رواية مملكة ميراث العشق الفصل الحادي والعشرون 21 بقلم مريم نصار
رواية مملكة ميراث العشق الجزء الحادي والعشرون
رواية مملكة ميراث العشق البارت الحادي والعشرون
رواية مملكة ميراث العشق الحلقة الحادية والعشرون
Автор: Меріам Насар
فيلا زياد جمال..
ياسين : شايل محمود.. إللي عمال يعيط..
همس : شايله حمزه..وبيعيط هو كمان..
ياسين : بحيره..بس يامحمود..بس ياحبيبى الله يهديك..نام شويه..
همس : بتعب.. أنا خلاص ماشيه أنام على نفسي.. محمود و حمزه لو مناموش دلوقتي.. انا هتبرا منهم..
ياسين : بتكشيره..تتبري منهم عشان مش عايزين يناموا.؟ وكمان إحنا الضهر..هو النوم بالعافيه؟
همس : بنفاذ صبر.. ااه بالعافية.. الولاد اكلين ولبسهم نضيف..والبيت هادي..ناقصهم إيه بقى عشان ميناموش؟ دول مبيناموش ساعه متواصله.. أنا وماما مليكة طول الليل رايحين جايين عليهم..وهما مفيش دم خالص.. بجد زعلانه منهم جداً..
ياسين : كتم الضحكه.. أحم..معلش يا حبيبتي.. دول زي ولادك برضه..وبيدلعوا عليكي .
همس : اها.. أنت بتتريق يسي ياسين؟ طيب ايه رايك..لو انا أنام.. وأنت تاخد مكاني..ولما يجي الليل تسهر بقى مع ولادك..؟
ياسين : بضحكه.. ياحبيبتى انا بهزر معاكي.. وبعدين ما أنا معنديش شغل انهردا..وقاعد معاكي أهو.. وشوفتي..محمود أول مابيسمع صوت همستي بيسكت..
همس : يخلاثي انا ياناس حبيب مامي ياروحي.. وشوفت حمزه.. مركز معانا في الحوار.. إيه يابسبوسه أنت..يخلاثي ع القمر.. تتاكلي يابيضه أنتي..
ياسين : كشر عينيه بعدم فهم.وقال.. بيضه انتي؟ الكلام ده لحمزة ابني؟
همس : أمم وابني عشان متنساش بس.. وبليز بقى حاول مع محمود ينام..هموت وأشرب قهوتي..مبقتش قادره..هنام وانا واقفه..
ياسين : ههههه. ماشي ياحبيبتى. أنا هسيب محمود جمبك هنا..وهنزل جري.اعملك أجمل فنجال قهوه.. وحط محمود جمبها ع السرير..وخرج بسرعه..
همس : بغيظ..ياسسسين…ياسين خد هنا أنت بتتهرب ع فكره..ودي مش أخلاق ظباط أبدا.. ياسسسيين..
ياسين : نازل ع السلم..بيضحك..وقال.. الجري نص الجدعنه.. بجد الله يكون ف عون الستات.. ودخل المطبخ وقال.. لو سمحتي ياداده..قهوة همس بسرعه..
الداده : حالا هعملها..
ياسين : متشكر..هي ماما مشيت مع بابا ولا لسه؟
الداده : أيوه مشيو من شوية..تحب اعمل لحضرتك أي حاجه؟
ياسين : لأ متشكر..
وبعد لحظات..ياسين أخد القهوه. وطالع بيها.. وقال بتعجب..مفيش صوت لهمس والولاد ليه لتكون حدفتهم من البلكونه.مجنونه وتعملها؟
ودخل الجناح.. وأبتسم على شكل همس..اللي نايمه جمب محمود وحمزه.. وكأنها نايمه ف ثبات عميق..
ياسين : حط القهوة ع الكمود.. وشد عليها الغطا..وباس جبينها.. وبص ع ولاده.. وحمد ربنا على أجمل همس و ذريه في الدنيا..
–
—————–بقلمي مريم نصار..
في المستشفى..
تيم : قاطعها بزهول وفرحه..وقال..حامل..!!!
ميرو : أنتبهت للكلمه..وبصت لتيم.!!
تيم : باصص لورقة التحليل وقال بفرحه.حامل..مريم أنتي حامل..!!!
ميرو : فتحت عينيها بزهول..وقلبها دق بقوه كبيره..وقالت برجفه وفرحه ولخبطه..ت…تيم أنت بتقول ايه؟
نرمين : ضحكت…وقالت..وده اللي خلاني أجيب ليكم التحليل بنفسي.. ألف مبروك ياميرو..الف مبروك ياتيم..
تيم : افتكر كامليا..لكن قال لنفسه..مش حتة حيوانه زي دي هتأثر على فرحتي..هي أكيد هتتعاقب. أنا لازم أعيش مريم الفرحه الكبيره دي..!!! وبص ل ميرو..
ميرو : هزت راسها بعدم تصديق..
تيم : ضحك بسعاده..وقال مريم أنتي حامل..!! وحضنها بفرحه كبيره..
ميرو : همست في حضنه..حامل..!! واستوعبت الخبر.. وقالت..انا بجد حامل؟ وحضنت تيم..وعيطت..وفضلت تقول بهمس حامل.. أنا حامل..
نرمين : شافت فرحتهم..وابتسمت.. وانسحبت بهدوء..وخرجت وقفلت الباب..
تيم : بفرحه كبيره ولخبطه..اسمعي.. أنتي متعمليش أي حاجه..هجبلك شغاله خاصه..ولا أقولك أنا. أنا اللي هعمل كل حاجه..
بصي أنتي بس استريحي..وا…
ميرو : حست بإحساس جميل جدا..وفرحه مضاعفه..وقالت..بابا آدم..وماما مريم.. ومامي وماما نور. والعيله..
تيم : بلخبطه..اء.. أيوه.ورينو.. رينو هتفرح أوي. وتيما. بصي لازم نبلغهم الخبر ده..
ميرو : ضحكت بدموع..لازم اشوف رد فعل. ماما نور.. وكمان بابا آدم. أنا عايزه أرجع على البيت دلوقتي..ممكن؟
تيم : بفرحه..طيب ثواني أشوف ماما فين دلوقتي؟ وضحك بسعاده..وباسها من خدها.. ألف مبروك ياروحي..
ميرو : غمضت عينيها وبتحمد ربنا في قلبها.. وقالت لتيم..الله يبارك فيك ياحبيبى..
بعد لحظات. تيم أتصل علي نور وطلب منها تروح على الفيلا مع أبوه.. لأمر مهم.. وطلب دكتورة متخصصة..وكشفت على ميرو..وحامل في شهر ونص..!!!
و بعد كدا ساعد ميرو.. وخارجين من المستشفى..
ممرض لمح تيم.. وجري عليه دكتور تيم..لحظه لو سمحت..
تيم : شافه..ونفخ بخنقه..وقال لمريم.. خليكي هنا ثواني وراجعلك.. وقابل الممرض..وشدو على جمب..وقال بخنقه. في إيه؟
الممرض : انا اسف يادكتور..لكن الحاله إللي حضرتك حولتها لقسم الحروق..
تيم : ياريت تقولي أنها ماتت..!!!
الممرض : بتوتر.. لأ هي عايشه.لكن وشها محروق بطريقه بشعه..وحروق في جسمها في مناطق متفرقة.. ورجليها وايديها.. والدكتور زوهير.. زي ما حضرتك عارف..سافر انهاردة الصبح..!!
تيم : بعدم إهتمام..ابعتوا لأهلها..وهما هيتصرفوا معاها.. واسمع مش عايز حد يسألني عن الحاله دي .انت فاهم..
وأول ما عيلتها تيجي هنا..يستلموا الحاله ويعالجوها في أي مكان غير هنا.. الحاله دي مرفوضه في المستشفى كلها..
وسابه ومشي..ومخنوق جدآ.. لكن لما قرب عند ميرو.. أبتسم بحب كبير..ومسك أيدها. وخرج بيها من المستشفى..
ميرو : بإبتسامة.الممرض كان عايز حاجه مهمه ياحبيبى؟
تيم : بضحكه..أبدا ياروحي..متشغليش نفسك بحاجات تافهه..المهم بس انا عايزك تهتمي بنفسك. اوكي..
وفتح ليها باب العربيه.. اتفضلي ياحبيبتى..
ميرو : ركبت..ووشها نور من تاني..ومبسوطه جدآ..
تيم : ركب العربيه..وساق.. وطول الطريق. يضحك معاها..لكن جواه خنقة كل مايفتكر أنه كان ممكن يخسرها..!!!
Автор: Меріам Насар
في المستشفى..
كامليا : بتصرخ بأستغاثه ومش قادرة تتحمل كمية الألم اللي حصل بسببها عن عمد.. لكن الدكاتره بيحاولوا معاها..!!
——————بقلمي مريم نصار.
في نفس الوقت..في شركة العدوي..
زين : ها ياباشمهندس صالح..وصلتوا لإيه أنت والمهندسين والعمال..في تصنيع الأجهزة الطبية.؟
صالح : ابتسم..وقال..احنا شغالين ليل نهار يافندم..والحمد لله لحد دلوقتي.. تلات أجهزة طبية حديثة اشتغلوا بعد معاناه.. لكن مايأسناش.. والحمدلله..ربنا واقف معانا لحد آخر لحظه.. ودلوقتي شغالين على الجهاز الرابع..هو صعب شوية.. وواخد مننا كل تركيزنا..على مدار تلات شهور..لكن انا واثق أننا هنجح إن شاء الله..
زين : هز راسه.. وقال.. إن شاء الله.. وانا واثق فيكم.. ولسه قدامك مهله كبيره..على مدار التلات سنين اللي جايه.. لكن لو احتجت لأي معدات اطلب ومتتراجعش..
صالح : إحنا بالفعل طلبنا أنواع معينة من صيانة الأجهزة..ودي مش موجوده غير في ألمانيا.. والدكتور آريان..بعت فاكس بالمتطلبات.. والرد خلال أسبوع تقريباً .
زين : تمام على بركة الله.. بالتوفيق للجميع..
——————بقلمي مريم نصار.
فيلا العدوي..
نور : بحيره.. الله..ماتتكلم بقى ياتيم يابني..!!!
تيم : بضحكه.. لأ يانوري.. استني لما الباقي يتجمع.. وفين رينو؟
نور : بنفاذ صبر..ااخ ياني منك..بقيت متعب جدآ..
ميرو : بضحكه.. خلاص قول بقى ياتيم..حرام عليك..
تيم : ايووه.. اهي رينو شرفت..
رينو : أيوه حد بينادي عليها هههه.. أنا اهو..
نور : بلهفه..ها قول بقى .كلنا موجودين أهو..
محمد : بضحكه.. ياحبيبتي استهدي بالله..تيم هيتكلم أهو..
تيم : لأ انا مش هتكلم.. أنا هسلم الورقه دي للدكتورة نور.. تقرأها وتقولنا إيه اللي مكتوب فيها..
كلهم بصوا لبعض بعدم فهم..!!!
ميرو : وشها بقى أحمر جدآ..
فريحه : يلا يانور اقري وسمعينا..يمكن لغز جديد..
نور : هات ياسيدي.وعارف بقى لو كنت بتلعب بأعصابي..انا هتصرف بجدية معاك..ومسكت الورقه..
تيم : ضحك..
نور : فتحت الورقه..وبتقرا بعينيها..والكل مترقب..
رينو : ها يانور..ف إيه؟
نور : شهقت بصوت عالى.. وقالت..ميرووو حاااامل..!!!
الكل اندهش بفرحه..وقالوا ماشاءالله..
مريم : ضحكت بدموع الفرح وقالت.. ألف حمد وشكر ليك يارب..
آدم : أبتسم بحب كبير..وبص ع بنت قلبه.. وكأنه بيقولها صدقتيني لما قولتلك هتفرحي أكيد..!!!
فريحه : فتحت عينيها وبوقها بزهول.. وقلبها بيدق بفرحه كبيره..وقالت..بنتي حامل..!!! وحضنتها بفرحه كبيره وقلب أم مليان بالامنيات الجميله لولادها.. وباركت ليها..
ميرو : ضحكت بدموع الله يبارك فيكي يامامي..
نور : ضحكت بدموع الفرح..وجريت ع ميرو..وحضنتها.وقالت..الف الف مبروك ياميرووو.. ده احلى خبر في حياتي كلها..
ميرو : أبتسمت بحرج..وقالت الله يبارك ف حضرتك..
محمد : قلبه دق بسعاده..وقال..وسعي بقى يانوري..خليني ابارك لحبيبتة قلبي.اللي عيلتي هتكبر بيها.
رينو : جريت على تيم .وحضنته.. ألف مبروك ياروحي..الف مليون مبروك ياحبيب قلبي.. أنا مبسوطه اوى اوى ياتيمو..هشيل ولادك ؟ بجد مش مصدقه..
تيم : بضحكه..الله يبارك فيكي ياحبيبتى..وهتشيلي ولادي .وهيقولولك.وهيقرفوكي..لينو حبيبي.. ههههه.
رينو : ضحكت بدموع.. وأنا موافقه. بس أشوفهم..
مريم : بسعاده إن شاء الله. هتشوفيهم..وتفرحي..تعالى في حضني يانور عيني.. ألف مليون مبروك..ربنا يجعل السعد والفرح في طريقك منين ماتروح ياتيم يابن حوا وآدم..
تيم : حضنها وباس ع راسها وايديها.. وقال.. الله يباركلنا فيكي ياست الكل..والفرح والسعادة هي وجود حضرتك وبابا آدم في حياتنا..ربنا يديمكم لينا..
آدم : أخد تيم في حضنه ألف مبروك ياحبيب جدك..
محمد : مسد ع حجاب ميرو بابتسامه وقال.. ألف مبروك ياحبيبتى.
ميرو : بسعاده كبيره الله يبارك ف حضرتك. وسلمت ع رينو ومريم..ورفعت عينيها لجدها..
آدم : فتح أيديه.. ليها..وقال .تعالي في حضن جدك .
ميرو : أترمت حرفياً في حضنه.. وعيطت..وقالت.. لأ أنت مش جدو. أنت بابا آدم وبس..!!! وعيطت اكتر.. كأنها افتكرت كل الوجع اللي شافته في حياتها. وآخر حاجه موقف كامليا.. وكأنها بترمي كل وجعها في حضن آمانها وسند العيله..
الكل أتأثر لعياطها واتوقعوا أنها بتعيط عشان الحمل..
مريم : ربتت ع ضهر ميرو وهي في حضن آدم.. وقالت بقلق.. إسم الله عليكي يانور عيني..بس ياحبيبتى بتعيطي ليه كدا..
تيم : غمض عينيه وواقف ثابت.ومن جواه مخنوق عشانها..
آدم : ضمها لقلبه بحنان أكتر..وقال بقلق..مالك ياميرو..!!!
ميرو : أستوعبت..وحاولت تهدا.. وخرجت من حضن جدها..وحاولت تبتسم..وقالت بتمثيل.. أبدا يابابا.. انا بس فرحانه..فرحانه اوي.. أنا أسفه..اء…..!!!
آدم : مسح دموعها..وقال..طيب خلاص كفايه كلام.. أنتي حامل ومش عايز أي حاجه تأثر عليكي..فاهمه..
ميرو : بتحاول تبتسم..وهزت راسها.. أيوه فاهمه.
آدم : كشر عينيه بإستفهام..لعياطها المفاجئ بالطريقه دي..وبص لتيم..في نظرة غامضة..!!!
تيم : هرب من نظرة آدم. وضحك لفريحه وهي بتبارك ليه..
بعد كدا..
آرين وتالين وتمارا وليليان..باركوا ليهم..
ومراد وزين وفهد وآدم و آريان وريتال رجعوا من الشغل..وعرفوا بحمل ميرو وباركوا ليها.. ومراد كان فرحان جدا…!!!
——————بقلمي مريم نصار.
عدا الوقت..الساعه ١ صباحاً. والكل نايم..
في فيلا تيم عزيز..!!
ميرو : نايمه ف حضن تيم..وفاجأة.. فتحت عينيها واتعدلت بسرعه..بتتنفس بالعافيه..!!
تيم : اتعدل بسرعه..وشغل النور.. وقال بخوف..مالك يا مريم..في ايه؟
ميرو : بتتنفس بسرعه..وقالت..مش عارفه ياتيم.. كنت نايمه.. وحسيت إني في نفس الاوضة مع كامليا والنار في كل مكان..
تيم : بيدلك أيديها الأتنين..وقال بقلق.. متقلقيش ياحبيبتى..ده طبيعي جدا. لانك مش قادره تنسي الموقف..وكان يوم وموقف صعب عليكي.. وأكيد عقلك الباطن صور ليكي المشهد..من تاني..
ميرو : بلعت ريقها بصعوبه وقالت.. فعلا الموقف مش راضي يروح من عقلي..كل شوية أتخيل نفسي لو النار…!!!
تيم : قاطعها..بس خلاص اهدي..انتي كويسه..ومعايا مفيش اي حاجه..
وجاب كوباية الميا.. وقال اشربي وحاولي تهدي..
ميرو : شربت برجفه.. وقالت..شكرا..
تيم : أخد منها الكوبايه..وقال..تحبي نقف في التراس شويه؟
ميرو : ياريت بجد..حاسه اني محتاجه لهوا طبيعي..
تيم : طيب تعالي معايا.
ميرو : قامت..
تيم : جاب ليها روب تقيل وساعدها..وخرجوا في التراس..
ميرو : حطت حجاب على شعرها..وسندت ع السور بايديها.. وأخدت نفس عميق جدآ.. بتحاول تقدر تتنفس..
تيم : وقف جمبها..ومسد ع ضهرها.. أحسن دلوقتي..
ميرو : هزت راسها ايوه.. أحسن بكتير..
تيم : سند على السور..ورفع راسه لفوق..وساكت..!!
ميرو : مسكت دراعه..وقالت.. إيه اللي حصل مع كامليا ياتيم؟
تيم : نزل راسه ليها بدهشه..وقال أنتي بتسألي عليها؟
ميرو : بتنهيدة..اعتبروا فضول مني..عايزه اعرف إيه إللي حصل ليها..!! والدكتورة نرمين مكملتش كلامها. بسبب فرحتنا بالحمل..!!
تيم : صك ع أسنانه بغيظ مكبت.. وقال أنسي يامريم. انسي عشان تقدري تعيشي.. إللي زي كامليا دي عامل زي الاخطبوط.. أول ما تقربي منه يلف أيدو حوالين رقبتك.. ومهما تحاولي تبعدي..تلاقي أيد تانيه خنقتك..وتفضل تلاحقك لحد ماتخنقك.. انسيها وكأنك متقابلتيش معاها في يوم..!!!
ميرو : بترجي.. أرجوك ياتيم..ريح قلبي وقولي..!!
تيم ؛ بخنقه..لحقوها يامريم. لحقوها وانقذوها..لكن النار كانت وصلت ليها..بس قدرو يطفوها بطفايات الحريق.. ونقلوها لقسم الحروق.. وطلبت من الممرضين إنهم يبلغوا أهلها.. وياخدوها اي مستشفى ولا يولوعو فيها هما حرين بقى..
ميرو : بحزن حقيقي..لا حول ولاقوة إلا بالله.. أتحرقت؟
تيم : خبط كف على كف..وقال.. أنا مش قادر أتخيل بجد.. أنتي كنتي المقصودة.. وكانت عايزه تقتلك بإرادتها..ومصعبتيش عليها.. وأنتي هنا بتفكري فيها؟
ميرو : بتنهيده..منا قولتلك على أسبابي ياتيم..
تيم : مسح وشه بايديه ونفخ بخنقه وقال. مريم أبوس إيدك قفلي على الموضوع ده.. أنا أصلا مش عارف بابا هيعمل ايه لما يعرف بموضوع الحريق ده.. دي عمرها ما حصلت..!!!
ميرو : مسكت ايدو وقالت.. إن شاء الله هتتحل..!! بس أنت ليه منعتني إني أقول لبابا محمد علي اللي حصل؟
تيم : بتحذير..ومش لازم اي حد يعرف حاجه عن الموضوع ده تحديداً.. أنتي مراتي أنا.. وأنا المسؤول عنك.. وأنا اللي اقدر احميكي وارجعلك حقك.. ولو بجد بتحبيني يامريم. تقفلي على الموضوع ده نهائي..!!
ميرو : هزت راسها بصمت..وقالت بغموض.. إن شاء الله..
——————بقلمي مريم نصار.
تاني يوم الصبح في المستشفى..!!
في مكتب الدكتور محمد..
محمد : خبط ع المكتب بنرفزه. وزعق وقال..يعني ايه يحصل في المستشفى حريق أمبارح ومحدش يكلمني.ولا يبلغني؟.!!!
صبحي العامل مشرف الدور : اتكلم بتوتر..ما..ماهو..
ماهو..اصل..!!!
محمد : بغضب..ماهو إيه ياصبحي، ماتنطق.. وكمان دي عمرها ما حصلت من من ٢٨ سنه.. إزاااي حريق في الدور التالت وفي غرفة كشف..!!! وتقول أهمال. لأ وكمان قضاء وقدر؟ من غير ما نعرف السبب؟
أنا عايز أعرف أية سبب الإهمال ده. ولا هي سايبه؟ اتفضل ابعتلي مدير غرفة التحكم.وزعق.. اتفضل..!!!
صبحي خرج بسرعه..
محمد : قعد بنرفزه..ومسح وشه بأيديه..!! واتصل بالريسبشن..وقال بحده. ايوه الدكتور تيم وصل ولا لسه؟
البنت : وصل من نص ساعه يادكتور ومعاه الدكتوره مريم..!!
محمد : هز راسه تمام..وقفل..وقال بعصبية.. يعني تيم جه ومعداش عليا زي كل يوم..!! وازاي تيم مقاليش على حاجه زي دي؟
وغمض عينيه وقال.. اهدا يا محمد أكيد كل حاجه هتبان.. بس إزاي حصل الحريق ده؟ دي كارثه..!! حياة المرضى ممكن تكون في خطر.. أكيد في سبب لكل ده..؟
الباب خبط ودخلت ممرضه..وقالت بلهفه..دكتور محمد.. ألحق الدكتور تيم بيتخانق في قسم الحروق..!!!
محمد : فتح عينيه بدهشه..وقام وخرج بسرعه..!!!
Автор: Меріам Насар
في قسم الحروق..
ماجده : بصريخ.. أنا عارفه أنا بقول ايه كويس أوي،، أنت السبب. بنتي اتحرقت بسببك،، وأنا مش هسكت،،انا هوديك في ستين داهيه،،
تيم : بتحذير..الزمي حدودك ياست انتي.. أنا ساكت لحد دلوقتي علشان مقدر موقفك..
ماجده : بعصبية..مقدر ايه؟ بنتي كامليا اتشوهت.. واتحرقت في المستشفى بتاعتكم.. وكمان رافض تقبل الحاله..ومش عايزين تعالجوها..دانا يقاتل يامقتول انهردا..
تيم : بثبات..بنتك مش هتتعالج هنا..ووالله لو عايزه تمشيها بالقانون..ف انا بتمنى.. أتفضلي شوفي شغلك..
ماجده : بصوت عالى..طبعاا همشيها بالقانون..وهخلي سمعت المستشفى في الأرض.. اظاهر أنها اسم وسمعه على مفيش..
تيم : خلصتي،،؟ أتفضلي خدي بنتك واطلعي بره المستشفى..!! وحالا..!!
ماجده : بصريخ.. انت مفكر نفسك مييين علشان تتكلم معايا كدا؟ أنت قتلت بنتي كامليا.. انا هوديك في ستين داهيه..
أنت قتلت جمالها وبرائتها..بنتي اتشوهت بسببك.. وأنت هتدفع تمن كل ده..وهقتلك وده وعد مني ليك..
تيم : وصل لقمة غضبه..وزعق بصوته كله..وقال.. قتلت برائتها؟ هي بنتك دي تعرف حاجه عن البراءة..؟ أقسم بالله أنا لو فعلا ليا في القتل كنت قتلتها من زمان. بنتك دي شيطان ماشي على الأرض..
ماجده : اخررررس..
تيم : بتحذير..صوتك مايعلاش هنا.. أنتي جايه ومش فاهمه حاجه..او فاهمه بس واضح كدا إن مش كامليا بس اللي خبيثه.. لأ ده اظاهر كدا إن دي وراثه عندكم..
محمد من وراه بحزم.. تيييم..!!!
تيم : غمض عينيه وصك على أسنانه بغضب..ومش عايز حد يعرف حاجه..!! وخصوصاً العيله..!!
محمد : وقف قدام تيم..وقال بجمود..ده إللي انا ربيتك عليه؟ تقف وتزعق لست وكمان في سن والدتك؟ أنت أثبت إني……!!!
ميرو : جت بسرعه..وقاطعت محمد..وقالت.. أسفه يابابا لمقاطعة كلامك..لكن لحظه لو سمحت..!!
ماجده : شهقت بصدمه..وقالت كامليا…!!!
محمد : بص ل مريم..وقال بحده. حتى لو هي غلطانه ماينفعش إن أبني الدكتور تيم المحترم يهين ست كبيره بالشكل ده.. أنتي عارفه ده معناه ايه..
وبص لتيم وقال.. إني غلطت في تربيتي ليه..!!!
تيم : اتخنق..ومردش.وبص بعيد.
ميرو : اضايقت جدآ عشان تيم..وقربت من محمد.. وقالت..حتى لو كانت بنتها دي….!!!
تيم : بصوت جهوري وتحذير..مرييييم..!!!
ماجده : دققت النظر في مريم..وشافت حجم الشبه.. لكن لأ دي مش كامليا..!!
ميرو : بتصميم..أسفه ياتيم.. أنت اتحملت كتير جداً.. ودلوقتي لازم بابا يعرف سبب إللي حصل.. وأنا واثقه أنه هيقدر يسيطر على الموضوع..
لأن واضح جدآ زي ما أنت قولت.. إن كامليا مش لوحدها عندها نفس التفكير..والقتل عندهم رقم واحد.. دي بتهددك بالقتل..!!!
وأنا معنديش استعداد أسمع أكتر من كدا..
وبصت لمحمد .وقالت..
بابا..امبارح بنت الست دي كانت هتقتلني أنا وحفيدك إللي لسه مجاش للدنيا..!!!
محمد : فتح عينيه بصدمه اكبر من اي وقت..وهمس أنتي بتقولي إيه؟
تيم : ضرب قبضة أيدو بغضب شديد.. واضايق من مريم..!!! لأن كدا الكل هيعرف بقصة الاغتصاب التمثيلي ليها..!!!وبيفكر يعمل ايه؟
ميرو : بدموع..بقول الحقيقه يابابا..ودي قصه طويله..بنتها مريضه بحب الذات والتملك..وا…..!!!
ماجده : وصلت لقمة نرفزتها..وقالت.. أنتي مجنونه..انتي متفقه معاهم عشان تلفقوا لبنتي تهمه وانتوا تطلعوا منها؟
محمد : بتنبه وتحذير..صوت حضرتك مايعلاش . أنتي في مستشفى مش في شارع..ولو فعلاً ده حصل..وبنتك أذت بنتي. أقسم بالله. أنا اللي هوديكي ورا الشمس.!!!
ماجده : لااااااااء ده انا هطلب الشرطه. انتوا لازم تقفوا عند حدكوا..والله ماهسيب حق بنتي..!!! أنا ليا كتير أوي في الحكومه..وهشمع ليك المستشفى دي في غمضة عين..!! وفضيحتكوا هتبقى على الملأ. وهتشوفوا دلوقتي..ماجده عبد الباري هتعمل ايه؟
ولسه بتفتح الفون..
تيم : بكل ثبات..رفع فونه قدام وشها.. تقرأ الرسايل..
ماجده : انتبهت لتيم وبصت..وشافت رسايل حب وغرام. وكمان رسايل فيها تملك وغيره.. ورفعت عينيها للرقم. وتنحت رقم كامليا..!!!
تيم : سحب الشاشه لباقي الرسايل.. وكانت تهديد بقتل مريم..!!!
ماجده : هزت راسها لأ انتوا اكيد عاملين خطه عشان تتدمروا بنتي..!!!
تيم : بسخرية.. انا بجد عايزك تتصلي على الشرطه..وعايز أشوف تهديدك بتنفيذ تشميع المستشفى..!!
أحب أقولك.. إن بنتك سمعتها هتكون تحت الأرض. مش على الأرض وبس..
تخيلي كدا بقى لما أقف قدام القاضي..واقوله اتفضل.. رسايل الحب والغرام دي من مدام كامليا الست المتجوزه..
وكمان رسايل بتهددني فيها أنها هتقتل مراتي لو رفضت اروحلها شرم.. بس ياترى بنت حضرتك المصون والبريئه.. إللي متجوزه..كانت عايزه إيه من راجل متجوز يسافر معاها شرم..!!!
واللي انتي متعرفيهوش.. إن في كاميرات مراقبه هنا ف كل مكان. ورصدت بنت حضرتك..من أول ما دخلت المستشفى..لحد ماراحت لعند مراتي..وحرقت الاوضة بالكامل..
وأحنا إللي انقذناها..ودي غلطة عمري..لكن فينا نكشفها بقى على حقيقتها..بعد ما متعرفي كل خبايا بنتك..والجرايم إللي عملتها. ومتسجله صوت وصوره..وبالشهود..!!!
محمد : بدهشه.. أنا مش فاهم حاجه.. بنت إيه اللي حاولت تعمل كل ده؟ وايه غرضها..وليه عايزه تأذي مراتك؟
تيم : صك ع أسنانه…وقال..دي حكاية طويله أوي.. بنتها فرضت نفسها علينا. بس صدقني يابابا.. إبنك عارف حدوده كويس..لكن هي تستاهل أكتر من كدا.. حضرتك واثق في إبنك.. أنه لا يمكن يغير مبدأه لمجرد ست كبيره قالت كلمتين.. لأ أكيد في سبب قوي إني أتصرف بالشكل ده..!!!
محمد : ربت ع كتفه..وهز راسه ليه..وقال.. وانا واثق إنك مستحيل تغلط..!!
ماجده : بغضب واضح.. أنا مش هسكت.. أنا هوديك ورا الشمس. أنا……..!!!!
محسن : وصل في الوقت المناسب مع عامر. وقال بجديه..
كفايه بقى ياماجده..كفايه فضايح وجنان لحد كدا .
تيم بص لعامر…
عامر : أنا قولت كل حاجه لمحسن بيه..
تيم : هز راسه تمام…
ميرو : مسكت ايد تيم..
تيم : معملش أي رد فعل..وساكت..
ماجده : زعقت..فضاااايح..هما لسه شافوا فضايح يامحسن؟ دول حرقوا بنتي..كامليا الجميله بقت مشوه يامحسن..وكل ده بسبب اللي إسمه تيم.. ودلوقتي عرفت هي ليه كانت بتقول اسمه ديما..
محسن : بغلظه..انا عرفت كل حاجه..وعرفت مين السبب الرئيسي للي كامليا وصلت ليه دلوقتي..
بنتك ظلمت ياماجده..بنتك عملت حجات لو عرفتيها..هتتصدمي..وكل ده كان واضح من تصرفاتها الفتره الاخيره..ونهاية كل ده محتومه أكيد.. بنتك عايزه تاخد حق مش حقها..بنتك عايزه تقتل مرات واحد عشان تمتلكه ليها.
أنتي عارفه كويس طبع بنتك لما تعجبها حاجه..و إن ده إللي كان متوقع من بنتك وتربيتك ليها . ربتيها على الطمع وإن أي حاجه تعجبها تمتلكها.. وأي حاجه تبهرها تثبيتلها أنها ملكها.من غير مجهود..دلعتيها..وحسستيها إن مفيش حد يقدر ياخد حاجه منها.. وإن كل اللي تختاره يبقى ملك ليها. وفي أيديها..حتى لو ع حساب اي حد..بنتك للأسف ضحيه..
ضحية تربيتك ليها..ودلعك.وكأن مفيش حد خلف غيرك..
ماجده : بصوت عالى..ااااه..قول كدا بقى..قلبت على بنت أخوك بعد ما مات عشان قولتلك مفيش ورث..عشان ده تعبي انا وجوزي..ظهرت على حقيقتك دلوقتي يامحسن..
محسن : بخيبة أمل..ياخساره. وخسارة ليه..؟ ما دا المتوقع منك.. ولو على الورث في ده شرع ربنا. وهيبقي في بينا محاكم.. لكن دلوقتي حاولي تهتمي ببنتك..سيبي الفلوس والنوادي على جمب شويه.. وشوفي بنتك محتاجه لايه.؟
ماجده : بشر..محتاجه إنك تخرج من حياتنا. اللي كان بيربطك بينا خلاص مات..يبقى أنت من اللحظه دي..غريب عننا..
محسن : بسخريه..مش مستغرب..بس انا همشي..وضميري مستريح كمان..
أنا مقصرتش مع أخويا..رغم أنه شريكك في مأساة بنتك..بس اشربي أخرة دلعك وطمعك.. وعايز أقولك قبل ما امشي.
الناس دي أنتي مش قدها ولو حطوكي أنتي وبنتك في دماغهم هتخسروا كتير اوى… وكمان معاهم ادلة تجيب لبنتك إعدام من اول جلسه..ولو مش مصدقاني..جربي اعملي بلاغ واحد بس.!!
..ده غير شروع في قتل..وغير مصايب تانيه كتير.
أنا ماشي.
وسابها ومشي..
ماجده : أتصدمت.. إعدام؟
عامر : لماجده..لو سمحتي ممكن نتكلم أنا وانتي على جمب..في حاجه مهمه جدا لازم تعرفيها.. قبل ما تاخدي أي خطوه مع بنتك..!!!
وعامر قرر أنه يقول لماجده عن مصايب كامليا..عشان خايف أنه يتسجن معاها..!!
——————بقلمي مريم نصار.
محمد : حاول يمتص غضبه.. وقال بهدوء.. فين الحاله دي ياتيم..!!!
تيم : بجمود..غرفة ١٥
محمد : بحزم..تعالى معايا.. وسابه وراح عند كامليا..
تيم : ساب أيد مريم.. واتحرك ورا محمد..
ميرو : راحت وراهم.
محمد : فتح الباب ودخل. وشاف كامليا. ووشها محروق وايديها..وبتصرخ.. واخد أوراق الكشف.وشاف حالتها..
تيم : واقف ومصعبتش عليه..وكان بيتمنى أكتر من كدا ليها..
ميرو : أتصدمت من شكلها ووشها المتشوه. وشهقت..وخبت وشها بأيديها..وعيطت..
محمد : هز راسه..وقال حصلوني على مكتبي.. وسابهم وخرج..
تيم : سند مريم..واخدها وخرجوا..!!!
ماجده : سمعت من عامر..و واقفه مصدومه من اللي عامر قاله ليها..
وزعقت ليه..لكن هو خلاها تشوف فيديو مسجل لكامليا..وهي جايبه المسدس ليه عشان يقتل مريم .
ماجده : هزت راسها بعدم تصديق..لكن نزلت راسها في الأرض..وعيطت.. لأن مستقبل بنتها انتهى.. ومش هتقدر تتكلم لأن بنتها عامله كوارث..!!!
عامر : بتنهيدة.. انتوا مش قد العيله دي. أنا شوفت الموت بعينيا على أيد الدكتور تيم وأخوها.وعندهم إللي يمس كرامة بناتهم..يبقى حكم على نفسه بالموت..الناس دي مابتهابش الموت.. وعندهم إستعداد يموتوا مليون مره..ولا إن حد من حريمهم يتخدش خدش واحد..
وأنا قولت اللي يخلص ضميري من ربنا..الدكتور تيم..مأذاش بنتك. بالعكس كل ماهو يبعد. كامليا تدور عليه عشان تقتل مراته.. وده غير التهديدات..!!!
وبص ع كامليا من الازاز..وقال بحزن..
انا جيت لكامليا أمبارح..وحاولت معاها إني هساعدها وهقف جمبها وتبدأ من جديد..لكن طردتني من الاوضه واتعاملت معايا اسوء من الأول… لأنها عمرها ماهتتغير..ورافضه تسمع لأي حد..
ورقة طلاق بنتك هتوصلك في أقرب وقت.. لكن لو احتاجت لأي حاجه. كلميني فوراً.. بعد إذنك.. وسابها ومشي..!!
——————بقلمي مريم نصار.
في المكتب..
محمد : بأمر.. أنا عايز أعرف كل إللي حصل..!!! وازاي بنت زي دي تتجرأ وتقرب من مريم..!! وأنت كنت فين ياتيم؟
ميرو : مسحت دموعها.. وقالت..بوجع..في الحقيقة يابابا….!!!!
تيم قاطعها.. وقال.. أنا اتقابلت مع كامليا في الجامعه عن طريق الصدفه..وكانت محتاجه لمساعده.. وأنا ساعدتها..ومن وقتها هي شافت اني مساعدتي ليها إهتمام..وقررت تبني معايا صداقه..لكن بعد كده لما شافت مريم في الجامعة والشبه الكبير اللي بينهم.وان مريم أجمل ببراءتها.هي محبتش مريم.. ولأن مريم من عيلتي. و آرين وأي بنت من العيله هي محبتهاش.. وبدأت في انتقادات لبنات العيله. وده طبعآ مرفوض بالنسبالي.. وا….
وبص لمريم..أحم..وكمل وقال..ولما عرفت إني اتقدمت لمريم.واتخطبنا.. بدأت كامليا تظهر على حقيقتها.. وأنها هددتني لو مبعدتش عن مريم هتقتلها.. وأنا طبعا حاولت احمي مريم بكل الطرق..وسافرنا..
ولما رجعنا حصل اللي حصل أمبارح..
هي دي كل حاجه يابابا.. وارجوك أرجوك يابابا أنا مش عايز حد من العيله يعرف حاجه.لو سمحت.. أنت عارف إيه اللي ممكن يحصل لو بابا آدم عرف أو خالو مراد وآدم..!!! وكمان مريم حامل.. وده ممكن يأثر عليها أرجوك..انا عايز الموضوع ده ينتهى..!!! بجد مش عايز اتكلم فيه تاني..!!!
محمد : بيسمع تيم..لكن في حلقه مفقوده في حكايته..!!!
مريم : بتوتر..أكدت على كلام تيم..وقالت..أء..ايوه فعلاً. ده إللي حصل..وياريت يابابا. تقف جمبنا والموضوع ده ينتهي..انا خايفه على ماما مريم وكمان ماما نور..هتقلق جداً على تيم..!! والعيله هتتوتر.. والحمدلله انا وتيم بخير..!!
محمد : مط شفايفه اممم..وقال بتنهيده..ماشي.. بس في حاجه أنت ناسيها يادكتور تيم..!!!
تيم : كشر عينيه وقال..حاجة إيه؟
محمد : إنك دكتور تجميل..والبنت دي اتحرقت في مستشفى الدكتور محمد عزيز..!!!
تيم : قام وقف بغضب..وقال آسف يا بابا..انا يستحيل. أقبل بحالة زي دي..!!!
ميرو : اتحركت بسرعه وقالت.. تيم أرجوك أهدى واسمع بابا للآخر..
تيم : من بين أسنانه بغيظ قال. أنا عارف بابا يقصد إيه؟ حضرتك تقصد اني اعالج كامليا مش كدا؟
محمد : بهدوء أكيد..!!!البنت مشوهه في وشها..وجروحها من الدرجه التانيه.. ولازم ليها علاج وعملية تجميل..!!!
تيم : برفض.. حتى لو من الدرجة التالته..استحاله اعالجها..
.. إزاي حضرتك عايزني أعالج اللي كانت السبب في حرق أعصابي.. أنا مبكرهش في حياتي كلها قدها..!!!
محمد : الموضوع مالوش علاقه بالمحبه.. تحبها أو تكرهها..ده شيء يخصك..لكن واجبك المهني يجبرك أنك تعالجها..!!!
تيم : قبض ع ايديه..
ميرو : بترجي..تيم..تيم أرجوك اهدا.. أولا أنت حالف قسم.. وثانيا أنت سمعت عم كامليا قال إيه؟. قال إن كامليا ضحية أم انانيه..وا…..
تيم : بصلها بصدمه.. أنتي عايزاني اوافق على ايييييه يامريييم…!!!
دي كانت هتقتلك.. أنتي مدركه اللي حصل.. فاهمه ومستوعبه إنك أنتي لاقدر الله كان ممكن تكوني مكانها.. وزعق فيها. أنتي بتطلبي مني اييييه؟
ميرو : اتخضت..ومردتش..
محمد : وقف قدامه..وقال.. أنا مقدر اللي أنت فيه.. لكن حاول ديما إنك تفصل بين شغلك..ومشاكلك الشخصية..
تيم : بخنقه..بس دي سبب مشاكلي..وكمان مطلوب مني إني اعالجها وده في شغلى.. يعني كامليا عامله زي الفيرس اللي بيدخل الجسم ويدمروا.. بابا حضرتك بتطلب مني المستحيل..
محمد : ضميرك المهني..وواجبك.. وأنت ملزم تعالجها.. ومتنساش إن الحادثه تمت في المستشفى هنا.. ودي في حد ذاتها..مؤذية لسمعة المستشفى.. أنا مش هجبرك على حاجه.. والقرار في إيدك أنت..
أنا عندي عمليه مهمه.. وسابهم وخرج..
تيم : قعد مكانه على الكنبه بيأس..ومسك راسه بأيديه…
ميرو : قعدت جمبه.. وشالت أيديه..
تيم : مغمض عينيه…
ميرو : ابتسمت بتمثيل..وقالت.. أنا عارفه إني مش هاهون عليك تزعل مني..لكن صدقني ده أفضل حل..عشان يكون ضميرك مستريح..
تيم : بجمود..ضميري مستريح جدآ.. أنا مأذتهاش ولا جيت جمبها. هي أذت نفسها بشرها..دي واحده قلبها مات..دي حاولت تفضح وتقتل وتدمر.. وفي الآخر برضه عايزين مني إني اساعدها.؟
ميرو : أيوه.. لأن ده واجبك.ولانك تيم عزيز..حفيد العدوي وعزيز..الجدر الأصيل اللي نادرا تلاقي جدر يشبهه..
.وكمان إيه ذنب بابا محمد يتأذي بسببنا.. أنت عارف إن المستشفى ليها إسمها وسمعتها. وبابا تعب فيها جدآ لحد ماوصلت للمكانه دي..
ولو حالة كامليا اترفضت تتعالج هنا.؟ الصحافه والاعلام مابيصدقوا يسمعوا أي خبر.. ووقتها المستشفى تبقى حديث المدينه..ومش كل الناس هتصدق.. لأ في اللي هيقول ممكن!!! وزي ما أنت عارف..العيار اللي مايصبش يدوش.. وبابا محمد ميستاهلش أنه يتأذي بسببي..!!!
تيم : بإستفهام بسببك..!!!
ميرو : بحزن..ايوه بسببي. لأن أنا السبب في كل ده..!! لو مكنتش اشتغلت في المستشفى هنا. كانت كل حاجه هنا زي ما هي..وبابا محمد مضايقش كدا..!!! أنا مخنوقه اوي عشان بابا محمد. ميستاهلش مننا كدا أبدا..!!
تيم : ربت ع أيدها..وبص قدامه بتفكير..وساكت…!!!
فيلا العدوي..
مريم : قولتي ايه يارودي يابنتي..!!
رودي : بتنهيدة..والله ياطنط مريم أنا مش عارفه..من وقت وفاة بابي. وأنا ماليش نفس لأي حاجه..
مريم : بتنهيدة وجع.. رحمة الله عليه..ربنا يتغمده بواسع رحمته..ووالدك راجل ونعم.. السيره اللهم بارك حسنه..وطلب أنه يعمل عمره هو ومراته..ورجع مفيش يومين تعب وتوفاة الله..يعني حاجه كلنا بنتمناها..وربنا يرزقنا جميعاً حسن الخاتمة. وهو عند رب رحيم..أنتي بقى المفروض تفوقي لنفسك..ولبيتك..چواد زعلان علشانك..وكمان چود؟ مش عايزه كدا تفرحي بيها..دا أنتي اللي بتسعدي قلبنا ديما يارودي ياحبيبتي..
رودي : ربنا يبارك فيكي ياطنط..والله حضرتك وماما رنا وكل العيله مهونين عليا كتير.. وأنا طبعآ نفسي أفرح بولادي..واشوفهم أحسن الناس..هو انا ليا مين غيرهم أفرح لفرحهم..
مريم : ربتت ع ضهرها بحنان وقالت..عين العقل يا نور عيني..يبقى نسمع منك قرارك الأخير.. وأنتي كمان إللي تحددي الوقت المناسب..علشان العريس يطلب أيد بنتنا چود.. قولتي إيه؟
رودي : بابتسامة هاديه.. قولت لا اله الا الله..
مريم : بإبتسامة حب..سيدنا محمد رسول الله..
رودي : خلاص يومين إن شاء الله.. مصطفى وعيلته يشرفونا.. إيه رأيك؟
مريم : بسعادة.. ودي عايزه كلام..يومين إن شاء الله..ونكون عندك يانور عيني.. ربنا يفرحك..ويفرح أمة سيدنا محمد يارب..
رودي : اللهم امين يارب العالمين..
مساءاً في فيلا تيم عزيز..
تيم : واقف في التراس وساند على السور..وسرحان ومخنوق..
ميرو : دخلت..وحطت الشاي.. وقالت أتفضل ياحبيبى.!!
تيم : أنتبه..وهز راسه ليها متشكر..
ميرو : وقفت جمبه.. وشافت شروده.. وبتفكر إزاي تهون عليه..وقالت..
نسيت اقولك إن عمتو رينو..صممت إني أتابع مع الدكتوره نسرين..قالت إنها دكتوره ممتازه..
تيم : ………….!!!
ميرو : أحم.وتعرف كمان.. إن ماما نور قالت نفس كلامها. وأكدت عليه..
تيم : ……!!! وخرجت منه تنهيدة تعب..
ميرو : لفت وشه ليها..وقالت بعتاب.. أنت زعلان مني.؟
تيم : بص لعينيها..وقال بوجع.. أنا تعبان..!!
ميرو : قلبها وجعها للكلمه..وقالت بدموع..خلاص ياتيم..لو مش عايز تعالجها خلاص. في دكاتره كتير تتكفل بالحاله..بس بالله عليك بلاش اليأس ده..
تيم : سند على السور وبص قدامه.. وقال.. للأسف مش هينفع.. أنا فكرت في كلامك..وبابا مايستاهلش مني إني اخذله في أول مشواري المهني. وللأسف الشديد ضميري مش متحمل فكرة إن شخص محتاج مساعده.. وأنا أقف اتفرج عليه.. متربناش ولا اتعودنا على كدا يامريم..
ميرو : بدهشه..يعني أنت تقصد إنك موافق تعالج كامليا صح..؟!!
تيم : بخنقه..هز راسه للأسف أيوه..!!
ميرو : بفرحه.. يااااه ياتيم..بجد فرحت قلبي.. أنت متعرفش جزائك إيه عند ربنا.. إنك تقابل السيئه بالحسنه.. أكيد ربنا هيكرمك ويعوضك خير.. أنا متأكده من ده..
تيم : أبتسم بسخريه. أنا شايفك فرحانه أوي؟ عندك تفسير؟
ميرو : مسكت ايديه..وقالت بسعاده..طبعا في مليون تفسير كمان.. وأولهم إن جوزي حبيبي قلبه يتاقل بالالماس..وكمان الخير اللي جواه انتصر على الشر إللي حواليه..وضميرة المهني أكبر من أي عداء موجود.. وإنه قدر يفصل بين الشغل والمعاملات الشخصية..بجد انا مبسوطه اوى.. أنت عظيم أوي ياتيم.. أنت أجمل وأحسن واشطر دكتور تيم في العالم كله..
تيم : أبتسم بحب.. وقال.. أنا كل ده؟
ميرو : هزت راسها لأ طبعاً.. أنت أكتر من كدا.. أنت جوزي حبيبي وروحي ونبض قلبي..ودنيتي وكل حاجه حلوه ف الدنيا..
تيم : بضحكه..يخربيت التثبيت..وشدها لحضنه.. بحبك اوى يامريم..!!
ميرو : غمضت عينيها وقالت بتنهيدة راحه. وأنا بعشقك حد الإنهيار..!!!
——————بقلمي مريم نصار.
بعد يومين.. فيلا العدوي..
تمارا : قاعده شايله محمد..بتلاعبه..
مريم : نازله..ولابسه للخروح..وقالت..فين آريان ياتيما ياحبيبتى..
تمارا : بمعاكسه.. آريان مع بابا آدم في الجنينه ياقمر . بس إيه الجمال ده يامريومه ياقمر. الله اكبر عليكي.
مريم : بضحكه صافيه.. ربنا يصلح حالك ياتمارا يابنت قلبي.. جمال إيه بس يابنتي.. أنا كبرت خلاص..
تمارا : شهقت بهزار..وقالت.. سامع يامودي ياحبيب مامي؟ ناناه مريم بتقول أنها كبرت.. طيب قولنا أنت رأيك في الكلام ده؟
محمد : حاطط صوباعه في بوقه..وبيضحك لمريم..
مريم : بسعاده.. الضحكه اللي بموت فيها..هات بوسه بقى يامحمد قبل ما نخرج.. وباسته من خدو..وقالت يحفظ محمد واسمه..
تمارا : اللهم امين يارب ياحبيبتى..
مريم : بتعجب..أله.. أنتي لسه مالبستيش ياتمارا؟ كدا هنتأخر يابنتي على الميعاد..وعمك طارق انتى عارفاه..هيشبط مع جدك آدم..
تمارا : ههههه بجد كان نفسي اشوفهم..لكن مش هينفع.. لأن آريان..عازمنا على الغدا انا ومودي..لكن هنحصلكم على ميعاد تلبيس الدبل إن شاء الله.. ونبارك ليهم..
مريم : ااه.. أيوه صح..ده آريان قالي من أمبارح كمان. يلا ربنا يسعد أوقاتكم بكل خير..
دعاء دخلت وقالت..ست مريم.. سيدي آدم بيه بيقول لحضرتك لو جهزتي..هو موجود في الجنينه..
مريم : بابتسامة.. أيوه ياحبيبتى..جاهزه. وودعت تمارا وخرجت..لأدمها…
آدم : شافها..ونفس إبتسامة الإحتواء والحب.متغيرتش على ملامح الادم.
آريان : سلم عليها..وفتح ليها باب العربيه.. وركبت.. وآدم ركب جمبها..
وهارون ركب و ساق…
——————بقلمي مريم نصار.
فيلا السيوفي..
طارق : قاعد مع أشرف ويوسف ومحمد ومراد وفهد وفارس ..بيتكلموا في أحوال الدنيا..
وفي الجنينه.. تيم و آدم وكريم ومصطفى..بيتكلموا..
مصطفى : واقف..وعايز يتكلم ويخلص..لكن لسه الامبراطور موصلش..!! وكل شوية يبص على بلكونة چود لكن مفيش أمل..
في اوضة چود..
البنات بتساعدها في اختيار لون الفستان..
آرين : بحماس..البسي الفستان الهاڤان ده..بجد تحفه عليكي..
ميرو : لأ لأ..البسي الفستان الأبيض ده.. رقيق وجميل..
ليليان : لاااا ماتسمعيش كلامهم يابت يا چود..البسي الفستان الدهبي ده.. حاجه تفرح بلا هاڤان بلا أبيض..
آرين : حطت ايدها ف جمبها وقالت..يسلام..بلا هاڤان؟ ع فكره بقى اللون الهاڤان على چود وبشرتها الخمريه يجنن..وبعدين دي مقابلة وتلبيس دبل..
ميرو : لأ لأ.. الأبيض تحفه اسمعي مني أنا..
چود : بااااااااس.. إيه يما أنتي وهي. سيبولي فرصه أختار وافكر.. انا أصلا عايزه ألبس ترنج..
كلهم..ايييييييه؟ تررررنج ياچووووود..!!!!؟
چود : عوجت بوقها.. اه يختي..ترنج..مالكوا اتصدمتوا ليه؟
تالين : ضحكت من قلبها..وقالت. الله يهديكي ياچود يابنت خالو.. تخيلي كدا شكلك وأنتي نازله قدام كل العيله..بترنج.. ونقدمك ليهم.. چود فارس السيوفي.
بنت السفير فارس السيوفي.. والدكتوره رودي السيوفي.. لأ لأ بجد. مش قادره أتخيل…
كلهم ضحكوا..
آرين : هههههههه أيوه ونكهرب شعرها..وتلبس سلبر الحمام.. وتنزل.واو ياسمين عبد العزيز أوي ههههههه
الكل ضحك..
چود : خلصتوا هري.. اطلعوا بره بقى.. أنا هلبس وا أوريكو مين هي چود السيوفي.. يلا بقى بره عشان قفلت خلاص..
الكل بيضحك من قلبه ع جود وخرجوا.. والفضول مجننهم.. عشان يشوفوا چود هتلبس إيه؟.
——————بقلمي مريم نصار.
بعد لحظات.. وصل أخيراً الامبراطور وأميرته..
الكل سلم ع آدم ومريم..
آدم : قعد جمب طارق..وقال مبروك ياطاروق..
طارق : مبروك على إيه؟ هو حد لسه اتكلم.. ماتلحح إبن أخت مراتك..عشان بنام بدري..
آدم : بإبتسامة..طول عمرك صاحب واجب..
طارق : بتعلم منك ياخويا..
آدم : بدأ يتكلم..ها ياجماعه.. جينا على الميعاد ولا فاتنا كتير؟
أشرف : بضحكه.. لأ احنا نقدر نقول حاجه وأنت مش موجود؟
آدم : حبيبي يا أبو يوسف.. طيب ايه يادرش.. حابب تقول حاجه؟
مصطفى : لابس كراڤت ومخنوق منها. لكن جه يتكلم..بس مش عارف يقول ايه.؟
كريم : ضربه بكوعه في جمبه..وقال من بين أسنانه.. ماتتكلم يارويتر..راح فين لسانك المترين..!!
مصطفى : بتوتر..مش عارف ياكرمله..كل الكلام اتبخر..
طارق ؛ كشر عينيه.. وقال.اله إيه يامصطفى؟ أنت هاتستخير هنا يابني؟
الشباب كاتمين الضحكه.
مصطفى ::ها…!! آه أحم.. لأ ما انا هتكلم أهو..! وهمس لتيم..وقال المفروض أقول ايه يادكتور.. انجدني ابوس ايدك.. شكلي بقى زفت..
تيم : بضحكه..قال. وجه كلامك لوالد العروسه.. وقول بصراحه ياعمي انا طالب القرب منك..وا….
مصطفى : قاطعه..وقال بصوت عالى مره واحده.. بصراحه ياعمي فارس أنا طالب القرب منك..
الكل ضحك..
فارس : بدهشه..القرب مني.. ما أنت قريب اهو يابني ولا تيجي تقعد على حجري..
الكل ضحك من قلبه..
مصطفى : بلع ريقه بتوتر.. بص لتيم.بغيظ.
تيم : بيضحك..وقال غبي أنا لسه مكملتش كلامي..
مصطفى : بغيظ..مش عايز من حد مساعده.. أنا هتكلم.. شكراً انت وكرمله..
كريم : صك ع أسنانه بغيظ..وتيم مسك أيد كريم يهدا عليه.
آدم مراد : جه قعد جمبه.. وقال بهمس..قول ورايا..
مصطفى : فتح عينيه بدهشه..وقال نعم… أقول وراك أنت.. أنت عايزني أرمي عليها اليمين قبل ما تكون على زمتي..
آدم مراد : بصله بتحذير.. وقال بحده..قول ورايا شكلك بقى تحت الأنقاض.. أخلص.
مصطفى : بص حواليه.. وشاف الشباب الصغيرين بيضحكوا عليه..
آدم مراد : قال بهمس. قول.جدو طارق .وعمي فارس طبعا..وباقي العيله يشرفني إني أكون جزء من العيله دي..
مصطفى : رفع حاجبه بتعجب وقال . صدق حلوه الجمله دي.. لأ عجبتني.. استنى. هاقول اهو..
وقال.. أحم..جدو طارق .وعمي فارس طبعا..وباقي العيله يشرفني إني أكون جزء من العيله دي..
آدم مراد : وبطلب من حضرتك أيد الانسه چود.. وبتمنى إني انول الشرف ده.. وربنا يقدرني واسعدها..
مصطفى : بدهشه.. إيه؟ انول الشرف؟ ليه هي عيلة عزيز شويه ولا إيه؟
آدم مراد : هز راسه تمام.. أنت حر..وقام وقف..
مصطفى : شدو بسرعه يقعد..وقال..خلاص خلاص.. هقول أهو..
آدم مراد : قعد…
مصطفى : بغيظ مكبت..وبطلب من حضرتك أيد الانسه چود.. وبتمنى إني انول الشرف ده.. وربنا يقدرني واسعدها..
آدم مراد : وأي طلبات أنا تحت امركم فيها..
مصطفى : بتوعد.. وأي طلبات أنا تحت امركم فيها..
طارق : بأعجاب.. أنا قولت الواد مصطفى ده الوحيد إللي شبهي.. شوفت يا آدم..شوفت الكلام طالع منسق إزاي. واد بيفهم بصحيح..
آدم : ضحك بصمت.. طبعا اومال.
أشرف ؛ بابتسامه..وطبعا ياطارق أنت عارف إن چود بنتنا قبل ما هتكون حرم حفيدي إن شاء الله..
يوسف : بتنهيدة.. فارس انا معنديش غير كريم ومصطفى.. وكريم ربنا تممله بخير..وباقي مصطفى.. يعني فرحة قلبي الكبيره لما أشوف مصطفى عزيز عريس.. وبالنسبالي ده حلم..وبتمنى منك الموافقه. وتحقق حلمي يصحبي.. وشوف طلباتك كلها لچود هتبقى أوامر..
فارس : بابتسامة.. كلام إيه ده يايوسف وطلبات ايه يابني.. چود أنا اوصلهالك لحد بيتك.هي مش هتروح لحد غريب..ده بيت جدها أشرف..يعني الأمان والاستقرار..
أشرف ويوسف. الله يكرمك يافارس..
مصطفى : بلهفه.. نقرأ الفاتحه بقى..وانا جايب الخاتم..
الكل ضحك..
آدم : بضحكه..طيب نعرف رأي عروستنا الأول..
طارق : بتنهيدة.. أطلع نادي لاختك ياچواد..
چواد : حاضر ياجدو..وطلع بسرعه..
ميرو و آرين واقفين عند السلم فوق..وعيونهم على تيم و آدم..
زياد : قاعد وقال..عقبالك يا آدم يابني.. فرحتك الفرحه الكبيره لجدك آدم..ولا ايه ياعمي..!!!
آدم : أبتسم بهدوء.. طبعاً.ده الإمبراطور الصغير..
مراد : بمكر.. أيوه ادعيله يازياد ياخويا.. أصل أبني آدم قافل باب الجواز ده خالص..
فهد : بتكشيره…وقال جواه..يخربيت التمثيل يا اخي..
زين : بدهشه..نعم..قافل بابا الجواز؟ ليه يا آدم يابني.. ده أنت تشاور بس..تشاور كدا بأيدك.. تلاقي ميت واحده . أنوي أنت بس وهتشوف عمك زين هيعمل إيه؟
آدم مراد : بشبح ابتسامه.. أنا ناوي فعلاً إن شاء الله.. لكن قدامي سنه.. أصلي وعدت أبوها.. وأنا عند وعندي.. وباقي من الوعد سبع شهور وبس..!!!
فهد : صك ع أسنانه بغيظ مكبت..
آدم : أبتسم بصمت..
زين : بدهشه.. والله..ده خبر حلو جدآ.. وياترى مين هي بقى.. نعرفها؟
مراد : بمكر بص ل فهد..
فهد : بصله بتوعد وتحذير…
مراد : رجع بص ل آدم إبنه..
آدم مراد : ضحك بصمت..وقال.. هتعرفها بعد سبع شهور ياعمى..وده وعد..!!!
طارق : ل آدم.. لأ حفيدك واثق من نفسه..
آدم : بضحكه.. طبعاً طالعلك يا أسد..!!
طارق : بفخر.. طبعاً.. بس الجامد مابيحكيش عن جمدانه..
آدم : ضحك من قلبه..
فهد : ضغط على دراع مراد.وقال بغيظ..ايه البجاحه إللي انتوا فيها دي؟
مراد : بمكر..الله يسامحك.. أنا مش عارف أنت مالك؟ حد كلمك ولا جه جمبك؟
فهد : بغيظ… إبنك ده انا هفرمه ماشي؟
مراد : بأستفزاز..تبقى استأذن أمه.. أصلها بتخاف عليه..و وحياة الموافقه اللي شايفها في عينيك دي براحه على الديزل يافهودي..!!!
فهد : يغيظ..منك لله يامراد..
مراد : رفع حاجبه وقال ..ومنك لله يافهودي..
——————بقلمي مريم نصار.
رودي عينيها لمعت بدموع.. وقالت تعالي..انزلي ياجود..
الكل رفع عينيه على السلم..
مصطفى : بدقة قلب وانبهار..قال دي چود…!!!
چود : نازله على السلم..ولابسه فستان أحمر مطرز وليه ديل.وحجاب.. وكانت جميله جدا..
البنات انبهروا بيها…
فارس : قام وقف ومبتسم..وراح قابلها..وسلم عليها..وقال چود إيه الجمال ده..؟
چود : بتوتر..ميرسي يا بابي..
فارس : تعالى سلمي على العيله..
رودي : أستنى طيب يافارس.. هجيب القهوة لچود تقدمها..
چود : بخبث.. خليكي انتي يامامي..متتعبيش نفسك.. أنا هروح اجيبها.. بعد اذنكم..
طارق : منورين والله ياجماعه..
كلهم الله يكرمك بنورك ياحج طارق..
مصطفى : نفخ بخنقه.. هي راحت فين دي؟ ع طول تعباني معاها..
چود : جت وشايله صينية القهوة..وقالت برقه..مساء الخير..
الكل مساء الخير يابنتي..
طارق : أبتسم بحب وقال..تعالي ياحبيبت جدك .قدمي القهوة واقعدي جمبي هنا..
چود : بمكر.. حاضر يا بابا.. وقدمت القهوة لكبار العيله الأول.. وراحت عند مصطفى..ولفت الصنينه..وقالت برقه مصطنعه..اتفضل..!!
مصطفى : بتكشيره..صوت مين ده؟
چود : بغيظ..اتفضل القهوة..
مصطفى : رقص حواجبه..وقال ايوه كده..مرحب يمعلم.. واخد منها القهوة..
چود : حطت الصنية وقعدت جمب طارق..
طارق : مسد ع حجابها وقال..ماشاء الله تبارك الرحمن عليكى يا چود..
چود : بحب حقيقي..ميرسي جدا يابابا..
طارق : بلمعة في عينيه.. قال.. إحنا اتفقنا.. إن انهاردة هتلبسي خاتم الخطوبه زي ما قولتلك قبل كدا.. حاجه كدا عائليه..
وكتب الكتاب ع دخول المدارس.. والفرح إن شاء الله..في الاجازه..
چود : بدقة قلب..هزت راسها وسكتت..
آركان : يلا بقى يامصطفى.. اشرب قهوتك ولبس عروستك الخاتم..خلينا نفرح..
الكل ضحك وأكد على كلام آركان..
آدم مراد : بيشرب القهوه ورفع طرف عينيه..وشاف ضيه..وهي واقفه بتسقف بفرحه كبيره.. ووشها منور من الفرحه..والحب الكبير إللي مالي قلبها لكل إللي حواليها..
فهد : بص ل آدم..وشافه باصص لفوق.. وقال بغيره.. في حاجه يا آدم..باصص لفوق يعني؟
آدم مراد : أنتبه..وقال بهدوء.. ايوه…ياريت تقول لميرو و آرين يدخلوا جوه..مش حلوه واقفتهم كدا..!!!
فهد : بغيره.. أسمع يالا..اء….
مراد : قعد بينهم. وقال..ياسبحان الله.. سايبين اللحظات المهمه..وبتتفقوا على جواز ابني آدم.. يبني لسه بدري متستعجلش..عارف ياض آدم..خالك فهد ده.. كان نمس.. اه والله..خطب عمتك لارين في ألمانيا.. وأنا وزين إللي وصلناه للمطار..
وبص لفهد بتوعد وقال.. مش كدا ولا ايه ياحوت..!!!
فهد : رفع عينيه ل آرين.. وافتكر رينو.. واتخنق. لأن السنه قربت…!! وقام خرج بسرعه على الجنينه..!! وواقف يفكر..
آدم مراد : مط شفايفه.. أنا شايف رفض من خالي فهد.
مراد. : هز راسه لأ..فهد موافق وبالثلث..بس دي مشاعر مش هتفهما دلوقتي..
فهد ده صاحب عمري. وعشت معاه أكتر من امك فريحه نفسها.. صدقني مفيش احن من قلب فهد.. مشكلته أنه لما بيحب..!!! بيحب بجد..!!!
مصطفى : طلع الخاتم..وسط الزغاريد.. ورفع فنجال القهوة..وشرب منه.. وحطه ف الطبق. وتنح بصدمه كبيره.. ومش عارف يبلع القهوة…
چود : رفعت حاجبها..وقالت جواها.. أحسن عشان تحترم نفسك معايا.وتبطل تشتم فيا..
يوسف : بتعجب.. اله..يلا يامصطفي أنت واقف متنح كدا ليه؟ مش ده اليوم إللي نازل علينا زن فيه. اتفضل عروستك اهي.. لبسها الخاتم علشان نقرأ الفاتحه.. ههههه..
مصطفى : واقف والنار هتطلع من ودانه..ومش عارف يبلع القهوة.. وقال جواه..شطه…!!! يابنت ال….. عايزه تضحكيهم عليا؟ طيب أقسم بالله ياچود لأسود عيشتك..اااه نااار.. ناااار.. أعمل ايه دلوقتي.. شكلي بقى وحش..
أشرف : بص ل مصطفى..بجمود وقال يلا بقى يامصطفى..ف إيه؟
مصطفى : بلع القهوة غصب عنه..وفاتح بوقه..وعينيه دمعت من الشطه..وقال..اء.. حاضر ياجدو.. ونفخ وحاول الثبات.. وراح قدام چود..
چود ؛ وقفت وضحكت الشماته على وشها..
مصطفى : حاول يبتسم.. قال بغيظ دفين.. إيدك ياعروسه..
چود : رفعت أيدها..
مصطفى : لبس ليها الخاتم..
چود : لبست ليه الدبله..
والكل قرأ الفاتحة..وباركوا وهنوا.
مصطفى : ل آركان..عايز ميا.. هاتلي جردل مياااا بسرعه..نااااار..
آركان : بتعجب..يخربيتك بوقك احمر ليه كدا.. وكشر عينيه وقال ااااه يانمس…؛؛ لأ لأ بس لأ مستحيل.. هو قاعد قدامنا معملش حاجه..
مصطفى : ضغط على رجل آركان بجزمته..وقال.. هات ازازة ميا يابني ادم انجززز..هقلبلكو تنين مجنح دلوقتي..
آركان : ينهار اسوس..طيب استنى.. وجري جاب الميا ورجع..
مصطفى : بدهشه. أنت لحقت..
آركان : بثقه.. الفهد الأسود..يعني السرعه القصوى. والأداء المبهر.. أشرب يصحبي.. أشرب وانسى همومك..
مصطفى : فتح الازازاه..وشربها كلها..ومسح بوقه.. وقال بتوعد.. وحياة أمك ياچود لاتشوفي بعد كتب الكتاب هعمل إيه؟ وجنت على نفسها براكش..!!!
——————بقلمي مريم نصار.
بعد يومين كمان..
فيلا العدوي..
مريم و آريان وكريم وتمارا.وفريحه.و آرين.. قاعدين..
سمعوا صوت زغاريد زينب من الجنينة..
مريم : بتعجب يارب خيرا..ياترى زينب بتزغرد ليه؟
تمارا : بقلق..شهادة الثانوية العامة انهردا..و اكيد شهادة أحمد أبنها ظهرت.. وكمان دعاء في تانيه ثانوي.. يارب خير إن شاء الله..
آريان : انا واثق إن أحمد أبنها جاب مجموع كويس..
الولد ده شاطر وعندو طموح..
مريم : يارب يارب نجح الجميع.. أنا بقيت بنسى كتير ..طيب بسرعه اتصلي على مليكة وطمنينا على حياة.هي كمان شهادة… و كارما بنت مالك. وتالين حد راح يجيب شهادتها..
آرين : بحماس. أيوه ياماما المرعب.اء..قصدي آدم راح يجيبها..
مريم : طيب يا آرين الله يكرمك طمنينا على إبن زينب.هي مدخلتش ليه؟
آرين : حاضر ياحبيبتى..جري أهو.. وجريت ع باب الفيلا..وخبطت في حيطة سد..!!!
آرين : رجعت خطوه بسرعه..ورفعت عينيها..وشقهت بدهشه.. آدم..!!!
آدم مراد : شاف آريان وكريم موجودين.. وصاكك ع أسنانه بغيره عشان بتجري قدامهم..وقال كنتي بتجري بسرعه ليه؟
آرين : بلعت ريقها بتوتر..وقالت..اء.. أصل داده. داده زينب..كانت…!!!
آدم مراد : بحده..هو أنا قولت ليكي كام مره إنك مش صغيره. ومتجريش بالشكل ده.. أنتي امتى هتتعلمي..؟
آرين : عيونها لمعت..وقالت بزعل.. أنا كنت بجري عشان……..!!! وسكتت..
آدم مراد : مسح ع شعرو بخنقه..وقال امشي من قدامي يا آرين..!!!
آرين : فتحت عينيها بصدمه.. وحست بالاحراج.. ودموعها نزلت.. وسابته وخرجت من باب الفيلا وراحت الشقه..!!
آدم مراد : قبض ع أيدو..وغمض عينيه بخنقه كبيره..!!!
فريحه : خارجه من المطبخ..وشافت آدم..وقالت..بتعجب.اله..واقف ليه يا آدم..تعالى ياحبيبي.. وطمني على نتيجة تالين أختك..
آدم مراد : دخل..وقال بثبات..نجحت يا أمي..هي فين تالين..!!
فريحه : بفرحه ألف حمد وشكر ليك يارب. هي فوق..هطلع افرحها بنفسي..واتصل ع مراد..
آدم مراد : هز راسه تمام..وقال لمريم.. اذيك يا ماما..
مريم : قالت بجمود..بخير الحمدلله..
آريان : متابع إللي حصل من آدم..وقال. تعالى ياكريم نتمشى في الجنينه شويه.. وأنتي ياتيما..اطلعي صحى ماما..عشان بابا على وصول..
تمارا : شالت محمد وقالت حاضر ياحبيي. وكمان أبارك لتوتا.. وطلعت..
مريم :…………!!!
آدم مراد : مسح وشه بايديه..وقال..مالك يا ماما..!!!
مريم : بتجاهل. مالي بين أيادي الله..
آدم مراد : عرف أنها زعلانه منه..وقعد ع ركبه قدامها.. وقال. زعلانه ليه يا اميرة آدم..!!!
مريم : أبتسمت بعتاب.. وقالت.. طول عمري أميرة آدم..وطول عمري سلطانة المملكة..وطول العمر مميزه بين الكل..وطول عمري عايشه في مكان عالي ومرفوع.كأني ملكة..!!! عارف كل ده ليه؟
آدم مراد :. بصلها وقال..عشان عقلك وحكمتك..!!
مريم : هزت راسها لأ.. لأ يابن مراد لأ.. أنا وصلت للمكانه دي..بفضل الله ثم آدم.. آدم وبس..!!
طول عمره حاططني في مكان ماينفعش حد يتعداه. او يقرب منه سواء قريب أو غريب..
عمر صوته ما اترفع عليا قدام أي حد..
طول عمره يتشرف بيا قدام العالم..
اهتمامه بيا حتى لو بعيد عني.. في وسط زحمة الحياة كان يكلمني ويقولي معاد علاجك يا اميرة آدم..
ديما رافع روحي لفوق قبل قلبي..
والكل بيعمل حساب لاميرة آدم..عشان آدم.. مش عشاني..
ماهو يابن مراد.. الراجل بمعاملته وخوفه على مراته قدام الكل..؟
هو إللي بيرفع مراته لفوق..لفوووق اوووي.. أو ينزلها لسابع أرض ويخلي الكل يدوس عليها..
الست مننا مهما تكبر جواها طفله صغيره..عيله بضفاير.. قلبها بيورد ويصغر لما تلاقي اللي بيحبها رافع قدرها وميزها قدام الناس..
وقلبها بيشيخ ويشيب..لما تتهان ويدوس عليها..
ويحرجها. ويهين كرامتها..!!!
الراجل هو آمان الست.. ويوم مايطردها وتهون عليه.. يبقى مايستاهلهاش..!!!
آدم مراد : غمض عينيه..ولعن نفسه..!!!
مريم : قامت..!!!
آدم مراد : قام بسرعه..وقال ماما لو سمحتي اسمعيني..!!!
مريم : بجدية.. مش أنا إللي المفروض اسمعك.. أنت واقف في المكان الغلط يابن مراد..!!!
وسابته وطلعت ع الجناح..!!!
آدم مراد ؛ صوته رن ف ودنه.. أمشي من قدامي يا آرين..!!!
في مستشفى النور..
كامليا : مش طايقه نفسها..ومش متحمله الوجع والألم..وبتصرخ..
ماجده : بتعيط..يابنتي استحملي الله يهديكي..
كامليا : بصريخ..مش قااادراااااه.. نار بتاكل في وشي..ااااه..مش قاااااادره..
الممرضة.: طيب لو سمحتى خليني أحط ليكي الكريم ده ضروري وهيسكن الألم فوراً..
كامليا : بزعيق.. أنتي متخللللفه..بقول مش قااادره حد يلمسسسسني.. ااااااااه.. نااااااار في وشششي..
تيم : فتح الباب..وجواه إعصار من ناحيتها..
الممرضه : جت تحكي لتيم..
تيم : شاور ليها وقال بجمود.. أنا سمعت كل حاجه..
كامليا : سمعت صوت تيم..وضحكت لكن ضحكتها اختفت..وخبت وشها..وقالت.. لأ لأ.. أنت جاااااي تشمت فياااااا..؛!!!
تيم ؛ وقف جمبها..وقال بجديه.. الشماته فيكي خساره ياكامليا.. وأنا لو بأيدي كنت هكمل عليكي.. لكن للأسف الشديد ماينفعش..
كامليا ؛ بصريخ..اطللللع برررررره.. أنا مش عايزه حححددد..
تيم : حط المخدر في الكانيولا..وقال مش بمزاجي صدقيني..
كامليا : بتفتح وتغمض تحت تأثير المخدر..!!
تيم : بص ليها بكُره واضح.. وقال. استفدتي إيه دلوقتي ياكامليا.؟ شوفتي آخر الشر بيوصل لفين؟ توبي ياكامليا.. توبي وارجعي عن الطريق ده.. وإلا بعد كده مش هتلاقي قدامك غير الهلاك…!!!
——————بقلمي مريم نصار.
Автор: Меріам Насар
في الجامعة..
شادي : أنتي آرين السيوفي..!!!
آرين : لفت تشوف مين..!!!
آدم مراد : بغضب العالم…!!!!
فيلا السيوفي..!!!
چود : بسعادة بتفتح كارت الفرح وقالت..لما أشوف تيفا كاتب إيه في كارت فرحنا….وبتقرا.. وفتحت عينيها بصدمه..وقالت ينهار أبوك….!!!!!–
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
