رواية حب لا ينتهي الفصل التاسع عشر 19 بقلم زينب رشدي
رواية حب لا ينتهي الجزء التاسع عشر
رواية حب لا ينتهي البارت التاسع عشر
رواية حب لا ينتهي الحلقة التاسعة عشر
عمر: ما تنطق اخربيت برودك
سيف بتوتر: الولد هرب
ساره بصدمه: انت تقصد مين
حبيب: هرب ازاى ي سيف
سيف: ي عم هو يدوبك اتحكم عليه ودخل الحمام وبعدين اختفى
عمر بغضب: اختفى ازاى ازاى يهرب يعنى
محمد: جماعه اهدوا اكيد هنلاقوا ويتحبس
ساره بدموع: عن اذنكم
حبيب بحزن على بنته: لا حول ولاقوة الابالله العلي العظيم
انا داخل اوضتى البيت بيتكم عن اذنكم
عمر: تعال ي سيف ي حبيبي
سيف باستغراب: ده من امتى ده
عمر انقضي عليه بغضب وفضل يضرب فيه وسيف يقاموا لحد ما محمد بعده عنه
عمر: سبني عليه بقا ياللى ماعندك دم داخل تهزر وتنحنح في وقت زي ده
محمد: خلاص ي عمر اهدى
منى: عمر سيف في اي
سيف: ابنك عايز يموتنى
منى: طيب اتخرسوا وشوفوا ساره اللى نزلت معرفش راحت فين
عمر بقلق: يعنى اي نزلت
سلوى بقلق: معرفش نزلت وانا خايفة عليها
محمد: اهدى ي حبيبتي خير
عمر: لا المراره ي ربى مش كفايه واحد بعتلى محمد كمان
سيف: انا عارف راحت فين انا هنزل اشوفها
عمر: هاجى معاك
سيف مسكه واعطها ل محمد
سيف: انت مبقتش غريب اتحفظ على ده وهردهالك فى الافراح لان عمر بالنسباله ساره وسلوى مراتته مش اخواته
محمد مسكه جامد: انجوى انت
عمر بغضب: ولااا سبني
سيف بعتله بوسه في الهواء: بون وى
نزل سيف بسرعه وراح على الكورنيش وشاف بنت واقف في مكان لوحدها واتاكد انها هي راح ليها وسمع صوت عياطها ومحبش يضايقها وفضل واقف لحد ما خلصت
سيف قعد جنبها: بينى وبينك عندك حق
ساره باستغراب: حق في اي وانت عرفت مكانى ازاى
سيف: انتى جزء مني ي ساره وبعرف لما تضايقى هتروحى فين اما بقا حق في اي انا بصراحه لو بدالك هسيب البيت لعمر الخنيق ده واقعد هنا في الهدوء
ساره: اخويا خنيق
سيف: ايووه دي خنيق قليله عليه بس احسن محمد هياخد من رخامته شويه وهيبعد عنى
ساره: طب اسكت بقا ومتقولش عليه كده
سيف بابتسامة: انا بغير منه علي فكره
ساره: ي سلاام
سيف: اااه والله ومن زمان حبيبتى انا وانتى من يوم ما اتخطبنا مقعندناش لوحدنا ولا اتكلمنا في موبايل الا وهو معانا بيخاف عليكى اوووى
سارة: عمر ده ابويا مش اخويا كل اسرارى معا بس للاسف خزلته
سيف: انتى عمرك ما خزلتى حد مننا وبس كلام في الموضوع ده وقوليلى هنتجوز امتى
ساره بصدمه: نتجوز
سيف: اااه انا قولتلك بعد المحاكمه بيوم هنتجوز
ساره: مش هينفع ي سيف
سيف: ي ساره ي حبيبتي اف….
قاطعته سارة: انا عايزه امشي
سيف بياس: زي ما تحبى يلا اوصلك
روحت ساره البيت ودخلت اوضتها وكان عمر مستنيها
عمر بضيق: لسه بدرى
ساره حضنته وبكت: انا هرتاح امتى
عمر بيملس علي شعرها: انسي ي حبيبتي والله هيحلها ربنا من عنده وهتعيشى مع سيف وهتتحكى على الايام دي بعدين
ساره: انتوا ازاى عايزين اتجوز واعيش حياتى بعد اللى حصل
عمر: ومتعشيش ليه انتى انضف واطهر بنت شوفتها وكل اللى حصل ده بسبب برائتك ونقائك وهتجوزى ي ساره
ساره: لا ي عمر
عمر غير الموضوع: صحيح مديرك كذا مره حاول يتواصل معاكى ومحمد بيقولى ان زعلان انك مهمله الشغل
ساره غمضت عينها: عايزه انام
عمر باستسلام: نامى ي حبيبتي
تاني يوم صحيت متاخر على خبط على الباب كانت الساعه تسعه استغربت ان نمت كل ده
عمر: اي ي حبيبتي كل ده نوم
ساره: معرفش نومت ازاى كل ده
عمر: طيب غيرى بسرعه مديرك برا عايزك هو ومحمد
ساره باستغراب: مستر عز اي اللى جابه
عمر: ي بنتى اخلصى البسي
خرجت ليهم وانا مستغربه من نزلته ل مصر
ساره: مستر عز ازى حضرتك
عز: انا كنت جاي اشوف سبب لتقصيرك لشغل بس حالتك اللى قدامى جاوبت
ساره: انا متاسفه على تقصيرى بس حضرتك عارف الظروف
عز: ماشي ي ساره انا قبلت عزرك انا هنا بقالى اسبوع بشتغل مكانك ومحمد طبعا بيشتغل بدالك بس انا عايزك تنزلي عشان انا مينفعش افضل هنا كتير
ساره: ايوه بس
عز: مفيش بس انتى عارفه انا مسكتك الشركه ليه عشان كفائتك وعارف الشركه هتبقى ايه لما تمسكيها
ساره: انا عارفه بس….
عز: مبسش معاكى يومين تكونى فى الشركه وتجيلى تقارير منك عن اذنك
خرج محمد ومستر عز وانا واقفه مكانى مش عارفه اصرف ازاى
منى: ممكن اقولك رأي بدل ما انتى مشوشه
ساره بتنهيده: ياريت
منى خدتها في حضنها: بصي ي حبيبتى الحياه ياما ما بتعلم وبناخد منها تجارب واللى حصل حصل ومنقدرش نغيره بس نقدر نغير اللى جاي انزلى شغلك واجتهدى فيه وارجعى ل سيف ورجعى ابتسامتك تانى احنا كلنا واثقين فيكى وعارفين ان غصب عنك واهو ربنا رجع حقك
ساره: عيزانى ارجع ازاى بس ي ماما انا لما بنزل بحس الناس عارفين كل حاجه وبيضحكوا عليا
منى بحب: يضحكوا علي اي ي هبله هو انتى عملتى اي يعنى ثم ي ستى الموضوع خلص ومن غير ما حد يعرف
عمر بصوت عالي: ساره سااااره
ساره بقلق: في اي
عمر: ديما بتتصل ردى بسرعه
ساره:طيب عن اذنكم
عمر: لا مستحيل ردى هنا
منى: انا داخله اوضتى ربنا يهديكم
عمر: ردى بقا
ساره: الووو
ساره: الوووو
مروان: ساره ازيك
ساره بابتسامة:مروان وحشتنى خالص
عمر بغضب: مين ده وبيرد على تلفون ديما ليه
مروان بمشاكسه: انا حبيبها انت بقا مين
عمر: حبيب مين بالظبط
مروان:كنت حبيب ديما ولما شوفت ساره حبتها ولما سافرت اضطريت احب ديما تانى
ديما:المفروض يسموك احمد مش مروان
عمر: طيب مين الاستاذ اللى بيحب فيكم ده
مروان:انا المفروض اسال مش انت
ديما: مروان ده اخو ساره يلا ادخل نام انت عايزه اتكلم مع ساره شويه
مروان: اوكى بون وى
عمر بعدم فهم: هااا
ساره: اخوها ي عمر كفايه بقا
ديما: اخبارك ي ساره
ساره: يعني مش احسن حاجه عايزه اخد رايك عز جااه عشان ارجع الشغل وانا مش قادره دلوقتي وكمان سيف كل شويه يفتح موضوع الجواز
ديما: ي بت انتى عبيطه انا قولتلك ميه مره انتى مش اقل من حد انتى احسن من كل الناس اللى حصل مش ذنبك ثم لو واحده غيرك ولا عايشه في عيله غير اللى انتى فيها كان زمانك حالتك مدهوره او مكنوش فهموكى بس انتى غير انتى كفحتي واتقدمتى في شغلك بقيتى محبوبه عند الكل
ساره: نفس راي عمر وماما طيب يعنى اوافق
ديما: انتى هبله صح اكيد توافقى انا لو حد حبنى زي سيف والله هوافق من غير تفكير
عمر بابتسامة: يعنى لو بيحبك نفس حب سيف هتوافقى عليه
ديما: اكيد من غير تفكير ايه اهم من الحب والاهتمام في حيات البنت
ساره: يعنى اوافق ولا اتقل ولا ارفض خالص
ديما بزعيق: واااااافقى
عمر بخضه: ده انتى اللى هيحبك هيهرب لما يسمع صوتك
ديما بثقه: اللى يحبنى يحبنى كلى على بعضى يعرف كل تقلباتى ده انا ديما
عمر: ي لهوى على التكبر
ديما: ده مش تكبر دي ثقه ايه مش من حقى
عمر: لا طبعا حققك
ديما: ايوه كده
عمر: مش هتيجى مصر يومين
ديما: للاسف الورق لسه ما خلصش بس قريب إن شاءلله
عمر: هتوحشينا لحد ما نشوفك
ديما: وانتوا كمان انا اعتبرتكم زي اهلي بالظبط
عمر: وانتى كمان غاليه عندى اوى
ساره: احم اجبلكم اتنين لمون
ديما بخجل: احم انا هقفل اشوف مروان بااااى
عمر: عحبك كده
ساره بخبث: ايه النظام
عمر: احم انا هروح أنام بكره معايا شغل بااااى
دخلت اوضتى فضلت اقرا قران لحد الفجر وصليت وقفلت التلفون ونمت وبعد كام ساعه صحيت على خبط على الباب قومت بتثاقل وفتحت وكانت سلوى
ساره بنوم: في اي على الصبح
سلوى: يعنى قفلتى التلفون وقولنا ماشي وكمان الاوضه ليه عايشه في غابه
ساره: سلوى انجزى قولى عايزه اي
سلوى: خدي محمد وسيف قالبين الدنيا عنك
ساره: الوووو
محمد: نلف الدنيا كلها عشان نوصلك يعنى
ساره بضيق: قول عايز اي لان بدات اتعب وعايزه انام
سيف: ي حبيبي مستر عز حطك في الامر الواقع وفي اجتماع بعد ساعه ولازم تحضرى
ساره: مش هقدر احضر انا مش جاهزة
محمد: متخفيش تعالى واحنا هنساعدك
سيف: يلا ي حبيبتى حضرى نفسك وتعالى بسرعه
ساره: طيب سلاام
سلوى: هستناكى برا ننزل سوا
وفي الشركه عند محمد وسيف بيحضروا للاجتماع
سيف: صحيح انتوا قررتوا معاد الخطوبة امتى
محمد: هتكلم مع عمو حبيب النهارده
سيف بتخطيط: طب اسمعنى بقا……..
محمد بصدمه: بتهزر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب لا ينتهي)
