رواية نور الاعمى الفصل الثامن عشر 18 بقلم تارا
رواية نور الاعمى الجزء الثامن عشر
رواية نور الاعمى البارت الثامن عشر
رواية نور الاعمى الحلقة الثامنة عشر
الدكتور بحزن: للاسف يا يزن باشا المريض حصله فقدان للذاكره ومش هينفع يقعد في المستشفي لاننا منعرفش اي بيانات عنه
يزن بحزن: خلاص يا دكتور انا هاخده عندي
الدكتور: تمام بس دا لازم له رعايه واهتمام لانه تعبان والخبطه كانت جامده عليه
يزن: خلاص يا دكتور انا ممكن اخد ممرض معاي يهتم بيه وبعلاجه
الدكتور: تمام كده هكتب له الخروج بس بكره الصبح لحد ما نتأكد انه حالته استقرت
يزن: تمام
مشي الدكتور ويزن رن علي اهله وحكي لهم الحصل وقالهم يجهزوا اوضه له وانهم جايين بكره الصبح
عدا الليل عليهم وهم في حاله قلق وجه الصبح ويزن اخد المريض ومعاه ممرض في عربيه إسعاف لانه مكنش لسه فاق ووصلوا الفيلا وكانوا منتظرينه وكان مصطفي واحمد ومحمد وكرم رجعوا
مصطفي: هااا يا يزن طمنا حالته الصحية عامله اي وازاي دا حصل
يزن: زي ما انت شايف يا بابا
محمد: طيب يا جماعه مش وقته اطلب منهم يا يزن ياخدوه للاوضه نحن جهزناها
يزن: حاضر يلا يا جماعه تعالوا من هنا
اخدوه الاوضه والكل راح هناك والصدمة كانت من نصيب يارا
يارا بصدمه ودموع: سيييييف وجريت عليه وهي بتبكي
يزن: انتي تعرفيه
يارا مرضتش عليه من الصدمه والخوف عليه
سيا: اه يا يزن سيف نعرفه من الكليه هو وزميل لنا
نور باستغراب: وليه هي متأثره كده
سيا بحزن: يارا بتحبه اوي بس هو خطب ودا السبب اللي خلي يارا تحاول تنتحر
مره وحده يارا قامت ومسكت يزن من قمصيه : انت السبب انت اللي خليته بالحاله دي ازاي تعمل كده هاااا ازاااي تعمل كده انا مش هسامحك انت السبب
يسري شدتها من ايدها وبعدتها عن يزن وضر*بتها بالقلم
يسري بغضب: انتي ازاي تكلميه كده يا خساره تربيتي فيكي عشان دا بتعلي صوتك عليه
يارا كانت مصدومه من الحصل لان دي اول مره امها تضر*بها فيها وسيا اخدتها في حضنها
سيا: اهدي يا طنط هي متقصدش هي بس اتعصبت شويه مش اكتر
يسري: وتتعصب ليه مش فاهمه نعرفه منين دا وتزعل عليه ليه من الاساس هاااا ردي عليا
يزن: خلاص يا طنط اهدي محصلش حاجه
نور: سيا خدي يارا أوضتك
حسناء: ايوا نور معاها حق خديها من هنا يا سيا وياريت تعقليها انه دلوقتي هو واحد خاطب ومينفعش تفكر فيه
سيا اخدت يارا وطلعت من الاوضه
حسناء: مكنش ينفع تعملي كده يا يسري يارا لسه صغيره
يسري: ٢٠ سنه وصغيره ازاي اومال هتكبر متي
حسناء: برضو كنتي تعاملتي معاها بطريقه اهدي
كرم: لا يسري معاها حق البنت كده هضيع مننا لازم تفهم ان دا غلط وأنه هو بيحب غيرها وخطبها كمان مش ناقصين تعمل في نفسها حاجه تاني المره اللي فاتت لحقناها المره دي الله واعلم هنلحقها ولا وانت يا يزن حقك عليا
يزن: متقولش كده يا عمو يارا زي سيا عندي
كرم: تسلم يا ابني
احمد: بس سيف دا شكله مش غريب عليا
حسناء: ولا عليا حسه اني شوفته قبل كده
يزن: مش عارف اول مره اشوفه المهم دلوقتي هنعمل اي لما يفوق نحن منعرفش عنه حاجه ومتوقعش ان يارا هتقدر تتكلم دلوقتي وسيا معاها ومينفعش تسيبها وحدها وهي بالحاله دي
سليم: طيب الدكتور ادكش اي حاجه كانت معاه
يزن: لا وانا بصراحه مسألتش
سليم: طيب انت دلوقتي تروح للدكتور اللي كان مشرف علي حالته وتسأله
يزن: تمام وانتو خدوا بالكم منه
سليم: ماشي يزن مشي راح يشوف الدكتور
الممرض: ممكن تخرجوا من الاوضه لأنه محتاج راحه
سليم: ماشي يلا يا جماعه
نور وملك راحوا للبنات
عند سيا ويارا
سيا بغضب : اي اللي عملتيه دا يعني انتي مش عارفه ان العيله كلها كانت موجوده واللي عملتيه دا كان غلط
يارا: مقدرتش يا سيا انتي عارفه كويس انا بحبه ازاي
سيا بانفعال: بتحبيه وهو مش شايفك اصلا وراح خطب اهو خلي عندك كرامه شويه
يارا بعصبيه: وانتي ليه مش مخليه عندك كرامه وتشيلي زين من دماغك وانتي عارفه انه خلاص اتجوز نور تؤامك وعلي طول لاصقة فيه وبتحاولي انهم ميقربوش من بعض ولا انتي مفكره اني مش واخده بالي
سيا: لان زين من حقي انا انا اعرفه من زمان عشت معاه سنين نور دي تعرفه منين تعرف هو بيحب اي ويكره اي
يارا: علي اساس انتي تعرفي سيا بلاش نكدب علي بعض زين عمره ما حكي لك حاجه تخصه انتي بالنسبه لزين اخته مش اكتر
سيا سكتت شويه وكملت بدموع وحزن: عارفه يا يارا عارفه بس اعمل اي بحاول ابعد مش عارفه انا بحبه وبحب نور برضو دي تؤامي عارفه أني لما كانت تتعب كنت بحس ان قلبي وجعني ودا اكتشفته لما جيت هنا لما كانت تعبانه حسيت اني انا اللي تعبانه مش هي انا مقدرش اخرب بيتها وهي شافت كتير كفايه عليها لحد هنا وانا هحاول أخرجه من قلبي وهخرجه وعد مني هخرجه
كله ده ونور وملك كانوا واقفين وسامعين كل حاجه ونور بقت تبكي ورجعت لورا وملك سندتها واخدتها اوضتها
يارا: حقك عليا يا سيا مكنش قصدي انك تحسي كده انا اسفه
سيا حضنتها: لا انا اللي اسفه انتي معاكي حق من الاول كان لازم اني أنساه
عند نور وملك
ملك: اهدي يا نور يا حبيبتي دا نصيب
نور بدموع: ازاي بتحبه ازاااي انا مكنتش اعرف انها بتحبه والله ما كنت اعرف لو كنت اعرف مكنتش وافقت
ملك: نور انتي ملكيش ذنب ما اهي سيا لها ٢٠ سنه قدامه مفكرش فيها ليه ولما قرر يخطب مخترهاش ليه واختار نيره
نور باستغراب: نيره مين
ملك : خلي زين يحكي لك المهم دلوقتي اهدي ومتقوليش لسيا انك سمعتيها
نور وهي بتمسح دموعها: لا لازم اقولها وانهي الموضوع ده معاها مش عايزاها تكرهني
ملك: لا متخفيش سيا مش كده قلبها طيب
قطع كلامهم صوت فون ملك
ملك: الو السلام عليكم
رحمه: وعليكم السلام ورحمة الله وبركاته اذيك يا حبيبتي عامله اي
ملك: الحمد لله انتي عامله اي يا رحمه
رحمه: الحمد لله كنت عايزه منك طلب
ملك: اتفضلي يا حبيبتي
رحمه: كنت مزنوقه في خمس الألف ماما تعبت فجأه وانتي عارفه الحال
ملك: الف سلامة عليها يا حبيبتي شوفي مكان المناسب واجي لك
رحمه: تعرفي الكافيه ****
ملك: ايوا عرفاه
رحمه: تعالي لي هناك انا اسفه هتقل عليكي
ملك: اخس عليكى يا رحمه مافيش بينا كده
رحمه: شكرا يا حبيبتي يلا سلام
ملك قفلت معاها
ملك: نور حبيبتي رايحه مشوار وجايه بسرعه
نور: ماشي يا حبيبتي
ملك استأذنت حسناء ومحمد وراحت لرحمه
رحمه: تعالي يا رحمه معلش تقلت عليكي
ملك: بس يا بت لي الكلام العبيط دا
رحمه : انا اسفه اجبروني علي كده
ملك باستغراب: مش فاهمه قصدك اي
وفجاه …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نور الاعمى)
