رواية الحربايه والثعبان الفصل الثالث عشر 13 بقلم منة محمد
رواية الحربايه والثعبان الجزء الثالث عشر
رواية الحربايه والثعبان البارت الثالث عشر
رواية الحربايه والثعبان الحلقة الثالثة عشر
في جناح أمير ودعاء فاتح الاب توب وبيفر في صور فرحهم
آمير ابتسم و قال بهدوء : بقولك ايه كنت بفكر اكبر صوره فرحنا واعلقها في الركن ده
دعاء قاعده بتفكر في موضوع داغر
آمير كمل: بس محتار اختار انهي واحده ,اختاري معايا
دعاء مش مركزه اطلاقا معاه وهو شاورلها: دعاء
دعاء اتنبهت: ايوه
آمير: بتفكري في ايه
دعاء: ولا حاجه كنت بتقول ايه؟؟!!
آمير: كنت بعرض عليكي اي صوره نكبرها
دعاء شاورتله: اه دي حلوه ونبروزها بس نعلقها فين؟؟!!
آمير اتعدل ومسك ايدها: هو انتي مش واثقه فيا؟؟!!
دعاء: انا بثق فيك , ليه يا آمير بتقول كده
آمير: اوكيه لو مش حابه تشاركيني براحتك مش هجبرك , بس مهما كان همك تقيل تقدري تشركيني معاكي ،واخفف عنك انا مش بحب اشوفك حزينه
رحاب دخلت عليهم :حزينه ليه حصل ايه؟؟!!
آمير توه الكلام وقال ببتسامه: ولا حاجه كنا بنتفرج ع الصور , وبقولها بلاش الي انتي فيها حزينه
دعاء ببتسامه: اه فعلا وبنختار واحده تكون حلوه
رحاب أأعدت ع حرف ايد الكرسي ناحيه امير وقالت: لاء وروني كدا
آمير: تعالي بس خدي بالك للاب توب يقع ،هقوم ارد ع موبيلي
رحاب قعدت جنب دعاء: واو الصوره دي حلوه اوي
آمير بصلهم: بقولكم ايه يا حلوين اتفرجوا ع الصور وهرجع خلال ساعه , رجاء خدوا بالكم من الجهاز عليه ملفات مهمه
دعاء: انا هقفله واشيله متقلقش
آمير: اوكيه سلام
رحاب شاورت له: باي
دعاء: يعني نختار دي
رحاب: افكورس رغم كلهم حلوين
…………………قصص منه محمد كاتب……………
في منزل عائله دعاء فوق السطح
الفت بقهره : عرفتي ازاي انه عاوزها
ميسر بحقد: ده كان فاضل شويه ويعلنها في المنطقه , قال بنفسه , الي بتحبيه وواقع لشوشته في بنت تانيه ،ياغبيه يا ام دماغ مهلبيه
الفت: كنت شاكه شوفته في فرح اخته ,وهو بيلف حواليها , وايه الي هيحصل دلوقت
ميسر: معمر قالي انه رافض يتجوزك , وسمعتي كلام يحرق الدم ،واتحملت كله بسببك ،والا كنت كسرت وشه الف حته
الفت: متعمليش انك مديونه لي انا عارفه كويس اكيد ليكي هدف وري كل ده ،حتي لو متجوزتش داغر انتي عينك ع مرتبه والفلوس الي بيدهالك معمر بتحوشيهم وعامله خميره قد كده
ميسر بتهكم: امال عاوزني افرقها ع عيال الشارع. اكيد هحوشهم لازم اعمل قرشين للزمن بقولك ايه روحي حلي مشاكلك بنفسك متزعجنيش معاكي
الفت بتودد: انا كنت بهزر معاكي , قوليلي امتي هتيجي بهيه تطلب ايدي
ميسر: يابنتي اصبري صدقيني هيحصل
الفت: الف شكر ياختي
………..قصص منه محمد كاتب……………..
في جناح دعاء قاعده بتتفرج ع الصور ع اللاب توب ومبسوطه بالصور
امال دخلت: مدام دعاء الهانم عاوزاكي تحت
دعاء: حاضر جايه حالا
دعاء قفلت الجهاز وحطته ع مكتب آمير ونزلت ورحاب اتسحبت ودخلت فتحت الجهاز ومسحت كل البيانات المحفوظه عليه !!!!!!
دعاء راحت عليها: طنط حضرتك بعت لي
ناني بحده: ايوه فين آمير؟؟!!
دعاء بهدوء: خرج عنده متينج وقال راجع بعد ساعه
الجده بأبتسامه: حبيبتي دعاء , انتي عارفه ان فيه ضيوف مهمين جاين كمان يومين ’ ولازم نهتم بيهم جدا , وواجب ضيافتنا يكون برفكت
دعاء : متقلقيش ياجدتي مش هتنقص اي حاجه
ناني بخبث: اه بالحق مش ناوين تجوزوا اخوكم
دعاء بلعت ريقها: افندم
ناني: يعني هو نفس سن آمير وبسألك مش ناوي يتجوز
دعاء: هي ماما بتفكر في الموضوع , واول ما نلاقي بنت تناسبه هيتقدم ع طول , هروح اعملكم القهوه
ناني في سرها: من اول ما سمعت جواز رحاب وهي بتتصرف تصرفات غريبه ومعني كده ان كلام رحاب بصحيح البت دي بتغير منها كتير
الجده: بتفكري في ايه
ناني: مجرد فكره عشوائيه , البني ادم الي بيبقي طيب قدامك , هو في الحقيقه تعبان خطير لدعته والقبر
الجده بتنهيده: عندك حق , وعشان نلاقي ناس عندهم ذمه وضمير ده قليل اوي , وخصوصا في الفتره الاخيره محدش بقي له امان
……..قصص منه محمد كاتب………….
في جناح آمير رجع فتح اللاب توب لقي كل البيانات محذوفه وده جننه
آمير بصوت عالي: دعاء
دعاء خرجت مهروله من الحمام: نعم
آمير: اللاب توب كل الملفات الشغل الي عليه محذوفه
دعاء بندهاش: ايه ممسوحه
آمير :ايوه كلها ممسوحه ،وكنتي اخر واحده استخدمتيه مش كدا
دعاء بطقائيه: ايوه بس قفلته وحطيته ع المكتب
آمير زعق: فين الملفات ازاي اتحذفت ده شغل مهم ازاي هرجعه تاني ومش معايا نسخه
دعاء: آمير انا مجتش ناحيه الملفات ،انا اتفرجت ع الصور وبس
آمير اتك ع سنانه بغضب: امال الملفات راحوا فين؟؟!!
دعاء: معرفش ده حصل ازاي انا آسفه
آمير بنفعال شديد: انتي اخر واحده استخدمتيه , واكيد دوستي ع حاجه بالغلط ,ولا هم مسحه نفسهم يعني
دعاء بعصبيه: وانا بقولك معملتش اي حاجه , ومجتش جنب اي حاجه غير الصور
رحاب دخلت بمكر: امير ليه بتتخانقوا صوتكم واصل لبره
آمير مسح وشه: مش بنتخانق عايزه ايه؟؟!!
رحاب: لاء هرجع في وقت تاني
دعاء: لاء يارحاب قولي
امير مشي مخنوق وقرب من المكتب وبيحاول يشوف الملفات
رحاب بصتله ورجعت بصتلها وقالت: الوقت مش مناسب هرجع في اي وقت تاني
دعاء: قولي
رحاب: رايحه خطوبه واحده صاحبتي وقررت استيل الفستان الي هلبسه بس عايزه مجوهرات شيك البسها فممكن لو عندك حاجه رقيقه اخدها
دعاء بتوتر للوضع: اه اكيد استني اجبلك العلبه (راحت جبتها) اتفضلي اختاري الي يعجبك
رحاب اخدت العلبه وفتحتها وقالت : شور اه حلو الحلق ده بس ممكن استلف منك السلسله الالماظ مش كده
دعاء: اه طبعا استني اشوفهالك في العلبه
رحاب: ثانكيو
دعاء فضلت تفتش في العلبه ملقتهش راحت تدور في لادراج وتفتح فيهم ورحاب مبسوطه جدا وآمير واقف ع اخره بيحاول يرجع الملفات المحذوفه
رحاب: آميري مالك ليه مضايق كدا
آمير بخنقه: ملفات مهمه في الشغل اتمسحت
رحاب بمكر : حصل ايه يادعاء ملقتهاش
دعاء بتوتر وارتباك: السلسله مش موجوده
آمير ضم حواجبه اوي: قصدك ايه اكيد موجوده في العلبه بصي مره تانيه
دعاء: فاكره اخر مره قلعتها وحطتها ع التسريحه لكن
آمير: لكن ايه؟؟!!
دعاء: اكيد اتسرقت
آمير: اتسرقت بتقولي ايه , ومين يقدر يسرق هنا في البيت
رحاب بنرفزه: بتقولي ايه انتي , احنا بقالنا سنين هنا ومفيش اي حاجه ابدا اتسرقت
آمير: فعلا اختي كلامها مظبوط , محصلش اي حاجه من دي ابدا , اكيد حطتيها في مكان تاني دوري مره كمان
دعاء هزت رأسها بنفي: دورت في كل الادراج والعلبه الي بحط فيها حاجاتي مش وجوده نهائي
آمير بعصبيه: ازاي تكوني مهمله بالشكل الفظيع ده , الاول الملفات , ودلوقت اختفت السلسله , امال بتحافظي ع ايه
رحاب: انت ليه بتزعقلها كدا , لايمكن تكون السلسله اتسرقت , هو كل الحكايه انها مش عايزه تدهالي عشان هديتك في عيد ميلادها
دعاء: لاء يارحاب مش كدا ابدا , انا مش بكدب ,تقدري تفتشي بنفسك ,هي مش هنا
رحاب: لاشكرا تقدري تدوري بنفسك, بس هقولك كلمه لايمكن حاجه في الفيلا هنا تتسرق عن اذنك
دعاء : صدقتي كانت هنا ع التسريحه
آمير وهو طالع ع بره: دوري مره تانيه الاول حذفت الملفات ودلوقت ضيعت حاجاتها الخاصه
دعاء نزلت دموعها ورجعت تدور تاني لكن السلسله ملهاش اي اثر!!!!!
………….قصص منه محمد كاتب……………..
في بهو الفيلا
امال بدموع: احلف بالله ,عمري ما اتجرء امد ايدي واسرق لقمه عيشي تقدري تفتشيني يا ست هانم , ازاي اعمل كدا اني اسرق اي نعم انا ست فقيره لكن مش حراميه
ناني بعصبيه :سمعت يا آمير لو عايز تبلغ عنها اتفضل بلغ
آمير: امال شوفي شغلك
ناني امال مش حراميه , بس لو عايز تفتشنا اتفضل اعملها
آمير : ماما بتقولي ايه
ناني: عمر ما فيه حاجه اتسرقت ابدا , ومحدش غريب بيدخل بيتنا
الجده بضيق: انا كمان متفاجئه , ازاي سلسله الماظ تختفي كده فجأه , دعاء اطلعي دوري يابنتي تاني , بس دوري كويس الله يرضي عليكي
دعاء بدموع : والله العظيم دورت وفتشت كل حته ملقتهاش
آمير من تون صوتها المخنوق طبطب عليها بحنان ورحمه
ناني اتغاظت: روح دور في ادراج امك يمكن تلاقيها هناك
دعاء بصن لـ آمير الي شاورلها وقال: امي
الجده: آمير خد مراتك واطلع دور تاني يابني يمكن
آمير اخد دعاء وطلعوا بدوره تاني ع امل يلاقوها
………..قصص منه محمد كاتب………….
رحاب: انا شايفه كلكم مسخرتوا دعاء من غير سبب هي ملهاش اي ذنب
ناني بنرفزه: بتقولي ايه هو ده امر نتجاهله اختفت السلسله الالماظ من البيت ومفيش حرامي ولا دخل لابس طقيه اخفاء
الجده: دعاء هي الغلطانه كان لازم تحافظ ع حاجاتها وتشلها جوه عنيها
رحاب: نناه انتي مش فاهمه مفيش سرقه حصلت هي خبتها
الجده: خبيتها وليه تخبيها
رحاب: عشان مش عايزه تديني هديه آمير , الي جبهالها في عيد ميلادها ,و البسها دي غلطتي مكنتش المفروض اخد منها حاجه
ناني: ده ع اساس امها الي عطتها السلسله الالماظ, وبعدين ليه ترفض تدهالك كل الي عندها احنا الي جيبنهولها
رحاب: اقول ايه كل واحد حر في حاجاته الخاصه ودي بالنسبه لها كتير ماهي جايه من بيت متواضع فقير بصراحه مقدرش الوم دعاء ع تصرفها يعني واحده بتشوف الالماظ وعمرها ما عاشت في فيلا كده اسمعيني متتكلميش خالص معاها في الموضوع ده تاتي نستني يومين وانا متأكده انها هتلاقيها في مكان
آمير واقف بره وسامع كل حوارهم وانزعج جدا وبدء يشك في دعاء و دخل وبدء يسألها ويتهمها
دعاء مسكته من دراعه بدموع: أمير اسمعني اقسم لك اني مخبتش السلسله ليه اعمل كده
آمير وشه احمر من شدة الغضب: معقول عقلك صغير للدرجادي , عملتي كدا عشان اختي متلبسهاش , وانتي عارفه انا بحبها ازاي , وقادر اشترلها الف واحده زيها
دعاء: انت غلطان انا معملش حركه غبيه زي دي
آمير: انا خاب املي فيكي انا خلقت انطبع عنك عند اهلي وانتي حطمتيه في لحظه
دعاء: معرفش هي فين
آمير شد نفسه منها وقال وهو رايح في اتجاه الباب: امال تعرفي ايه
…………..قصص منه محمد كاتب……
يوم جديد بأحداث جديده في فلا عائله آمير
بهيه بأحراج: انا اسفه اني جيت من غير ميعاد سابق
الجده بترحاب: ده بيتك وبنتك عايشه هنا تقدري تيجي وقت ماتحبي
بهيه: هي دلوقت بقت بنتكم انتم
رياض: ليكي حق فيها بالتساوي, آميرقالي انك عايزه تقابلينا يا ست بهيه؟!
بهيه: فعلا جايه مخصوص اقابلكم كلكم النهارده وجايه في طلب
ناني: ايه الطلب؟
بهيه: انا جايه اطلب ايد بنتكم رحاب لابني داغر
الكل حصله صدمه ودعاء قاعده راسها لتحت
رحاب قامت من مكانها : ايه انا اتجوز ابنك انتي , ازاي تفكري حتي مجرد تفكير في حاجه زي كده
دعاء : رحاب لو مش موافقه عليه مـ
رحاب قطعتها بعصبيه شديده: طبعا مش موافقه ابدا , انتي صاحبتي مش كدا , وعارفه كويس انا يفرق عندي مستوي الرقي ’ ليه ممنعتيش امك
آمير شخط فيها: رحاب امسكي نفسك , وافهمي معني الكلام الي بتقوليه
رحاب شاورت عليهم بأهانه: وهم الناس دول فكروا قبل ما يتكلموا , خدمنا عايشين في بيوت احسن من بيوتهم وجايه تجوزني ابنها
رياض صرخ فيها: رحاااااااب
رحاب انتفضت من شدة الغيظ : بابي
رياض شاورلها بتحذير: ولا كلمه امشي ع فوق يله
رحاب خطفت الموبيل من ع الكنبه وبنرفزه: مختلين
رياض بأحراج وخجل: اسف جدا ياست بهيه , رحاب ساذجه مش عارفه ازاي تتكلم
بهيه: مين الي المفروض يعتذر لمين , دي غلطتي انا كان لازم افكر قبل ما اتكلم
الجده: يابهيه قيمتك محفوظه في ناسبنا , المال والمكانه كلها امور دنياويه فانيه , الي يهم شخصيه الانسان
رياض: ست بهيه رحاب متقدملها عريس من عايلتنا , ولسه بنتشاور في الموضوع , هي دعاء مقلتلكيش
دعاء وشها شاحب واصفر من الاهانه وهزت له دماغها بـ بعمي قولت
بهيه: دعاء قالت لي بس دي كانت راغبه داغر , وعشان كدا جيت اظن لازم اقوم امشي
رياض: ازاي تمشي ع الاقل اشربي الشاي قبل ما تمشي
بهيه قامت من مكانها مكسوره: خليها يوم تاني ميسر لوحدها في البيت ’ وانا لازم امشي السلام عليكم
دعاء طلعت وراها هي وآمير ورياض والجده محروق دمهم من اسلوب رحاب
………….قصص منه محمد كاتب…………………
رياض بزعيق: ايه الي انتي عملتيه ده؟؟!!
رحاب: ايه الي انا عملته معلش ازاي تجرؤ وتطلب ايدي انا لابنها
ناني: مكنش فيه داعي تقولي كل ده ،احنا كدا كدا كنا هنرفض الطلب
رحاب بنبرة مستفزة : بالظبط زي ما رفضتي دعاء لـ اخويا ,جبتيها من الزباله عيشتها في الجنه وبقت مراه ابنك , ودول بقوا اقاربك ،يبقي صح فين المشكله الي هتواجهيها، لو روحت وعشت انا هناك
رياض بستياء : انتي ازاي بالاسلوب الوقح ده , طول حياتي قدمت لك الرفاهيه الممكنه عشان تتعالي وتتكبري بيهم ع الناس , شكلي غلطت في تربيتك
ناني بهجوم: ليه ترمي اللوم ع بنتك ،اي بنت في مكانها هتتصرف بنفس الطريقه حقها ترفض
رياض: فيه فرق بين حقها في الرفض وانها تقل ادبها، عجبك طريقتها مع حماه ابنك وايه يعني
لوجات تتقدم فيه كذا طريقه للرفض كدا كدا جيلها عريس خلال ايام
الجده: ابني كلامه كله مظبوط عيب ترد بالشكل ده يابنتي لازم يكون فيه شويه احترام
ناني: كل ده غلط دعاء هي جزء من العايله كان لازم تقولنا الاول مكنش ده كله حصل مش جايبه امها تقدم طلب، وبعدين مين اخوها يجي ايه جنب مستوي بنتنا ،خلاص هجوز بنتي لـ اي حد
آمير : ماما هو انتي كل الي يهمك وضع داغر المادي وبس, وحقيقي هو انسان خلوق ،وراجل وعنده شخصيه ،ومحترم جدا
رحاب صقفت بسخريه: برافو , بجد هايل , اكيد بيتمتع بكل الصفات دي , بس نسيت حاجه مهمه هو اخو مراتك
آمير بنفعال: هو صاحبي
رحاب كتفت ايدها: حفظتها ان محدش في الييت هنا بيهتم غير بدعاء ومشاعرها
الجده: ايه الكلام ده , انتي سعادتك عندنا في المقام الاول وهنعمل كل الي تقولي عليه , بس طريقتك مكنتش لايقه يابنتي
رحاب: حتي انتي نناه بجد كتير
رحاب طلعت تجري ع فوق , ودعاء نزلت دموعها في صمت ,وآمير طبطب عليها
رياض للجده: امي سبيها ،بجد خلتني في نص هدومي بقله احترامها ،وبجد مش هعدي الموقف بسهوله
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
