رواية ملكت النادر الفصل الأول 1 بقلم حياة

رواية ملكت النادر الجزء الأول

رواية ملكت النادر البارت الأول

رواية ملكت النادر الحلقة الأولى

بارك الله لكما وبارك عليكما وجمع بينكما في خير
مفوقتش غير على الجملة دي اللي غيرت حياتي من بعدها بصلي نادر بفرحة كبيرة وباسني في راسي لفيت وشي الناحية التانية وبصتله بقرف اتنهد وسحبني للعربية حتى اهلي ما ودعتهمش ده لاني بقيت اكرههم
وصلنا
نزلت من العربية بدون ما استناه يفتحلي الباب وخرجت وسيبته بيطلع في الشنط ودخلت القصر فضلت واقفة مستنياه
مليكة : انا حقعد فين وسحبت واحد من الشنط بتاعتي منه
نادر : الجناح اللي فوق على اليمين ده كله بتاعنا
مليكة : تمام
وروحت وانا بسحب شنطتي دخلت كان جناح بيسحر فعلا بس ما اهتمتش دخلت اوضة من الاوض اللي في الجناح فتحت الدولاب لقيت ملابسه عرفت انها الاوضة بتاعته فخرجت ودخلت اوضة تانيه قلعت الفستان ورميته في الزبالة و لبست إسدال الصلاة لقيته دخل بصلي بابتسامة لما شاف إسدال الصلاة
نادر بابتسامة : يلا نصلي
صلينا
نادر : تقبل الله
بصيتله ببرود ومردتش عليه
اتنهد وقال : دي الاوضة الغلط اوضتنا اول اوضة على اليسار
مليكة : الاوضة دي بتاعتي وانت الأولى بتاعتك
نادر بعصبية : هوا انتي هتستعبطي ايه اللي بتاعتي وبتاعك
مليكة بصوت عالي ودموع : مش انت اتجوزتني غصب وانت عارف اني مش عايزاك مش بحبك ده حتى انا بكرهك يا نادر بكرهك
نادر : جرا ايه يا مليكة بطلي تلعبي دور الضحية عشان انتي مش الضحية انتي الرخيصة
مليكة بصدمة : انت بتتكلم معايا كده ليه
نادر : دي الطريقة اللي تستحقيها
مليكة بانهيار : انا بكرهك يا نادر
نادر : إذا كان الحب بيذل الواحد كده فيلعن ابو الحب انا بطلت احبك انا بكرهك يا مليكة سامعة بكرهك
مليكة بصدمة حست كأنها فقدت حاجه غالية لما قالها كده : اللي بيحب بجد عمره ما بيقدر يكره وانا ما اجبرتكش تحبني
نادر: قولتلك بطلي تعيشي دور الضحية فوقي لنفسك
مليكة : انت بجد مش نادر اللي اعرفه
نادر : نادر اللي تعرفيه ما”ت وانتي اللي قت” لتيه بعمايلك من النهارده هوريكي وشي التاني
مليكة : انا عملتلك ايه عشان تتكلم معايا َده
نادر : هوا انتي ايه اللي ما عملتيهوش مش عارفة انا هعرفك اول حاجة يوم عيد ميلادك.
فلاش باك
نادر : كل سنه وانتي طيبه يا موكة السنه الجاية نحتفل مع بعض يارب وربنا يخليكي ليا يا احلى واجمل مليكة في الدنيا
❤️❤️
مليكة عملت seen ومردتش
نادر : بتقرا ومبتردش يا عم التقيل طب ماشي مش مشكلة افتحي الباب هتلاقي صندوق وافتحيه يارب يعجبك
مليكة فتحت الباب ولقت صندوق كبير فتحته لقيت فستان زفاف كبير وشوكولاتات كتير وعقد الماس غالي قطعت الفستان و رمت الشوكولاتة وعقد الألماس في الزبالة وبعتت صورتهم لنادر نادر فتحت التلفون لقي رسالة من مليكة فرح وفتحها بس معالم وشه اتغيرت لما شاف الصورة ومردش…
نادر : تاني حاجه يوم الحب
نادر عمل حفلة كبيرة على البحر وعزم كل أهله وأصحابه هو ومليكة
نادر مسك الميكرفون وقال بحب : بحبك يا مليكة يا اغلى واحلى حاجه في حياتي
الكل سقف وفرح والكل بصوت عالي قال : قوليها يا مليكة يلا
مسكت مليكة الميكرفون وقالت : وانا بكرهك يا نادر بكرهك
نادر يصلها بعتاب ولوم وراح ركب عربيته وساب المكان والكل بصلها بغضب وحزن و راحوا
نادر تالت حاجه لما كنتي هتهربي مع الواد الملزق بتاع السجاير
مليكة : قطع لسانك متقولش عليه ملزق انت الملزق اسمه ظافر
نادر بصلها بغضب وعيون حمراء وكمل :
مليكة بانهيار : يا ظافر اهلي عايزين يجوزوني غصب عني
ظافر باصطناع الحزن : متخافيش يا مليكة انا مستحيل اسيبك تتجوزي غيره
مليكة بفرحة : هتعمل ايه
ظافر بخبث : اسرقي المهر بتاعك من أهلك وبيعي الدبلة وتعالي هنهرب
مليكة : لا يا ظافر انا مش هاخد حاجه تخصه انا مش عايزة منه حاجه
ظافر : ياحبيبتي انتي عارفة انا على قد حالي وعايش على كشك السجاير بس وعايش بالعافيه عليه انتي مش هتقدري عل عيشتي
مليكة بفخر وحب : يا حبيبي انا لو عشت معاك على عيشة وجبنه بس هكون مبسوطة المهم معاك
ظافر بغضب من غبائها : انتي غبية يا بت انتي بطل محن شوية وانا قولت اللي عندي جيبي الفلوس وتعالي والكلام خلص وقفل في وشها
مليكة لما لقت مفيش حل سرقت الفلوس من دولاب ابوها وكانت خارجه خلاص من البيت بس فاجئها صوت ابوها
ابوها : رايحة فين
مليكة : خارجة مع نادر
ابوها : نادر خلاص اخرجي سلميلي عليه
وخرجت وباعت الدبلة وهي في طريقها لكشك السجاير بتاع ظافر شافها نادر وهو راجع من الشغل
نادر : مليكة خارجه لفين ولوحدها انا هتصل على عمي
ابو مليكة بقلق : الو يا ابني انت ومليكة كويسين
نادر باستغراب : انا ومليكة؟؟!!!
ابو مليكة : ايوة مش هي معاك؟؟!
نادر : لا مش معايا
ابو مليكة بقلق : بس مليكة قالتلي انها خارجه معاك معاك اوعى تكون هربت تاني
نادر : أهدى يا عمي انا اتصلت فيك عشان شايفها قدامي ولوحدها انا هجيبها
ابو مليكة باحراج : انا اسف يا ابني
نادر : انت معملتش حاجه يلا يا عمي سلام عشان انا وراها
عند مليكة وصلت كشك السجاير
شافت ظافر وجريت عليه حضنته
مليكة : ظافر وحشتني انا بحبك اوي اوي و
فجأة شافت نادر وراء ظافر بيبصلها بغضب وعيونه بقت حمراء خالية من المشاعر ومرة واحدة ضرب ظافر ضربة وقعته خلته مش عارف يقوم
نادر : قدامي على العربية قبل ما اجيب أجلك وآجله دلوقتى
عودة من الفلاش باك
نادر : كفاية لحد كده مش عايز افتكر الباقي الاسوا من كده عرفتي انك رخيصة
مليكة : انت الرخيص يا نادر انت الرخيص اللي هتمو”ت وتتجوزني شوفت
نادر بصلها بغضب وكسر الاباجورا اللي جنب السرير ايده جابت د” م
مليكة : ايدك بتنز”ف اوي ومسكت ايده
نادر سحب ايده وزقها وخرج ركب العربية وكلامها بيتردد في ودنه : انت الرخيص اللي هتمو” ت وتتجوزني
نادر وهو بيحط ايده على ودنه وبيغمض عيونه : كفااااااية اخرجي من دماغي كفاااااااااية
ومرة واحدة بتيجي عربية مسرعة نحوه ووو