رواية بنت يتيمة الفصل الأول 1 بقلم مرام
رواية بنت يتيمة الجزء الأول
رواية بنت يتيمة البارت الأول
رواية بنت يتيمة الحلقة الأولى
كنا في مصراته مقعمزين في حوش جدي ونهدرزو وجونا سمح جي تلفون لي ماما انه جدي لي في طرابلس تعبان واجد ولازم تكون موجوده وكان في طرابلس حرب لمهم ماما كلمت بابا وقتله لازم نعدو لي طرابلس قالها تمام صبح نرفعك قتله تمام تاني يوم صبح جت ماما تنوض فيا عشان نعدي معاهم لي طرابلس
ماما. مرام نوضي بنتي معش وقت عشان نطلعو لي طرابلس
انا. ها ماما مزال وقت نبي نرقد
ماما. نوضي جهزي روحك وبعدين ارجعي ارقدي في طيارة
انا. حاضر هي
نضدت جهزت روحي وطلعنا لي مطار لي طرابلس وصلنا لي طرابلس وعديناطول لي جدي في مصحه قعدنا معه وبعدها عدينا لي حوش جدي لقينه واجد ناس تسأل ع جدي لمهم قعدنا في طرابلس حوالي اسبوع وجدي قاعد في مصحه لمهم جي بابا لي ماما وقلها نكلم واحد من ولاد لي فاضي يطلعنا ناخدو حاجات من طرابلس قبل نرجعو لي مصراته لمهم بابا كلم مصطفي وجي رفع بابا وماما كنت نبي نطلع معاهم قالو لا مافي طلوع معنا وضع برا غير صحيح لمهم رجعت داخل وخشيت رقدت ومنها معش نضدت لن جاني خوي كبيره ينوض فيا طبعا خوتي كلهم يخدمو في طرابلس جي ينوض فيا
محمد. مرام مرام
انا. ها ها نعم متخلو حد يرقد
محمد. نوضي امك وبوك
انا. خيرهم تكلم وانته تتكلم زي معاق كنك تخوف فيا
قعد يبكي ومنها عرفت انه اهلي صاير عليهم لمهم قعدت شويا شويا نستوعب شن يقول نسمع فيه يقولي مرام ره اهلنا مشو خلاص طاح عليهم صاروخ وماتو معش بنشوفو اهلنا من بعد كلام هدا معش حسيت بي شي ومعش نعلم بي شي يعني شعور شين لما يكونو جنبك في يوم وليله يعدي كل شي تعدي امك وبوك وخوك في نفس الوقت ونفس ساعه ونفس مكان ما شبعت منهم
يتبع
لقراءة الفصل التالي : اضغط هنا
لقراءة الرواية كاملة اضغط على : (رواية بنت يتيمة)
