رواية طبيب القرية الفصل الثامن والعشرون 28 بقلم صفاء حسني
رواية طبيب القرية الجزء الثامن والعشرون
رواية طبيب القرية البارت الثامن والعشرون
رواية طبيب القرية الحلقة الثامنة والعشرون
نهر كانت مشغلة الفيديو على اللاب وملامحها كلها خوف ..
نهر : أنا مش قادره أتلم على أعصابي ومش عارفه أتصرف إزاي..
ريهام : ليه بس يابنتي ..
نهر : حصلت حاجة إمبارح ومش عارفه أتصرف ..
ريهام : هي إيه ومالك مرعوبة كدا يابنتي ..
نهر : مرعوبة دى حاجة بسيطة على اللي شوفته ..
ريهام : اهدي طيب واحكيلي ..
نهر : بعد ما أديت لسليم المهدئ بساعه دخلت أنام لاقيت سليم جاي على الخيمه بتاعتي وشكله غريب وبيضحك ..
فلاش ….
سليم : ههههه ضحك عليكي سليم صح قالك إنه عايز يتجوزك علشان أمه زبيدة ..
يا غبية هو عمل كدا علشان يصعب عليكي و تاخديه في حضنك وتحكي لزبيدة وتقوليلها تسامحه ويرجع الإبن لأمه دا بعينه …
نهر : كنت بغمض وأفتح عيني مش مستوعبه في الأول بس توقعت إن دي الشخصية التانيه لسليم فحبيت أجاريه ..
نهر : وإنت إيه اللي مضايقك لما يتجوزني على الأقل هترتاح منه ومش هيتجوز زبيدة …
سليم : هههه لا طبعاً أنا عارف إنه أكيد بدأ يحبك وعارف إن عمره ماكان بيفكر في زبيدة التفكير دا لكن أنا اللي خليته يعمل كدا ومش هخليه يتجوزك مفهوم ..
نهر : بيحبني أنا إزاي مش هو كتب عقد عرفي علشان يتجوز عمتو زبيده يبقى بيحبها هي ..
سليم : هههه إنتي عبيطة ماهو متعلم وعارف إنه مايجوزش يتجوز واحدة من غير موافقتها وكمان عارف إن بكدا زبيدة هتكون محرمه عليا ..
نهر : محرمه عليك وإنت أي دخلك بقى هي هتكون محرمه على مالك مش إنت ..
سليم : ههههههه ما أنا مالك ولازم أخليه يتجوزها علشان تكون ملكي أنا علشان كدا اقنعته يعملها بس هو رفض وبعد ما أنا كتبت العقد هو قطعه بس كان لازم أسيطر عليه ويقول للكل إنه اتجوز زبيدة عرفي علشان مالك يقطع الأمل وكمان زبيدة تكره سليم ..
نهر بصدمه : يعني زبيدة متجوزتش سليم بعقد عرفي …
سليم : طبعاً لأ زبيدة ليا أنا وبس..
أنا حبيب زبيدة أنا اللي كنت دايما بجيلها في أحلامها وبتنادي عليا أيام وحدتها يعني إنتي فاكرة بنت تعيش كل السنين دي من غير جواز وتقدر تمسك نفسها حتى في الحلم …
نهر : أعوذ بالله إنت قرين مين وإمتا دخلت في سليم ..
القرين : أنا دخلت فيه قريب جداً كنت الأول دائماً قاعد في أوضة زبيدة وبراقبها سنين وأنا قافل قلبها من إنها تحب حد ..
نهر : يعني إنت كنت لابسها طيب خرجت منها ليه …
القرين :لا مدخلتش فيها لكن لما سليم كبر اتلبستوا هو وأنا اللي أثرت عليه وخليته يصر عليها علشان تعترف بالحقيقة وسليم كان تايه مش مظبوط ودخل على أوضة زبيدة لما رجع علشان يستسمحها بعد ماسمع كلام شمس ونور وقتها أنا حليتها في عينيه
وهي مش هتقع في حبي أنا بس هو شاب وسيم وجميل ولازم أسيطر عليه علشان أكون مع زبيدة وتحبني ..
نهر : طيب ليه ما لبستش زبيدة ولبست سليم …
القرين : زبيدة اه أحياناً بتكون ضعيفة لكنها قريبه من ربها أوي مفيش فرض بتفوته ودايما بتقرأ قرآن مقدرتش أقرب منها بس أنا عشقتها بجنون ومش هسمح لأي حد يقرب منها …
نهر : وسليم ذنبه إيه بس…. إنت بهدلت دكتور وشاب علشان رغباتك وليه ظهرت قدامي دلوقتي ..
القرين : علشان إنتي قدرتي تتملكي من عقل وقلب سليم وبدأ يرفض وجودي وبدأ يسيطر على نفسه وإنتي السبب حتى الدكتور النفسي مقدرش يعالجه بس إنتي واقفة قدامي ومش خايفة مني ..
نهر : أعوذ بالله من الشيطان الرجيم أخاف منك إنت ليه وربنا معايا حرام عليك أخرج من سليم وارحمه ..
القرين : إنتي كمان شبه زبيدة قوية وقريبه من ربنا وقرأتك للقرآن كل يوم على رأس سليم بعد ماينام استفزتيني بعد ما كنت موهوم إن سليم بشخصية مالك وسليم كان لازم يسمع كلامي ويتجوز زبيدة ويقع في حبها مش فاهم إزاي حبك إنتي …
نهر : وإنت بقى مضايق علشان قدرت أسيطر عليه صح …
القرين : اه وأنا هبعده عن تأثيرك ..
نهر : ولو مبعدش من تأثيري هتعمل إيه ..
القرين : طول ماإنتي بعيده عنه هيبقى بعيد عن تأثيرك وعلشان كدا ظهرتلك وبقولك مش هتتجوزيه لأنك لو اتجوزتيه هتموتي فاهمة …
نهر : ومين اللي هيقتلني إنت …
القرين : اه مش خايفة عايزه تجربي ..
نهر بتحدي : مش هتقدر..
القرين : إنتي بتتحديني ..
نهر بتحدي : اه علشان إنت موجود في جسم سليم وإنت اعترفت دلوقتي إنه بيحبني وزي ماهو مقدرش إنه يمضي على عقد جوازه من عمتي زبيدة مش هيقدر يقتلني …
سليم عينيه تحمر ومسك ايدها بعنف وصوته أتغير ..
انا هقتله لو مرجعتنيش عند زبيدة ودي آخر بلد هتروحي فيها وبعدها تروحي على طول على مكان زبيدة فاهمة ….
ساب ايدها وبدأ جسم سليم يتنفض
نهر بدموع : خلاص بلاش أرجوك سيبه أنا هوديك عندها….
سليم وقع مغمى عليه
نهر تجري ناحية سليم..
نهر : سليم أرجوك فوق ياسليم أرجوك …
باك ****
ريهام : يا نهار أسود يانهر وإزاي قدرتي تقفي وتتكلمي معاه من غير خوف ؟ وسليم عامل إيه دلوقتي ؟…
نهر : حرارته ارتفعت وفضلت طول الليل أعمله كمادات بارده و اديته حقنة خافضة وحرارته منزلتش
نهر بدموع : خايفة يموت مني ياريهام …
ريهام : القرين دا مش سهل يانهر وهو بيوريكي هو يقدر يعمل إيه في سليم طيب هو فين دلوقتى ؟
نهر : سألت على شيخ في البلد وحكيتله وهو بيقرأ عليه قرآن دلوقتي…
ريهام : مشعوذ يعني إنتي متعلمة يانهر أكيد دا مرض نفسي هو عنده إنفصام في الشخصية …
نهر : طب إزاي أنا أتأكد إن كانت فعلاً روح لابساه أو قرين أو إن كان عنده إنفصام في الشخصية ..
ريهام : أكبر غلطة إنكم شغلتوا المستوصف دا بعد الحريق واللي حصل فيه سليم هنا كان كويس إشمعنا حصله دا بعد ماجه عندكم …
نهر : ما أنا حكيتلك اللي حصل واللي قاله معتز …
ريهام : معتز أساساً مش قريب من سليم للدرجادي وخصوصاً بعد ماعرف إن أبوه عينه على زبيدة يعني ممكن يكون بيضحك عليكي أو إن سليم مراحش لدكتور أساساً …
نهر : إنتي بتقولي إيه طيب أنا هاقفل معاكي دلوقتي وهسأل عمتو زبيدة على حاجة وأشوف الشيخ عمل إيه مع سليم…
ريهام : ماشي ياحبيبتي خلي بالك وأنا رأيي إن زبيدة ترجع أو إنتي وسليم تروحوا عندها أساساً معظم قرى الصعيد بسمع إنهم بيصدقوا في الأعمال والأرواح وفي عندهم مشعوذين كتير …
نهر : إنتي مش مصدقاني صح ومفكره إني بخرف أهل الصعيد عارفين ربنا ماسمحلكيش إنك تغلطي فيهم ياريهام…
ريهام : أنا مقصدش كلهم يابنتي وإنتي وهما على راسي من فوق بس اللي إنتي بتقوليه دا ميطلعش من ناس متعلمه والبلد اللي إنتي فيها مهجورة وبالليل متسمعيش صريخ إبن يومين الكل نايم ومتنكريش إن في ناس جاهلة وبتعمل أعمال توقف حال بنت علشان تعنس أو الحاجات اللي زي دي إهربي بسليم من المكان دا أكيد دا لبسه هناك …
نهر : في دي عندك حق أنا هحجز في القطر وهروح اسكندريه وأشوف أحسن دكتور نفسي هناك …
ريهام : عين العقل سلام ..
*****************
نهر راحت الجامع ودخلت الجامع ..
الشيخ : إنتي متأكدة يابنتي من اللي إنتي جولتيلي عليه ….
نهر : آه ليه يا شيخ ؟..
الشيخ : أصل …
فجاءة خرج سليم وهو كويس أوي وكله نشاط ..
سليم : متشكر يا شيخنا صوتك حلو أوي ..
نهر باصه لسليم ومستغربة ..
الشيخ : تعالي يابنتي دجيجة بعد إذنك
نهر : حاضر بس أفهم ..
سليم : تفهمي إيه مش أنا وإنتي جينا الصبح علشان نسأل الشيخ ..
نهر : نسأله عن إيه ..
سليم : إيه ياحبيبتي إنتي نسيتي ( قرب منها ومسك ايديها )
على مأذون علشان نتجوز وهو قال إن في مأذون هنا …
نهر بلعت ريقها وهي مش فاهمة حاجة ..
الشيخ : أني جلتله ميستعجلش بس هو مصمم تعالي معايا عند بنتي تجهزك علشان تتجوزوا …
نهر : حاضر ..
سليم : عايزك تبقي زي القمر ماشي ياقلبي ..
نهر بخوف : حاضر ..
الشيخ روح إنت مع الشباب علشان يجهزوك …
سليم ببتسامة : أكيد ..
نهر : هو حصل إيه ياشخينا ..
الشيخ : أول ما بدأت أجرا عليه قرآن لاجيته جام مرة واحدة فاج وكأنه مش شايفني ودخل اتوضى ووجف وطلب مني أكون الإمام بتاعه …
فلاش باك
سليم : ممكن طلب ياشيخنا ..
الشيخ : إتفضل يابني …
سليم : عايز أصلي آخر صلاه ليا في البلد دي وتكون إنت الإمام بتاعي …
الشيخ : حاضر يابني لكن هو إنت خلاص هتسيبنا يابني ..
سليم : آه وحاسس إني مجهد وتعبان حتى إنه أغمى عليا والدكتورة كانت قلقانه عليا أوي..
الشيخ : إيوا هي كانت جلجانه عليك جوي ومتوترة وأكيد تعبت هي كمان …
سليم : آه فعلاً تعبت معايا من كفر لكفر ومستقرتش طيب ممكن طلب كمان…
الشيخ : إتفضل يابني ..
سليم : كنت عايز أكتب كتابي على الدكتورة لأني بحبها وهي بنت عمتي بس مش هفضل أشرح لكل كفر وكل بلد نروحها إن إحنا قرايب علشان سمعتها في وسط الناس ….
الشيخ : طيب وأهلكم يابني …
سليم :كتب كتاب بس ياشيخنا ولما نرجع بلدنا نعمل فرح وسط أهلنا ..
الشيخ : حاضر يابني اللي تشوفه ..
بالك
نهر : يعني محستش خالص إن فيه حاجة مش طبيعيه ..
الشيخ : الدكتور طبيعي جوي أكيد إنتي كنتي مجهده يابنتي وهو كمان لكن إنتي موافجة على كتب كتابكم يابنتي ..
نهر : أني آه ياشيخ هو عنده حج ..
وفعلاً أهل الشيخ جهزوا نهر وكمان سليم جهز … وصل الشيخ وبدأ كتب الكتاب ..
جه إتصال لنهر من ريهام..
نهر : الو أيوه ياريهام ..
ريهام : عملتي إيه وإيه صوت الزغاريد دي..
نهر : أنا هتجوز سليم ..
ريهام بصدمه : إنتي بتقولي إيه 😳 ليه يابنتي ؟!!…
نهر : دا اللي وصلتله ولو فعلاً عنده إنفصام هيبان ولو كانت روح لابساه أو قرين برضوا هيبان …
ريهام : لكن دا خطر عليكي إنتي كدا بتعرضي نفسك للخطر ..
نهر : معنديش حل تاني علشان أنقذ سليم …
ريهام : إنتي شكلك حبيتي سليم يانهر ومش عارفه قرارك صح ولا غلط بس لو لسه الكتاب ما اتكتبش فكري تاني يانهر ..
نهر بدموع إيه الحل طيب حرام اتخلى عنه أعمل إيه ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طبيب القرية)
