رواية أحفاد البارون الفصل الثامن والعشرون 28 بقلم إيمان جمال
رواية أحفاد البارون الجزء الثامن والعشرون
رواية أحفاد البارون البارت الثامن والعشرون
رواية أحفاد البارون الحلقة الثامنة والعشرون
فريدة ضربت أكمل بالقلم: اخرس، انا مش هسمحلك تقل في ادبك
أكمل بصلها وخرج وسابهم
فهد لعمته: انا عارف انه غلطان في حقك بس دي أول مرة ايدك تترفع عليه
فريدة بدموع: عارفة يافهد بس ما استحملتش يقولي الكلام دا يعني هو عمل كدا أمال ابويا هيعمل ايه
فهد ابتسم: جدي قال لو حضرتك موافقة هو موافق
فريدة بفرحة: بجد؟
فهد: ايوا ياعمتو
فهد خلص كلام مع عمته وسابها وخرج وراح جناحه مع ليل وداخل مرهق جداً
ليل: حصل إيه أنا سامعة صوت اكمل عالي
فهد قعد: رافض الموضوع نهائي
ليل: ماهو أكيد مش هيوافق بالسهولة دي يافهد
فهد: عارف بس ماكنتش اتوقع ردة فعله دي، لأنه قال كلام ماينفعش يتقال لأمه
ليل: طب حاول تتكلم معاه تاني
فهد: هو خرج معرفش راح فين لما يبقى يرجع هتكلم معاه تاني
ليل: طب اعملك تاكل؟
فهد ابتسم: لا ياقلبي انا مش جعان انا بس محتاج فنجان قهوة
ليل: هنزل اعمله أنا
فهد مسك ايديها وقعدها جمبه: مش عاوزك تدخلي المطبخ ممكن
ليل: ياحبيبي وفيها ايه ماهي طنط فريدة طول اليوم فيه مع الخدم
فهد: بس انا مش عاوز مراتي تتعب نفسها وخصوصا انك حامل
ليل: بمناسبة الحمل بقى هتيجي معايا معاد الدكتورة النهاردة؟
فهد: يعني تفتكري الفهد يضيع حاجة ذي دي
ليل ضحكت: لا طبعاً
فهد: وخصوصا اننا النهاردة هنعرف نوعهم إيه
ليل بحماس: أيوا
اكمل بعد ماخرج من القصر راح عند سارة وناجي وضرب الجرس وناجي فتحله وهو دخل من غير اي كلام ولا سلام
سارة خرجت من الاوضة وشافته وباين عليه انه متعصب ومضايق: في ايه مالك؟
أكمل: مافيش ياسارة
ناجي قعد قصاده: انت عرفت؟
اكمل بإستغراب: انت كنت عارف؟
ناجي بهدوء: أيوا يا أكمل أنا كنت مع فهد لما مصطفى قاله
اكمل: اللي مضايقني ومعصبني انها موافقة
ناجي: وفيها إيه يا أكمل؟
أكمل بإستغراب: هو انت كمان موافق يا ناجي؟!
ناجي: ايوا يا اكمل لانها موافقة
سارة بعصبية: دا جنان
اكمل بغضب: على جثتي ان دا يحصل ياناجي
ناجي بصلهم بغضب: هو في إيه مالكم، فيها ايه لما تعيش اللي باقي من عمرها مع انسان بيحبها وهي كمان بتحبه ليه تفكيركم دا
اكمل وقف: انا غلطان ان جيت اصلا
ناجي قعده تاني بعنف: ماتتنيل كدا واقعد خلينا نوصل لحل
أكمل: لا ياناجي مافيش حل انا قولتلها لو هي موافقة على إن دا يحصل تنسى إن لها ولاد أصلا
سارة: بس انا مش هقدر يا اكمل ابعد عن امي او ابعدها عني
اكمل: انتي حرة ياسارة بس والله لو دا حصل صدقيني أنا عاوزها تنسى إن عندها ابن اسمه أكمل
ناجي: انا بجد مستغربك انت ازاي هتقبل انك تختفي من حياتها
اكمل: انا اللي مستغربك يا ناجي ازاي موافق هي لو كانت مامتك في الموقف دا كنت وافقت؟
ناجي: ايوا يا اكمل وصدقني كنت هكون فرحان ليها ومبسوط كمان لانها مكانتش هتعمل حاجة لا هي عيب ولا حرام
أكمل: انا بقى مش هكون مبسوط ولا فرحان
ناجي: براحتك يا أكمل
أكمل بصلهم: بقولكم هو أنا ممكن اقعد هنا؟
ناجي ضحك: دا على أساس اني هقولك لا عشان تستأذن
أكمل ابتسم: متشكر ياناجي أنا فعلاً محتاج ابعد عن القصر يومين وانا هبقى أعرف ملك اني هنا
سارة: ماشي ياحبيبي انا هحضرلك الأوضة اللي هتقعد فيها
ناجي سابهم وخرج البلكونة وكلم فهد
فهد: أيوا ياناجي
ناجي: اكمل هنا
فهد: طب حلو اوي انا هجيلكم بالليل
ناجي: تنورنا
ناجي قفل مع فهد وبيبص وراه شاف أكمل واتخض
اكمل: طبعاً عرفته إني هنا
ناجي: لازم يطمن انك عندنا يا أكمل
أكمل: ماشي ياناجي
في المساء فهد وليل راحوا للدكتورة وجه معاد معرفة نوع التوأم ومتحمسين جداً
فهد للدكتورة: نوعهم إيه؟
الدكتورة: انتوا عاوزين إيه؟
ليل ابتسمت: مش هيفرق معايا والله اهم حاجة يكونوا كويسين ويطلعوا لباباهم
الدكتورة بصت لفهد: وانت يا استاذ فهد
فهد ابتسم ومسك ايدين ليل وباسها: بنات عشان يكونوا ذي مامتهم
الدكتورة ابتسمت: أحب افرحكم واقولكم انهم ولدين
ليل بفرحة: بجد؟
الدكتورة: أيوا بس بجد حضرتك فرحانة؟
ليل: جداً
فهد فرحان أوي انهم ولاد هو كان نفسه في كدا بس قال بنات عشان خاطر ليل، فهد بص للدكتورة: هما كويسين؟
الدكتورة: الحمدلله بس ذي ماقولت الراحة ثم الراحة لان دا مش واحد دول اتنين
ليل بفرحة: طبعاً دول ولاد الفهد
فهد ضحك: انا مش مطمن
فريدة قاعدة في اوضتها زعلانة من اللي حصل وقامت راحت لجناح أبوها وخبطت ودخلت وصباح كانت عنده عشان الدواء
فريدة لصباح: انزلي انتي ياصباح وانا هديله الدواء
صباح خرجت وفريدة اخدت الدواء عشان ابوها ياخده وكل دا وهو ساكت لأنه كان عارف ومتأكد إنها هتيجي تتكلم معاه
البارون: انا سامعك اتكلمي
فريدة قعدت قصاده واتكلمت: انا اتفاجئت لما فهد قالي ان حضرتك هتوافق لو انا موافقة
البارون بهدوء: اتفاجئتي ليه مش دا اللي انتي عاوزاه؟
فريدة: بس ازاي وحضرتك رفضته زمان
البارون: بصي يابنتي انا زمان رفضت عشان خاطر اخوه وابوه دا السبب الوحيد لرفضي له وأنا عارف إنه مش ذي أخوه ولو انتي موافقة فأنا هكون موافق وصدقيني هكون راضي بده جدا
فريدة فرحت جداً: بجد يابابا؟
البارون إبتسم: أيوا ياروح بابا
أبوها حضنها وهي كانت فرحانة بس لسة قرار إبنها وبنتها
فهد وصل ليل القصر وراح لشقة ناجي عشان يتكلم مع أكمل وسارة عشان يوصلوا لحل بدل القلق دا واول ماوصل اكمل دخل جري على الأوضة وناجي بيضحك عليه
فهد: هو فين؟
ناجي ضحك: دخل جري اول ما انت وصلت
فهد ضحك غصب عنه ودخل لأكمل الأوضة
فهد واقف مربع إيديه: هو إنت فاكر إنك هتقدر تهرب مني يا أكمل
اكمل بهدوء: فهد أنا مش عاوز حد يضغط عليا إلا فعلاً مش موافق خالص
فهد: بس جدك موافق
أكمل بعصبية: ان شالله لو ابويا طلع من قبره ووافق أنا باردوا مش موافق يافهد
فهد غصب عنه ضحك على رد أكمل: يخربيت عقلك دا على أساس إن ابوك لو صحي من موته هيوافق إن امك تتجوز
أكمل: اهو انت بنفسك قولت أهو فأنا بقى مش هوافق على حاجة أبويا مش هيكون مرتاح في قبره بسببها
فهد: يعني انت تكره إن أمك تعيش اللي باقي من عمرها سعيدة ومع الانسان اللي هي عاوزاه
سارة هنا دخلت وقعدت معاهم: بس احنا مش هنقبل إن حد يكون مكان أبونا يافهد
فهد: وانتوا ليه عاوزين توجعوا قلبها وتحرموها من إنها تتحرم من الانسان اللي فضل طول عمره يحبها ومقدرش يتجوز غيرها
أكمل: صدقني مش قادر يافهد
فهد: فكر يا أكمل من هنا لبكرة وأنا متأكد إنك هتقدر توصل للقرار الصح ويارب يكون هو نفس القرار اللي مامتك عاوزاه
فهد سابهم وخرج بارة الأوضة وقعد شوية مع ناجي وبعد كدا نزل واخد عربيته وقرر يروح يشتري بوكيه ورد لونه أحمر لليل بمناسبة انهم عرفوا جنس المولود وهو كان فرحان أوي إنه أول ولاده هيكونوا ولاد وأول ماوصل كانت عمته مستنياه عشان تعرف إيه آخر الأخبار بس هو طمنها وقالها إن شاء الله خير وسابها وطلع لليل، اللي كانت قاعدة مستنياه وجريت عليه اول مادخل من الباب وهو حضنها
فهد: وحشتيني
ليل: وانت كمان، اتأخرت ليه؟
فهد كان مخبي بوكيه الورد ورا ضهره وقدمه ليها: كنت بجيب ده لأجمل زوجة في الدنيا
ليل فرحت بيه جداً: بحبك أوي يافهد
فهد قرب منها وباسها برقة وشوق وحب وليل اتجاوبت معاه لدرجة ان بوكيه الورد وقع على الأرض😂
تاني يوم الصبح، ادهم قرر إنه ياخد أجازة شوية من الشغل لأنه مش عارف يفوق لشغله الفترة دي، وآيه عاوزة تتكلم معاه بس هو للأسف مش قابل دا خالص بسبب اللي هي عملته وبعد شوية أدهم سمع صوت زغاريد جايا من تحت ونزل بسرعة وآيه كمان
أدهم: في إيه ياعمتو؟
فريدة حاضنة ملك: ملوكة حامل
ادهم هنا بص لآيه بحزن وكأنه بيقولها مش كان زمانك ذيها دلوقتي وهي باردوا بتبصله بحزن
ادهم بص لعمته ولملك: مبروك يالوكا بس ياترى الاستاذ عرف ولا لسة؟
ملك ضحكت: أنهي واحد؟
ادهم ابتسم: اقصد أكمل لكن بالنسبة للباشا فهد لما يبقى يصحى بقى ابقي عرفيه
ادهم بص لعمته: انا مصدع أوي وعاوز فنجان قهوة وانا خارج الجنينة
فريدة: ماشي ياحبيبي
ادهم خرج وفريدة صممت إن آيه هي اللي تخرج بالقهوة وآيه وافقت لأنها عاوزة تصالحه بأي طريقة
ادهم كان قاعد عند ماكس وكان حاسس إن آيه هي اللي هتيجي بالقهوة وإبتسم أول ماحس بيها بس باردوا دور وشه بعيد عنها واتكلم بغضب: إنتي جيتي ليه؟
آيه بهدوء: جيت اجيبلك القهوة
أدهم بعصبية: وأنا مش عاوز منك حاجة
آيه دموعها نزلت واتكلمت بحزن: عشان خاطري سامحني بقى أنا عارفة إني غلطانة بس والله انا عملت كدا عشان الكلية
ادهم بعصبية وصوت عالي: وأنا فين من دا كله ليه عاوزة تبقي انانية ليه؟
آيه بأنهيار: إنت كدا اللي عاوز تكون أناني عشان فكرت إنك تكون أب على حساب دراستي ومش هقدر أتحمل مسئولية كل دا
أدهم: يعني انتي شايفة اني أخلف منك دي أنانية وجاي عليكي وعلى دراستك؟
آيه سكتت ومعرفتش ترد وأدهم قرب منها ومسك دراعها بعنف: ردي عليا انتي بجد شايفاني أناني أوي كدا
آيه باردوا ساكتة وللأسف بسكوتها دا اتفهم غلط عند أدهم
ادهم بهدوء: تمام يا آيه انا هعفيكي من المسئولية دي وآسف إني كنت أناني في نظرك
_____________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد البارون)
