رواية قطرة ندى الفصل الثاني 2 بقلم أسماء رمضان
 |
| رواية قطرة ندى الفصل الثاني 2 بقلم أسماء رمضان |
رواية قطرة ندى الفصل الثاني 2 بقلم أسماء رمضان
اسامه وصل ندي للمدرسه وكان كل الطريق بيهم … وصلت ندي قابلت نور (صديقه الطفوله لندي ) عند باب المدرسه
ندي: صباحوو يستاا
نور : صباحو الفل
اسامة : سلام انا بقا
ندي: سلام
يلا ندخل ياحب ..
نور: نداااا مش هتخليني ارتبط بخوكي دا بقا (نور صحبت ندي المفضلة ودايما مع بعض من اولي ابتدائي بيحبو بعض جدا ومهما اتخانقوا بيرجعوا لبعض تاني )
ندي: احترميني يابت دانا اختو حتي
نور: فكك من الحوار دا الواد موز يابت
ندي: اومال مش بتتكلمي معاه ولسانك اللي عاوز قصو دا بيطير قدامو ليه هااا …
نور: دا عشان اختو صحبتي بس
ندي: اه انتي هتقوليلي
وصلنا الفصل ودخلنا بيوم روتين ممل كالعاده …
عند اسامه…..
في كلية الهندسة جامعة عين شمس اسامه قابل صحابه..
محمد و حاتم و شريف و مها و داليا ( كانوا مجموعة مع بعض دايما ضحك وهزار وطبعا جدعنه ….)
اسامة : صباحوو يادفعااه
الشلة: صباحوو فل ياستا
مها : تعظيم سلام لاجدعها اسطوات
محمد : علينا اي انهاردة
اسامة: دا اللي انت شوفت وش الدكاترة من اول السنة مش بتخدها نوم صح
حاتم: يابني دا جايب معاه مخده بدل الكتب
داليا: احنا مش نافعين من غير كلام ياشباب
ندي خلصت المدرسة وراحت الدورس بعدها هي ونور
واسامه خلص محاضراته وراحو البيت..اليوم خلص بين التعب و المرح .. .
الاتنين وصلو بيتهم وكل واحد ع اوضه عشان يذاكرو…ونامت من كتر التعب …
وحصل ….
مصطفي : الوو..
ندي: امم..
مصطفى: وحشتيني…
ندي:…….
مصطفى: غصب عني مش قادر اتحكم في قلبي ..
ندي: عارفه
اممم حور عامله اي و ممامتها ..
مصطفى: كويسين بس انا مش كويس وانتي عارفه
ندي: هضطر بسببك اغير الاسم اللي كنت مختراه لبنتي
مصطفي :عندك مانع ولا اي
وبعدين ممكن تفكري ف الثانوية الاول ياهانم
ندي: برااحة طاب
مصطفي: لا ياختي انا عاوزك تجيبي مجموع حلو وتدخلي طب الاطفال اللي نفسك فيه
انا قلت اهو ياندي لو حصل غير كدا هزعل منك
ندي: امممم …
مصطفي: ندااا..
صحيت ندي مفزوعة من حلمها للمرة المليون
لكن كان ع قرآن الفجر فتذهبت لاسامة عشان تصحيه يصلو سوا الفجر…
ندي : اساامة يااسااماااااة ياسمسم اصحا ياوااد وقاعدة تلعب في منخيرو و شعرو لحد مصحي
اسامة: حراام سبيني نايم متاخر
ندي: لي بقا ياسي سمسم
اسامة: نعم..!
خدي يابت و يمسكها من اذنها ويقول : مش قلتلك مليون مرة بلاش سمسم دي
ندي : ااه ااه بعينك وطلع لسانها
وسمعو الفجر بأذن ..
اسامة: ماشي ماشي
يلا نصلي الاول ياقلب سمسم
فذهبا وصلي اسامه الامام
وبعد الصلاه …
اسامة : مالك ياندي
ندي: هه هيكون مالي يعني
اسامة: بقولك مالك
ندي: ملقت مليش
عبوشكلك
اسامة: ندي
ندي: الثانوية والضغط بس ياحبيبي عشان باقي شهر واحد ع الامتحانات وكدا
اسامة: هعمل مسقعة اغرفلك
ندي: ااه و النبي يريت تكون سوخنة
اسامة: يمسكها من خدودها ويقول
بصي ياست البنات الثانوية دي زي اي سنه عادية بس بتكون ضغط شوية بسبب انها ترمين سوا مع انك في مدة اطول و كمان حوار وضغط انك لازم تجيبي مجموع كويس عشان متخيبيش امل حد و الكلام الهجص دا
مع ان ربنا من ساعة متولدتي كتبلك انتي هتجيبي كام وتتدخلي اي وفين وليه وكل حاجة مكتوبة ع جبهتنا كل اللي علينا اننا بنذل مجهود و ربنا مش هيضيع تعبنا..
ندي: بس فيه اللي بيعمل اللي عليه واكتر وفي الاخر بيدخل كليه وحشة او مش بيجيب مجموع كويس او اللي هو عاوزو
اسامة: بصي مبدئيا مفيش حاجة اسمها كلية وحشة او غيرو لان كل الكليات ليها فائدة في المجتمع بس اللي يفهم بقا
بالنسبة للمجموع واللي عمل اكتر من مجهود فدا بيكون تدبير ربنا لانو شايف ان الشخص دا هيكون مناسب اكتر في المكان دا وهيتوفق احسن من الكلية اللي كان نفسوا فيها و هيجيب فيها احسن واحلا بإذن الله وربنا بيوفقو وزي مقلتلك من ساعة متولدتي ومكتوب هتتدخلي اي اعملي اللي عليكي والباقي سيبيه وربنا هيدبروا
فهمتي ..؟
ندي: اه ياحبيبي ربنا ميحرمني منك (لكن لسه زعلانه ودا باين ع وشها)
اسامة : ها بقا قوليلي
ندي: نعم
اسامة : المسقعة حلوه
ندي : ااه طبعا بس كانت عاوزة ملح شويه صغنين
اسامة : مسكها من خدودها وقال لو متكلمتيش مش هسيبك
ندي: ااه حاضر حاضر هتكلم
فيتركها وتقول
مصطفي …
يتبع..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة ديسمبر للكاتبة هند حمدي
