رواية وعد الفصل الخامس 5 بقلم حمادة هيكل
رواية وعد الجزء الخامس
رواية وعد البارت الخامس
رواية وعد الحلقة الخامسة
في ايد اتمدت ع الاوكره وبتحاول تفتح الباب
ساعتها قلبي اتنفض وبقيت برجف
الباب اتفتح وفي حد دخل
وقفل الباب وراه بهدوء
خطواته بتقرب مني
عقلي بيفكر..اعمل ايه
اصرخ ولا اجري ولا استنى مكاني
بس هو ممكن يأذيني ؟
بس هو مين ؟
مفيش غيره ..اكيد عمي؟
فهم اني كشفته من الجرح وجاي يخلص عليا
ريقي نشف وخطواته بتقرب مني
وبعدها شفت ضل أيده بتقرب مني
صرخت …وبعدها لقيت جدو
بيقولي بسم الله الرحمن الرحيم ..مالك يا بنتي بس
بلعت ريقي وولعت نور الاباجوره اللي جنبي
جدو!!
ايوه جدو ..اهدي واستعيذي بالله من الشيطان الرجيم
انا مش عارفه مالي ..
اهدي بس كدا ..واشربي المياه
ناولني كباية وشربت وقعد جنبي طبطب عليا
وقالي فيكي ايه بس يا بنت الغالي
انا كنت جاي اطمن عليكي
مش عارفه يا جدو ..مش عارفه مالي
ليه بس احكيلي
لسه هتكلم ..الفجر أذن
الله اكبر الله اكبر..طيب قومي اتوضي وصلي
وانا هنزل اصلي في الجامع ونكمل كلامنا بعدين
قمت صليت ودعيت ربنا يدلني وينور طريقي
لما رجع جدو قعدنا شوية وبعدها حضرت فطار و فطرت معاه وفضلنا نتكلم شويه
بس محبتش احكيله شكي في عمي لأن الموضوع مش سهل
وكون أن في خربشه في أيده دا مش دليل ..انا كدا ممكن اهدم الدنيا ..وفي نفس الوقت في تحقيقات شغاله ع الموضوع واكيد هيوصلوا للجاني
فات كام يوم وبعدها حصلت حاجه غريبة
لقيت رساله جاتلي ع الواتس
مكتوب فيها انا عرفت اللي قتل جدتك
انصدمت لما شوفتها
سألته بسرعه
انت مين ؟
مش مهم انا مين
السؤال الأهم مين القا تل
بلعت ريقي وسكت شويه
وسألته
هو مين ؟
عاوز 200000 الف جنيه عشان أقولك
اتصلت ع رقمه كان مغلق
بالليل وانا قاعده وبفكر في اللي حصل
ومستنيه منه رساله او اتصال
لقيت صوت خبط على باب اوضتي
مين ؟
محدش رد
الخبط رجع من تاني
نزلت من سريري ومشيت بخطوات مهزوزه
وحطيت ايدي ع المفتاح وقربت ودني ع الباب
مين بيخبط ؟
مفيش رد
وبعدها لقيت جواب دخل من تحت عقب الباب
نزلت مسكته وفتحته …
انزلي تحت في الجنينه دلوقت حالا
كانت الساعه ٢ صباحا ..خوفت واترددت
رسالة واتس وبعدها جواب ..انا بقيت متلخبطه وخايفه
ومش عارفه اعمل ايه
مكنش قدامي غير اني البس الروب وانزل
ومشيت في جنينة البيت ..وفي صدى صوت ل علي بيقولي روحي ناحية البير المهجوره..
دي البير اللي لقينا جثة علي فيها بعد يومين من الاختفاء
لما كنا بنلعب استغمايه من ٢٠ سنه
حسيت بنبضات قلبي زادت والعرق ملى جبيني
وانا بتحسس الطريق ف الضلمه ..ناحية البير
خايفه ومرعوبه ..بس صوت علي مطمني شويه
وقفت عند البير ..وصوت علي اختفى
صوت نباح الكلاب والصراصير هو بس اللي بسمعه
دلوقت ..في احساس غريب اتملكني
سمعت زي صوت بينده عليا جايه من اعماق البير
بس بعيد اوي
يا وعد..
وعد
قربت اكتر من الصوت
وميلت جسمي عند حافة البير
عشان اسمع كويس
انا جدتك يا وعد
انصدمت وانا بقول تيته !!
لازم تجبيلي حقي يا وعد
من مين
لازم يا وعد
مين اللي عمل كدا يا تيته ؟
حسيت بشخص واقف في ضهري ..قرب مني وقال
انا يا بنت الغالي
بيبص لقيت جدو في ضهري
وقبل ما افوق من الصدمه راح دفعني من كتفي ووقعت جوه البير …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وعد)
