رواية معذبي 2 (ماسة 2) الفصل الثاني 2 بقلم منال عباس

رواية معذبي 2 (ماسة 2) الفصل الثاني 2 بقلم منال عباس

رواية معذبي 2 (ماسة 2) الجزء الثاني

رواية معذبي 2 (ماسة 2) البارت الثاني

رواية معذبي 2 (ماسة 2) الحلقة الثانية

تدخل بروك على جون فجأة وهى تنظر إليه باستغراب …
لتسأله ايه اللى سمعته دا يا جون يغلق
جون الهاتف بقلق ويستدير لها ..
جون : فى ايه يا بروك ..بتتكلمى عن ايه …
بروك : بابا بيقول انك موافق على خطوبتى من احمد …اومال ليه بتكلمنى على انك رافض وبتكلمنى عن الحب …
جون وهو يأخذ نفسه …كنت بحاول اتاكد من مشاعرك ناحيتى بس انتى خلاص قولتى دا لمزاجنا مش اكتر …وانتى طبعا حرة
بروك : طب ما تكشرش كدا يا بيبي …انت عارف ان احمد مجرد هدف للوصول ل ماسه …اكيد في حاجات كتير البنت دى تعرفها …ودا مش هيمنع اننا نكون مع بعض …
جون : بس انا مش بستحمل حد يلمسك غيرى …
بروك بضحك : شغلنا مش فيه مشاعر يا جون حاول ترجع لعقلك …
جون : انتى صح …
بروك : يلا حدد وقت علشان ابلغ احمد
جون : خليه يجى بكره على العشاء …
بروك : تمام …وذهبت بسرعه للاتصال ب احمد واخباره عن الميعاد …بقلم منال عباس
عند ساجد وماسه
فى مطعم مشهور على النيل لا يوجد سواهما فقد حجز ساجد المكان لهما سويا …وعلى أنغام الموسيقى الهادئه كان يتراقصان سويا …حيث كان ساجد يحتضن زوجته فهو يريد أن يدخلها بين ضلوعه …كم كان عاشق لتلك الماسه بين يديه …
ماسه : دى احلى مفاجئه يا سجودى بجد تحفه والموسيقي روووعه …كل حاجه بجد تحفه …انا بحبك اووووى
ساجد وهو يرى الفرحه فى عينيها
مش اكتر من حبي ليكى يا ماسه …انتى بقيتى حته منى ..بحسك بنتى …انا بعشقك …
ماسه : اوعى لما نخلف بنت ..تحبها اكتر منى ..انا بغير ….
ساجد : من ناحية انى هحبها ..ايوا هحبها لأنها حته منك ..لكن مفيش حد ياخد مكانك ابدا ….بقلم منال عباس
وصل الجرسون بالعشاء …
ساجد : يلا نتعشي وجلس سويا
ماسه بدأت تشعر بانقباضات فى معدتها …ولا تستطيع تناول الطعام
ولكنها تحاول ألا تظهر ذلك لساجد حتى لا تفسد هذا الجو الرومانسي …
عند مروان
وصلت دكتور مريم …واستقبلها مروان
بترحاب
مروان : اتفضلى معايا وصعد لحجرة كامى …وطرق الباب ودخل
كامى وهى تفتح عينيها ببطئ : فى حاجه يا مروان
مروان : ايوا يا كامى هنا دكتور مريم عايزة تكشف عليكى ..علشان نطمن
كامى : ليه بس يا مروان دى حاجه بسيطه ..
مروان : ثوانى اخليها تدخل ودعى دكتور مريم للدخول
مريم وهى تنظر إلى كامى ببعض من الغيرة ..فهى تحب مروان ولكنه لا يعلم بذلك …
مريم : مساء الخير مدام كاميليا
كامى : مساء الخير
مريم : بعد اذنك هكشف عليكى علشان نطمن دكتور مروان ونظرت إلى مروان بحب ..ولاحظت ذلك كامى
كامى بغيرة : اتفضلى
وقف مروان بعيدا وهو قلق على كامى
حتى انتهت مريم من الكشف عليها
مريم وهى تشعر من داخلها بخيبه امل
مريم : مبروك يا دكتور مروان …المدام حامل يتربي فى عزك ..بقلم منال عباس
مروان بفرحه : انتى بتتكلمى بجد
مريم : ايوا يا دكتور …وفى الشهر التانى كمان ….
مروان وهو يحتضن كامى : الف مبروك يا روح قلبي..دا احلى خبر فى حياتى ..
كامى بفرحه هى الأخرى : الله يبارك فيك يا حبيبي
مريم : هكتبلك شويه مقويات ..ومطلوب عمل التحاليل دى واشوفك فى العيادة أن شاء الله
مروان : أن شاء الله…
مريم : استأذنكم انا …
خرج مروان وراءها ..وشكرها على المجئ وحاول أن يعطيها المال مقابل الكشف …ولكنها رفضت بإصرار
مريم : ما يصحش يا دكتور مروان ..وخيرك سابق ….ياما كشفت على ماما …
مروان : احنا اخوات ..وربنا يديم المعروف ..يلا علشان اوصلك الوقت اتأخر ..
مريم : مفيش داعى ..معايا العربيه تحت
مروان : طيب خلى بالك من نفسك..وودعها وغادرت المكان
عاد مروان إلى زوجته بعد أن طلب من الأمن إحضار الدواء من أجل كامى
مروان : رايحه فين يا كامى ..
كامى : مش ملاحظ أن البنت دى عينها منك يا مروان ..
مروان باستغراب : انتى بتقولى ايه ..دى زميله معايا فى الشغل …وانسانه محترمه ..
كامى بغيرة : يعنى ماكنش فى حاجه بينكم ..بقلم منال عباس
مروان : بس يا مجنونه ..انتى عارفه أن مفيش حد ..فى حياتى غيرك ثم ضحك هى هرمونات الحمل هتشتغل بدرى كدا …
كامى : انا بحبك يا ميرو وبضايق واخاف حد ياخدك منى
مروان : انا كلى ليكى يا روح الروح ..
يلا استريحى ..وانا هجيب ليكى اللبن
عايز ابنى ينزل متغذى …
كامى : افرض بنت
مروان : كلهم نعمه من ربنا …
فى صباح يوم جديد على أبطالنا
تستيقظ ماسه على الم شديد في معدتها …
ماسه وهى تحاول أن تقوم من السرير
ولكنها لم تشعر بنفسها لتقع مغشيا عليها من شده الدوار …
استيقظ ساجد على صوت اصتدام جسد ماسه بالأرض …نهض مفزوعا وجرى بسرعه عليها
ساجد بخوف : ماسه … حبيبتى مالك
وحملها ووضعها بالسرير. …وأحضر البرفان ورش على وجهها وبالقرب من أنفها حتى أفاقت ..
ساجد : مالك حبيبتى حاسه بايه
ماسه : مش عارفه..حسيت بدوخه فجأة …بقالى كام يوم على كدا
ساجد : انتى بتهزرى ..ليه ساكته لما بقالك كام يوم …واتصل على والدته
آمال : صباح الخير يا حبيبي
ساجد : صباح الخير يا ماما ..كنت عايز أسألك عن رقم دكتورة ست …لماسه
آمال : مالها ماسه بعد الشر ..
ساجد : تعبانه شويه وحصل ليها اغماء فجأة ..
آمال : طب انا هتصل على دكتور فريدة …وانا جايه فى الطريق
ساجد : تمام يا ماما تنورة …واغلق الهاتف
ماسه : ليه كدا يا ساجد ..قلقت طنط …
ساجد : انا مش هرضي أن دكتور راجل يشوفك ..وماما هى اللى تعرف مين المناسبه ليكى ..بقلم منال عباس
ماسه : خلاص اللى تشوفه …
ساجد : تحبي ابلغ صبا ….
ماسه : مفيش داعى انت عارف النتيجه هتظهر النهارده ..وزمانها قلقانه …
ساجد : اه صحيح ربنا ينجحها …يسمعا طرق الباب
ساجد : ادخل ..
لتدخل داده فاطمه لتخبرهم بقدوم صبا وعمر
ساجد : سبحان الله كنا لسه فى سيرتهم …طب نازل ليهم …ونظر إلى ماسه ..خليكى مستريحه ..انا هخلى صبا تطلع ليكى …
نزل ساجد إلى الاسفل ورحب بهم
عمر : عارف ان الوقت بدرى ..بس صبا صممت تيجى وتفرحكم معاها
ساجد : واضح انك نجحتى …
صبا : الحمد لله نجحت وطلعت الاولى على الجمهوريه ..
ساجد بفرحه : ما شاء الله …بجد تستاهلى يا صبا …دى ماسه هتفرح اوووى …انتى وناسه بجد عباقرة …
اطلعى ليها وفرحيها ..
صبا : حاضر وصعدت بسرعه لأختها …
ساجد وهو يجلس مع عمر
ساجد : مبروك يا عمر ..الحمد لله انك وفيت بوعدك ل صبا وساعدتها وبقت الاولى ..
عمر : انا عايزك تبارك ليا على حاجه تانيه كمان
ساجد : مبروك بس على ايه
عمر : دخلتى على صبا كانت امبارح
ساجد : معقول …قدرت تصبر كل دا
عمر : علشان خاطر صبا اعمل المستحيل..
ساجد : ربنا يسعدكم يارب والف مبروك على كله وغمز له المهم قولى سبع ولا ضبع
عمر : عيب عليك ابن عمك سبع ديما …
ساجد : طب تعالى نطلع ليهم وصعدا لهم
ماسه : الف مبروك يا حبيبه اختك …
انا متأكدة أن بابا وماما حاسين بينا
وزمانهم فرحانين احنا الاتنين طلعنا الاوائل ..
صبا :الحمد لله ..بس ليه لونك مخطوف كدا يا ماسه ..
ساجد : ماسه تعبانه شويه ..ومنتظرين الطبيبه..بقلم منال عباس
صبا بقلق : مالك حبيبتى بعد الشر
ماسه : مش عارفه …بحس بدوخه ومعدتى بتوجعنى ..تقريبا برد ..بس انتى عارفه ساجد كبر الموضوع..
ساجد : لازم نطمن حبيبتى …
على دخول آمال والدته ومعها دكتور فريدة …
آمال : ماسه حبيبتى …سلامتك
دكتور فريدة هتكشف عليكى
ماسه : الله يسلمك يا طنط ….
خرجوا جميعا من الحجرة وتركوا دكتور فريده مع ماسه …
وبعد الكشف عليها …سألت فريده ماسه أسئله عديده …
فريدة : الحقيقه يا مدام ماسه …

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية معذبي 2 (ماسة 2) )