رواية مملكة ميراث العشق الفصل الخامس والثلاثون 35 بقلم مريم نصار
رواية مملكة ميراث العشق الجزء الخامس والثلاثون
رواية مملكة ميراث العشق البارت الخامس والثلاثون
رواية مملكة ميراث العشق الحلقة الخامسة والثلاثون
عند محمد عزيز.
محمد : بيشيل فستان نور والشنط.وقال..تيم أتصل فوق الخمس مرات يانور.
نور : بتلبس النقاب.وقالت. خلاص ياحبيبي انا جاهزه أهو. وبعدين لسه بدري الساعه لسه مجتش ١٠
محمد : أبتسم.ما أنتي عارفه بقى ياحبيبتي. آرين بالنسبة لتيم إيه؟ وعايزنا نكون موجودين وكل حاجه تمشي تمام..
نور : حاضر ثانيه واحده بس..وراحت عند الدولاب..
محمد : بتعجب..رايحه فين؟
نور : ثواني بس يامحمد وهتعرف. وجابت صندوق. وحطته على السرير وقعدت..
محمد : كشر عينيه. وحط الفستان..وقعد جنبها وقال.. أنا بتهألي شوفت الصندوق ده قبل كده..بس فين؟ مش فاكر.. وغير كدا ده مش ليكي صح كدا؟
نور : بضحكه..صح.. فعلاً. ده بسيدي صندوق تيم. وهو صغير فاكرو.؟
محمد : بدهشه.. أيوه أيوه افتكرت..يااااه يانور.. ده لما كان في المرحلة الإعدادية ع ما أظن..وبعدين بيعمل ايه عندك. وفيه إيه الصندوق ده؟
نور : هتعرف دلوقتي.. وفتحت الصندوق..وكان جواه أوراق وجوابات وزكريات كتير..واكتر من برواز..ومن ضمنهم برواز قديم جواه كروت معايده من آرين ل تيم..
محمد : مسك البرواز وشاف إن تيم واخد كروت آرين وحاططها ف البرواز وصورتهم مع بعض وهما صغيرين..
ومسك برواز تاني وفيه كروت لميرو وكمان لتمارا و رينو ونور..وصور ليهم.
نور : جابت ساعه من الصندوق.. وقالت بحنين.. فاكر الساعه دي يامحمد..
محمد : بزهول. ياااه..دي أول ساعه جبتها لتيم في عيد ميلاده..حتى الساعه محتفظ بيها؟
نور : بحنان..تيم شايل كل زكرياته الاولى مع العيله في الصندوق ده.
بص الموبايل اللعبه القديم ده.. كان من بابا مصطفى..وكمان النضاره دي من ماما شيرين الله يرحمهم.
بص كمان بواقي البرفيوم ده؟ من مامي..وتيم محتفظ بالازازه..والعربيه اللعبه من بابي.. هو صندوق مكركب لكن فيه زكريات بكنوز الدنيا..
محمد : مسك الساعه والموبايل والنضاره..وباصص ليهم..وقال باشتياق للماضي.. ذكريات من زمن فات. ومن أجمل الذكريات..
وأبتسم وقال..تعرفي لما شوفت كل ده.. كأني رجعت صغير من تاني..وحاسس إني في بيت بابا،، وماما دلوقتي في المطبخ بتعمل كل حاجه حلوه لينا.. يااااه يانور. بجد إحساس غريب أوي.
نور : باسته من خدو.وقالت حبيبي.انا مش فاتحه الصندوق علشان تضايق نفسك أوكي؟
بس إبنك بقى مصمم وعايزني أخد ليه الصندوق وأحنا رايحين عندهم..
محمد : بتفهم.. اكيد هيقدم البرواز ده ل آرين..
نور : بضحكه. أكيد..
محمد : حط كل حاجه في الصندوق..ونور قفلته..
نور : قامت
. يلا بينا بقى علشان نشوف آرين هتعمل ايه أول ما تشوف الفستان..
محمد : بضحكه..هتتنطط من الفرحه طبعاً..
نور : بصراحه يامحمد الفستان وهم بجد.. واتصمم زي ما رينو وصفته لأدم بالظبط..
محمد : آدم بيحب آرين حب اسطوري. ربنا يسعدهم.
نور : آمين يارب..المهم بقى. هنقدم هدية آدم و آرين قبل الفرح ولا بعد شهر العسل..؟
محمد. : أممم.. إحنا نسيب الهدايا في فيلا آدم مراد. ويشوفوها براحتهم بقى..
نور : اوكي ياحبيبي.زي ما تحب..
محمد : أهو شوفتي تيم بيتصل تاني..يلا بينا وهرد عليه وأنا في العربيه..
نور : شالت الصندوق..يلا بينا..
——————بقلمي مريم نصار.
فيلا زياد جمال.
زياد : بإستعجال..يلا ياماكي اتأخرنا. الساعه ١١ ونص. ومالك وساره ويوسف ومريم سبقونا.
مليكة : ايوه حاضر..بس كنت بجيب الهدايا..
زياد : تمام..همس هتيجي معانا ولا هتستنى ياسين؟
مليكة : همس والولاد وحياة عند آرين من بدري ياحبيبي.. ياسين وصلهم قبل ما يروح الشغل..
زياد : طيب يلا بينا بقى أنا لازم أكون مع مراد وفهد.
مليكة : يلا بينا..
——————بقلمي مريم نصار.
فيلا العدوي.. في الجنينه
مراد : بجدية.. شاهين أنت وهارون وعاشور..مش عايز أي تهاون من الجهه الأمنية.. ومش عايز حد من الحرس عينيه تغفل ثانيه واحده عن المراقبه. ومش عايز أي حد من الصحافه يخطو خطوه واحده من الباب ده غير لما الباشا الكبير يأذن ليهم..
وبص لعاشور وقال..عاشور،، أنت تاخد مجموعة من الأمن عند بوابة الفيلا الخلفي.ويصحصحوا كويس. أي غلطه مش هتهاون فيها. وأنت ياشاهين.
شاهين : اؤمرني معاليك..
مراد : توزع أمن وحراسه حوالين سور المملكة كلها بما فيهم فيلا الدكتور تيم و آريان و آدم والعماره. مش عايز مكان فاضي إلا ويكون متأمن كويس.. أنا عايز عينيكوا تكون مفتوحه زي الصقر..
وأنت ياهارون أنت وشاهين.. باب الفيلا الرئيسي ده؟ مهمتكم انتوا الأتنين..
وباقي الحرس يفتشوا أي حد داخل سواء صحاب العروسه.. ومن أصحاب شباب العيله كمان. وأي حد مشكوك فيه مايدخلش غير بإذن مني أنا..
لكن سليم بدر الدين وعيلته وخالد الشرقاوي وعيلته.. أول ما يوصلوا يدخلوا فوراً وتبلغوني استقبلهم بنفسي..فاهمين يا رجاله؟
كلهم فاهمين يامراد باشا.
زين وتيم و آريان: واقفين مع المصممين..وبيشرحوا ليهم الدايزين اللي آدم مراد عايزو في الفرح..
زين قال..أسمعوا ياشباب..أنا عايز المَشايه دي كلها من أول الباب الداخلي والسلم من الجانبين لحد طريق منصة العريس وفيلا العريس..شموع وتكون ف قلب كاسات حلوه كدا علشان الهوا وزيادة أمان.
آريان : وكمان مع الشموع ورد أحمر وأبيض ع الأرض..وعايز إضاءة الشجر تكون هاديه ومميزه.
تيم : وكمان ياشباب سلم الفيلا الداخلي يتزين بقماش الاورجانز الدهبي مع الستان الابيض. مع الشمع والورد طبعاً..
زين : وعايز كل الترابيزات تكون ازاز وعليها مفارش باللون الابيض.وعليها شمع وبوكيه ورد. والكراسي عليها فيونكات باللون الابيض..
تيم : .اما كوشة العرسان بقى..العريس عايزها سمبل وهاديه جدآ. مش عايز شغل كتير وزينه أوفر. وبللاين الهيليوم تكون لونها دهبي وابيض بس. والاستيدج والدي جي يكون بمسافه مناسبه بينهم.
آريان : ومتنسوش الورد المجفف.بكل لالون.وبللاين ع مستوى الجنينه كلها.. والبيسين كمان..
وكمان ديزاين السيشن في الفيلا التانيه.. وإسم آدم و آرين يتكتب ع ألواح ازاز وعليها ورد طبيعي..
وبعدين فين البنت الفوتوغرافيك اللي طلبتها علشان تصوير السيشن.؟
شاب : قال ع الساعه ٢ هتكون موجوده يافندم..
زين : تمام ياشباب..ودي ورقه مكتوب فيها باقي الدايزين و كل حاجه علشان متتلخبطوش.. وأهم حاجه البوابه الرئيسيه.. تتزين بطريقة مالهاش وصف.تمام؟
الشباب : ابتسموا..وواحد قال. زين باشا متقلقش حضرتك ودي مش أول مرة نرتب لحفله عند الامبراطور.. وإن شاء الله. حضراتكم هتنبهروا من شغلنا..
زين : تمام ياشباب وانا واثق انكوا هتشرفونا..
تيم : شاف عربية أبوه وصلت..وقال أخيراً..وراح يقابلهم..
محمد نزل من العربيه..ونور جمبه.
تيم : راح لعندهم..صباح الفل.. وسلم ع أبوه..
محمد : ربت ع كتفه وقال..صباح الخير يادكتور..
تيم : عامل ايه حضرتك يابابا؟
محمد : أنا تمام ياحبيبي. المهم جنى فين؟
تيم : بضحكه..جوه في بيت العيلة.. وحضن نور..وقال نوري حبيبتي وحشاني جداً من أمبارح. وباس ع أيدها.
نور : أبتسمت بحب وقالت.. وأنت كمان ياتيمو وحشتني اوي..عامل ايه ياحبيبي.
تيم : أنا زي الفل يا امي. إنما إيه القمر ده وغمز..
نور : ضحكت. عيونك إللي قمر ياروحي.
محمد : بتحذير..طيب نلم نفسنا بقى علشان نخلي الفرح يتم ولا ايه؟
تيم : بدهشه.. أبدا والله أنا مقصدش اعاكس..مش كدا يا ماما؟
نور : ههههه أيوه فعلاً. تيم مقالش حاجه يامحمد..
محمد : طيب يلا بقى مش هنفضل واقفين بره كدا..عايز اشوف جنى ومحمد أحفادي وحشوني.
تيم : اتفضلوا انتوا..بس الامانه فين؟
نور : الصندوق في العربيه ياحبيبي.
محمد : حدف المفاتيح لتيم وقال..خد الامانه. واركن العربية.. وابعت حد يطلع الهدايا عند آدم..
تيم : اعتبروا حصل يادكتور إحنا تحت امرك..
نور : ضحكت..ومحمد مسك أيدها ف ايدو.. وداخلين الفيلا..
تيم : ركن العربية وبعت الهدايا مع البنات. واخد الصندوق وراح ع الفيلا بتاعته يظبط هدية آدم و آرين..
محمد ونور شافوا الكل واقف ومتابع آرين..ووقفوا هما كمان..وانبهروا حرفياً من جمال وفخامة الفستان.
الفستان كان عباره عن حلم آرين واتحقق. نفس المواصفات..
فستان أسطوري أبيض وعليه طبقه من الشيفون المطرز باللون الدهبي.والديل طووويل جدآ.
والطرحه طويله جدا ومطرزه والتاج ملكي..واكسسوارات في منتهى الجمال..
آرين : شافت الفستان..وواقفه أقل ما يقال إنها مصدومه حرفياً واكتر واحده مبسوطه.. لكن عندها حالة من عدم الاستيعاب..ومش مصدقه..
من جمال الفستان وكمان حلمها إللي اتحقق.. وبتهمس وقالت..مش معقول..اء.. أنا مش مصدقة نفسي..هو أنا شايفه الفستان حقيقي ولا بحلم بيه..؟
آدم مراد : واقف مربع أيديه..وشاف آرين عينيها تايهه في الفستان.. وكأنها مصدومه من الفرحه..
ليليان : بتصور اللحظه دي من البداية..
ميرو والبنات مبهورين ومبسوطين جدآ.. وشافوا صدمة آرين وأنها مش مصدقه..وواقفه زي ما هي في مكانها..
تالين : راحت عندها..وقالت بفرحه..ها يا آرين عجبك الفستان؟
آرين : فاتحه عينيها وقالت بتيه..فستان..؟! هو..هو ده فستاني أنا..؟
چود : ههههه بت يا آرين أنتي متنحه كدا ليه؟ بس ليكي حق..الله أكبر أنا أول ما شوفته كنت هولد من جماله ههههههه بس ربنا ستر.. إيه يابت مالك؟ والله ده فستانك يابنتي.ودي مفاجأة حظابط آدم ليكي..
آرين : استوعبت أخيراً..وشهقت بفرحه كبيره.. فستاني..!!؟
وجريت حضنت الفستان بفرحه كبيره..وقالت بصوت عالى..واااوووو بجد بجد تحففففهه اوووووي.. أنا مش مصدقة..بجد الفستان ده اللي كنت بحلم بيه..
ووقفت قدامه وبتمشي أيدها ع الفستان بزهول وفرحه وانبهار.. وقالت..يجنن بجد..
ولا التاج..؟ وهم.. ومسكت التاج وقالت..نفس اللي اتخيلته بالظبط..
وشافت جزمة الفرح بنفس اللون وعليها تطريز من الفستان..وجريت عليها وفتحت عينيها بزوهول من الإعجاب..وقالت..
مش معقول.. لأ بجد مش معقول الجزمه جميله اوي اوي وتحفه.وسابتها. وشافت الإكسسوارات.وهزت راسها واو بجد شيك جدااا..
وجريت مسكت الطرحه وقالت بانبهار.. نفس الطرحه..ونفس اللون..
وشهقت بفرحه أكبر وجريت لآخر ديل الفستان..وشالته بين ايديها وقالت..واو. ماشاء الله.. اء.. أنا مش مصدقه عينيا يابنات.. أنا حقيقي بحلم.. مش معقول أكون مبحلمش.
محمد ماسك أيد نور و واقفين مبسوطين لفرحتها..
آدم ومريم فرحة حفيدتهم كفيله تنسيهم أي تعب.
رينو : دموعها نازله بصمت من فرحت بنتها الوحيده.. ورفعت عينيها لفهد..
وشافته واقف وعينيه ع آرين بتحفر فرحتها.. وع وشه إبتسامة وجع وفرحه كبيره لفرحتها.. ودمعه خانته..
لكن قلبه مقسوم نصين ما بين فرحة بنته وبين فراقها ليه.. خلاص بنوته هتتجوز وتستقر في حياتها الخاصة..
آدم مراد : متابع ردة فعل آرين..و أبتسم لفرحتها..وقبل ما آرين تخرج..هو طلع على اوضتة.
آرين : خرجت بسرعه وراحت عند فهد..ومسكت أيدو بفرحه..وقالت بحماس..بابي..بابي الفستان يجنن بجد. تعالى شوفه..وشدت فهد لحد الفستان وقالت.. شوفت يابابي الفستان ده أنا كنت بحلم بيه من زمان.. حلو اوى مش كدا..
فهد : أخد نفس عميق وطلعه ببطء..وبيكابر دموعه..وقال.. أحم..جميل جدا يا حبيبتي.. وأنتي أجمل من كل حاجه..
آرين : حضنته بفرحه وقالت.. أنا مبسوطه اوى اوى يابابي..بجد فرحت جدا لما شوفت الفستان..
فهد : ضمها لقلبه..وغمض عينيه..وقال.بغصة.. مبروك يا آريني..!!
آرين : بسعاده ميرسي جدا يابابي.. أنت هتلبس البدله إللي اختارناها أنا وأنت مش كدا؟
فهد : هز راسه بصمت مع ابتسامه..وباس جبينها..
رينو : مسحت دموعها وابتسمت بحب.. وراحت عندهم..وقالت مبروك ياروحي.. ألف مليون مبروك.
آرين : حضنت أمها..وقالت ميرسي يا اجمل مامي في الدنيا كلها.. مااامي انا مبسوطه اوى اوى بجد.
فهد : حس أنه مخنوق..وخرج..وسلم ع محمد وباقي العيله.. وخرج الجنينه لمراد..ومعاه محمد.
نور : دخلت عندهم وقالت بفرحه..ألف مبروك يارينو ياصغيرة.. وحضنتها..
آرين : بفرحه..ميرسي جدا ياخالتو.. وجريت ع جدها.. وقالت. بابا آدم الفستان بجنن.. أنتي شوفتيه ياماما؟
آدم : أبتسم..وقال بهدوء..الفستان مالوش قيمه..حفيدتي هي إللي هتعمل للفستان قيمه كبيره كمان..
مريم : بحب كبير.. شوفته يانور عيني..وحلو اوي اللهم بارك..تتهني وتفرحي.يرزقك خيره ويكفيكي شره..
آدم : أمين.. يلا ياحبيبتى روحي لإخواتك وانا وجدتك هنظبط شوية حجات..
آرين : هزت راسها..حاضر يابابا..وماشيه فرحتها ملخبطاها..ومش عارفه إزاي ده حصل..
نور ورينو وفريحه وريتال قعدوا مع بعض يتكلموا والفرحه مرفقاهم..
رودي ومريم عزيز دخلوا عليهم وسلموا على الكل وقعدوا معاهم..
آرين : وقفت قدام الفستان وقالت.بتيه وحيره..طيب إزاي كل ده حصل.. أنا مش فاهمه حاجه؟
ميرو : بابتسامة.. أنا هفهمك ياعروستنا.. إحنا كلنا كنا قاعدين مع بعض كالعاده..والكلام جاب بعضه عن حجز فستانك هيكون امتى؟..عمتو لارين قالت بالصدفه عن مواصفات الفستان اللي أنتي عايزاه كانت بتتكلم ع سبيل الهزار..
آدم أخويا قال فستان آرين هيتصمم زي ما هى عايزه..وشرط علينا محدش يتكلم قدامك في أي حاجه..والفستان جه من شويه..والمصممه هتكون هنا قبل ما تلبسي الفستان علشان تظبطه عليكي..
وكمان آدم هيعمل بروجرام هيعجبك جدآ انا واثقه.. والسيشن في الفيلا بتاعتك.. وبكره إن شاء الله هتسافروا على أوروبا.. ألف مبروك يا آرين..بجد انا مبسوطه اوى علشانك أنتي وآدم..
آرين : عينيها مفتوحه بدهشه..وقالت..معقول آدم عمل كل ده علشاني؟
تالين : أبتسمت وقالت..شوفتي بقى.. أنتي اتسرعتي في الحكم على أبيه آدم وزعلتي منه..حتى حفلة الحنه أول أمبارح منزلتيش وعملناها عندك في الشقه فوق.. وأبيه آدم أكيد مطلعش علشان زعلان منك..
آرين : بزعل..طيب وأنا كنت أعرف منين أنه بيعمل كل حاجه حلوه علشاني؟
تمارا : آدم عمل كل ده في سريه تامه.علشان عايز يفاجأك..بزمتك يا آرين فرحتك دلوقتي ولا لو كنتي اختارتي الفستان بنفسك؟
آرين : بحرج..بصراحه أنا عمري ما فرحت زي دلوقتي.. وفعلاً المفاجأة جميله اوي..
وكملت بتوتر..هى الميكب ارتست هتوصل امتى؟
ليليان : نص ساعه بالظبط..وع فكره أنتي هتلبسي الفستان فوق في جناح عمتو لارين..
آرين : بتفكير.. أوكي.. أحم ثواني يابنات هعمل حاجه مهمه وراجعه..
چود : متتاخريش ومتخرجيش من الفيلا أشطا؟
آرين : هزت راسها لأ لأ.. أنا مش هخرج ولا هتأخر..
ف اوضة آدم..
آدم مراد : بيحط كتب كتير في كرتونه..
زينب : حطت مشروب آدم..وقالت.. عنك انت ياعريسنا.. أنا هشيل كل حاجه أنت عايزها..بس قولي على إللي أنت عايزه وانا هعمله.
آدم مراد : متتعبيش نفسك يا داده.. أنا خلاص خلصت. وهوديهم الفيلا دلوقتي..
زينب : شهقت..يووه والله مايحصل أبدا.. وأنا اللي هوديهم.. أنت مش هتنزل من هنا غير بالبدله.. الله أكبر عليك يسي آدم..والله انا فرحتلك أوي.
آدم مراد : أبتسم..متشكر ياداده زينب.
زينب : بفرحه.. أسمع بقى يسي آدم.. أنا هنزل دلوقتي بالحجات دي..وهظروت الدنيا زغاريد. وسبني برحتي بقى.. أنا فرحتي مش عطياها لحد.. اول فرح يتعمل هنا ف البيت..
ومن حماسها وفرحتها..زغردت..
آدم مراد : أبتسم وقال.. أنتي انهردا مسموحلك تعملي اللي انتي عايزاه ياداده..
زينب : تنحت..قول والله كدا.. اء.. أحم. تسلم وتعيش ياسيد العرسان..عنك انت هات الكرتونه دي..بس تحب احطها فين في الفيلا..
آدم مراد : حطيها في المكتب ياداده..
زينب : وماله ياعريس. وخارجه بتقول أنا خدت الأذن خلاص يارب ديم علينا الفرح..وبتزغرد بتكرار وفرحه.ونازله.
آدم مراد : بيضحك بصمت عليها..وراح عند الكمود.. وبيشرب العصير..وضهروا للباب..
آرين : بتوتر ودقة قلب..ممكن أدخل..
آدم مراد : قلبه دق.. أخيراً سمع صوتها وهيشوفها عن قرب..
لكن رد عليها بثبات.. أدخلي..
آرين : بلعت ريقها..ولعنت نفسها أنها طلعت ليه.. ودخلت وقلبها بيدق بسرعه..
آدم مراد : حط الكوبايه.. ومبتسم..ولف ليها بملاح حاده..وحط ايدو ف جيبه..
آرين : واقفه مكانها..وقالت.بلخبطه ياريتني ماطلعت.. اء..قصدي يعني.. لأ. هو أنا….!!!
آدم مراد : رفع حاجبه بتعجب..ومردش..
آرين : نفخت بخنقه وقالت..قصدي أنا جيت علشان أشكرك على كل حاجه عملتها ميرسي بجد.. بعد إذنك..ولفت وخارجه..
آدم مراد : بسرعه مسك أيدها وشدها..وخبطت في صدرو..
آرين : شهقت بصدمه.. وقلبها بيدق بسرعه كبيره من قربه ليها. وبتحاول تبعد عنه..
آدم مراد : قفل الباب..وحاوطها من وسطها..وبيملي عينيه من ملامحها إللي وحشته..
آرين : هتتشل مكانها حرفياً..وبتتنفس بسرعه ومتوتره..وبتحاول تفك أيدو لكن شتان.. وقالت بصوت مبحوح..اء.. آدم لو سمحت سبني..
آدم مراد : أسيبك؟ منا سايبك أسبوع بمزاجي..
آرين : بتقاوم..وقالت بحرج.. آدم عايزه أخرج سبني..
آدم مراد : همس في ودنها وقال..وحشتك؟
آرين : غمضت عينيها وقلبها هيطلع من مكانه.. ومش عارفه ترد.. لأنه فعلاً واحشها جدآ..
آدم مراد : بنفس الهمس..لو مكنتش وحشتك مكنتيش جيتي بنفسك لحد هنا..
آرين : برجفه..اء.. آدم أنا هيغمى عليا. ابعد بالله عليك..
آدم مراد : فك أيدو.. وسابها..وشافها بتترجف..وقال. خلاص أهدي مفيش حاجه..
آرين : نفخت بأريحية.. ورجعت لورا..
آدم مراد : غير الموضوع وقال..عجبك فستانك؟
آرين : هزت راسها وقالت بحماس.. أيوه عجبني أوي أوي..بجد يجنن..والتاج والطرحه والاكسسوارا يجنن.. بجد بجد ميرسي يا آدم.. أنا فرحت جدآ أوي خالص..
آدم مراد : هز راسه بتمثيل الجديه.. أممم تمام..
آرين : عوجت بوقها وبتقلدو.. أممم تمام..بارد..
آدم مراد : بتقولي إيه؟
آرين : كح كح بقول ميرسي أحم..اء.. أنا هنزل بقى..
آدم مراد : بجديه ماشي..واعملي حسابك مش هنبه عليكي..
مفيش ميكب ولا برفان ولا اسمعك تقولي أرقص والكلام ده..
آرين : صكت ع أسنانها بغيظ وقالت..ماتتدفني أحسن يا آدم.. دي حاجه تقرف..
آدم مراد : ببرود.. أنا لو مش مبسوط كنت اتصرفت معاكي.. ولو خالى فهد قالك ترقصي معايا..ترفضي بأي شكل من الأشكال علشان متزعليش مني فاهمه ولا لأ؟
آرين : بغضب واضح.. أنت اكتر واحد تضيع الفرحه.. أنا ماشيه علشان شويه وهشد في شعري منك.. وسابته وخرجت تبرطم..
آدم مراد : أبتسم.. ودخل الحمام ياخد شاور علشان يجهز نفسه لاكتر حلم كان بيتمناه يتحقق.
آرين : بغيظ..طيب هشوف بقى يامرعب والله لافرح واللي عايز تعمله أعمله..المهم أعيش اليوم إللي بستناه.. ده أنت خنيق بجد.. يارب ياااارب خليه يبقى هادي وريلاكس أنا اتخنقت منه..
تالين : آرين..البنات وصلوا يلا علشان تجهزي..
بعد شويه..
فيلا السيوفي..
رنا : قاعده ع السرير وساكته..
طارق : واقف قدام المرايا بيلبس الكراڤت.. وقال. تعرفي يارانوش.. أنا أكتر واحد ملهوف ع الجوازه دي..علشان أشوف شكل إبن بنتك في الفرح..تفتكري هيغني كدا ويرقص زي البني ادمين العاديه..ولا هيعملي فيها الوزير ويقف متحنط كدا صنم صنم..
رنا : بتنهيده..الفرحه في القلب ياطارق..
طارق : لف ليها وقال..مالك يارنا؟ وشافها ماسكه عقد في أيدها..
رنا : مفيش ياحبيبى انا كويسه..
طارق : راح وقعد جنبها وقال.. لأ هو انا مش عارفك.. مالك ياحبيبتى.ملامحك متغيره وزعلانه من إيه؟ حد هنا زعلك؟
رنا : هزت راسها بالنفي.. أبدا ياطارق.. وابتسمت بتمثيل وقالت.. إيه رأيك في العقد ده هدية آرين.. ودمعه نزلت ع خدها..
طارق : فهم سبب زعلها..وقال بتفهم..ده عقد ماما شيرين الله يرحمها. أنتي هاتديه ل آرين؟
رنا : أبتسمت بحنين وقالت.. ل آدم و آرين..وهطلب منهم يحافظوا عليه..ويقدموه لاحفادهم.. دي كانت أمنية ماما الله يرحمها.. إن العقد ده وكمان الدهب بتاعها يتوارث لاحفادنا.. ومسحت دموعها وقالت.. أنا قدمت لميرو أسورة فرح ماما..ولچود طقم الماظ. وچواد لو عشت إن شاء الله هقدمله هو ومراته هديه.. و آركان و تالين حتى آيان هوصي فهد بهديه وهشيلها معاه لحد ما يفرح بيه..
أما العقد ده نادر وغالي عليا أوي وحابه أقدمه لادم و آرين.. إيه رأيك فيه ياطارق؟
طارق : أتأثر لكلامها.. ومسد على ضهرها بحنان وقال.. أول حاجه يارنا ربنا يبارك في عمرك..ويجعل يومي قبل يومك.. لأني عمري ما تخيل روحي من غير روحك.. تاني حاجه مش عايزك تعيطي..انتي تعبانه ويعز عليا أشوفك مضايقه وزعلانه..
تالت حاجه العقد جميل اوى.. وآرين هتحافظ عليه.. وإن شاء الله هاتدي هدية فرح آيان بايديكي الحلوه دي..
رنا : ألف بعد الشر عليك ياطارق.. وأنا يعني اللي هستحمل ثانيه من غيرك..دانا روحي فيك.. تصدق بالله يابو فهد..
طارق : لا اله إلا الله..
رنا : إنك مالي عليا حياتي كلها.. وطول عمرك راسم الضحكه ع وشي.والسعاده لقلبي.. أنا من غيرك اموت ياتاج راسي..
طارق : باس ع راسها وقال..ربنا يخلينا لبعض ياست الستات كلهم.. وبعدين بصي أنا ماكرهش قد النكد.. فرفشي كدا وخليكي حلوه..متبقيش وليا نكد زي حفيدك الصنم ده.. الواد عليه واقفه..يبقى واقف كدا وتحسي أنه بيحقق مع كل إللي حواليه ف صمت.. يابااااي مش عارف انا الله يكون ف عونك يارين يابنتي..داخله على أيام كبيسه..
رنا : هههههههه يخرابي عليك راجل..طيب وهو في زي آدم إبن بنتي حبيبي..والله ده أكتر واحد هيسعدها..وبعدين ياخويا الغيره موجوده في العيله كلها..وسيب العيال في حالهم..
طارق : بغيظ..هيسعدها؟ أما نشوف يختي.. ويلا قومي بقى علشان آدم أتصل..وقالي المعازيم لو راحوا قبل مني مش هيدخلني من باب الفيلا..
رنا : ههههه عندو حق..يعني جد العرسان ورايح متأخر.؟ ده فارس ورودي وچواد زمانهم وصلوا من ساعه واكتر..
طارق : الله؟ الساعه لسه مجتش ٢ لسه بدري.. يلا بينا وماتنسيش الهدايا..
رنا : حاضر ياحبيبي..يلا بينا..
بعد فتره..
كل العيله بدأت تجهز وتطلع ع الفيلا..وفارس واقف مع فهد بيساعدوا.. والكل راحوا يصلوا العصر ورجعوا يكملوا باقي الترتيبات..
الترتيبات على وشك الانتهاء..والتصميم أكتر من رائع..
آدم : الو.. إيه يبني فينك كل ده؟
بيتر : جاي يصحبي في الطريق أهو..ومعايه ديف كمان..
آدم : أبتسم..طيب حلو اوي..هيشرفنا أخيراً..
بيتر : حبيبي..قولي الأسد فين كدا مابيردش ع تليفوني؟
آدم : بضحكه. طارق ف الجنينه مع الشباب بيشرف على الترتيبات..
بيتر : طيب كويس والله اهو يعمل بلقمته هههههههه.
آدم : ههههه لما تيجي قوله كدا..
بيتر : ههههه لا من ناحية أقول..ف أنا مجهز قصيدة شعر ليه هو مخصوص تعلي فولت النرفزه عندو..
آدم : بضحكه..ربنا يستر..بس خلي بالك طارق عندو الضغط ماتنرفزوش علشان مايتعبش..
بيتر : ببرود.. خايف عليه ياحلو..
آدم : بثقه.. طبعآ.ده نصي التاني ولو تعب هو،، انا أتعب.. مانت عارف طارق ده يشبه عمودي الفقري..
بيتر : مثل الغيره..اااه طيب كويس أطلع منها أنا بقى..
آدم : بصدق.. أنت ماتقلش حب وتقدير عن طارق يابيتر.. أنت عشرة عمري يابني ادم..ومش هقدر أتحمل اشوف حد فيكوا واقع..
بيتر : أبتسم..ربنا يديم محبتنا يا آدم ياخويا..
آدم : آمين..
عند آرين..
البنت : خلصت الماسك ل آرين وكل حاجه. ولفت شعرها..وقالت خلاص ياعروسه عشر دقايق وتلبسي الفستان..
آرين : نفخت بتوتر..وهزت راسها..ميرسي..
چود : لبست فستان دهبي وكان جميله جدا..وقعدت جمب آرين.. وقالت مالك يا بت ي آرين.مش ع بعضك ليه؟
آرين : بعفويه..مش عارفه ياجود قلقانه من آدم.
چود : ههههه متخافيش يابت الجواز حلو والله.. وأكيد طنط رينو قالتلك صح؟
آرين : بعدم فهم..قالتلي إيه؟
چود : شهقت وقالت.. إيه؟ قالتلك ايه يعني إيه؟ هى طنط رينو ماجتش كدا وقالتلك تعالي يا آرين لما اقولك تعملي ايه بعد الفرح؟
آرين : هزت كتفها وقالت نو..وهى يعني هتقولي أعمل أي بعد الفرح ليه؟ ماهي معروفه يعني.
چود : عوجت بوقها وقالت اه وايه بقى يام العريف اللي معروفه يعني؟ سمعيني كدا هتعملي إيه لما يتقفل عليكوا باب واحد..؟
آرين : بغيظ بتقلد آدم..وقالت بعد ما ندخل قصر دراكولا المهجور..هيتخانق معايا..ويفضل يقولي أنتي بصيتي ع يمينك كام مرة..وع شمالك كام مرة.. وضحكتي معرفش لمين؟. ومش بعيد يقولي ليه فرحتي.. وبعدين هيقولي أول وآخر مرة هتشوفي النور. أنا رايح انام..ويروح على اوضته.. وأنا بقى هختار جناح كامل أعيش فيه لوحدي..مع كنزي حبيبي.. وهو بقى يتعايش هعمله إيه يعني؟
چود : هههههههه ههههههه هههههههه ااااخ يابطني مش قادره هتولديني قبل أواني يخربيتك ههههههه.
آرين : ربنا يسامحك..وبعدين انتى بتضحكي ع إيه؟
چود : بضحك ع خيبتي أقسم بالله.. وقالت جواها.. طيب أقولها إيه دي؟ أنا بس لو قولتلها آدم بس هيبو*سها.؟ ممكن تصوت وتفضح الدنيا.وتبوظ الجوازه.. وأنا اتهزأ في الآخر..
آرين : نفخت بخنقه وقالت چوووود روحتي فين بكلمك؟ وايه إللي يضحك في كلامي؟
چود : ها..اه أحم أنا معاكي يا آرين..بصي يا حبيبتي أنا مش بضحك عليكي. أنتي كل كلامك زي الفل.. واه طبعاً ده اللي بيحصل..العرسان بتدخل البيت ويتكلموا مع بعض وبعدين يتعشوا.. وكل واحد ينام في اوضه لوحدو وده إللي بيحصل بالظبط.. أصدقاء بقى هههه أحم..
آرين : كشرت عينيها وقالت.. أممم صح كدا..بس سؤال بقى؟ ليه بشوف المتجوزين بيقعدوا في اوضه واحده..يعني زي بابي ومامي وجدو وتيتة..وكل الناس ليه بقى؟ انا مش عايزه كدا خالص هو لازم ياچود؟.
چود : كاتمه الضحكه وقالت.. لأ مش لازم خالص..وحقك طبعاً. ده بيبقى اختياري.
آرين : صح كدا..وبعدين علشان ولادي اربيهم بطريقتي الخاصة.. بعيداً عن المرعب ده..
چود : ههههه اه طبعا ولادك..!!! بصي يا آرين أنا حاسه إني هولد خلاص..ربنا معاكي ياحبيبتى.. سلام أنا جوعت هروح أكل أي تصبيره لحد بليل..وخرجت تضحك بهستريا..
آرين : بتعجب.. أوكي روحي..
رينو : خبطت عليها ودخلت وابتسمت وقالت.. آرين ياورحي..كنت عايزه اتكلم معاكي شويه قبل ما تجهزي و تخرجي انتي وعريسك..
آرين : أتفضلي يامامي..
رينو : بتوتر.. أحم..بصي يا حبيبتي..ف..في حاجه كان لازم أقولهالك. بس مكنش عندي الشجاعه الكافيه إني أتكلم معاكي فيها..بس أنتي كبيره وأكيد هتستوعبي اللي هقوله..
آرين : بتركيز..خير يامامي قولي..في إيه؟
رينو : أحم..حاضر ياحبيبتى اء.. أنا كنت عايزه أقولك واجبك تجاه جوزك..وايه اللي هيحصل بعد ما تتجوزي.وا……
آرين : شهقت وقاطعتها..وقالت..اهااا.. أنا عارفه كل حاجه يامامي متخافيش عليا..
رينو : فتحت عينيها بصدمه وقالت.. عارفه؟ وعرفتي منين ومين اللي قالك حاجه زي كده؟
آرين : بعدم فهم..مالك يامامي حضرتك ليه اضايقتي كدا.. الموضوع تافه ومش مستاهل كل ده..
رينو : بصدمه اكبر.. إيه؟الموضوع تافهه؟ عرفتي منين يا آرين اتكلمي؟
آرين : يامامي ياحبيبتى..چود لسه حالا مكلماني في الموضوع ده..متقلقيش عليا..
رينو : نفخت بأريحية..وقالت.. الحمدلله..طيب ياحبيبتى كويس جدا إن حد نبهك للمرحله دي.. وبعدين يا آرين عايزاكي تهدي كدا ودي سنة الحياة يابنتي..وبلاش جنان الله يهديكي.أوكي ياحبيبتى..
آرين : أبتسمت اوكي يامامي ياقمر..
رينو : أنا وخالتك نور جهزنا ليكي شنطة السفر وحطيت فيها كل حاجه تلزمك ماشي ياحبيبتى..
آرين : ميرسي جدا يامامي..
البنت جت وقالت..يلا ياعروسه علشان تلبسي الفستان..
ف جنينة الفيلا..
سليم وخالد وشريف وصلوا..
فهد : استقبلهم.. وشاور لأحمد يوصل فتون لحد جوه.
مراد : بضحكه.. أهلا أهلا حمدلله بالسلامه يارجاله.. وسلموا على.
سليم : أبتسم.. الف الف مبروك يامراد أنت وفهد.. ربنا يتمم بخير..
مراد : حبيبي ياسليم عقبال ولادك إن شاء الله.
فهد : الله يبارك فيك ياسليم.ومكنش ليه لزوم كل الهدايا.. كفايه إنك تشرفنا والعيله الجميله دي.
خالد : بهزار..قوله يابني.انا طول الطريق أقوله يابني وفر وفر ماسمعش مني.. هههههههه ألف مبروك ياشباب.
مراد : ضحك الله يبارك فيك يامهيبر.. اذيك ياشريف باشا نورتنا والله..
شريف : أبتسم الله يكرمك يامراد.. وألف مبروك.. وربنا يتمم بخير للجميع.
فهد : حبيبي ياشريف باشا..اتفضلوا استريحوا.. اومال أمان وسيف وبدر فين؟
سليم : جايين حالا كل واحد جايب اخته معاه ف العربيه..شباب بقى يسيدي..
مراد : خليهم يفرحوا.. وماله.. تعالوا استريحوا.
سليم : الامبراطور فين اومال؟ عايز أسلم عليه..
مراد : الحج جوه وشويه وجاي..
في اوضة آدم..
الشباب بيساعدوه.. والباب خبط.
آريان فتح الباب وأبتسم أهلا بابا آدم.. أتفضل حضرتك.
آدم : ربت ع كتف آريان..و أبتسم ودخل..وبص لأدم..
آدم مراد : لابس بدلة الفرح وكانت وهم عليه.. وشاف جدو وأبتسم..وقرب منه..
آدم : مبتسم بفخر واعتزاز..وبيكابر مشاعرو.. وطلع علبه صغيره من جيبه. وكسر الصمت وقال. الدبوس ده..!!
دبوس فرحي.. جدتك جابتهولي هديه.. مكتوب عليه آدم. الدبوس ده غالي على قلبي. زي غلاوة أحفادي بالظبط..
وبدأ يلبس آدم الدبوس في جاكيت البدله..وقال. هديتي ليك ياحفيدي الغالي..!!!
آدم مراد : متابع عيون جدو.والدموع المتحجره فيها..وبص ع الدبوس وكان شيك وزود جمال للبدله.. وحضن جدو ف صمت تام..
آدم : ابتسم بحب..وضم حفيدو وربت ع ضهرو.. وقال..مبروك ياحفيدي..
آدم مراد : أبتسم وقال.. الله يبارك فيك يا بابا..
بعد كده..
كل العيله جهزت ونزلت..وفي إنتظار خروج العرسان
في الليفنج..
مريم : بضحكه جميله.. أهلا يافتون ياحبيبتى.
فتون : حضنتها بسعاده وقالت..ماما مريم حبيبتي وحشاني جداً.. ألف مبروك..
مريم : الله يبارك ف عمرك يابنتي..بسم الله ماشاء الله..زي البدر ياتونا..
حنين : بضحكه..طيب وأنا زي القمر مش كدا ياماما.. وحضنتها..
مريم : بفرحه حنين وحشاني اوي والله.. أنتي أحلى من القمر ياحبيبتي..
نجوان : ماما مريم القمر.. ألف مليون مبروك للعرسان. وتفرحي بذريتهم يارب..
مريم : تعيشي يانجوان ياحبيبتى..والله نورتوني.. دول البنات مستنينكم من بدري..
فتون : بابتسامه.. الطريق زحمه جدا ياماما..سامحينا بقى..المفروض كنا جينا من بدري..
مريم : كأنك جيتي يانور عيني..اومال البنات فين اومال..يطلعوا للعروسه..؟
فتون : جايين حالا ياحبيبتى..
مريم : بالسلامه إن شاء الله.. اتفضلوا استريحوا.. هبعت للبنات حالا..وبعتت دعاء ليهم ونزلوا واستقبلوا الضيوف وسلموا على فتون..
بعدها..
آركان نازل من السلم..ولابس بدله..
نور : بإبنهار..اللهم بارك إبن أختي القمر..تعالى هات بوسه لخالتك..
آركان : بغمزه..بوسه بس؟ ده بوسه وحضن كبير كمان ههههه..وحضنها.
نور : ههههه جايب الشقاوه دي منين ياريكو.. بس بجد البدله متفصله عليك.. وماشاء الله الفورمه مع البدله توقع قلب اي بنت..حرام عليك..
آركان : بهزار..مبحبش أتكلم عن نفسي ههههه. طول عمرنا جامدين. أروح بقى ارشي بتاع الدجي علشان فقرتنا ههههه..
وفونه وكان مصطفى..ورد الو ايه يادرش بتتصل ليه؟
مصطفى : معلش يا آركان انا فوق مع العريس ومش عارف أنزل دلوقتي..الواد سعيد داخل ع الفيلا بالله عليك أطلع هاته..علشان الحرس وكدا..
آركان : تمام اقفل أنت أنا رايح أهو..
رعد وصل مع العيله..
مراد : سلم ع رعد.. أهلا أهلا حمدلله على السلامه يارعد باشا..
رعد : سلم عليه..وقال الله يسلمك يامراد باشا.. وآسف جدا ع التأخير أنت عارف بقى الستات عما تجهز.
مراد : كان الله في العون..اومال فين إبنك..
رعد : زي مانت عارف المحامي مصمم ماينزلش من ايطاليا غير لما يكمل شوية إجراءات علشان إثبات الملكيه لوالدته.توكيل بقى وحوارات كدا يعني..
مراد : ربنا يوفقه إن شاء الله.. أهلا مدام هيلينا..
هيلينا : أبتسمت..مبروك ياجماعه.. ألف مبروك..
مراد : الله يبارك فيكي..
فهد : حضن رعد..
رعد : إيه ياعم فهد مالك كدا..
فهد : أبتسم أنا تمام يصحبي.
مراد : شاف باري..
رعد : أحب اعرفكم..الانسه باري الجوهري..وجايه ومتحمسه جدآ لمقابلة الإمبراطور..
أعرفك ياباري..عمك مراد وعمك فهد صداقه قديمه ومترابطه جدآ..
فهد : أبتسم..ماشاء الله..منوره يا باري..
باري : ميرسي جدا ياعمو فهد.مبروك.
مراد : أبتسم..ماشاء الله. كنت فاكرها صغيره يارعد.. لكن ماشاء الله عندك عروسه زي القمر ربنا يخليهالك
رعد : حاوطها من كتفها وقال..تسلم يصحبي..
فهد : بص لهيلينا و باري وقال.. اتفضلوا جوه المدام في انتظاركم.. وشاور لأحمد يوصلهم..
مراد : تعالى يارعد أعرفك ع سليم وخالد..لسه جايين حالا مفيش عشر دقايق.
باري : ماشيه جمب هيلينا..وقالت اووو نسيت فوني وشنطتي في العربيه يامامي..
هيلينا : طيب حبيبتي هتصل على بابي ويجبهالك علشان العربيه بره الفيلا..
باري : بصت ع أبوها..وقالت..داد واقف مع ناس كتير هناك..بصي انا هروح اجيبهم وهرجع بسرعه أوكي..
هيلينا : اوكي خدي المفتاح..وبليز باري ترجعي بسرعه..
باري : أوكي مامي سي يو..واتحركت ومبهوره بالتصميم.
شاهين : واقف قدام الباب..ورد ع هبه.. إيه ياهبه اتأخرتي ليه كل ده؟
هبه : حبيبى انا خلاص عشر دقايق وأكون عندك..معلش رفيف تعباني والله. اسفه..
شاهين : ولا يهمك ياحبيبتي.. أنا مستنيكي.. يلا سلام هقفل دلوقتي علشان الشغل كتير..
وجه ضيوف كتير زي الدكتور مروان ونرمين وأكرم. وأصدقاء العيله سواء في الشغل أو الجامعة.
عند آرين..
البنات كلهم واقفين ف الجناح منتظرين خروج آرين..
البنت خرجت والإبتسامة ع وشها وقالت..تعالى ياعروسه..
آرين : خارجه وكانت تشبه الملكات حرفياً..وخطفت قلوب البنات وانبهروا بجمالها..
ميرو : بدهشه وفرحه..بسم الله ماشاء الله..قمر بجد اللهم بارك..
تالين : ضحكت بسعاده وقالت اللهم بارك جميله اوي اوي خايفه احسدها..
همس : صفرت بإعجاب وقالت..الله أكبر..ده العريس مش هيسمي عليكي ياموزه..
چود : بانبهار..ده لا هيسمي ولا هينطق.. الله أكبر عليها..قال كل واحد في اوضه قال..غلبانه اوي..
همس : أنا بقول كدا بردو..
ليليان : هشش بطلوا رغي بقى.. إيه الجمال ده يا آرين قمر ماشاء الله..
آرين : بتضحك بتوتر ..وقالت..بجد يابنات أنا طالعه حلوه؟
كلهم حلوه بس.؟ انتي زي القمر.. وسلموا عليها..
الباب خبط..
ليليان : أدخل ياللي ع الباب..
حياة بدر الدين فتحت الباب ودخلت ومعاها فريده وجنى الشرقاوي. وقالوا بمرح سيربرايز.. وضحكوا..
البنات : بحماس..هااااي تعالوا.. وسلموا على بعض..
حياة بدر الدين : بانبهار..اووو انووو.. آرين مش معقول إيه الجمال ده ماشاء الله..
جنى الشرقاوي : بجد ماشاء الله يا آرين خيال..
فريده : ومن غير ميكب بجد عسوله اوي اوي يا آرين..
آرين : بسعاده ميرسي جدآ يابنات.. وبعدها قالت چود اتصلي على زهره شوفي………!!!!
والباب اتفتح..وزهره صرخت بفرحه من جمالها وجريت عليها.. آرييين مش معقول قمر ياناس ماشاءالله..
آرين : ضحكت وقالت يسلام لسه فاكره يختي..
زهره : اوبس.. أسفه والله الطريق زحمه.. أسفه يابنات دخلت في وشي كدا مسلمتش.. وسلمت عليهم..
چود : قوليلى بقى يابت آرين هتغني إيه لجوزك ها؟
آرين : بغيظ..بتفكريني ليه؟ آدم قالي متتحركيش من مكانك..
تمارا : بصراحه عندو حق.. انا لو مكانه هخبيكي من عيون الناس ياروحي..
همس : ومالو يا آرين ماتغنيش بره..غني هنا اللي نفسك فيه..
آرين : بدهشه.. إيه؟ لأ لأ
چود : اومال كنتي عايزه تغني قدام المعازيم إزاي؟ غني يلا سمعيهم الطرب ع أصوله..
حياة بدر الدين : بتشجيع..يلا يا آري وأنا هشغل ميوزك للاغنية اللي تختاريها..
آرين : بتوتر بس…..
البنات : اتحايلوا عليها وشجعوها..
آرين : بصراحه كان نفسي اغني لحماقي..من يوم ما جت عيونه في عينيا..
البنات اووووو جامده جدا..
حياة بدر الدين.. أوكي هي جميله جدا..ثواني اشغل الميوزك..وانتوا يابنات شجعوها يلا..وشغلت الميوزك..
كارما وحياة جمال بفرحه وحماس.. وأحنا هنرقص.وشدو همس وليليان معاهم.
آرين : كانت متوتره..وغنت وهى مكسوفه..لكن بعد كدا اندمجت مع كلمات الاغنيه..واتخيلت أنها بتغنيها لادامها..
البنات : بيسقفوا وبيرقصوا مع بعض.. وكأنه فرح مميز ليهم وقضوا وقت جميل ف ضحك وسعاده
بعد كدا..
مراد وفهد راحوا يلبسوا ويجهزوا.
قدام الفيلا..
باري : بتدور في العربيه.وقالت بنرفزه..اوووف فين الزفت الفون..كان هنا..تؤ.. يارب مامي ترن أو بابي.. أيوه خلاص لقيته.. وأخدت الفون والشنطه.. وقالت بابي راكن في آخر الدنيا..لسه هرجع كل ده..اوووف ياربي..
آركان : واقف واتخنق..وقال. أنا أكتر حد بيكره الإنتظار.. فينك ياعم سعيد..اوووف. أنا هتمشى يمكن اقابله قدام شويه..صحاب عرر..وماشي..
باري : ماشيه و عينيها ع المملكه بإعجاب كبير. وقالت بانبهار..واو..بجد فعلاً يليق عليها لقب مملكه زي بابي مابيقول..
أنا مكنتش متخيله إن المكان بالحجم والضخامه دي. سفيان ديما يقولي لما نشوف حاجه تعجبنا نقول.. ماشاء الله تبارك الرحمن..
ماشاءالله إسم الامبراطور واخد مساحته.. والديزاين يجنن.. أنا متشوقه أشوف آرين وهى عروسه.. كان نفسي سفيان تكون موجود معايه.. وماشيه باصه ع الڤلل..
آركان : ماشي ومش منتبه..وطلع الفون وقال. لما أتصل ع الأستاذ زفت ده..
وكل واحد ماشي مش باصص قدامه..وهوب خبطوا في بعض..وفون باري وقع واتكسر..
آركان : بخنقه..مش تحاسب ياكابتن..!!
باري : مصدومه. وهمست الآيفون..!!
آركان : نزل يجيب الفون..وشاف ديل الفستان وقال.. اوبس ده مش كابتن خالص..دي طلعت أنثى..
باري : بغيظ.. أنت بتقول ليا أنا مش تحاسب؟.. وانت ماشي يعني مش شايف قدامك..
آركان : جاب الفون.. واتعدل.. وشافها..وقال. بصي يا آنسه أنا بجد مخدتش بالي..وعلشان أنتي بنت. أنا بعتذر منك..
باري : بغضب..تمشي مش شايف قدامك وتكسر ليا الآيفون وتقولي بعتذر؟
آركان : طيب ممكن تهدي وتوطي صوتك؟
باري : بنرفزه.. أنا حره أعلي صوتي برحتي.. أنت مش عارف حجم المصيبه إللي حضرتك عملتها.؟
آركان : مسح وشه بأيديه وقال..ياصبر أيوب.. ونفخ بخنقه وقال..اسمعي يا آنسه لو ع الفون اجبلك غيرو مع إن الغلط مشترك.. بس علشان أنا عارف أهمية الفون للبنات ف أنا مقدر موقفك..
باري : اووو ماي جاد.. مقدر موقفي.؟أنت بجد انسان مستفز جدآ..
آركان : بغيظ..صدقي بقى إنك لسانك ده عايز قصو.
باري : شهقت وقالت .دي شتيمه دي صح؟
آركان : ههههههه لأ ده مدح فيكي.. يلا ياشاطره..شوفي أنتي رايحه فين..؟
باري : من بين أسنانها.. أنت بتكلمني أنا كدا؟ أنا لو مش مستعجله كنت عرفتك قيمتك بجد يا مهرج..
آركان : كشر عينيه وقال قصدك إني بلياتشو؟ يابت بلاش أنا..صدقيني هخليكي ماشيه معيطه..
باري : عاااااا انت بجد لا تطاق.. وأنا هجبلك بابي يربيك..ياهمجي يالوكل..
آركان : انتي متربيه فين يابت.؟ يلا من هنا شوفي أنتي رايحه فين..
باري : اتنفست غيظ وقالت. أنت.؟بتقولي أنا بت؟ أنت إنسان همجي وقليل الذوق جدآ..
آركان : بتحذير..أقسم بالله كلمه زياده وهخلي وشك في قفاكي..غوري من قدامي علشان متغباش عليكي.
باري : اتغاظت جدآ..وشدت الفون من أيدو..ولعنته وسابته ومشيت متنرفزه..
آركان : هرش في قفاه ومتابعها.وقال.. البت حلوه.. بس عايزه تتربى..يلا وأنا مالي.. اوووف فينك يا سعيد الزفت..
بعد شويه..
ومريم ونور ورينو وفريحه وريتال وفتون وحنين ونجوان وهيلينا (وحريم العيله كلهم )طلعوا يسلموا على آرين وكان سلام مؤثر من مريم ورينو ورنا والكل كان مبهور بيها.. ورنا قدمت ليها العقد.ونزلوا..
هيلينا : مالك باري انتي متعصبه ليه؟
باري : بغيظ مكبت..فوني وقع واتكسر يامامي..وده غالي عليا أوي..ده هدية سفيان ليا…!
هيلينا : طيب ياحبيبتي متزعليش.واضحكي علشان شكلك واضح أوي..وكدا مش ينفع علشان الناس..
باري : أبتسمت بغيظ..وقالت بضحك أهو يامامي.. بضحك..
هيلينا : ضحكت.. ايوه كدا بيبي.. استعدي بقى علشان والد آرين راح يجيبها ويسلمها للعريس..
آدم مراد : نزل ومعاه تيم وآريان وكريم وباقي الشباب..
فريحه : ضحكت بدموع وقالت ماشاء الله..حبيبي يا آدم زي القمر ياقلب ماما.. وعيطت..
آدم مراد : ضمها لقلبه وقال.امي أنا جمبك ومعاكي.. ارجوكي انتي بالذات مش عايزك تبكي.تمام؟
فريحه : حاضر ياحبيبي.. ألف مبروك ياروحي..
آدم مراد : هز راسه بابتسامه وباس ع أيدها..وقال الله يبارك فيكي. وبص ع مريم..
مريم : مبتسمه وعينيها كلها دموع الفرح وبتقاوم علشان متعيطش.. لكن مستحيل..
آدم مراد : قرب منها وباس ع أيديها و جبينها..وقال. ست الكل.. إيه رأيك في حفيدك..؟
مريم : بدموع الفرح..ورجفه. رفعت أيدها ع خدو وقالت..حصنتك بسم الله الذي لا يضر مع اسمه شيء في الأرض ولا في السماء وهو السميع العليم.. أعوذ بكلمات الله التامة من كل شيطان وهامة ومن كل عين لامه..
اسم الله عليك يانور عيني..تبارك الرحمن عليك. يحفظك ربي من عيون الناس..
آدم مراد : ضحك بحب كبير..وضمها لقلبه وقال.. أنتي نور البيت ونور حياتنا كلها والله العظيم..
مريم : ربتت ع ضهرو..وقالت..مبارك ياروح قلبي..
آدم مراد : الله يبارك فيكي ياحبيبتى.. وسلم ع كل الموجودين..
تيم : تعالى بقى ياعريس..أقف هنا ع أول سلم الفيلا علشان تستلم عروستك من ابوها..
آرين : واقفه في نص الاوضه والبنات بتفرد ديل الفستان..والطرحه..
تالين : خالو فهد جه..يا آرين..!! —
تالين : خالو فهد جه..يا آرين..!!
آرين : غمضت عينيها وبتعد من واحد لعشره علشان تهدا..
فهد : واقف قدام الباب..وشاف آرين.. وقلبه اتخطف ودق..وقد إيه بنته ملكة جمال العالم في عيونه هو وبس. عشقه ليها وحبه طاهر..من غير مقابل..
الكل أتأثر لنظرة فهد لبنته..
آرين : بعفوية..بابي شوفتني وأنا بالفستان إيه رأيك؟
فهد : أنتبه.. وابتسم وقرب منها..ومسك ايديها وباس جبينها وقال.. أجمل فراشه لقلبي ياروحي..
آرين : ظبطت الكراڤت لفهد وقالت..كدا أحسن.. بابي انت جميل اوى..والبدله تجنن عليك.وقمر خطفت قلبي..وحذاري أي بنت تعاكسك..ماتتغرش بالفستان.. أنا هعمل من اللي تبصلك بس شاورما سوري..
فهد : ضحك..وضمها لقلبه وقال.. حبيبتي أنتي وبس.. مبروك ياروحي..
آرين : عيطت بصمت..وقالت برعشه في صوتها..الله يبارك ف حضرتك.. ومسحت دموعها بسرعه.وخرجت من حضنه ومبتسمه..
فهد : حط أيدها ف دراعه..وخارج وبيصارع إحساس غريب جواه..
البنات ماشيين وراها وماسكين الطرحه.. مع زغاريد زينب والبنات إللي زودت البهجه في قلوب الحاضرين..
آدم مراد : واقف ثابت..لكن جواه ملهوف عليها بطريقه غير طبيعية..
تيم : أمسك ياعريس بوكيه الورد ده.. قدمه لعروستك أول ما تنزل..
آدم مراد : بعدم إهتمام.. خليه معاك..
تيم : تنح..نعم ياخويا؟. وأنا هاشيلك الورد؟
آركان : هات ياعم أنا هقدمه لاختي..هو مالوش في الحوارات دي..
آيان : لابس بدلة جميله..وواقف جمب رينو..وسقف بحماس وقال..آليييين بيبتي علوووسه…!!
الكل أنتبه..وانبهر حرفياً.
آدم مراد : رفع عينيه ولعنة سحرها فرضت نفسها على قلبه بدون مقدمات..وفقد السيطره على دقات قلبة..وهمس بتوهان ودقة قلب وقال.. آريني…!!!
آرين : شافت الدايزين في الفيلا وفرحتها فرحتين والمفاجأة جميله جدا..
لكن عينيها جت على ادامها.. وكل الناس اختفوا ومش شايفه غيرو ولا هو شايف غيرها..
آدم وطارق وبيتر ومحمد وفارس وزين وأشرف وجاسر وكبار العيله واقفين..
ومراد واقف ومبسوط ومعاه سليم وخالد وشريف. ومالك وزياد ويوسف.
فهد : نازل..وبيكابر دموعه..
الكل سقف بفرحه كبيره..مع الزغاريد.. ومصطفى خرج بسرعه وراح عند الدي جي.. وقال أمسك يانجم دي قايمة بالاغاني إللي أنت هتشغلها..
الشاب : قال..بس العريس مختار بروجرام معين..
مصطفى : بتريقه بزمتك أنا راضي زمتك..هى دي أغاني تشجع الواحد يقوم من مكانه حتى؟. دي أغاني شد اللحاف ونام..
واحنا عايزين نفرح.. إحنا عندنا فرح مش عشاء عمل.
أسمع مني علشان ماقطعش عيشك..
الشاب : أوكي يابرو زي ما أنت عايز..
مصطفى : ايووووه شاطر..اطير انا بقى ويا أكننا معملناش حاجه. وجري عليهم..
آرين : نازله زي الملكات..
آدم مراد : تايهه في ملامحها البريئه..
تيم : مبسوط جدا ل آرين.. لكن شاف آدم سرحان..
وخبطه في دراعه بخفه..وقال اصحى ياعم..
آدم مراد : أنتبه..ومردش. واتحرك وراح يقابلها.
آدم مراد : مد أيدو ليها..مع ابتسامته الجميلة..
فهد : بوجع حقيقي..مسك أيد آرين..وحطها في أيد آدم..وقال قدام الكل بقلب أب.
خلي بالك من حبيبتي.
دي نور حياتي ودنيتي. سلمتهالك وفي قلبي غصه من فراقها.
حتى التخيل ف بعدها قاتلني..
آرين مش مجرد بنت وكبرت قدام عينيا.
آرين دي قصة عشق من البدايه. لما كانت بالضفاير قلبي طاير من جمالها..
فراشة الحياة بالنسبه ليا…بين الضلع والضلع تلاقيها ساكنه روحي وكياني.
امنتك أمانه.تحافظ عليها..واوعا في يوم تغمض عينيها وهي مجروحه منك.
خلي السعاده بين ايديها.. وده أمر مش طلب..!!!
ولو ف يوم جاتلي واشتكت؟!.. هتلاقيني ف يوم خاطفها منك.. ولو تدور بالزمن مش هتلمح طرف توبها..
آريني اتخلقت علشان تتصان. بنتي وحبيبتي لازم تعيش أميرة الزمان…!!!
ودمعه خانته وساب أيدها ف ايدو..
آرين : عيطت.. وكل البنات دمعوا والكل سقف..
آدم مراد : أتأثر لخاله. وضغط على أيد آرين بحب..وقال.
وعد مني ودايم للوعد..لاتكون آرينك بين رموشي.
متصانه محفوظه مرفوع مقامها لفوق.
دي قبل ما تكون الزوجه هى بنتي والحبيبه.
وإن كانت هى ليك فراشه.؟ بالنسبة ليا ضي عمري. ضي عتمة ليالي وسنين طويله.
مجنونه حبه،، لأ حبتين..بس جنانها بيجدد عشقي ليها.
بفوت وبعدي علشان هى من ضلعي..ووصية حبيبي وشفيعي..وغصب عني احطها في نيني عيوني.. وإن كانت هى بين ضلوعك..فهى ساكنه شرياني ووريدي.. اطمن ياخال..بنتك في أمان مع زين الرجال..!!!
وباس ع أيدها قدام الكل..
كل الشباب صفرت وسقفوا بحماس..
فهد : مسح دموعه.. وأبتسم.وطبطب ع كتف آدم..
آرين : قلبها بيدق بسرعه..وبتضحك بسعاده من كلام آدم..
آدم مراد : قرب منها وباس جبينها.وهمس.. بحبك ي آرين..
آرين : قلبها هيطلع من مكانه..
آدم مراد : حط أيدها ف دراعه..
آركان : جه وسلم عليها وباس جبينها وقدم ليها بوكيه الورد..
آيان : بيشد ايدو من رينو..وعايز يجري ع آرين..
آدم مراد : أتحرك. وماشي جمب عروسته..والميوزك أشتغل. الزين والزينه. لعلي الحجار..
وكل الحاضرين مبهورين ومبسوطين جدآ..
تيم و آريان فتحوا بوابة فيلا آدم مراد..علشان تصوير السيشن..
آرين : ماشيه عيونها فيها انبهار ملحوظ..من التصميم..والزينه والإضاءة وكل حاجه. والجنينه كلها بالونان..وورد مرسوم بأشكال مختلفة ع الأرض..
وإسم آدم و آرين موجود ف أماكن كتيره وفيه أضاءه هاديه..
بعد كدا بدأ تصوير السيشن.. وآرين لسانها عاجز عن التعبير..حتى الفوتوغرافيك بنت مش شاب؟
وبدأ التصوير بأشكال مختلفة.. وكل العيله بدأت تتصور معاهم. و آيان ليه النصيب الأكبر من الصور مع آرين و آدم..
وكمان عملوا سيشن جميل لأطفال العيله..محمد و آيان و عمر ومحمود وحمزه وجنى..وكلهم لابسين بدل عرسان..وجنى لابسه فستان أبيض مزود من جمالها وبرائتها..
والامبراطور اتصور مع أحفاده وكمان آرين. وطارق وباقي العيله..
صور آدم و آرين كانت جميله جدا..ورمانسيه..
خلصت فقره السيشن..
وآدم وآرين رايحين على فيلا العدوي..طول المشايه بين الشموع والورد..
وبدأت الميوزك.. بأغنية.حلم سنين تامر حسني.
آرين : بسعاده كبيره قالت.. آدم أنا حاسه إني بحلم..
آدم مراد : فرحته الكبيرة غصب عنه خلت ملامحه كلها سعاده وواضحه عليه..وقال..
لأ يا آرين أنتي في حقيقة.. انهردا فرحك ياضي آدم..
ووصلوا الكوشه اللي عجبت آرين جدآ.. وقعدوا..
آرين : بصت حواليها وشافت.افخم فرح وحلم بيتحقق ليها..
بدأت المعازيم وشباب وبنات العيله تطلع تسلم ع آدم و آرين. وبيتر وديف باركوا لادم..
حياة جمال خطفت قلب آسر..و كارما كانت جميله جدا في عيون چوادها..اللي عينيه اعترفت ليها بأهتمامه الواضح أخيراً..
وسعيد بيدور على دعاء بين الموجودين ونفسه يشوفها..وعلى أمل أنه هيقابلها..
الميوزك شغال وأغاني كلها حماسيه.. وشجعت الشباب..وكلهم طلعوا على الاستيدج وبدأت هيبرة شباب العيله..
آرين : بحماس واو الاغنيه دي بحبها اوي..
آدم مراد : قرب منها وهمس بتحذير..مش عايز ولا حركه.. أنا عامل كل ده علشان متزعليش وتقولي إني جاي عليكي.. أنا لو عليا اخدك دلوقتي على البيت..
آرين : بغيظ..ولا حركه؟هو أنت ماسكني في كامين يا آدم حرام عليك بجد..عايزه افرح بقى..
آدم مراد : بحده..كل ده ومفرحتيش؟ الرقص والأغاني هو إللي هيفرحك؟ اعقلي علشان متزعليش مني فاهمه ولا لأ؟
آرين : صكت ع أسنانها بغيظ وقالت. هو ده الوعد اللي وعدته لبابي..مقولتش ليه إنك هتاكلني في الوعد ده.
آدم مراد : صك ع أسنانه..ولسه هيتكلم..
أكرم : قرب منه وقال بفرحه.. ألف ألف مبروك ياديزل..الله أكبر عليكم ياولاد..وحضنه..
آدم مراد : حضنه..وبص بنظره ناريه ل آرين..
آرين : بلعت ريقها بتوتر.وبصت بعيد..وقالت جواها.. ربنا يهد القوي ياشيخ..ده أنت بريفيكتو نكد أبو شكلك..
آدم مراد : أبتسم لاكرم وقال. الله يبارك فيك ياعمي..
أكرم : مبروك ياعروسه..ربنا يتمم بخير..
آرين : بتمتص غيظها..وابتسمت بغيظ..وقالت ميرسي لحضرتك ياعمو..
آمان وحياة وسيف وجنى طلعوا وسلموا على العرسان..ونزلوا
حياة قالت بجد الديزاين يجنن..ويسلام بقى العريس يغني لعروسته يبقى سو كيوت أوي..
سيف : بتريقه ليه هى متجوزه حماقي؟ ده مخابرات يابنتي.. يعني بيحط الجثث فوق بعض ويعمل منهم استراحه..
حياة : بتريقه..ده مخابرات.. وبعدين انا بتكلم مع جنى انت مالك بقى؟ ولا أنت فاكر كل الشباب جاهلين زي ناس كدا..
سيف : بغيظ..لمي لسانك ياحياة علشان مانكدش عليكي..
حياة : ببرود..لا عاش ولا كان اللي ينكد على حياة بدر الدين..فوق لنفسك أنت لا خطيبي ولا أنا اخصك في حاجه علشان تتكلم معايه كدا..
جنى : بخنقه.. اوووف بقى خلاص منك ليها بجد تعبتوني.. مفيش يوم من غير ما تتخانقوا فيه؟ أنا رايحه أقول لامان..
حياة : بصت ل سيف بتحدي وقوه..وسابته قبل ما يتكلم..وبتضحك..
سيف : كشر عينيه وقال..ماشي يابنت سليم بدر الدين..مسيرك تبقى حلالي ووقتها هتعرفي مين هو سيف الشرقاوي..
مصطفى : ايه ياكابتن سيف واقف بتكلم نفسك ليه؟
سيف : لا مفيش يامصطفى.. أحم بقولك ايه هو ينفع اغني؟
مصطفى : يسلام دانت جيت في ملعبي..وشد سيف وطلعوا على الاستيدج..
سليم : كشر عينيه وقال..خالد.. هو سيف هناك بيعمل ايه؟
خالد : مط شفايفه وقال أممم علمي علمك..بس أبني حبيبي اللي ديما مشرفني.. أكيد هيعمل عظمه..
مصطفى : مسك المايك وقال..سماااااع هوووس. الكل يركز معانا كدا..ومعانا ضيف مميز وحبوب.. سيف الشرقاوي..وحابب يهدي أغنيه لعريسنا الحلو.. يلا سقفه كبيره هنا لسيف الشرقااااوي..
الكل أنتبه..وحياة لفت بسرعه وفتحت عينيها بدهشه وقالت.. يامجنون..!!!
سيف بيضحك ومسك المايك والميوزك أشتغل وغنى لحماقي..قلبي تك.. وكان صوته مقبول جدآ..والكل اتفاعل معاه وسيف قدر يخلي بهجه للفرح.. وخالد وسليم كانوا مبسوطين..
و آمان وبدر طلعو وشاركو الفرحه والكل بيرقص ويغني..
حياة حطت ايدها ع قلبها اللي دق لسيف أخيراً..
فتون وحنين ونجوان كانوا مبسوطين وبيضحكوا ع ولادهم..
آرين : كل ما تفرح تلاقي آدم بيحظرها..
آدم مراد : جواه نار غيره غير طبيعيه.. وأول مرة يندم على قرار اخده في حياته..
آرين جميله..جميله جدا..وانهردا الكل هيركز الأضواء عليها. وده شاعل الغيره جواه..وكل شويه يبص في الساعه وعايز الوقت يخلص..
آرين : قاعده ومخنوقه منه ومتغاظه..وهاين عليها تعيط..
البنات لاحظت ده.وراحوا اتكلموا معاها.وعرفوا سبب زعلها..
وميرو حكت لتيم وتمارا قالت لاريان..
مراد وفهد وفارس وزين وزياد بيستقبلوا الضيوف مع التدقيق الأمني..
الامبراطور جمب طارق وبيتر وعينيه ع آدم حفيدو..
فهد واقف عينيه ع بنته..ولاحظ أنها مكشره.. وآدم هاين عليه يطلع نار.. وقال ل مراد ثواني وراجع يامراد.. وراح عند آرين..وقال بصوت واطي..مالك يا حبيبتي..
سعيد طلع مع مصطفى يبارك لآدم..
آرين : كأنها مصدقت إن آدم مش منتبه..وقالت.بابي آدم مش عايزني أقوم من مكاني..هو أنا مش عروسه.. أنا عايزه افرح بليززز.انا هعيط بجد.
فهد : بتفهم..طيب ياحبيبتى متزعليش..هو بس غيران عليكي..بس بابي هنا وهيحققلك كل حاجه.. قومي معايا..
آرين : بحماس..واو.. أجمل بابي فهد في الدنيا..
آدم مراد : بيلف وشاف فهد ماسك أيد آرين..وبيشاور للدي جي باغنيه هاديه..لرقصة سلو.. وقبض على أيديه بغضب واضح..
آدم شاور لمراد..
مراد : لحق إبنه..وقال بتحذير.. وحياة أمك لو عملت أي حركه لاتشوف مني وش مش هيعجبك.. أهدى كدا واتمالك أعصابك..عروستك من حقها تفرح..
آدم مراد : بنظرة ناريه ل آرين..وساكت..
مراد : يخربيت كدا يبني فوكها شويه..وشاور ل فريحه تحاول تهديه..
فريحه : طلعت في ايه ياجماعه..
مراد : اتكلمي مع إبنك علشان مجبش أخري منكوا.. وسابهم ونزل..
فريحه : بتتكلم معاه وقد إيه آرين تعبت الفتره الاخيره..واترجته يعدي اليوم ع خير..
الميوزك أشتغل..ع اغنية احمد باتشان .قابلتك امتي.
فهد : مد أيدو لبنته..
آرين : رغم خوفها من آدم..لكن سندها موجود..ومن فرحة قلبها..حطت ايدها ف أيدو.. وبدأت ترقص مع باباها..
الكل سقف ليهم..
سليم : اتشجع وقام وقف وقال..تسمحيلي بالرقصه دي يافتون هانم..
فتون ؛ ضحكت من قلبها وقامت مع سليم ووقفوا جمب فهد و آرين..
وفاجأة الكل اتحمس..خالد وحنين.وفارس ورودي ومالك وساره وشريف ونجوان..ويوسف ومريم.
ومحمد أخد تمارا قدام عيون آريان ورقص معاها.
ورعد شايف باري متعفرته واخدها يرقص معاها.. وزياد ومليكة. والمنصه اتلمت بالاحباب..
ميرو : بتوتر..وبعدين ياتيم ده آدم أخويا وشه بيقول أنه هيفجرنا.. أنا خايفه ع آرين..
تيم : ثواني بس يامريم بفكر في حل أهو.. وقال لقيتها.. وشاور للشباب والبنات..وقال.. أسمعوا إحنا هنا كلنا عيله.. واحنا بقى عايزين آدم يرقص مع آرين..
كلهم طيب إزاي؟ده مستحيل..
تيم : الحل كله ف ايد تالين..
تالين : إزاي يا أبيه؟
تيم : أسمعوا الخطه وركزوا كويس..وشرح ليهم.. وبدأو بالتنفيذ..
آدم مراد : واقف وبيسلم ع الضيوف وجواه بيستحلف ل آرين..
تالين : جريت عليه وحضنته بتلقائية وقالت.. أبيه آدم حضرتك هتسبني وتبعد عني خلاص..؟
آدم مراد : نفخ بخنقه.. وضمها لقلبه وقال..تالين أنا عمري ما ابعد عنك انتي بالذات..فاهمه..
تالين : بحنين.. أنا عارفه كل ده يا أبيه..بس برضو حضرتك هتعيش جمبنا.. الأول كنت بطمن وحضرتك في الاوضه اللي جمبي.. دلوقتي كل حاجه هتتغير..وعلشان كده..نفسي في طلب صغير وتحققهولي.. انا عمري ما طلبت منك حاجه..بسمع كلامك ديما..بس بالله عليك دلوقتي عايزاك متكسرش خاطري..
آدم مراد : حط ايدو ع خدها وقال.. أنتي طلباتك كلها أوامر يا تالي..قولي ياحبيبتى طلبك..
تالين : مسكت فستانها بقوه..وبلعت ريقها بتوتر وقالت.. أحم..نفسي… نفسي ترقص معايا سلو.. لمرة واحدة بس بالله عليك يا أبيه..
آدم مراد ؛ بجديه..انتي اتجننتي ياتالين؟
تالين : اتخضت..وقالت اء.. أسفه مش قصدي.. اء.. أنا بس…كنت.. احم.. أسفه جداً متزعلش مني. كنت متحمسه مش أكتر.. أنا هروح لماما..ولفت ضهرها.
آدم مراد : مسح وشه وقال..استني ياتالين..
تالين : قالت جواها. يااارب يوافق علشان المسكينه آرين..ولفت ليه نعم يا أبية..
آدم مراد : أبتسم وقال.. أنا قولت طلباتك اوامر..متزعليش مني أنا بس كنت مضايق شويه..
تالين : فتحت عينيها وتنحت..وقالت حضرتك وافقت؟
آدم مراد : حط أيدها ف ايدو وقال بإبتسامة..تحت امر تالي..
تالين : فرحت جدا..وطلعت جمب آدم..وبصت ل تيم..
آدم مراد : رغم ناره إلا إن تالين في حته تانيه عندو.
الكل تنح حرفياً لما شافوا آدم بيرقص.. وخصوصاً آرين..
آدم متابع حفيدو.. وأبتسم.
تيم : بحماس..يس ايوه بقا..تعالى ياميرو وانتوا ياشباب اتحركوا يلا..
ياسين أخد همس وطلعوا يرقصوا. وكريم أخد ليليان ومصطفى وجود..و آسر وكارما أخته..
مريم ونور ورينو وفريحه وريتال فرحوا جدا..
زين : غمز ل روتي وراح بيها.. ومراد شد فريحه والكل كان في عالم تاني..
آركان : راح قعد جمب طارق وقال. عيني عليا سنجل بائس..ماتيجي يارانوش نرقص حبه حبه.. ههههه
رنا : ضحكت..
طارق : بغيره .وحياة أمك يابن المتخلفين. قوم ياض من هنا..
آركان : بيضحك وبالصدفه شاف باري بترقص وضهر رعد ليه..وتنح..وقال ينهار اسوس.. أنتي هنا؟ اه يابنت اللذين..ياما نفسي أشقلب ملامحك دي..
بقى أنا بلياتشو يابنت الزومبي..
وياترى مين اللي بترقصي معاه ده؟ أممم ياترى أنتي هنا بصفتك ايه؟
باري : شافته بيبص ليها..وبصتله من فوق لتحت.. ورفعت راسها بكبرياء..
آركان : كشر عينيه بغيظ وقال..مبقاش اللي أنتي يابتاعة أو ماي جاد تحرقي دمي وتبصيلي كدا؟ ماااااشي..
تيم : بيرقص واتعمد يروح جمب فهد..
آريان : جه وقال لمحمد بعد إذنك مراتي بقى أرقص معاها شويه..
وبدأو الكل يعمل دايره كبيره وفهد و آرين و آدم وتالين في النص.. والإضاءة كلها طفت لثواني.. وفهد ف ثانيه أخد تالين وساب آرين قدام آدم..
آدم مراد : شاف آرين قدامه..
آرين : واقفه ومكسوفه يحرجها..وبصت ل آدم بعتاب..
آدم مراد : فتح أيدو ليها..
آرين : فتحت عينيها بزهول..وقلبها دق..
آدم مراد : حس بفرحتها وقال..تسمحيلي بالرقصه دي..؟
آرين : هزت راسها وضحكت بسعاده.. وحطت أيدها وبدأت ترقص مع بطل قصتها..
آدم مراد : حاوطها من وسطها وقربها منه..وباس جبينها.. وآرين رفعت ايديها حوالين رقبته. وغمضت عينيها..
ودقات قلوبهم مسموعه ليهم وعاشوا تفاصيل الاغنيه مع مشاعر عشق صادقه..
تيم : غمز لفهد وقال..يجي مني؟
فهد : ضحك وقال.. طبعاً فاجأتني بصراحه..وبص لتالين وقال ورطوكي ياتوتا..
تالين : بضحكه رقيقه..والله ياخالو كان هيغمى عليا..
فهد : باس جبينها وقال..سلامتك ياحبيبة خالك.
بعد كدا وهما بيرقصوا..الدجي جاب اغنية ملكة جمال الناس محمد شاهين..
وآرين عاشت فرحتها اللي بتتمناها اي بنت..
(وربنا يرزق بناتنا جميعاً أزواج صالحين يارب العالمين.)
آركان : ماشي بيتكلم ف الفون وبيضحك..لكن وقف مرة واحدة.. وشاف باري واقفه بعيد. وماسكه الآيفون..ومسحت دموعها..وشكلها كانت مضايقه جدآ ع الفون..ورمت الآيفون في الباسكيت ورجعت للفرح.. آركان..صعبت عليه..وبعدها طرد الفكره.. وكمل المكالمه..
سعيد عيونه بتدور بين كل الحضور. وأخيراً شافها.. وقلبه دق.. ورايح يكلمها..لكن شاف احمد واقف معاها..واضايق جدآ..وافتكروا أنه خطيبها..وخاب أمله..
مصطفى : من وراه..يبقى أخوها الكبير ع فكره..!!
سعيد : رجعت ليه الابتسامه..
ومصطفى شرح ليه ظروف دعاء كلها.. وأنها مش من العيله. لكن العيله بتعتبرها فرد منهم..
بعد التهاني والمباركات.. وعدا الوقت للفقره الشعبي..
وطلع آركان ومصطفى وسعيد و آمان وسيف وكل الشباب.. وغنوا ورقصوا على أغنية.حكيم رقصوني.
والجو كان مبهج جدآ.. وبعد كده جت التورته وكانت هديه من عم وخال العرسان..فارس السيوفي وزين العدوي..وكانت ضخمه جدآ..وكانت على رسمة عربية سندريلا.. اللي بهرت كل الموجودين.
وكان حرفياً فرح اسطوري للديزل وضيه..
وعدا الوقت والفرح على خير والكل ودع آدم و آرين ووصلوهم لحد عش الزوجية أخيراً.. وكل واحد رجع ع بيته..وفيهم اللي زعلان وفيهم اللي فرحان.
آدم مراد : قفل باب الفيلا..
آرين : رغم كسوفها إلا أنها مطمنه..وبتتفرج ع الديكور بحماس واضح.. وقالت..ياااه بجد كل حاجه جميله جدا..
آدم مراد : واقف وبيتأمل فيها..ومش مصدق أنها أخيراً معاه..ملكه وبين أيديه..
آرين : آدم أنا بكلمك..وا……!!! وشافته باصص ليها أوي..واتكسفت..
آدم مراد : قرب منها خطوه..
آرين : بلعت ريقها بتوتر..ورجعت لورا..
آدم مراد : بدون مقدمات..ورغم فستانها العملاق.. شالها بين ايديه وطالع بيها ع الجناح..
آرين : شهقت..واتصدمت وقلبها بيدق بسرعه كبيره جدا.. والكلام كله اتبخر..
آدم مراد : نزل آرين..وساكت..
آرين : بتتنفس بسرعه.وحطت أيدها ع قلبها..وقالت.. أنت بتشلني ليه؟ أنا كنت هطلع لوحدي..
آدم مراد : جواه مشاعر متلخبطه وخرجت عن السيطره..معقول آرين موجوده معاه وقدامه؟
آرين : شافته ساكت..وقالت جواها..هو ماله كدا بيبصلي كدا ليه؟ لأ وكمان ساكت.. يامامي. لا يكون بيفكر إزاي يرعبني وينتقم مني علشان رقصت مع بابي..عاااا أنا خايفه.. أنا عايزه باااابي..
آدم مراد : كسر تفكيرها..وقال.بحبك..
آرين : هاااا؟ أحم.اء.اه ميرسي..
آدم مراد : رفع ايدو ع خدها وقال.. آرين أنتي معايا.. وانا قد الوعد اللي وعدته لخالي..
آرين : اطمنت..ولسه عايزه تقوله أنا هنام في الجناح ده…….!!!
آدم مراد : شدها لحضنه بقوه وكأنه بيعوض سنين طويلة عاشها جمبها بحدود..
آرين : تنحت ورجفت.وقلبها دق..
آدم مراد : بهمس..بحبك يا آرين.
آرين : جواها مشاعر متلخبطه وجديده من قرب آدم منها بالشكل ده..ومش فاهمه إيه هى..
لكن قالت برقه مصطنعه.. آدم. إحنا اتكلمنا المفروض نتعشى بقى..وكل واحد يروح ينام..
آدم مراد : غصب عنه ضحك من أسلوبها وعارف أنها خايفه..وباس جبينها وقال..غيري الفستان.. وأنا هستناكي..وسابها. ودخل اوضة اللبس..واخد بنطلون. واتحرك..لكن رجع أخد تيشرت علشان عارف رد فعلها لو شافته من غير تيشرت..ودخل الحمام ياخد شاور..
آرين : وقفت قدام المرايا..وبتقلد الموديلز..وقالت. أنا أجنن بجد شبه الأميرات..واااو كان يوم كله مفاجآت..
يلا بقى يا آرين غيري الفستان ده تقيل جدا.. اممم آدم بقى جوزي يعني عادي لما أكون قاعده بشعري. وبعدين هو خرج خلاص..
وراحت عند الدولاب وجابت بيجامه. وقفلت على نفسها بالمفتاح.. وحاولت بعد معاناه تفك الطرحه والفستان.. ودخلت الحمام واخدت شاور ولبست البيجامه..وخارجه من الحمام تغني.. لكن وقفت مكانها واتخضت.. وهمست دخل إزاي أنا قافله بالمفتاح..؟
آدم مراد : قاعد ع الكنبه..ومعلقش ع لبسها.. وقال بجدية..يلا علشان تتعشي..
آرين : حست بالاحراج..وقعدت قدامه من سكات..
آدم مراد : من غير ما يبصلها..مكانك جمبي مش قصادي..
آرين : بحرج..اء.. أنا مستريحه هنا..
آدم مراد : بصلها.وقال. مبحبش أعيد كلامي ي آرين..
آرين : قامت وقعدت جمبه بمساحه صغيره..
آدم مراد : نفخ بنفاذ صبر..وحاوطها من وسطها وشدها جمبه…وقال.. أنتي مراتي وف بيتنا. ياريت تحاولي تستوعبي بسرعه..
آرين : هزت راسها بحرج..وساكته..
آدم مراد : يلا كلي..
آرين : قالت جواها..يلا كلي؟ يخربيتك بجد. دانا لو جعانه هتسد نفسي بأسلوبك ده..ده دراكولا أرحم منك..
آدم مراد : همس ف ودنها وقال بمكر.انا أعرف اتعامل أوي..لكن خايف عليكي..فخليكي شاطره واسمعي الكلام.. لأن بصراحة كدا أنتي وحشاني..
آرين : تنحت..ومش عارفه ترد..
آدم مراد : أبتسم بمكر..واخد قطعة فراخ.. وقال. يلا اول قاعده..من دلوقتي طول ما إحنا ف الجناح ده. هتاكلي من أيدي أنا وبس..
آرين : بتحرك بؤبؤ عينيها ومتنحه ومش مستوعبه.. وقالت طول ماحنا مين؟ اء.. أنا هروح الأوضه التانيه.. وأنت نام هنا..
آدم مراد : مردش على كلامها..ورفع حاجبه ليها ف أشاره تفتح بقها..
آرين : خافت تتكلم..واكلت من سكات..ونفسها تجري من قدامه..وبتجاهد نفسها من التوتر الداخلي..
آدم مراد : أكل آرين..ومراقب كل حركاتها..وقال..
كنتي بتقولي اوضه تانيه؟
آرين : كحت..وقالت.. أيوه ده اختياري ع فكره.. وبصراحه الجناح ده عجبني أوي..فلو تروح انت بقى تنام في الاوضه التانيه بليز بجد..
آدم مراد : مط شفايفه اممم..اختياري وكل واحد ف اوضه.. وأبتسم بغيظ مكبت وقال.. القاعده التانيه. طول ما أنتي هنا مفيش نوم غير في حضني وبس..!!
آرين : شهقت بصدمه وقالت مستحيل ده يحصل.
آدم مراد :شاف آرين في حالة قلق غير طبيعي
وساب الأكل..ومسح أيديه بالمنديل..وقال. اسمعيني كويس يا آرين.. أي زوجين من بداية يوم الفرح مابيفترقوش عن بعض.انتي فاهمه طبعا..
آرين : وده علاقته إيه.؟ محنا اتجوزنا من زمان ومفترقناش..
آدم مراد : ضحك بيأس..
آرين : بغيظ.. أنت بتضحك عليا ليه بقى؟
آدم مراد : حلوه البيجامه دي.
آرين : ابتسمت.. أمم حبيتها أوي..
آدم مراد : بص ف عينيها وقال.. وأنا حبيتك أكتر حاجه في الدنيا.
آرين : نزلت وشها في الأرض واتكسفت..
آدم مراد : في لحظة حنين..رفع دقنها وقرب منها وباسها..
آرين : فتحت عينيها بصدمه..واتصدمت في آدم واغمى عليها..
آدم مراد : اتخض عليها.. آرييين.. وشالها بسرعه وحطها في السرير.. وخبط ع خدها.. آرين.. آرين فوقي..
ونفخ بنفاذ صبر وقال..مش معقول كدا.. أنا متجوز طفله؟
وجاب ازازة برفان وفوقها بيها..
آرين : فاقت..وبتأن..
آدم مراد : مسح وشه بأيديه ونفخ براحه..ومسد على شعرها بحنان وقال حبيبتي أنتي كويسه؟
آرين : بتوهان.. أنا فين؟
آدم مراد : أبتسم.. أنتي مع المرعب يامجنونه..
آرين : افتكرت اللي حصل..وفتحت عينيها بدهشه.. وخافت..
آدم مراد : حاول يحتويها..وقال بهدوء.. آرين أنتي خايفه مني؟
آرين : هزت راسها بسرعه وقالت بقلق.. أيوه..
آدم مراد : أخد نفس عميق جدآ..ومسك أيديها..وبص ف عينيها وقال..ليه يا آرين؟
آرين : ببراءه..علشان أنت بتفضل تبرقلي وكمان بتتعصب ديما..ده غير ريأكشن وشك لما بتتحول..قصدي يعني لما تضايق.. أنت ليه كدا يا آدم..
ونزلت وشها وقالت بكسوف..ده غير إللي أنت عملته دلوقتي..
آدم مراد : أبتسم وبص لشعرها.وحط أيدو بين خصلاتها..وقال. طيب ع كدا بقى أنا معملتش حاجه كويسه خالص مع آريني حبيبتي؟
آرين : قلبها دق وقالت.. لأ أنت عملت كتير جدا. ووقفت جمبي وقت الحادثه ومتخلتش عني..وانقذتني.. وكفايه مفاجآت انهردا كلها فرحتني كتير اوى.انت بتعمل علشاني كل حاجه حلوه يا آدم.
آدم مراد : باسها من خدها بحنان ورقه..وقال..طيب انا مش وحش اوي يعني.؟
آرين : بلعت ريقها بتوتر وغمضت عينيها وهزت راسها. لأ اء.. أنت مش وحش..
آدم مراد : باسها من خدها التاني..وقال..اومال انا إيه يا آريني؟
آرين : بتتنفس بسرعه وشبه متخدره..وهمست بتيه.. اء.. أنت.. أنت..
آدم مراد : بدقة قلب..قوليها يا آرين..
آرين : مسك تيشرت آدم وقلبها بيدق بقوه..واخيرا قالت..بحبك اوى يا آدم..!!!
آدم مراد : نجح في أنه يطمنها ويقربها منه.. وبص ف عينيها وقال بغرام.. وآدم بيعشق آرين..
وقرب منها بكل شوق وحب ولهفه..وقدر يخترق حصونها بعشقه ليها..وعاش معاها عشق مالهوش نهاية ولا وصف..كانت آرين بالنسبه ل آدم جنتة ع الأرض..
وآرين عاشت حلم جميل وكان آدم بالنسبه ليها. سعادة وعشق لا متناهي..
وبعد فتره كبيره..تم بحمد الله نقل ملكية آرين السيوفي..لحرم آدم العدوي.. ونقول مبارك عليكم.
آرين : مخبيه وشها في حضن آدم..ووشها كتلة طماطم من الإحراج..
آدم مراد : ضحك بصمت.. وضمها لقلبه بحنان أكتر.. وباس راسها.. وقال مبروك ياروحي..
آرين : هزت راسها ومردتش عليه من الإحراج ومكسوفه جدآ..
آدم مراد : ضحك..وشدها لحضنه.. ونام وهي في حضنه..
آرين : غمضت عينيها وساكته..
آدم مراد : بضحكه..قال.طيب انتي ساكته ليه؟
آرين :………!!!
آدم مراد : ههههه..طيب يلا نامي علشان هنسافر بكره بدري..
آرين : فتحت عينيها بدهشه وقالت..بيجاااد..هنسافر أوروبا؟
آدم مراد : همس ليها بغرام وقال لأ..دي بقى مفاجأه..
آرين : رفعت راسها وقالت بترجي.. بليييززز قول طيب هنروح فين؟
آدم مراد : شدها لحضنه وقال..قولت مفاجأه.. ويلا نامي علشان هما تلات ساعات ونسافر..
آرين : بغيظ.. أوكي طيب..
آدم مراد : باسها وقال..تصبحي ع خير ياروحي..
آرين : اتكسفت..وغمضت عينيها..وهمست بحرج وأنت بخير.. وبعد لحظات نامت من الإرهاق.
آدم مراد : بيتأمل تفاصيلها..بشرتها عيونها شعرها.. وأبتسم بحب..وقال.. بحبك اوى يا آري..
تاني يوم..
آدم مراد : فتح عينيه..وشاف آرين نايمه ف آخر السرير..والغطا ع الأرض..وكشر عينيه بعدم فهم من طريقة نومها..
وبص ف الساعه..وشد الغطا عليها.. وبدأ يصحيها.. آرين.. آرين قومي هنتاخر..
آرين :……..!!!
آدم مراد : نفخ بنفاذ صبر وقال.. شكلك هتتعبيني ومفيش وقت..وقام..وشالها ع كتفه..ودخل بيها الحمام..
آرين : بنوم..بس بقى يازفت أنت..ياامااامي خليه يسكت البارد ده..
آدم مراد : هز راسه بنفاذ صبر..وقال آرييين فوووقي. وفتح المايه وبيغسل وشها..
آرين : نفخت بتذمر..بس بقى المايه ساقعه يامامي خلاص هصلي خلاااص.. وفتحت عينيها..
آدم مراد : خطف بوسه وقال..صباح الخير..
آرين : اتصدمت وقالت.. آدم..؟ أنت بتعمل ايه هنا؟
آدم مراد : أبدا جاي ازورك عندك مانع؟ يلا يا آرين ورانا سفر..
آرين : شهقت بصوت عالى وقالت..صح أنا عروسه وكدا.. أيوه صدق نسيت خالص..
آدم مراد : حط المعجون ع الفرشه ليها..وقال بتحذير..عشر دقايق وتلبسي علشان منتأخرش.. وسابها وخرج يجيب لبس ليه..
آرين : بتقلدو قدام المرايا..عثر تقايق وتلبثي.. ياساااتر..يخربيت كدا..
آدم مراد : بتحذير..آريييييين..
آرين : هييه..حاضر حاضر خلصت أهو.. وغسلت أسنانها.. وأخدت شاور..ولبست..وخرجت. وصلت..
آدم مراد : خلص صلاه..
آرين : لبست فستان كشمير..وبتتاوب وعايزه تنام..
آدم مراد : ضمها لقلبه من الخلف..وقال..روحي أنا عايزه تنامي؟
آرين : بدأت تاخد ع آدم وابتسمت وقالت.. جدآ يا آدم.. أنا منمتش كفايه..
آدم مراد : باسها من كتفها وقال..نامي جمبي ف العربيه. اوكي..
آرين : بترجي..بليز قول هنسافر فين بقى؟
آدم مراد : لأ هتعرفي أول ما نوصل.. يلا بينا..
فيلا العدوي..
مراد : بتعجب..الله الواد آدم مخدش تذاكر السفر ليه؟ أنا هروح اصحيه يمكن راحت عليه نومه..
هارون : آدم باشا سافر هو والهانم الصغيره من بدري ومحدش عارف سافر فين معاليك…!!!
مراد : رجع الفيلا وقال للموجدين بدهشه..مين قال أنه سافر..وازاي متعرفوش؟
فريحه : لأن بابا آدم أتصل عليه..وابنك قاله أنه مش موجود في الفيلا..وكمان قال محدش يدور عليه ولا يتصل..هو اللي هيبقى يتصل علينا ويطمنا عليهم..
مراد : كشر عينيه وقال..امممم لأ حركه حلوه. الواد آدم ده جامد.بس ياترى الحوت هيعمل ايه لما يعرف هههههه.. هارت اتاك ياحوت..
ف الطريق..
آدم مراد : سايق العربيه.. وآرين نايمه ع كتفه..
آدم مراد : وقف بالعربيه..وصحى آرين وقال.. آرين فتحي ياحبيبتي وصلنا..
آرين : فتحت عينيها بكسل..وبتبص من الازاز.. وفتحت عينيها بزهول وقالت..مش معقول.. بيت المزرعه؟ ———-
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
