابتهم وقامت وكلهم مستغربين اللي بيحصل وديما ومهاب بيبصوا لبعض
چويرية: هو في ايه مالها؟
مهاب بهدوء: انا هقوم اطلب الاكل
هيثم وصل المستشفى وبيسأل على حور وعرف انها واخدة أجازة
هيثم بيكلم نفسه: ياترى انتي فين ياحوريتي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد البارون الجزء الثاني)
