رواية الملك ام الحب الفصل العاشر 10 بقلم روان خالد
رواية الملك ام الحب الجزء العاشر
رواية الملك ام الحب البارت العاشر
رواية الملك ام الحب الحلقة العاشرة
شامل بعينان مفتوحتان من الدهشة: امينة؟!
امينة بصوت هادئ و قد دخلت للقصر: كويس انك لسا فاكر اسمى يا سمو الملك
شامل و هو يمشي نحوها بشوق: و انساكى ازاى يا امينة دة انتى…
و قبل أن يكمل حديثه ادرك شامل ان حاروت بجانبه
شامل: حاروت اطلع على أوضتك
التفتت امينة بسرعة و هى تقول بلهفة: حاروت؟! انت قولت حاروت صح؟
شامل : ايوا يا امينة قولت حاروت دة حاروت ابنى وري…. و قبل أن يكمل حديثه دفعته امينة و جرت نحو حاروت و أمسكت به و هى تنظر له نظرات كلها حب و لهفة و تتحسس كل جزء من وجه و ضمته اليها بدموع و الم و هى تقول: ابنى
ابعدها حاروت عنه بلطف و لازالت التساؤلات برأسه عن تلك المرأة التى يشعر من ناحيتها بشعور غريب: مالك يا امى بتعيطى لى حد مضايقك؟
نظرت له و هى ممسكة بوجهه و بصوت مبحوح قالت:امك؟! الله طالعة منك جميلة يا حبيبي كبرت يا حاروت و بقيت زى القمر كبرت و انت بعيد عن عينى بس ماشاء الله انت شبهى اكتر من أبوك نسخة منى شعرك و عينيك و ملامحك كلها انا
و ضمته اليها قائلة؛ وحشتنى يا حبيبي🥹
حاروت و هو يبعدها عنه : انا اسف ليكى بس انا مش ابنك
صدمت امينة من تلك الكلمة و نظرت لشامل قائلة بعتاب: انت كمان مقولتلوش يا شامل
حاروت باستغراب: يقولى ايه
امينة : يقولك انك ابن….لم تكمل كلامها و قاطعها شامل قائلا
شامل: حاروت اطلع على أوضتك
حاروت: انا عايز افهم ايه اللى بيحصل دة يا بابا و مين دى
شامل بغضب: قولتلك اطلع يلاااا
حاروت: امرك مولاى
صعد حاروت لغرفته و ترك هؤلاء الأحباء ليتعاتبوا
امينة بغضب: يعنى كمان مش كفاية اخدته منى لا و كمان مقولتلوش انى امه انت ايي يا اخى اي الشر ال انت فيه دة انا عملتلك ايي لكل دة
دة انت مشوفتش منى غير كل حب و حنان وقفت جنبك ساعة اما كله سابك وقفت جنبك لما حكموا عليك بالنفى لأرض البشر وقفت جنبك لما كنت على وشك الموت و انا اللى انقذتك دى جزاتى ترمينى و تاخد منى ابنى و تديه لسانثير اللى كانت السبب ف التفرقة بينا ولا مش بس كدة دة انت اتجوزتها و عطيتها ابنى
عمرى ابدا ما انسى ساعة اما وقفك باباك فقاعة الملك و قالك اختار الملك ام الحب كنت واثقة فيك ساعتها و قولت اكيد هيختارنى بس اتصدمت لما لقيتك بعتنى و اخترت الملك و من جحود قلبك اتجوزت سانثير
شامل بدموع و قد ضمها إليه بشدة؛ انا كنت بخطط لحاجات تانية يا امينة انت ال مصبرتيش انتى ال سبتينى و مشيتى
امينة و هى تبكى بحضنه: و سيتك ليه سبتك ليه يا شامل مش عشان انت ال بعتنى
امسك شامل وجهها و هو يقول: بعد ما انتى مشيتى بأسبوع ابويا مات و بدل ما احزن عليه بعت علطول حرس يدورو عليكى فكل حتة ساعتها سيبت سانثير و قولت لازم الاقيكى دورت كتيييير اوى طول الفترة اللى فاتت ٢١ سنة بدور عليكى و مش لاقيكى و الله العظيم يا امينة انا حبيتك بكل ما فيا و مازلت بحبك و مش عارف انساكى ولا عايز انساكى
قالت له بصوت مبحوح: منت خلفت منها ٣ يا شامل و نستنى نسيت حبيبتك و عيشت مع اللى كانت السبب فبعدنا عن بعض
شامل: غصب عنى يا امينة منا مخلوق و عندى مشاعر بردو بس و الله لو خلفت منها عشرة ما هتقدر تخلينى انساكى دة انتى حبى الأول و الوحيد و اديكى رجعتى خلاص كفاية بعد و يلا نتجوز و نعيش حياتنا
ابتعدت عنه امينة و بكل كبرياء قالت: انت بعتنى زمان و انا مش هشتريك دلوقتى انا جيت بس عشان كان نفسي اشوف ابنى لكن الى بينى انا و انت انتهى من زمان يا شامل
شامل و هو يبكى؛ لا لا يا امينة منتهاش متقوليش كدة انا بحبك يا امينة
امينة: خد اقرأ الرسايل ال مراتك كانت بتبعتهالى كانت بتهددنى انى مجيش اشوف ابنى بس انا كسرت خوفى المرادى و جيت
جيت عشان اوريك قذارتها و اشوف ابنى اللى اخدته منى …خد امسك رسايلها و اقراها و انت هتعرف انا كنت مختفية ليه
اخذ شامل الرسائل منها و كان سيقرئها
امينة: لا متقرهاش دلوقتى لما امشي ابقى اقراها
شامل ؛ لا انتى مش هتمشي انتى هتقعدى هنا
ابتسمت بسخرية قائلة: و اقعد بأمارة ايي
شامل: طب لو مش عايزة تقعدى عشانى اقعدى عشان ابنك
امينة: ابنى ؟!ابنى اللى مش عارف انى امه اصلا
شامل : هيعرف بس تقعدى و انا مش هاجى جمبك بس الاول لازم تمشي عللخطة اللى هقولهالك
امينة: خطة ايي
شامل: حاروت مش لازم يعرف انك امه دلوقتى لازم كل حاجة تيجى تدريجيا
امينة: ماشي انا هقعد بس انا عايزاك تفهم ان اللى بينى و بينك انتهى
شامل: على الرغم من أن الجملة دى بتكسرنى بس ماشي و دلوقتى اطلعى اوضتك
صعدت امينة لغرفتها و نظرت لكل ركن باركانها و هى تستعيد الذكريات
امينة فسرها: لسا بحبك يا شامل بس لازم اعمل كدة لازم اخد حقنا من سانثير اللى اخدت منا كل حاجة حلوة دة انا مخططة لليوم دة من زمان على عينى يا حبيبي اشوفك مكسور بسببى بس معلش استحمل
كانت امينة نست باب غرفتها مفتوح و كان شامل يمر من تلك الطرقة ليصل لغرفته و لكنه وجد باب غرفتها مفتوح
ذهب ليغلق الباب و إذ به يرى قنبلة الجمال الخارقة جالسة امام المرأة و ترتب شعرها
شامل بصوت عال: لسا جميلة زى منتى يا امينة
امينة و قد ارتدت حجابها بسرعة: ازاى تدخل عليا كدة من غير ما تستأذن
شامل بحزن: بتغطى نفسك عنى يا امينة؟!
امينة؛ انا مش حلالك عشان تشوفنى بشعرى اطلع برا
دخل شامل الغرفة و ظل يقترب منها بضع خطوات حتى اقترب منها
امينة و هى تبتعد: اطلع برا يا شامل اطلع برا
اقترب و قبل وجنتها و قبل انا يصل للباب قال: بعشقك يا امينة
و خرج متجها لغرفته
امينة و هى مصدومة منه بعدما رحل: و انا كمان بحبك يا شامل
و فى صباح اليوم التالى
كان الجميع جالسون فى قاعة الإفطار منتظرين حور لأنها لم تأتى بعد
سمرائيل بتافف: استغفر الله العظيم بقا انا عايز اطفح يا ناس
شامل: عيب يا سمرائيل لازم نستنى حور
سمرائيل: لببت اللى طالعالى فالبخت دى اقسم بالله انا لو مت مجلوط هيبقى بسببها انا نفسي افهم بتعمل ايه كل دة
شامل: مش ملاحظ ان مفيش اللى بيتكلم يا غلطة
سمرائيل: انا غلطة يا شوشو
شامل بعصبية: شوشو ايي يا ولد احترم نفسك اعرف انك بتتكلم مع الملك ولا تحب تشرف فالانفرادى
سمرائيل فسره: اقسم بالله لولا عقوق الوالدين لكنت ..استغفر الله العظيم ايه اللى انا بقوله دة ابويا بردو راجل كبير و واخده على قد عقله
شامل: انت بتبرطم بتقول ايه يلا
سمرائيل : ها لالا مبقولش حاجة بقول انا فعلا غلطة و قليل الادب
شامل: أممم طب ياريت تسمعنا سكوتك
سمرائيل: حاضر بس انا عندى سؤال
شامل: اتفضل اطربنا يا آخر صبرى
سمرائيل: هو السكوت بيتسمع ازاى
شامل بعصبية: ولا فيه ايه ما تقعد ساكت
سمرائبل: خلاص و الله اهو سكت
و بعد قليل وصلت حور
كانت ترتدى فستان ابيض له بعض الزهور الحمراء الصغيرة و رباط شعر احمر و كانت تضع مكياج خفيف
حور: صباح الخير يا جماعة
سمرائيل؛ ما لسا بدرى يختى كنتى فين يا كونتيزة
أميرة و هى تزغده: بس بقا عيب كدة
سمرائيل؛ ما تشوفيها ياستى
حور: آسفين لحضرتك يا أخ سمرائيل كنت باخد شاور
سمرائيل بسخرية: شاااور بتقولك شاور الله يرحمه كان بيشرب الشوربة بايده
حور بعصبية: جرا ايه يا عفريت العلبة انت هو ايه سكتنالو دخل بحماره و ربنا لو ما لميت نفسك لكون محزنا امك عليك
و نظرت لسانثير قائلة : لا مؤاخذة احاجة
سانثير بضحك: خدى راحتك ولا يهمك يا مرات ابنى
و
و عندما سمع حاروت تلك الكلمة شرق و هو ياكل و ظل يكح و نظر لأمه قائلا: مرات مين
سانثير: قال يعنى مش عارف مراتك ان شاء الله
حاروت: نعم انا اتجوز دى انتى بتهزرى ولا ايه استحالة
نظر الجميع باستغراب له كيف كان خائف عليها و سيموت من الغيرة من اعجم و كيف الان أمامها يكابر و يقول انه لا يحبها
حور و هى يتشوح بايديها: و مالها دى يا عنيا انت اصلا انت يا أمير نص كم تطول تبقى جوز حور و حضرتك بتتكلم على اساس انى هموت عليك مثلا دة انت وشك شبه وش رجل اميرة و انت ساكتة و مش راضية اتكلم
حاروت و هو يمسح يده بالمناديل: انتى شكلك واقعة على دماغك و انتى صغيرة عشان كدة انا مش هرد عليكى
يلا سلام يا جماعة ورايا
حور بعصبية و قد شدته من شعره : استنى هنا
حاروت بعصبية: سيبي شعرى يا مجنونة انتى
حور : و الله ما هسيبك بقا انا واقعة على دماغى لى يا حبيبي اسمى حاروت ولا ايه
حاروت: يا بنتى سيبي شعرى مش عايز اتغابى عليكى
حور: كمان لا انا دة انت زيط اوى انا بقى عايزة اشوف غباءك ورينى يلا ورينى
شدتها روز و هى تقول بضحك: خلاص يا حور حقك عليا انا سيبيه غلبان حرام عليكى
و بينما هى تشدها وقعت حور و اذت نفسها
حور : ايدى يا نهار اسود ايه دة دم؟!دم دة صح
روز: اه دم
حور: هار اسود هو ماله اسود كدة ليه
حاروت بلهفة: حور حصلك حاجة
حور : لا يبنى دى تعويرة بسيطة
اخذ حاروت يدها و اخرج من جيبه منديله القماشي الملكى وقام بلفه عليها
حاروت باهتمام: ندى بالك من نفسك المرة الجاية بطلى طيش و تهور
حور: خوفت عليا.
ابتعد عنها حاروت و تلعثم فالكلام قائلا: لا مخوفتش بس انا بحب اساعد الناس
و توجه ناحية الباب ليفتحه و يخرج و لكنه فوجئ بامينة
امينة و هى داخلة بكبرياء: كدة تاكلو من غيرى
وقف الجميع و من ضمنهم سانثير قالت باستغراب: امينة؟!
و بكدة نكون خلصنا البارت العاشر يا قمامير
رواية الملك ام الحب
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الملك ام الحب)
