رواية مملكة ميراث العشق الفصل الرابع والثلاثون 34 بقلم مريم نصار
رواية مملكة ميراث العشق الجزء الرابع والثلاثون
رواية مملكة ميراث العشق البارت الرابع والثلاثون
رواية مملكة ميراث العشق الحلقة الرابعة والثلاثون
ف الفندق.
مريم : يعني آدم حفيدك قرر يتجوز في الإجازة؟
آدم : إن شاء الله ياحبيبتى..
مريم : بتنهيدة أمل..ربنا يقدم إللي فيه الخير.
.ويهديكوا ياولادي للخير علشان نفرح بأحفادنا..
آدم : بابتسامه.. إن شاء الله هتفرحي ياروحي..ولحد فرح آيان حفيدك كمان..
مريم : شهقت.. لأ حرام عليك يا آدم..هعيش كل ده؟
آدم : بتمني..قال.. ربنا يديمك في حياتنا ويبارك ف عمرك.. وبعدين انتى لسه صغيره يا أميرتي..يعني آيان لما يكبر هتكوني انتي حوالي ٨٠ سنه إن شاء الله.
مريم : بضحكه..يااااه. إحنا عشنا أجمل سنين حياتنا يا آدم مش هنطمع..
وكمان انا مش ندمانه غير على كل ثانيه عشتها بعيد عنك.. بس تعرف. أنا كل امنيتي أشوف تالين عروسه.
آدم : إن شاء الله هتشوفيها وتسليمها لعريسها كمان..
مريم : بتمني..يااااه لو آركان وتالين.يكو……..!!!
آدم : قاطعها وقال. لأ..!! حرام عليكى..الواد آركان ده دماغه طاقه.. عايزاه يجنن توتا حبيبت جدها معاه.
مريم : كشرت عينيها..وقالت بِشك..مدام قولت كدا يبقى أنت عارف آركان بيحب حد تاني صح؟ ما أنا اتعودت عليك تقرا لغة العيون..
فاكر لما سألتك تيم بيحب مين؟ وأنت قولت بشوف ف عيونه حب لميرو..لكن هو ساكت..وكلامك كان صح..قولي بقى آركان بيحب مين؟
آدم : ضحك بصمت.. وقال. أبدا والله ياروحي.وانا لو اعرف حاجه زي كده..هخبي عليكي؟ وبعدين حقيقي آركان دماغه طاقه. ومن جهة تانيه مركز في دراسته وعايز يثبت نفسه..وديما بشوف معاملته مع تالين عاديه جدا..وبعدين تالين لسه صغيره.
مريم : بتنهيده. يعني ايه يا آدم؟ بجد عايزه اطمن عليها..دي الوحيده اللي ف حالها يانور عيني. وخايفة عليها تتجوز حد ميقدرش قيمتها.. و هى بالنسبة لآركان من لحمه ودمه.عمره مايأذيها أبدا.. ويحافظ عليها..
آدم : ربت ع أيدها وقال..ماهو ماينفعش نجبر حد يامريم.. إحنا عودنا ولادنا واحفادنا على الحب.. وبعدين صدقيني آركان وتالين مش حاسس أنهم بيكلموا بعض. لأن آركان عايز واحده تتحمل جنانه..زي طارق والمجنون مصطفى.. ده ممكن يحول ويجنن تالين حرام عليكى بجد..
لكن لو ليهم نصيب مع بعض..هتكون من نصيبه أكيد. وربك يقدم إللي فيه الخير.
مريم : هزت راسها ونعم بالله..اللهم ارزقنا الخير حيث كان.. واحفظ أحفادي من كل شر وسوء.
آدم : آمين..المهم بقى الاكل عجبك ياروحي..
مريم : أبتسمت..جميل اوى ياحبيبي.منحرمش منك ابدا..
آدم : بابتسامه جميله..ولا منك ياحورية آدم..
Автор: Меріам Насар
وفون آدم رن وكان تيم.وقال ثواني ..ورد عليه وقفل..!!
مريم : ها يا آدم. تيم حفيدك قالك إيه طمني؟
آدم : أبتسم وحط الفون قدامه وقال.اطمني ياروحي. فريحه ورينو رجعوا البيت خلاص.. وكل حاجه تمام.
مريم : اتنفست الصعداء وقالت.. الحمدلله.. كنت قلقانه جدآ.ربنا يطمن قلبك زي ما طمنتني..
وبعدها كشرت عينيها وقالت..ثواني بس.. أنت لحقت عرفت إزاي إن كل حاجه تمام؟ مش يمكن رجعوا ولسه زعلانين أو بيتخانقوا؟
آدم : أنا معرفتش. لكن انا بقولك كل حاجه تمام.. بما إن كل واحد من ولادك قدر يرجع مراته لبيته في نفس اليوم..وماسمحوش أنهم يبعدوا عن بيتهم يوم واحد.؟
ده ف حد ذاته شيء جميل جدا..وكل حاجه بعد كده تهون مش مهم..
مريم : بتعجب.!! سبحان الله ف طبعك..عشت معاك على قد ما عشت..لكن مقدرتش أوصل للغموض عندك..
آدم : بإبتسامة.. ياروحي ولا غموض ولا حاجه.. كل الحكايه إني ديما بركز على نص الكوباية المليان.. وبعدين شوفي أنتي عايزه إيه وأنا تحت امر أميرتي فيه..
مريم : ربنا يباركلي فيك يا أمبراطور قلبي.. بس بقى عايزه اعرف. هما وصلوا لايه.؟ وأتمنى إنهم يوافقوا على قرار البنات ويسيبوا الشغل.ونرتاح من القلق والتوتر ده..
آدم : والله ياروحي أنا مع أي قرار..واللي يريحهم طبعآ..
لكن مظنش إن مراد هيوافق وخصوصاً فهد. لأن حياتهم عباره عن مغامرات مع بعض..ف مستحيل يتنازلوا بسهوله كدا..
مريم : طيب ليه بتقول كدا؟ أنت ناسي لما قولتلك زمان على أمنيتي في إنك تبعد عن المجال ده؟ وأنت سبت شغلك واتجهت لإدارة الأعمال.؟
آدم : لأ مش ناسي طبعاً.. وأنتي قولتي بنفسك أهو.. (أمنيتك).مش فرض قرارك عليا.وتجبريني وتحطيني قدام الأمر الواقع..!؟
وبعدين وقتها الوضع والظروف كانت تختلف..
مريم : الخطر والخوف والقلق واحد..!! تختلف في ايه بقى؟
آدم : بتنهيده..زمان ظروفي كانت غير ظروف مراد وفهد..
مراد وفهد اتربوا وكبروا في وسط عيلة بتحبهم وقدرت بفضل الله تحتويهم..وكبروا في بيئه كلها حب وود وتقدير واحترام. وبنحاول نراعي حدود الله فيهم. ونقرب بيهم لربنا. متحرموش من حاجه. لا حنان أم ولا رعاية أب..ولا احتواء ودعم العيله.. فا مفيش السبب إللي يخليهم يخسروا حلمهم علشانه..
أما أنا اتنازلت وقتها.. لأن عيلتي اتشتت في أهم فترة احتياجي ليهم.. والدتي اتوفت..وبابا أخد اختى ملك ومراته التانيه وسافروا. جدي اتوفى.. ناناه نهاد اختفت.. كانت حياة مفككة و معقده جدا.
وماهونش عليا شوية غير وجود طارق معايا وبعدها بيتر.
كنت عايش ديما ف احساس الوحده..دفنت أمي بأيديا كنت كل يوم أشوف كابوس مخيف.. حياتي كلها كانت عباره عن فراغ داخلي..كياني كله كان فاضي وهش زي بيت العنكبوت بالظبط..اي موجه تمحي أثره..
وعشت وحده كبيرة وحرمان..حرمان العيله..حرمان الأمان. أي مشكله كانت تسيب أثر كبير جوايا.
لكن بعد ما شوفت طيفك. وعشقك نور العتمه اللي جوايا..وبفضلك رجعتي ليا عيلتي من تاني.وبانيتي جوايا أساس متين..حبيت أبدا من جديد..اتمنيت أعمل عيله صغيره وتكبر مع الأيام..ولما أنتي قولتي أمنيتك ليا.؟
أنا وقتها كنت لسه صغير وفكرت. ليه لأ..بما أني اقدر. فلازم أحاول احققلك كل أمنياتك ونقف ع أرض صلبة.ونحقق اللي اتحرمنا منه..
عارفه يامريم في حاجه انتي لحد دلوقتي متعرفيهاش. وهي إني كنت كل يوم في سجودي أدعي ربنا أنه يعوضني بعيله.صالحه.بذرة طيبه تكبر وأكبر بيها. وربنا استجاب لدعائي..
وكل إللي أنا فيه دلوقتي ده..بفضل الله ثم أنتي.. انتي وبس يا أميرتي..مش حد تاني..
مريم : عيونها لمعت وقالت.. أنت لسه منستش الماضي يا آدم.. حبيبي فات على الماضي سنين طويلة أوي..لازم تنسى اي حاجه تضايقك. وده من الماضي خلاص..
آدم : أبتسم وقال.. أنا فعلاً نسيته يا أميرتي..كل الماضي حطيته في صندوق وقفلت عليه.. وطلعت معاكي للنور..طلعت مع جنة آدم على الأرض..
مريم : أبتسمت وقالت..هتخليني اعيط ليه بقى.. إحنا مش في البيت..
آدم : أبتسم..نفسي تفرحي من غير دموع..
مريم : يبقى بتطلب المستحيل.. لأن دي حاجه مش بأيدي..الفرح والسرور حلو اوى يا آدم..وبلاقي نفسي من فرحتي قلبي مبسوط وعينيا بتدمع.. كأنها هي كمان مبسوطه وبتعبر عن فرحتها..
آدم : من هنا ورايح مفيش غير الفرح يا أميرتي..
——————بقلمي مريم نصار.
في المطعم..
آدم مراد : قاعد وآرين قصاده..
الويتر جه ونزل العشا قدامهم..ومشي.
آرين : متوتره ومكسوفه..
آدم مراد : عجبك المكان؟
آرين : هزت راسها بتوتر. أيوه جميل وهادي..
آدم مراد : أنا جبتك هنا لأني بحب الهدوء..وطبعاً انتي مابتحبيش حاجه إسمها هدوء.؟
آرين : بعفويه.. مبحبوش خالص والله..الهدوء ده بيجيب توحد.. وتنحت وسكتت..
آدم مراد : رفع حاجبه بتعجب وقال.. إيه؟! الهدوء بيعمل ايه يا آرين؟!
آرين : هزت راسها بالنفي.. لأ لأ مش قصدي إنك عندك توحد.. أء.. أنا..
ونفخت بخنقة.يووووه بقى..مقصدش أنا قصدي يعني الهدوء بيخلي الشخص هادي زياده عن اللزوم.
آدم مراد : باصص في عينيها..وقال. أنا اتفقت مع بابا آدم على ميعاد الفرح..وهيتفق مع خالي فهد والعيله.
آرين : اتحرجت جدآ..وهزت راسها بالقبول من غير ما ترد.
آدم مراد : معلقش..وشال الشوكه بأيدو الشمال..
وحطها قدامها وقال بجدية..أكليني..
آرين : فتحت عينيها بزهول. وقالت إيه؟
آدم مراد : بتوعد.. إيه انتي مش قولتي من هنا ورايح إنك أنتي إللي هتأكليني.؟
آرين : بلعت ريقها بتوتر وقالت بحرج..اء.. أيوه فعلاً قولت كدا..لكن إحنا بره البيت..و…….!!!
آدم مراد : قاطعها وشاور بعينيه ليها تبص حواليها..
آرين : شافت أنها ع ترابيزه خاصه ومفيش حد حواليهم.. وقالت جواها.. وبعدين بقى في الورطه دي..هأكله إزاي أنا؟
ااه ماهو دراعه متعلق.وهيعلقني معاه..اوووف أنا مكسوفه..وبعدين بقى الله يخربيت كدا. لو اعترضت ممكن يرعبني أكتر من كدا..
هو كدا ديما حتى ف الروايات البطل قاسي وعنيد..بس المرعب كاريزما برضو. آه والله.. شوفتي يا آرين وهو بيقولك أتفضلي ياحبيبتي المطعم كله تحت أمرك.وااووو بجد حبيت أوي.. ولا بقى لما………!!!
آدم مراد : قطع حبل أفكارها وقال..ممكن تأجلي السيناريو لحد ما ترجعي البيت؟
آرين : كحت..ها..؟! احم لأ أبدا ولا سيناريو ولا حاجه. أنا بس كنت شارده شويه..
آدم مراد : أخد الشوكه من قدامها. وقال تمام. يلا كلي..
وحاول ياكل بأيدو الشمال ومثل أنه مش عارف ياكل..
آرين : اتنهدت بزعل علشانه. وقالت. آدم مش عارف ياكل خالص. وكدا حرام..
بنت من الويتر جت.ولابسه ينيفورم چيب قصير وبلوزه.وقالت لأدم..برقه تحب أي مساعده يافندم؟
آدم مراد : رفع طرف عينيه ل آرين اللي شاف عينيها بتطلع شرار من الغيره..وظهرت شبح ابتسامه. ومردش.
آرين : بغيره واضحه.. إزاي يعني مساعده مش فاهمه.ممكن تفهميني؟
الويتر : سوري يافندم. حضرتك أنا شوفت أنه مش عارف ياكل خالص. وكمان أيد حضرته التانيه فيها مشكله. وأنا بقدم المساعده..
آرين : اتنفست غيظ..وقالت .اااه وانتي بقى هتأكليه مش كدا؟
الويتر : بصت لادم بإعجاب..وقالت..وليه لأ. فيها إيه حضرتك؟ده شغلي؟
آرين : بغيظ واضح..والله؟ بجد شغلك تأكلي اي حد عندو مشكله؟
وبصت لأدم وقالت بشرز..أول مرة أعرف بالوظيفة دي؟!
آدم مراد :………..!!! ومستمتع بخربشة قطته..
الويتر : سوري حضرتك لو ضايقتك.. أنا كان غرضي أقدم المساعده لما شوفته بالشكل ده..
آرين : نفخت بخنقه وقالت..وبعدين بقى.. أستغفر الله العظيم يارب..وقامت وقفت وقالت بحزم.. يخربيت التركيز…
بصي يا حبيبتي نصيحه ليكي. لما تشوفي واحد ومراته قاعدين ياريت متجربيش تحطي نفسك في موقف وحش. وتتخطي حدودك.
وبعدين جوزي ياكل لوحدو أو أنا أأكله بتهيألي دي مش مشكلتك اوكي؟
الويتر : اضايقت وقالت بغيظ.. اوكي ومشيت.
آرين : واقفه تبص لأدم بغيظ..
آدم مراد : رفع حاجبه ومبتسم.. وساكت..
آرين : اتغاظت أكتر.وصكت ع أسنانها..وراحت تقعد على الكرسي اللي جمبه..وقالت بغيره.. إيه عجبتك مش كدا؟
آدم مراد : ببرود..غيرتك؟ أكيد عجبتني..
آرين : اتنفست غيظ..وقالت.غيرتي؟ وهغير ليه ومن إيه؟
آدم مراد : بمكر. يعني مغرتيش من البنت دي؟
آرين : بتمثيل الكبرياء.. لأ طبعاً وهغير منها ليه؟
آدم مراد : بمكر.. متأكدة..؟
آرين : هزت راسها بنفاذ صبر.. أيوه متاكده..
آدم مراد : ببرود.. تمام.ومثل أنه هينادي على البنت..
آرين : بنرفزه.. أنت هتعمل ايه؟
آدم مراد : زي ما أنتي شايفه. هنادي البنت تأكلني..
آرين : غرزت الشوكه ف التربيزه بشر..وقالت. طيب نادي عليها وخليها تقرب منك.. والشوكه دي هتكون في عينيها..
آدم مراد : ضحك بصمت..وقال. طيب والعمل لازم البنت دي تيجي وتساعدني وتأكلني..
آرين : قربت من وشه وقالت بتهديد.. مفيش أي حد هيقرب منك يا آدم. واللي هتقرب منك ياويلها مني.
نصيحه ليك..خليني الطفله البريئه أحسن..بدل ما تشوف وش آرين الحقيقي..
والله يا آدم اللي هتقرب منك ممكن نار غيرتي عليك تحرقها بالكامل..!!!
——————بقلمي مريم نصار.
فيلا السيوفي..
آيان : جري ع باب الفيلا الداخلي وطالع ع السلم..
رينو : ماشيه جمب فهد وقالت.. ع فكره يافهد. نسيت اقولك إن والد هيلينا توفى من يومين..
فهد : بدهشه..لا اله إلا الله.. انا لله وانا اليه راجعون.. هى مسافره طبعاً.
رينو : أيوه مامي قالتلي.. وأنا معرفتش أتصل عليها.. لكن شويه كدا هكلمها..واعزيها.. وأول ما ترجع هروح أنا ونور وفريحه وريتال نعزيها..
فهد : واجب بردو.. وأنا هتصل على رعد..علشان ميزعلش..وهبقى أروح ليه الشركه أنا ومراد وزين وزياد.
آيان : زق باب الفيلا ودخل..
طارق : أبتسم بسعاده.. أهلا أهلا تعالى ياواد يا آيان في حضن جدك..وفتح أيديه.
آيان : راح لعندو..وقال. بابا جدو.
طارق : شاله وقعدو ع رجله..وقال. أيوه بابا جدو. جبت الخلاصه ياض يا آيان..
فهد : سلم ع طارق ورنا..
رنا : بفرحه. حمدالله على السلامه ياحبيب قلبي..
فهد : الله يسلمك ياست الكل.. انتي عامله ايه؟
رنا : الحمد لله بخير ياضنايا.. كويس انكوا جيتو دلوقتي..العشا هيجهز حالا..
رينو : بإبتسامة..متتعبيش نفسك يا ماما.. فهد جاب عشا جاهز لينا كلنا واحنا في الطريق.
رنا : بعتاب بقى كدا يافهد؟ وده إسمه كلام بردو؟
فهد : كله من خيرك ياست الكل.
رنا : كشرت عينيها وقالت مالك ياحبيبى في حاجه مضايقاك؟ وبعدين آرين فين أنت مجبتهاش معاك ليه؟
رينو : كاتمه الضحكه..وقالت..ماهو ده اللي مضايقه ياماما.. لأن آدم أخد آرين وخرجوا يتعشوا بره..
طارق : بتعجب..الله؟! ودي فيها إيه دي كمان؟ واحد واخد مراته..مراااته..!!!
أنت ياض معقد ليه؟ وهتعقد البت والواد معاك ليه؟ عجايب والله..ماتسيب العيال تفرح..
فهد : بتنهيدة.. وأنا قولت حاجه ياحج ولا اتكلمت حتى؟
طارق : جدع ماتتكلمش. صوتك بيعمل مشاكل مع الناس..
وبعدين خلاص كلها كام شهر وتتجوز رسمي فهمي نظمي.
فهد : بلع ريقه بغصه..وقال بإستسلام.. ربنا يوفقها ياحج..
رينو : خرجت منها تنهيدة زعل علشانه.
رنا : قعدت جمبه وقالت.. فهد يابني. دي سنة الحياة. وافتكر إن رينو مراتك كانت بردو المفضله عند أبوها ولحد دلوقتي. بس محرمكش منها وشاف سعادته في سعادتها.. أنت بتحب آرين.. وآرين روحها فيك.. يبقى تفرح لفرحها. هو أنت مش يهمك سعادتها ولا ايه؟
فهد : أبتسم بحب وقال.. آرين فرحتي في سعادتها طبعاً يا أمي.
انا بحس بخنقه لأني حاسس إن كل حاجه بتيجي بسرعه..لكن في الأول وف الآخر. مسيرها لبيت جوزها..
طارق : يخربيت أم نكدك يالا. انتي مستحملاه إزاي ده يابت يارينو؟
رينو : بضحكه..طيب والله انتوا ظالمين فهد. ده الحاجه الحلوه اللي في حياتي. مفيش حد في حنيته ولا خوفه علينا..
فهد : ربت ع أيدها وابتسم..
طارق : أيوه يابت.. شاطره في التثبيت طالعه لابوكي.. إلا هو مخفي فين متصلش عليا انهردا..
رينو : ههههه. بابي عازم مامي ع الغدا برة البيت..
طارق : كشر عينيه وقال.. اه يانمس..بتجدد أمجاد الماضي..طول عمرك حويط وسوسه..
رينو : فتحت عينيها بدهشه وضحكت..
فهد : هز راسه وضحك وقال.. مفيش فايده..
رنا : وحياتك عمره ما هيتغير.. طيب ده لسه قافل مع الاستاذ بيتر صاحبه..قعدوا يتكلموا يجي ساعه بحالها.. والمشكلة أنهم مابيقولوش حاجه مفيده. كله هلس وضحك..مش عارفه أنا بيصغرو ولا بيكبرو..
طارق : بغيظ. ماهي لو رودي هنا كانت ظبطت الكلام.معاكي.
وليا نكد صحيح زي خلفتك ما عدا البت فريحه حبيبت أبوها..
رينو : بضحكه..صح فين رودي يابابا؟
طارق : معزومه عند چود هي وچواد. وزمانها جايه..
رينو : توصل بالسلامه..
فهد : بص ف الساعه..وقال مش هنتعشى ولا ايه ياست الكل.
رنا : حالا يانور عيني..
طارق : أمسك ياواد يا آريان. خد البسكوته دي..
آيان : اخدها وقال. شوكلان بابا جدو..
طارق : لأ شوكلان على واجب ياحبيب جدك..عليا النعمه انت اللي فيهم..بس شبه أبوك.. قولي فين أخوك اركان؟
آيان : بغيظ.. آكان يولوح يضلب ألين. وأنا اضلبو. ( آركان يروح يضرب آرين وأنا اضربه)
الكل ضحك..
طارق : جدع ياض.حمش زي جدك.. اه طول عمري أسد في نفسي..
آيان : هز راسه لأ. انت بابا جدو بس.
رنا : ههههههه حتى العيل مش معترف بيك أسد..
يلهوي لو أبو مراد سمعك يا آيان هيحبك أكتر ههههه
طارق : بغيظ..ياوليا هتخليني اغلط فيكوا ليه ع المسا..
فهد : بضحكه..خلاص ياجماعه..حصل خير..
و آركان ياحج راح يسلم على مصطفى وهيروح ل آسر وجاي ع هنا علشان ماشي بعد بكره الصبح إن شاء الله..
كلهم بالسلامه.. إن شاء الله
Автор: Меріам Насар
فهد : وفي خبر هيفرحكوا..
طارق ورنا بتركيز خير يابني..
فهد : بفخر..ابنكو اترقى لرتبة عميد. وكمان مراد.
وحفلة التكريم بعد أسبوع. وحضرتك يابابا لازم تكون موجود..
رنا : ضحكت بدموع الفرح وقالت.. ألف مليون مبروك ياحبيب قلبي..
طارق : بسعاده كبيره وفخر.. ألف مبروك يافهد يابني..
فهد : بص ل رينو..وقال بإبتسامة حب..الله يبارك فيك ياحج..
رينو : أبتسمت بحب..وهمست مبروك ياحبيبي.
فهد : الله يبارك فيكي يانجمتي..!!!
——————بقلمي مريم نصار.
بعد مرور شهرين..
فيلا مصطفى عزيز..
مريم : راجعه من الصيدليه..وقالت..مساء الخير يا ماما.
وضحكت وقالت..طنط ملك.؟! بجد مش معقول المفاجاه الجميله دي..وسلمت عليهم..
هنا : شايله عُمر..وقالت..مساء الخير يا حبيبتي.
ملك : بإبتسامة حب..ازيك يامريم يابنتي.؟
مريم : الحمدلله بخير..وحضرتك بجد منورانا. بس فين ساره مجتش معاكي؟
ملك : بنورك يقلبي.لأ مجتش..ساره زي ما أنتي عارفه. من الشركه للبيت ويدوبك تراجع مع كارما. أنتي عارفه فاضل شهر ع الامتحانات وكارما شهاده.
مريم : بتفهم..اه ياحبيبتى ربنا معاها يارب ويوفقها. ساره تستاهل كل خير..
ملك : تعيشي ياحبيبتي.. أنا بقى كنت قاعده في البيت أنا وعمك جاسر. ولاقيت فاجأه أخويا آدم داخل عليا بكل حاجه حلوه إلهي ربنا يراضيه ويستره دنيا وآخره..وقعد معايا شويه..وهو ماشي قولتلو وصلني في طريقك عند هنا..وحشاني وبقالي كتير مشوفتهاش..
هنا : بابتسامه.. حبيبتي والله ياملك وأنتي كمان وحشاني جداً. بس انتي عارفه مش حايشني عنك غير الظروف.. ليليان بتساعد كريم في الشركه. وعايزه تاخد عُمر معاها الشغل..بس أنا رفضت.. قولتلها الولد لسه صغير.. أنا ههتم بيه لحد ما ترجعي..
ملك : ربنا يقويكي ياحبيبتي وعذرك معاكي..
مريم : بجد انا مبسوطه اوى إن حضرتك شرفتينا.
ملك : تسلمي ياحبيبتي..
مريم : بصت حواليها وقالت..هو مفيش حد رجع ولا ايه ياماما؟ وقعدت جمبها وشالت عُمر
هنا : لأ أشرف معزوم عند واحد صاحبه بيفتتح مشروع وراح هو وعمك جاسر..
وكريم وليليان مع يوسف في الشركه.. ومصطفى وچود رجعوا من الجامعه..وقعدوا معانا شويه. وطلعوا يريحوا علشان چود تعبانه من الحمل والدراسه..
مريم : طيب مصطفى وجود مأكلوش حاجه؟
هنا : شربوا عصير. وقالوا هنتغدى مع بعض كلنا..
مريم : ماشي ياحبيبتى.. أنا هطلع اغير هدومي واصلي العصر وانزل..تحبي أخد عُمر معايا؟
هنا : أبتسمت وقالت. لأ سبيه معايا. من ساعة ما قالى تيتة وأنا فرحانه بيه أوي..
مريم : أبتسمت بحب وقالت..عقبال ما تسمعي ولاد مصطفى..
هنا وملك : إن شاله يارب.
——————بقلمي مريم نصار.
فيلا الصاوي..
وقت الغدا.. مالك وساره و آسر وكارما..بيتغدوا..
مالك : الواحد متعود إن ماما وماما يكونوا موجودين ع الغدا..
ساره : أممم. بس عايز الصراحه. أنا مبسوطه أنها خرجت شويه..تغير جو.
مالك : عندك حق يا حبيبتي..وكمان بابا قال إنهم بليل هيروحوا عند عمي طارق وكمان خالي آدم هيروح ليهم على هناك مع مرات خالي ويقضوا السهره كلهم ف فيلا السيوفي.
آسر : بياكل.. أمم قاعدة العيله بصراحه متتعوضتش. بس الامتحانات بقى ع وشك..
ساره : بفرحه كبيره..ومش بس الإمتحانات..ده فرحك كمان قرب ياحبيبي..
آسر : أبتسم..
مالك : وطبعا مش هيبقى فرح عادي..
ساره : بنفي..فرح عادي؟ ده آسر فرحة قلبي إللي مستنياها من سنين.. وهنعمل ليه أكبر فرح في أفخم فندق في مصر كلها..
آسر : بضحكه.. حبيبتي ياست الكل. أنا فرحتي الكبيرة إني أشوفك مبسوطه أنتي وعيلتي..
ساره : بسعاده إلا مبسوطه..دانا بنام وبحلم باليوم ده ياحبيبى.
مالك : بضحكه.. طبعا ده آسر باشا الصاوي. ولازم يتعملوا فرح يليق بيه..
آسر : أبتسم بحب وقال..ربنا مايحرمنيش منكم ابدا..
ساره : شافت كارما شارده..وقالت بتعجب..الله. مالك ياكارو ياحبيبتي مبتاكليش ليه؟
كارما : انتبهت..وقالت..ها.. أهو باكل يامامي..
ساره : لا ياحبيبت مامي انتي مبتاكليش وسرحانه.. ممكن اعرف مالك؟
مالك : مسد ع شعرها بحنان وقال.. مالك ياكارو ياحبيبتي.. اتكلمي..
كارما : بحيره..بصراحه ديما ف سؤال بيجي على بالي..ولما بحاول أتكلم برجع عن قراري واسكت..
مالك : كشر عينيه وقال..ياترى ايه السؤال إللي محيرك كدا؟ممكن أعرف.
ساره : بتعجب..ويمكن جه الوقت المناسب إنك تسألي السؤال ده.. اتكلمي ياحبيبتي..والسؤال ده يخص مين؟
كارما : بعفوية..بصراحه يخص حضرتك يامامي..
الكل بص لبعض بعدم فهم..
ساره : يخصني أنا؟ طيب اسألي. وأنتي عارفه إني أنا وانتي أصدقاء ومش هخبي عنك أي حاجة..قولي يلا اهو أنا سمعاكي.. بس يارب ميكونش عن البورصه ههههه.
كارما : بعفوية..ليه مفيش ولا صورة واحده لجدو عاصم وتيتة سوزان..عمري ما شوفتهم ولا عارفه شكلهم ولا أي حاجة عنهم..!!
آسر : فتح عينيه بصدمه وبص لابوه..
مالك : بص ل ساره..
ساره : سابت الشوكه..والصدمة ملجماها ومش عارفه تتكلم..ورجعت بالذاكره لوقت طويل جداً.. وشريط زكرياتها السيء بيعدي قدامها..واللي كانت خايفه منه حصل.. وإن حد من ولادها يسألوا عن ماضي عيلتها.
كارما : شافت رد فعل ساره..وقالت.. مامي انا عمري ما سمعت حضرتك بتتكلمي عن باباكي ومامتك.غير أنهم كانوا شغالين في تجارة الأعمال وبس.. ولا حد في العيله كلها بيجيب سيرتهم.. أيوه هما ماتوا.. بس بردوا ناناه شيرين وجدو مصطفى ماتوا لكن لحد دلوقتي كل العيله بتذكرهم والخير كمان وأي حد يموت الكل بيفتكروا. ماعدا جدو وتيتة.. ممكن اعرف السبب؟
آسر : غمض عينيه بتعب.. لأنه عارف كل حاجه من أبوه. لأنه سأله نفس السؤال.. لكن آسر تفهم الموقف ووقف جمب أمه أكتر ودعمها لأنها تستاهل الدعم بعد كل اللي عاشته..
مالك : شاف ساره كأنها دخلت في عالم تاني ومش موجوده معاهم.. وساب الشوكه..وحاول يبتسم..
وبيفكر في مبرر يخرج بيه من السؤال إللي إجابته هتوجع قلب مراته من تاني..ويفتح جرح قديم..
آسر : بتفكير..فتح عينيه وقال بثبات. فعلاً وأنا مع كارما تماماً..لكن أنا بقى عارف كل حاجه..ولو كنتي سألتيني كنت قولتلك.. ههههه..
كارما : بفضول..بجد يا آسر.. طيب قولي بقى جدو وتيتة سوزان كانوا عاملين إزاي؟
مالك : بنظرة تحذير لأسر..
آسر : هز راسه لابوه..متقلقش.. وبدأ يسرد قصه من وحي خياله.. وقال..
جدو عاصم كان راجل عظيم ومتفاني في عمله. كان شغال مع جدو جاسر ورفع الشركه مع جدو وبعد كده شاف تيتة سوزان في حفله خيرية..كانت هى المسؤوله عنها.. وأعجب بيها واتجوزو بعد فترة قصيرة من التعارف..
وخلفوا أجمل وأحسن أم في العالم كله..ساره عاصم الصاوي.. وكانوا عايشين في سعاده..لحد ما ماما كبرت وسطهم..وكانت تيتة سوزان بتهتم بماما كتير جدا. وجدو علمها إزاي تقدر تتفوق على الكل..وهو اتوفى قبل تيتة سوزان بكتير. وعاشت في حالة حزن كبيرة وللأسف الشديد البيت إللي كانوا عايشين فيه. كانت ماما وتيتة وقتها.وحصل ماس كهربائي وكل حاجه اتحرقت كل صورة وكل زكرى اتحرقت.وده سبب عدم وجود صوره ليهم. ومالك الصاوي قدر ينقذ ساره. وبعد كده وقف جمبها لحد ما تخطت المرحله دي واتجوزا.. وتيتة أتوفت.. وفي حاجه كمان.جدك عاصم كان ديما بيفضل الوحده مبيكونش أصدقاء علشان كدا نادر لو حد أتكلم عنه..لكن اللي عايزك تتاكدي منه.. إن جدك عاصم وجدتك سوزان كانوا حاجه كبيره وعظيمه جدآ..
كارما : بإنبهار..واو بجد..؟! بجد انا على قد مانا زعلانه من النهايه..لكن بجد مبسوطه اوى..
ساره : مسكت مفرش السفره بأيدها..وبتحارب دموعها والصراع إللي جواها لكن صعب..وقامت وقفت وقالت بصوت مبحوح..عندي شغل مهم على اللاب توب هطلع اكمله..بعد اذنكم..وماستنتش رد حد وطلعت بسرعه..
كارما : بحزن..بابي هى مامي مالها.. أنا قولت حاجه زعلتها؟
مالك : أبتسم.وقال..ابدا ياروحي.لكن هى أكيد افتكرت باباها ومامتها. وهتبقى كويسه.. يلا كملي اكلك..
كارما : بزعل.. أنا أسفه جداً مقصدش أنها تزعل..بس انا بجد كان نفسي أعرف مين جدو وتيتة..
مالك : وده حقك طبعاً..لكن مامتك كانت متعلقه بيهم جدآ..فلو بتحبيها بلاش تفكريها علشان متزعلش عليهم..
كارما : هزت راسها بالنفي.. أبدا أبدا مش هتكلم تاني في الموضوع ده خالص..
مالك : شاطره ياحبيبتي..يلا كملوا اكلكم.وانا هطلع اطمن عليها.. وسابهم وطلع..
آسر : حط ايدية تحت دقنه..ونفخ بخنقه..
ساره : قاعده ع السرير وحضنه ركبها ودموعها نازله بوجع وندم كبير.
مالك : دخل وقعد قدامها..
ساره : اتكلمت وقالت بعياط ووجع..كان نفسي يكون زي ما آسر قال بالظبط..كان نفسي يكون ليا أب وأم أفتخر بيهم..كنت أتمنى ولادي يتشرفوا بيهم ويتكلموا عليهم وهما فخورين بيهم..
لكن غصب عني..اء.. أنا مقدرش أغير المصير. لكن حاولت ابدأ من جديد..بس مهما اجازف واعدي. أبويا وأمي هيفضلوا وصمة عار في حياتي..
مالك : بتنهيدة تعب..حط راسها ع صدرو وقال.. ساره محدش بيختار مصيره. وبعدين انتى بتعيطي ليه دلوقتي.. الموضوع ده مات وادفن من سنين.
وبنتك متقصدش حاجه. هى من حقها تسأل وتعرف. كلنا من صغرنا بيبقى عندنا فضول لحكايات وأسرار الماضي.. و آسر أتصرف بحكمه..وكارما وعدتني أنها مش هتتناقش في الموضوع ده تاني..
الموضوع منتهي..وياريت متفكريش في الماضي..
آسر : خبط ودخل..وقعد جنبها..
ساره : رفعت راسها ومسحت دموعها بسرعه..
آسر : أبتسم..وقال. أنتي ماليكش ذنب في أي حاجه حصلت زمان.. لأ أنتي اختارتي مين والدك ولا والدتك.؟
ولو كان ليكي القدره على ده..ف أنا واثق إنك كنتي هتختاري صح..وبعدين أحنا فخورين بيكي أنتي..
الست إللي واجهت الظروف الصعبة..واللي اتحدت الخطر. واللي حاربت وسط عالم غير سوي. وخرجت للنور.وكافحت وأثبتت نفسها..يبقى لازم نكون فخورين بيها.. وأبدا مانشوفهاش بتعيط على ماضي ملهاش ف أيدها شيء من كل إللي حصل وقتها.. بصي لنفسك بثقه.. أنتي سيدة الأعمال ساره الصاوي حرم المستشار مالك الصاوي..و أم لأصغر رجل أعمال. يعني أنتي شرف وفخر لأي عيله..
ساره : أبتسمت بدموع.. وحضنت أبنها وقالت.. حبيبي يا آسر ربنا يباركلي فيك ياحبيبى.. أنا محظوظه إنك أبني..ربنا عوض تعبي فيك خير..
مالك : أبتسم وقال..طيب كويس جدا إن ربنا عوضك في المحروس إبنك وبس..يمكن أنا راجل ظالم وأنا معرفش..
ساره : مسحت دموعها وابتسمت بحب وقالت.. أنت.. أنت ونعم الزوج الصالح يا مالك..ربنا مايحرمنيش منك ولا من ولادنا أبدا..
——————بقلمي مريم نصار.
تاني يوم..
في جناح مصطفى..
Автор: Меріам Насар
مصطفى : نايم وچود نايمه جمبه..
چود : بتتقلب في السرير. وصحيت من نومها علشان حست بالجوع.. واتعدلت.. وحطت أيدها ع بطنها وقالت.. الله أنا جعانه اوي اوي..
مصطفى : نايم……….!!!
چود ؛ بصت ع مصطفى وبتصحيه.. مصطفى..مصطفااااا .
مصطفى : نفخ بضجر.. واتحرك ع جمبه التاني..
چود : نفخت بخنقه..وقالت.. وبعدين بقى في الشعلاته السو….دي؟ ماتقوم ياعم انت. أنا شكلي بتوحم..
مصطفى : فتح عينيه وقفلها ونام…
چود : بنفاذ صبر. مصطفى أنا بتوحم يامصطفى..
مصطفى : فتح عينيه وبيتاوب وقال. امم طيب.
چود : اتعدلت وقالت بدهشه..طيب؟ ده إللي هو إزاي ده إن شاء الله.؟ اومال فين الحماس في أول شهر والورقة والقلم.وتقولي اختاري ما بين القوسين؟
مصطفى : اتعدل بملل..وقال يافتاح ياعليم يارزاق ياكريم..عايزه ايه ع الصبح ياچود..مصحياني ليه؟
چود : بتريقه.. مصحياني ليه ع الصبح.؟. صبح مين يابني ادم أنت؟احنا أربعه العصر..قووووم الأكل ريحته في مناخيري..
مصطفى : همم..قولي ياستي بتتوحمي ع إيه؟ وانا هبعت اجبهولك..
چود : غمضت عينيها وبتتخيل أنها بتاكل بنهم.. وقالت. أممم بتوحم على أخطبوط..
مصطفى : اتفزع واتحرك من جمبها..وقال.
اءخط…اخطبوط..؟!! أخطبوط.؟ اللهم إن كان هذا سحرا فاأبطله..
چود : يووه.مالك يامصطفى كشيت في نفسك كدا ليه؟ هو أنا قولت حاجه غريبه؟
مصطفى : بتلعثم..اء.. أبدا.. وأنتي عمرك ماتقولي حاجه غريبه أبدا.. بقى أنتي عايزه تأكلي أخطبوط؟
چود : حطت ايدها ع بطنها وقالت..ااااه ياض يامصطفى..بتخيل كدا وانا بفترس الاخطبوط وباكل فيه.. قوم بسرعه وحياة أبوك هات الاكل بسرعه.. هات مشوي وطاجن في الفرن. وكمان لو في متحمر يمشي..اي حاجه..بس عايزاها بحالها زي ما هو كدا.. ياااااه جوعت أوي..
مصطفى : أنا خايف.. انا مخوفتش في حياتي كدا قبل كده.. انا طلعت متجوز زومبي..نهار مش باين لأمه ملامح..
چود : مصطفااااا.. أنت بتكلم نفسك بقولك جعاااانه بتوووحم..
مصطفى : اتخض وقال بتلعثم..ح… حاضر.. حاضر ياحبيبتى..طيب مش عايزه الحوت الازرق؟ كلب البحر..؟ دوامه؟اعصار؟ أو أي أسطورة حية كدا؟
چود : ههههههه لأ هاتلي بس الاخطبوط وتعالى.. علشان تاكل معايه..
مصطفى : تنح أكل اخطبوط؟ أحم اسكتي مش انا صايم..
چود ؛ رفعت حاجبها وقالت..نعم؟ اومال مين إللي ضارب هامبرجر مع سعيد في قلب المحاضره..
مصطفى : اسكتي مش ده كان السحور..
چود : بنفاذ صبر أخلص يامصطفى..ولا عايز البت تطلع أم أربعه وأربعين؟
مصطفى : نهار اسود…هو التنمر اللي في حياتي هيطلع على خلفتي؟ ياسوادك يامصطفى.. هتخلف أشباح..
چود : هههههههه يلا يامجنون أشباح ايه؟ روح بس بسرعه وتعالى..
مصطفى : أنا ركبي سابت مش عارف ليه؟ أنا هطلب اوردر..
چود : أشطا. وقوله بقى يزود في السلطات. اه ويزود كانز والاوردر لأربع افراد انا وانا وانت والبت..
مصطفى : هز راسه بخوف. حاضر يامعلم..مش عايزه تحبسي بأي حاجه تاني
چود : اه ياحبيبتى ربنا يخليك ليا.. أطلب همبرجر وكمان بيتزايه صغيره كدا..يمكن نفسي تهفني عليها. ومتنساش الكاتشب يسترك..
مصطفى :……!!!
چود : الله.؟ مالك متنح ليه؟ أنت مستخسر فيا حتة اوردر زي ده؟
مصطفى : لأ لأ استخسر إيه؟ انا بس مستني يمكن نفسك تهفك ع حاجه تاني..شوفي فكري كدا قلبي ف معدتك شوفيها ناقصها إيه؟
چود : لأ كفايه كدا انهردا.. بكره إن شاء الله نطلب..
مصطفى : هز راسه وقال.. أكلتك قلت أوي ياحبيبتى..
چود : بزعل..اعمل ايه بس يادرش..الحمل والدراسه مش مخليني أفكر في الاكل خالص..
مصطفى : تنح..وقال.. لأ انا يدوبك ألحق احجز الوليمه دي.. وأتصل وطلب الأوردر..
جود : هيوصل أمتى؟
مصطفى : ساعه بالظبط يام أربعه وأربعين..
چود : بتقول ايه يامصطفى؟
مصطفى : بقولك ساعه ياروحي ويكون عندك..
چود : تسلم ياحبيبى.. يسلام الزوج الحنين رزق ياجدعان…
بعد شويه.
مصطفى أخد الاورود وطلع لچود.. وكانت بتاكل بنهم كبير..
ومصطفى كان خايف ع قلقان على متلخبط.. وقال بعدم أستعياب.. يوم ما تتوحمي.. تتوحمي على أخطبوط يابنت السيوفي…!!! سأخبر الله بكل شيء. ————
بعد مرور حوالي شهرين
ف الجامعه.. آخر يوم في الامتحانات.
حياة خارجه من المدرج..
آسر : واقف ومنتظرها..وشافها وراح عندها بسرعه.. وقال بقلق.. حياة طمنيني عملتي ايه في الامتحان؟
حياة : بضحكه..اطمن يا آسر الحمد لله حليت كل حاجه. كان ف سؤالين كدا وقفوا معايا. لكن مع التركيز الحمدلله جاوبت عليهم.. وأنت بقى طمني عليك عملت ايه؟
آسر : أنا تمام جداً وقفلت الاسئله بالكامل..
حياة : بفرحه.. الحمد لله..ياااه أخيرا هناخد الإجازة من انهردا..
آسر : بضحكه.. طبعاً. وكمان آسر عازمك على الغدا انهردا..
حياة : بحرج. احم طيب هستأذن من بابي..
آسر : بتذمر.. أنا سبقتك..واتصلت عليه ووافق..
حياة : بتعجب .وافق.؟!
آسر : بقلة حيلة ايوه وافق..بس بشرط..
حياة : وايه هو بقى؟
آسر : إني أخد كارما معانا..
حياة : ضحكت.. أيوه كدا أصدق إن بابي وافق..
آسر : من بين أسنانه قال بغيره.. طيب ممكن تاخدي بالك وانتي بتضحكي..علشان بس متزعليش مني تمام؟
حياة : ابتسمت بخجل وضمت الملزمه لحضنها..وهزت راسها وقالت..سوري مختش بالي..
آسر : ماشي يا حياة..اتفضلي بقى نهرب قبل ما الواد مصطفى يشوفني..وممكن كمان يشبط فيا زي العيال ويدبسني في عزومه.. ويضيع عليا أهم غدوه في حياتي..
حياة : ابتسمت بحب وهزت راسها.. اوكي يلا بينا..
آسر : فتح باب العربيه. وهى ركبت و آسر ركب واتحرك بالعربيه.
حياة : شافت الجارد وعربية آدم مراد..و أبتسمت وقالت. لسه آدم بردو معين حرس خاص ل آرين؟
آسر : بتفهم.. أيوه وزود حرس خاص تاني على إللي كان موجود..من وقت الحادثه..
حياة : الله يكون ف عونها..بجد لما بفتكر اليوم ده.. قلبي يوجعني..
آسر : سلامة قلبك ياحياة..وياريت بدل ما تفكري في حجات توجع قلبك..فكري فيا أنا غلبان واستاهل أسمع منك أي كلمه..
حياة : ضحكت بحرج..وقالت.. اعمل ايه بس مش عارفه أقولك حاجه..بجد حقيقي.. بس لما نكتب الكتاب إن شاء الله.. أوعدك إني ممكن اقولك..
آسر : فتح عينيه بصدمه وقال. ممكن تقولي؟ ليه ياحياة الإحباط ده بس؟
حياة : ههههه خلاص صدقني إن شاء الله هقولك كل حاجه أنت بتحبها..بس بعد كتب كتابنا..
آسر : ربنا يطمن قلبك ياشيخة..عموما آدم مراد خلاص فاضل ع جوازه ١٠ أيام.. وبعد كده نكتب الكتاب..ونتجوز قبل الدراسه بشهر..زي مصطفى وجود..
حياة : بحرج.. احم إن شاء الله..
Автор: Меріам Насар
عند علوم..
زهره : ها يا آرين طمنيني عملتي ايه؟
آرين : هزت راسها أمم كويس الحمدلله. كان صعب بس جاوبت.
زهره : أنا بقى السؤال التالت كنت هموت منه مش فاكره الاجابه خالص..مع اني مراجعه عليه. بس تقوليش كدا إن كله اتبخر..بس الحمدلله جه الدكتور..
وكملت بتوتر.. أحم الدكتور رائف. وقالي افتكري آخر محاضره لما قومتي وجاوبتي على نفس السؤال ده واتلخبطي وانا صححتلك الاجابه.. وبعدها افتكرت وجاوبت.. أحم.
آرين : كشرت عينيها وقالت أممم..دكتور رائف..!!! اها أخدت بالي وهو بيراقب علينا رايح جاي كأنه في إشارة المرور..
بس يعني مش غريبه يبص في ورقتك.. قري واعترفي يازهره علشان مزعلش منك.. أنا بشوف الدكتور رائف مهتم أوي..حتى أي سؤال يقول فاهمه يا آنسه زهره..ودلوقتي يفكرك بالإجابة.؟ إيه الحكايه بقى.
زهره : بتوتر..مش عارفه والله يا آرين أقولك إيه؟
آرين : أممم تقولي الحقيقه..قري واعترفي قولتلك..
زهره : بتنهيدة حيره. الدكتور رائف.طلب أيدي للجواز يا آرين..
آرين : شهقت وفتحت بُقها وقالت بدهشه.. انتي بتتكلمي بجد يازهره.؟
زهره : بحزن.. هزت راسها.. أيوه..
آرين : كشرت عينيها بعدم فهم وقالت..طيب مالك زعلانه ليه؟ أنتي رافضاه ولا إيه؟
زهره : أبتسمت بسخريه..وقالت. وهو في زي دكتور رائف؟ بس انا فعلاً رافضه..
آرين : بغيظ..ليه رافضه بقى؟ ده دكتور محترم ومجتهد وشاطر جدآ. وكمان انتي بتقولي أهو طلب إيدك..يعني حاجه كويسه جدا..
زهره : يا آرين مفيش وجه مقارنه بينا..
آرين : اهاا..قولي كدا بقى..انتي معقده جدا ع فكره.. دايما شايفه نفسك الأقل في كل حاجه..مع أني اتكلمت معاكي في الموضوع ده كتير.. وع فكره الدكتور رائف بما أنه اتجرأ وكلمك في موضوع زي ده يبقى أعجب بيكي اكيد..
زهره : هزت راسها ايوه..هو قالي كدا..وكمان شاف أخويا زاهر وهو بيوصلني..واخد منه رقم موبيله. وقال في الاجازه هيجي يزورنا..
آرين : شهقت بغيظ..وقالت..كل ده وأنا معرفش يا زهره؟ لأ انا زعلت منك جداً بقى..
زهره : أبتسمت وقالت..والله الموضوع حصل قبل الامتحانات بيوم. والتوتر نساني خالص..ولاني رافضه محبتش أعيش نفسي في وهم..
آرين : بمكر.. إيه ده.. الدكتور رائف واقف مع بنت هناك..
زهره : لفت بسرعه والغيره واضحه عليها..وقالت. فين ده يومها…….!!! ومالقتش حد..
آرين : هههههههه الله أنتي مش قولتي إنك رافضه..
زهره : بغيظ..كدا يا آرين بتشتغليني؟
آرين : بضحكه..واو زهره غيرانه ع الدكتور رائف.. بليز وافقي بقى. خليني أفرح بيكي.
زهره : سبيها ع الله..المهم بقى انتي إزاي فرحك بعد ١٠ أيام.ولسه ولا جبتي فستان الفرح ولا حجزتوا القاعه..
آرين : بزعل..مش عارفه. آدم مكلمنيش في حاجه زي كده..
زهره : لازم تسأليه يابنتي أنتي دماغك مش شغاله ليه؟ الحجات دي ليها مواعيد.
آرين : إن شاء الله. لما أرجع هبقى أسأله..
زهره : أيوه كدا صح..وبعدين عايزاكي تختاري فستان فرح حلو كدا..مع إنك هتبقي قمر في أي حاجه..
آرين : أبتسمت وقالت.. حبيبتي يازهوره تسلمي.. بس تعرفي أنا أمبارح اتكلمت مع مامي وقولتلها على مواصفات الفستان اللي نفسي اجيبه..
زهره : بفضول.. إيه هو بقى مواصفات الفستان؟
آرين : بتتخيل وقالت.. عايزاه فستان زفاف محصلش. مصر كلها تتكلم عنه.. عايزاه يكون فستان أسطوري زي سندريلا،، وكمان يكون فستان مَلكي. عايزه ديل الفستان يكون طويل جداً جداً. وكمان الطرحه تكون ملكية و تبقى طووويله اووي كمان.
ويكون الفستان لونه أبيض وعليه طبقه من الشيفون المطرز باللون الدهبي الفاتح. وتاج يكون نفس لون طبقة الشيفون.. هو مختلف شوية بس حساه يجنن يازهره.
زهره : بإنبهار..اممم جميل أوي أوي يا آرين..
آرين : ضمت الكتب بسعاده وقالت..تصميم الفستان ده من زمان جدا في مخيلتي..
زهره : طيب يابنتي لازم تتكلمي معاه علشان لو مالقتيش حاجه عجبتك تلحقي تفصليه عند أي مصمم.
آرين : بتنهيده.. اوكي. هشوف.
زهره : مفيش هشوف..انتي كدا مش هتلحقي صدقيني.. وبقولك إيه بقى بما إن ده آخر يوم في الامتحانات..تعالي نروح الكافتيريا ونشرب حاجه..
آرين : وهو كذلك يلا بينا..
——————بقلمي مريم نصار.
تاني يوم فيلا مصطفى عزيز..
ليليان : شافت مصطفى وچود راجعين من العياده. وقالت بفضول..ها ياجود ولد ولا بنت؟
چود : بفرحه ولد يا لي لي ياقمر..
ليليان : بفرحه. ألف مبروك ياروحي..
كريم : بفرحه..مبروك يا درش يتربى في عزك.
مصطفى : بهزار.. وعز عمه كمان.. ولا أنت مش هتساعد في المصاريف..
كريم : بضحكه..لا ياعم هساعد طبعآ..بس على الأقل أعرف إسم إبن أخويا إللي جاي إيه؟
مصطفى : لسه هيقول سيف..
چود : بسرعه.قالت بفخر..طارق إن شاء الله..
ف جناح مصطفى..
مصطفى : بغيظ..بقى كدا ياچود بتحرجيني قدام العيله؟ وطارق إيه ده إن شاء الله؟
چود : بتحذير.. مصطفى.. أقف عوج واتكلم عدل.. طارق ده إسم جدو وهسمي إسم أبني على إسمه إللي هينور ويشرف عيلتك كلها ماشي ياحبيبي؟
مصطفى : صك ع أسنانه وقال..يابت هبوظ ملامح وشك..هو احنا مش متفقين لو ولد سيف..ولو بنت هاندا؟
چود : أيوه بس اللي حصل بقى.. وبعدين أنت أخترت أنا مكنتش لسه اختارت.. وخلصنا بقى هسمي أبني طارق..
مصطفى : بنرفزه.. لأ بقى ده أبني أنا.. وأنا اللي هسميه..وسيف كمان..
چود : بعصبيه..نعم ياخووويا.. إبنك أنت؟ ليييه. أنت حملت فيه؟ ولا كل شويه تجري على الحمام ترجع كل اللي في بطنك؟ ولا جاتلك انيميا؟ ولا فقر دم حتى؟ ولا خدت حقنه واحده؟ .ولا هتولد أنت؟ بقولك ايه؟ متحضرتش العفاريت..علشان مش هتعرف تصرفهم..
مصطفى : مسكها من دراعها بغيظ وقال..يابت هضيع ملامحك..
چود : مثلت التعب..اااه الحقني يامصطفى..
مصطفى : بقلق..مالك ياچود في إيه؟
چود : مسكت ايدو وحطتها ع بطنها وقالت.. قول سيف كدا؟
مصطفى : مش فاهم لكن قال من بين أسنانه..سيف..
چود : عاااااااا بيضربني ابن ال……طيب قول طارق كدا؟
مصطفى : نفخ بنفاذ صبر وقال.. طارق..
چود : ضحكت وقالت..شوفت سكت إزاي؟ حبيب مامي ياروحي أنت حاضر هسميك طارق ولا تزعل نفسك ياقلبي..
وحطت راسها ع كتفه وقالت..وبابي موافق..مش كدا يامصطفى ياحبيبي؟
مصطفى : ………….!!!
چود : عاااااااااا
مصطفى : خلاص خلاص..طارق طارق.. أمرنا الله..
چود : باسته من خدو..وقالت بدلع..حبيبي يابو طاروق. منحرمش منك ابدا..قولي بقى ولا يحرمني منك يام طارق..
مصطفى : شالها وراح بيها مكان جنتهم وقال..ولا يحرمني منك يام طارق مصطفى عزيز..!!!
——————بقلمي مريم نصار.
قبل الفرح بأسبوع..
في الجنينه.. آرين رايحه ع الفيلا..وقالت بغيظ.. لأ بقى كدا كتير..ولا جبت الفستان ولا حد عبرني.والكل ساكت.ولاةبيجبيوا سيرة القاعه ولا الفستان..
ده كأن مفيش فرح.. أنا لازم اسألوا مش يمكن أجل الفرح وانا اخر من يعلم؟
آدم مراد : راجع من الشغل.وداخل بالريس..
آرين : سمعت صوت الريس.ولفت وشافته. ووقفت..
آدم مراد : فرمل قدامها..ورفع النضاره..وقال. اذيك..
آرين : بحرج. الله يسلمك..حمدالله على سلامتك..
آدم مراد : الله يسلمك..رايحه فين؟ طالعه ولا لسه نازله؟
آرين : بتوتر.. لأ لسه نازله.. أحم بصراحه كنت جايه علشانك. قصدي علشان أسألك يعني……!!!
آدم مراد : قال ثواني ياحبيبتى..و نزل من ع الريس.. وشاور ل هارون ياخد الريس.. واتمشوا جمب بعض في الجنينه..
آدم مراد : قال..سامعك يا آرين عايزه تسأليني عن ايه؟
آرين : بتحاول متتوترش..لكن قالت..بصراحه انا مش قادره أفهم حاجه..يعني..يعني الفرح باقي عليه أسبوع واحد بس..وا.. والمفروض في حجات كتير بتترتب وحجز الفندق أو القاعه وكمان الفستان والبيوتي سنتر.. وحاجات كتير..لكن انا معملتش حاجه ولا جبت اي حاجه..ممكن أفهم ليه؟
آدم مراد : بثبات.. أنتي مش مطلوب منك تعملي أي حاجه..
آرين : بخنقه..إزاي بقى؟
آدم مراد : زي ما قولتلك..وكمان مش هعمل فرح لا في الفندق ولا في القاعه..
آرين : بغضب واضح..قالت.. يعني ايه يا آدم مش هتعملي فرح…!!!
آدم مراد : قرب من.وشها وقال..خلي بالك من نبرة صوتك وأنتي بتتكلمي معايه يا آرين..
آرين : اتخنقت وعيونها لمعت وقالت.. يعني مش عايز تعملي فرح وعايزني متكلمش؟
آدم مراد : أنا مقولتش مش هعمل فرح.. أنا قولت مش هعمله في القاعه..انا هعمله هنا في جنينة الفيلا..
آرين : صكت ع أسنانها وزعلت..ومردتش..
آدم مراد : وكمان الميكب ارتست هتجيلك لحد عندك..والفستان هيكون عندك ع الميعاد..
آرين : رفعت عينيها ليه وقالت بدموع..يااااه؟.ده انت لاغيني بقى.. حتى الفستان أنت إللي اخترته؟
تمام اعمل اللي أنت عايزو يا آدم.. بعد إذنك..وسابته ومشيت وبتعيط.. وداخله العماره..
آدم مراد : لحقها..و شدها من أيدها وخبطت في صدرو..
آرين : متهزتش..ورجعت لورا وبصت بعيد..
آدم مراد : لف وشها ليه وقال..بطلي جنانك ده يا آرين.
على طول أنا اللي بختار ليكي لبسك..وع طول مهما أختار بتشبهي السحر..
ف مش معقول يوم فرحك هختار ليكي حاجه ماتلقش بيكي..
آرين : بدموع..مهما يكون اختيارك..بس ده الوقت الوحيد اللي بتستناه اي بنت علشان تختار فيه فستانها.وانا كان ليا زوق معين في مخيلتي.. أنت بقى قررت كل حاجه من نفسك..ولغيت شخصيتي خالص..
آدم مراد : بتحذير..مش هقولك تاني تخلي بالك من كلامك..
آرين : بجديه.. أنا مش حجر شطرنج هتحركني زي ما أنت عايز ومش عايزني اتكلم..
وأنا قولتلك أعمل إللي أنت عايزو.
آدم مراد : مط شفايفه وبصلها وساكت..
آرين : بتحاول الثبات..وبصت بعيد..وقالت..مفيش حاجه تاني نتكلم فيها؟ أنا عايزه أطلع لو سمحت..
آدم مراد : بعدم إهتمام..شاور ليها بأيدو تطلع..
آرين : اضايقت..وجريت ع الاسانسير..وطلعت.
آدم مراد : نفخ بنفاذ صبر..وراح ع الفيلا..
آرين في اوضتها رايحه جايه ومتغاظه..وبتكلم نفسها..وقالت..بقى كدا..يسبني زعلانه ولا فارقه معاه؟ لأ وكمان جهز لكل حاجه وأنا كأني مش موجوده خالص..
وياترى بقى جاب الفستان على مقاسي إزاي؟ ولا زوقه إزاي؟ اااه أنا متغاظه.. أنا.. أنا هروح أقول ل بابا آدم يتصرف معاه.. أيوه هو ده الحل.
أنا لازم أختار كل حاجه بحبها.. ياكدا يامفيش جواز.. وهو حر بقى.. عااااااااااا انا متغاظه من المرعب نفسي اديله بوكس ف وشه..عايزه أضرب اي حد.. ااااي حد عاااااااا..
وسمعت صوت رسالة خاصة على الواتس اب.
ومسكت الفون بنرفزه.. وفتحت الرساله من آدم.. وتنحت وفتحت عينيها وبوقها بزهول..وقالت.. مش معقول..!!!وكمان مش هنسافر شهر عسل..!!!؟
Автор: Меріам Насар
بعد يومين.
كل البنات قاعدين مع آرين في أوضتها..
حياة : خلاص بقى يا آرين فوكيها شويه.
آرين : نفخت بخنقه ومبتردش ع حد..
كارما : أنا مش عارفه ليه أبيه آدم بيعمل كده.وليه يزعل آرين؟
تمارا : انتوا عارفين كويس إن آدم بيعمل كل حاجه حلوه علشان خاطر آرين..وغمزت للبنات.
كارما : بتفهم.. أيوه صح.احم أبيه آدم مافيش حد زيه.
آرين :……….!!!
ليليان : ماخلاص بقى ياست آرين..هى موته ولا أكتر..خلاص آدم ظبط كل حاجه للفرح ومفيش غير أربع أيام ع الفرح فكي بقى..
چود : يختي بلا وكسه. هو حد طايل الراحه. الراجل جهز الفرح وجابلك الفستان.
ميرو : بس أنتي وهى.وفرو كلامكم آرين عاقله. ومش زعلانه من آدم..صح يا آرين..؟
آرين : صكت ع أسنانها بغيظ وملامحها بتأكد أنها عايزه تقتل آدم من الغيظ..
تالين : ياستار يارب..اهدي يا آرين ياحبيبتى. واتكلمي وقولي انتي ايه إللي مضايقك بالظبط؟ وليه حابسه نفسك في الشقه ومبتنزليش تحت خالص..
آرين : قالت بنرفزه..مش عايزه أنزل تحت تاني. ومش عايزه اشوفوا.. أنا مش عايزه اتجوز استريحتوا…!!
الكل شهق بصدمه.. أنتي بتقولي إيه يا آرين؟
آرين : بغيظ ودموع.. أنا اتخنقت..كل واحده فيكم اختارت الفستان اللي حباه. وكمان الفرح اتعمل في أفخم قاعات وفنادق مصر. وكمان سافرتوا شهر عسل..
أنا بقى لأ اختارت الفستان ولا هيتعملي فرح ولا هسافر كمان..
——————بقلمي مريم نصار.
الكل بص لبعض..وسكتوا..
آرين : طبعآ وانتوا هتقولوا إيه؟دي حتى مامي ساكته ومبتقولش حاجة وكمان بابي،،
محدش قالي انتي ليه لحد دلوقتي مختارتيش فستانك..
وكمان آدم من يومها ماتصلش عليا ولا سأل حتى عني.ولا قالي حابسه نفسك ليه؟.
. يبقى خلاص.. أنا لازم أتصرف..وأنا بقى إللي هقول لأ. وهنزل لبابا آدم.وهقولوا أنا مش عايزه اتجوز..
الكل شهق وقالوا انتي مجنونه..
ميرو : بعتاب..كلام إيه ده يا آرين؟ تلغي جوازك علشان حجات زي دي؟
تالين : إزاي يا آرين مش هتسافروا. بابا بنفسه جاب تذكرتين سفر علشان تسافرو أوربا..وقال دي هديه منه ليكم..
تمارا : آرين ياحبيبتي بلاش تاخدي قرار وقت غضبك..
آرين : بعصبيه.تالين.هو قالي مش هنسافر.
.وكملت بتصميم..لأ انا بقى هلغي الجوازه.
چود : رفعت حاجبها وقالت..والله عندك حق..يلا وأنا هنزل معاكي..ونقول لجدو آدم. إنك فركشتي جوازتك من آدم..
آرين : كشرت عينيها بتعجب..
چود : غمزت للبنات.وقالت بخبث..وانتوا كمان يابنات. تعالوا نقف جمب آرين. هى مش عايزه آدم. خلاص الجواز مش بالعافيه..
وآدم بقى الله يسهله يبقى يشوف موزه تانيه. ويتجوزها..
آرين : صكت ع أسنانها وقالت بغيره. چوووود انتي بتقولي إييييه؟
الكل فهم چود وابتسموا.
چود : قالت بخبث. بقول إيه يا آرين؟ مش انتي عايزه تلغي جوازك؟ علشان فستان؟
آرين : بغيظ.. لأ مش عايزه ألغي عشان فستان.. أنا زعلانه لانه مقدرنيش..
ميرو : أبتسمت..تعالي اقعدي هنا يا آرين وياريت تهدي شويه..
آرين : قعدت بنرفزه..
ميرو : بإبتسامة حب..يخرابي ع مرات أخويا النرفوزه.. ههههه والله فعلاً الوحيد اللي يقدر يقنعك هو تيم..بس هو ف الشغل بقى..
آرين : بحزن.. الموضوع مش محتاج إقناع ياميرو. الموضوع محتاج تقدير واحترام..
ميرو : بتفهم.. طبعاً وعندك حق..بس هو آدم مقدركيش يا آرين؟
وكمان ياريت متظلميهوش.. لأن آدم ديما بيحترمك..
ومش بدافع عنه لأنه أخويا.. لأ أنا بتكلم عن اللي بتشوفه عينيا تجاهك من آدم..
اسمعيني كويس يا آرين.
الجواز عمره ما كان بالفستان ولا بالزفه..لكن برضو معاكي حق إنك لازم تختاري..
تالين : قعدت قصادها.وقالت.ممكن اقول حاجه..
الكل قولي.
تالين : آرين أنا أكتر واحده عارفه أبيه آدم بيفكر إزاي من ناحيتي وكمان أنتي..
وغير كدا تفتكري لما بيبقى موجود معانا في أي سنتر ملابس أو مول..هو اللي بيختار ليا لبسي. وأنا مبقولش حاجه. لأن أخويا عمره ما هيختار ليا حاجه وحشه أبدا..وكمان ديما كان بيختار ليكي معايا..وكنا بنبقى أنا وأنتي ديما مميزين باختياروا..
ودلوقتي فهمت كل تصرفات أبية آدم تجاهك.. لأنه بيحبك وعايزك ديما تكوني متكامله في كل حاجه حتى لو من اختيارو..
عارفه؟ لو أبية آدم زوقه وحش..؟ كنت أنا أول واحده روحت اتكلمت معاه وقولتله سيب آرين تختار براحتها. لكن صدقا هتنبهري أكيد يوم فرحك..
چود : يختي أقسم بالله أنا ماختارت حاجه..كل حاجه على زوق مصطفى..
تمارا ؛ وأنا كمان آريان اللي أختار ليا فستان فرحي..
ميرو : وأنا كمان. وكان زوق تيم جميل جدا..
حياة : وكمان همس قالت إن أبية ياسين هو اللي أختار فستانها..
ليليان : وأنا كمان..كريم إللي اختارلي حتى الخاتم هو إللي اختاروا..
تالين : أبتسمت وقالت..خلاص بقى يا رينو ياصغيره.. اضحكي بقى..وقومي انزلي معانا..
آرين : شبه اقتنعت لكن بردو لسه متغاظه.. واكتر حاجه مضايقاها تجاهل آدم ليها..
وقالت بعند.. لأ ومش هنزل من البيت لحد يوم الفرح..وخليه بقى يفرقع زي ما أنا هفرقع..
فيلا العدوي..
آدم مراد : واقف قدام البيسين..ورافع عينيه لبلكونة آرين..ومتغاظ أنها مابتنزلش..لكن أبتسم بصمت..وقلع التيشرت.. ونط في البيسين..!!!
——————بقلمي مريم نصار.
يوم الفرح الصبح.
عند فهد.
رينو : صحيت وقامت بنشاط وحماس..وبتصحي فهد ومالقتوش جمبها.. وقالت..
أكيد راح ل آرين يصحيها.. ولبست الروب..وخرجت.
..لكن شافت فهد واقف في المطبخ ومربع أيديه وسرحان.. والقهوة بتغلي..وجريت قفلت النار عليها..وقالت..فهد مش تخلي بالك..القهوه ادلقت.
فهد : أنتبه..وقال. آسف سرحت غصب عني..
رينو : ولا يهمك ياحبيبى..هعملك غيرها.. وراحت وقفت قدامه وقالت.. لسه زعلان ع فراق آرين. مع إن مفيش فراق دي في البيت اللي جمبك على طول..
فهد : أبتسم وقال. لأ مش زعلان..لكن هنا زعلان..وشاور ع قلبه..وقال..
هنا افتكر حجات كتير جدا من أول يوم شيلت فيه آرين لحد دلوقتي..
آريني كبرت بسرعه كبيره..ههه كبرت وكأنها اتخطفت مني من غير ما أشبع منها. وانهردا هتكون في بيت حد تاني..
رينو : هزت راسها بضحكه..وقالت..نو نو. مش حد تاني. إسمه آدم المرعب ههههه.
فهد : بضحكه.. آرين قالت الحقيقة واد مرعب بجد. بس تعرفي بعد إللي عمله. وأنا مش لاقي فيه عيب
رينو : بتذمر.. أيوه ومين يشهد للعريس..ماهو عمل كل حاجه وشكلها كدا ع مزاجك..
أنت فرحت لما قرر أنه يعمل الفرح هنا.وكمان بنتك مش هتروح بيوتي سنتر ولا هتحط ميكب. والسيشن كمان في جنينة الفيلا بتاعة آدم.. اول مرة اشوفك مبسوط من قراراته..
فهد : بيرتب شعرها وقال بإبتسامة حب.. طبعاً مبسوط..واحد بيغير على بنتي وقدر يعمل اللي أنا بتمناه يبقى ليه مقتنعش..؟
رينو : خطفت بوسه من خدو..وقالت.. أيوه كدا أضحك يافهد..وخلي انهردا يوم مميز..
فهد : بتعجب..بس أنتي فرحانه اوي..ومش حاسك مضايقه..
رينو : بتأكيد.. طبعاً فرحانه اوي اوي اوي كمان.. بنتي هتتجوز من الشخص اللي شافت فيه أنه نسخه من باباها.وكمان هتعيش جمبي. وهيحافظ عليها. يبقى أزعل ليه؟ دانا من فرحتي عايزه ازغرد. هههه.
فهد : أبتسم وباسها برقه..وقال. أنا فاكر اول مرة عملتيها. وأنا عاقبتك عليها..
رينو : مثلت الغيظ..وقالت امتى بقى أنا عمري ما عملتها أصلا..ومش فاكره حاجه زي كده..
فهد : همس ف ودنها وقال..يوم خطوبة الدكتور محمد عزيز.ف جنينة فيلا الصاوي..
رينو : كشرت عينيها وقالت ياااااه.. أنت لسه فاكر يافهد؟
فهد : أي حاجه تخص نجمتي عمري ما أنساها..
رينو : حبيبي يافهد ربنا يباركلي فيك..بقولك ايه بقى.. روح انت صحي المجنونه.. وأنا هصحي آركان و آيو و هعملك القهوة والفطار..
فهد : بتنهيده..وقال..عايزاني أنا إللي أقوم بالدور ده؟
رينو : أبتسمت.. آرين هتفرح أكتر لما تفتح عينيها وتشوفك جمبها..
فهد : باس جبينها وأبتسم..وسابها واتحرك..
رينو : باصه عليه..وعيونها لمعت بدموع.. وراحت تصحي ولادها..
فهد : خبط ع آرين..ومردتش.. وفتح الباب بشويش ودخل..
وغصب عنه أبتسم على شكل نومها والغطا ع الأرض وشعرها ع وشها وفردا أيديها الأتنين..
فهد : شال الغطا.. وحطه عليها..وقعد جنبها..ورجع شعرها وقال.. آرين..
آرين :………!!!
فهد : بابتسامه.. آرين ياحبيبتي اصحي..
آرين :………!!!
فهد : بتنهيده.. آرييين قومي ياحبيبتي الساعه ٩
آرين : بدأت تفوق.. واتعدلت بنوم..وقالت صباح الخير يا بابي..
فهد : أبتسم ورجع شعرها وقال..صباح الورد ياقلب بابي..
آرين : أبتسمت وقالت..ياااه أجمل حاجه في الدنيا إني أفتح عينيا الاقي حضرتك اللي بتصحيني.. وحضنته..
فهد : ضمها لقلبه وغصب عنه عيونه لمعت وقال بغصه.. وأنتي أجمل حاجه في الدنيا..
آرين : خرجت من حضنه وقالت بمرح.. طبعآ أنا اجمل علشان أنا بنت حوت المخابرات فهد السيوفي..
فهد : بضحكه.. طبعاً يلا بقى قومي خدي شاور وصلي وأنا ومامي هنجهز الفطار..علشان..
وكمل بوجع.علشان تلحقي تفطري قبل ما البنات يوصلوا تحت عند جدك وتنزلي.
آرين : عيونها لمعت وقالت..بابي أنت لسه زعلان علشان هتجوز..
فهد : أبتسم بتمثيل..وقال..مين قال كدا؟ أنا فرحان جدآ إن آريني كبرت وهتبقى أجمل عروسه في مصر والعالم كله..
وقام وقف قبل ما يضعف ويبكي.. وقال.. أنا هروح أشرب قهوتي..وسابها وخرج..
آرين : بزعل.. أنا حاسه بيك يا بابي أكيد أنت زعلان إني همشي واسيبك..بس ده مش هيحصل إني أبعد عنك.. بابي أنت مثلي الاعلى وعمري ما أحب حد قدك أبدا.وهفضل فراشة الحياة بالنسبالك لحد ما تزهق أنت مني..
فهد : واقف جمب الباب وسمع كلامها وأبتسم.. وقلبه استريح شويه..
آركان صحي ودخل ياخد شاور..
رينو : شايله آيان وبتلاعبه وهي في المطبخ..وقالت. مين حبيب مامي..
آيان : ببراءه آيو حبيب ماما حبيب بابا وبابا جدو و ألين.و آكان.وجنى.
رينو : باسته وقالت..جنى وحشه.
آيان : صرخ.. لااا جنى بيبتي..اسكتي مااااماااا..
رينو : ههههههه.يخلاثي أنا ياناس ع العصبي الصغنن.
فهد : جه وشال آيان على كتفه..وقال صباح الخير يا عم آيان..
آيان : نزل راسه وباس فهد وقال. باح خيل بابا.
فهد : بضحكه صباح الورد والفل ياحبيب بابا..
رينو : اتفضل يا حبيبي قهوتك. وخمس دقايق والفطار يجهز..
فهد : نزل آيان..
آيان : جري ع اوضة آرين..
فهد : بيشرب القهوة وقال..ليه مابعتيش لعزه تساعدك في البيت..
رينو : تؤ انا كدا مستريحه.. لكن طبعاً ست الحبايب مامي بتبعتها مرتين في الاسبوع تظبطلي البيت وأنت في الشغل..
فهد : هز راسه بتفهم..
رينو : كشرت عينيها وقالت. في صوت دوشه مش كدا؟
فهد : أممم دول مصممين الحفله.. جايين يظبطوا كل حاجه.
رينو : تمام.. بس تعرف يافهد فستان آرين تحفه جدا.هو زمانه ع وصول. بجد أنا متأكدة أنها أول ما تشوفه مش بعيد يغمى عليها من فرحتها..
فهد : بجدية..أنا لولا إن آدم مصمم أنه عاملها مفاجأة ل آرين أنا كنت قولتلها وريحتها من زمان..بدل ما هى كانت زعلانه طول الوقت..
رينو : بضحكه..ياحبيبىي دي الرومانسية والحب..هو عايز يشوف رد فعلها اول ما تشوف الفستان..
——————بقلمي مريم نصار.
بعد شويه..
تالين خبطت و آركان فتح الباب وأبتسم أهلا اذيك ياتوتا..
تالين : أبتسمت الله يسلمك اذيك انت يا آركان..
آركان : أنا زي الفل.تعالى أدخلي..
تالين : دخلت وقالت..متشكره. عمتو صحيت ولا لسه؟
رينو : بإبتسامة..تعالى ياقلب عمتو أنا صاحيه من بدري .
تالين : سلمت على فهد والكل..وقالت.. أنا جاية اخد آرين وننزل علشان الميكب ارتست وصلت..
رينو : والله..طيب تمام..يلا يا آرين ياحبيبتي.
آرين : قامت بغيظ..وقالت بتذمر..يلا..ونزلوا..
دعاء : شافت آرين وجريت ع الفيلا وقالت آرين وتالين جايين..
ميرو وتمارا وليليان وهمس وچود وكارما وحياة.
ميرو : قالت بسرعه يابنت غطوا الفستان واخرجوا يلا..
وكلهم اتحركوا بسرعه وخرجوا بره الاوضه..
آدم مراد : واقف في التراس وشافها لأول مرة من أسبوع..
آرين : رفعت عينيها على البلكون بتاع آدم لكن كان اختفى..ومشافتوش..ورغم فرحتها إلا أنها زعلانه منه.
آرين : دخلت الفيلا..وجريت ع جدها وجدتها..
مريم : بعتاب.. لأ أنا زعلانه منك يا آرين بقى كدا؟ أسبوع بحاله ماشوفكيش..
آرين : ضحكت وقالت بمرح..كنت بعمل حمية غذائية ياماما ههههه. سوري بقى سامحيني..بس حضرتك وحشاني جداً وباست على أيديها..
مريم : وأنتي كمان يانور عيني وحشانا كلنا.. مبارك عليكي الفرح ياحبيبتي.
آدم : أبتسم وقال..نوتيلا العيله كلها.. ألف مبروك ياروحي..
آرين : غمضت عينيها ف حضنه وقالت.الله يبارك فيك يا بابا.. وأنا أسفه جداً..
آدم : مسد ع حجابها وقال..متتأسفيش ياروحي.. انهردا يوم مميز بالنسبالي.. وهمس ف ودنها وقال. حفيدتي هتتجوز المرعب أخيراً..
آرين : عوجت بوقها وقالت. جوازه منيله بنيلة. أنا حاسه إني هدخل قصر دراكولا المهجور يابابا..
آدم : ضحك..وقال بمكر..هو هيبقى دراكولا فعلاً لو فضلتي بالطريقه دي.. المهم بقى مش عايزه تشوفي فستانك..
آرين : بزعل..عادي جدا يابابا..مش هتفرق..
آدم : لأ بس فرحتك دي تفرق معايا أنا.. بصي شايفه الاوضه إللي جمب الصالون دي..
آرين : بعدم فهم أيوه مالها؟
آدم : روحي افتحيها..وشوفي فيها إيه؟
آرين : هتتكلم……!!!
ميرو : بضحكه..بعد إذنك يابابا أصلها هتفضل تسأل لحد بكره.. وشدت آرين من أيدها وقالت..تعالي معانا.. وجريت بيها عند الأوضه هي وكل البنات..
آدم مراد : نزل ع السلم ووقف في نصه قصاد الاوضه بالظبط. وربع أيديه..
ميرو : فتحت الباب على آخرو والكل دخل..
مريم : واقفه عيونها لمعت من الفرحه..
آدم : حاوطها من كتفها وضمها لقلبه..ومبتسم..
فهد ورينو داخلين الفيلا..ومتابعين آرين..
آرين : واقفه وعندها حالة عدم استيعاب.. مراية كبيره جدا.. وبوكيه ورد تحفه جدا. وشافت حجم الفستان لكن كان متغطي..
تالين : مسكت طرف الغطا وقالت بضحكه..جاهزه للمفاجاه يا آرين..!!!
آرين : هزت راسها ايوه.. وبدأت تتوتر..
البنات كلهم بحماس..واحد..اتنين..تلاته..
تالين : بسم الله..وشدت الغطا..وظهر أجمل فستان زفاف لأجمل وأروع ضي الأدم..
الكل سقف بفرحه..
آرين : شهقت وحطت ايدها ع بوقها وفتحت عينيها بزهول وفرحه ولخبطه وكل حاجه. وقالت بانبهار مش معقول…!!!
——————بقلمي مريم نصار.
تاني يوم..
مراد : بتعجب..الله الواد آدم مخدش تذاكر السفر ليه؟ المفروض يكون سافر من ساعه كمان.. أنا هروح اصحيه يمكن راحت عليه نومه..
هارون : آدم باشا سافر هو والهانم الصغيره من بدري ومحدش عارف سافر فين معاليك…!!——-
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
