رواية الحربايه والثعبان الفصل السادس 6 بقلم منة محمد
رواية الحربايه والثعبان الجزء السادس
رواية الحربايه والثعبان البارت السادس
رواية الحربايه والثعبان الحلقة السادسة
في بيت عائله دعاء قاعدين في جو كله سعاده وفرحه
بيبو لداغر: يعني عمتي هتسيب بيتنا؟؟!!
داغر بضحكه: ايوه هتروح بيتها الجديد عشان هتتجوز
بيبو: هروح معاها
داغر: وماله روح
بهيه: ربنا يسعدك يابنتي
داغر: اللهم آمين!
معمر: بجد ناس متواضعين جدا وقابلونا بكل ذوق واحترام
ميسر بحقد: وليه هتجوزها بالسرعه دي , قصدي اسبوعين قليلين نحضر فيهم اي حاجه , واحنا ممعناش فلوس عشان نشتري جهاز كده فجأه
معمر: هم عايزنها بشنطه هدومها آمير متكفل بكل حاجه , وبعدين مهما هنقدم مش هنقدر نقدم قصاد مستواهم الرفيع
ميسر بغيره مخفيه: هم اغنياء اوي كدا
معمر: ايوه والصراحه والد آمير حلف عليا مجبلهاش اي حاجه غير هدومها وبس
ميسر بينها وبين نفسها : كدا احسن مش هنجيب حاجه , ماهو ابوها مسبش كنز علي بابا ياه ،حمل اتشال من علينا
……….قصص منه محمد كاتب…………..
في بيت عائله آمير
ناني جابت علبه كبيره وفتحتها: ها ايه راآيك في الشبكه دي لدعاء اشترتها ع ذوقي , بس لو مش عجبتها آمير ياخدها تشتري ع ذوقها مع دي
الجده: دي جميله جدا لكن براحتها دي شبكتها
ناني: انا قولت دي زياده ،وهم يجيبوا ع راحتهم انا عايزه اباين لدعاء اني زي امها
الجده: ايوه طبعا ،ماهي خلاص بقت بنتنا, ربنا يتمم كل الامور ع خير
ناني بدعوه من القلب: اللهم امين
رحاب دخلت بهيصه: بنسوار للكل
الجده هللت بفرحه: رحاب حبيبتي وحشتيني
رحاب ضمتها: وانت اكتر يا نناه
ناني سلمت عليها: رجعتي كدا فجأه
رحاب: حسيت بملل رجعت
ناني: احسن انك رجعتي , كنت هتصل بيكي مقدمناش غير ايام قليله وعارفه ان الشوبنج ميبقاش ممتع من غيرك
رحاب: تقصدي ايه بايام قليله ’ وبعدين لمين علبه المجوهرات دي
ناني فتحتها: اخوكي خطب دعاء
رحاب: ايه خطوبه آمير ع البنت دي برضه
الجده: هو بيحبها وعايزها
رحاب: لكن هم رفضوا مش كده!!
الجدة: ورجعوا وافقوا
ناني: وجم ومشينا الموضوع وحددنا يوم الفرح
رحاب: هايل! يعني هتجوزي ابنك من البنت الي اهلها اهانوكي ناني هانم
الجده: يابنتي الامور البسيطه وارد تحصل في كل نسب , والناس اعتذروه عشان كدا لازم نسامح وقلبنا يبقي كبير
رحاب بنرفزه: مش عارفه نناه , بس بجد الجوازه دي كلها كده غلط , بس هقول ايه لو انتم موافقين
ناني بهدوء: رحاب بلاش مودك يتغير , هو فرح اخوكي وعليكي تهتمي بكل حاجه من بكره هنعمل شوبنج
رحاب وقفت: بجد مملل جدا , انا مرجعتش عشان اسمع الملل ده (وهي ماشيه ع فوق) خدي عروسه ابنك معاكي للشوبنج
ناني: رحاب
الجده: خلاص خدي معاكي دعاء
ناني: عندك حق
…….قصص منه محمد كاتب………….
في بيت اهل دعاء بالليل
بهيه : دعاء تعالي عاوزاكي
دعاء بتعجب: في ايه يا ماما
بهيه: اطلعي ع الكرسي هاتي الكرتونه من فوق الدولاب
دعاء: فيها ايه
بهيه: هاتيها وانتي هتعرفي يله
دعاء طلعت وجابت الكرتونه وحطتها ع السرير : ادي الكرتونه
بهيه فتحتها: كل الهدوم والقمصان دول كنت عاينهم ليكي , والعلبه دي افتحيها
دعاء فتحتها: ايه ده ،،ده دهب كتير ،جبتي فلوس الحاجات دي منين
بهيه: حوشت كل الفلوس الي كان داغر بيدهالي عشان لما يجي فرحك اشيل الحمل من ع معمر , برغم آمير رفض اي جهاز , بس مقدرش ادخلك بيتك فاضيه , حتي لو بيتك مش نفس مستونا لكن لازم تدخلي بقيمتك
دعاء: بس هعمل ايه بكل ده
بهيه طلعت ظرف من جيبها: خدي كمان المبلغ ده
دعاء: اعمل بيه ايه
بهيه: بكره اهل خطيبك هياخدوكي تشتري حاجات واشتري الي نفسك كله فيه , والله لو معايا اكتر مكنتش اتأخرت عليكي ابدا
دعاء: ماما كفايه دعوتك ليا دي عندي بكل كنوز الدنيا وبجد هتوحشيني اوي
بهيه بدموع : بس لازم اي بنت تتجوز وتروح بيتها وبدعيلك تعيشي متهنيه مع آمير واهله
دعاء: لو عيطي مش هتجوز بقولك اهو
بهيه ابتسمت اوي: خلاص وانا قولت لـ اخوكي داغر يروح بكره معاكم, يله قومي شيلي الكرتونه مكانها
دعاء فزت من مكانها : عيوني
………….قصص منه محمد كاتب…………..
في افخم واكبر المولات …ناني وآمير اخدوه دعاء يجبولها الفستان ولوزامه وكل حاجه ممكن تحتجلها في جو كله مرح وانبساط وداغر فضل يغلس ع دعاء هو وآمير وناني مبسوطه جدا بيهم لحد ما داغر جاله تلفون استأذن يطلع بره يرد
آمير طلع وراه: فيه حاجه ياداغر
داغر: لاء ده انا صلحت لواحد كمبيوتر ومش عارف يشغل البرامج عليه وعايزني اروحله
آمير: خلاص روح كمل شغلك انت
داغر: ممكن توصل دعاء للبيت
آمير: اكيد هوصلها
داغر بدعابه: متأكد
آمير ابتسم : لاء هسيبها هنا بطل رخامه بقي
داغر: ماشي ياصاحبي سلام
آمير: سلام
ناني خرجت: هو داغر رايح فين؟؟!!
آمير: رايح يعمل شغل مهم
ناني: اكيد هتوصل عروستك لبيتها
آمير بص لدعاء: شور
ناني: خليني اتصل بالشوفير يرجعني وروح انت خطيبتك
آمير: ليه تعالي معانا نوصلها الاول
ناني: ياحبيبي ورايا حاجات مهمه لازم اعملها , ومفيش وقت يله وصل انت خطيبتك وانا هتصل بالسواق
آمير: تمام زي ماتحبي
ناني: الاول تعالوا ندخل القسم هنا فيه حاجات حلوه اوي
…………قصص منه محمد كاتب…..
آمير ركن العربيه ع جنب واخد دعاء من ايدها وقعدوا ع صخره قدام البحر
آمير بصلها: اظن ارتباطنا ببعض كانت الامور صعبه
دعاء: هي كانت مستحيلة,انت عارف احنا محافظين ازاي
آمير: عارف بس انا كنت واثق بحبي الكبير الصادق اني هوصلك ’ وانتي
دعاء: انا مؤمنه بحبك , لكن رفض ابيه معمر خلاني يئست تماما
آمير: بس لو الحب حقيقي اي صعب بيزول والطريق بيوضح وبيبقي اسهل
دعاء: قولي انت قولت ايه لـ ابيه معمر لحد ما اقنعته فجأه
آمير: ولا حاجه الكلام طلع من قلبي , الي بيحبك ولا يمكن يخدعك ابدا ,وهخليكي دايما مبسوطه
دعاء: للدرجه دي بتحبيني
آمير: بحبك من غير حدود ،من يوم ما شوفتك قبالى.. برجلتي حالي وبقيت مشغول بيكي ومفيش يوم الا وهلوست فيه بأسمك , ومن ساعتها قلبى بقي عاوزك لان حبك الي عيشني لانه عايش جوايا, , ومبقتش عاوز غيرك انتي ’ وانتي ايه
دعاء: اقولك ايه ان اكتر حاجه كانت مخوفاني ان حبي يكون من طرف واحد وكنت خايفه اتعذب بمشاعري واخيرا اتجرئت ،وصارحتك بمشاعري
آمير: وانا لو ماخدتكيش , كنت هحس اني معلق بين السماء والارض , زي ما يكون اترميت في صحراء كبيره من غير ميه وحبك بس الي هيروي عطشي
دعاء بصتله وابتسمت ع كلامه الي يخطف اي قلب!!!
امير : دي نفس الابتسامه الي وقعتني فيكي , دعاء انا بجد لو قولتلك انا بحبك اد ايه مش هقدر اعبر عمق حبك في قلبي وروحي
دعاء: وانا مش مصدقه ابدا ان ده حصل واني معاك اصل ابيه معمر مش بيسمع لـ اي خد غير لميسر
آمير: كان لازم اقنعه والاكنت هـ موت
دعاء شهقت: بعيد الشر
آمير ابتسم علي اسلوبها البسيط : ممكن حبيبتي تنسي كل الي حصل , خلينا نفكر في مستقبلنا الحلو الي جاي وصدقيني يا دوده هنعيش حياه جميله ما بينا
دعاء : وانا واثقه فيك
آمير مسك ايدها وهي جسمها رجف وهو حس بالرجفه واتك ع ايدها بين ايديه
……..قصص منه محمد كاتب……………
في بيت عائله امير رحاب قاعده في المرجيحه تلعب ع الموبيل بزهق!!
آمير نزل من العربيه وداخل يصفر لمحها راح قعد جنبها: القمر لسه زعلان ،ومقموص مني حتي بعد ما اعتذرتلك تحبي اضرب نفسي
رحاب قلدمت: انت مش بتحبني ابدا
امير : بحبك اكتر من اي حد في الدنيا دي كلها
رحاب : وانت لحد دلوقت مش متفق معايا
امير ضم كتافها وضمها لصدره بحنيه: ياروح قلب اخوكي هوافق ع كل الي تطلبيه مني لكن اتفقي معايا النهارده
رحاب بعدم فهم: اتفق علي ايه
امير : تفكي البلوك الي عملاه عليا
رحاب : انا مش زعلانه
امير: بس مكشره في خلقتي ع طول , وانتي عارفه لما بتزعلي لايمكن ابقي مبسوط ولا سعيد وفرحتي ناقصه من غيرك
رحاب : متحاولش تاثر ع عواطفي لكن عندي شرط
امير : موافق
رحاب : عايزه هديه وتاخدني نعمل شوبنج
امير : موافق والحساب كله عليكي
رحاب ضحكت : موافقه ان الحساب كله عليك
امير فتح كفه: اتفاقنا
رحاب ضربت كفها بكفه: اتفاقنا
امير : بس كمان تروحي معايا تشوفي مراه اخوكي
رحاب : اوكيه
امير : وعد
رحاب : وعد
امير : الحمد لله فكت البلوك
…………قصص منه محمد كاتب………………
يوم جديد في بيت عائله دعاء
داغر رحب جدا بأمير ورحاب الي داخله متكدره لشكل البيت البسيط
آمير: مساء الخير يا خالتي بهيه
بهيه قامت: اهلا يابني
آمير: عامله ايه
بهيه: انا الحمد لله
آمير: اعرفك رحاب اختي الصغيره
بهيه مدت ايده: اهلا وسهلا
رحاب بعد تردد سلمت بغرور: اهلا
بهيه اتحرجت وبصت لامير: كل الي عندك بخير
آمير: الحمد لله بيسلموا عليكم
بهيه: اتفضلوا هخش اعملكم عصير
آمير وقفها: لاء ياخالتي احنا جينا بس ندي الفستان ده لدعاء , بصراحه ماما كانت عايزه تيجي هي بنفسها بس مشغوله في التحضيرات
بهيه: فاهمه يابني ورحاب اكيد عايزه تشوف عروسه اخوها
رحاب موزعه عيونها ع البيت بقرف: طالما جيت لازم اقابلها
داغر : امير تعالي نقعد احنا بره
بهيه: تعالي هي بتصلي في اوضتها اتفضلي يابنتي
دعاء كانت بتختم الصلاه وبتلم السجاده
بهيه وهي داخله: دعاء شوفي مين جاي يشوفك
دعاء وقفت ورحاب دخلت قرفانه وعيونها ع محتوي الغرفه لحد ما دعاء قالت: رحاب معقول
رحاب بصتلها بتفاجئ: انتي
دعاء : جيتي هنا ازاي
بهيه : دعاء انتي تعرفيها
دعاء : ايوه يا ماما صاحبتي من ايام الكليه
بهيه : بجد دي اخت امير الصغيره اخت جوزك
رحاب بصدمه: هو اخويا هيتجوزك انتي مش ممكن(طلعت تمد ع بره) امير يله نمشي من هنا
آمير: حصل ايه يارحاب
داغر: هي مالها
آمير: مش عارف هروحلها عن اذنك
رحاب مشت للعربيه وهو راح وسألها: ايه الي حصل
رحاب: مفيش
آمير: لما هو مفيش ليه طلبتي اننا نمشي كدا فجأه
رحاب: انا مش كويسه
أمير: يله نروح لدكتور
رحاب بعجرفه: انا مش عايزه دكتور انا عايزه ارجع البيت
آمير بضيق من تصرفها : اوكيه اركبي
اما بهيه ودعاء وداغر مستغربين من معاملتها الشرسه واتعملت مع دعاء ع انها واحده غريبه متعرفهاش
…………..قصص منه محمد كاتب……………..
في بيت عائله امير
ناني: طلبت الجاتوه من ارقي المحلات
رياض: شور عملت زي ما طلبتي متقلقيش
ناني : انا عايزه فرح ابني برفكت
الجده : اتصلتي بالبيوتي سيتر ليكي ولرحاب
ناني : هتصل احجز بس لما تيجي رحاب
رياض شافهم داخلين قال : اهم وصلوا
ناني بتعجب: رجعتوا بسرعه يعني
أمير مط شفايفه: تعبت فجأه
الجدة: ليه كنتي كويسه لما خرجتي
ناني بستفهام: ايه الي حصل يابنتي
رحاب : مامي عايزه اتكلم معاكي
ناني قامت: تعالي فوق
رياض: هي مالها يا آمير
آمير اخد عنب اكله وقعد: ولا اعرف
ناني طلعت معاها: فيه ايه يارحاب
رحاب: يعني من كل بنات العالم ملقتيش غير البنت دي
ناني :ليه مالها دعاء محبتهاش
رحاب :مستحيل احبها , مستحيل , كانت زميلتي في الكليه بمنحه , واعرفها في اخر سنتين
ناني : ايوه فين المشكله
رحاب بتهكم وعنجهيه: المشكله اني لابحبها ولا بحب اسلوبها البيئه , روحي الغي الجوازه دي حالا
ناني بشخط: رحاب انتي جرالك ايه ازاي الغيها وفاضل ع الفرح يومين , هو هزار ,ع الاقل قوليلي سبب مقنع اعرف اتكلم
رحاب نفخت وبحده: قلت لك مش بحبها مش بطيقها وبعد ما شوفت عيشتهم دي كانت بتنافسني في الجامعه
ناني بتعنيف: الوقت ده مش وقت مناقشه, ع امور واخطاء بسيطه ،وانتي عارفه اخوكي مصر يتجوزها ’ حتي انا مش لقياه سبب مقنع للي بتقوليه , انسي الماضي ولو فيه خلاف بينك وبينها بلاش تدخليه في العلاقه الجديده
رحاب بنفعال : يعني مش مهتمه برآي
ناني بحزم قوي : انا مهتمه لكن مش عشان رغبتك ابوظ حياه ابني , ومن الافضل قفلي ع الكلام ده ويفضل بينا وبس
رحاب فضلت رايحه جايه واقسمت لتخالي حياتها جحيم وترسم دور الصديقه لحد ماتوصل لغرضها لكن واحده احده
……….قصص منه محمد كاتب……………
يوم الفرح وتحديدا في غرفه الاوتيل للفرح !!
دعاء رن موبيلها ردت بسرعه: الو
آمير: الو ياحياتي عامله ايه
دعاء: انا كويسه
آمير: انا اتصلت بيكي اطمن واشوفك محتاجه اي حاجه
دعاء: انا كويسه ربنا يخليك
آمير: قولي لو محتاجه اي حاجه اجيلك حالا
دعاء: انت بتهزر صح
آمير ضحك: لا والله ما بهزر اعملك ايه بتوحشيني كل ثانيه , وبصراحه كدا انا بتلكك عشان اشوفك اصلك وحشتيني اوي
دعاء: احنا كلها ساعتين ونشوف بعض وبكره تزهق مني
آمير: مستحيل ازهق منك انا هفضل مشتئلك , وانتي ايه
دعاء: ايه
آمير: جاوبي يا دودوه ولا هزعل منك واخاصمك
دعاء: وانا عمري ما ازعلك مني مهما حصل
آمير: وانا وعد عليا عمري ما هعمل اي حاجه تضايقك , عارفه انا النهارده اسعد يوم في حياتي وانتي
دعاء: انا كمان النهارده اسعد يوم في حياتي
آمير : انتي زي الربيع الي دخل حياتي
دعاء: بقولك لازم اجهز
آمير: اهربي اهربي يله اشوفك
دعاء: اشوفك مع السلامه
بعد ساعتين دعاء طلعت زي القمر ورغم فستانها بسيط حتي الميكب اب رقيق جدا لكن برقتها كانت ملكه …..وآمير اتجنن عليها وراح اخدها من ايد معمر وباس جبينها …..ودخلوا الاستوديو اتصوره زي الغلاف كدا …..كلها صور شقيه للذكري ……بعدها اخدها ونزل بيها ع اغنيه كتبوا كتابك لحد ما واصلوا لمكانهم المخصص
أمير وشوشها في ودنها: زي القمر
دعاء ابتسمتله بفرحه: انا حلو ه بيك
امير بغمزه: هو انا حبيتك من شويه
اما رحاب واقفه بتشرف ع البوفيه وبتراسل جمال
داغر لمحها رحلها: انتي بتعملي ايه هنا؟؟!
رحاب بصتله بستياء : وانت ليه بتسأل
داغر: عشان الكل هناك وانتي هنا قلت اسأل
رحاب بصتله بنظره مستفزه : كام مره قولت لك مش مهتمه اتكلم معاك, ليه مصر تحاول وترخم عليا ابعد عن طريقي ابعد
داغر بعد وفضل يبتسم عليها ’’ وتمت مراسم كتب الكتاب وسط فرحه العائلتين وانتهت الليله في جو جميل كله سعاده وسط دعاء ودموع من بهيه لفراق بنتها حبيبه قلبها
……
في بيت عائله آمير دخل بدعاء وقعدها واعد جنبها وهو فرحان
آمير بهمس: بحبك
دعاء بنفس الهمس: وانا بموت فيك ارتاحت
آمير: ايوه عشان طلعنا احنا الاتنين بنحب بعض
الجده: عرسانا زي القمر
ناني: الله واكبر كنت خايفه عليهم من العين والحسد
رحاب من كتر الحقد والغل قامت ماشيه
الجده: رحاب رايحه فين؟؟!!
رحاب رسمت الابتسامه المزيفه : انا تعبانه جدا هطلع استريح
الجده : يارحاب لسه جايبين عروستنا للبيت نقعد شويه ونرتاح كلنا بعدين
رحاب مسكت دماغها : معلش نناه بجد مجهده مش قادره اكمل القاعده
آمير بضيق: رحاب بليز اقعدي شويه صغيرين
رياض حس ان آمير زعل ضحك وقال: بنوتي تعالي جنب بابي
رحاب راحت تضمه: اتس اوكيه
الجده: خدي ياناني ،ادي لمرآه ابنك رز باللبن ،من ايدي
ناني: حاضر
أمير مثل الزعل: وانا ماليش
الجده ضحكتله: انت ليك الحله كلها
ناني طلعت علبه صغيره شيك وحطتها في ايد دعاء: دي هديه مني سلسله بسيطه
دعاء بأحراج : ملوش لزوم يا طنط
الجده: ده ترحاب بيسط بيكي انك بقيتي واحده مننا
رياض طلع ظرف: امير ده مني ليكم
أمير: ليه بس يا بابا ملوش لزوم معايا
رياض: معاك الدنيا بس دي هديه مني لعروستك من قلوبنا يله مد ايدك
آمير اخده: الف شكر
الجده: دعاء دي هديه ليكي خاتم بسيط يارب ذوقي يعجبك
دعاء: والله كتير بجد
آمير: مش كتير عليكي انتي الي كتيره عليا
الجده: رحاب مجبتيش هديه لدعاء
رحاب: الكل قدم اظن مفيش داعي لهديتي
آمير: انتي هديتي يارحاب ،وعشان كدا انا جبتلك هديه
رحاب اخدتها بأبتسامه واسعه: واو ثانكيو اميري
رياض: يله ياولاد قوموا ارتاحوا والصبح نحتفل
ناني: يله يا امير خد عروستك واطلعوا
رحاب: دعاء استني اكيد الفستان تقيل
ناني: ماما اكيد تعبتي يله قومي ارتاحي
الجده :فعلا من كتر الرقص تعبت
ناني بضحكه: يله هاخدك اوضتك
اما في غرفه آمير ودعاء الي دخل بصلها ولسه هيقرب منها سمع صوت صريخ جاي من تحت
استوب ياتري مين الي صرخ وليه صرخ ؟؟؟ انتظروني ومن هنا نبدء الاحداث الغير متوقعه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
