رواية انت عوضي الفصل التاسع 9 بقلم الكاتبة الصغيرة
رواية انت عوضي الجزء التاسع
رواية انت عوضي البارت التاسع
رواية انت عوضي الحلقة التاسعة
ياسين : هو انتي مهتمية بيه كدة ليه
آية : مفيش ي ابيه بس انا واميرة كنا مستغربين انه سواق لان شكله ميدلش انه محتاج الشغل اساسا
ياسين : هو فعلا مش محتاج شغل هما اهله اغنياء جدا لكن هو كان عاوز يعتمد علي نفسه عشان كدة اشتغل
آية : هو تعرفه منين ي ابيه
ياسين : ما هو يبقي صاحبي وقاللي الحكاية كلها وهو شاطر جدا في السواقة عشان كدة قرر انه يشتغل الشغلانة دي
آية : بس باين عليك بتثق فيه اوي
ياسين : طبعا انا مش هلاقي حد اتطمن عليكي معاه قده هو صحيح يبان انه شوارعي بس هو كدة طول عمره واخد الدنيا بهزار بس اكيد هيعقل وبداية كدة انو يعتمد علي نفسه ويشتغل
آية : بس الحقيقة دمه خفيف اوي
ياسين : عارف ودلوقتي روحي نامي عشان جامعتك بكرة
آية : حبيبي معلييش جامعة بكرة اللي واخد عقلك يتهنابه مع اني عارفة هي مين
ياسين : خدي ي بت قصدك ايه آية ياتري قصدها ايه بالكلام دا
كنت بفكر بكدة وفي بالي هل انا مكشوف للدرجة دي وهل اميرة اخدت بالها من كدة استخرت ربنا وقومت نمت وسيبت اللي هيحصل علي ربنا
اميرة : صحيت من النوم وعملت اللي بعمله كل يوم وناديت بابا وماما عشان الفطار فطرنا وانا خرجت وانا ناوية اروح لتامر عشان الحكاية دي تنتهي وصلت للشركة وبدات شغل قررت اني ادخل استاذن بالخروج وانا متاكدة ان ياسين هيقبل لانه هيتفهم كدة استاذنت ودخلت
اميرة : لو سمحت ي ياسين بيه انا مضطرة اخرج لمدة ساعة وحدة وهرجع
ياسين : في ايه ي انسة اميرة لو في حاجة طمنيني
اميرة : مفيش حاجة ي فندم بس لو سمحت هي ساعة وحدة بس
ياسين : خلاص تقدري تتفضلي ي آنسة اميرة بس متتاخريش
اميرة : شكرا ليك ي فندم
طلعت من المكتب والشركة كلها واخدت تاكسي وطلعت علي بيتنا قصدي بيت تامر متستغربوش اني اتلغبطت و قولت بيتنا لان دا يبقي البيت اللي عيشت فيه تلات سنين من حياتي وصلت وطلعت لقيت الباب مفتوح دخلت وسمعت صوت من اوضة النوم اتسحبت لهناك وشوفته مع وحدة كالعادة بس المرة دي اتصرفت بذكاء وطلعت التليفون وصورته بس بالغلط طلع صوت لما الفاز اللي جنبي وجع واتكسر طلع تامر بسرعة ولقاني
تامر : انتي ايه اللي جابك هنا دلوقتي
اميرة : ايه مش انت اللي كنت عاوز تتكلم معايا واللا انا قاطعتك في حاجة
تامر : اميرة اسمعيني
اميرة : اخرس متجبش سيرتي علي لسانك بعد كدة انا جيت اتكلم معاك بحكاية الطلاق وانا مليش دخل باللي بتعمله في حياتك انت حر
تامر : قولتلك قبل كدة انا مش هطلق
اميرة : انا جاية اتناقش معاك وبقولك ي تطلقني ي اما الفيديو دا هيبقي علي كل المواقع
تامر : انتي بتهدديني ي اميرة
اميرة : اولا قولتلك متجيبش سيرتي علي لسانك وثانيا والله تسميها زي ما تسميها انا بسميها اني باخد حقي
تامر : ماشي ي اميرة هطلقك بس هخليكي تندمي علي اللي عملتيه ودلوقتي اتفضلي
اميرة : ارمي اليمين الاول وورقتي توصلني بكرة
تامر : انتي طالع ي اميرة طالق بالتلاتة
اميرة : شكلك حلو وانت شاطر وبتسمع الكلام سلام ي زوجي اه قصدي طليقي
تامر : افرحي ي اميرة بس وديني لهتندمي طول عمرك عشان كدة
سيبته يقول اللي يقوله وطلعت بسرعة اول ما طلعت اتنهدت كاني كان علي اكتافي حمل كبير وتقيل وهو اللي هيخلص عليا انا لدلوقتي مش مصدقة اني انا اللي عملت كدة مستغربة من الشجاعة اللي جاتلي فجاة واني ازاي وقفت وقولت كل دا مشيت عشان اروح الشركة والحمد لله اني خلصت الموضوع دا بسرعة وحكاية الفيديو دا جات لصالحي وفي الوقت المناسب وصلت للشركة وروحت علي مكتبي كلها شوية ولقيت ياسين بيه بيطلبني استاذنت ودخلت لقيته قاعد بيشتغل اول ما دخلت رفع راسه وبصلي
ياسين : انسة اميرة تقدري تقوليلي ايه السبب المهم اللي خلاكي تمشي بسرعة
اميرة : اصل والدتي كانت تعبانة وروحت اتطمن عليها
ياسين : لا الف سلامة عليها وهي دلوقتي بقيت عاملة ايه
اميرة : لا الحمد لله هي بقت كويسة دلوقتي
ياسين : تمام تقدري تروحي تكملي شغلك
ياسين : خرجت اميرة من المكتب وانا في بالي هي ليه كدبت عليا لاني خليت ياسر يمشي وراها وعرفت انها ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انت عوضي)
