رواية غرام تركي الفصل الخامس والثلاثون 35 بقلم لؤلؤة محمد
رواية غرام تركي الجزء الخامس والثلاثون
رواية غرام تركي البارت الخامس والثلاثون
رواية غرام تركي الحلقة الخامسة والثلاثون
رسلان / اسمعوني يا رجاله وركزوا معايا كويس جدا
كل 5 هيعملوا فريق وعاوزكم تنتشروا في المحطه كلها ميكونش فيه مكان واحد مش قدام عيونكم وتاخدوا بالكم كويس جدا من كل حاجه واللي يلاحظ حاجه غريبه يعرفنا في السماعه حد فيكم سماعته بايظه ؟
كلهم بصوت واحد / لأ يافندم شغاله
رسلان / اتوزعوا
الفريق اتوزع ورسلان ومفككين القنا’بل راحوا عند غرفة كاميرات المراقبه يتابعوا كل حاجه هناك
______________________
عند غرام كانت وزعت فريقها في ملاهي دريم لاند كلها ووقفت هي كمان والمفككين في غرفة المراقبه تتابع اللي بيحصل من خلال الكاميرات
______________________
عند ركان وزع فريقه في الإستاد وبدأ هو كمان يلف في كل الأماكن ويتابع الناس ونظراتهم وحركاتهم كويس أوي
_____________________
عند يوسف بدأ يتحرك في مبنى الوزاره كله ووزع فريقه كله هناك وبدأ يفتش كل ركن وكل شخص داخل أو خارج من المبنى ويتابع نظرات الكل ويركز في كل حاجه عشان ميحصلش أي حاجه غلط
_____________________
عند رسلان لاحظ واحد في الكاميرات بيتلفت حواليه وهو ماشي وبدأ رسلان يركز معاه كويس
في المحطه كان فيه راجل ماشي يتلفت حواليه لحد ما راح عند ركن معين في الإستراحه وبدأ يتلفت حواليه يتأكد إن محدش شايفه ووطى وهو باصص حواليه وحرك رجله وداس على جزء معين في الأرض وفيه نور أحمر بسيط خالص نور محدش يلاحظه الا اللي مركز فيه كويس أوي بص الراجل على النور وقام بسرعه وبدأ ياخد طريقه للخروج من المحطه
رسلان بص للمفككين / تعالوا ورايا
واتكلم في السماعه اللي في ودنه / واحد طالع من البوابه دلوقتي لابس قميص اسود وبنطلون قطن اسود وكاب أصفر وكوتش أبيض امسكوه فوراً ميعديش من ايديكم فاهمين
وجري بسرعه والمفككين وراه وصل عند المكان اللي كان فيه الراجل وبص على النور الأحمر اللي خارج من ركن بين حيطه وعمود ولاحظ إن فيه جنبه شاشة عداد تنازلي من 6 دقايق بص في ساعته وشاور للمفككين يشوفوا شغلهم وبعدين بص للي معاه مواعيد وصول القطارات / فيه قطرات جايه دلوقتي
الراجل / أيوه يا فندم قطر الصعيد هيوصل كمان 5 دقايق
بصله رسلان بصدمه / وبيحتاج وقت قد ايه عشان ينزل ويحمل
الراجل / تقريباً من 8ل10 دقايق
رسلان / وقف القطر ده حالاً ميوصلش المحطه بسرعه
بدأ الراجل يتكلم في تليفونات التوصيل للقطر ويعرفه يوقف مكانه ميتحركش
رسلان بص للمفككين / عملتوا ايه
واحد منهم / سلوك المتفجر’ات محفورلها في الأرض ومعديه من تحت محتاجين نحفر الأول عشان نوصلها
بصلهم رسلان بصدمه / باقي وقت قد ايه
واحد تاني / باقي 5 دقايق
رسلان / وهتلحقوا تحفروا
شخص / معتقدش هنلحق لازم نخلي المحطه عشان الخساير متكونش كتير
اتكلم رسلان في اللاسلكي / اخلوا المحطه فوراً بسرعه
/ تمام يافندم
بدأت أصوات الناس تعلى في المحطه وبداوا يجروا بعد ارتفاع أصوات قنا’بل في المحطه قنا’بل في المحطه وكلهم بدأوا يجروا بسرعه عشان يخرجوا من المحطه بدأوا بحفر طريقهم بماكينه كهربائيه ( مش عارفه اسمها ايه يا جماعه 👀) لتسهيل وتسريع الحفر وفعلاً بدأت سلوك المتفجر’ات تبان وبدأوا المفككين يشوفوا شغلهم وباقي من الوقت دقيقتين هل هيلحقوا 👀؟
______________________
عند ركان كان ماشي يفتش الجراچات ويتسمع على العربيات الموجوده لأنه حاسس إنهم هيعملوها زي ماعملوها قبل كده في أوكرانيا وأثناء ما كان بيتحرك بين العربيات لاحظ إن فيه عربيه فعلاً جاي منها صوت تِك تُك تِك تُك بسرعه بدأ يتلفت حواليها ويشوف الصوت جاي منين وطلع جاي كبوت العربيه راح بسرعه فتحه لقى شاشة عداد تنازلي محطوطه على موتور العربيه وفيه سلوك من الجنب اليمين والجنب الشمال للشاشه تقريباً موصله لموتور العربيه
ركان في اللاسلكي / المفككين بسرعه على جراچ الإستاد حالاً
بدأوا المفككين يجروا بسرعه على جراچ الإستاد وراحوا مكان ما ركان واقف وبدأوا يشوفوا شغلهم وبعد دقيقه
واحد منهم / ركان باشا المتفجر’ات ماليه كل ركن في العربيه دي وكلهم متوصلين بموتور العربيه والعربيه زي ماحضرتك شايف شغاله واحنا مش هنعرف نفككهم وهي شغاله
ركان / طب مانبطلها
واحد من المفككين / لو بطلناها المتفجر’ات هتنفج’ر في لحظتها لأنهم متوصلين بالموتور حالياً هما شغالين بعداد زمني واللي هما 30 دقيقه يعني متظبطه تنفج’ر أثناء لعب الماتش وتجمع الناس يافندم
ركان / طب نخلي المكان ؟
واحد منهم / معتقدش هنقدر يافندم
ركان بصلهم وراح على العربيه وبدأ يشوف البنزين بتاعها ولقى تانك البنزين مليان ركب العربيه ووساق بيها بسرعه فائقه وطلع من الجراچ وطلع من الإستاد كله وزود على أخر سرعه في العربيه وهو بيحاول يتخاطى كل العربيات اللي موجوده في الطريق وإن ميضطرش يوقف العربيه أو حتى يعمل حادثه لأنه لو عمل حادثه العربيه وقتها هتنفجر فضل سايق العربيه بسرعه لحد ما من على بعد شاف نهر النيل فنزل بالعربيه فيه وأول ما العربيه نزلت المايه انفجر’ت في ساعتها لدرجة إن المايه طارت لفوق بسب الإنفجا’ر الكبير اللي حصل
________________________________
عند يوسف كان فتش المبنى كويس وقفل كل أبواب المداخل والمخارج ومنع دخول أو خروج حد وواقف في غرفة المراقبه هيتجنن ازاي هيفجروا المبنى ومفيش حد مشكوك فيه خالص طب هيدخلوها ازاي فونه رن بص فيه
يوسف / خلوا بالكم من الكاميرات كويس جدا هرد على الفون بس وجاي
وأخد فونه وطلع من غرفة المراقبه ورد عليه وهو بيتمشى
يوسف / السلام عليكم
علي / وعليكم السلام ورحمه الله وبركاته بقولك يا يوسف هي غرام معاك
يوسف / لأ غرام في مهمه
علي / طيب أنا برن عليها ومحتاجها ضروري وهي مش بترد
يوسف وهو ماشي لاحظ السلم اللي بيودي على السطح طلع عليه / هي مش هتعرف ترد عليك حالياً يا علي هو فيه ايه
علي / أخت عاكف واصحابها اتخطفوا
يوسف فجأه حس بقلبه اتعصر أول ما افتكرها لما كانوا عند بيت عاكف / ازاي يعني ومين اللي خطفهم
علي / واحد رن عليه من أمريكا وتقريباً حد سرب الملف المزيف بتاع غرام وقالوله أنه لو العمليه متنفذتش هيقت’لهم كلهم لأنهم مش عارفين مين فيهم أخته فيضطروا يقتلو’هم كلهم
يوسف كان على السطح فضل واقف بصدمه وزهول / علي بقولك هكلم الشباب بس ونيجي على طول بإذن الله سلام
وقفل من غير ما يسمع رده وفضل يبص للسطح اللي متلغم متفجر’ات بصدمه وزهول ازاي مجاش في باله يبص على السطح وبص على كمية المفتجر’ات المهوله اللي قدامه
أكيد المتفجر’ات دي كلها متوصله بسلك توقف واحد عشان تشتغل كلها مع بعضها وبدأ فعلاً يدور على السلك ده لحد مالقاه نازل من على حيطة المبنى تتبعه بنظره لقاه موصل على غرفة المراقبه نزل يوسف بسرعه ودخل غرفة المراقبه وراح عند الشباك وتتبع السلك ولقاه موصل ورا شاشة كومبيوتر وفيه شاشة العداد التنازلي مسك المقص وقص السلك بسرعه وفعلاً المتفجر’ات اتوقفت
يوسف بتنهيده / الحمدلله ألف حمد وشكر ليك يارب وكلهم سجدوا سجدة شكر لربنا
_____________________
عند غرام كانت واقفه في غرفة المراقبه
واحد من مفككين القنابل / وحش أنا لاقيت المتفجر’ات
غرام بصتله بسرعه / فين
/ لو ركزتي في الألعاب كويس هتلاقي إن كل لعبه فيها سلوك غريبه وده معناه أنها مجموعة متفجر’ات في كل لعبه
غرام / طب ومستنيين ايه ماتشوفوا شغلكم بسرعه
وفعلاً خرجوا المفككين وبدأوا يتفحصوا الألعاب وهي شغاله وكلهم سيطرت عليهم حاله من الصدمه والهلع
/ وحش فيه كارثه
غرام / كارثة ايه
/ المتفجر’ات متوصله بالألعاب كلها ومتنظمه إن أي لعبه تقف المكان كله ينف’جر
غرام بصتلهم بصدمه واتكلمت في اللاسلكي / مفيش أي لعبه تقف كل الألعاب تفضل شغاله فاهمين
كانت غرام واقفه وفونها رن وكان يوسف ردت بسرعه / ايه يا يوسف
يوسف / أنا في دريم بارك انتي فين.
غرام / جيت في وقتك محدش هيعرف يحلها إلا المارد تعالى عند غرفة المراقبه حالاً
يوسف قفل وراح عندها / ايه فيه ايه
غرام / مجموعة متفجر’ات متوصله بالألعاب كلها ومتنظمه إن أي لعبه تقف المكان كله ينف’جر
يوسف بدأ يركز في الألعاب / كل المتفجر’ات دي لازم بيكونوا متوصلين بسلك واحد عشان يشتغلوا مع بعض وبما إنهم منظمين إنهم ينفجر’وا لو لعبة وقفت إذا السلك متوصل بأجهزة تحكم الألعاب دي فين غرفة التحكم ؟
راحوا كلهم عند غرفة التحكم وبدأ يوسف يركز في كل السلوك عشان يحدد أي سلك هيقطعه وفعلاً لقى السلك وطلع المقص وقطعه فوراً وفعلاً الليزر اللي كان خارج من الألعاب انطفى
وكده المتفجر’ات اتوقفت
الكل صقف بفرحه كبير وغرام ويوسف خبطوا كفوفهم ببعض بفرحه
__________________________
عند رسلان كان العداد التنازلي بيعد3/4/5/6/7/8/9/10
وقصوا المفككين سلك واتوقف العداد واتوقفت المتفجر’ات وبدأ الكل ياخد نفس باطمئنان
رسلان فونه رن / ألو
يوسف / ايه يا قيصر عملت ايه
رسلان / Done
يوسف / وأنا وغرام كمان خلصنا كده مبقاش غير ركان هنرن عليه دلوقتي
قفل يوسف وبص لغرام / مبيردش يا يوسف أنا قلقانه
يوسف لسه هيتكلم ولقى إبراهيم بيرن عليه / أيوه يا فندم
إبراهيم / ايه يا يوسف ركان هنا أهو وخلص انتوا لسه مخلصتوش والا ايه
يوسف / لأ يافندم كله تمام بس يافندم فيه ناس أمريكان خطفوا أخت عاكف واصحابها تقريباً حد سرب الملف المزيف بتاع غرام
إبراهيم / طب ركان هيروح على بيت عاكف دلوقتي اتقابلوا كلكم هناك وحلوا الموضوع ده يا يوسف
يوسف / تمام يا فندم سلام
قفل وبص لغرام وراحوا عند بيت عاكف وبعتوا لرسلان يروح على هناك وصلوا ودخلوا البيت لقوا مامت عاكف بتعيط وعاكف وعلي قاعدين يهدوها وركان بيتكلم في الفون ورسلان قاعد وقدامه لاب توب
غرام جريت على مامت عاكف حضنتها / حقك عليا يا أمي أنا السبب أنا السبب
أم عاكف / متقوليش كده يا غرام ده مقدر ومكتوب يابنتي
ركان / ها يا رسلان وصلت لإيه
رسلان / ده عنوان ڤيلا في شرم الشيخ
يوسف / كده هنحتاج طياره
ركان / أنا هطلب طياره دلوقتي
رسلان بص لغرام / احنا دلوقتي هنروح نجيبهم تمام
غرام باستغراب / تمام
رسلان بغيظ / وحيات أهلك وأهلي يا غرام بعد ما نرجع لانعمل فرح ونستقيل أنا وانتي من أم الشغل ده ولو سمعت منك نفس واحد هحبسك هنا لحد ما المأذون يكتب فاهمه
غرام الفرحه نورت قلبها ووشها / وأنا موافقه
بعد ربع ساعه كانت وصلت طياره فوق ونزلت حبل وطلع ركان ويوسف وغرام ورسلان وأخدت الطياره مسارها على شرم الشيخ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام تركي)
